Wararka

WARARKA MAANTA 6da Nofeembar 2026 

Su’aalaha Maanta: Yaa noqon doona Madaxweynaha cusub ee #Soomaaliya? Maxuuse ku fashilmay Madaxweyne hore Xassan Shiikh oo Guddoomiyihii hore Maxkammadda Sare Mudane Baashe Yuusuf oo xilka laga qaaday? Yaa noqday madaxweynaha xilka ku fashilmay laba jeer Xassan “Dhuuso-Fooxiye”? Yaa bangiga adduunka dhaqaalihii u diiday?  Yaa baabi’iyey dastuurkii lagu heshiiyey? Yaa diiday inuu dhiso Maxkammadda Dastuuriga ah?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

China 6da Nofeembar 2026 Wafdi heer Federaal ah oo ka socda Dowladda Federaalka Soomaaliya, kana kooban qaar kamid ah Wasaaradaha kala duwan ee Dowladda, Hey’ado iyo Xafiiska Ra’iisul Wasaaraha, ayaa ka qayb-galay Bandhigga Caalamiga ah ee Soo-dejinta Shiinaha (China International Import Expo), kaas oo lagu soo bandhigay fursadaha ganacsi, maalgashi iyo wax-soo-saarka dalalka kala duwan ee caalamka.

Wafdiga Soomaaliya waxaa hoggaaminayay Wasiirka Wasaaradda Ganacsiga iyo Warshadaha ee XFS Jamaal Maxamed Xasan, iyadoo wasaaradaha kala duwan ee dalka ay bandhigga ku soo bandhigeen wax-soo-saarkooda, khayraadka dabiiciga ah iyo fursadaha maalgashi ee ka jira Soomaaliya.

Intii uu socday bandhigga, dhinaca Soomaaliya waxaa si gaar ah diiradda loo saaray soo bandhigidda khayraadka macdanta dalka, iyadoo la soo bandhigay noocyada kala duwan ee macdanta laga helo dhulka Soomaaliyeed iyo goobaha laga helo.

Ka qaybgalka Soomaaliya ee bandhiggan wuxuu fursad u yahay in caalamka loo soo bandhigo baaxadda khayraadka dabiiciga ah ee dalka, isla markaana indhaha maalgashadayaasha caalamiga ah lagu soo jeediyo fursadaha ka jira qaybta macdanta iyo warshadaha, Sidoo kale, bandhiggan wuxuu qayb ka yahay dadaallada Dowladda Federaalka Soomaaliya ee lagu xoojinayo xiriirka ganacsi ee caalamiga ah, dhiirrigelinta maalgashiga shisheeye iyo kobcinta wax-soo-saarka dalka

Dhuusamareeb 6da Nofeembar 2026 Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa magaalada Dhuusamareeb ee caasimadda Galmudug kaga qayb galay munaasabad casho sharaf ah oo lagu maamuusay mas’uuliyiinta iyo marti-sharaftii ka soo qayb gashay xafladda caleemo-saarka Hoggaanka cusub ee Dowlad Goboleedka Galmudug.

Madaxweynaha ayaa khudbad uu ka jeediyey munaasabadda kaga hadlay xaaladda siyaasadeed ee dalka, isaga oo madaxda iyo siyaasiyiinta Soomaaliyeed ka codsaday in ay tabashooyinkooda iyo aragtiyahooda ku soo bandhigaan fagaaraha wada-hadalka, kana soo qayb galaan gogosha wada-tashiga ah ee uu fidiyey, si loo helo midnimo is-afgarad qaran.

Dhuusamareeb 6da Nofeembar 2026 Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa magaalada Dhuusamareeb ee caasimadda Galmudug kaga qayb galay munaasabad casho sharaf ah oo lagu maamuusay mas’uuliyiinta iyo marti-sharaftii ka soo qayb gashay xafladda caleemo-saarka Hoggaanka cusub ee Dowlad Goboleedka Galmudug.

Madaxweynaha ayaa khudbad uu ka jeediyey munaasabadda kaga hadlay xaaladda siyaasadeed ee dalka, isaga oo madaxda iyo siyaasiyiinta Soomaaliyeed ka codsaday in ay tabashooyinkooda iyo aragtiyahooda ku soo bandhigaan fagaaraha wada-hadalka, kana soo qayb galaan gogosha wada-tashiga ah ee uu fidiyey, si loo helo midnimo is-afgarad qaran

Muqdisho 6da Nofeembar 2026 Maxkamadda Sare ee Soomaaliya ayaa go’aamisay in muddo-xileedka dastuuriga ah ee Baarlamaanka Federaalka, Madaxweynaha iyo Xukuumadda Federaalka uu ku ekaa sannadkii 2026, iyadoo dhammaan tallaabooyinka ay hay’adahaasi qaadeen wixii ka dambeeyay dhammaadka muddooyinkooda ku tilmaantay kuwo aan sharci iyo dastuur midna waafaqsanayn. Go’aankan oo ay 5-tii Nofeembar 2026 soo saartay qaybta dastuuriga ah ee Maxkamadda Sare, kana kooban shan garsoore, ayaa ka dhashay dacwad uu gudbiyay madaxweynihii hore ee Soomaaliya Sheekh Shariif Sheekh Axmed, taas oo ka dhan ahayd Dowladda Federaalka, gaar ahaan habraacii wax-ka-beddelka loogu sameeyay Dastuurka Kumeelgaarka ah ee 2012 iyo saameynta sharci ee ka dhalatay.

Maxkamaddu waxay sheegtay in dacwaddu ka koobnayd laba qaybood: mid ku saabsan in habraacii loo maray wax-ka-beddelka dastuurka uu waafaqsanaa qodobbada 132-aad, 133-aad iyo 136-aad ee dastuurkii 2012, iyo mid kale oo la xiriirta sharciyadda tallaabooyinka ka dhashay wax-ka-beddelkaas, gaar ahaan kordhinta muddo-xileedyada hay’adaha federaalka.

Maxkamaddu maxay ka tiri wax-ka-beddelka dastuurka?

Qaybta koowaad ee dacwadda, oo ku saabsanayd in wax-ka-beddelka Dastuurka Kumeelgaarka ah ee 2012 uu dastuuriHase yeeshee, Maxkamaddu waxay aqbashay qaybta labaad ee dacwadda, taas oo ku saabsanayd sharciyadda raadadka iyo tallaabooyinka ka dhashay wax-ka-beddelka dastuurka, gaar ahaan kordhinta muddo-xileedyada hay’adaha la doorto ee heer federaal.

Go’aanka ayaa sidoo kale faahfaahinaya aragtida Maxkamadda ee ku saabsan sida loo fasirayo wax-ka-beddel dastuur oo beddelaya muddada xilhaynta hay’adaha dowladda. Waxay sheegtay in marka muddo cusub lagu soo kordhiyo dastuurka ay tahay in si cad loo qeexo in muddadaasi khusayso hay’adaha xilka haya iyo in kale.

Maxkamaddu waxay tilmaantay in haddii wax-ka-beddelka cusub uu ka aamuso arrintaas, muddada cusub aan si toos ah loogu dabaqi karin hay’adaha xilka haya, balse ay sii ahaanayso muddadii lagu doortay.

Iyadoo taas ka duulaysa, Maxkamaddu waxay go’aamisay in muddo-xileedka dastuuriga ah ee hay’adaha federaalka uu ahaa afar sano, sida ku cad Dastuurkii Kumeelgaarka ahaa ee 2012, isla markaana wax-ka-beddelkii 2026 aanu si cad u sheegin in muddada cusub lagu dabaqayo hay’adihii xilka hayay.

Maxkamaddu waxay go’aamisay in muddo-xileedka labada gole ee Baarlamaanka Federaalka uu dhammaaday 14-kii Abriil 2026, halka muddo-xileedka Madaxweynaha Jamhuuriyadda uu dhammaaday 15-kii Maajo 2026.

Sidoo kale, waxay sheegtay in muddo-xileedka Xukuumadda Federaalka, oo ka dhalatay labada gole ee Baarlamaanka, uu dhammaaday 14-kii Abriil 2026, maadaama Baarlamaanka uu leeyahay awoodda kalsooni-siinta iyo kormeerka Xukuumadda.

Go’aanka ayaa intaas ku daray in hay’adahaasi aanay awood u lahayn inay qaadaan tallaabooyin ku dhisan awoodahooda dastuuriga ah iyo kuwa sharci wixii ka dambeeyay dhammaadka muddo-xileedyadooda.

Maxkamaddu waxay sidoo kale go’aamisay in dhammaan tallaabooyinkii ay hay’adahaasi qaadeen wixii ka dambeeyay taariikhahaas ay yihiin kuwo aan waafaqsanayn dastuurka iyo sharciga, isla markaana aan waxba ka jirin.

Qodob kale oo muhiim ah oo ku jira go’aanka ayaa ah in Maxkamaddu sheegtay in Xukuumadda Federaalka ay tahay hay’adda keliya ee leh awoodda xilgaarsiinta, balse awooddaasi ay ku kooban tahay gudashada shaqooyinka maalinlaha ah.

Waxay caddeysay in Xukuumaddu aanay qaadi karin tallaabooyin ka baxsan hawlahaas maalinlaha ah.

Maxkamadda Sare ayaa dhammaan dhinacyada ay khusayso doorashooyinka fartay inay muddo 30 maalmood gudahood ah ku gaaraan heshiis ku saabsan hannaan doorasho oo wadar-ogol ah oo la hirgelin karo.

Waxay sidoo kale go’aamisay in doorashada lagu qabto muddo 90 maalmood gudahood ah.

Go’aankan ayaa lagu soo saaray magaalada Muqdisho 5-tii Nofeembar 2026, waxaana saxiixay shan garsoore oo uu hoggaaminayay Garsoore Saalax Sheekh Ibraahim Dhiblaawe.

 ahaa iyo in kale, Maxkamaddu way diiday. Waxay sabab uga dhigtay in Sheekh Shariif Sheekh Axmed aanu lahayn sifada sharci ee uu dacwaddaas ku furi karo, iyadoo tixraacday qodobka 86-aad ee Dastuurka Kumeelgaarka ah.

Muqdisho 6da Nofeembar 2026 Madaxweynihii hore ee Soomaaliya, Shariif Sheekh Axmed, iyo siyaasiyiin kale oo mucaaradka ka tirsan ayaa Madaxweyne Xasan Sheekh Maxamuud ku eedeeyay inuu faragelin ku sameeyay madax-bannaanida garsoorka, kaddib markii ciidamo booliis ah loo diray xarunta Maxkamadda Sare ee dalka si ay u hor istaagaan fulinta go’aan ay maxkamaddu soo saartay. 

Shariif Sheekh Axmed ayaa sheegay in tallaabooyinka uu qaaday Madaxweyne Xasan Sheekh Maxamuud, oo ay ku jirto xil ka qaadis uu ku tilmaamay mid aan sharciga waafaqsanayn, ay muujinayaan inaan la ilaalinayn dowladnimada iyo sarreynta sharciga.

Wuxuu xusay in garsoorku yahay mid ka mid ah saddexda hay’adood ee waaweyn ee dowladda, isla markaana ay muhiim tahay in la dhowro madax-bannaanidiisa, maadaama dowladnimadu ku dhisan tahay ixtiraamka sharciga iyo sarreyntiisa.

Madaxweynihii hore ayaa ammaanay go’aanka ay maxkamaddu soo saartay ee lagu laalay wax ka beddelka dastuurka ku-meelgaarka ah ee dalka. Wuxuu sheegay inaan la marin hannaanka dastuuriga ah ee xilka looga qaadi karo madaxda garsoorka, taas oo uu ku tilmaamay tallaabo sharci-darro ah oo ku salaysan rabitaan shakhsi ah.

Shariif ayaa ka digay in faragelinta hay’adaha dowladda ay sii wiiqi karto dowladnimada iyo ku dhaqanka sharciga. Dhinaca kale, Xildhibaan Cabdiraxmaan Cabdishakuur Warsame oo ka mid ah mucaaradka ayaa Madaxweyne Xasan Sheekh ku eedeeyay inuu dalka geliyay xaalad siyaasadeed iyo mid amni oo sii adkaanaysa.

Cabdiraxmaan Cabdishakuur ayaa sheegay in Soomaaliya ay wajahday cawaaqib ka dhashay siyaasadaha dowladda, isaga oo tusaale u soo qaatay xiritaanka xafiiska Qaramada Midoobay ee taageerada Soomaaliya iyo qorshaha ay ciidamada shisheeye qaarkood dalka uga baxayaan.

Wuxuu sheegay in ciidamada taageerada u fidiya howlgalka Soomaaliya loo qabtay muddo hal sano ah oo ay dalka kaga baxaan, isaga oo arrintaas ku tilmaamay mid muujinaysa hoos u dhaca taageerada caalamiga ah ee Soomaaliya.

Wuxuu soo jeediyay in 90 maalmood gudahood heshiis laga gaaro doorashada, isaga oo arrintaas ku sababeeyay baahida loo qabo in dalka loo helo hoggaan sharciyad ku dhisan.

Shalay ayay ahayd markii Madaxweyne Xasan Sheekh Maxamuud uu si lama filaan ah xilka uga qaaday guddoomiyihii Maxkamadda Sare ee dalka, Baashe Yuusuf.

Dhanka kale, waxaa soo baxaya warar sheegaya in dowladda ay doonayso inay xirto guddoomiyihii Maxkamadda Sare, kaddib markii uu ka horyimid xil ka qaadista lagu sameeyay iyo go’aankii maxkamadda ee lagu laalay wax ka beddelka dastuurka.

Muqdisho 6da Nofeembar 2026 Wasiiru-dowlaha Arrimaha Dibadda Soomaaliya, Cali Maxamed Cumar, (Cali Balcad) ayaa sheegay in wada-hadallada Soomaaliya iyo Itoobiya ee ku salaysan heshiiskii Ankara ay si wanaagsan u socdaan, isla markaana labada dal ay ka shaqaynayaan sidii Itoobiya ay deked ganacsi uga heli lahayd gudaha Soomaaliya. Cali Balcad oo wareysi siiyay barnaamijka Straight Talk ee TRT World ayaa sheegay in heshiiska Ankara, oo Turkigu dhexdhexaadiyay bishii December 2024, uu ka kooban yahay laba qodob oo waaweyn: ixtiraamka madax-bannaanida iyo wadajirka dhuleed ee labada dal, iyo wada-hadallo farsamo oo ku saabsan helitaanka deked ay Itoobiya isticmaasho.

Wuxuu intaas ku daray in Soomaaliya ay Itoobiya u aragto dal deris ah oo muhiim ah, isla markaana labada dhinac ay leeyihiin dano dhaqaale iyo amni oo isku xiran.

Wasiiru-dowluhu wuxuu sheegay in uu isagu booqan doono Addis Ababa, kaddib booqashadii uu madaxweynaha Soomaaliya Xasan Sheekh Maxamuud ku tagay magaaladaas, taas oo uu ku tilmaamay astaan muujinaysa xiriirka diblomaasiyadeed ee labada dal.

Heshiiska Ankara ee 11-kii December 2024 ayaa dhigaya in Itoobiya ay heli karto marin-badeed ganacsi oo la isku halleyn karo, iyadoo la ilaalinayo madax-bannaanida iyo wadajirka dhuleed ee Soomaaliya.

Muqdisho 6da Nofeembar 2026 Madaxweynaha Soomaaliya, Xasan Sheekh Maxamuud, ayaa mar kale ugu baaqay siyaasiyiinta mucaaradka ah inay ka qaybgalaan gogosha wada-hadalka ee ay furtay Dowladda Federaalka, isaga oo sheegay in albaabku u furan yahay cid kasta oo doonaysa in laga wada hadlo khilaafaadka siyaasadeed. Madaxweynaha ayaa sheegay in aanay jirin loo beegsanayo aragtideeda siyaasadeed, isaga oo ku adkaystay in khilaafaadka siyaasadeed lagu xallin karo wada-hadal gudaha dalka ah, halkii xal looga raadin lahaa dibadda.

“Ma jiro qof aragtidiisa siyaasadeed awgeed loo xirayo ama loo dilayo. Laakiin dadka in la isku diro, in hub loo dhiibo oo la kiciyo, meel ay ku habboon tahay ma jirto,” ayuu yiri madaxweyne Xasan Sheikh.

Xasan Sheekh ayaa xusay in siyaasiyiinta loo oggol yahay inay miiska wada-hadalka soo dhigaan ajandayaashooda iyo aragtiyahooda, isla markaana dowladda ay diyaar u tahay inay ka dooddo qodob kasta oo la xiriira khilaafka taagan.

“Dhibaatooyinka iyo khilaafaadka gudaha Soomaaliya annagaa xallin karna, uma baahnin inaan dibadda u dhoofno si aan u xallinno mushkiladaheenna,’ ayuu madaxweynuhu.

Waxa uu sidoo kale ka digay in khilaafaadka siyaasadeed loo adeegsado abaabulka hubeysan iyo dhiig-daadin, isaga oo siyaasiyiinta ugu baaqay inay cabashooyinkooda u maraan hay’adaha garsoorka.

Madaxweynaha ayaa ugu dambayn sheegay in dowladda ay diyaar u tahay inay tixgeliso hannaan kale oo wada-hadal ah, haddii la keeno talo ka duwan gogosha ay hadda furtay. 

WARARKA MAANTA 3da Nofeembar 2026 

Su’aalaha Maanta: Yaa noqday madaxweynaha xilka ku fashilmay laba jeer Xassan “Dhuuso-Fooxiye”? Yaa bangiga adduunka dhaqaalihii u diiday?  Yaa baabi’iyey dastuurkii lagu heshiiyey? Yaa diiday inuu dhiso Maxkammadda Dastuuriga ah?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 3da Nofeembar 2026 MADAXWEYNE XASAN SHEEKH OO QAABILAY MADAX-DHAQAMEED KA YIMID GOBOLLADA WAQOOYI EE SOOMAALIYA

Muqdisho, 03 Nofeembar 2026: Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa Madaxtooyada Qaranka ku qaabilay madax-dhaqameed ka yimid gobollada Waqooyi ee (Somaliland), kuwaas oo maalmahan ku sugnaa caasimadda Muqdisho.

Madax-dhaqameedka uu Madaxweynuhu qaabilay ayaa kala ah Boqor Ibraahim Boqor Cali Xuseen, Suldaan Maxamuud Axmed iyo Suldaan Cumar Cismaan Goodir. Kulanka ayaa diiradda lagu saaray muhiimadda ay leedahay xoojinta xiriirka, wadajirka bulshada Soomaaliyeed iyo doorka hoggaanka dhaqanka ee adkaynta is-fahamka iyo isku-duubnida ummadda.

Madaxweynaha ayaa adkeeyay muhiimadda ay madax-dhaqameedku ku leeyihiin ilaalinta midnimada, nabadda iyo wadajirka bulshada Soomaaliyeed, isaga oo tilmaamay in wada-hadalka, is-qaddarinta iyo xiriirka soo jireenka ah ee dadka Soomaaliyeed ay yihiin tiirar muhiim u ah xoojinta walalinimada, kalsoonida iyo midnimada ka dhaxeysa dadka Soomaaliyeed.

Madaxweynaha ayaa ugu baaqay madax-dhaqameedka inay sii xoojiyaan doorkooda ku aaddan nabadaynta, isu-soo-dhoweynta iyo adkaynta wadajirka bulshada Soomaaliyeed

India 3da Nofeembar 2026 Dowladda Hindiya ayaa sheegtay in ciidamadeeda badda ay soo badbaadiyeen 20 shaqaale oo saarnaa markab kalluumeysi oo laga leeyahay dalka Iiraan, kaas oo ay burcad-badeed Soomaali ahi afduubteen 29-kii Oktoobar, xilli uu marayay xeebaha waqooyi-bari ee Soomaaliya.

Wargeyska Hindustan Times ayaa qoray in howlgalka badbaadinta markabka Azini uu socday muddo 48 saacadood ah, lagana fuliyay Badda Carabta, meel qiyaastii 3,000 oo kiiloomitir u jirta magaalada Mumbai ee dalka Hindiya.

Wasiirka Gaashaandhigga Hindiya, Rajnath Singh, ayaa ammaanay ciidamada badda ee dalkiisa, isaga oo sheegay in howlgalka si heer sare ah la isugu dubbariday, isla markaana taageero waqtigeeda ku habboon ay ka geysteen ciidamada cirka ee Hindiya.

Singh ayaa qoraal uu ku baahiyay barta X ku sheegay in sida degdegga ah ee loo helay markabka, loola wareegay, loona sii daayay shaqaalihii saarnaa ay muujinayso heeganka sare ee ciidamada badda Hindiya iyo awooddooda wax ka qabashada khataraha ka jira badaha gobolka.

Warbixinta ayaa intaas ku dartay in markabka Azini lagu afduubtay inta u dhexeysa magaalooyinka xeebaha ku yaalla ee Bandar Bayla iyo Xafun, oo ku yaalla waqooyi-bari Soomaaliya.

Wasiirka ayaa sidoo kale sheegay in ciidamada Hindiya ay mar kale muujiyeen awoodda iyo go’aanka dalkooda ee ku aaddan badbaadinta nafaha, ilaalinta amniga badda iyo xasilloonida guud ee Badweynta Hindiya.

Hindiya ayaa muddo dheer howlgallo ka dhan ah burcad-badeedda ka waday Gacanka Cadmeed, iyadoo sida uu wasiirku sheegay, ugu yaraan hal markab dagaal oo Hindiya leedahay uu si joogto ah halkaas uga fulinayay roondooyin amni tan iyo 23-kii Oktoobar 2008.

Djibouti  3da Nofeembar 2026 Soomaaliya iyo Jabuuti ayaa kala saxiixday heshiis is-afgarad oo lagu xoojinayo iskaashiga labada baarlamaan, kaas oo diiradda saaraya is-weydaarsiga khibradaha, tayeynta shaqada sharci-dejinta iyo horumarinta xiriirka hay’adaha sharci-dejinta ee labada dal. Heshiiska ayaa lagu kala saxiixday magaalada Jabuuti, waxaana dhinaca Soomaaliya u saxiixay Guddoomiyaha Golaha Shacabka ee Baarlamaanka Federaalka Soomaaliya, halka dhinaca Jabuuti uu u saxiixay Guddoomiyaha Golaha Qaranka ee dalkaas, Dileita Maxamed Dileita.

Heshiiska ayaa dhigaya in labada baarlamaan ay iska kaashadaan horumarinta habraacyada sharci-dejinta, kor u qaadista xirfadaha shaqaalaha baarlamaanka, qabanqaabinta tababarrada, cilmi-baarista sharciga iyo casriyeynta hababka shaqo ee hay’adaha baarlamaanka.

Waxa kale oo heshiisku xambaarsan yahay xoojinta wada-shaqeynta guddiyada joogtada ah, adeegsiga teknoolojiyadda casriga ah, sugidda amniga xogta iyo dhismaha kooxaha saaxiibtinimada baarlamaaniga ah ee Soomaaliya iyo Jabuuti.

Labada dhinac ayaa sidoo kale ku heshiiyey inay isku dubbaridaan mowqifyadooda ku aaddan arrimaha lagu gorfeeyo madalaha baarlamaaniga ah ee heer gobol iyo heer caalami.

Munaasabadda saxiixa kaddib, Guddoomiyaha Golaha Qaranka Jabuuti, Dileita Maxamed Dileita, ayaa soo dhoweeyey natiijada wada-hadallada uu la yeeshay wafdiga Soomaaliya, isaga oo sheegay in is-dhaafsiga aragtiyuhu uu labada dal u horseeday natiijooyin wanaagsan. 

WARARKA MAANTA 1da Nofeembar 2026 

Su’aalaha Maanta: Yaa baabi’iyey dastuurkii lagu heshiiyey? Yaa diiday inuu dhiso Maxkammadda Dastuuriga ah?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 1da Nofeembar 2026 Wasiirka Wasaradda Beeraha iyo Waraabka ee XFS, Maxamed Cabdi Xayir Maareeye ayaa saaka kormeer ugu tegay  ganacsatada khudaarta ee  Bakaaraha magaalada Muqdisho 

Muqdisho 1da Nofeembar 2026 Guddoomiyaha Golaha Aqalka Sare ee Baarlamaanka Federaalka Soomaaliya, Cabdi Xaashi Cabdullaahi, ayaa si adag u dhaliilay Wasiirka Deegaanka iyo Isbeddelka Cimilada, Bashiir Goobe, kaddib markii uu agaasimaha guud ee wasaaradda u diray inuu isaga ku matalo kulanka Golaha Aqalka Sare. Cabdi Xaashi ayaa sheegay in agaasimaha guud ee wasaaraddu uusan awood u lahayn inuu ka jawaabo su’aalaha siyaasadeed ee xildhibaannadu doonayaan inay wasiirka weydiiyaan, isagoo xusay in arrimaha noocaas ah ay u baahan yihiin in wasiirku si toos ah uga jawaabo.

Guddoomiyaha ayaa hadalkan jeediyay isagoo la hadlayay agaasimaha guud iyo mas’uuliyiinta kale ee wasaaradda, wuxuuna caddeeyay in aanay habboonayn in wasiirku u soo diro masuul kale marka looga yeero inuu hor yimaado golaha.

“hadda laga bilaabo, wasiirku waa inuu isagu yimaadaa. Wasiirkii ma joogo, wasiir ku-xigeenkiina ma joogo. Mudane agaasime guud, anigu wax walba ma aqaan,” ayuu yiri Cabdi Xaashi.

Wuxuu intaas ku daray in loo sheegay in wasiirku ku maqan yahay maamulka Galmudug, halka agaasimaha guud uu isaga u yimid kulanka.

Cabdi Xaashi ayaa kala saaray su’aalaha farsamo iyo kuwa siyaasadeed, isagoo sheegay in agaasimaha guud uu ka jawaabi karo arrimaha farsamada iyo maamulka, balse aanu ka jawaabi karin su’aalaha siyaasadeed ee xildhibaannadu doonayaan inay wasiirka kala xisaabtamaan.

“Annagu waxaan rabnaa inaan weydiinno su’aalo siyaasadeed, laakiin agaasimaha guud kama jawaabi karo arrimaha siyaasadda. Ma doonayno in waqtigeenna lagu lumiyo arrimo aanu ugu yeerin,” ayuu yiri guddoomiyuhu.

Ugu dambayn, Cabdi Xaashi ayaa digniin u diray madaxda Wasaaradda Deegaanka, isagoo sheegay in aanu mar dambe aqbali doonin in agaasimaha guud loo soo diro inuu wasiirka ku metelo kulamada golaha.

Hadalkan ayaa muujinaya sida uu guddoomiyuhu uga soo horjeedo in wasiirradu masuuliyaddooda la xisaabtanka Baarlamaanka u wakiishaan mas’uuliyiin kale oo aan awood u lahayn inay ka jawaabaan su’aalaha siyaasadeed.

Muqdisho 1da Nofeembar 2026 Guddiga Madaxa-bannaan ee Doorashooyinka Qaranka iyo Soohdimaha Soomaaliya ayaa ku dhawaaqay in la furayo diiwaangelinta axsaabta siyaasadeed, iyadoo dalka loo diyaar-garowayo doorashooyinka federaalka ee la qorsheeyay sanadka 2027-ka. Guddiga ayaa sheegay in diiwaangelintu bilaaban doonto 1-da bisha Nofeembar, ayna socon doonto ilaa 22-ka isla bisha, isaga oo dhinacyada siyaasadda iyo cid kasta oo danaynaysa ka qaybgalka doorashooyinka ugu baaqay inay ka faa’iidaystaan muddada loo qabtay.

Sida ku cad jadwalka uu guddigu hore u shaaciyay, doorashooyinka labada aqal ee Baarlamaanka Federaalka Soomaaliya ayaa la qorsheeyay inay dhacaan 15-ka Abriil 2027, halka doorashada madaxweynaha loo asteeyay 15-ka May ee isla sanadkaas.

Doorashooyinkan ayaa la qorsheynayaa in lagu qabto nidaamka qof iyo cod, kaas oo muwaadiniinta siinaya fursad ay si toos ah ugu doortaan wakiilladooda, sida ku cad qorshaha doorashooyinka.

Guddiga ayaa sidoo kale sheegay in liisaska musharraxiinta baarlamaanka la soo gudbiyo ugu dambayn 22-ka Nofeembar 2026, halka ololaha doorashada la qorsheeyay inuu bilowdo 27-ka Febraayo 2027.

Wali mucaaradka Soomaaliya ayaa dhinac ka taagan oo diidan howsha Guddigaan ay wadaan iyagoo ku adkeesanaya in mar ka hore laga heshiiyo doorashada iyo arrimaha Dastuurka. 

Muqdisho 1da Nofeembar 2026 Soomaaliya ayaa wajahaysa xaalad siyaasadeed oo cusub kaddib markii Qaramada Midoobay ay soo afjartay hawlgalkii siyaasadeed ee ay dalka ka waday in ka badan soddon sano, iyadoo aan weli la isku raacin hannaan kale oo beddela doorkii ay hay’addu ku lahayd dhexdhexaadinta khilaafaadka u dhexeeya hoggaamiyeyaasha siyaasadda dalka. Hawlgalka Kaalmada Ku-meelgaarka ah ee Qaramada Midoobay ee Soomaaliya (UNTMIS) ayaa Sabtidii shalay soo afjaray shaqadiisa, kaddib markii la dhammeystiray qorshe laba sano socday oo lagu wareejinayay waajibaadkiisa hay’adaha dowladda Soomaaliya iyo hay’adaha kale ee Qaramada Midoobay.

Hawlgalka ayaa sannadihii uu Soomaaliya ka shaqeynayay door ka qaatay isu-soo-dhoweynta hoggaamiyeyaasha siyaasadda, fududeynta wada-hadallada iyo gaarista heshiisyada doorashooyinka, xilli dalka ay ka jireen khilaafaad la xiriira awood-qaybsiga iyo hannaanka dowlad-dhiska.

Hase yeeshee, xiritaankiisa ayaa imanaya iyadoo dalka uu weli wajahayo khilaaf siyaasadeed oo u dhexeeya dowladda federaalka iyo mucaaradka, gaar ahaan wax-ka-beddelka dastuurka iyo muddada xil-haynta hay’adaha dowladda.

Hoggaamiyeyaasha mucaaradka ayaa diidan mowqifka dowladda ee ah in wax-ka-beddelka dastuurku u oggolaanayo madaxweyne Xasan Sheekh Maxamuud iyo baarlamaanka inay xilka sii hayaan ilaa 2027, halka dowladda ay ku adkeysanayso in tallaabadaasi waafaqsan tahay dastuurka.

Warbixin ay baahisay Aljazeera ayaa sheegtay in aan weli la helin hannaan kale oo beddela doorkii dhexdhexaadinta ee Qaramada Midoobay, taasoo imaanaysa xilli khilaafaadka siyaasadeed ee dalka aan xal laga gaarin.

Madaxweyne Xasan Sheekh Maxamuud ayaa mucaaradka ku casuumay wada-hadallo siyaasadeed, hase yeeshee kooxaha waaweyn ee mucaaradka ayaan weli xaqiijin inay ka qaybgalayaan kulamadaas.

Dhanka kale, xiritaanka hawlgalkan ayaa daba socda sannado xiriirka dowladda Soomaaliya iyo Qaramada Midoobay uu mararka qaar xumaaday, iyadoo dowladda federaalku sannadkii 2024 si rasmi ah u codsatay in hawlgalka dalka laga soo afjaro, iyadoo ku eedeysay inuu faragelin ku sameeyo arrimaha siyaasadda gudaha.

Inkastoo hawlgalkii siyaasadeed la soo afjaray, hay’adaha Qaramada Midoobay ee ka shaqeeya gargaarka bani’aadamnimo iyo horumarinta ayaa weli sii joogi doona Soomaaliya.

Muqdisho 1da Nofeembar 2026 Madaxweynaha Soomaaliya, Xasan Sheekh Maxamuud, ayaa sheegay in dalku u baahan yahay taageero caalami ah si uu u sugo amniga xeebihiisa oo dhererkoodu gaarayo 3,400 kiiloomitir, isaga oo xusay in baaxadda xeebta iyo awoodda amni ee dalka aysan suuragelinayn in Soomaaliya keligeed ilaaliso. Wareysi uu siiyay telefishinka Sky News, ayuu madaxweynuhu ku sheegay in ilaalinta xeebaha Soomaaliya ay u baahan tahay iskaashi iyo taageero caalami ah, maadaama ay tahay hawl ka weyn awoodda uu dal keliya ku fulin karo.

Xasan Sheekh ayaa sheegay in Soomaaliya muddo dheer ay la daalaa-dhacaysay dhul ballaaran oo aan lahayn maamul dowladeed oo wax ku ool ah, taasoo qayb ka ahayd caqabadaha amni ee dalka, isla markaana sahashay in kooxaha argagixisada iyo burcad-badeeddu ka hawlgalaan qaybo ka mid ah dalka.

Madaxweynaha ayaa si gaar ah uga hadlay soo noqoshada burcad-badeedda xeebaha Soomaaliya, isaga oo sheegay in dadaalladii caalamiga ahaa ee hore loogu wajahay dhibaatadaas ay inta badan ku ekaayeen xakamaynta weerarrada, balse aysan meesha ka saarin sababihii keenayay.

Wuxuu sheegay in burcad-badeeddu aysan ku noolayn badda dhexdeeda oo keliya, balse ay saldhigyo iyo shabakado ku leeyihiin dhulka, sidaas darteedna loo baahan yahay in wax laga qabto xaaladaha amni iyo dhaqaale ee ka jira deegaannada xeebaha.

Xasan Sheekh ayaa tilmaamay in xoojinta ciidamada ilaalada xeebaha, sugidda amniga dhulka xeebaha ah iyo abuurista fursado shaqo oo dhallinyarada loogu beddelo ka-qaybgalka falalka burcad-badeednimada ay muhiim u yihiin xal waara.

Wuxuu sheegay in saboolnimada iyo fursad la’aantu ay ka mid yihiin waxyaabaha dhallinyarada qaarkood ku riixa inay ku biiraan falalkaas, isaga oo xusay in dad badan ay dhowaan ku dhinteen hawlgallada burcad-badeednimada.

Madaxweynaha ayaa sidoo kale sheegay in dalal ay ka mid yihiin Hindiya ay ku xiran yihiin dad Soomaali ah oo lagu eedeeyay burcad-badeednimo, kuwaas oo lagu qabtay iyaga oo ka hawlgala biyaha dalalka kale.

Hadalka madaxweynaha Soomaaliya ayaa imaanaya xilli weerarrada burcad-badeedda ee xeebaha Soomaaliya ay dib u soo cusboonaadeen, taasoo walaac ku abuurtay maraakiibta ganacsiga iyo amniga isu-socodka badda ee gobolka.

WARARKA MAANTA 31ka Oktoobar 2026 

Su’aalaha Maanta: Meeqo Madaxweyne a yeey yeelan doontaa #Somalila? Maxay beesha caalamka u jartay dhaqaalihii? Ma jiraa ciidan beddeli kara ciidanka Uganda?  Maxuu ku fashilmay Madaxweyne hore Xassan “Dhuuso-Fooxiye” 1. #Soomaaliya ma isticmaasho lacag Soomaali 2. Dagaal hurin uu ka dhex wado dowlad gobaleedyada taasoo ku fashilmay 3. Diidmo inuu la tashado mucaaradka siyaasadda ay isku haystaa 4. Barakicinta dan -yarta 5. Xadida hantida dadweynaha 6. Dhaqaallo kala xadida gargaar adduunka ku caawiyo #Soomaalia 7. Shaqa gelinta qoyskiisa hoose ee Cali-Gaaf?  Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 30ka Oktoobar 2026 Dowladda Federaalka Soomaaliya ayaa ka qayb qaadatay shir heer sare ah oo ka dhacay magaalada Nairobi ee dalka Kenya, kaas oo diiradda lagu saarayay siyaasadda gobolka Bariga Afrika ee maareynta iyo ilaalinta qaxootiga. Guddoomiyaha Hay’adda Qaranka ee Qaxootiga iyo Barakacayaasha (NCRI), Liibaan Cabdi Cigaal, oo Soomaaliya ku matalayay shirka, ayaa 30-kii Oktoobar 2026 saxiixay qabyo-qoraalka Siyaasadda Gobolka ee Maareynta Qaxootiga, kaas oo ay diyaarinayeen dowladaha xubnaha ka ah Ururka Bulshada Bariga Afrika (EAC).

Shirkan oo socday muddo laba maalmood ah, waxaa ka qaybgalay mas’uuliyiin iyo wakiillo ka kala socday dowladaha xubnaha ka ah EAC, gaar ahaan hay’adaha qaabilsan arrimaha qaxootiga.

Kulanka waxaa si wadajir ah u soo qabanqaabiyay Xoghaynta EAC iyo Hay’adda Qaramada Midoobay u qaabilsan Qaxootiga (UNHCR), iyadoo taageero laga helayay dowladda Japan.

Ujeeddada shirka ayaa ahayd dhammaystirka iyo dib-u-eegista siyaasadda mideysan ee gobolka ee maareynta qaxootiga, si loo xoojiyo iskaashiga dowladaha Bariga Afrika iyo ilaalinta xuquuqda dadka qaxootiga ah.

Intii uu shirku socday, Guddoomiye Liibaan Cabdi Cigaal ayaa soo bandhigay horumarka ay Soomaaliya ka samaysay dhismaha nidaam qaran oo lagu maareeyo laguna ilaaliyo qaxootiga.

Waxa uu sidoo kale ka hadlay dadaallada lagu dhisayo hay’adaha muhiimka u ah nidaamkaas, oo ay ka mid yihiin Guddiga Qaranka ee Go’aaminta Xaaladda Qaxootinimo iyo Guddiga Racfaanka Qaxootiga.

Guddoomiyaha ayaa carrabka ku adkeeyay muhiimadda ay leedahay xoojinta awoodda hay’adaha qaranka, is-weydaarsiga khibradaha dowladaha gobolka iyo iskaashiga xuduudaha isaga gudba, si loo helo hannaan mideysan oo lagu wajahayo caqabadaha ka dhasha barakaca khasabka ah.

Sidoo kale, Soomaaliya iyo Jamhuuriyadda Dimuqraadiga ah ee Congo ayaa markii ugu horreysay ka qaybgalay madal heer gobol ah oo looga hadlayay siyaasadda maareynta qaxootiga.

Ka-qaybgalka Soomaaliya ayaa qayb ka ah dadaallada dowladda federaalka ay ku xoojinayso doorkeeda Ururka Bulshada Bariga Afrika, gaar ahaan iskaashiga la xiriira qaxootiga, socdaalka iyo xal u helidda barakaca.

Hay’adda Qaranka ee Qaxootiga iyo Barakacayaasha ayaa sheegtay inay ka go’an tahay horumarinta nidaamka qaran ee maareynta qaxootiga iyo xoojinta iskaashiga dowladaha gobolka.

Muqdisho 30ka Oktoobar 2026 Ilaalada Xeebaha Mareykanka (U.S. Coast Guard) ayaa Soomaaliya ku dartay liiska dalalka aan buuxin shuruudaha amniga la-dagaallanka argagixisada ee dekedaha, taas oo keentay in maraakiibta ka soo baxda dekedaha Soomaaliya lagu soo rogo shuruudo amni oo dheeraad ah marka ay ku sii jeedaan Mareykanka. Go’aankan ayaa lagu shaaciyey ogeysiis rasmi ah oo lagu daabacay Diiwaanka Federaalka Mareykanka (Federal Register) 27-kii Oktoobar 2026, iyadoo la raacayo qiimeyn ay sameysay Ilaalada Xeebaha Mareykanka oo ku saabsan habraacyada amniga dekedaha Soomaaliya.

Hay’adda ayaa sheegtay in ay qiimeysay in Soomaaliya aysan hadda si wax ku ool ah u ilaalin tallaabooyinka amniga ee looga hortago falalka argagixisada ee dekedaheeda, sidaas darteedna ay go’aansatay in maraakiibta ka soo baxda dekedaha dalka ee u socda Mareykanka lagu soo rogo shuruudo gaar ah oo ku saabsan amniga iyo gelitaanka dekedaha Mareykanka.

Tallaabadan ayaa lagu saleeyey awoodaha sharciga ah ee ay siiyeen Xeerka Amniga Gaadiidka Badda (Maritime Transportation Security Act) iyo sharciyada kale ee la xiriira ilaalinta amniga dekedaha.

Soomaaliya ayaa hadda ka mid noqotay 24 dal oo Mareykanku ku qiimeeyey inaysan dekedahooda ka hirgelin tallaabooyin wax ku ool ah oo lagula dagaallamayo argagixisada. Dalalka kale waxaa ka mid ah Iiraan, Ciraaq, Liibiya, Suudaan, Suuriya, Yemen, Venezuela, Waqooyiga Kuuriya iyo dalal kale.

Ogeysiiska ayaa sidoo kale caddeynaya in go’aankan uu dhaqan galay 27-kii Oktoobar 2026, iyadoo uu saxiixay Admiral Nathan A. Moore, oo ah ku-xigeenka taliyaha hawlgallada ee Ilaalada Xeebaha Mareykanka.

Go’aankan ayaa muujinaya in maraakiibta ka imanaya Soomaaliya ay wajihi doonaan hannaan amni oo dheeraad ah marka ay yimaadaan biyaha Mareykanka, inkastoo ogeysiisku uusan faahfaahin dhammaan tallaabooyinka gaarka ah ee laga doonayo maraakiibta.

Qaramadda Midooway 30ka Oktoobar 2026 Soomaaliya ayaa isbeddel muuqda ku muujisay mowqifkeeda diblomaasiyadeed ee ku aaddan muranka Saxaraha Galbeed, kaddib markii ay ka aamustay codbixintii qabyo-qaraar uu Maraykanku horgeeyay Golaha Ammaanka ee Qaramada Midoobay, sida uu baahiyay wargeyska Yabiladi ee Morocco. 

Sida warbixintu sheegtay, go’aanka Soomaaliya ayaa ka duwan mowqifkii ay qaadatay 30-kii Oktoobar 2025, markaas oo ay taageertay qaraarkii tirsigiisu ahaa 2797, kaas oo muujinayay taageerada qorshaha ismaamulka ee Morocco u soo bandhigtay xallinta khilaafka Saxaraha Galbeed.

Dhanka kale, Soomaaliya ayaa taageertay qabyo-qaraar kale oo uu Ruushku soo bandhigay, arrintaas oo wargeysku ku tilmaamay isbeddel diblomaasiyadeed oo muujinaya in Muqdisho ay dib u eegayso mowqifkeedii hore ee ku aaddanaa arrintan.

Warbixinta Yabiladi ayaa tallaabooyinkan ku fasirtay inay muujinayaan isu soo dhowaansho sii kordhaya oo dhexmaraya Soomaaliya iyo Aljeeriya, oo muddo dheer taageero u ahayd mowqifka madax-bannaanida Saxaraha Galbeed.

Arrintan ayaa kusoo beegmaysa iyadoo ay hore u jireen hadallo is-khilaafsan oo kasoo baxay dhinaca Soomaaliya. Bishii Diseembar 2025, Wasaaradda Arrimaha Dibadda Soomaaliya ayaa si rasmi ah u beenisay warar sheegayay in Muqdisho ay aqoonsatay madax-bannaanida Morocco ee dhulka Saxaraha Galbeed.

Hase yeeshee, warbixintu waxay xustay in mas’uuliyiin Soomaaliyeed ay marar kala duwan muujiyeen taageerada mowqifka Morocco, gaar ahaan kulan ka dhacay magaalada Rabat 28-kii Nofeembar, kaas oo Wasiirka Arrimaha Dibadda Soomaaliya, Cabdisalaan Cabdi Cali, uu kula kulmay dhiggiisa Morocco, Naasir Buriita.

Isbeddelkan ayaa dib u soo nooleynaya su’aalaha ku saabsan jihada siyaasadda arrimaha dibadda Soomaaliya iyo xiriirka ay la leedahay dalalka ku loollamaya saameynta diblomaasiyadeed ee Waqooyiga Afrika.

Muqdisho 30ka Oktoobar 2026 Madaxweynaha Soomaaliya, Xasan Sheekh Maxamuud, ayaa sheegay in yaraanta maalgelinta gargaarka bani’aadamnimo ay saameyn ku yeelan karto dadka u baahan taageerada, isaga oo ku baaqay in mudnaanta la siiyo awoodsiinta bulshada si ay uga maarmi karto ku tiirsanaanta gargaarka joogtada ah. Wareysi uu siiyay Sky news ayuu ku sheegay madaxweynuhu in dhimista gargaarka ay markii ugu horreysay dadka ku keeni karto xaalad adag, balse uu aaminsan yahay in bulshadu samaysan karto habab ay kula qabsato duruufahaas.

Xasan Sheekh ayaa dhaliilay qaabka gargaarka qaarkii loo bixiyo, isaga oo sheegay in ku tiirsanaanta lacagaha iyo raashinka ay bixiyaan hay’adaha samafalku ay dadka qaar ka hor istaagi karto inay raadsadaan ilo kale oo ay noloshooda ku maareeyaan.

Wuxuu tusaale u soo qaatay dadka sugaya lacagaha bil kasta uga yimaada hay’adaha gargaarka, isaga oo sheegay in loo baahan yahay in dadka la baro xirfado iyo wax-soo-saar u suurtageliya inay noloshooda ku maareeyaan shaqo iyo dadaal.

Madaxweynuhu wuxuu sheegay in dowladda ay doonayso in bulshada lagu taageero beeraha, farsamada gacanta iyo shaqo-abuurka, halkii ay muddo dheer ku tiirsanaan lahaayeen raashin iyo kaalmo lacageed.

Si kastaba, wuxuu qiray in Soomaaliya ay si weyn u saameeyaan isbeddelka cimilada, abaaraha iyo fatahaadaha, isaga oo xusay in dalka uu ka mid yahay meelaha sida daran u saameeyaan dhibaatooyinka cimilada.

Wuxuu sidoo kale sheegay in Soomaaliya ay ku adag tahay helitaanka maalgelinta caalamiga ah ee la xiriirta la qabsiga isbeddelka cimilada, inkasta oo ay ka mid tahay dalalka sida weyn ugu nugul saameyntiisa. 

Muqdisho 30ka Oktoobar 2026 Wasiirka Maaliyadda Soomaaliya, Biixi Iimaan Cige, ayaa sheegay in wax-ka-beddel lagu sameeyay sharciga Bangiga Dhexe ee Soomaaliya, kaas oo lagu doonayo in lagu xoojiyo awoodda bangiga, dib loogu soo celiyo kalsoonida lacagta dalka, laguna suurtageliyo xasilinta sarifka shilinka Soomaaliga. Wasiirka oo ka hadlayay wax-ka-beddelka sharcigan ayaa sheegay in dib-u-eegista lagu sameeyay ay salka ku hayso baahida loo qabo in la casriyeeyo maamulka lacagta qaranka, kaddib in ka badan 38 sano oo aan dib-u-habayn lagu samayn lacagta Soomaaliga.

Wuxuu sheegay in qodob muhiim ah oo lagu soo kordhiyay sharciga uu yahay nidaamka maareynta sarifka lacagta ee loo yaqaan Currency Board, kaas oo uu sheegay inuu door ka qaadan doono xasilinta shilinka Soomaaliga, xakamaynta sicir-bararka iyo maamulka kaydka lacagaha qalaad.

Biixi Iimaan Cige ayaa sidoo kale sheegay in wax-ka-beddelka lagu qeexay raasamaalka Bangiga Dhexe, iyadoo loo oggolaaday inuu gaari karo 50 milyan oo dollar, halka raasamaalka bilowga ah ee bangiga laga doonayo inuu noqdo ugu yaraan 10 milyan oo dollar.

Wasiirka ayaa tilmaamay in dib-u-eegista lagu sameeyay sharciga ay keentay sagaal qodob oo cusub, 13 qodob oo wax laga beddelay, 30 qodob oo la saxay iyo sagaal qodob oo gebi ahaanba laga saaray.

Wuxuu intaas ku daray in diyaarinta wax-ka-beddelka lagala tashaday khubaro Soomaaliyeed iyo hay’ado maaliyadeed oo caalami ah, oo ay ka mid yihiin Sanduuqa Lacagta Adduunka iyo Bangiga Adduunka.

Wasiirka ayaa xildhibaannada ka codsaday inay ka doodaan wax-ka-beddelka sharciga, isagoo sheegay in Soomaaliya ay u baahan tahay Bangi Dhexe oo leh awood sharciyeed iyo madax-bannaani uu ku guto waajibaadkiisa, kana qayb qaata horumarinta dhaqaalaha dalka.

Somaliland 30ka Oktoobar 2026 Booliska Somaliland ayaa muddo 10 maalmood gudahood ah bishan Oktoobar xidhay saddex suxufi oo ka hawlgala magaalooyinka Hargeysa, Burco iyo Berbera, kuwaas oo laba ka mid ah markii dambe la sii daayey, halka midka saddexaad uu weli xabsiga ku jiro isaga oo aan wax dacwad ah lagu soo oogin, sida uu sheegay ururka Suxufiyiinta Soomaaliyeed ee Somali Journalists Syndicate (SJS). Warbixin uu SJS soo saaray 30-kii Oktoobar ayuu ku sheegay in xadhigyadu dhaceen intii u dhexaysay 19-kii iyo 28-kii bishan, isla markaana ay la xidhiidheen waraysiyo iyo warbixino ay suxufiyiintu ka diyaariyeen arrimo siyaasadeed, cabashooyin bulsho iyo dagaallo ka dhacay deegaanka Moyale ee Itoobiya.

Suxufiga weli xidhan ayaa ah Cabdiraxmaan Maxamed Ege oo ka tirsan telefishanka Horn Cable TV, kaas oo 22-kii Oktoobar la xidhay kaddib markii uu ka jawaabay yeedhmo uga timid Waaxda Baadhista Dambiyada (CID) ee Hargeysa. Sida ay sheegtay hay’adda Guddida Ilaalinta Suxufiyiinta (CPJ), xadhiggiisa ayaa la xidhiidhay waraysi uu 15-kii Oktoobar la yeeshay Cabdiqaadir Sharaay oo u tartamaya xilka madaxweynaha Soomaaliya. CPJ waxay sheegtay in suxufiga wax laga weydiiyey waraysigaas.

Dhanka kale, magaalada Burco waxa 28-kii Oktoobar lagu xidhay Cabdiwahaab Maxamed Cismaan oo loo yaqaan Beeldaaje, kana tirsan MM TV, kaddib markii uu waraysi la yeeshay odayaal dhaqameed ka hadlayey dagaallada ka socda deegaanka Moyale ee Itoobiya. Sida uu SJS sheegay, suxufiga ayaa isla maalintaas la sii daayey isaga oo aan wax dacwad ah lagu soo oogin.

Kiiska saddexaad ayaa ka dhacay magaalada Berbera, halkaas oo 19-kii Oktoobar boolisku xabsiga dhigeen Cabdulxakiim Maxamuud Maxamed oo loo yaqaan Xoogsade. Waxa la sheegay in xadhiggiisu ka dambeeyey muuqaal uu baahiyey oo ay ku jireen rag hubaysan oo cabasho ka muujinayey mashruuca dhismaha Laasgeel. Waxaana la sii daayey 20-kii Oktoobar, hase yeeshee SJS ayaa sheegay in uu markii dambe galay dhuumasho.

Ururka SJS ayaa ugu baaqay Somaliland in la sii daayo Cabdiraxmaan Maxamed Ege, isla markaana la joojiyo tallaabooyinka uu ku tilmaamay xannibaadaha lagu hayo suxufiyiinta. Dhankiisa, CPJ waxay sheegtay in ay 26-kii Oktoobar faallo ka dalbatay Wasaaradda Warfaafinta iyo Madaxtooyada Somaliland, balse aanay jawaab ka helin. SJS-na waxa uu sheegay in aanu helin wax jawaab ah oo boolisku ka bixiyeen xadhigyada uu diiwaangeliyey.

Sixufi Cabdiraxmaan Maxamed Ege ayaa weli ku jira xabsiga isaga oo aan wax dacwad ah lagu soo oogin, halka labadii suxufi ee kale la sii daayey. Labada urur ee SJS iyo CPJ ayaa sheegay in xadhigyadu daba socdeen hawlo warbaahineed, hase yeeshee aanay jirin faahfaahin rasmi ah oo ay masuuliyiinta Somaliland ka bixiyeen sababaha sharci ee xadhigooda.

Muqdisho 30ka Oktoobar 2026  Qaramada Midoobay ayaa maanta si rasmi ah u soo afjartay hawlgalkeedii siyaasadeed ee Soomaaliya, kaddib in ka badan soddon sano oo ay dalka ka waday taageero la xiriirta nabadaynta, dowlad-dhiska iyo dib-u-heshiisiinta. Xiritaanka Hawlgalka Kala-guurka ah ee Kaalmaynta Qaramada Midoobay ee Soomaaliya (UNTMIS) ayaa yimid kaddib markii la dhammaystiray muddadii labada sano ahayd ee kala-guurka, taasoo lagu heshiiyay Dowladda Federaalka Soomaaliya iyo Qaramada Midoobay.

Intii uu socday kala-guurku, mas’uuliyadihii hawlgalka ayaa si tartiib ah loogu wareejiyay hay’adaha dowladda Soomaaliya iyo hay’adaha, sanduuqyada iyo barnaamijyada Qaramada Midoobay, oo ay ku jirto Xafiiska Taageerada Qaramada Midoobay ee Soomaaliya (UNSOS).

UNTMIS wuxuu ahaa marxaladdii ugu dambeysay ee hawlgallada siyaasadeed ee Qaramada Midoobay ee Soomaaliya, kuwaas oo soo billowday 1995-kii, xilligaas oo la aasaasay Xafiiska Siyaasadda Qaramada Midoobay ee Soomaaliya (UNPOS), waxaana xigay UNSOM oo shaqadiisa bilaabay 2013-kii.

Madaxa UNTMIS, Raisedon Zenenga, ayaa sheegay in xiritaanka hawlgalku uusan ka dhignayn dhammaadka iskaashiga Soomaaliya iyo Qaramada Midoobay, balse uu furayo marxalad cusub oo xiriirkooda ah.

“Maanta ma aha dhammaadka iskaashiga ka dhexeeya Qaramada Midoobay iyo Soomaaliya, balse, waa gabagabada cutub iyo billowga mid kale,” ayuu yiri Madaxa UNTMIS, ahna Ku-xigeenka Ergeyga Gaarka ah ee Xoghayaha Guud ee Qaramada Midoobay u qaabilsan Soomaaliya, Raisedon Zenenga

Wuxuu tilmaamay in maanta la soo xiray cutub ka mid ah wada-shaqayntaas, halka uu billowday mid kale.

Dowladda Soomaaliya ayaa horay u codsatay in la soo afjaro xafiiska howlgalka siyaasadeed ee Qaramada Midoobay ee Soomaaliya, kaasoo in ka badan soddon sanno si joogto ah ugu shaqeynayay taageeridda nabadaynta, dowlad- dhiska, maamulka iyo dib-u-heshiisiinta dalka.

Muqdisho 30ka Oktoobar 2026 Madaxweynaha Soomaaliya, Xasan Sheekh Maxamuud, ayaa sheegay in dhaqdhaqaaq kasta oo Imaaraadka Carabtu ka wado gudaha Soomaaliya aanu haysan sharciyad, kaddib markii dowladda federaalku ay baabi’isay heshiisyadii difaac iyo iskaashi amni ee kala dhexeeyay Abu Dhabi. Madaxweyne Xasan Sheekh oo wareysi siiyay Sky News ayaa sheegay in Soomaaliya ay hore Imaaraadka ula lahayd heshiisyo dhinaca difaaca iyo amniga ah, balse dowladda federaalku ay heshiisyadaas joojisay, sidaas darteedna aanay jirin wax sharciyad ah oo ay ku salayn karaan hawlgallada uu Imaaraadku hadda ka fulinayo gudaha dalka.

“Waxaan dhihi karaa waxaan hore u lahayn heshiis difaac iyo amni oo aan la galnay Imaaraadka, balse heshiiskaas waa la baabi’iyay. Sidaas darteed, dhaqdhaqaaq kasta oo Imaaraadku hadda ka wado gudaha Soomaaliya waa sharci-darro,” ayuu yiri madaxweynuhu.

Hadalkan ayaa imanaya xilli xiriirka Muqdisho iyo Abu Dhabi uu mugdi galay, kaddib markii dowladda Soomaaliya ay bishii Janaayo 2026 ku dhawaaqday inay burisay dhammaan heshiisyadii ay la lahayd Imaaraadka, kuwaas oo ay ku jireen iskaashiga amniga, difaaca iyo heshiisyada dekedaha Berbera, Boosaaso iyo Kismaayo.

Khilaafka labada dhinac ayaa salka ku haya eedeymo la xiriira faragelin Imaaraat-ku ku sameeyay madax-bannaanida iyo midnimada Soomaaliya, iyo xiriirka Imaaraadka uu la leeyahay Somaliland. 

Dowladda Soomaaliya ayaa tallaabadaas ku sababaysay xog iyo caddeymo ay sheegtay inay muujinayaan falal wax u dhimaya madax-bannaanida dalka.

Imaaraadka Carabta ayaan xilligaas si degdeg ah uga jawaabin eedeymaha dowladda Soomaaliya, halka Puntland iyo Jubbaland ay diideen go’aanka Muqdisho ee baabi’inta heshiisyada, iyaga oo ku adkaystay sii socoshada iskaashigooda Imaaraadka.

WARARKA MAANTA 30ka Oktoobar 2026 

Su’aalaha Maanta: Maxay beesha caalamka u jartay dhaqaalihii? Ma jiraa ciidan beddeli kara ciidanka Uganda?  Maxuu ku fashilmay Madaxweyne hore Xassan “Dhuuso-Fooxiye” 1. #Soomaaliya ma isticmaasho lacag Soomaali 2. Dagaal hurin uu ka dhex wado dowlad gobaleedyada taasoo ku fashilmay 3. Diidmo inuu la tashado mucaaradka siyaasadda ay isku haystaa 4. Barakicinta dan -yarta 5. Xadida hantida dadweynaha 6. Dhaqaallo kala xadida gargaar adduunka ku caawiyo #Soomaalia 7. Shaqa gelinta qoyskiisa hoose ee Cali-Gaaf?  Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Uganda 30ka Oktoobar 2026   Taliyaha Ciidanka Difaaca Uganda, Jeneraal Muhoozi Kainerugaba, ayaa sheegay in dalkiisu bilaabay la bixista ciidamada Uganda ee ku sugan Soomaaliya, kaddib ku dhowaad labaatan sano oo ay qayb ka ahaayeen hawlgallada amniga dalka. Kainerugaba ayaa arrintan ku shaaciyey qoraal uu Khamiistii, ku baahiyey bartiisa X, isaga oo sheegay in masuuliyadda amniga lagu wareejinayo ciidamada Soomaaliya. “Sidii aannu hore u ballanqaadnay, waxa aannu bilownay la bixista ciidamada Uganda ee Soomaaliya. Kaddib 20 sano oo dhiig badani daatay iyo naf-hurnimo weyn, waxa aannu masuuliyadda amniga ku wareejinaynaa walaalaheenna Soomaaliyeed,” ayuu qoray Kainerugaba.

Hase yeeshee, qoraalkiisa kuma uu faahfaahin tirada ciidamada la saarayo, muddada ay qaadanayso ka-qaadistoodu ama goobaha ay hawshu ka bilaabantay.

Uganda ayaa ka mid ahayd dalalkii ugu horreeyey ee ciidamo u soo dira Soomaaliya sannadkii 2007-dii, xilligii hawlgalkii Midowga Afrika ee AMISOM. Ciidamadeedu waxay qayb ka ahaayeen dagaallada lagula jiro kooxda Al-Shabaab, ilaalinta xarumaha muhiimka ah iyo taageerada dowladda federaalka, iyaga oo sii joogay dalka intii lagu jiray hawlgalladii ATMIS iyo AUSSOM oo beddelay hawlgalladii ka horreeyey.

Maalmihii u dambeeyey, warbaahinta Uganda ayaa sheegaysay in ciidamada dalkaasi la qorsheeyey in laga saaro qaybo ka mid ah gobolka Shabeellaha Hoose, gaar ahaan Baraawe, Buulo Mareer, Qoryooley iyo Janaale. 

Qaadista ciidamada Uganda ayaa sidoo kale ku soo beegmaysa xilli hawlgalka Midowga Afrika ee taageerada iyo xasillinta Soomaaliya (AUSSOM) uu wajahayo caqabado dhaqaale. Maraykanka ayaa sheegay inuu joojinayo taageerada saadka ee Qaramada Midoobay u fidiso hawlgalka dhammaadka 2026, taas oo saamayn karta sahayda shidaalka, cuntada, gaadiidka iyo adeegyada caafimaad ee ciidamada. Inkasta oo la helay ballanqaadyo dhaqaale oo ka yimid dalal iyo hay’ado kala duwan, haddana weli waxa taagan walaac ku saabsan sidii loo heli lahaa maalgelin waarta. 

Dhanka kale, Soomaaliya ayaa weli wajahaysa caqabado amni, iyadoo kooxda Al-Shabaab ay awood u leedahay inay weerarro ka fuliso qaybo ka mid ah koonfurta iyo bartamaha dalka. Sidaas darteed, wareejinta goobaha ay ciidamada Uganda maamulaan waxay u baahan tahay qorshe cad oo lagu xoojinayo ciidamada Soomaaliya, laguna xaqiijinayo in aanay dhicin firaaq amni oo kooxdu ka faa’iidaysato. Kainerugaba ayaa hore u sheegay in Uganda ay doonayso inay ciidamadeeda oo dhan kala baxdo Soomaaliya ugu dambayn 1-da Agoosto 2027, inkasta oo aan weli si buuxda loo shaacin faahfaahinta fulinta qorshahaas. 

Afrika 30ka Oktoobar 2026  Guddoomiyaha Golaha Shacabka ee Baarlamaanka Federaalka Soomaaliya, Cabdulqaadir Maxamed Nuur (Jaamac), ayaa magaalada Nairobi ee dalka Kenya shir-guddoomiyey kulan aan caadi ahayn oo ay yeesheen Guddoomiyeyaasha Baarlamaannada dalalka xubnaha ka ah Bulshada Bariga Afrika (EAC).

Kulanka oo qabsoomay ayaa diiradda lagu saaray xoojinta iskaashiga baarlamaannada gobolka, dardargelinta is-dhexgalka dalalka xubnaha ka ah ururka iyo sidii loo mideyn lahaa dadaallada hay’adaha sharci-dejinta.

Guddoomiye Cabdulqaadir Maxamed Nuur ayaa khudbad uu ka jeediyey kulanka ku soo bandhigay laba qodob oo muhiim ah, kuwaas oo kala ah dib-u-eegista hirgelinta go’aannada shir-madaxeedkii madaxda dalalka EAC ee la xiriiray gunnooyinka iyo doorashada xubnaha Baarlamaanka Sharci-dejinta Bariga Afrika (EALA), oo la qorsheeyey inay dhaqan galaan bisha Diseembar 2027.

Sidoo kale, shirka ayaa lagu dhageystay warbixin ku saabsan diyaar-garowga Ciyaaraha Baarlamaannada Bulshada Bariga Afrika, oo lagu qaban doono magaalada Arusha ee dalka Tanzania, inta u dhexeysa 4-ta iyo 15-ka Diseembar ee sanadkan.

Guddoomiyaha Golaha Shacabka ayaa sheegay in Soomaaliya ay diyaar u tahay ka qaybgalka tartankaasi, isla markaana Baarlamaanka Federaalka uu diri doono wafdi isboorti oo dalka ku matala ciyaaraha.

Wuxuu xusay in tartanku uu door ka qaadan doono xoojinta xiriirka, saaxiibtinimada iyo wadajirka baarlamaannada dalalka gobolka.

Cabdulqaadir Maxamed Nuur ayaa sidoo kale ku baaqay in guddoomiyeyaasha baarlamaannada ay ka wada shaqeeyaan gaarista go’aanno mideysan oo wax-ku-ool ah, kuwaas oo u adeegaya danaha guud ee dalalka xubnaha ka ah Bulshada Bariga Afrika.

Kulankan ayaa ku soo beegmaya xilli Soomaaliya ay qayb ka tahay dadaallada lagu xoojinayo iskaashiga siyaasadeed iyo hay’adeed ee gobolka Bariga Afrika, iyadoo Baarlamaanka Federaalka uu ka qayb qaadanayo kulamada iyo howlaha ururka.

Baydhaboa 30ka Oktoobar 2026   Hoggaamiyaha Dowladda Koonfur Galbeed, Sheekh Aadan Maxamed Nuur (Madoobe), ayaa magaalada Baydhabo kulan kula yeeshay Taliyaha Qaybta Saddexaad ee Ciidanka Nabad Ilaalinta Midowga Afrika ee ka howlgala Soomaaliya. Kulanka oo ka dhacay xarunta Madaxtooyada Koonfur Galbeed ayaa diiradda lagu saaray xaaladda amni ee deegaannada maamulkaasi, xoojinta iskaashiga ciidamada iyo dardargelinta howlgalada ka dhanka ah Al-Shabaab.

Kulanka waxaa sidoo kale ka qaybgalay Agaasimaha Guud ee Madaxtooyada Koonfur Galbeed iyo saraakiil ciidan, iyadoo labada dhinac ay ka wada hadleen sidii loo xoojin lahaa wada-shaqeynta hay’adaha amniga iyo ciidamada nabad ilaalinta.

Sheekh Aadan Madoobe ayaa carrabka ku adkeeyey muhiimadda ay leedahay isku-duwidda ciidamada iyo hay’adaha amniga, si loo xaqiijiyo xasilloonida deegaannada Koonfur Galbeed, loona dardargeliyo dagaalka ka dhanka ah Al-Shabaab.

Kulankan ayaa imanaya xilli xaaladda amni ee deegaannada Koonfur Galbeed ay weli ka mid tahay arrimaha muhiimka ah ee horyaalla maamulka iyo ciidamada dowladda, gaar ahaan dadaallada lagu sugayo amniga iyo ilaalinta shacabka.

Maraykanka 30ka Oktoobar 2026  Wasiirka Arrimaha Dibadda ee Masar, Badr Abdelatty, ayaa kulan la yeeshay dhiggiisa Soomaaliya, Cabdisalaan Cabdi Cali, kaas oo ka dhacay dhinacyada shirka Madasha Ruushka iyo Afrika, iyagoo ka wada hadlay xiriirka labada dal iyo xaaladaha amni ee ka jira Geeska Afrika iyo Badda Cas. Sida ay baahisay warbaahinta Ahram Online, kulanka ayaa diiradda lagu saaray xoojinta xiriirka diblomaasiyadeed ee labada dal iyo ballaarinta iskaashiga dhinacyada dhaqaalaha, horumarinta iyo maalgashiga.

Wasiirka Arrimaha Dibadda Masar ayaa mar kale caddeeyey taageerada buuxda ee dalkiisu u hayo midnimada, madax-bannaanida iyo wadajirka dhuleed ee Soomaaliya, isagoo sidoo kale sheegay in Qaahira ay taageersan tahay dadaallada lagu dhisayo hay’adaha dowladda Soomaaliya iyo xoojinta awooddooda.

Badr Abdelatty ayaa sidoo kale si cad u diiday tallaabo kasta oo hal dhinac ah oo wax u dhimaysa midnimada dhuleed ee Soomaaliya ama ku xadgudbaysa madax-bannaanideeda.

Labada wasiir ayaa intii uu kulanku socday is-weydaarsaday aragtiyo ku saabsan xaaladda Geeska Afrika iyo Badda Cas, iyagoo adkeeyey muhiimadda ay leedahay ilaalinta madax-bannaanida dalalka gobolka iyo taageeridda hay’adahooda qaran.

Sidoo kale, waxaa laga wada hadlay sidii loo dardargelin lahaa fulinta qodobadii kasoo baxay shirkii wadatashiga afarta geesoodka ahaa ee Masar ku martigelisay magaalada xeebta ku taalla ee El-Alamein, kaas oo ujeeddadiisu ahayd xoojinta amniga, xasilloonida iyo horumarka, iyo dejinta xiisadaha ka jira Geeska Afrika iyo Badda Cas.

Kulankan ayaa imanaya xilli ay sii kordhayaan loollanka istaraatiijiyadeed iyo xiisadaha diblomaasiyadeed ee ka jira Geeska Afrika, gaar ahaan arrimaha la xiriira marin-badeedka baab Al mandab.

Maraykanka 30ka Oktoobar 2026   Soomaaliya ayaa wada dadaallo lagu casriyeynayo nidaamka aqoonsiga iyo baasaboorka qaranka, iyadoo la filayo in baasaboorka cusub uu wax ka beddelo caqabadaha muddada dheer haystay muwaadiniinta Soomaaliyeed ee safarrada caalamiga ah.  Mid ka mid ah su’aalaha ugu waaweyn ee taagan ayaa ah in baasaboorka cusub ee Soomaaliya uu muwaadiniinta u suuragelin doono inay dalalka ku bahoobay Ururka Bulshada Bariga Afrika (EAC) ku galaan dal ku gal la’aan.

Soomaaliya ayaa si rasmi ah uga mid noqotay ururka bishii Diseembar 2023, kaddib markii ay buuxisay shuruudihii xubinnimada, iyadoo noqotay waddankii siddeedaad ee ku biira ururka.

Hase yeeshee, xubinnimada ururka keligeed macnaheedu ma aha in muwaadiniintu si toos ah uga faa’iideysanayaan dhammaan xuquuqda isu socodka xorta ah, maadaama ay jiraan heshiisyo, xeerar iyo habraacyo ay tahay in waddamada xubnaha ahi ansixiyaan oo dhaqan geliyaan.

Agaasimaha Hay’adda Socdaalka iyo Jinsiyadda Soomaaliya, Xuseen Iidow, oo arrintan wax laga weydiiyey, ayaa sheegay in Soomaaliya ay dhammaystirtay qayb badan oo ka mid ah habraacyada looga baahan yahay, balse ay jiraan kuwo kale oo weli dhiman.

Waxa uu tilmaamay in isu socodka Soomaaliya iyo dalalka Bariga Afrika uu hadda wanaagsan yahay, isla markaana uu sii wanaagsanaan doono marka la dhaqan geliyo habraacyada iyo nidaamka baasaboorka cusub.

Dhanka kale, waxaa dowladda Federaalka iyo Baarlamaanka horyaalla dhammaystirka xeerarka iyo habraacyada sharci ee lagama maarmaanka u ah fududeynta isu socodka muwaadiniinta Soomaaliyeed iyo kuwa dalalka kale ee ururka.

Baasaboorka cusub oo la filayo inuu soo baxo dhammaadka sannadkan ayaa la rajeynayaa inuu wax ka beddelo xaaladda muwaadiniinta Soomaaliyeed ee muddada dheer la kulmayay caqabado dhanka socdaalka, gaar ahaan helitaanka dal-ku-galka iyo hubinta dukumentiyada aqoonsiga.

Tan iyo burburkii dowladdii dhexe ee Soomaaliya sannadkii 1991-kii, baasaboorka Soomaaliyeed ayaa wajahaya caqabado la xiriira kalsoonida iyo aqoonsiga caalamiga ah.

Maraykanka 30ka Oktoobar 2026 – Dowladda Federaalka Soomaaliya ayaa dib dalka ugu soo celisay 169 muwaadin oo Soomaali ah, kuwaas oo laga sii daayay xabsiyada dalka Liibiya, kaddib muddo ay halkaas ku wajahnaayeen xaalado nololeed oo adag. Muwaadiniintan ayaa dalka lagu soo celiyay howlgal ay dowladda Soomaaliya ku doonayso inay ku samatabbixiso muwaadiniinta ku xayiran dibadda, gaar ahaan dadka ku jira xabsiyada Liibiya.

Diyaarad siday 140 qof oo u badan dhallinyaro ayaa Khamiistii kasoo degtay garoonka diyaaradaha Aadan Cadde ee magaalada Muqdisho, halkaas oo ay ku soo dhaweeyeen mas’uuliyiin ka tirsan dowladda, gaar ahaan xubno ka socday Wasaaradda Arrimaha Dibadda iyo Iskaashiga Caalamiga ah.

Sidoo kale, 29 muwaadin oo kale ayaa dib loogu soo celiyay magaalada Hargeysa, sida uu sheegay agaasimaha waaxda qurba-joogta iyo arrimaha jaaliyadaha ee Wasaaradda Arrimaha Dibadda Soomaaliya.

Qaar ka mid ah dhallinyarada dalka dib loogu soo celiyay ayaa warbaahinta u sheegay inay aad ugu faraxsan yihiin inay dib ugu laabtaan dalkooda, iyagoo dowladda uga mahadceliyay dadaallada horseeday sii deyntooda iyo dib u soo celintooda.

Waxay sidoo kale ka sheekeeyeen xaalado nololeed oo adag oo ay sheegeen inay kala kulmeen xabsiyada Liibiya, iyagoo dowladda ka codsaday inaysan ku ekaan dadka la soo celiyay, balse ay sii waddo dadaallada lagu badbaadinayo Soomaalida kale ee weli halkaas ku xiran.

“Waxaan dowladda Soomaaliya, gaar ahaan Madaxweyne Xasan Sheekh Maxamuud, ka codsanayaa inay caawiso dhallinyarada Soomaaliyeed ee weli ku jira xabsiyada, kuwaas oo halkaas ku wajahaya duruufo adag iyo cudurro,” ayuu yiri mid ka mid ah dhallinyarada dib loo soo celiyay.

Dowladda Soomaaliya ayaa sheegtay inay sii wadi doonto la socodka xaaladda muwaadiniinta dib loo soo celiyay, ilaa ay dib ula midoobayaan qoysaskooda.

Soo celinta 169-kan muwaadin ayaa kusoo beegmaysa xilli ay sii kordhayaan baaqyada ku aaddan in la dardargeliyo dadaallada lagu samatabbixinayo Soomaalida weli ku xiran Liibiya, kuwaas oo qaarkood muddo dheer ku jiray xabsiyada, kuna jira xaalado bani’aadannimo oo adag.

Maraykanka 30ka Oktoobar 2026  Ciidamada deegaanka ee loo yaqaano macawisleyda oo wata gaadiidka dagaalka islamarkana ay horkacayaan siyaasiin iyo ganacsato  ayaa la wareegay qeybo ka mid ah xerada lama galay ee magaalada Baladweyne. Xerada lama galay ayaa u qeybsan laba qeybood oo kala ah xarunta maamulka gobolka Hiiraan  oo hadda uu degan yahay Maxamed Xuseen Maxamed oo dhawaan maamulka Hirshabeelle ay sheegeen inay xilka ka qaadeen basle diiday iyo saldhiga ciidamada xoogga dalka oo ku taalla qeybta dambe ee xerada halkaasoo hadda uu ku sugan yahay guddoomiyaha cusub ee maamulka Hirshabeelle u soo magacabeen gobolka Hiiraan Muuse Salaad Weheliye.

Sidoo kale ciidamadan ayaa la wareegay afaafka hore ee buundada Liqliqato ee magaalada Baladweyne iyagoo farisiino ka dhigtay qeybo ka mid ah xerada Lama galay gaar ahaan xarumaha maamulka gobolka Hiiraan.

Ciidamada xoogga dalka ee ku sugnaa afaafka hore ee xerada lama galay ayaa u baneeyay ciidamadan macawisleyda iyagoona wax rasaas ah ku ridin.

Ciidamada macawisleyda ee gobolka Hiiraan ayaa sidoo kale farsiimo ka dhigtay banaanka garoonka diyaaradaha Ugaas Khaliif iyo qeybo ka mid ah magaalada Baladweyne.

Arintan ayaa ka dhalatay kadib markii xalay la shaaciyay inuu maanta imaanayo magaalada Baladweyne madaxweyne ku xigeenka Hirshabeelle Cabdifataax Xassan Afrax iyo wafdi uu hogaaminayo.

Guddoomiyihii hore ee degmada Maxaas Muumin Maxamed Xalane ayaa sheegay inaysan duulan ku aheyn ciidamada xoogga dalka balse ay la wareegeen xarumaha maamulka gobolka Hiiraan.

“Ciidamada milatariga duulaan kuma nihin, isku cadow ayaa nahay, waxaan ugu baaqeynaya saraakiisha ciidamada xoogga dalka, kuwa nabad sugidda inaysan nagu soo xadgudbin anaga kuma xadgubeyno, basle hadii ay nagu soo xadgudban waa iska celineynaa.” ayuu yiri Muumin Maxamed Xalane.

Xaaladda magaalada Baladweyne ayaa hadda degan iyadoona si weyn loo hadal hayo halka uu ku dambeyn doono kacdoonkan ka dhan ah maamulka Hirshabeelle.

Maraykanka 30ka Oktoobar 2026  Madaxweynaha Soomaaliya, Xasan Sheekh Maxamuud, ayaa sheegay in Soomaaliya ay xiriir wanaagsan la leedahay dalalka Itoobiya iyo Eritrea, isaga oo caddeeyay in khilaafaadka labada dal u dhexeeya ay yihiin arrimo iyaga u gaar ah oo aysan Soomaaliya doonayn inay farageliso.

Madaxweynaha oo wareysi siiyay Skynews ayaa sheegay in Soomaaliya aysan dhinac ka ahayn khilaafaadka u dhexeeya Addis Ababa iyo Asmara, isla markaana aysan jirin wax khilaaf ah oo ay doonayso inay ku lug yeelato.

“Xiriir wanaagsan ayaan la leenahay Itoobiya, sidoo kale xiriir wanaagsan ayaan la leenahay Eritrea. Waxa dhexmara labada dal waa arrin iyaga u gaar ah, annagu qayb kama nihin, mana jiraan khilaafaad aan doonayno inaan faragelinno,” ayuu yiri Madaxweyne Xasan Sheekh.

Waxa uu intaa ku daray in siyaasadda dowladda Soomaaliya ay ku dhisan tahay xoojinta isfahamka, iskaashiga iyo nabadda, isaga oo xusay in hal-ku-dhegga dalku yahay Soomaaliya nafteeda la heshiisay, dunidana la heshiisay.

Hadalkan ayaa muujinaya mowqifka diblomaasiyadeed ee Muqdisho ee ku aaddan xiriirka dalalka gobolka, gaar ahaan dadaalka ay ku doonayso inay xiriir wanaagsan la yeelato dalalka deriska ah, iyadoo ka fogaanaysa inay qayb ka noqoto khilaafaadka laba geesoodka ah.

Geesta kale, Geeska Afrika ayaa weli wajahaya xiisado siyaasadeed iyo kuwo diblomaasiyadeed oo u dhexeeya qaar ka mid ah dalalka gobolka, taas oo sare u qaadday muhiimadda ay leedahay iskaashiga iyo wada-hadallada lagu xoojinayo xasilloonida gobolka.

WARARKA MAANTA 28ka Oktoobar 2026 

Su’aalaha Maanta: Maxuu kashifay Madaxweyne hore Mudane Shiikh Shariif? Yaa kaligiis-talis noqday? Yaa ka takhalusay dastiuurka dalka? Yaa fashilmay Madaxweyne hore Xassan ‘Dhuuso=Fooxiye” oo muddo xilleedkii ka dhammaaday ayadoo #Soomaaliya aysan lahayn lacag Soomaali, dowlad goboleedyadii iyo dowladda wakhtiga ka dhammaday iyo boobka hantida dadweynaha oo uu akoono shaqsiyeed ku abuursaday? Maxuu Madaxweyne hore Xassan Shiik sidan u lahaa? Maxaase Madaxweyne Xassan ku kalifay inuu dhaho doorashooyinka aan qabo ayaa sax ah? Yaa diiday inuu sameeyo Maxkammadda Dastuuriga ah oo dastuurka badashay Madaxweyne hore Xassan “Dhuuso-Fooxiye”? Maxuu ku fashilmay Madaxweyne hore Xassan “Dhuuso-Fooxiye” 1. #Soomaaliya ma isticmaasho lacag Soomaali 2. Dagaal hurin uu ka dhex wado dowlad gobaleedyada taasoo ku fashilmay 3. Diidmo inuu la tashado mucaaradka siyaasadda ay isku haystaa 4. Barakicinta dan -yarta 5. Xadida hantida dadweynaha 6. Dhaqaallo kala xadida gargaar adduunka ku caawiyo #Soomaalia 7. Shaqa gelinta qoyskiisa hoose ee Cali-Gaaf?  Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Maraykanka 28ka Oktoobar 2026  Hay’adda Dambi-baarista Federaalka Mareykanka (FBI) ayaa baadigoobaysa Liban Abdulkadir Sheikh, oo ah nin Soomaali ah oo lagu eedeeyay inuu ku lug lahaa dilka nin iyo isku day dil haweeney ka dhacay magaalada Lakewood ee gobolka Washington, Mareykanka, bishii Nofeembar 2002.

Sida lagu daabacay bogga rasmiga ah ee FBI-da, dhacdadu waxay dhacday 27-kii Nofeembar 2002, markii eedeysanaha la sheegay inuu xoog ku galay guri ku yaalla dhismaha Meadowbrook Apartments ee Lakewood, halkaas oo uu rasaas ku furay laba qof.

FBI-da ayaa sheegtay in ninka la dilay dhowr xabbadood looga dhuftay madaxa, halka haweeneydii la socotay lagu dhaawacay rasaas kaga dhacday dhabarka iyo lugta. Eedeysanaha ayaa la sheegay inuu markii dambe ka baxsaday gobolka Washington, laguna arkay magaalada Minneapolis ee gobolka Minnesota.

Dacwad-oogayaasha gobolka Washington ayaa 27-kii Nofeembar 2002 soo saaray waaran lagu soo xirayo, kaddib markii lagu soo oogay eedeymo la xiriira dil darajada koowaad ah, weerar darajada koowaad ah iyo jabsi darajada koowaad ah. Waxaa sidoo kale 9-kii Diseembar 2002 la soo saaray waaran federaal ah oo la xiriira inuu ka baxsaday goobta si uu uga fogaado maxkamadeynta.

FBI-da ayaa sheegtay inay bixinayso abaalmarin gaareysa 50,000 oo doollar qofkii keena xog horseedda soo qabashada Liban Abdulkadir Sheikh.

Hay’addu waxay sheegtay in eedeysanaha uu xiriir la leeyahay ama laga yaabo inuu tagay magaalooyin ay ka mid yihiin Seattle, Minneapolis iyo Columbus ee Mareykanka, iyo Surrey iyo Vancouver ee Canada, sidoo kale Amsterdam, Oslo, London iyo Soomaaliya.

FBI-da ayaa ku tilmaantay eedeysanaha qof loo arko inuu hubeysan yahay oo khatar badan, waxayna dadka xogta ka haya kiiskan ugu baaqday inay la xiriiraan hay’adda ama ay xogta ku gudbiyaan boggeeda rasmiga ah.

Qaramadda Midooway 28ka Oktoobar 2026 Qaramada Midoobay ayaa sheegtay in ku dhowaad 36,000 oo qof ay ka barakaceen iska horimaadyo hubeysan oo maalmihii la soo dhaafay ka dhacay koonfurta Itoobiya, kuwaas oo u dhexeeya Soomaalida iyo Oromada, iyadoo dadkan ay magangelyo ka raadsadeen dalka Kenya.

Dagaalladan ayaa ka qarxay magaalada Mooyaale, oo ku taalla xadka Itoobiya iyo Kenya, kadib markii halkaas laga taagay calanka dowlad-deegaanka Soomaalida Itoobiya. Magaalada ayaa waxaa si wadajir ah u maamula dowlad-deegaannada Soomaalida iyo Oromada, iyadoo murannada dhanka xuduudaha ay muddooyinkii dambe salka u ahaayeen xiisadaha ka jira deegaanka.

Qaramada Midoobay ayaa sheegtay in dad badan oo ka mid ah dadka ka tallaabay xadka ay yihiin haween iyo carruur, kuwaas oo qaarkood hoy ka helay eheladoyo bulshada deegaanka, halka kuwo kalena ay ku jiraan hoy ku-meel-gaar ah.

Hay’adda Qaramada Midoobay u qaabilsan qaxootiga (UNHCR) ayaa ka digtay baahida degdegga ah ee loo qabo gargaar bani’aadannimo, gaar ahaan cunto, biyo nadiif ah, hoy, adeegyada fayadhowrka iyo daryeelka caafimaadka.

Afhayeenka UNHCR, Yujin Byun, ayaa wakaaladda wararka ee AFP u sheegtay in tan iyo Khamiistii uu si weyn u kordhay tirada dadka ka tallaabaya Itoobiya kuna galaya Kenya, gaar ahaan dhulka xadka ee Mooyaale.

UNHCR ayaa sheegtay inay la shaqaynayso Laanqayrta Cas ee Kenya iyo hay’adaha kale ee bani’aadannimada si loo taageero gurmadka ay hoggaaminayso dowladda Kenya.

“Mudnaantayada koowaad waa inaan aqoonsanno baahiyaha degdegga ah ee dadka amniga raadsanaya, dabadeedna aan daboolno baahiyahaas, annagoo sidoo kale taageerayna bulshada deegaanka ee martigelinaysa,” ayay hay’addu sheegtay.

Itoobiya, oo ka mid ah dalalka ugu dadka badan Afrika, waxaa ka socda colaado hubeysan oo meelo kala duwan ka jira. Murannada xuduudaha u dhexeeya dowlad-deegaannada dalka ayaa marar badan sababa iska horimaadyo, iyadoo xuduudaha maamul ee la dejiyay sannadkii 1991 ay weli yihiin meelaha ugu badan ee ay xiisaduhu ka dhashaan.

Dowladda federaalka Itoobiya ayaa sidoo kale muddo sannado ah dagaallo kula jirtay kooxo hubeysan oo ka dagaallama dowlad-deegaannada Oromada iyo Amxaarada.

Dhanka waqooyiga dalka, dagaallada ayaa mar kale dib uga soo cusboonaaday gobolka Tigray, oo ay ka dhacday dagaal ba’an intii u dhexeysay 2020 iyo 2022.

Waxaa intaas dheer xiisadaha diblomaasiyadeed ee kala dhexeeya Eritrea, kuwaas oo sare u qaaday walaaca laga qabo in labada dal ee deriska ah ay mar kale isku dhacaan.

Uganda 28ka Oktoobar 2026 Madaxweynaha Uganda, Yoweri Museveni, ayaa ugu baaqay hoggaamiyeyaasha iyo shacabka Soomaaliyeed inay mideeyaan mowqifkooda ku aaddan dagaalka ka dhanka ah Al-Shabaab.

Madaxweynaha Uganda ayaa sheegay in kala qaybsanaanta fikirka siyaasadeed iyo faham la’aanta sababaha salka u ah dhibaatooyinka dalka ay caqabad ku yihiin helitaanka nabad waarta.

Museveni ayaa hadalkan sheegay xilli uu xarunta madaxtooyada Entebbe kula kulmay madaxweynaha Soomaaliya, Xasan Sheekh Maxamuud, oo booqasho rasmi ah ku joogay Uganda. Labada hoggaamiye ayaa sidoo kale ka wada hadlay iskaashiga amniga iyo xoojinta xiriirka ganacsi ee labada dal.

Yoweri Museveni ayaa sheegay in xal u helidda caqabadaha Soomaaliya ay u baahan tahay in si sax ah loo fahmo sababaha ka dambeeya, isla markaana la helo midnimo siyaasadeed oo lagu wajaho khataraha amni ee dalka.

“Dhibaatada Soomaaliya waa mid fikir iyo in si khaldan loo fahmay dhibaatooyinka,” ayuu yiri Museveni, isaga oo tusaale u soo qaatay dalal kale oo Afrikaan ah oo kala qaybsanaanta siyaasadeed ay saameysay xasilloonidooda.

Waxa uu ku dooday in kala qaybsanaanta bulshada inteeda badan ay fursad siin karto kooxo tiro yar inay sii wataan saameyntooda, isaga oo ku baaqay in la mideeyo dadka si looga hortago khataraha amni.

Uganda ayaa ka mid ah dalalka ciidamadoodu ka qeyb qaataan howlgalada Midowga Afrika ee Soomaaliya, kuwaas oo taageera ciidamada dowladda federaalka dagaalka ay kula jiraan Al-Shabaab.

Muqdisho 28ka Oktoobar 2026  Hay’adda Sirdoonka iyo Nabadsugidda Qaranka Soomaaliya (NISA) ayaa sheegtay in ciidamada ammaanka ay degmada Hodan ee magaalada Muqdisho ku qabteen nin lagu magacaabo Xasan Nuur Muuse, oo loo yaqaan Makane iyo Cali Sabti, kaas oo ay ku eedeysay inuu qorsheynayay fal amni-darro ah.

War-saxaafadeedka NISA ayaa lagu sheegay in ciidamada hay’adda iyo kuwa booliiska ay howlgal wadajir ah ka fuliyeen xaafadda KPP, kaddib markii ay dareemeen dhaqdhaqaaqa ninka la tuhunsan yahay.

Sida ay sheegtay hay’addu, ninka ayaa isku dayay inuu baxsado, isaga oo iska tuuray bam-gacmeed uu watay, balse ciidamada ayaa ugu dambeyn gacanta ku dhigay isaga oo bad qaba.

NISA ayaa sheegtay in qabashada ninkan ay qayb ka tahay howlgalada lagu xoojinayo amniga caasimadda laguna hortagayo weerarrada ay qorsheeyaan kooxda Al-Shabaab iyo Daacish.

Hay’addu waxay sidoo kale ugu baaqday shacabka inay la wadaagaan ciidamada ammaanka xogaha la xiriira dhaqdhaqaaqyada looga shakiyo inay khatar ku yihiin amniga.

Turkey 28ka Oktoobar 2026 Wasaaradda Gaashaandhigga Turkiga ayaa sheegtay in laba markab dagaal oo ka tirsan ciidamadeeda badda ay 30-ka Oktoobar u ambabixi doonaan Soomaaliya, iyaga oo sida sahay iyo qalab milatari.

Maraakiibta la qorsheeyay inay Soomaaliya yimaadaan ayaa kala ah TCG Gökçeada iyo TCG Yıldırım, sida lagu sheegay warbixin ay wasaaraddu soo saartay.

Wasaaraddu ma aysan faahfaahin cidda loogu talagalay sahayda iyo qalabka milatari ee maraakiibtu sidaan, mana cadda in loogu talagalay Ciidanka Xoogga Dalka Soomaaliyeed iyo in  ciidamada Turkiga ee ku sugan Soomaaliya.

Dhanka kale, Wasaaradda Gaashaandhigga Turkiga ayaa sheegtay in Taliyaha Ciidanka Dhulka Turkiga uu 24-kii Oktoobar qaabilay dhiggiisa Soomaaliya iyo wafdi uu hoggaaminayay.

Kulanka ayaa lagu adkeeyay sii wadidda iskaashiga labada dal ee dhinacyada difaaca, tababarka iyo amniga, si loo xoojiyo awoodda ciidamada Soomaaliya, loogana qayb qaato xasilloonida gobolka.

Turkiga ayaa Soomaaliya kala shaqeeya tababarka iyo tayeynta ciidamada, iyadoo labada dal ay leeyihiin iskaashi dhinacyada milatariga iyo difaaca ah.

Muqdisho 28ka Oktoobar 2026 Madaxweynihii 7-aad ee Jamhuuriyadda Federaalka Soomaaliya, Shariif Sheekh Axmed, ayaa ka hadlay xaaladda ciidanka xoogga dalka, isaga oo tacsi u diray qoysaska, waalidiinta, ehelada iyo guud ahaan shacabka Soomaaliyeed ee ay ka baxeen askarta ku geeriyootay dagaalladii maalmihii la soo dhaafay ka dhacay deegaanno ka mid ah Koonfur Galbeed.

War-saxaafadeed uu soo saaray ayuu ku sheegay in ciidanka xoogga dalka ay yihiin hantida ugu qaalisan ee qaranku leeyahay, isla markaana aan loo adeegsan karin dano siyaasadeed iyo dano shaqsiyeed.

Waxa uu walaac ka muujiyay khasaaraha baaxadda leh ee soo noqnoqday ee ciidamada soo gaaraya, isaga oo sheegay in loo baahan yahay baaritaan madax-bannaan oo lagu ogaado sababaha keenay khasaaraha, lana caddeeyo cid kasta oo ku lug leh go’aannada iyo tallaabooyinka ciidanka lagu geeyay goobaha dagaalka.

Shariif Sheekh Axmed ayaa sidoo kale ku baaqay in la xaqiijiyo madax-bannaanida taliska ciidanka, lagana ilaaliyo faragelinta siyaasadeed ee dhaawici karta kalsoonida, qorsheynta, qorshe-hawlgaleedka iyo wadajirka ciidamada.

Waxa uu carrabka ku adkeeyay in ciidamada qalabka sida aan loo adeegsan karin dano siyaasadeed ama loollan shaqsiyeed.

Madaxweynihii hore ayaa mas’uuliyadda khasaaraha ciidanka dusha ka saaray hoggaanka taliska, isaga oo ku baaqay in la sameeyo baaritaan lagu ogaanayo sababaha keenay dhimashada iyo dhaawaca askarta, lana caddeeyo cid kasta oo mas’uul ka ah go’aannada hawlgallada.

Waxa uu sidoo kale ku baaqay in la sameeyo qorshe qaran oo lagu daryeelayo dhaawacyada ciidamada, laguna taageerayo qoysaska askarta ku dhimatay difaaca dalka, si loo ilaaliyo xuquuqdooda loona yareeyo dhibaatooyinka ay la kulmaan.

Shariif Sheekh Axmed ayaa ugu dambayn ka digay in nafta iyo dhiigga ciidamada loo adeegsado loollan siyaasadeed, isaga oo ku adkeeyay in aan la aqbali karin in naf-hurnimada askarta loo beddelo dano gaar ah oo dhaawacaya midnimada iyo mustaqbalka dalka.

WARARKA MAANTA 27ka Oktoobar 2026 

Su’aalaha Maanta: Yaa siiyaasadda ku kufsaday Madaxweyne Xassan Shiikh “Dhuuso-Fooxiye: ? Maxuuse Madaxweyne hore Xassan u kufsaday Maamul Gobaleedyada #Puntland, #Somaliland Iyo #Jubbaland? Yaa ka takhalusay dastiuurka dalka? Yaa fashilmay Madaxweyne hore Xassan ‘Dhuuso=Fooxiye” oo muddo xilleedkii ka dhammaaday ayadoo #Soomaaliya aysan lahayn lacag Soomaali, dowlad goboleedyadii iyo dowladda wakhtiga ka dhammaday iyo boobka hantida dadweynaha oo uu akoono shaqsiyeed ku abuursaday? Maxuu Madaxweyne hore Xassan Shiik sidan u lahaa? Maxaase Madaxweyne Xassan ku kalifay inuu dhaho doorashooyinka aan qabo ayaa sax ah? Yaa diiday inuu sameeyo Maxkammadda Dastuuriga ah oo dastuurka badashay Madaxweyne hore Xassan “Dhuuso-Fooxiye”? Maxuu ku fashilmay Madaxweyne hore Xassan “Dhuuso-Fooxiye” 1. #Soomaaliya ma isticmaasho lacag Soomaali 2. Dagaal hurin uu ka dhex wado dowlad gobaleedyada taasoo ku fashilmay 3. Diidmo inuu la tashado mucaaradka siyaasadda ay isku haystaa 4. Barakicinta dan -yarta 5. Xadida hantida dadweynaha 6. Dhaqaallo kala xadida gargaar adduunka ku caawiyo #Soomaalia 7. Shaqa gelinta qoyskiisa hoose ee Cali-Gaaf?  Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 27ka Oktoobar 2026  Soomaaliya ayaa wajahaysa caqabado dhaqaale oo sii kordhaya oo la xiriira maalgelinta ciidamada ammaanka, iyadoo taageerada dibadda ay hoos u dhacayso, sida lagu sheegay warbixin uu soo saaray Bangiga Adduunka.

Warbixinta dib-u-eegista maaliyadda guud ee Soomaaliya ayaa muujisay in kharashaadka sannadlaha ah ee amniga dalka ay ka badan yihiin hal bilyan oo doollar, iyadoo qayb weyn oo ka mid ah dhaqaalahaas ay bixiyaan saaxiibbada caalamka, isla markaana aan lagu darin miisaaniyadda dowladda federaalka.

bangiga Adduunka ayaa ka digay in dhimista qorshaysan ee ciidamada Hawlgalka Taageerada iyo Xasillinta Midowga Afrika ee Soomaaliya (AUSSOM) ay dowladda gelin karto xaalad adag, taas oo ku qasbi karta inay wajahdo kharashaad aysan awoodin ama ay hoos u dhacdo awoodda ciidamada ammaanka.

Digniinta Bangiga Adduunka ayaa ku soo beegmaysa iyadoo aan weli la hubin mustaqbalka taageerada Mareykanka ee Xafiiska Taageerada Qaramada Midoobay ee Soomaaliya (UNSOS), kaas oo ciidamada Midowga Afrika u fidiya adeegyo saadka oo muhiim ah.

Wakaaladda wararka Reuters ayaa 18-kii Sebtembar sheegtay in Washington ay muujisay taageero ku aaddan in muddo 12 bilood ah lagu dhimo hawlaha UNSOS, kaddibna la xiro xafiiskaas. Ilo ay Reuters soo xigatay ayaa sheegay in muddada dhimista la filayey inay bilaabato Janaayo 2027, hase yeeshee jadwalku uu weli ku xirnaa wada-tashiyada Golaha Ammaanka ee Qaramada Midoobay.

Qorshahan ayaa ka duwan rajadii hore ee ahayd in taageeradu dhammaato dabayaaqada 2026. Waxaana la qorsheynayo in la joojiyo taageerada UNSOS, balse ma aha dhammaan hawlgallada Qaramada Midoobay ee Soomaaliya.

Ciidamada Midowga Afrika ayaa xafiiskan ka hela adeegyo ay ka mid yihiin cuntada, biyaha, shidaalka, adeegyada caafimaadka iyo gaadiidka.

Soomaaliya ayaa weli wajahaysa khatarta amni ee Al-Shabaab, gaar ahaan gobollada bartamaha iyo koonfurta dalka. Miisaaniyadda qaranka ee 2026-ka, Baarlamaanka Federaalka ayaa difaaca iyo amniga qaranka u qoondeeyey ku dhowaad 271 milyan oo doollar, marka la barbar dhigo 257 milyan oo doollar sannadkii 2025-ka.

Qoondadaas waxaa ku jira ku dhowaad 185 milyan oo doollar oo loogu talagalay difaaca iyo 86 milyan oo doollar oo loogu talagalay amniga qaranka. Ciidamada qalabka sida ayaa loo qoondeeyey 177 milyan oo doollar.

Si kastaba ha ahaatee, lacagaha ku jira miisaaniyadda dowladda ayaa barbar socda taageero amni oo badan oo dibadda laga helo, taas oo aan lagu darin miisaaniyadda qaranka. Arrintan ayaa Soomaaliya u nugleynaysa isbeddel kasta oo ku yimaada maalgelinta caalamiga ah.

Warbixinta Bangiga Adduunka ayaa tilmaantay dhowr caqabadood oo saameyn kara awoodda hawlgal ee ciidamada, kuwaas oo ay ka mid yihiin habraacyada mushaharka oo leh galdaloolooyin, tirada ciidamada oo sii ballaaranaysa iyo kharashaadka oo inta badan ku urursan mushaharka iyo gunnooyinka.

Bangigu wuxuu ku taliyey in si joogto ah loo xaqiijiyo diiwaannada mushaharka ciidamada iyadoo la adeegsanayo xogta aqoonsiga jirka (biometric), si loo hubiyo saxnaanta xogta shaqaalaha iyo lacagaha la bixiyo.

Waxa kale oo uu soo jeediyey in miisaaniyadda amniga lagu saleeyo awoodaha hawlgal ee ciidamada looga baahan yahay inay fuliyaan, halkii diiradda ugu weyn la saari lahaa tirada shaqaalaha oo keliya.

Saldhigga dhaqaale ee gudaha oo xaddidan ayaa caqabad ku ah awoodda Soomaaliya ay ku dabooli karto kharashaadka amniga ee dheeraadka ah.

Sida lagu sheegay warbixinta, dakhliga gudaha ee Soomaaliya ayaa sannadkii 2025 lagu qiyaasay 6.3 boqolkiiba wax-soo-saarka guud ee dalka (GDP). Hase yeeshee, heerkaasi weli kuma filna daboolidda adeegyada aasaasiga ah ee dowladda iyo baahiyaha horumarineed.

Bangiga Adduunka ayaa ku baaqay in khataraha la xiriira maalgelinta amniga lagu daro qorsheynta maaliyadeed ee guud, iyadoo sidoo kale la diyaargaroobayo hoos u dhaca deeqaha iyo cadaadisyada kale ee saameyn kara ilaha dhaqaale ee dowladda.

Warbixintu waxay tilmaantay in kordhinta dakhliga gudaha iyo kharash-gareyn hufan ay Soomaaliya ka caawin karaan maaraynta isbeddelkan, inkasta oo maalgelinta dibadda ay weli muhiim u ahaan doonto muddada dib-u-habaynta.

UK 27ka Oktoobar 2026  Weeraryahanka Bayern Munich iyo kabtanka xulka England, Harry Kane, ayaa ku guuleystay abaalmarinta Ballon d’Or ee sanadka 2026, isaga oo noqday ciyaaryahankii ugu horreeyay ee Ingiriis ah ee ku guuleysta abaalmarintan tan iyo Michael Owen oo hantay sannadkii 2001.

Kane ayaa abaalmarinta lagu guddoonsiiyay xaflad ka dhacday magaalada London  kaddib xilli ciyaareed uu dhaliyay goolal badan, isla markaana uu guulo waaweyn la gaaray kooxdiisa iyo xulka qarankiisa.

Sida ay sheegtay xiriirka kubadda cagta England, Harry Kane ayaa xilli ciyaareedkii 2025–2026 dhaliyay 73 gool 65 kulan oo uu u ciyaaray Bayern Munich iyo xulka England, kuwaas oo 61 gool uu u dhaliyay kooxdiisa Bayern Munich.

Goolashiisa ayaa door muhiim ah ka qaatay guulihii Bayern Munich, oo ku guuleysatay horyaalka Bundesliga iyo koobka Jarmalka ee DFB-Pokal, halka xulka England uu gaaray kaalinta saddexaad ee Koobka Adduunka 2026.

Guushan ayaa Kane ka dhigtay ciyaaryahankii shanaad ee Ingiriis ah ee taariikhda ku guuleysta Ballon d’Or, isaga oo ku biiray halyeeyadii Stanley Matthews, Bobby Charlton, Kevin Keegan iyo Michael Owen.

Ballon d’Or oo keliya kuma ekaan guulaha Kane, waxaana sidoo kale la guddoonsiiyay abaalmarinta Gerd Müller Trophy, taas oo lagu maamuuso gooldhaliyaha ugu sarreeya ee ragga, kaddib bandhiggiisii cajiibka ahaa ee kooxda iyo qaranka.

Kane ayaa abaalmarintan ku hantay xilli uu muujiyay joogteyn dhanka goolasha ah, taas oo magaciisa ka dhigtay mid ka dhex muuqda ciyaartoyda ugu wanaagsan kubadda cagta adduunka.

Guusha Harry Kane ayaa sidoo kale soo afjartay sugitaan 25 sano ah oo ay England ugu jirtay abaalmarinta Ballon d’Or, iyadoo Michael Owen uu ahaa ciyaaryahankii ugu dambeeyay ee Ingiriis ah ee ku guuleysta sannadkii 2001.

Qaramadda Midooway  27ka Oktoobar 2026  Qaramada Midoobay ayaa xaqiijisay inay sii wadi doonto taageerada ay siiso Soomaaliya, inkastoo dhammaadka bishan Oktoobar uu soo afjarmi doono howlgalka ku-meelgaarka ah ee Qaramada Midoobay ee Soomaaliya (UNTMIS).

Afhayeenka Xoghayaha Guud ee Qaramada Midoobay, Stéphane Dujarric, ayaa sheegay in 31-ka Oktoobar 2026 ay soo dhammaan doonto marxaladdii kala-guurka ee howlgalka, taas oo socotay muddo laba sano ah, iyadoo la raacayo qaraarrada Golaha Ammaanka ee Qaramada Midoobay.

Dujarric ayaa xusay in go’aanka lagu soo afjarayo howlgalka uu waafaqsan yahay codsi ka yimid Dowladda Federaalka Soomaaliya, iyo khariidadda kala-guurka ee ay si wadajir ah u dejiyeen dowladda Soomaaliya iyo Qaramada Midoobay.

Sida uu sheegay afhayeenku, waajibaadkii howlgalka ayaa si tartiib-tartiib ah loogu wareejiyay hay’adaha dowladda Soomaaliya iyo hay’adaha, sanduuqyada iyo barnaamijyada kale ee Qaramada Midoobay, taas oo qayb ka ah dadaallada lagu xoojinayo lahaanshaha qaran ee geeddi-socodka nabad-dhisidda iyo dowlad-dhiska.

Xoghayaha Guud ee Qaramada Midoobay ayaa bogaadiyay horumarka ay Soomaaliya ka samaysay dhinacyada nabadda iyo amniga tobannaankii sano ee la soo dhaafay, isaga oo sidoo kale ammaanay adkeysiga shacabka Soomaaliyeed iyo dadaallada ay ku wajahaan caqabadaha dalka ka jira.

Qaramada Midoobay ayaa sheegtay inay sii wadi doonto taageerada Soomaaliya iyada oo adeegsanaysa hay’adaheeda kala duwan, isla markaana la shaqaynaysa dowladda federaalka, Midowga Afrika iyo saaxiibada kale ee caalamiga ah.

Taageeradaasi ayaa diiradda saari doonta xoojinta nabadda, xasilloonida, xuquuqda aadanaha iyo horumarka waara.

Dhanka kale, Xoghayaha Guud ee Qaramada Midoobay ayaa ugu baaqay beesha caalamka inay sii waddo taageerada ay siiso Soomaaliya, si loo ilaaliyo horumarka la gaaray, loona dardargeliyo wada-hadal siyaasadeed oo loo dhan yahay, dib-u-heshiisiinta iyo xoojinta hay’adaha dowladda.

Qaramada Midoobay ayaa sidoo kale muujisay inay aqoonsan tahay caqabadaha siyaasadeed, amni, bani’aadannimo iyo horumarineed ee weli ka jira Soomaaliya, kuwaas oo u baahan taageero iyo iskaashi joogto ah.

Ugu dambayn, Xoghayaha Guud ayaa mahadcelin u jeediyay wakiilladii gaarka ahaa iyo shaqaalihii Soomaaliyeed iyo kuwa caalamiga ahaa ee ka soo shaqeeyay howlgalka iyo kuwii ka horreeyay, isaga oo si gaar ah u xusay shaqaalaha Qaramada Midoobay ee naftooda ku waayay dadaallada nabadda ee Soomaaliya.

Wuxuu mar kale xaqiijiyay sida ay Qaramada Midoobay uga go’an tahay taageeridda shacabka Soomaaliyeed iyo dadaallada ay hoggaaminayaan Soomaalidu ee lagu dhisayo mustaqbal nabdoon, xasilloon oo barwaaqo leh.

Muqdisho 27ka Oktoobar 2026 Taliska Ciidamada Mareykanka ee Afrika (AFRICOM) ayaa beeniyay eedeymo sheegaya in duqeymaha cirka ee ka dhanka ah Al-Shabaab ee koonfurta Soomaaliya loogu talagalay in dadka rayidka ah lagu barakiciyo ama halis loogu geliyo fatahaadaha laga cabsi qabo inay ka dhashaan roobabka la xiriira El Niño.

Afhayeen u hadlay AFRICOM ayaa sheegay in talisku uusan bartilmaameedsan dadka rayidka ah, isla markaana uusan xaaladaha cimilada ama fatahaadaha u adeegsan hab dagaal.

Wuxuu intaas ku daray in ciidamada Mareykanku beegsadaan bartilmaameedyo militari oo sharci ah, ayna qaadaan tallaabooyinka suuragalka ah ee lagu yareynayo waxyeellada soo gaari karta dadka rayidka ah.

Jawaabta AFRICOM ayaa timid kaddib markii wargeyska The Guardian uu baahiyay warbixin ku saabsan xaaladda dadka ku nool magaalada Jilib ee gobolka Jubbada Dhexe, halkaas oo dadka deegaanka ay sheegeen in duqeymaha soo noqnoqda ay ku adkeeyeen inay ka baxaan magaalada, qaarna ay gabaad ka raadsadeen hareeraha Webiga Jubba.

Warbixinta ayaa soo xigatay dad deegaanka ah oo sheegay in duqeymaha ay sababeen dhimasho iyo burbur soo gaaray guryo, iyadoo ay jirto cabsi laga qabo in fatahaadaha la filayo ay sii kordhiyaan halista soo wajahaysa qoysaska ku nool dhulka webiga ku dhow.

Midowga Afrika 27ka Oktoobar 2026 Midowga Afrika ayaan weli si rasmi ah u caddeyn qaabka ciidamada Masar ee la qorsheynayo in la geeyo Soomaaliya ay ula shaqeyn doonaan howlgalka taageerada iyo xasillinta Soomaaliya ee AUSSOM, xilli Qaahira ay qorsheynayso inay dalka keento ciidamo ka hor inta aan si rasmi ah loogu darin howlgalka.

Warbixin uu wargeyska The East African baahiyay maalin ka hor ayaa sheegtay in Masar ay qorshaynayso inay Soomaaliya geyso cutub milatari oo baaxaddiisu gaarsiisan tahay guuto, oo ay weheliyaan ciidamo taageero, kuwaas oo la dejinayo gobolka Shabeellaha Dhexe.

Warbixintu waxay sheegtay in xarun talis milatari laga qorsheeyay deegaanka Ceelcade, oo u dhow garoonka diyaaradaha ee Ciciley, halkaas oo ay hadda ku sugan yihiin ciidamada Burundi ee qeybta ka ah howlgalka Midowga Afrika.

Hubanti la’aanta ku saabsan qaabka taliska ayaa dhalisay su’aalo la xiriira sida ciidamada Masar ee ku imaanaya heshiiska laba geesoodka ah ay ula shaqeyn doonaan ciidamada kale ee AUSSOM, iyo cidda mas’uul ka noqon doonta isku-duwidda howlgaladooda.

Ciidamada Burundi ayaa la sheegay inaan si rasmi ah loogu wargelin qorshahan, iyaga oo sidoo kale muujiyay inaysan ku shaqeyn doonin nidaam talis oo ka baxsan qaab-dhismeedka howlgalka Midowga Afrika. Waxayse diyaar u yihiin inay ka baxaan goobaha ay joogaan marka lagu beddelo ciidamo kale.

Masar ayaa dabayaaqadii 2024 loo qoondeeyay inay howlgalka AUSSOM ku biiriso ku dhowaad 1,091 askari, hase yeeshee waxay dib u dhigtay ka qeybgalkeeda rasmiga ah, iyadoo sabab uga dhigtay caqabadaha dhanka maalgelinta.

Heshiiska iskaashiga milatari ee Soomaaliya iyo Masar ayaa la saxiixay bishii Agoosto 2024, waxaana tan iyo xilligaas jiray iskaashi ku saabsan hubka, gaadiidka gaashaaman iyo tababarka ciidamada.

Arrintan ayaa ku soo beegmaysa xilli howlgalka AUSSOM uu wajahayo caqabado dhanka dhaqaalaha iyo saadka ah.

Ethiopia 27ka Oktoobar 2026 Itoobiya ayaa ku baaqday in la xoojiyo iskaashiga gobolka iyo diblomaasiyadda ku saabsan isticmaalka biyaha webiyada ay dalalku wadaagaan, halka Madaxweynaha Masar, Cabdifataax Al-Siisi, uu ku celiyey in dalkiisu aanu aqbali doonin tallaabo kasta oo wax u dhimaysa amniga biyihiisa.

Sida ay baahisay warbaahinta Addis Standard, hadalladan ayaa imanaya xilli ay labada dal ay ku dhex jiraan khilaafka ku saabsan maaraynta iyo isticmaalka biyaha webiga Niilka, oo ay ku tiirsan yihiin malaayiin qof oo ku nool dalalka gobolka.

Baaqa Itoobiya ayaa soo baxay 26-kii Oktoobar, xilli uu furmay shirwaynaha toddobaadka saddexaad ee biyaha iyo tamarta dalkaas. Itoobiya ayaa ku nuuxnuuxsatay muhiimadda ay leedahay in dalalka gobolka ay iska kaashadaan maaraynta khayraadka biyaha, si loo xoojiyo horumarka iyo xasilloonida gobolka.

Dhanka kale, Madaxweyne Al-Siisi ayaa hadal ka jeediyey shirka toddobaadka sagaalaad ee biyaha Qaahira, kaas oo qabsoomay 25-kii Oktoobar. Waxa uu sheegay in Masar aanay aqbali doonin tallaabooyin hal dhinac ah oo wax u dhimaya amniga biyaha dalkaas, isaga oo arrinta ku tilmaamay “khad cas”.

Khilaafka labada dal ayaa si gaar ah ugu qotoma Biyo-xidheenka Weyn ee Dib-u-curashada Itoobiya (GERD), oo ay Itoobiya ka hirgelisay webiga Niilka Buluugga ah. Itoobiya ayaa mashruuca u aragta mid muhiim u ah koronto-soo-saarka iyo horumarinta dhaqaalaha, halka Masar ay ka walaacsan tahay saamaynta uu ku yeelan karo biyaha dalkeedu ku tiirsan tahay.

Masar ayaa muddo dheer ku baaqaysay in laga gaadho heshiis lagu maamulo buuxinta iyo hawlgalinta biyo-xidheenka, kaas oo dammaanad qaadaya ilaalinta saamigeeda biyaha. Itoobiya, dhankeeda, waxay sheegtay in ay xaq u leedahay inay ka faa’iidaysato khayraadkeeda dabiiciga ah, iyada oo ku baaqaysa iskaashi ku dhisan danaha dalalka gobolka.

Inkasta oo labada dhinac ay muujiyeen muhiimadda wada-hadalka iyo iskaashiga, haddana khilaafka ku saabsan maaraynta biyaha Niilka ayaa weli taagan, kaasi oo saamayn ku yeeshay xidhiidhka Itoobiya, Masar iyo Suudaan, oo dhammaantood dano muhiim ah ka leh webiga.

Muqdisho 27ka Oktoobar 2026  Dowladda Soomaaliya ayaa sheegtay inay dishay ku dhowaad 75 dagaalame oo ka tirsan kooxda Al-Shabaab, halka 56 kalena ay ku dhaawaceen howlgal ka dhacay deegaanka Jameeca ee hoostaga degmada Buurhakaba ee gobolka Baay.

War-saxaafadeed ay Wasaaradda Gaashaandhigga Soomaaliya soo saartay ayaa lagu sheegay in weerarka, oo dhacay 26-kii Oktoobar, uu socday saacado badan, isla markaana uu ka dhacay dhowr deegaan oo hoos taga Buurxakaba oo ay kooxda Al-Shabaab ku lahayd fariisimo.

Wasaaraddu waxay sheegtay in intii uu dagaalku socday ay Al-Shabaab gaadiid laga soo buuxiyey walxaha qarxa ku weerartay gaadiidka ciidamada dowladda, taas oo waxyeello gaarsiisay qaar ka mid ah gaadiidka ciidanka.

Howlgalkan ayay dowladdu sheegtay inuu qayb ka yahay gulufka Banooda ee ay ciidamada dowladda ku bartilmaameedsanayaan fariisimaha Al-Shabaab, sida lagu sheegay war-saxaafadeedka.

Wasaaradda Gaashaandhigga iyo Taliska Ciidanka Xoogga Dalka ayaa sheegay inay sii wadi doonaan howlgallada ka dhanka ah Alshabaab, iyagoo ujeeddadoodu tahay inay wiiqaan awooddeeda iyo awoodda ay dib isugu soo abaabuli karto.

Warsaxaafadeedka laguma sheegin khasaaraha nafeed ee soo gaaray ciidanka dowladda, iyadoo dhinaca kale, Alshabaab ay sheegeen inay dileen in ka badan 200 askari oo ciidanka dowladda katirsan, kaddib weerar ku qaadeen kolonyo ciidan.

Wasaaraddu waxay sheegtay in intii uu dagaalku socday ay Al-Shabaab gaadiid laga soo buuxiyey walxaha qarxa ku weerartay gaadiidka ciidamada dowladda, taas oo waxyeello gaarsiisay qaar ka mid ah gaadiidka ciidanka.

Howlgalkan ayay dowladdu sheegtay inuu qayb ka yahay gulufka Banooda ee ay ciidamada dowladda ku bartilmaameedsanayaan fariisimaha Al-Shabaab, sida lagu sheegay war-saxaafadeedka.

Wasaaradda Gaashaandhigga iyo Taliska Ciidanka Xoogga Dalka ayaa sheegay inay sii wadi doonaan howlgallada ka dhanka ah Alshabaab, iyagoo ujeeddadoodu tahay inay wiiqaan awooddeeda iyo awoodda ay dib isugu soo abaabuli karto.

Warsaxaafadeedka laguma sheegin khasaaraha nafeed ee soo gaaray ciidanka dowladda, iyadoo dhinaca kale, Alshabaab ay sheegeen inay dileen in ka badan 200 askari oo ciidanka dowladda katirsan, kaddib weerar ku qaadeen kolonyo ciidan.

Alshabaab ayaa barahooda warbaahineed ee internetka kusoo bandhigay gaadiid dagaal oo ay sheegeen inay ka gubeen ciidanka dowladda, balse ma jiraan warar madax bannaan oo xaqiijin kara sheegashada kooxda Alshabaab.

WARARKA MAANTA 26ka Oktoobar 2026 

Su’aalaha Maanta:Maxuu Sanboolshe ka kashifay Madaxweyne Xassane “Dhuuso-Fooxiye”? Yaa siiyaasadda ku kufsaday Madaxweyne Xassan Shiikh “Dhuuso-Fooxiye: ? Maxuuse Madaxweyne hore Xassan u kufsaday Maamul Gobaleedyada #Puntland, #Somaliland Iyo #Jubbaland? Yaa ka takhalusay dastiuurka dalka? Yaa fashilmay Madaxweyne hore Xassan ‘Dhuuso=Fooxiye” oo muddo xilleedkii ka dhammaaday ayadoo #Soomaaliya aysan lahayn lacag Soomaali, dowlad goboleedyadii iyo dowladda wakhtiga ka dhammaday iyo boobka hantida dadweynaha oo uu akoono shaqsiyeed ku abuursaday? Maxuu Madaxweyne hore Xassan Shiik sidan u lahaa? Maxaase Madaxweyne Xassan ku kalifay inuu dhaho doorashooyinka aan qabo ayaa sax ah? Yaa diiday inuu sameeyo Maxkammadda Dastuuriga ah oo dastuurka badashay Madaxweyne hore Xassan “Dhuuso-Fooxiye”? Maxuu ku fashilmay Madaxweyne hore Xassan “Dhuuso-Fooxiye” 1. #Soomaaliya ma isticmaasho lacag Soomaali 2. Dagaal hurin uu ka dhex wado dowlad gobaleedyada taasoo ku fashilmay 3. Diidmo inuu la tashado mucaaradka siyaasadda ay isku haystaa 4. Barakicinta dan -yarta 5. Xadida hantida dadweynaha 6. Dhaqaallo kala xadida gargaar adduunka ku caawiyo #Soomaalia 7. Shaqa gelinta qoyskiisa hoose ee Cali-Gaaf?  Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 26ka Oktoobar 2026  Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa casuumaad rasmi ah u fidiyey Xisbiga Nabad iyo Nolol, Golaha Mustaqbalka Soomaaliyeed, Madasha Midnimo Qaran, iyo Dalladda Bulshada Rayidka, si ay uga soo qaybgalaan gogol wadatashi Qaran oo ka furmi doonta magaalada Muqdisho 14-18 Nofeembar 2026.

Gogoshan ayaa ujeedkeedu yahay in si wadajir ah looga wada hadlo arrimaha doorashooyinka federaalka, si ku dhisan is-afgarad iyo isu-tanaasul.

— DHAMMAAD —

Muqdisho 26ka Oktoobar 2026 Agaasimihii hore ee Hay’adda Nabad Sugidda iyo Sirdoonka Qaranka (NISA), Cabdullaahi Maxamed Cali Sanbaloolshe, ayaa sheegay inuu dalka Isu-tagga Imaaraadka Carabta kula kulmay madaxweynayaasha Puntland iyo Somaliland iyo hoggaamiyaha Jubaland, isaga oo kulamadaas ku tilmaamay kuwo looga hadlayay qorshe ka dhan ah Madaxweynaha Soomaaliya, Xasan Sheekh Maxamuud.

Sanbaloolshe oo ka hadlayay kulamadii uu sheegay inuu Imaaraadka kula yeeshay mas’uuliyiintaas, ayaa xusay in dadka uu la kulmay ay ka mid ahaayeen Madaxweynaha Somaliland, Cabdiraxmaan Maxamed Cabdillaahi (Cirro), Madaxweynaha Puntland, Siciid Cabdullaahi Deni, iyo Madaxweynaha Jubaland, Axmed Maxamed Islaam (Axmed Madoobe).

Waxa uu ku andacooday in wada-hadalladaasi ay diiradda saareen dhismaha isbahaysi looga gol leeyahay in xilka looga tuuro Madaxweyne Xasan Sheekh Maxamuud.

Sanbaloolshe ayaa sidoo kale sheegay in kulamadu ay taabteen arrimo la xiriira jihada siyaasadeed ee isbahaysiga la doonayo in la sameeyo iyo tallaabooyinka ay tahay inuu qaado.

Dhanka kale, dowladda federaalka Soomaaliya ayaa horey Imaaraadka Carabta ugu eedeysay inuu dalka ka abuurayo koox la mid ah Ciidamada Taageerada Degdegga ah ee Suudaan (RSF), kuwaas oo door weyn ku leh dagaalka ka socda dalkaas. Hase yeeshee, dowladda Soomaaliya weli si fagaare ah uma soo bandhigin caddeymo ay ku xaqiijinayso eedeyntaas.

Hadallada Sanbaloolshe iyo eedeymaha dowladda federaalka ayaa kusoo beegmaya xilli ay taagan yihiin khilaafaad siyaasadeed oo u dhexeeya dowladda dhexe iyo qaar ka mid ah maamullada dalka, kuwaas oo la xiriira jihada siyaasadeed ee Soomaaliya iyo xiriirka u dhexeeya dhinacyada kala duwan.

Muqdisho 26ka Oktoobar 2026 Wasiirka Cadaaladda iyo Arrimaha Dastuurka Soomaaliya, Xasan Macallin, ayaa soo dhaweeyay go’aanka mucaaradka ee ay maxkamadda sare ugu gudbiyeen dacwad ka dhan ah habraacii wax-ka-beddelka Dastuurka, isaga oo sheegay in tallaabadaasi muujinayso kalsoonida lagu qabo sarreynta sharciga iyo garsoorka dalka.

Madaxweynihii hore ee Soomaaliya, Sheekh Shariif Sheekh Axmed, ayaa dacwad u gudbiyay Maxkamadda Sare, isaga oo ka horyimid habraacii loo maray ansixinta wax-ka-beddelka Dastuurka ee dhacay 11-kii Oktoobar.

Wasiirka oo waraysi siiyey Dawan TV ayaa sheegay in dowladda ay ku faraxsan tahay in mucaaradku doorteen waddada sharciga si ay uga dhiibtaan aragtidooda ku aaddan wax-ka-beddelka Dastuurka.

Waxa uu xusay in mucaaradnimadu ay tahay xuquuq uu Dastuurku dammaanad qaaday, isla markaana siyaasiyiintu xaq u leeyihiin inay diidaan go’aannada dowladda ama ay si cad u muujiyaan mowqifkooda.

“Runtii aad ayaan ugu faraxnay markii aan akhrinnay dacwadda,” ayuu yiri Xasan Macallin, isaga oo intaa ku daray in tallaabada mucaaradku ay xoojinayso kalsoonida lagu qabo sharciga iyo hay’adaha garsoorka.

Wasiirka ayaa sheegay in dacwaddu timid xilli kooxaha mucaaradku ay ka fogaanayeen Dastuurka, balse ay hadda u soo laabteen iyaga oo adeegsanaya hay’adaha garsoorka, arrintaas oo uu ku tilmaamay horumar dhiirrigelin leh.

Xasan Macallin ayaa sheegay in Maxkamadda Sare ay dacwadda u gudbisay Xeer Ilaaliyaha Guud, kaas oo isaguna u sii gudbiyay Baarlamaanka Federaalka, Wasaaradda Cadaaladda iyo Arrimaha Dastuurka, iyo Guddiga Madaxa-bannaan ee Dib-u-eegista Dastuurka.

Sida uu wasiirku sheegay, dacwaddu waxay hadda hortaallaa hay’adahaas.

Waxa uu ku adkeystay in wax-ka-beddelka Dastuurka ay soo diyaarisay dowladda, isla markaana uu ansixiyay Baarlamaanka Federaalka, isaga oo sheegay in dowladda ay qareennadeeda u adeegsan doonto difaaca habraacaas marka dacwadda la qaadayo.

“Waxaan isku difaaci doonnaa sharciga. Waxaan u hoggaansannahay sharciga, sida qof kasta oo kale looga doonayo inuu ugu hoggaansamo,” ayuu yiri wasiirku.

Wasiirka Cadaaladda ayaa sidoo kale soo hadal qaaday khilaaf hore oo sharci oo la xiriiray doorashooyinkii maamulka Galmudug, kaas oo la geeyay maxkamadaha, hase yeeshee wuxuu sheegay inaan si toos ah loo barbar dhigi karin dacwadda hadda laga keenay wax-ka-beddelka Dastuurka Federaalka.

Waxa uu rajo ka muujiyay in muwaadiniin badan ay kalsoonida saari doonaan sharciga iyo garsoorka, halkii ay adeegsan lahaayeen habab kale oo wax u dhimi kara dowladnimada dalka.

Ugu dambayn, Xasan Macallin ayaa carrabka ku adkeeyay in dowladda lafteedu ay waajib ku tahay inay ku shaqeyso Dastuurka, isla markaana dhammaan dhinacyada siyaasadeed ay ixtiraamaan sarreynta sharciga.

Muqdisho 26ka Oktoobar 2026 Madaxweynaha Soomaaliya, Xasan Sheekh Maxamuud, ayaa khudbad uu caawa u jeediyay shacabka kaga hadlay xaaladda siyaasadeed ee dalka, hannaanka doorashooyinka iyo khilaafaadka u dhexeeya dowladda federaalka iyo siyaasiyiinta mucaaradka.

Madaxweynaha ayaa ku tilmaamay doorashada qof iyo cod tallaabo bilow u ah dib ugu noqoshada hannaan dimuqraadi ah oo Soomaaliya ay ka leexatay 57 sano ka hor, isaga oo qiray in geeddi-socodka siyaasadeed ee dalka aanu weli gaarin heerkii la doonayay.

Xasan Sheekh ayaa sheegay in Soomaaliya ay muddo ka badan 30 sano soo martay marxalado siyaasadeed oo kala duwan, balse uu hadda jiro fursad lagu xoojin karo nidaamka ay shacabka si toos ah ugu doortaan hoggaamiyeyaashooda.

Madaxweynaha ayaa sheegay in doorashooyinka qof iyo cod laga qabtay deegaanno ka tirsan Koonfur Galbeed, Galmudug, Hirshabeelle iyo gobolka Banaadir, isaga oo xusay in doorashooyinku si nabad ah uga dhaceen 50 ka mid ah 92-kii degmo ee jiray sannadkii 1990-kii.

Sida uu sheegay, doorashooyinka ayaa lagu qabtay 1,102 goobood oo codbixin ah, waxaana is-diiwaangeliyay 1,824,853 muwaadin, halka ay tartameen 26,742 musharrax, ayna 1,435 masuul ku guuleysteen doorasho toos ah.

Waxa uu sidoo kale sheegay in aanay wax iska horimaad hubaysan ka dhicin goobaha codbixinta, isaga oo ku adkeystay in la dhowray sharciga iyo go’aannada Maxkamadda Sare.

Khudbaddiisa, Xasan Sheekh ayaa ugu baaqay siyaasiyiinta mucaaradka iyo hoggaamiyeyaasha bulshada inay mudnaanta siiyaan danta qaranka, kana fogaadaan tallaabo kasta oo wax u dhimi karta xasilloonida iyo midnimada dalka.

Waxa uu xusay in albaabka wada-hadalku mar walba furan yahay, isla markaana khilaaf kasta lagu xallin karo wadahadal, is-afgarad iyo isu-tanaasul ku dhisan danta guud ee dalka iyo shacabka Soomaaliyeed.

Madaxweynaha ayaa sidoo kale ammaanay siyaasiyiintii hore iyo masuuliyiintii aqbalay natiijooyinka doorashooyinka, isaga oo sheegay in ixtiraamka rabitaanka shacabka iyo aqbalidda natiijooyinku ay saldhig u yihiin dimuqraadiyad waarta.

Isaga oo ka hadlayay hadalkiisa ah in aan go’aan lagu reebin meel dhexe, ayuu sheegay in aanu ula jeedin inuu ka soo horjeedo wadatashiga, balse ay tahay in la kala saaro go’aan-qaadashada iyo la-tashiga. Waxa uu ka digay in haddii aan kala duwanaanshahaas la fahmin ay horseedi karto xaalad fowdo ah.

Madaxweynaha ayaa carrabka ku adkeeyay in dowladda federaalku ay ka go’an tahay sii wadidda dagaalka ka dhanka ah kooxda Al-Shabaab, xoojinta amniga iyo hirgelinta doorashooyinka qof iyo cod.

Ugu dambayn, Xasan Sheekh ayaa si rasmi ah ugu baaqay dhammaan siyaasiyiinta dalka inay miiska wada-hadalka yimaadaan iyada oo loo marayo waddooyinka rasmiga ah.

Waxa uu sheegay in mustaqbalka dalka uu gacanta ugu jiro shacabka Soomaaliyeed, isaga oo ku baaqay in la abuuro hannaan u suurtageliya muwaadin kasta inuu codkiisa ku doorto hoggaamiyaha uu doonayo.

Khudbaddan ayaa ku soo beegmaysa xilli ay taagan yihiin dooddo siyaasadeed oo ku saabsan hannaanka doorashooyinka, awoodaha hay’adaha dowladda iyo sida loo gaari karo heshiis siyaasadeed oo loo dhan yahay.

Galmudug 26ka Oktoobar 2026 Guddoomiyaha Golaha Wakiillada Dowladda-Goboleedka Galmudug, Xuseen Maxamed Nuur Dhagaweyne, oo ay weheliyaan ku-xigeennadiisa, ayaa xarunta Golaha ka daahfuray tababar lagu kobcinayo aqoonta iyo wacyiga xildhibaannada cusub ee Golaha.

Tababarkan ayaa ujeeddadiisu tahay xoojinta fahamka xildhibaannada ee waajibaadkooda sharci-dejineed iyo kor u qaadista awooddooda shaqo, si ay si hufan ugu gutaan masuuliyadda loo igmaday, ugana qayb qaataan horumarinta Golaha Wakiillada iyo matalaadda bulshada Galmudug

WARARKA MAANTA 25ka Oktoobar 2026 

Su’aalaha Maanta:Yaa ka takhalusay dastiuurka dalka? Yaa fashilmay Madaxweyne hore Xassan ‘Dhuuso=Fooxiye” oo muddo xilleedkii ka dhammaaday ayadoo #Soomaaliya aysan lahayn lacag Soomaali, dowlad goboleedyadii iyo dowladda wakhtiga ka dhammaday iyo boobka hantida dadweynaha oo uu akoono shaqsiyeed ku abuursaday? Maxuu Madaxweyne hore Xassan Shiik sidan u lahaa? Maxaase Madaxweyne Xassan ku kalifay inuu dhaho doorashooyinka aan qabo ayaa sax ah? Yaa diiday inuu sameeyo Maxkammadda Dastuuriga ah oo dastuurka badashay Madaxweyne hore Xassan “Dhuuso-Fooxiye”? Maxuu ku fashilmay Madaxweyne hore Xassan “Dhuuso-Fooxiye” 1. #Soomaaliya ma isticmaasho lacag Soomaali 2. Dagaal hurin uu ka dhex wado dowlad gobaleedyada taasoo ku fashilmay 3. Diidmo inuu la tashado mucaaradka siyaasadda ay isku haystaa 4. Barakicinta dan -yarta 5. Xadida hantida dadweynaha 6. Dhaqaallo kala xadida gargaar adduunka ku caawiyo #Soomaalia 7. Shaqa gelinta qoyskiisa hoose ee Cali-Gaaf?  Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 25ka Oktoobar 2026 Hey’adda Maareynta Masiibooyinka Soomaaliyeed (SoDMA) ayaa degmada Kaxda ee Gobolka Banaadir gaarsiisay deeq raashin ah oo loogu talagalay qoysaska nugul, dadka naafada ah iyo dadka ay saameeyeen xaaladaha bani’aadannimo. 

Muqdisho 25ka Oktoobar 2026 Dowladda Federaalka Soomaaliya ayaa sheegtay inay hiigsanayso inay sannadka 2029 xubin ka noqoto Ururka Ganacsiga Adduunka (WTO), iyadoo waddo dadaallo lagu dhammaystirayo shuruudaha sharciyeed iyo wada-xaajoodyada looga baahan yahay xubinnimada ururka.

Madaxa Wada-xaajoodka Ganacsiga Soomaaliya, Saadiq Xaaji Ibraahin, oo wareysi siiyay BBC Somali, ayaa sheegay in dowladda ay rajaynayso inay labada ilaa saddexda sano ee soo socda ku dhammaystirto waajibaadka uga harsan hannaanka ku biirista.

“Waxaan rajeyneynaa inaan dhammaystirno ku biiritaankeenna ilaa 2029-ka. Waa yool adag, laakiin dadaallada dowladda iyo saraakiisha socda awgood, waxaan rajeyneynaa inaan ku dhammaystirno waajibaadka naga harsan labada ilaa saddexda sano ee soo socota,” ayuu yiri Saadiq.

Dadaalladan ayaa dardar yeeshay kaddib booqasho shaqo oo wafdi ka socday WTO iyo Xarunta Ganacsiga Caalamiga ah (ITC) ay ku yimaadeen Muqdisho intii u dhexeysay 10-kii iyo 15-kii Oktoobar, halkaas oo ay saraakiisha dowladda kala shaqeeyeen diyaarinta dukumentiyada iyo qiimeynta shuruudaha xubinnimada.

Soomaaliya ayaa muddo sannado ah ku hawlanayd hannaanka ku biirista WTO, iyadoo kulankii ugu horreeyay ee kooxda shaqada ee qaabilsan codsigeeda xubinnimada uu qabsoomay bishii Febraayo 2025. Kulanka labaad ayaa la qorsheeyay sannadka 2027.

Dowladda Soomaaliya ayaa aaminsan in xubinnimada WTO ay sare u qaadi karto fursadaha ganacsatada dalka ay badeecadahooda ku gaarsiin karaan suuqyada caalamiga ah, isla markaana ay gacan ka geysan karto soo jiidashada maalgashiga shisheeye.

Hirshabelle 25ka Oktoobar 2026 Golaha Wakiillada Dowlad-goboleedka Hirshabeelle ayaa mar kale Cali Cabdullaahi Xuseen Guudlaawe u doortay hoggaamiyaha maamulka, halka Cabdifataax Xasan Afrax loo doortay hoggaamiye ku-xigeenka, kaddib doorasho ka dhacday magaalada Jowhar.

Cali Guudlaawe ayaa ku guuleystay doorashada hoggaamiyaha Hirshabeelle, isaga oo helay codadka 81 mudane oo ka tirsan Golaha Wakiillada. Dib-u-doorashadiisa ayaa u oggolaanaysa inuu hoggaamiyo maamulka shanta sano ee soo socota.

Dhanka kale, Cabdifataax Xasan Afrax ayaa ku guuleystay xilka hoggaamiye ku-xigeenka, isaga oo helay 79 cod, halka musharrax Cabdifataax Baashi Maxamed uu helay 16 cod.

Doorashada hoggaamiye ku-xigeenka waxaa codeeyay 97 xubnood, waxaana xumaaday laba cod.

Munaasabadda doorashada ayaa waxaa ka qaybgalay mas’uuliyiin ka tirsan dowladda, xubno ka tirsan labada aqal ee Baarlamaanka Federaalka Soomaaliya iyo marti-sharaf kale.

Dib-u-doorashada Cali Guudlaawe ayaa dhalisay hambalyooyin uga yimid qaar ka mid ah siyaasiyiinta iyo xubnaha mucaaradka ee ka soo jeeda deegaannada Hirshabeelle, kuwaas oo u rajeeyay hoggaanka cusub inuu ku guuleysto gudashada waajibaadkiisa.

Wasiirkii hore ee Amniga Gudaha Soomaaliya, Abuukar Islow Ducaale, ayaa hambalyo u diray Guudlaawe, isaga oo Alle uga baryay inuu u fududeeyo masuuliyadda mar labaad loo igmaday.

Islow Ducaale ayaa sidoo kale hoggaanka cusub ugu baaqay inuu mudnaanta siiyo midnimada bulshada iyo dib-u-heshiisiin dhab ah, gaar ahaan dadka qaba tabashooyinka siyaasadeed iyo kuwa kale ee bulshada.

“Waxaan hoggaanka cusub kula dardaarmayaa inay ku shaqeeyaan midnimo, una howlgalaan sidii dib-u-heshiisiin dhab ah loo dhex dhigi lahaa shacabka Hirshabeelle, gaar ahaan inta tabashada qabta,” ayuu yiri Islow Ducaale.

Sidoo kale, Xildhibaan Cabdulqaadir Osoble Cali ayaa hambalyo u diray Guudlaawe, isaga oo u rajeeyay inuu ka shaqeeyo horumarka, nabadda, dib-u-heshiisiinta iyo midnimada bulshada Hirshabeelle.

Muqdisho 25ka Oktoobar 2026 Hay’adda Sirdoonka iyo Nabadsugidda Qaranka Soomaaliya (NISA) ayaa sheegtay inay gacanta ku dhigtay Cabdisalaan Yacquub Nuur, oo loo yaqaan Cabdisamad, kaas oo lagu eedeeyay inuu ka dambeeyay weerar bambaano oo lagu qaaday bar-koontarool ay ciidamada amnigu ku lahaayeen degmada Wadajir ee Muqdisho.

War-saxaafadeed ay NISA soo saartay, ayay ku sheegtay in weerarka, oo dhacay kaddib salaaddii maqrib ee Jimcihii, uu sababay dhaawaca saddex qof oo rayid ah iyo askari ka tirsan ciidamada amniga.

Hay’addu waxay sheegtay in eedeysanaha lagu soo qabtay howlgal degdeg ah, kaddib markii la helay muuqaallo ay duubeen kaamirooyinka ammaanka (CCTV), kuwaas oo ay sheegtay inay qayb ka yihiin caddeymaha baaritaanka.

Sida lagu sheegay war-saxaafadeedka, baaritaannada hordhaca ah ayaa muujinaya in eedeysanuhu ku lug lahaa sahminta goobaha amniga ee Muqdisho iyo gudbinta bambaanooyin loo adeegsaday weerarro kala duwan.

NISA ayaa sidoo kale sheegtay inay baarayso doorka eedeysanaha ee ugu yaraan 10 weerar oo bambaanooyin loo adeegsaday, kuwaas oo ka dhacay degmooyinka Kaxda, Garasbaaley, Dayniile, Daarusalaam, Wadajir, Hodan, Kaaraan iyo Heliwaa.

Hay’addu waxay sheegtay in weerarradaas ay ku dhaawacmeen 12 qof oo isugu jira rayid iyo ciidamo amni, iyadoo aan war-saxaafadeedka lagu faahfaahin taariikhaha ay weerarradu dhaceen.

NISA waxay sheegtay inay sii waddo howlgallada ka dhanka ah xubnaha ay ku tilmaantay Khawaarijta iyo shabakadaha ay ku eedeysay inay abaabulaan weerarrada amniga lagu carqaladeynayo.

Muqdisho 25ka Oktoobar 2026 Ra’iisul Wasaaraha Xukuumadda Federaalka Soomaaliya, Xamsa Cabdi Barre, ayaa Sabtidii gaaray magaalada Jeddah ee galbeedka Boqortooyada Sacuudi Carabiya, halkaas oo uu ka bilaabay booqasho rasmi ah.

Wakaaladda Wararka Sacuudiga ee SPA ayaa sheegtay in Xamsa Cabdi Barre uu ka degay Garoonka Caalamiga ah ee Boqor Cabdulcasiis ee magaalada Jeddah, halkaas oo uu ku soo dhaweeyay Guddoomiyaha Gobolka Jeddah, Amiir Sacuud bin Cabdullaahi bin Jalawi, iyo mas’uuliyiin kale oo Sacuudiyaan ah.

Booqashadan ayaa ku soo aadaysa xilli ay sii xoogeysanayaan xiriirka diblomaasiyadeed ee Soomaaliya iyo Sacuudi Carabiya, iyadoo labada dal ay dhowaan yeesheen kulammo looga hadlayay xoojinta iskaashiga dhinacyada siyaasadda, amniga, horumarinta iyo dhaqaalaha.

Labada dhinac ayaa sidoo kale iska kaashanaya arrimo la xiriira danaha gobolka iyo kuwa caalamiga ah.

Safaaradda Soomaaliya ee Riyadh ayaa shaaca ka qaaday in Ra’iisul wasaaraha booqashadiisa Sacuudiga ay daaran tahay gudasha Cumrada.

Ra’iisul Wasaare Xamsa Cabdi Barre ayaa hore dhowr jeer u booqday magaalada Jeddah, iyadoo booqashadiisii ugu dambeysay ay ahayd bishii Maarso 2026, sida lagu sheegay xog rasmi ah oo Sacuudigu hore u baahiyay.

Ilaa hadda, lama shaacin faahfaahinta kulammada uu Ra’iisul Wasaaruhu la yeelan doono mas’uuliyiinta Sacuudiga iyo muddada ay qaadan doonto booqashadiisa.

Muqdisho 25ka Oktoobar 2026 Ciidanka Xoogga Dalka Soomaaliyeed ayaa bilaabay howlgal milatari oo loogu magac daray “Banooda”, kaas oo lagu beegsanayo dagaalamayaasha Al-Shabaab ee ku sugan deegaanno ka tirsan Koonfur-galbeed Soomaaliya, sida ay sheegtay Wasaaradda Gaashaandhiga.

Warka Wasaaradda, ayaa lagu sheegay in howlgalka uu ka dhacay duleedka deegaanka Leego ee gobolka Bay, halkaas oo ciidamada gaarka ah ee Danab ay isku dhaceen maleeshiyaad isku dayay inay hor istaagaan dhaq-dhaqaaqa ciidamada.

Sida lagu sheegay warbixinta, iska horimaadka waxaa lagu dilay toddoba xubnood oo ka tirsan Al-Shabaab, halka tiro kale ay ku dhaawacmeen. Ciidamada dowladda ayaa sidoo kale gacanta ku dhigay hub noocyo kala duwan leh oo ay lahaayeen maleeshiyaadka.

Warka ayaa intaas ku daray in ciidamada xoogga dalka ay sii wadaan howlgallada lagu baadi-goobayo xubnihii Al-Shabaab ee goobta ka baxsaday.

Wasaaradda Gaashaandhigga Soomaaliya ayaa bogaadisay ciidamada ka qaybgalay howlgalka, iyadoo sheegtay in howlgalka Banooda uu qayb ka yahay dadaallada lagu ciribtirayo Al-Shabaab laguna xaqiijinayo amniga deegaannada Koonfur-galbeed.

WARARKA MAANTA 24ka Oktoobar 2026 

Su’aalaha Maanta:Yaa fashilmay Madaxweyne hore Xassan ‘Dhuuso=Fooxiye” oo muddo xilleedkii ka dhammaaday ayadoo #Soomaaliya aysan lahayn lacag Soomaali, dowlad goboleedyadii iyo dowladda wakhtiga ka dhammaday iyo boobka hantida dadweynaha oo uu akoono shaqsiyeed ku abuursaday? Maxuu Madaxweyne hore Xassan Shiik sidan u lahaa? Maxaase Madaxweyne Xassan ku kalifay inuu dhaho doorashooyinka aan qabo ayaa sax ah? Yaa diiday inuu sameeyo Maxkammadda Dastuuriga ah oo dastuurka badashay Madaxweyne hore Xassan “Dhuuso-Fooxiye”? Maxuu ku fashilmay Madaxweyne hore Xassan “Dhuuso-Fooxiye” 1. #Soomaaliya ma isticmaasho lacag Soomaali 2. Dagaal hurin uu ka dhex wado dowlad gobaleedyada taasoo ku fashilmay 3. Diidmo inuu la tashado mucaaradka siyaasadda ay isku haystaa 4. Barakicinta dan -yarta 5. Xadida hantida dadweynaha 6. Dhaqaallo kala xadida gargaar adduunka ku caawiyo #Soomaalia 7. Shaqa gelinta qoyskiisa hoose ee Cali-Gaaf?  Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 24ka Oktoobar 2026 Wasiirka Gaashaandhigga Soomaaliya, Axmed Macallin Fiqi, ayaa sheegay in dowladda Soomaaliya ay kharash ku bixisay ololihii doorashada Madaxweynaha Somaliland, Cabdiraxmaan Maxamed Cabdillaahi Cirro, sannadkii 2024, kaddib markii uu sheegay inuu diyaar u yahay in laga wada hadlo midnimada Soomaaliya.

Fiqi ayaa sheegay in taageerada dowladda Soomaaliya ee Cirro ay ku salaysnayd hadallo uu si sir ah ugu sheegay intii uu ku jiray ololaha doorashada, kuwaas oo uu ku muujinayay inuu diyaar u yahay wada-hadal ku saabsan midnimada iyo in labada dhinac ay ka wada xaajoodaan shuruudo cusub.

“Cirro halkan ayaa laga taageeray, halkan ayaa laga maalgeliyay, waxaana loo taageeray inuu yidhi ragii hore waan ka macquulsanahay, midnimadii ayaan oggolahay inaan ka wada hadalno, shuruudo cusubna waan oggolahay inaan wada dejisanno. Kharashka ugu badan dowlada Soomaaliya ayaa bixisay,” ayuu yidhi Fiqi.

Wasiirka ayaa sheegay inuu ka xun yahay in Cirro, kaddib markii uu ku guulaystay doorashada, uu xiriir la yeeshay Israa’iil, isaga oo dhaleeceyay xidhiidhka ay Somaliland la yeelanayso Israa’iil iyo taageerada ay ka raadinayso hoggaamiyeyaasha kale ee caalamka.

Fiqi ayaa sidoo kale ka hadlay arrimaha la xidhiidha tacaddiyadii ay dowladdii milatariga ahayd ka gaysatay Somaliland, isaga oo sheegay inaan la iska indho tiri karin dhibaatadii dhacday, balse uu ku dooday in aanay masuuliyiinta hadda hoggaaminaya Soomaaliya ayna ka mid ahayn dowladdii milatariga ahayd.

“Lama aasi karo dhibaatadii dhacday ee dowladdii milatariga ahayd dalka ka gaysatay, laakiin dowladda milatariga ah yaan ka mid ahayn. Cirro, Muuse Biixi iyo Maxamed Ibraahim Cigaal baa ka mid ahaa, laakiin aniga, Xasan Sheekh iyo Xamse midkeenna kama mid ahayn,” ayuu yidhi.

Wasiirka ayaa intaa ku daray in aanu qaadi karin masuuliyadda falalkii ay gaysatay xukuumaddii Milateriga ee uu sheegay in aanu ka tirsanaan jirin, hase yeeshee uu diyaar u yahay in laga wada hadlo dhibaatadii taariikhiga ahayd ee dhacday

Muqdisho 24ka Oktoobar 2026 Maxkamadda Ciidamada Qalabka Sida ee Soomaaliya ayaa dil toogasho ku xukuntay dable Boolis Jamaal Xasan Cabdulle, oo lagu helay dilka taliyihii hore ee hoggaanka Isgaarsiinta iyo Tiknoolajiyadda Booliska, Sarreeye Guuto Salaad Maxamed Guuleed, oo lagu dhex dilay gurigiisa 2-dii Juun 2026.

Maxkamadda ayaa sidoo kale Mustaf Xuseen Guure, oo loo yaqaan Kaamil, ku xukuntay hal sano oo il-ku-hayn amni ah, kaddib markii lagu eedeeyay inuu qayb ka ahaa falka dilka janaraalka.

Guddoomiyaha Maxkamadda Darajada Koowaad ee Ciidamada Qalabka Sida, Gaashaanle Sare Xasan Cali Nuur Shuute, ayaa sheegay in go’aanka kiiska la soo saaray 22-kii Oktoobar, kaddib markii maxkamaddu waqti ku filan siisay dhinacyada dacwadda.

Jamaal Xasan Cabdulle, oo ahaa ilaaliyaha gaarka ah ee marxuumka, ayaa sida ku cad faahfaahinta kiiska ahaa qof uu janaraalku soo barbaariyay, kana caawiyay inuu ku biiro ciidanka Booliska Soomaaliyeed. Tababar kaddib, waxaa loo beddelay hoggaanka Isgaarsiinta Booliska, halkaas oo uu janaraalku ka ahaa taliyaha.

Dacwadda ayaa lagu sheegay in khilaafka u dhexeeyay labada nin uu ka dhashay qori AK-47 ah oo dowladda lahayd, kaas oo marxuumka ku qornaa, Jamaalna uu u hayay ilaalo ahaan. Eedeysanaha koowaad ayaa lagu eedeeyay inuu qoriga iibiyay, lacagtii uu ka helayna u isticmaalay inuu ku ciyaaro khamaarka 1Xbet.

1-dii Juun, xill habeenimo ah ayay maxkamaddu sheegtay in Jamaal uu yimid guriga Janaraalka islamarkaasna uu rasaas ku dhuftay Sarreeye Guuto Salaad Maxamed Guuleed, isaga oo saddex xabbadood oo AK-47 ah kaga dhuftay dhabarka iyo gacanta.

Eedeysanaha ayaa sidoo kale lagu eedeeyay inuu isku dayay inuu tirtiro raadadka dilka isaga oo adeegsanayay shukumaan iyo garan uu lahaa marxuumku, isla markaana tuuray fuuqaqa rasaasta. Dhaqdhaqaaqyadan ayaa qayb ka ahaa caddeymaha lagu soo bandhigay kiiska, iyadoo kamarad CCTV ah oo guriga ku xirnayd ay duubtay qaar ka mid ah dhaqdhaqaaqyada ka dhacay bannaanka guriga.

Eedeysanaha labaad, Mustaf Xuseen Guure oo loo yaqaan Kaamil, ayaa lagu eedeeyay inuu Jamaal ka caawiyay falka, isla markaana uu gudaha guriga ku sugnaa qiyaastii 12 daqiiqo kaddib dilka isaga oo aan wax gargaar ah siin marxuumka. Waxaa sidoo kale lagu eedeeyay inuu hubiyay in bannaanka guriga aysan dad joogin, isla markaana uu saraakiishii goobta timid siiyay warbixin marin-habaabin ah.

Kaamil, oo ahaa saaxiibka marxuumka tan iyo 2019, ayaa sidoo kale lagu eedeeyay inuu adeegsaday aqoonsiyo iyo darajooyin ciidan oo been abuur ah. Xiriirka ka dhexeeyay isaga iyo janaraalka ayaa la sheegay inuu ku salaysnaa aqoon iyo farsamada shaqada, waxaana markii dambe ay wada degeen hal guri.

Nairobi 24ka Oktoobar 2026 Dhismo ka koobaan 16 dabaq oo weli dhismihiisu socday ayaa ku dumay xaafadda Eastleigh ee magaalada Nairobi, iyadoo gurmadka degdegga ah uu bilowday, lagana cabsi qabo in dad ay ku hoos xannibmaan burburka dhismaha.

Dhismaha oo lagu sheegay inuu lahaa inta u dhexeysa 12 iyo 16 dabaq ayaa ku yaalla waddada 9-aad ee Eastleigh, halkaas oo dukaamo ganacsi ay ka furnaayeen dabaqa hoose markii uu dumayay.

Goobjoogayaal ayaa sheegay in dad ay ku jireen dhismaha xilliga uu burburayay, iyagoo tilmaamay in qaylo laga maqlayay burburka hoostiisa. Qaar ka mid ah dadka goobta joogay ayaa sheegay inay maqleen hooyo ku dhawaaqaysa kalimadda shahaadada, halka wiil uu ku qaylinayay in walaalkiis uu dhismaha ku jiro.

Guddoomiyaha magaalada Nairobi, Johnson Sakaja, ayaa sheegay in la bilaabay hawlgal lagu badbaadinayo dadka, iyadoo la adeegsanayo qalab culus oo ay ka mid yihiin cagafyada qodista iyo qalabka lagu jebiyo dhismayaasha.

Sakaja ayaa sheegay in kooxo gurmad oo ka kala socda dowladda gobolka Nairobi, ciidamada milatariga Kenya, xarunta maareynta musiibooyinka iyo Laanqayrta Cas ay iska kaashanayaan hawlgalka. Shaqaalaha caafimaadka ayaa sidoo kale goobta ku sugnaa si ay gargaar u siiyaan dadka la soo badbaadiyo.

Mas’uuliyiinta ayaa sheegay inay isku dayayaan inay hawo oksijiin ah gaarsiiyaan meelaha ay suuragal tahay inay dad ku xanniban yihiin, iyagoo sidoo kale nadiifinaya burburka si loo gaaro dadka noolaan kara.

Bramwell Simiyu, oo ah madaxa maareynta musiibooyinka ee dowladda gobolka Nairobi, ayaa sheegay inaan weli la ogeyn tirada dadka ku jiray dhismaha markii uu dumayay. 

Dhacdada ayaa dhalisay cabsi iyo jahawareer ka dhacay goobta, iyadoo booliska rabshadaha ka hortaga ay sunta dadka ka ilmeysiisa u adeegsadeen kala eryidda dad isku dayay inay xiraan waddada u dhow goobta burburka.
Ilaa hadda lama xaqiijin tirada dadka ku dhintay ama ku dhaawacmay dhacdada, waxaana socda hawlgallada raadinta iyo badbaadinta dadka laga cabsi qabo inay ku hoos jiraan burburka.

Muqdisho 24ka Oktoobar 2026Madaxweyne ku xigeenka Hirshabeelle, Yuusuf Axmed Hagar Dabageed, ayaa sheegay inuu sii wadi doono waajibaadkiisa ilaa laga gaarayo heshiis siyaasadeed oo loo dhan yahay oo lagu xalliyo khilaafka maamulka, isaga oo caddeeyay inuu xilka wareejin doono marka dhinacyadu ku heshiiyaan hannaan siyaasadeed oo cusub.

Madaxweyne ku xigeenka Hirshabeelle ayaa sidoo kale sheegay in odayaasha dhaqanka gobolka Hiiraan iyo qaybaha kale ee bulshada ay magaalada Beledweyne ka fureen gogol wadatashi oo looga hadlayo mustaqbalka siyaasadeed ee Hirshabeelle, xilli uu muran ka taagan yahay hannaanka doorashada maamulka.

Dabageed ayaa sheegay in gogosha magaalada Beledweyne ay fursad u tahay in xal looga gaaro khilaafka siyaasadeed ee Hirshabeelle.

Wuxuu sheegay in gogoshaasi looga arrinsanayo mustaqbalka siyaasadeed ee maamulka, isaga oo ku baaqay in dhammaan dhinacyadu ka qaybgalaan dadaallada lagu doonayo in lagu helo hannaan maamul oo loo dhan yahay.

Dabageed ayaa dhaliilay hannaanka doorashada ee la qorsheynayo in lagu qabto magaalada Jowhar, isaga oo ku eedeeyay madaxweynaha Soomaaliya, Xasan Sheekh Maxamuud, iyo kooxdiisa inay doonayaan inay doorashada maamulaan iyaga oo aan heshiis siyaasadeed iyo mid bulsho ka haysan dhinacyada ay khusayso.

Waxa uu ku dooday in hannaanka doorashada Jowhar aanu waafaqsanayn dastuurka federaalka iyo kan Hirshabeelle, isaga oo sheegay in aan la iska indho tiri karin doorka bulshada iyo beelaha ee go’aaminta matalaaddooda siyaasadeed.

Wuxuu ugu baaqay dhinacyada siyaasadda Soomaaliya iyo saaxiibada caalamka inay taageeraan wadatashiga Beledweyne, si loo gaaro heshiis lagu maareeyo marxaladda kala guurka ee Hirshabeelle.

Muqdisho 24ka Oktoobar 2026Xulka qaranka Soomaaliya ee da’yarta ka yar 15 jirrada, Ocean Stars, ayaa markii ugu horreysay ka qaybgalaya tartanka FIFA U-15 World Cup iyo Festival, kaas oo maanta oo Sabti ah ka furmaya magaalada Baku ee dalka Azerbaijan.

Tartankan oo ah kii ugu horreeyay ee noociisa ah ayaa waxaa ka qaybgalaya 189 urur oo ka tirsan xiriirka kubadda cagta adduunka ee FIFA, halka 78 ka mid ah ay markii ugu horreysay ka qaybgalayaan tartan koob Adduun oo FIFA ah.

Ka qaybgalka Soomaaliya ayaa loo arkaa tallaabo muhiim u ah horumarinta kubadda cagta da’yarta, maadaama uu fursad siinayo ciyaartoyda da’da yar inay dalkooda ku matalaan madal caalami ah.

Tartanka ayaa socon doona muddo lix maalmood ah, iyadoo la qorsheeyay in kulamadu ku bilowdaan wareeg saddex maalmood ah oo lagu kala saarayo kooxaha, ka hor inta aan loo gudbin marxaladda tartanka oo ka kooban lix heer. Kooxda ku guuleysata heerka A ayaa loo caleemo saari doonaa horyaalka tartanka.

Si ka duwan koobabka Adduunka ee caadiga ah, tartankan ma yeelan doono wareegyo bug-bax ah. Ciyaaraha waxaa lagu ciyaari doonaa qaab siddeed ciyaaryahan ah koox kasta, iyadoo kulan kasta uu ka koobnaan doono laba qaybood oo min 20 daqiiqo ah.

Marka laga soo tago kulamada, ciyaartoyda waxaa loo qaban doonaa barnaamijyo waxbarasho, kulammo ay la yeeshaan halyeeyada kubadda cagta iyo hawlo wacyigelin ah oo qayb ka ah qorshaha FIFA ee horumarinta ciyaartoyda da’da yar.

FIFA ayaa sheegtay in tartankan uu qayb ka yahay dadaallada lagu ballaarinayo fursadaha ay ciyaartoyda da’yarta ah ee dalalka kala duwan ku helayaan khibrad caalami ah. Waxaa sidoo kale la qorsheeyay in tartan u dhigma oo gabdhaha U-15 ah la qabto sannadka 2027, ka hor inta aan tartamada wiilasha iyo gabdhaha laga dhigin kuwo sannadle ah laga bilaabo 2028.

Soomaaliya ayaa tartankan kaga mid ah dalalka markii ugu horreysay ka qaybgalaya tartan koob Adduun oo FIFA ah, taas oo fursad cusub u abuureysa jiilka soo koraya ee kubadda cagta dalka.

Ka qaybgalka Ocean Stars ee magaalada Baku ayaa sidaas ku noqonaya bog cusub oo u furmaya kubadda cagta da’yarta Soomaaliyeed iyo dadaallada lagu gaarsiinayo heer caalami ah.

WARARKA MAANTA 23ka Oktoobar 2026 

Su’aalaha Maanta:Yaa waalan Madaxweyne hore Xassan “Dhuuso-Fooxiye”? Yaa fashilmay Madaxweyne hore Xassan? Maxuu Madaxweyne hore Xassan Shiik sidan u lahaa? Maxaase Madaxweyne Xassan ku kalifay inuu dhaho doorashooyinka aan qabo ayaa sax ah? Yaa diiday inuu sameeyo Maxkammadda Dastuuriga ah oo dastuurka badashay Madaxweyne hore Xassan “Dhuuso-Fooxiye”? Maxuu ku fashilmay Madaxweyne hore Xassan “Dhuuso-Fooxiye” 1. #Soomaaliya ma isticmaasho lacag Soomaali 2. Dagaal hurin uu ka dhex wado dowlad gobaleedyada taasoo ku fashilmay 3. Diidmo inuu la tashado mucaaradka siyaasadda ay isku haystaa 4. Barakicinta dan -yarta 5. Xadida hantida dadweynaha 6. Dhaqaallo kala xadida gargaar adduunka ku caawiyo #Soomaalia 7. Shaqa gelinta qoyskiisa hoose ee Cali-Gaaf?  Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 23ka Oktoobar 2026 Marwo Muna Cumar Xasan, La-taliyaha Madaxweynaha ee Arrimaha Haweenka iyo Xuquuqda Aadanaha, ayaa kulanka “Horumarinta Jiilka Cusub ee Hoggaanka Haweenka Soomaaliyeed” ka jeedin doonta mawduuca “Xoojinta Codka Haweenka iyo Ka Qaybgalka Da’yarta ee Go’aan-qaadashada.”

24 Oktoobar 2026

Masraxa Shariif Saalax

Muqdisho 23ka Oktoobar 2026 GUDDOOMIYAHA GOLAHA SHACABKA EE BAARLAMAANKA FEDERAALKA SOOMAALIYA OO HAMBALYO U DIRAY GUDDOONKA CUSUB EE GOLAHA WAKIILADA DOWLAD GOBOLEEDKA HIRSHABEELLE.

Muqdisho, Soomaaliya- 23 Octoobar, 2026: Guddoomiyaha Golaha Shacabka ee Baarlamaanka Federaalka Soomaaliya Mudane Cabdulqaadir Maxamed Nuur (Jaamac) ayaa hambalyo iyo bogaadin u diray Mudane Cabdixakiin Luqmaan Xaaji Cabdi oo loo doortay Guddoomiyaha Golaha Wakiilada ee Dowlad- Goboleedka Hirshabeelle, Mudane Cabdiraxmaan Cabdi Iidow oo loo doortay Guddoomiye kux-xigeenka koowaad ee Golaha Wakiiladda Dowlad-Goboleedka Hirshabeelle iyo Guddoomiye ku-xigeenka labaad ee Golaha Wakiilada Dowlad-Goboleedka Hirshabeelle oo loo doortay Mudane Jaamac Cali Maxamuud.

Guddoomiyaha Golaha Shacabka ee Baarlamaanka Dalka ayaa mas’uuliyiinta cusub ee Guddoonka Golaha Wakiillada Hirshabeelle u rajeeyey guul iyo xilkasnimo, isagoo ku boorriyey inay si hufan u gutaan waajibaadka dastuuriga ah ee loo igmaday, isla markaana ay ka shaqeeyaan xoojinta wada-shaqeynta hay’adaha dowladeed, horumarinta matalaadda shacabka iyo danta guud ee dadka reer Hirshabeelle iyo guud ahaan Soomaaliya.

Muqdisho 23ka Oktoobar 2026Wasiirka Warfaafinta XFS Cabdulfitaax Qaasim Maxamuud, ayaa sheegay in wixii midnimo lagu keeni waayay aan lagu gaari karin kala tag, isaga oo adkeeyay muhiimadda ay leedahay xoojinta wada hadalka, ilaalinta masaalixda guud iyo in laga fogaado hadallada abuuri kara nacaybka iyo kala qaybsanaanta bulshada. 

Muqdisho 23ka Oktoobar 2026 Wasiir Axmed Macalin Fiqi ““Dhibaatadii ay dowladdii milatarigu dalka oo dhan ka geysatay waxay ahayd mid aan la ilaawi karin, balse waxaan u baahanahay in miiska wada hadalka la isugu yimaado, si wadajir ahna looga wada hadlo wax kasto oo midnimada horseedi karo 

WARARKA MAANTA 22ka Oktoobar 2026 

Su’aalaha Maanta:Yaa diiday inuu sameeyo Maxkammadda Dastuuriga ah oo dastuurka badashay Madaxweyne hore Xassan “Dhuuso-Fooxiye”? Maxuu ku fashilmay Madaxweyne hore Xassan “Dhuuso-Fooxiye” 1. #Soomaaliya ma isticmaasho lacag Soomaali 2. Dagaal hurin uu ka dhex wado dowlad gobaleedyada taasoo ku fashilmay 3. Diidmo inuu la tashado mucaaradka siyaasadda ay isku haystaa 4. Barakicinta dan -yarta 5. Xadida hantida dadweynaha 6. Dhaqaallo kala xadida gargaar adduunka ku caawiyo #Soomaalia 7. Shaqa gelinta qoyskiisa hoose ee Cali-Gaaf?  Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 22ka Oktoobar 2026 Golaha Shacabka ee Baarlamaanka Federaalka Soomaaliya ayaa ansixiyey Hindise-sharciyeedka Macmiilka Danabeysan iyo heshiisyada u dhexeeya Soomaaliya iyo Turkiga ee ku saabsan iskaashiga caalamiga ah ee garsoorka, kaddib codbixin ka dhacday xarunta Golaha ee Muqdisho.

Kulanka oo ahaa kalfadhiga 8-aad, kulankiisa 27-aad, waxaa guddoominayey Guddoomiyaha Golaha Shacabka, Cabdulqaadir Maxamed Nuur (Jaamac), waxaana ku wehelinayey Guddoomiye ku-xigeenka labaad ee Golaha, Cabdullaahi Cumar Abshirow.

Hindise-sharciyeedka Macmiilka Danabeysan ayaa helay taageerada 137 xildhibaan, halka laba xildhibaan ay diideen, mid kalena uu ka aamusay.

Sidoo kale, heshiisyada Soomaaliya iyo Turkiga ee ku saabsan iskaashiga caalamiga ah ee garsoorka ayaa helay 129 cod oo oggolaansho ah. Toban xildhibaan ayaa diiday, halka hal xildhibaan uu ka aamusay.

Labada hindise iyo heshiisba waxaa la mariyey akhrinta saddexaad, waxaana loo qaaday codbixin ay xildhibaannadu ku muujiyeen mowqifkooda.

Dhanka kale, Golaha Shacabka ayaa akhrinta koowaad marsiiyey Axdiga Dhallinyarada Afrika, oo ay soo gudbisay Wasaaradda Dhallinyarada iyo Ciyaaraha ee Xukuumadda Federaalka Soomaaliya. Wasiirka wasaaradda ayaa xildhibaannada la wadaagay warbixin ku saabsan axdiga.

Dhammaadka kulanka, Guddoomiyaha Golaha Shacabka ayaa sheegay in dib loo dhigay codbixinta iyo akhrinta saddexaad ee Hindise-sharciyeedka wax-ka-beddelka Sharciga Bankiga Dhexe ee Soomaaliya, Xeer Lr. 130 ee 2012.

Guddoomiyuhu wuxuu dib-u-dhigista ku sababeeyey maqnaanshaha mas’uuliyiinta wasaaradda diyaarisay hindise-sharciyeedka, isaga oo sheegay in Wasaaradda Maaliyadda lagula xisaabtami doono arrintaas.

Muqdisho 22ka Oktoobar 2026 Wasaaradda Cadaaladda iyo Arrimaha Dastuurka ee dowladda Federaalka Soomaaliya ayaa soo saartay habraac lagu nidaaminayo diiwaangelinta, tababbarka, rukhsad-siinta iyo kormeerka wadaaddada qaabilsan meherka, kuwaas oo loo yaqaan Ma’duunnada.

War-saxaafadeed ay wasaaraddu soo saartay maanta ayay ku sheegtay in habraacan looga golleeyahay nidaaminta fulinta, xaqiijinta iyo diiwaangelinta guurka, si loo helo hannaan rasmi ah oo lagu maareeyo dhacdooyinka la xiriira guurka.

Wasaaraddu waxay sheegtay in habraacu khuseeyo Ma’duunnada iyo hay’adaha dowladda ee awoodda ama waajibaadka u leh diiwaangelintooda, rukhsad-siintooda iyo xaqiijinta guurka.

Waxay dhammaan Ma’duunnada Soomaaliyeed ku wargelisay inay iska diiwaangeliyaan Wasaaradda Cadaaladda iyo Arrimaha Dastuurka, isla markaana ay u hoggaansamaan shuruudaha iyo habraacyada lagu nidaaminayo mihnaddooda.

Sida ku cad habraaca, guurka waxaa fulin kara garsoore ama Ma’duun si rasmi ah uga diiwaangashan wasaaradda. Waxaa sidoo kale lagu adkeeyay ilaalinta sirta iyo xogta shakhsiga ah ee la xiriirta guurka, iyadoo la raacayo shuruucda dalka.

Wasaaraddu waxay muwaadiniinta ugu baaqday inay raacaan habraacan si loo helo nidaam rasmi ah oo lagu xaqiijiyo guurka, iyadoo ugu baaqday bahda garsoorka, wasaaradaha caddaaladda ee dowlad-goboleedyada, maamulka gobolka Banaadir iyo hay’adaha kale ee ay khusayso inay xoojiyaan wada-shaqaynta.

Muqdisho 22ka Oktoobar 2026 Qaramada Midoobay ayaa ka digtay in daadad ka dhasha roobab xooggan oo la filayo bilaha soo socda ay Soomaaliya ku barakicin karaan in ka badan 800,000 oo qof, xilli dalka uu wajahayo xilli roobaad la saadaalinayo inuu ka xoog badnaado heerarka caadiga ah.

Hay’adda Caalamiga ah ee Socdaalka (IOM) ayaa sheegtay in qiyaaso cusub oo ay soo saartay, iyadoo kaashanaysa Golaha Qaxootiga Denmark, ay muujinayaan in 874,319 qof ay halis ugu jiraan barakac inta u dhexeysa bilaha Oktoobar iyo Diseembar 2026. Qiyaastan ayaa tilmaamaysa in daadadku sabab u noqon karaan 92% barakaca la saadaaliyay.

Digniintan ayaa timid iyadoo la filayo in xaaladda cimiladu ay kasii darto saameynta ifafaalaha El Niño, kaas oo lala xiriirinayo isbeddello ku yimaadda roobabka iyo khatarta fatahaadaha qaybo ka mid ah Geeska Afrika.

Manuel Marques Pereira, oo ah madaxa howlgalka IOM ee Soomaaliya, ayaa sheegay in ay jirto suurtagalnimada in boqollaal kun oo qof ay guryahooda ku waayaan muddo toddobaadyo gudahood ah.

Waxa uu xusay in qoysas badan oo halista wajahaya ay horey u soo mareen barakac, isla markaana ay hadda haystaan dhaqaale iyo agab aad u kooban oo ay ku maareeyaan xaalad kale oo degdeg ah.

IOM ayaa sheegtay in weli ay jirto fursad lagu yareyn karo saameynta daadadka, balse ay lagama maarmaan tahay in si degdeg ah loo helo dhaqaale lagu taageero dadka halista ku jira, laguna caawiyo ilaalinta guryahooda iyo ilaha nolol-maalmeedkooda, iyo in loo raro goobaha ammaan ah marka loo baahdo.

Hay’addu waxay sheegtay inay heshay oo keliya 14% lacagta ay u baahan tahay, taas oo dhan 16.62 milyan oo doollar, si ay ugu diyaar garowdo daadadka la xiriira El Niño ugana jawaabto saameyntooda.

Digniinta Qaramada Midoobay ayaa sidoo kale tilmaamaysa in astaamaha ugu horreeya ee fatahaaduhu ay durba soo baxayaan, iyadoo heerarka webiyadu ku dhowaanayaan meelaha fatahaaddu ka bilaabato, halka roobab xooggan ay waxyeello u geysteen guryo qaarkood.

Marka laga soo tago barakaca, daadadka ayaa halis ku ah beeraha iyo dalagyada, waxayna wasakheyn karaan ilaha biyaha, sidoo kalena go’doomin karaan bulshooyinka ku nool meelaha ay saameeyaan fatahaaduhu, taas oo adkeyn karta helitaanka adeegyada aasaasiga ah.

Hay’adda saadaasha hawada ee Qaramada Midoobay ayaa iyaduna ka digtay in ifafaalaha El Niño ee hadda jira uu noqon karo mid aan hore loo arag marka loo eego xooggiisa.

Mas’uuliyiinta Qaramada Midoobay ayaa ku baaqay in Soomaaliya iyo dalalka deriska la ah ee Itoobiya iyo Kenya ay si degdeg ah u helaan sahayda iyo taageerada loo baahan yahay ka hor inta aysan bilaaban roobabka culus ee la saadaaliyay.

Muqdisho 22ka Oktoobar 2026 Guddoomiyaha Hay’adda Maareynta Masiibooyinka Soomaaliyeed (SoDMA), Maxamuud Macallin Cabdulle, ayaa ka digay khatarta fatahaadaha la xiriira roobabka El Niño, isagoo sheegay in xaaladdu ay saameyn ku yeelan karto ku dhowaad 3.5 milyan oo qof, halka dadka ay suuragalka tahay inay ku barakacaan lagu qiyaasay inta u dhexeysa hal milyan iyo 1.2 milyan oo qof.

Guddoomiyaha ayaa sheegay in qiimeynaha hay’addu ay muujinayaan in khatartu ay gaari karto qaybo badan oo dalka ah, iyadoo fatahaadaha webiyadu ay yihiin walaaca ugu weyn ee xilligan jira.

Waxa uu xusay in ku dhowaad 29 degmo, marka lagu daro gobolka Banaadir, ay ka mid yihiin goobaha la qiimeynayo, inkasta oo saameynta fatahaaduhu ay ku kala duwanaan karto deegaannada.

Maxamuud Macallin Cabdulle ayaa sheegay in webiyada ay yihiin meelaha ugu badan ee laga cabsi qabo inay sababi karaan fatahaado, gaar ahaan Webiga Shabeelle.

Sida uu sheegay, qiimeyn lagu sameeyay webiga ayaa lagu aqoonsaday 383 goobood oo ay biyuhu ka bixi karaan jiinka webiga marka heerka biyuhu sare u kaco, taas oo halis gelin karta dadka deggan hareeraha webiga iyo hantidooda.

Guddoomiyuhu waxa kale oo uu tilmaamay in roobabku ay durba saameeyeen deegaanno kala duwan, kuwaas oo ay ka mid yihiin Cabudwaaq, Garbahaarey iyo meelo kale oo dalka ka tirsan, iyadoo laga cabsi qabo in xaaladdu ay kasii darto haddii roobab culus ay da’aan.

Guddoomiyaha SoDMA ayaa sheegay in Soomaaliya ay kasoo kabanayso abaar daba-dheeraatay oo socotay ku dhowaad shan sano, taas oo saameyn weyn ku yeelatay dadka iyo xoolaha.

Waxa uu ka digay in fatahaado cusub ay sababi karaan khasaaro kale oo soo gaara xoolaha iyo bulshada, isla markaana ay qoysas badan ku qasbi karaan inay ka barakacaan deegaannadooda.

Maxamuud Macallin Cabdulle ayaa sheegay in hay’addu ay ogeysiis u dirtay hay’adaha samafalka iyo dhinacyada kale ee ka shaqeeya gurmadka, si loo dardargeliyo diyaar-garowga ka hor inta aysan dadku barakicin.

Waxa uu xusay in ujeeddadu tahay in taageerada la gaarsiiyo dadka halista ku jira iyagoo weli ku sugan deegaannadooda, halkii laga sugi lahaa inay barakacaan ka dibna gargaar loo raadiyo.

Guddoomiyuhu waxa uu sidoo kale sheegay in dowladda Shiinaha ay muujisay garab istaag ku aaddan wax ka qabashada fatahaadaha, halka uu sheegay in taageero laga filayo dowladda Masar. Waxa uu intaas ku daray in jawaabo laga sugayo dalal kale, oo ay ku jiraan Boqortooyada UĶ iyo Maraykanka.

Ugu dambayn, guddoomiyaha SoDMA ayaa ku baaqay in shacabka Soomaaliyeed, ganacsatada, culimada iyo qaybaha kale ee bulshada ay ka qayb qaataan dadaallada loogu diyaar-garoobayo fatahaadaha, isagoo carrabka ku adkeeyay muhiimadda ay leedahay in tallaabooyin hore loo qaado si loo yareeyo khasaaraha naf iyo maalba leh.

WARARKA MAANTA 21ka Oktoobar 2026 

Su’aalaha Maanta: Maxuu ku fashilmay Madaxweyne hore Xassan “Dhuuso-Fooxiye” 1. #Soomaaliya ma isticmaasho lacag Soomaali 2. Dagaal hurin uu ka dhex wado dowlad gobaleedyada taasoo ku fashilmay 3. Diidmo inuu la tashado mucaaradka siyaasadda ay isku haystaa 4. Barakicinta dan -yarta 5. Xadida hantida dadweynaha 6. Dhaqaallo kala xadida gargaar adduunka ku caawiyo #Soomaalia 7. Shaqa gelinta qoyskiisa hoose ee Cali-Gaaf?  Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 21ka Oktoobar 2026 Dowladda Federaalka Soomaaliya ayaa maanta dalka dib ugu soo celisay 2020 muwaadin oo Soomaali ah oo ku noolaa dalka Yemen, kuwaas oo ay ka mid yihiin qoysas muddo dheer ku sugnaa dalkaas. 

Soo celinta muwaadiniintan ayaa waxaa iska kaashaday dowladda Soomaaliya, Hay’adda Caalamiga ah ee Socdaalka (IOM) iyo Hay’adda Qaramada Midoobay u qaabilsan Qaxootiga (UNHCR).

Dadka dalka dib loogu soo celiyay ayaa waxaa ku jiray qoysas muddo dheer ku noolaa magaalooyinka Cadan iyo meelo kale oo Yemen ah, kuwaas oo qaarkood ay la kulmeen caqabado nololeed, shaqo la’aan iyo saameynta dagaallada dalkaas ka socda.

Abuubakar Ibraahim Cumar, oo ka mid ahaa dadka maanta Muqdisho lagu soo dhaweeyay, ayaa sheegay inuu muddo shan sano ah ku noolaa magaalada Cadan ee Yemen. Waxa uu xusay inuu aad ugu faraxsan yahay dib ugu soo laabashada dalkiisa hooyo, kaddib sannado uu dibadda ku maqnaa.

Qaar kale oo ka mid ah dadka la soo celiyay ayaa sheegay inay ku faraxsan yihiin inay dib ula midoobaan ehelkooda, gaar ahaan hooyooyinkooda iyo walaalahooda oo ay muddo dheer kala maqnaayeen. Mid ka mid ah dadka la soo celiyay ayaa sheegay in qoyskiisu muddo ku dhow 30 sano ku noolaa Yemen, halkaas oo uu ku dhashay.

Dadka dib loo soo celiyay ayaa sidoo kale ka warramay caqabadaha ay kala kulmeen nolosha Yemen, gaar ahaan shaqo helista iyo xaaladaha ay wajahayaan qaxootiga ku nool magaalooyinka Cadan iyo meelo kale oo dalkaas ah.

Wasiir ku-xigeenka Wasaaradda Arrimaha Dibadda iyo Iskaashiga Caalamiga ah ee Soomaaliya, Xasan Maxamed Cali, ayaa sheegay in dowladda Soomaaliya ay dadaal ugu jirto dib u soo celinta muwaadiniinta Soomaaliyeed ee ku dhibaateysan dalalka dibadda, si ay si nabad ah ugu soo laabtaan dalkooda hooyo.

Wasiir ku-xigeenka ayaa sheegay in in ka badan 1,500 oo muwaadiniin Soomaaliyeed ah dib loogu soo celiyay dalka intii lagu jiray sannadkan, isaga oo xusay in duulimaadkii maanta uu ahaa kii saddexaad ee muwaadiniin Soomaaliyeed laga soo qaado Yemen.

Waxa uu u mahadceliyay hay’adaha iyo dhinacyada ka qayb qaatay hawsha, oo ay ka mid yihiin IOM, Midowga Yurub, UNHCR, Xafiiska Qaxootiga Qaranka iyo hay’adaha kale ee dowladda Soomaaliya, isaga oo sidoo kale ammaanay shaqada safaaradda Soomaaliya ee Yemen.

Soo celinta muwaadiniintan ayaa qayb ka ah dadaallada dowladda Soomaaliya iyo hay’adaha caalamiga ah ee lagu caawinayo muwaadiniinta ku nool dalalka dibadda, gaar ahaan kuwa wajahaya xaalado nololeed oo adag, si ay dib ugu helaan taageerada ehelkooda iyo fursado ay noloshooda uga bilaabaan dalkooda hooyo.

Muqdisho 21ka Oktoobar 2026 Dowladda Federaalka Soomaaliya ayaa sheegtay inay Somaliland kala heshiisay khilaafkii ka dhashay nidaamka fiisaha elektaroonigga ah ee eVisa-ha, iyadoo sheegtay in hadda labada dhinac ay ku wada qanacsan yihiin habka loo maamulayo nidaamkaas.

Maareeyaha Hay’adda Duulista Rayidka Soomaaliya, Axmed Macallin Xasan, ayaa BBC-da u sheegay in aanay hadda jirin caqabado la xiriira nidaamka eVisa-ha, isla markaana nidaamka cusub uu u furan yahay ganacsatada Soomaaliyeed, oo ay ku jiraan kuwa ka howlgala Hargeysa.

Axmed ayaa sheegay in nidaamka lacag-bixinta ee ay adeegsadaan shirkadaha diyaaradaha iyo wakaaladaha socdaalku uu markii horeba ahaa mid loogu talagalay ganacsatada Soomaaliyeed, isagoo xusay in hirgelintiisu ay fursado ganacsi u abuuri karto dadka ku nool gobollada kala duwan ee dalka.

Wuxuu sheegay in wakaaladaha socdaalka ee Hargeysa iyo kuwa ka howlgala meelaha kale ee Soomaaliya ay dhammaantood isticmaali karaan nidaamkaas, isaga oo meesha ka saaray walaaca laga qabo in hirgelintiisu ay caqabad ku noqoto ganacsatada Somaliland.

Mar wax laga weydiiyay walaaca la xiriira canshuuraha laga qaado tigidhada diyaaradaha iyo sida ay u wada shaqeyn doonaan nidaamyada socdaalka ee Soomaaliya iyo Somaliland, Axmed wuxuu sheegay in nidaamku yahay mid mideysan oo dalka oo dhan laga isticmaali karo.

Wuxuu intaas ku daray in khilaafkii dhawaan ka dhashay eVisa-ha aanu hadda taagneyn, isla markaana ay jirto is-afgarad ku saabsan sida nidaamka loo adeegsanayo. Si kastaba, wuxuu sheegay in arrimaha la xiriira shuruucda dalka iyo qaybsiga kheyraadka ay yihiin kuwo u baahan in lagu saleeyo habraacyada u degsan dalka.

Khilaafka eVisa-ha ayaa hore walaac uga abuuray dadka u kala safraya Soomaaliya iyo Somaliland, gaar ahaan dhinaca maamulka socdaalka iyo lacagaha laga qaado dadka soo galaya deegaannada kala duwan.

Axmed Macallin Xasan ayaa ku adkeystay in nidaamku yahay mid ay isticmaali karaan ganacsatada Soomaaliyeed meel kasta oo ay joogaan, isla markaana uu gacan ka geysan karo horumarinta ganacsiga duulista iyo adeegyada socdaalka.

Muqdisho 21ka Oktoobar 2026  Dowladda Federaalka Soomaaliya ayaa si adag u cambaareysay una diidday khariidad la sheegay in lagu soo bandhigay shir-jaraa’id uu qabtay Ra’iisul Wasaaraha Israa’iil, taas oo, sida ay dowladdu sheegtay, muujinaysa Soomaaliya oo kala qaybsan, isla markaana xadgudub ku ah xuduudaha caalamku aqoonsan yahay ee dalka.

War-saxaafadeed ay soo saartay Wasaaradda Warfaafinta, Dhaqanka iyo Dalxiiska Soomaaliya ayaa lagu sheegay in khariidaddaasi ay ka hor imanayso madax-bannaanida qaranka, midnimada iyo wadajirka dhuleed ee Jamhuuriyadda Federaalka Soomaaliya.

Dowladda Soomaaliya ayaa ku adkaysatay in dhulka Soomaaliyeed, oo ay ku jiraan Somaliland iyo Puntland, uu yahay qayb aan laga goyn karin qaranka Soomaaliyeed, iyadoo xustay in midnimada dalka ay saldhig u yihiin Dastuurka Soomaaliya iyo mabaadi’da ku xusan Axdiga Qaramada Midoobay iyo Axdiga Midowga Afrika.

War-saxaafadeedka ayaa sidoo kale lagu sheegay in isku day kasta oo dhinacyo shisheeye ay ku doonayaan inay dib ugu sawiraan ama wax uga beddelaan khariidadda siyaasadeed ee Soomaaliya uu yahay mid aan la aqbali karin, isla markaana ka hor imanaya mabaadi’da aasaasiga ah ee sharciga caalamiga ah iyo xiriirka diblomaasiyadeed.

Dowladda Federaalka ayaa ugu baaqday beesha caalamka iyo hay’adaha caalamiga ah inay ixtiraamaan madax-bannaanida, midnimada iyo wadajirka dhuleed ee Soomaaliya.

Waxay sidoo kale sheegtay inay sii wadi doonto gudashada waajibaadkeeda dastuuriga ah ee ku aaddan ilaalinta qarannimada dalka iyo midnimada shacabka Soomaaliyeed.

Khilaaf kasta oo la xiriira xuduudaha iyo midnimada dhuleed ee Soomaaliya ayaa xambaarsan xasaasiyad siyaasadeed iyo diblomaasiyadeed, iyadoo dowladda federaalku ay ku celcelisay mowqifkeeda ku aaddan ilaalinta midnimada dalka.

Muqdisho 21ka Oktoobar 2026 Guddoomiyaha Golaha Shacabka ee Baarlamaanka Federaalka Soomaaliya, Cabdulqaadir Maxamed Nuur (Jaamac), ayaa magaalada Muqdisho ku qaabilay wafdi ka kooban ganacsato, culimo iyo xubno ka tirsan qurba-joogta Soomaaliyeed, kuwaas oo si iskood ah isugu xilqaamay dadaallada nabadaynta iyo dib-u-heshiisiinta Koonfur Galbeed Soomaaliya.

Kulanka ayaa diiradda lagu saaray xoojinta nabadda iyo xasilloonida, horumarinta dowlad-dhiska iyo dardargelinta dib-u-heshiisiinta bulshada, iyadoo xubnaha guddigu ay guddoomiyaha la wadaageen talooyin iyo aragtiyo ku aaddan sidii loo xoojin lahaa dadaallada lagu doonayo in lagu gaaro nabad waarta.

Guddoomiye Cabdulqaadir Maxamed Nuur ayaa soo dhoweeyay dadaallada guddiga, isaga oo bogaadiyay doorka ay qaybaha kala duwan ee bulshada ka qaadanayaan nabadaynta iyo horumarka Koonfur Galbeed.

Waxa uu carrabka ku adkeeyay muhiimadda ay leedahay in bulshada Soomaaliyeed ay kaalin muuqata ka qaadato dhismaha maamul deggan, midnimo bulsho iyo mustaqbal nabadeed.

Kulanka waxaa sidoo kale ka qaybgalay xildhibaano ka tirsan Golaha Shacabka ee Baarlamaanka Federaalka Soomaaliya.

Dadaalladan ayaa ku soo beegmaya xilli ay muhiimad gaar ah leedahay xoojinta wada-hadalka iyo dib-u-heshiisiinta bulshada, si loo adkeeyo nabadda iyo xasilloonida Koonfur Galbeed Soomaaliya.

WARARKA MAANTA 20ka Oktoobar 2026 

Su’aalaha Maanta: Yaa adkaan doona Madaxweyne hore Xassan “Dhuuso-Fooxiye”  Iyo Mucaaradka #Soomaaliya?  Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Israa’iil 20ka Oktoobar 2026  Ra’iisul Wasaaraha Israa’iil, Benjamin Netanyahu, ayaa khariidad lagu soo bandhigay kulan uu Axaddii kaga hadlayey amniga qaranka Israa’iil ku muujiyey Somaliland iyo Puntland inay ka mid yihiin dhulalka ay Israa’iil iyo Imaaraadka Carabtu u arkaan saaxiibbo.

Khariidadda oo lagu soo bandhigay bandhigga Netanyahu ee 18-kii Oktoobar 2026, ayaa Somaliland iyo Puntland loogu asteeyey midab buluug khafiif ah, khariidaddan waxaa markii hore daabacday hay’adda Friedrich-Ebert-Stiftung bishii May 2026, waxaana diyaariyey Marc Saxer iyo Marcus Schneider.

Khariidaddu waxay sidoo kale Itoobiya, Jabuuti iyo Giriigga ku dartay qaybta ay Israa’iil iyo Imaaraadku u arkaan dhulalka saaxiibka la ah, halka Soomaaliya iyo maamulka Waqooyi Bari lagu muujiyey qayb kale oo lala xidhiidhiyey isbahaysiga ay khariidad-sameeyayaashu ugu yeedheen “Sunni Diamond”, oo ay ku jiraan Turkiga, Masar, Pakistan iyo Sucuudiga.

Si kastaba ha ahaatee, warbixintu waxay xustay in khariidaddu ka tarjumayso qiimayn ay sameeyeen qorayaasheedu oo ku saabsan xidhiidhada gobolka, balse aanay caddaynayn heshiis rasmi ah ama xubinnimo isbahaysi. Waxa kale oo khariidadda lagu muujiyey Maamulka Waqooyi Bari oo ay Somaliland sheegato, lakiin Israa’iil ayaa gaar ka dhigtay.

Netanyahu ayaa kulanka kaga hadlay isbahaysiyada cusub ee gobolka, isaga oo iskaashiga Israa’iil iyo Imaaraadka ku tilmaamay mid istaraatiiji ah. Waxa uu sidoo kale sheegay in Israa’iil ay doonayso inay ballaadhiso xidhiidhadeeda caalamiga ah labada sano ee soo socda, muddada uu xilka hayo Madaxweynaha Maraykanka Donald Trump, isaga oo xusay muhiimadda ay leedahay in la sameeyo isbahaysiyo cusub.

Dhanka Soomaaliya, Dowladda Federaalka ayaa si adag uga soo horjeedda aqoonsiga ay Israa’iil siisay Somaliland 26-kii Diseembar 2025, iyada oo ku tilmaantay mid ka hor imanaya madax-bannaanida iyo midnimada dhuleed ee Soomaaliya. Sidoo kale, xidhiidhka Puntland iyo Imaaraadka ayaa khilaaf ka dhex abuuray Puntland iyo Muqdisho, gaar ahaan heshiisyada la xidhiidha dekedda Boosaaso iyo iskaashiga amniga, halka Turkigu taageero dhinacyada amniga iyo tababarka ciidamada Soomaaliya.

Warbixintu waxay intaas ku dartay in la-taliye sare oo arrimaha dibadda u qaabilsan Madaxweynaha Somaliland, Maxamed Cismaan Fadal, uu warbaahinta Middle East Eye u sheegay in Somaliland doonayso inay Israa’iil ka hesho nidaamyada difaaca cirka. Dhanka kale, Madaxweynaha Soomaaliya Xasan Sheekh Maxamuud ayaa Al Jazeera u sheegay in Soomaaliya aanay aqbali doonin joogitaanka Israa’iil “duruufo kasta ha ku yimaaddee”, iyadoo falanqeeyayaashu ka digayaan in loollanka quwadaha shisheeye iyo khilaafaadka gudaha Soomaaliya ay kordhin karaan khatarta colaadaha gobolka.

Muqdisho 20ka Oktoobar 2026 Wasiirka Beeraha iyo Waraabka ee Dowladda Federaalka Soomaaliya, Maxamed Cabdi Xayir Maareeye, ayaa sheegay in la furay suuq weyn oo ku yaalla Cummaan, kaas oo qaadan doona waxsoosaarka beeraha Soomaaliya, isla markaana u noqon doona marin suuq-geyn oo gaarsiiya dalalka Bariga Dhexe.

Maareeye ayaa sheegay in suuqaas si toos ah loo geyn doono waxsoosaarka beeraha Soomaaliya, oo ay ka mid yihiin liinta, sisinta, mooska, cambaha, babayga, isbaandhayska, khudaarta noocyadeeda kala duwan iyo cuntooyinka kale ee dalka laga soo saaro.

“Beeralayda Soomaaliyeed waxaan ugu bishaaraynayaa in aan soo furay suuq weyn oo qaadan doona waxsoosaarka beeraha ee Soomaaliya,” ayuu yiri wasiirku.

Waxa uu intaas ku daray in suuqa Cummaan aanu ku koobnaan doonin quudinta dalkaas oo keliya, balse uu waxsoosaarka beeraha Soomaaliya gaarsiin doono guud ahaan Bariga Dhexe.

Dhanka kale, wasiirka ayaa sheegay in shidaalka Soomaaliya uu soo bixi doono bilo ka dib, isaga oo rajo ka muujiyay mustaqbalka dhaqaalaha dalka.

“Shidaalkiina wuu soo baxayaa bilo ka dib, Soomaaliya iyo gaajo waa isdaayeen. Hala diyaargaroobo,” ayuu yiri Maxamed Cabdi Xayir Maareeye

Muqdisho 20ka Oktoobar 2026 Golaha Mustaqbalka Soomaaliyeed ayaa si cad uga horyimid jihada ay ku socdaan qorshayaasha doorashooyinka dalka, iyagoo oo ku eedeeyay Madaxweyne Xasan Sheekh Maxamuud inuu wado tallaabooyin hal dhinac ah oo halis gelin kara midnimada dalka, nidaamka federaalka iyo mustaqbalka dowladnimada Soomaaliya.

War-saxaafadeed uu Goluhu soo saaray ayuu ku sheegay in si adag looga soo horjeedo jadwalka doorashooyinka labada Aqal ee Baarlamaanka Federaalka iyo Madaxtooyada Federaalka, kaas oo uu sheegay in lagu soo saaray taliska Madaxweyne Xasan Sheekh Maxamuud, iyada oo aan heshiis siyaasadeed oo loo dhan yahay laga gaarin hannaan doorasho oo dalka ka hirgala.

Goluhu wuxuu ku baaqay in heshiis laga gaaro doorashooyinka, isaga oo adkeeyay muhiimadda ay leedahay in dib loo billaabo wada-hadallada dhexdhexaadinta, lana baadi-goobo heshiis siyaasadeed oo ay wada oggol yihiin dhinacyada siyaasadda, ayna taageerayaan saaxiibbada caalamka.

Golaha Mustaqbalka Soomaaliyeed ayaa sheegay in Soomaaliya ay wajaheeyso caqabado culus oo isugu jira khatarta kooxaha Al-Shabaab iyo Daacish, saameynta fatahaadaha El Niño, abaaraha la xiriira isbeddelka cimilada iyo loollanka goboleed ee sii xoogeysanaya.

Sida lagu sheegay war-saxaafadeedka, khatarahaasi waxay sii kordhinayaan baahida loo qabo iskaashi, heshiis siyaasadeed iyo hoggaan mideysan, xilli uu dalku wajahayo caqabado amni, dhaqaale iyo kuwo bulsho.

Goluhu wuxuu sidoo kale sheegay in caawaqibka ka dhasha xaaladda siyaasadeed ee hadda taagan ay dhaawici karaan dadaallada lagu xoojinayo dowladnimada, isaga oo walaac ka muujiyay kala qaybsanaanta siyaasadeed iyo saameynta ay ku yeelan karto wadajirka bulshada Soomaaliyeed.

Golaha Mustaqbalka Soomaaliyeed ayaa sheegay inuu diyaar u yahay wadahadal dhab ah oo lagu gaarayo heshiis loo dhan yahay, kaas oo lagu heshiinayo hannaan doorasho iyo jadwal macquul ah.

Hase yeeshee, wuxuu caddeeyay in haddii Madaxweyne Xasan Sheekh Maxamuud uu ku adkaysto go’aannada uu Goluhu ku tilmaamay kuwo hal dhinac ah, uu qaadi doono tallaabooyin kale oo dastuur iyo siyaasadeed, kuwaas oo lagu ilaalinayo xuquuqda shacabka iyo sharciyadda doorashooyinka.

Goluhu wuxuu si gaar ah uga digay in qof ama koox gaar ahi aysan xaq u lahayn inay keligeed go’aamiso mustaqbalka siyaasadeed ee Soomaaliya.

War-saxaafadeedka ayaa lagu sheegay in mas’uuliyadda ka dhalata go’aannadaas iyo cawaaqibkooda ay qaadi doonaan Madaxweyne Xasan Sheekh Maxamuud iyo cid kasta oo ku taageerta tallaabooyinkaas.

Ugu dambayn, Golaha Mustaqbalka Soomaaliyeed ayaa shacabka ugu baaqay inay si wadajir ah uga hortagaan tallaabooyinka uu ku tilmaamay kuwo sharciga iyo dastuurka dalka baal-marsan, isla markaana khatar ku ah midnimada Soomaaliya, nidaamka federaalka iyo geeddi-socodka dowlad-dhiska.

Goluhu wuxuu sidoo kale ugu baaqay saaxiibbada caalamka iyo daneeyeyaasha arrimaha Soomaaliya inay ka qaybqaataan dadaallada lagu badbaadinayo mustaqbalka dowladnimada dalka, lana taageero hannaan siyaasadeed oo ku dhisan wadatashi iyo heshiis loo dhan yahay.

WARARKA MAANTA 19ka Oktoobar 2026 

Su’aalaha Maanta:Yaa waalan Xassan shalay iyo Xassan maanta oo xilka ka dhammaaday? Maxuu Madaxweyne hore Mudane Shiikh Shariif u kashifay Madaxweynaha xika ka dhammaaday Xassan Shiikh “Dhuuso=Fooxiye”? Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 19ka Oktoobar 2026  GUDDOOMIYAHA GOLAHA SHACABKA OO KULAN CASHO SHARAF AH MAGAALADA MUQDISHO UGU SAMEEYEY XILDHIBAANADA LABADA AQAL EE DEEGAAN DOORASHOODU TAHAY DOWLAD GOBOLEEDKA KOONFUR GALBEED.

Muqdisho, Soomaaliya – 19 October 2026: Guddoomiyaha Golaha Shacabka ee Baarlamaanka Federaalka Soomaaliya Mudane Cabdulqaadir Maxamed Nuur (Jaamac) ayaa Magaalada Muqdisho kulan casho sharaf ah ugu sameeyey Xildhibaanada labada Aqal ee Baarlamaanka Federaalka Soomaaliya ee deegaan doorashadoodu tahay Dowlad Goboleedka Koonfur Galbeed.

Kulanka oo ahaa mid is-xogwareysi ah, islamarkaana ay ka qeyb galeen Hogaamiyaha Dowlad Goboleedka Koonfur Galbeed Mudane Sheekh Aadan Maxamed Nuur (Madoobe), Guddoomiye ku-xigeenka labaad ee Golaha Shacabka Mudane Cabdullaahi Cumar Abshirow iyo sidoo kale ra’isulwasaare ku-xigeenka Dalka Mudane Jibriil Cabdirashiid Xaaji Cabdi ayaa looga hadlay xaaladda amniga iyo mida siyaasadeed ee Dowlad Goboleedka Koonfur Galbeed Soomaaliya

Guddoomiyaha Golaha Shacabka ee Baarlamaanka Federaalka Soomaaliya Mudane Cabdulqaadir Maxamed Nuur (Jaamac) oo kulanka ka hadlay ayaa ugu horreyn Xildhibaanada Baarlamaanka Federaalka Soomaaliya labadiisa Aqal uga mahadceliyey kasoo qeybgalka kulanka, isagoo sheegay in dhaqanka Soomaaliyeed uu ugub ku yahay in siyaasi uu khawaariij kaalmeysto, arrintaas oo keeni karta cawaaqib xun haddii aan laga hortagin.

Guddoomiye Cabdulqaadir Maxamed Nuur ayaa ugu baaqay Xukuumadda Federaalka Soomaaliya in ciidamada nabad-ilaalinta lagula xisaabtamo sababta ay khawaariijtu u joogaan goobihii ay ciidamadu ku sugnaayeen.

Ugu dambeyn, Guddoomiyaha Golaha Shacabka ee Baarlamaanka Federaalka Soomaaliya Mudane Cabdulqaadir Maxamed Nuur (Jaamac) ayaa sheegay in Xukuumadda Federaalka Soomaaliya la weydiinayo sababta nin ka tirsan khawaariijta, oo dowladda Soomaaliya ay gelisay liiska madow, uu weli ugu sugan yahay dalka Kenya goobo la yaqaan, iyadoo aan tallaabo laga qaadin

Muqdisho 19ka Oktoobar 2026 Wasiirka Waxbarashada, Hiddaha iyo Tacliinta Sare ee Dowladda Federaalka Soomaaliya, Faarax Sheekh Cabdulqaadir, ayaa ka jawaabay su’aal laga weydiiyay sababta Puntland looga reebay mashaariicda waxbarasho ee loo qoondeeyay dowlad-goboleedyada kale. Wasiirka ayaa sheegay in deeqaha waxbarasho ee ay bixiso Dowladda Federaalka Soomaaliya loo qeybiyo dowlad-goboleedyada, isagoo xusay in Wasaaradda Waxbarashada Puntland ay hore u sheegtay in deeqo waxbarasho ay heleen.

Wuxuu intaas ku daray in haddii tirada deeqaha la helay aysan ku filnayn ardayda Puntland, ay habboon tahay in arrintaas laga shaqeeyo, isla markaana dhinacyada ay khuseyso ay qaadaan tallaabooyin wax looga qabanayo.

Wasiirku wuxuu sidoo kale carrabka ku adkeeyay in arrintaasi aysan ku koobnayn isaga oo keliya, balse ay u baahan tahay wada-shaqeyn iyo dadaal ay sameeyaan mas’uuliyiinta ay khuseyso.

Faarax Sheekh Cabdulqaadir ayaa sidoo kale ka hadlay baahida loo qabo in haweenka xilalka haya, gaar ahaan wasiirrada iyo xildhibaannada, ay booqdaan goobaha ay ku nool yihiin ardayda, si ay ula kulmaan una dhiirrigeliyaan, Wuxuu sheegay in ardayda gabdhaha ahi ay u baahan yihiin inay arkaan haweenka xilalka haya, kuwaas oo ku dhiirrigelin kara waxbarashada iyo inay mustaqbalka gaaraan xilal sare.

Wasiirka ayaa xusay in booqashooyinka noocaas ahi ay muhiim u yihiin dhiirrigelinta ardayda iyo xoojinta xiriirka ka dhexeeya madaxda iyo bulshada.

Dhanka kale, wasiirka ayaa sheegay in Wasaaradda Waxbarashadu aysan wax lacag ah ka qaadin muwaadiniinta Soomaaliyeed adeegyada ay bixiso, isagoo kala saaray adeegyada wasaaraddiisa iyo kuwa ay lacagaha ka qaadaan Wasaaradda Maaliyadda iyo Wasaaradda Arrimaha Dibadda.

Muqdisho 19ka Oktoobar 2026 Garsooraha Soomaaliyeed Cumar Cabdulkaadir Cartan ayaa loo magacaabay inuu dhex-dhexaadiyo kulanka xulalka Morocco iyo Niger, kaas oo qeyb ka ah isreebreebka Koobka Qaramada Afrika ee AFCON 2027. Xiriirka Kubadda Cagta Afrika (CAF) ayaa magacaabay garsoorayaasha maamuli doona labada kulan ee isku xiga ee Morocco iyo Niger, kuwaas oo lagu ciyaari doono gudaha Morocco.

Cumar Cartan ayaa loo xilsaaray kulanka koowaad oo labada xul ay ku ciyaari doonaan garoonka Mohammed V Sports Complex ee magaalada Casablanca, 13-ka November.

Garsooraha Soomaaliyeed waxaa caawin doona Hamza Haji Abdi iyo Ali Mahamud Mahad, kuwaas oo loo magacaabay garsoorayaal kaaliye ah.

Kulanka labaad ee labada xul ayaa la qorsheeyay inuu ka dhaco garoonka Prince Moulay Abdellah ee magaalada Rabat, 17-ka November, waxaana dhex-dhexaadin doona garsoore u dhashay Itoobiya, Tewodros Mitiku, oo ay wehelin doonaan laba garsoore oo kale oo Itoobiyaan ah.

Labada kulan ayaa qeyb ka ah wareegyada saddexaad iyo afraad ee isreebreebka AFCON 2027. Kulanka Casablanca ayaa bilaaban doona 8:00 fiidnimo, waqtiga maxalliga ah, iyadoo kulanka labaadna la qorsheeyay inuu isla waqtigaas bilowdo.

Xulka Morocco ayaa hoggaaminaya Group A, kaddib markii uu guulo ka gaaray Gabon iyo Lesotho bishii September. Laba guulood oo uu ka helo Niger ayaa sii xoojin kara hoggaankiisa iyo rajadiisa u soo bixitaanka tartanka.

Magacaabista Cumar Cartan ayaa fursad kale u ah garsooraha Soomaaliyeed inuu ka dhex muuqdo tartamada heerka qaaradeed, isaga oo loo igmaday maamulidda kulan muhiim u ah isreebreebka koobka ugu weyn ee xulalka qaranka Afrika.

Maraykanka 19ka Oktoobar 2026  Madaxweynihii hore ee Mareykanka, Barack Obama, ayaa baaritaanka ay Wasaaradda Caddaaladda Mareykanka ku waddo xildhibaanadda Dimuqraadiga ah ee Ilhaan Cumar ku tilmaamay mid laga naxo, isaga oo sheegay inuu u muuqdo isku day dowladeed oo lagu cabsi-gelinayo mid ka mid ah dadka sida adag u dhaliila Madaxweyne Donald Trump, isla markaana lagu doonayo in dalka laga masaafuriyo. Obama oo qoraal ku baahiyay baraha bulshada ayaa dhaliilay adeegsiga awoodda dowladda ee ka dhanka ah mas’uul la doortay, isaga oo yiri: “Dowladdu waxay awooddeeda oo dhan ku wajahinaysaa mas’uul la doortay oo sharciga ixtiraama, sababta oo keliya oo ah inuu ku dhiirraday inuu dhaliilo madaxweynaha.”

Obama ayaa sheegay in baaritaan iyo baadi-goob dhowaan lagu sameeyay guriga Ilhaan Cumar ee Washington, caasimadda Mareykanka, uu u muuqdo isku day lagu raadinayo caddeyn dambiyeed aanu jirin, taas oo la xiriirta dhacdooyin laga joogo 20 sano.

Sida lagu sheegay xogta la baahiyay, baaritaanku wuxuu diiradda saarayaa tuhunno la xiriira khiyaano dhinaca socdaalka ah, gaar ahaan su’aasha ah in aabbaheed Ilhaan Cumar uu bixiyay xog aan sax ahayn oo ku saabsan da’deeda markii ay qaadanaysay dhalashada Mareykanka sannadkii 2000.

Ilhaan Cumar ayaa eedeymahaas beenisay, iyadoo sheegtay inay dhalashada Mareykanka ku qaadatay hab sharci ah oo sax ah, kaddib markii ay Soomaaliya ka soo carartay sannadkii 1995.Madaxweynihii hore ee Mareykanka ayaa ka digay saameynta siyaasadeed ee tallaabadan, isaga oo sheegay in diyaar u ahaanshaha maamul kasta ee adeegsiga tallaabooyin noocan ah si qof loo cabsi-geliyo ay tahay arrin ay tahay in Mareykanka oo dhan ka caroodo.

“Haddii tani noqoto xaaladda cusub ee caadiga ah, ma jirto sabab lagu aamino in arrintu ku ekaan doonto iyada, ama in madaxweynayaasha mustaqbalka aysan samayn doonin wax la mid ah,” ayuu yiri Obama.

Inkasta oo Trump uu hore bartiisa Truth Social uga hadlay rabitaankiisa ah in Ilhaan Cumar dib loogu celiyo Soomaaliya, haddana markii wax laga weydiiyay baaritaanka iyo baadi-goobka gurigeeda, wuxuu wariyeyaasha u sheegay inuusan wax lug ah ku lahayn arrinta.

Muqdisho 19ka Oktoobar 2026 Taliska Booliiska Gobolka Banaadir ayaa beeniyay warar lagu faafiyay baraha bulshada oo sheegayay in ciidamo ka tirsan Booliiska Gobolka Banaadir ay galeen xarumaha Shirkadda Hormuud, isla markaana ay halkaasi ka wadaan baaritaanno. War-saxaafadeed uu Taliska Booliiska Gobolka Banaadir soo saaray 18-kii Oktoobar 2026 ayuu ku sheegay in warkaas uu yahay mid aan sal iyo raad toona lahayn.

Taliska ayaa sidoo kale ugu baaqay warbaahinta iyo dadka isticmaala baraha bulshada inay xaqiijiyaan wararka aan la xaqiijin, wuxuuna caddeeyay in cid kasta oo si ula kac ah u abuureysa ama u faafineysa warar been abuur ah oo noocan oo kale ah lala xisaabtami doono, iyadoo la raacayo tallaabo sharci ah oo waafaqsan shuruucda dalka.

“Taliska wuxuu uga digayaa warbaahinta iyo dadka isticmaala baraha bulshada faafinta wararka aan la xaqiijin, Wuxuuna caddeynayaa in cid kasta oo si ula kac ah u abuurta ama u faafisa warar been abuur noocan oo kale ah laga qaadi doono tallaabo sharci oo waafaqsan shuruucda” ayaa lagu yiri bayaanka Booliska.

Muqdisho 19ka Oktoobar 2026 Guddoomiyaha Golaha Shacabka ee Baarlamaanka Federaalka Soomaaliya, Cabdulqaadir Maxamed, ayaa sheegay inuu kulan wadatashi oo heer sare ah la yeeshay Sheekh Aadan Maxamed Nuur (Aadan Madoobe), hoggaamiyaha Koonfur Galbeed, iyo xubno ka tirsan hay’adaha dowladda Soomaaliya, kaas oo looga hadlay xaaladda siyaasadeed iyo amni ee sii kordheysa ee deegaannada maamulkaas. Guddoomiyuhu wuxuu sheegay in eedeymaha ku saabsan iskaashi dhexmaraya dhinacyo siyaasadeed iyo kooxda Al-Shabaab ay yihiin arrin walaac weyn leh, isla markaana khatar ku ah amniga iyo xasilloonida Soomaaliya.

“Iskaashiga la sheegay ee u dhexeeya dhinacyada siyaasadeed iyo Al-Shabaab wuxuu muujinayaa xaalad walaac weyn leh, wuxuuna khatar culus ku yahay amniga iyo xasilloonida Soomaaliya,” ayuu yiri Guddoomiyaha Golaha Shacabka.

Wuxuu ugu baaqay Dowladda Federaalka Soomaaliya inay baaritaan ku sameyso sida dagaalyahannada Al-Shabaab ay ku gaareen deegaanno ay hore u sugayeen amnigeedi ciidamada nabad-ilaalinta, isla markaana la xaqiijiyo isla-xisaabtan.

“Waxaan Dowladda Federaalka ugu baaqeynaa inay baaritaan ku sameyso sida maleeshiyaadka Al-Shabaab ay u joogitaan uga sameysteen deegaanno ay hore u sugayeen ciidamada nabad-ilaalinta, isla markaana la xaqiijiyo isla-xisaabtan,” ayuu yiri.

WARARKA MAANTA 18ka Oktoobar 2026 

Su’aalaha Maanta:Maxuu Madaxweyne hore Mudane Shiikh Shariif u kashifay Madaxweynaha xika ka dhammaaday Xassan Shiikh “Dhuuso=Fooxiye”? Goorma ayaa la soo qabanayaa Madaxweyne hore Shiikh Shariif, Madaxweyne hore Farmaajo iyo dhammaan mucaaradka?  Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Paris18ka Oktoobar 2026 Xaaladda Paris oo kacsan, iyadoo ay ka socdaan rabshado iyo burbur hantiyeed oo sameynaya dibadbaxayaasha ka caraysan sare u kaca qiimaha nolosha iyo dhaqaale yarida France ka jirta.

Booliska oo naftooda kala baxsan dadka caraysan,  oo hubey xarumo dowladeed iyo goobo caan ah, iyadoo xaaladda dalka sii adkaanayso, oo Macron ka fekerayo sida ku xakameyn lahaa kacdoonka.

Muqdisho 18ka Oktoobar 2026 Golaha Aqalka Sare ee Baarlamaanka Federaalka Soomaaliya ayaa maanta cod aqlabiyad leh ku ansixiyay Hindise-sharciyeedka Dhismaha Hay’adda Saadaasha Hawada iyo Cimilada, kaas oo ay soo gudbisay Wasaaradda Deegaanka iyo Isbeddelka Cimilada. Hindise-sharciyeedka ayaa waxaa oggolaaday 27 senator, iyadoo aanu jirin mudane diiday ama ka aamusay codbixinta.

Ka hor codbixinta, Xoghayaha Guddiga, Senator Zamzam Maxamuud, ayaa Golaha horgeysay warbixinta guddiga, iyadoo ka jawaabtay su’aalihii iyo talooyinkii ay mudanayaashu ka dhiibteen hindise-sharciyeedka.

Wasiirka Deegaanka iyo Isbeddelka Cimilada, Bashiir Maxamed Jaamac, ayaa soo dhoweeyay ansixinta, isaga oo ku tilmaamay tallaabo muhiim u ah dhismaha hay’adaha qaranka iyo horumarinta awoodda Soomaaliya ee saadaasha hawada iyo cimilada.

Wasiirka ayaa sheegay in hay’adda cusub ay dalka u suuragelin doonto inuu yeesho nidaam casri ah oo lagu soo saaro, lagu maareeyo, laguna gudbiyo xogta saadaasha hawada iyo cimilada. Xogtaasi ayaa muhiim u ah qorsheynta qaranka, go’aan-qaadashada iyo ka hortagga khataraha ka dhasha xaaladaha cimilo ee daran.

Waxa uu sidoo kale xusay in horumarinta qalabka iyo nidaamyada saadaasha hawada ee dalka oo dhan, oo ay ku jiraan dowlad-goboleedyadu, ay muhiim u tahay helitaanka xog cilmiyeed lagu fahmi karo isbeddellada cimilada, laguna taageeri karo go’aannada dowladda iyo tallaabooyinka lagu badbaadinayo bulshada. 

Muqdisho 18ka Oktoobar 2026 Soomaaliya ayaa markii ugu horreysay qaabishay wafdi sare oo ka socda Ururka Caalamiga ah ee Gaadiidka Cirka (IATA), iyadoo booqashadan ay ku soo beegmayso iyadoo dowladdu waddo dadaallo lagu horumarinayo adeegyada duulista rayidka iyo dib u soo celinta nidaamka caalamiga ah ee iibinta tigidhada diyaaradaha. Wafdigan oo uu hoggaaminayo Kamil H. Al-Awadhi, madaxweyne ku-xigeenka IATA ee Afrika iyo Bariga Dhexe, ayaa maanta soo gaaray magaalada Muqdisho, halkaas oo uu ku soo dhaweeyay maareeyaha guud ee Hay’adda Duulista Rayidka Soomaaliyeed, Axmed Macallin Xasan.

Maareeyaha guud ayaa sheegay in booqashada wafdiga IATA ay muujinayso horumarka ay Soomaaliya ka sameysay nidaamka duulista hawada iyo xiriirka ay la leedahay hay’adaha caalamiga ah ee dhinaca gaadiidka cirka.

Booqashada ayaa sidoo kale la xiriirta dib u soo celinta nidaamka IATA-BSP, oo ah hannaan caalami ah oo fududeeya iibinta iyo dejinta lacagaha tigidhada diyaaradaha ee wakaaladaha safarka iyo shirkadaha duulimaadyada.

Soomaaliya ayaa qorsheyneysa inay dib ula soo wareegto nidaamkan markii ugu horreysay tan iyo burburkii dowladdii dhexe, tallaabadaas oo la filayo inay sare u qaaddo isku xirka suuqa duulista Soomaaliya iyo kan caalamka, isla markaana ay fududeyso adeegyada tigidhada diyaaradaha.

Maraykanka 18ka Oktoobar 2026 Hoggaamiye sare oo ka tirsan xisbiga Jamhuuriga ee Maraykanka ayaa ku baaqay in tallaabo sharci ah laga qaado Ilhaan Cumar, oo ah xildhibaanad ka tirsan Aqalka Wakiillada Maraykanka, haddii baaritaanka federaalku caddeeyo in iyada ama aabbaheed ay been ka sheegeen dukumentiyada socdaalka si ay u hesho dhalashada Maraykanka. Tom Emmer, oo ah hoggaamiyaha aqlabiyadda ee xisbiga Jamhuuriga u qaabilsan maamulka arrimaha Aqalka Wakiillada, kana mid ah hoggaanka sare ee xisbigaas, ayaa sheegay in haddii eedeymaha la xaqiijiyo, Ilhaan Cumar ay wajahdo xabsi iyo in dalka laga masaafuriyo.

Arrintan ayaa la xiriirta baaritaan federaal ah oo lagu eegayo xogta ay Ilhaan Cumar iyo qoyskeedu ku gudbiyeen dukumentiyada socdaalka dabayaaqadii sagaashamaadkii, xilli qoyskeedu ka soo qaxay Soomaaliya. Eedeymaha ayaa si gaar ah u taabanaya da’deeda xilligii aabbaheed qaatay dhalashada Maraykanka sannadkii 2000.

Warbixinta Fox News ayaa sheegaysa in su’aalo laga keenay in Ilhaan Cumar ay xilligaas ahayd 17 jir, taas oo u saamixi lahayd inay dhalashada ku hesho nidaamka khuseeya carruurta, ama ay dhab ahaantii ahayd 18 jir oo ay khasab ku ahayd inay marto hannaan gaar ah.

Toddobaadkan, sida ay warbaahintaasi werisay, saraakiisha federaalka ayaa baaritaan ka sameeyay hoyga Ilhaan Cumar ee Washington, D.C., iyagoo la wareegay taleefankeeda gacanta iyo agab kale. Tallaabadan ayaa sii xoojisay doodda siyaasadeed ee ka taagan baaritaanka.

Ilhaan Cumar ayaa si adag u diidday eedeymaha, iyadoo ku tilmaantay baaritaanka isku day siyaasadeed oo lagu beegsanayo dadka dhaliila Madaxweyne Donald Trump. Waxay sheegtay in muddo toban sano ah ay wajahaysay eedeymo aan sal lahayn iyo ololeyaal lagu cabsi-gelinayo.

Dhinaca kale, hoggaamiyeyaasha xisbiga Dimuqraadiga ayaa walaac ka muujiyay waqtiga baaritaanka, iyagoo su’aalo ka keenay in awoodda hay’adaha federaalka loo adeegsanayo cadaadis siyaasadeed, xilli ay Maraykanku isu diyaarinayaan doorashooyinka dhexe ee 3-da Nofeembar.

Tom Emmer ayaa diiday in baaritaanka lagu tilmaamo mid siyaasadeed, isagoo ku dooday in oggolaanshaha garsoore ee amarka baaritaanka uu muujinayo in maxkamaddu aragtay sabab sharci ah oo baaritaanka lagu fulin karo.

Si kastaba ha ahaatee, eedeymaha ka dhanka ah Ilhaan Cumar weli waa kuwo u baahan in baaritaan iyo caddayn sharci lagu xaqiijiyo. Ma jiro xog ku jirta warbixinta la soo xigtay oo muujinaysa in lagu helay dembi ama in maxkamad ay ku xukuntay khiyaano la xiriirta dhalashadeeda.

Kiiskan ayaa kusoo beegmaya xilli uu sii xoogeysanayo loollanka siyaasadeed ee u dhexeeya Jamhuuriga iyo Dimuqraadiga, iyadoo Ilhaan Cumar ay ka mid tahay xildhibaannada sida weyn u dhaliila siyaasadaha Trump, isla markaana matasha degmada 5-aad ee gobolka Minnesota. 

Muqdisho 18ka Oktoobar 2026 Dalladda Bulshada Rayidka Soomaaliyeed (SONSA) ayaa walaac xooggan ka muujisay xaaladda siyaasadeed ee dalka, gaar ahaan khilaafka ka taagan arrimaha doorashooyinka iyo saamaynta uu ku yeelan karo xasilloonida dalka iyo midnimada shacabka Soomaaliyeed. Warsaxaafadeed ay dalladdu soo saartay, ayay ku sheegtay in ay aad uga xun tahay dib-u-dhacyada ku yimid wada-hadalladii siyaasadeed ee u dhexeeyay Dowladda Federaalka Soomaaliya iyo hoggaamiyeyaasha mucaaradka, kuwaas oo ay garwadeen ka ahayd beesha caalamku.

SONSA ayaa ka digtay in sii socoshada khilaafka siyaasadeed ay halis gelin karto xasilloonida dalka, midnimada shacabka iyo kororka fursadaha faragelinta shisheeye.

Dalladdu waxay si gaar ah walaac uga muujisay jadwalka doorashooyinka heer federaal ee ay soo saartay dowladda, iyadoo sheegtay in tallaabadaasi ay sii adkayn karto dib-u-bilaabista wada-hadallada, isla markaana ay kala fogeyn karto dhinacyada siyaasadda, haddii aan la helin heshiis loo dhan yahay.

SONSA waxay ku baaqday in si degdeg ah dib loogu bilaabo wada-hadallada siyaasadeed ee arrimaha doorashooyinka, lana dejiyo dhismaha guddi howleed farsamo oo ka shaqeeya arrimaha doorashooyinka, si loo helo hannaan siyaasadeed oo lagu wada qanacsan yahay.

Dalladda Bulshada Rayidka Soomaaliyeed ayaa sidoo kale ugu baaqday dhammaan hoggaamiyeyaasha siyaasadda inay muujiyaan mas’uuliyad, isu-tanaasul iyo bisayl siyaasadeed, iyagoo mudnaanta siinaya danta guud, midnimada qaranka iyo xasilloonida dalka.

Ugu dambayn, SONSA waxay ku baaqday in la xoojiyo dadaallada lagu mideynayo

Muqdisho 18ka Oktoobar 2026 Madaxweynihii hore ee Soomaaliya, Shariif Sheekh Axmed, ayaa walaac xooggan ka muujiyay xaaladda siyaasadeed ee dalka, isaga oo dowladda federaalka ku eedeeyay inay ku adkaysanayso hannaan doorasho oo aan heshiis lagu ahayn, xilli uu sii xoogaysanayo khilaafka siyaasadeed ee la xiriira dhammaadka muddo-xileedka hay’adaha dowladda iyo jihada doorashooyinka dalka. Shariif Sheekh Axmed oo shir jaraa’id ku qabtay magaalada Muqdisho ayaa sheegay in hadallada ka soo yeeraya dowladda ee ku saabsan in aan talada dalka la wadaagin ay yihiin kuwo laga naxo, isaga oo ku baaqay in dib loogu laabto wada-hadal iyo heshiis siyaasadeed oo ay dhinacyadu ku wada qanacsan yihiin.

Madaxweynihii hore ayaa xusay in Soomaaliya ay marayso marxalad xasaasi ah, isla markaana aanay habboonayn in hoggaanka dalka uu ku adkaysto go’aanno aan heshiis guud laga gaarin.

“Talada Soomaaliya qof garab uma saarna, mana jiri karto. Haddii talo jirto, waa in la wadaagaa, haddii talo la waayana waxaa waajib ah in Soomaalidu tashato,” ayuu yiri Shariif Sheekh Axmed, isaga oo ka hadlayay khilaafka siyaasadeed ee taagan.

Shariif Sheekh Axmed ayaa sheegay in muddo-xileedka dowladda uu dhammaaday, isaga oo sidoo kale dhaliilay wax-ka-beddellada dastuurka ee muranka dhaliyay iyo doorashooyinka uu ku tilmaamay kuwo aan heshiis siyaasadeed lagu salayn.Waxa uu tusaale u soo qaatay doorashooyinkii ka dhacay Muqdisho iyo xaaladda ka taagan Koonfur Galbeed, isaga oo ku dooday in dhacdooyinkaas ay muujinayaan dhibaatooyinka ka dhalan kara doorasho aan loo helin heshiis iyo hannaan lagu wada kalsoon yahay.

Madaxweynihii hore ayaa sidoo kale ka digay in khilaafka siyaasadeed uu dalka ka mashquulinayo waajibaadka kale ee muhiimka ah, gaar ahaan dagaalka ka dhanka ah Al-Shabaab, sugidda amniga iyo wax ka qabashada baahiyaha bulshada.

Waxa uu sheegay in xilli dalka looga baahan yahay in xoogga la saaro amniga iyo xasilloonida, aanay habboonayn in siyaasiyiintu ku mashquulaan muran doorasho oo sii kala fogeynaya dhinacyada.

Shariif Sheekh Axmed ayaa intaas ku daray in uu jiro walaac ku saabsan wada-hadallo la filayo in la qabto dhammaadka bishan, isaga oo sheegay in hadallada siyaasadeed ee hadda la adeegsanayo ay halis gelin karaan dadaalladaas.

Ugu dambayn, Shariif Sheekh Axmed ayaa ku baaqay in hoggaanka dowladda iyo dhinacyada kale ee siyaasadda ay dib ugu laabtaan wada-hadal, isla markaana la gaaro heshiis ku saabsan doorashooyinka iyo mustaqbalka siyaasadeed ee dalka.

Waxa uu sheegay in xal waara lagu gaari karo oo keliya wada-tashi, is-afgarad iyo doorasho lagu heshiiyey, isaga oo ku adkaystay in mas’uuliyadda ugu weyn ee dhinacyada siyaasadeed ay tahay ilaalinta midnimada dalka iyo xasilloonida shacabka Soomaaliyeed.

Ethiopis 18ka Oktoobar 2026 Ra’iisul Wasaare Abiy Ahmed ayaa Magacaabay Maamul Ku-meel gaadh ah oo loo xilsaaray xasilinta Gobolka Tigrey iyo diyaarinta doorasho qabsoomaysa muddo 6 bilood gudahood ah kadib Dagaaladii halkaasi ka dhacay.

Magacaabistan ayaa imanaysa kadib dagaalo qadhaadh oo Gobolka Tigrey ku dhexmaray Jabhada TPLF iyo Ciidamada dowladda, kuwaasi oo sababay iney Caasimada Mekelle ka baxaan TPLF, iyadoo Hay’adda Qaramada Midoobay u qaabilsan qaxootigu sheegtay in illaa 750,000 oo qof oo Tigray ah ay ku barakaceen gudaha Itoobiya

WARARKA MAANTA 17ka Oktoobar 2026 

Su’aalaha Maanta:Meeqo Madaxweyne ayaa digniin culus u diray Madaxweynaha xilka ka dhammaaday Madaxweyne hore Xassan Shiikh “Dhuuso-Fooxiye”? Maxay uga awood bateen Ciidamada Madaxweyne Dowladda Koonfur Galbeed Cabdicasiis Lafta-Gareen oo qabsaday magaalooyin badan? Yaa dalka lacag la’aan ka dhigay? Yaa dalka diiday in loo sameeyo Maxkammadda Dastuuriga ah? Goorma ayaa la soo qabanaa siyaasiyiinta mucaaradka ee #Muqdisho jooga? z Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Galmudug 17ka Oktoobar 2026 XILDHIBAANNADA CUSUB EE GOLAHA WAKIILLADA GALMUDUG OO LA DHAARIYAY

‎Dhuusamareeb, Galmudug, Waxaa Caawa xarunta Golaha Wakiillada Galmudug ee magaalada Dhuusamareeb ka dhacday munaasabadda dhaarinta xildhibaannada cusub ee Golaha Wakiillada Galmudug.

‎Munaasabadda dhaarinta waxaa goobjoog ka ahaa Guddiga Doorashooyinka Qaranka, guddoonkii hore ee Golaha, xubno ka tirsan Golaha Wasiirrada, xildhibaanno ka tirsan Dowladda Federaalka Soomaaliya iyo qeybaha kala duwan ee bulshada.

‎Dhaarinta xildhibaannada kaddib, Golaha ayaa yeeshay kalfadhigiisii ugu horreeyay, waxaana guddoomiye ku-meel-gaar ah loogu magacaabay Mudane Maxamed Sheekh Axmed (Sheekhul Balad), oo ah xubinta ugu da’da weyn Golaha Wakiillada Galmudug.

‎Guddoomiyaha ku-meel-gaarka ah ayaa hoggaamin doona howlaha Golaha, isaga oo xilka sii hayn doona ilaa laga soo dooranayo guddoon rasmi ah.

Mstsyksnks 17ka Oktoobar 2026Madaxweynaha Maraykanka, Donald Trump, ayaa hadallo dhaliil ah ka sheegay Soomaaliya, isaga oo ku tilmaamay dal aan lahayn dowlad, ciidan iyo boolis, mar uu wareysi siiyay warbaahinta Newsmax oo uu su’aalo ka waydiinayay weriye Rob Finnerty. Trump ayaa hadalladan jeediyay Khamiistii, 15-kii Oktoobar 2026, xilli uu ka hadlayay Xildhibaan Ilhan Cumar oo ka tirsan Aqalka Wakiillada Maraykanka, asal ahaanna ka soo jeedda Soomaaliya.

Trump ayaa Soomaaliya ku tilmaamay dal aan lahayn hay’adaha aasaasiga ah ee dowladnimada, isaga oo yidhi: “Ilhaan waxay ka timid mid ka mid ah dalalka ugu xun dunida. Dowlad ma laha, ciidan ma laha, boolis ma laha, waxba ma laha.”

Isaga oo hadalkiisa sii wata, ayuu sheegay in Soomaaliya ay ka jiraan iska horimaadyo iyo budhcad-badeednimo, isaga oo yidhi: “Waxa keliya ee ay ku fiican yihiin waa budhcad-badeednimada.”

Weriye Rob Finnerty waxa uu Trump weydiiyay in Soomaaliya ay tahay dowlad aanu Maraykanku si rasmi ah u aqoonsanayn iyo in kale. Trump ayaa kaga jawaabay: “Dowlad ma aha, dalna ma aha, xataa wax jira ma aha.”

Hadalladan ayaa yimid xilli Trump uu ka hadlayay suurtagalnimada in Ilhan Cumar ay wajahdo dacwado sharci, xadhig ama masaafurin, isaga oo sheegay in aanu isagu arrintaas si toos ah ugu lug lahayn, balse ay ku xidhan tahay Wasaaradda Caddaaladda Maraykanka.

Jubbaland 17ka Oktoobar 202 Taliyaha Ciidanka Kenya ee taliska Bariga, Sarreeye Guuto Luka Kutto, ayaa booqasho ku tagay ciidamada Kenya ee ku sugan magaalada Kismaayo, kuwaas oo qayb ka ah howlgalka Midowga Afrika ee Taageerada iyo Xasilinta Soomaaliya (AUSSOM). Booqashadan oo ay shaacisay Wasaaradda Gaashaandhigga Kenya, ayaa diiradda lagu saaray qiimeynta diyaar-garowga ciidamada, xaaladda amni ee goobaha ay ka howlgalaan iyo daryeelka askarta ku sugan Soomaaliya.

Markii uu gaaray Kismaayo, Sarreeye Guuto Luka Kutto waxaa halkaas ku soo dhaweeyay ku-xigeenka taliyaha Qaybta Labaad ee howlgalka, Gaashaanle Sare Daniel Musau.

Taliyaha ayaa warbixin ka dhageystay saraakiisha ciidamada, isaga oo xog ka helay xaaladaha howlgalka iyo caqabadaha ay wajahayaan ciidamada Kenya ee ka howlgala Soomaaliya.

Intii uu socday kulanka, waxaa la adkeeyay muhiimadda ay leedahay in ciidamada ay ilaaliyaan feejignaanta, anshaxa iyo xirfadda milatari, si ay si hufan u gutaan waajibaadka loo igmaday.

Galmudug 17ka Oktoobar 2026 Xubnaha cusub ee Baarlamaanka Dowlad-goboleedka Galmudug ayaa la dhaariyey, iyadoo Maxamed Sheekh Axmed uu si ku-meel-gaar ah ula wareegay hoggaaminta baarlamaanka, kaddib markii uu noqday xubinta ugu da’da weyn golaha oo ka kooban 89 mudane. Maxamed Sheekh Axmed ayaa xilkan si ku-meel-gaar ah u qabanaya ilaa laga soo dooranayo guddoonka rasmiga ah ee baarlamaanka. Sida ku cad jadwalka doorashada, doorashada guddoomiyaha iyo ku-xigeennadiisa ayaa la filayaa inay dhacdo 18-ka Oktoobar, halka doorashada madaxweynaha iyo madaxweyne ku-xigeenka Galmudug loo asteeyey 22-ka Oktoobar 2026.

Baarlamaanka cusub ayaa lagu soo doortay doorasho dhacday 30-kii Sebtembar 2026, kaddib markii Maxkamadda Sare ay burisay doorashadii hore ee 30-kii Luulyo, iyadoo sabab uga dhigtay in aan loo marin habraacyadii dastuuriga ahaa iyo shuruudihii looga baahnaa doorasho xor iyo xalaal ah.

Hase yeeshee, doorashadii ku celiska ahayd ayaa iyaduna dhalisay muran siyaasadeed, kaddib markii Guddiga Madaxa-bannaan ee Doorashooyinka Qaranka iyo Soohdimaha uu ka reebay xisbiga Towfiiq, kaas oo markii hore maxkamadda u gudbiyey dacwaddii sababtay in doorashadii hore la buriyo.

Natiijada doorashada ayaa guul weyn u horseedday Xisbiga Caddaaladda iyo Midnimada (JSP), kaas oo helay 67 kursi oo ka mid ah 89-ka kursi ee baarlamaanka, taas oo sii xoojisay awoodda siyaasadeed ee xisbiga talada haya.

WARARKA MAANTA 16ka Oktoobar 2026 

Su’aalaha Maanta:Yaa dalka lacag la’aan ka dhigay? Yaa dalka diiday in loo sameeyo Maxkammadda Dastuuriga ah? Goorma ayaa la soo qabanaa siyaasiyiinta mucaaradka ee #Muqdisho jooga? z Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 16ka Oktoobar 2026 

Muqdisho 16ka Oktoobar 2026 Xukuumadda Federaalka Soomaaliya ayaa soo dhoweysay jadwalka doorashooyinka ay shaaciyeen Guddiga Madaxa Bannaan ee Doorashooyinka Qaranka iyo Soohdimaha, kaas oo qeexaya qabashada doorashooyinka labada aqal ee baarlamaanka iyo tan madaxweynaha dalka. War-saxaafadeed ay xukuumaddu soo saartay Khamiista, 15-ka Oktoobar 2026, ayay ku sheegtay in jadwalkani yahay tallaabo muhiim ah oo loo qaaday hirgelinta geeddi-socodka doorashooyinka iyo xoojinta dimuqraadiyadda dalka.

Xukuumaddu waxay sheegtay inay 18-kii bilood ee la soo dhaafay dadaal ugu jirtay sidii dhinacyada siyaasadda Soomaaliyeed ay heshiis uga gaari lahaayeen arrimaha masiiriga ah ee dalka, gaar ahaan hannaanka doorashooyinka.

Waxay sidoo kale caddeysay in wadatashiyada iyo wada-hadallada siyaasadeed ay sii socon doonaan, iyadoo sheegtay inay ka shaqaynayso sidii dadaalladaasi u horseedi lahaayeen is-afgarad ballaaran.

Muqdisho 16ka Oktoobar 202 Madaxweynihii 7-aad ee Soomaaliya, Shariif Sheekh Axmed, ayaa ka horyimid jadwalka doorashooyinka ee ay shaacisay Guddiga Madaxa-bannaan ee Doorashooyinka Qaranka iyo Soohdimaha, kaas oo dhigaya in doorashada Golaha Shacabka la qabto 15-ka Abriil 2027, halka doorashada madaxweynaha la qabanayo 15-ka May 2027. Shariif Sheekh Axmed ayaa tallaabadan ku tilmaamay mid hal dhinac ah, isaga oo sheegay in hannaanka doorashooyinka iyo wax-ka-beddelka Dastuurka KMG ah aan loo marin habraacyadii sharciga ahaa.

Wuxuu sheegay in uu Maxkamadda Sare u gudbiyay dacwad dastuuri ah oo uu ku dalbanayo in la buriyo wax-ka-beddellada dastuurka iyo tallaabooyinka ka dhashay, isaga oo ka digay in muranka siyaasadeed uu horseedi karo doorashooyin isbarbar socda, dib-u-dhac dowladeed iyo colaado sokeeye

Muqdisho 16ka Oktoobar 2026 Xildhibaan Cabdiraxmaan Cabdishakuur Warsame oo ka tirsan siyaasiyiinta mucaaradka Soomaaliya ayaa ka horyimid jadwalka doorasho ee uu shalay ku dhawaaqay guddiga doorashada Soomaaliya. Cabdiraxmaan Cabdishakuur ayaa sheegay in tallaabadan ay sii fogaynayso is-afgaradka siyaasadeed, isla markaana ay dalka u horseedi karto kala qaybsanaan iyo colaad hor leh, xilli Soomaaliya ay wajahayo caqabado amni, dhaqaale iyo bani’aadantinimo.

Wuxuu sheegay in khilaafka siyaasadeed uu kusoo aadayo xilli ay dalka ka jiraan colaado, argagixiso, gaajo iyo faqri, isaga oo sidoo kale ka digay saamaynta ay yeelan karaan khataraha fatahaadaha iyo isbeddellada juqraafi-siyaasadeed ee gobolka.

Xildhibaanka ayaa ku eedeeyay Madaxweyne Xasan Sheekh inuusan si ku filan u tixgelin culaysyada dalka haysta iyo masuuliyadda ka saaran xal u heliddooda. Wuxuu ka digay in ku adkaysiga jadwalka doorashada uu abuuri karo xaalad ay dhinacyo kala duwan isku khilaafaan cidda hoggaanka dalka haysa.

Cabdiraxmaan Cabdishakuur ayaa xusay in shan iyo tobankii sano ee lasoo dhaafay, inkasta oo ay jireen khilaafaad siyaasadeed oo culus, haddana aan la isku khilaafin cidda madaxweynaha dalka ah, isaga oo sheegay in tallaabooyinka hadda la qaadayo ay halis gelin karaan saldhigga dowladnimada.

Muqdisho 16ka Oktoobar 2026Guddiga Madaxa-bannaan ee Doorashooyinka Qaranka iyo Soohdimaha Soomaaliya ayaa shaaciyey jadwalka taariikhda qabashada doorashooyinka labada aqal ee Baarlamaanka Federaalka Soomaaliya iyo doorashada Madaxweynaha Jamhuuriyadda Federaalka Soomaaliya. Guddigu waxa uu sheegay in jadwalkan loo dejiyey si waafaqsan qodobka 56-aad ee Dastuurka Federaalka Soomaaliya, qodobka 18-aad faqraddiisa labaad ee Sharciga Doorashooyinka Qaranka, iyo qodobka 2-aad ee Sharciga Doorashooyinka, kuwaas oo dhigaya awoodda guddiga ee cayimista taariikhda doorashooyinka.

Sida ku cad jadwalka uu guddigu soo saaray, doorashada labada aqal ee Baarlamaanka Federaalka Soomaaliya ayaa la qabanayaa 15-ka Abriil 2027, halka doorashada Madaxweynaha Jamhuuriyadda Federaalka Soomaaliya la qorsheeyey 15-ka May 2027.

Guddigu waxa uu sheegay in muddada xilhaynta madaxweynaha ay tahay shan sano, isla markaana ay ku bilaabato maalinta xilka loo dhaariyo.

Guddiga Madaxa-bannaan ee Doorashooyinka Qaranka iyo Soohdimaha ayaa sidoo kale shaaciyey jadwalka hawlaha diyaarinta doorashooyinka iyo waqtiyada loo asteeyey qabsoomidda marxaladaha kala duwan.

Diiwaangelinta ururrada siyaasadda iyo codbixiyeyaasha: Waxaa la qorsheeyey in diiwaangelinta ururrada siyaasadda iyo codbixiyeyaasha muddada labadaatan iyo kow maalmood ah ay bilaabato 1-da November 2026, si loo xaqiijiyo ka qaybgalka bulshada ee doorashooyinka.

Soo gudbinta liisaska murashaxiinta labada aqal ee Baarlamaanka Federaalka: Waxaa loo asteeyey 22-ka November 2026. Guddigu waxa uu sheegay in arrintani waafaqsan tahay qodobka 42-aad, faqraddiisa koowaad, ee Sharciga Doorashooyinka, kaas oo dhigaya in liisaska murashaxiinta doorashada la soo gudbiyo 120 maalmood ka hor maalinta doorashada.

Soo saarista liiska kumeelgaarka ah ee codbixiyeyaasha: Waxaa loo qorsheeyey 21-ka Janaayo 2027, iyadoo la raacayo qodobka 34-aad, faqraddiisa koowaad, ee Sharciga Doorashooyinka Qaranka. Guddigu waxa uu sheegay in marka la dhammeystiro diiwaangelinta, guddigu soo saari doono liiska kumeelgaarka ah ee codbixiyeyaasha muddo laba bilood gudahood ah

Bilawga ololaha doorashada labada aqal ee Baarlamaanka Federaalka: Waxaa loo asteeyey 27-ka Febraayo 2027, si waafaqsan qodobka 45-aad, faqraddiisa labaad, ee Sharciga Doorashooyinka Qaranka, kaas oo dhigaya in ololaha la bilaabo 45 maalmood ka hor maalinta doorashada.

Soo saarista liiska kama dambaysta ah ee codbixiyeyaasha: Waxaa loo qorsheeyey 15-ka Maarso 2027, iyadoo la raacayo qodobka 34-aad, faqraddiisa labaad, ee Sharciga Doorashooyinka Qaranka. Guddigu waxa uu sheegay in marka la dhammeeyo sixitaanka iyo dib-u-eegista liiska kumeelgaarka ah, la soo saari doono liiska kama dambaysta ah ee codbixiyeyaasha 30 maalmood ka hor maalinta doorashada.

Dhanka kale, guddigu waxa uu sheegay in uu shaacin doono hawlaha mudnaanta leh ee hirgelinta doorashooyinka iyo xilliyada loo asteeyey, si waafaqsan shuruucda iyo xeerarka doorashooyinka ee dalka.

Si kastaba ha ahaatee, weli ma jiro heshiis ay dowladda Federaalka Soomaaliya iyo mucaaradku ka gaareen khilaafka siyaasadeed ee la xiriira doorashooyinka iyo dhammaadka muddo-xileedka hay’adaha dowladda. Wadahadalladii ay beesha caalamku garwadeenka ka ahayd ayaan ilaa hadda horseedin heshiis kama dambays ah oo ay labada dhinac ku mideysan yihiin.

Sidaas darteed, jadwalka doorashooyinka ee guddigu shaaciyey ayaa ku soo beegmaya xilli uu weli taagan yahay khilaafka siyaasadeed ee u dhexeeya dowladda iyo mucaaradka, iyadoo aan weli la gaarin is-afgarad lagu xallinayo arrimaha la isku hayo. 

WARARKA MAANTA 15ka Oktoobar 2026 

Su’aalaha Maanta: Yaa wax qarxiya? Yaase maanta meeshan ka dhex hadlaaya? Maxuu yahay xiriirka ka dhexeeya argagixisada #Shabaab Iyo Laamaha Amniga dalka? Maxuu yahay liiska la soo saaray ee mucaaradka? Goorma ayaa la soo qabanaa siyaasiyiinta mucaaradka ee #Muqdisho jooga? z Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 15ka Oktoobar 2026 Taliyaha Ururka 82-aad ee Guutada 8-aad, Qaybta 60-aad ee Ciidanka Xoogga Dalka Soomaaliyeed, Korneyl Faarax Maxamuud Hirsi, ayaa feyl guud kula hadlay horinta koowaad ee ururka, oo saldhiggoodu yahay deegaanka Buulo Mareer ee degmada Kurtunwaarey.

Taliyaha ayaa ciidanka ku wargeliyay inay si buuxda ugu diyaar garoobaan howlgallo culus oo Khawaarijta looga saarayo deegaanada ay kaga sugan yihiin gobolka Shabeellaha Hoose, kuwaas oo qeyb ka ah dadaallada lagu xaqiijinayo amniga iyo xasilloonida deegaanada ay shacabka Soomaaliyeed ku nool yihiin.

Korneyl Faarax Weyne ayaa sidoo kale ciidanka kula dardaarmay inay muujiyaan feejignaan, isku-duubni iyo diyaar-garow buuxa, si ay waajibaadkooda u gutaan, ugana qeyb qaataan sugidda amniga iyo ciribtirka kooxaha Khawaarijta

Muqdisho 15ka Oktoobar 2026 Guddoomiyaha Golaha Shacabka BFS, Mudane Cabdulqaadir Maxamed Nuur, ayaa caawa Isgoyska Soobe kaga qeybgalay kulan duco ah oo loogu duceynayay dadkii ku geeriyooday qaraxii 14-kii Oktoobar 

Muqdisho 15ka Oktoobar 2026 Xulka qaranka Soomaaliya ee da’yarta ka yar 17 sano ayaa guul muhiim ah ka gaaray dhiggooda Kenya, kaddib markii ay 2-0 kaga adkaadeen kulan ka tirsanaa isreebreebka tartanka CECAFA ee u soo bixitaanka Koobka Qaramada Afrika ee da’yarta U-17. Kulanka oo Talaadadii lagu ciyaaray garoonka Kigali Pelé ee caasimadda Rwanda, ayaa Soomaaliya u horseeday inay u gudubto wareegga afar-dhamaadka, kaddib bandhig ciyaareed ay ku muujiyeen awood iyo isku-duubni.

Maxamed Cusmaan ayaa Soomaaliya hoggaanka u dhiibay daqiiqaddii 41-aad, wax yar ka hor dhammaadka qaybtii hore ee ciyaarta. Inkasta oo xulka Kenya uu isku dayay inuu natiijada wax ka beddelo, haddana Cabdullaahi Xaashi ayaa daqiiqaddii 85-aad dhaliyay goolka labaad, isaga oo xaqiijiyay guusha Soomaaliya.

Guushan ayaa timid kaddib markii Soomaaliya ay barbarre 1-1 ah la gashay Tanzania, oo ah kooxda difaacanaysa horyaalka CECAFA, isla markaana horay ugu soo guuleysatay kaalinta labaad ee Koobka Qaramada Afrika ee da’yarta.

Soomaaliya ayaa sidaas ku dhammaysatay kulamadii wareegga group-yada iyadoo aan wax guuldarro ah la kulmin, taas oo muujinaysa horumarka uu sameynayo xulka da’yarta dalka.

Group-ka saddexaad ayaa yeeshay xaalad dhif ah, iyadoo Soomaaliya iyo Tanzania ay ku dhammeysteen dhibco iyo tirokoob isku mid ah.

Labada xul ayaa min afar dhibcood helay, min saddex gool dhaliyay, hal gool laga dhaliyay, waxaana mid kasta uu yeeshay farqiga goolasha oo ah laba gool oo dheeraad ah. Sidoo kale, kulankii dhexmaray labada kooxood ayaa ku dhammaaday barbarre 1-1 ah.

Buurxakabo15ka Oktoobar 2026 Faahfaahino dheeraad ah ayaa ka soo baxaya dagaal culus oo saaka ka qarxay degmada Buurhakaba ee gobolka Bay, kaas oo u dhexeeya ciidamada dowladda Federaalka Soomaaliya iyo kuwa maamulka Koonfur Galbeed oo dhinac ah, iyo ciidamo daacad u ah madaxweynihii hore ee maamulkaas, Cabdicasiis Xasan Maxamed Lafta-gareen, oo dhinaca kale ah. 

Wararka laga helayo degmada Buurhakaba ayaa sheegaya in dagaalku billowday kaddib markii weerarro lagu qaaday fariisimaha ciidamada dowladda Federaalka iyo kuwa maamulka Koonfur Galbeed ee ku yaalla degmadaasi. Weerarka ayaa markii dambe isu beddelay dagaal xooggan oo ku fiday qaybo kala duwan oo magaalada ah, iyadoo la maqlayay rasaas culus oo ay isweydaarsanayeen dhinacyada dagaallamaya.

Warar kala duwan ayaa sheegaya in ciidamada taabacsan Lafta-gareen ay gudaha u galeen qaybo ka mid ah xaafadaha Buurhakaba. Hase yeeshee, weli ma cadda cidda si rasmi ah gacanta ugu haysa magaalada, iyadoo xaaladda amni ay tahay mid kacsan.

Dagaalka ayaa sidoo kale sababay cabsi soo wajahday dadka rayidka ah, waxaana wararku tilmaamayaan in qaar ka mid ah shacabka ay bilaabeen inay ka barakacaan xaafadaha ay iska horimaadyadu ka socdaan.

Iska horimaadkan ayaa imanaya xilli maalmihii la soo dhaafay ay Buurhakaba ka taagnayd xiisad u dhexaysay ciidamada dowladda Federaalka iyo kuwa maamulka Koonfur Galbeed, oo isku dhinac ah, iyo ciidamada taabacsan Lafta-gareen.

Muqdisho 15ka Oktoobar 2026 Golaha Wasiirrada Xukuumadda Federaalka Soomaaliya ayaa ansixiyay qaraarka taabbo-gelinta Dastuurka cusub, iyaga oo guddi wasiirro ah u xilsaaray diyaarinta hindise-sharciyeed qeexaya dhismaha Xukuumadda, tirada xubnaheeda iyo waajibaadkooda. Shir aan caadi ahayn oo xalay, guddoomiyay Ra’iisul Wasaare Xamsa Cabdi Barre, ayay goluhu kaga hadleen fulinta Dastuurka, dowlad-dhiska iyo xoojinta hay’adaha dowladda.

Guddiga loo magacaabay dardargelinta fulinta Dastuurka waxaa guddoominaya Wasiirka Caddaaladda iyo Arrimaha Dastuurka, waxaana loo qabtay muddo laba bilood ah si uu u diyaariyo hindise-sharciyeedka dhismaha Xukuumadda, kaas oo lagu qeexi doono tirada wasiirrada iyo waajibaadka hay’adaha xukuumadda.

Sida lagu sheegay war-saxaafadeedka Xafiiska Ra’iisul Wasaaraha, hindise-sharciyeedkan ayaa noqonaya kii ugu horreeyay ee noociisa ah tan iyo 1968-kii, sida ay dowladdu sheegtay.

Ra’iisul Wasaare Xamsa Cabdi Barre ayaa kulanka ka sheegay in Dastuurku dhaqan-gal yahay, isla markaana fulintiisa loo marayo marxalado kala duwan. Waxa uu sidoo kale xusay qorshaha Xukuumadda ee ah in sannadka 2027 dalka laga qabto doorasho heer federaal ah oo qof iyo cod ah.

WARARKA MAANTA 14ka Oktoobar 2026 

Su’aalaha Maanta: Maxuu yahay liiska la soo saaray ee mucaaradka? Goorma ayaa la soo qabanaa siyaasiyiinta mucaaradka ee #Muqdisho jooga? z Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 14ka Oktoobar 2026 Maxkamadda Sare ee Jamhuuriyadda Federaalka Soomaaliya ayaa si kama dambays ah u ansixisay natiijada doorashada ku-celiska ah ee Golaha Wakiillada Dowlad-goboleedka Galmudug, taas oo qabsoontay 30-kii Sebtembar 2026. Go’aankan ayaa yimid kaddib markii Guddiga Madaxa-bannaan ee Doorashooyinka Qaranka iyo Soohdimaha uu Maxkamadda Sare u gudbiyay codsi ku saabsan ansixinta kama dambaysta ah ee natiijada doorashada.

Maxkamaddu waxay sheegtay in ay dib u eegtay dukumentiyada la xiriira codsiga, isla markaana ay xaqiijisay in aan la soo gudbin dacwad waafaqsan qodobka 73-aad ee Sharciga Doorashooyinka Qaranka, kaas oo ka hor imanaysa natiijada doorashada ku-celiska ah ee Galmudug.

Sidoo kale, Maxkamaddu waxay tixraacday qodobbada sharciga doorashooyinka iyo habraaca u degsan ansixinta natiijooyinka doorashooyinka, kuwaas oo awoodda ansixinta kama dambaysta ah siinaya Maxkamadda Sare, kaddib marka guddiga doorashooyinku si ku-meel-gaar ah ugu dhawaaqo natiijada.

Muqdisho 14ka Oktoobar 2026 Guddoomiyaha Golaha Shacabka ee Baarlamaanka Federaalka Soomaaliya, Cabdulqaadir Maxamed Nuur (Jaamac), ayaa kulan la yeeshay Guddiga Garsoorka, Awqaafta iyo Arrimaha Diinta ee Golaha Shacabka, kaas oo diiradda lagu saaray casriyeynta Sharciga Ciqaabta Soomaaliya.

Kulanka, waxaa sidoo kale ka qayb galay Wasiirka Caddaaladda iyo Arrimaha Dastuurka ee Xukuumadda Federaalka Soomaaliya, Xasan Macallin Maxamuud.

Wada-hadallada ayaa ku saabsanaa dib-u-eegista hindise-sharciyeedka Sharciga Ciqaabta ee horyaalla Golaha Shacabka, si loo waafajiyo isbeddellada bulsho, dhaqaale iyo teknoolojiyadeed ee dalka ka dhacay.

Waxaa si gaar ah diiradda loo saaray sidii sharcigu uga jawaabi lahaa noocyada cusub ee dembiyada, gaar ahaan kuwa la xiriira teknoolojiyadda iyo nidaamyada macluumaadka.

Guddoomiyaha Golaha Shacabka ayaa sheegay in casriyeynta Sharciga Ciqaabtu ay muhiim u tahay xoojinta caddaaladda, ilaalinta xuquuqda muwaadiniinta iyo sugidda amniga iyo kala dambeynta bulshada.

Tallaabadan ayaa qayb ka ah dadaallada dib-u-eegista iyo horumarinta nidaamka sharciyeed ee Soomaaliya, iyadoo ujeeddadu tahay in shuruucda dalka ay la jaanqaadaan baahiyaha bulshada iyo isbeddellada casriga ah.

Hindise-sharciyeedka ayaa weli horyaalla Golaha Shacabka, waxaana kulankan diiradda lagu saaray dib-u-eegistiisa iyo casriyeyntiisa  

Muqdisho 14ka Oktoobar 2026 Guddiga Caalamiga ah ee Laanqayrta Cas (ICRC) ayaa ka digay in roobabka ka badan heerka caadiga ah iyo fatahaadaha la filayo inay Soomaaliya ka dhacaan ay sii xumeyn karaan xaaladda gaajada, ayna dhibaato hor leh ku keeni karaan malaayiin qof. 

ICRC ayaa sheegtay in ifafaalaha cimilada ee El Niño uu saameyn ku yeelan karo roobabka deyrta ee bilaha Oktoobar ilaa Diseembar 2026, taas oo kordhin karta halista fatahaadaha, gaar ahaan deegaannada ku teedsan webiyada Shabeelle iyo Jubba.

Guddiga ayaa tusaale u soo qaatay beeraleyda ku nool tuulada Bayahaaw, duleedka magaalada Jowhar, kuwaas oo wajahaya xaalad adag oo u dhexeysa inay beerahooda abuuraan iyaga oo halis ugu jira in fatahaaduhu baabi’iyaan dalagyada, ama ay beeraha bannaan uga tagaan cabsi ay ka qabaan khasaaraha ka dhalan kara.

Sida ay ICRC sheegtay, fatahaadihii Soomaaliya ku dhuftay sannadkii 2023 ayaa saameeyay ku dhowaad laba milyan oo qof, halka in ka badan 500,000 oo qof ay ku qasbanaadeen inay guryahooda ka barakacaan.

Guddigu wuxuu sidoo kale ka digay in fatahaadaha ka dhasha roobabka culus ay jebin karaan difaacyada webiyada, isla markaana ay baabi’in karaan ilaha nololeed ee bulshada, ayna sababi karaan in tuulooyin dhan ay biyuhu qariyaan.

Warbixinta ugu dambeysay ee kala-soocidda heerarka haqab-beelka cuntada ee IPC ayaa muujinaysa in roobabka ka badan caadiga iyo fatahaadaha ka dhasha ay sii xumeyn karaan xaaladda cunto-yarida dalka. ICRC waxay intaas ku dartay in qiyaastii 3.3 milyan oo qof oo ku nool xeryaha barakacayaasha ay wajihi karaan dhibaatooyin hor leh.

Hay’adaha gargaarka ayaa bilaabay tallaabooyin loogu diyaar-garoobayo fatahaadaha, iyaga oo ka faa’iideysanaya casharradii laga bartay musiibadii 2023. Si kastaba ha ahaatee, ICRC waxay sheegtay in awoodda hawlgallada bani’aadannimo ay hoos u dhacday sababo la xiriira dhimista maalgelinta gargaarka.

Antoine Grand, madaxa ICRC ee Soomaaliya, ayaa sheegay in diyaar-garowga iyo xog-ururintu ay ka wanaagsan yihiin sidii ay ahaayeen sannadkii 2023, balse uu jiro walaac la xiriira hoos u dhaca maalgelinta iyo awoodda hay’adaha gargaarka.

ICRC iyo Ururka Bisha Cas ee Soomaaliyeed ayaa wada dadaallo loogu diyaar-garoobayo fatahaadaha, waxaana ka mid ah qaybinta jawaano ciid ah, kaydinta agabka hoyga, maro-kaneecada iyo agabka nadaafadda, iyo diyaarinta sahay caafimaad iyo nafaqo oo la gaarsiiyo xarumaha caafimaadka ee meelaha halista ku jira.

Sidoo kale, mutadawiciinta Bisha Cas ee Soomaaliyeed ee ku sugan Kismaayo, Baardheere, Jowhar iyo Beledweyne ayaa la siiyay tababar la xiriira adeegsiga doomaha si ay uga qayb qaataan gurmadka haddii ay fatahaado dhacaan.

El Niño waa dhacdo cimilo oo soo noqnoqota, taas oo ka bilaabata Badweynta Baasifigga kuna yeelan karta saameyn cimilo oo kala duwan dalal badan oo dunida ah. Soomaaliya, waxaa laga cabsi qabaa inay kordhiso roobabka deyrta iyo halista fatahaadaha bilaha soo socda.

Digniintan ayaa ku soo beegmaysa xilli malaayiin qof oo Soomaali ah ay durba la tacaalayaan barakac, cunto-yari iyo duruufo nololeed oo adag, taas oo sare u qaadaysa baahida loo qabo diyaar-garow degdeg ah iyo gargaar bani’aadannimo oo ku filan.

Galmudug 14ka Oktoobar 2026 Guddiga Madaxa-bannaan ee Doorashooyinka Qaranka iyo Soohdimaha (NIEBC) ayaa shaaciyay jadwalka guud ee doorashada guddoonka Golaha Wakiillada iyo hoggaanka dowlad-goboleedka Galmudug, iyadoo doorashooyinka la qorsheeyay inay dhacaan inta u dhexeysa 13-ka iyo 22-ka Oktoobar 2026. Sida ku cad jadwalka uu guddigu soo saaray, waxaa 13-ka Oktoobar la shaacinayaa Golaha Wakiillada Galmudug, halka 14-ka iyo 15-ka Oktoobar loo qorsheeyay diyaar-garowga xildhibaannada. Dhaarinta Golaha Wakiillada ayaa dhici doonta 16-ka Oktoobar.

Sidoo kale, 17-ka Oktoobar ayaa la qabanayaa araajida musharraxiinta u tartamaya guddoonka iyo ku-xigeennada Golaha Wakiillada, halka 18-ka Oktoobar loo asteeyay khudbadaha musharraxiinta iyo doorashada guddoonka baarlamaanka.

Dhanka doorashada hoggaanka dowlad-goboleedka Galmudug, guddigu wuxuu sheegay in 19-ka iyo 20-ka Oktoobar la qaban doono araajida musharraxiinta u tartamaya xilalka hoggaamiyaha iyo ku-xigeenkiisa.

Musharraxiinta ayaa khudbadahooda jeedin doona 21-ka Oktoobar, halka doorashada hoggaamiyaha Galmudug iyo ku-xigeenkiisa loo asteeyay 22-ka Oktoobar.

Jadwalkan ayaa qeexaya marxaladaha doorashada hoggaanka baarlamaanka iyo maamulka Galmudug. Hase yeeshee, faahfaahinta ku saabsan musharraxiinta tartamaya iyo habraacyada kale ee doorashada kuma jiraan jadwalka la shaaciyay. 

Muqdisho 14ka Oktoobar 2026 Golaha Wasiirrada Xukuumadda Federaalka Soomaaliya ayaa ansixiyay qaraarka taabbo-gelinta Dastuurka cusub, iyaga oo guddi wasiirro ah u xilsaaray diyaarinta hindise-sharciyeed qeexaya dhismaha Xukuumadda, tirada xubnaheeda iyo waajibaadkooda. 

Shir aan caadi ahayn oo xalay, guddoomiyay Ra’iisul Wasaare Xamsa Cabdi Barre, ayay goluhu kaga hadleen fulinta Dastuurka, dowlad-dhiska iyo xoojinta hay’adaha dowladda.

Guddiga loo magacaabay dardargelinta fulinta Dastuurka waxaa guddoominaya Wasiirka Caddaaladda iyo Arrimaha Dastuurka, waxaana loo qabtay muddo laba bilood ah si uu u diyaariyo hindise-sharciyeedka dhismaha Xukuumadda, kaas oo lagu qeexi doono tirada wasiirrada iyo waajibaadka hay’adaha xukuumadda.

Sida lagu sheegay war-saxaafadeedka Xafiiska Ra’iisul Wasaaraha, hindise-sharciyeedkan ayaa noqonaya kii ugu horreeyay ee noociisa ah tan iyo 1968-kii, sida ay dowladdu sheegtay.

Ra’iisul Wasaare Xamsa Cabdi Barre ayaa kulanka ka sheegay in Dastuurku dhaqan-gal yahay, isla markaana fulintiisa loo marayo marxalado kala duwan. Waxa uu sidoo kale xusay qorshaha Xukuumadda ee ah in sannadka 2027 dalka laga qabto doorasho heer federaal ah oo qof iyo cod ah.

Dhanka kale, Golaha Wasiirrada ayaa warbixin ka dhageystay Wasaaradda Gaadiidka iyo Duulista Hawada oo ku saabsan soo celinta nidaamka koodhka Soomaaliya ee Ururka Gaadiidka Cirka Caalamiga ah (IATA), kaas oo la xiriira nidaamyada maamulka tigidhada diyaaradaha.

Wasaaraddu waxay sheegtay in dib u soo celinta nidaamkan ay muhiim u tahay maamulka iyo nidaaminta adeegyada tigidhada duulimaadyada, xiriirka nidaamyada safarka caalamiga ah iyo horumarinta adeegyada duulista rayidka ee Soomaaliya.

Muqdisho 14ka Oktoobar 2026 Guddiga Qaranka ee Ka-hortagga Lacag-dhaqidda iyo La-dagaallanka Maalgelinta Argagixisada ee Soomaaliya ayaa liiska cunaqabataynta maaliyadeed ku daray 10 qof oo uu ku tuhunsan yahay inay xiriir la leeyihiin Al-Shabaab. Dadka magacyadooda la shaaciyey waxaa ku jira  madaxweynihii hore ee dowlad-goboleedka Koonfur Galbeed.  Cabdicasiis Xasan Maxamed (Laftagareen), taliyihii hore ee ciidanka asluubta Soomaaliya, Gen. Mahad Shubka.

Go’aanka oo maanta soo baxay ayaa dhigaya in la xayiro hantida dadka liiska lagu daray, laga mamnuuco macaamillada maaliyadeed ee lala sameeyo, isla markaana Xarunta Warbixinnada Maaliyadeed ee Soomaaliya (FRC) lagu wargeliyo dhaqdhaqaaqyada maaliyadeed ee lala xiriiriyo.

Guddigu wuxuu sheegay in tallaabada ay salka ku hayso xog iyo caddeymo uu qiimeeyey oo la xiriira tuhunno ku saabsan taageerada maaliyadeed ee Al-Shabaab. Hase yeeshee, dukumentiga la soo bandhigay ma faahfaahin caddeymaha gaarka ah ee qof kasta lagu saleeyey go’aanka.

Laftagareen ayaa markii ugu horreysay hoggaanka Koonfur Galbeed loo doortay sannadkii 2018, wuxuuna xilka hayey illaa dhammaadkii Maarso 2026, markaas oo ay Dowladda Federalka talada si xoog ah talada ugala wareegtay, iyadoo Koonfur Galbeed ka dhistay maamul cusub.

Madaxweyne Lafta Gareen ayaa tan iyo intii laga tuuray xukunka wuxuu duullaan ku ahaa magaalada Baydhabo, isagoo qaaday illaa afar jeer oo weerraro ah oo dhaliyay khasaare xooggan. Ciidankiisa daacadda u ah wax ay haatan ku sugan yihiin duleedka magaalada Baydhabo.

Sida ku cad dukumentiga, hay’adaha maaliyadeed iyo dhinacyada kale ee ay khuseyso sharciga waxaa laga mamnuucay inay macaamillo la sameeyaan dadka liiska ku jira. Waxaa sidoo kale waajib ku ah inay xayiraan hantida ay leeyihiin, isla markaana Xarunta Warbixinnada Maaliyadeed ee Soomaaliya (FRC) u gudbiyaan warbixinno degdeg ah oo ku saabsan dhaqdhaqaaqyada maaliyadeed ee lala xiriiriyo.

Guddigu wuxuu intaas ku daray in xiriir kasta oo dhaqaale ama fududeyn maaliyadeed oo loo sameeyo dadka liiska ku jira uu mamnuuc yahay, iyadoo cid kasta oo jebisa go’aanka lala tiigsan karo sharciga.

Magacyada liiska 

1·  Abdiaziz Hassan Mohamed “Laftagareen”

2·  Hassan Abdulkadir Mohamed

3·  Mahad Abdirahman Adan “Shub”

4·  Ibraahim Aadan Cali “Najah”

5·  Hassan Abdi Mohamed “Ugaas Hassan”

6·  Cabdullaahi Cali Watiin

7·  Abdifatah Mahad Abdirahman

8·  Abdimajid Mowlid Hassan

9·  Amiin Mad Daruur

10·  Abshir Aadan Isaaq.

WARARKA MAANTA 13ka Oktoobar 2026 

Su’aalaha Maanta:Maxuu Madaxweyne hore Xassan Shiikh u rabaa in la soo xiro ama la dilo Madaxweyne hore Shiikh Shariif?  Maxuu u amarayaa Madaxweyne hore Xassan Shiikh in la weeraro guriga Madaxweyne hore Shiikh Shariif kaasoo in la khaarajiyo rabo? Goorma ayaa la soo qabanaa siyaasiyiinta mucaaradka ee #Muqdisho jooga? z Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 13ka Oktoobar 2026 Waxaa maanta magaalada Muqdisho ka furmaya Shirweynaha U Adkaysiga Aafooyinka Soomaaliya, kaas oo socon doona muddo laba maalmood ah, waxaana iska kaashanaya Hay’adda Maareynta Masiibooyinka Qaranka (SoDMA) iyo Jaamacadda Muqdisho.

Guddoomiyaha SoDMA, Maxamuud Macallin Cabdulle, ayaa ka warbixiyay shirweynahan iyo muhiimadda uu u leeyahay xoojinta u diyaargarowga iyo adkaysiga bulshada ee aafooyinka.

Ethiopia 13ka Oktoobar 2026  WAR DEG-DEG AH

Ciidamada milatariga Itoobiya ayaa hadda gaadhay albaabka laga galo magaalada Zalambessa oo ku taalla xuduudda Itoobiya iyo Eritrea.

Ciidamada Eritrea iyo kuwii TPLF ayaa magaalada isaga baxa

Muqdisho 13ka Oktoobar 2026 Maanta waxaan si rasmi ah xilka Agaasimaha Guud ee Wasaaradda Isgaarsiinta iyo Teknolojiyadda XFS,  ugu kala wareejiyey Mudane Axmed Yuusuf Cabdulle, oo loo soo magacaabay Agaasimaha Guud ee cusub, iyo Mudane Xasan Faarax Cabdi, oo ahaa ku-simaha Agaasimaha Guud.

Waxaan uga mahadcelinayaa Mudane Xasan Faarax Cabdi dadaalkii, shaqadii iyo masuuliyaddii uu gutay muddadii uu xilka ku-simaha ahaa. Sidoo kale, waxaan soo dhoweynayaa Mudane Axmed Yuusuf Cabdulle, anigoo u rajeynaya inuu si guul leh u guto waajibaadka loo igmaday.

Waxaan Agaasimaha Guud ee cusub kula dardaarmayaa inuu xilkiisa u guto si hufnaan iyo masuuliyad leh, dardargeliyo howlaha Wasaaradda, xoojiyo tayada adeegyada, isla markaana ka shaqeeyo hirgelinta qorshayaasha horumarineed ee Wasaaradda, si loo gaaro natiijooyin wax ku ool ah oo waxtar u leh bulshada Soomaaliyeed.

Muqdisho 13ka Oktoobar 2026 Ilhaan Cumar, oo ah xildhibaanad ka tirsan Aqalka Wakiillada Maraykanka kana soo baxda gobolka Minnesota, ayaa ka hadashay baadhitaan ay ciidamada federaalku aroornimadii Isniinta ka sameeyeen gurigeeda oo ku yaalla agagaarka magaalada Washington, iyadoo tallaabadaas ku tilmaantay isku day lagu doonayo in lagu cabsi geliyo dadka siyaasiyan ka soo horjeeda Madaxweyne Donald Trump. Xildhibaannadda ayaa qoraal ay ku baahisay barta X ku sheegtay in muddo toban sannadood ah uu Trump ku hayay eedaymo aanay sal lahayn iyo olole sumcad-dil ah. Waxay sheegtay in baadhitaanka gurigeedu yahay tallaabadii ugu dambaysay ee ay ku tilmaantay cadaadis siyaasadeed, iyadoo caddeysay inaanay ka aamusi doonin waxa ay u aragto weerarro lagu hayo.

Waaxda Caddaaladda Maraykanka ayaa xaqiijisay in saraakiisha Waaxda Baadhista Amniga Gudaha ay fuliyeen amar baadhitaan oo ay maxkamaddu oggolaatay. Waaxdu waxay sheegtay in hawlgalku qayb ka yahay baadhitaan dembiyeed oo federaal ah, balse ma shaacin waxa la baadhayo ama eedaha gaarka ah ee lala xidhiidhinayo xildhibaannadda.

Hoggaanka Xisbiga Dimuqraaddiga ee Aqalka Wakiillada ayaa walaac ka muujiyey tallaabadan, iyagoo sheegay inay dhalinayso su’aalo culus oo ku saabsan adeegsiga hay’adaha dowladda ee ka dhanka ah dadka siyaasiyan ka soo horjeeda Trump. Hakeem Jeffries, Katherine Clark iyo Pete Aguilar ayaa bayaan ay soo saareen ku dalbaday in si cad loo shaaciyo sababta baadhitaanka, isla markaana lala xisaabtamo cid kasta oo ku takri-fasha awoodda dowladda.

Tom Homan, oo ah masuulka maamulka Trump u qaabilsan arrimaha xuduudaha, ayaa hore u sheegay in arrimo la xidhiidha Ilhaan Cumar ay ku jiraan baadhitaan, balse aanu bixin karin faahfaahin. Homan ayaa Isniintii xaqiijiyey in amarka baadhitaanka la fuliyey, isaga oo sheegay in xogta dheeraadka ah laga sugayo masuuliyiinta Waaxda Caddaaladda iyo Waaxda Amniga Gudaha. Sida ay CNN sheegtay, saraakiishu waxay guriga ka saareen sanduuqyo, waxaanay sawirro ka qaadeen xaaladda guriga ka hor intii aanay goobta ka tegin. 

Muqdisho 13ka Oktoobar 2026 Soomaaliya ayaa raadineysa sidii ay xubinnimada Bulshada Bariga Afrika (EAC) ugu beddeli lahayd fursado ganacsi, maalgashi iyo isu-socod oo ay ka faa’iidaystaan shacabka iyo ganacsatada dalka, sida uu sheegay Wasiiru-dowlaha Arrimaha Dibadda, Cali Cumar Balcad. Balcad oo ka hadlayay Shirka Saddexaad ee Bulshada Bariga Afrika (EACON 2026) ee Muqdisho ka furmay, ayaa sheegay in madashu ay qayb ka tahay dadaallada lagu wacyigelinayo bulshada Soomaaliyeed ee ku saabsan fursadaha dhaqaale ee ka jira suuqa gobolka.

Wuxuu sheegay in shirku isu keenayo ganacsatada, siyaasiyiinta, diblomaasiyiinta, safaaradaha, jaamacadaha iyo shirkadaha waaweyn si ay uga wada hadlaan sidii Soomaaliya iyo dalalka kale ee xubnaha ka ah ururku ay uga faa’iidaysan lahaayeen suuqa ay wadaagaan.

Wasiiru-dowluhu wuxuu xusay in shirarkii hore laga soo saaray talooyin u baahan in ay fuliyaan ganacsatada, hay’adaha dowladda iyo dhinacyada kale ee ay khuseyso, isagoo rajo ka muujiyay in kulanka sannadkan laga soo saaro qorshayaal sii xoojinaya ka faa’iidaysiga xubinnimada Soomaaliya.

Soomaaliya, oo ah dalka ugu dambeeyay ee ku biira ururka, ayaa hadda dadaal ugu jirta sidii ay u kordhin lahayd matalaaddeeda iyo ka qaybgalkeeda hay’adaha kala duwan ee Bulshada Bariga Afrika, sida uu sheegay Balcad.

Wuxuu tilmaamay in Soomaalida oo horeba ganacsi iyo maalgashi ugu lahayd dalal ka tirsan gobolka ay door ka qaadan karto dardargelinta xiriirka dhaqaale, isagoo xusay in dowladda Soomaaliya ay xiriir joogto ah la leedahay wasaaradaha dhiggeeda ah ee dalalka xubnaha ka ah ururka.

Dhanka kale, Balcad wuxuu sheegay in casriyeynta baasaboorka Soomaaliya ay ka mid tahay arrimaha weli u baahan in la dhammaystiro si loo fududeeyo isu-socodka muwaadiniinta ee dalalka xubnaha ka ah EAC.

Wuxuu rajo ka muujiyay in arrintan horumar laga gaari doono sannadka soo socda, taas oo uu sheegay inay Soomaalida u sahli karto inay si fudud ugu safraan dalalka ururka, marka la buuxiyo shuruudaha looga baahan yahay.

https://www.youtube.com/watch?v=LFlcEJbCp9c2

WARARKA MAANTA 12ka Oktoobar 2026 

Su’aalaha Maanta:Maxuu u amaray Madaxweyne hore Xassan Shiikh in la weeraro guriga Madaxweyne hore Shiikh Shariif kaasoo in la khaarajiyo rabo? Goorma ayaa la soo qabanaa siyaasiyiinta mucaaradka ee #Muqdisho jooga? Yaa amar ku bixiyey in mushaharka laga jaro xildhibaanada maqan? Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 12ka Oktoobar 2026  Ugu yaraan laba qof oo shacab ah ayaa ku dhintay, afar kalena way ku dhaawacmeen kaddib markii nin hubaysan uu rasaas ku furay goob ganacsi oo ku taalla suuqa Inji ee magaalada Garoowe. Sida ay sheegayaan wararka laga helayo dhacdadan, ninka hubaysan ayaa rasaas ku furay suuqa kabaha lagu iibiyo ee ku dhex yaalla suuqa Inji, oo ka mid ah goobaha ganacsi ee mashquulka badan ee magaalada Garowe.

Rasaasta ayaa sababtay dhimashada laba qof iyo dhaawaca afar kale, kuwaas oo la geeyay Isbitaalka Guud ee Garoowe si xaaladdooda caafimaad loola tacaalo.

Maamulka isbitaalka ayaa sheegay in mid ka mid ah dadka dhaawacmay isagoo dhintay la keenay, halka qofka labaad uu u dhintay dhiig-bax, inkasta oo dadaal caafimaad loo sameeyay. Waxay intaas ku dareen in qaar ka mid ah dadka dhaawacmay ay xaaladdoodu culus tahay.

Goobjoogayaal ayaa sheegay in ka hor inta aan rasaastu dhicin uu muran dhexmaray ninka hubaysan iyo rag kale oo goobta ku sugnaa, kaas oo markii dambe isku beddelay gacan ka hadal iyo rasaas.

Ninka falka geystay ayaa la sheegay inuu goobta ka baxsaday. Warar aan weli si madax-bannaan loo xaqiijin ayaa sidoo kale sheegaya in ninku uu cabsanaa maandooriyaha Qamriga.

Ilaa hadda lama oga sababta rasmiga ah ee ka dambaysay dhacdadan. Laamaha amniga iyo maamulka Puntland weli kama aysan hadlin dhacdadan.

Muqdisho 12ka Oktoobar 2026  Xisbiga Himilo Qaran ayaa ka digay xaaladda amni, xasilloonida iyo hirgelinta doorashooyinka, isaga oo walaac ka muujiyey tallaabooyinka uu sheegay inay sii hurinayaan khilaafaadka siyaasadeed ee dalka. War-saxaafadeed uu maanta soo saaray xisbigu ayuu ku sheegay inuu si dhow ula socdo xaaladda dalka, gaar ahaan muranka siyaasadeed ee la xiriira shirarka ka socda Villa Soomaaliya iyo madaxweynihii hore Xasan Sheekh Maxamuud.

Xisbigu wuxuu sheegay inuu cambaaraynayo “tallaabooyinkaas qaar iska tuurka ah oo lagu khal-khalgelinayo bulshada caasimadda, laguna carqaladaynayo wadahadallada siyaasadeed, islmarkaana dib u celin karta dowladnimada jilicsan ee aan haysanno.”

Himilo Qaran ayaa sidoo kale ugu baaqay madaxda dalka inay muujiyaan mas’uuliyad, isla markaana ay ka fogaadaan tallaabo kasta oo sii xoojin karta xiisadaha siyaasadeed.

“Xisbiga Himilo Qaran wuxuu ummadda Soomaaliyeed la wadaagayaa in madaxweynuhu muddo-xileedkiisu dhammaaday uu qaadi doono mas’uuliyadda iyo cawaaqib-xumo kasta oo ka dhalata duullaan lagu qaado xarumaha siyaasiyiinta,” ayaa lagu yiri bayaanka.

Xisbigu wuxuu intaas ku daray inuu saraakiisha iyo ciidamada qaranka uga digayo qaadashada amarro uu ku tilmaamay “baal-marsan dowladnimada” oo lagu beegsanayo siyaasiyiinta mucaaradka.

Ugu dambayn, Himilo Qaran wuxuu ku baaqay in si deggan oo nabad ah loo wajaho xaaladda taagan, si loo helo hay’ad dowladeed oo haysata sharciyad iyo kalsoonida shacabka Soomaaliyeed.

Wuxuu sidoo kale ku adkeeyey in madaxweynuhu ka waantoobo tallaabo kasta oo uu ku tilmaamay mid dhaawacaysa dalka, isagoo ku baaqay in la ilaaliyo nabadda, sharciga iyo wadajirka bulshada Soomaaliyeed.

Muqdisho 12ka Oktoobar 2026 Hay’adda Sirdoonka iyo Nabadsugidda Qaranka Soomaaliyeed (NISA) ayaa si kulul u cambaareysay weerarro hubeysan iyo falal gardarro ah oo ay sheegtay in lagu bartilmaameedsaday ciidamadeeda Ilaalinta Dadweynaha ee ka howlgala qaybta General Da’ud ee degmada Wadajir, gobolka Banaadir. War-saxaafadeed ay hay’addu soo saartay ayay ku eedeysay rag hubeysan oo ay sheegtay inay ka amar qaataan madaxweynihii hore ee Soomaaliya, Sheekh Shariif Sheekh Axmed, inay isku dayeen inay iska horimaad hubeysan la galaan ciidamada ammaanka.

NISA waxay sheegtay in ciidamadeedu muujiyeen dulqaad, xirfad shaqo iyo masuuliyad, iyagoo ka fogaaday tallaabo kasta oo sii hurin karta xiisadda ama khatar gelin karta nolosha dadka rayidka ah.

Hay’addu waxay intaas ku dartay in xogta ay ururisay ay muujinayso in ilaalada madaxweynihii hore, oo ku hubeysnaa qoryaha AK-47, qoryaha darandoorriga u dhaca ee BKM iyo bambaanooyinka garbaha laga gano ee RPG, ay xoog ku galeen guryo ku yaalla xaafadda Tiintiinley ee degmada Wadajir.

Sidoo kale, NISA waxay sheegtay in 24-kii Juun 2026 ay maleeshiyaadkaasi weerareen ciidamadeeda, ayna afduubteen hal askari oo gudanayay waajibaadkiisa shaqo. Waxay intaas ku dartay in 27-kii Juun ay mar kale hor istaageen howlgallo amni oo ay wadeen shaqaalaha hay’addu qaybta General Da’ud.

Riyadh 12ka Oktoobar 2026 Wasiirka Wasaaradda Batroolka iyo Kheyraadka Macdanta ee Jamhuuriyadda Federaalka Soomaaliya, Daahir Shire Maxamed, ayaa magaalada Riyadh ee dalka Sacuudi Carabiya kaga qaybgalay Madasha Caalamiga ah ee Tamarta (IEF). Ka qaybgalka wasiirka ayaa qayb ka ah dadaallada Soomaaliya ay ku xoojinayso iskaashiga caalamiga ah ee dhinaca tamarta, is-weydaarsiga khibradaha iyo raadinta fursado maalgashi oo lagu horumarinayo khayraadka dabiiciga ah.

“Ka qaybgalka madashani wuxuu fursad muhiim ah u yahay xoojinta iskaashiga caalamiga ah ee dhinaca tamarta, is-weydaarsiga khibradaha iyo ka doodista mustaqbalka suuqyada tamarta adduunka, Soomaaliya waxay mudnaan siinaysaa horumarinta khayraadkeeda shidaalka iyo gaaska, soo jiidashada maalgashiga caalamiga ah iyo dhismaha iskaashi istaraatiiji ah oo gacan ka geysta xaqiijinta amniga tamarta iyo kobaca dhaqaalaha dalka.” Ayuu ku yiri Wasiirka qoraal uu bartiisa Facebook soo dhigay.

Madasha ayaa fursad u ah ka doodista mustaqbalka suuqyada tamarta adduunka iyo xoojinta xiriirka u dhexeeya dalalka iyo hay’adaha ka shaqeeya arrimaha tamarta.

Muqdisho 12ka Oktoobar 2026 Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa eedeymo u jeediyay qaar ka mid ah dhinacyada mucaaradka siyaasadeed, isaga oo ku eedeeyay inay abaabulayaan maleeshiyaad hubaysan, isla markaana ay wadaan tallaabooyin uu sheegay inay halis ku yihiin amniga iyo xasilloonida caasimadda Muqdisho. Fiqi oo qoraal uu u qoray bartiisa Facebook waxa uu ku sheegay in qaar ka mid ah kooxaha mucaaradku ay raadinayaan marmarsiinyo ay ku abaabulaan kooxo hubaysan. Waxa uu sidoo kale tixraacay dhacdooyin iyo weerarro uu sheegay inay dhaceen bishii Sebtembar 2025 iyo bilihii May iyo Juun ee sanadkan.

Wasiirka ayaa ku dooday in ciidamada dowladda aysan ahayn dhinaca bilaabay weerarrada, isaga oo eedeymo u jeediyay dhinacyada uu tilmaamay, kuwaas oo uu sheegay inay hore u fuliyeen weerarro.

Waxa uu carrabka ku adkeeyay in sharciga loo siman yahay, isla markaana aan cidna laga aqbali doonin tallaabooyin hubaysan oo lagu wiiqayo amniga caasimadda. Fiqi ayaa sidoo kale sheegay in dowladda aysan oggolaan doonin dhaqdhaqaaqyo hubaysan oo khatar ku ah nabadgelyada Muqdisho.

Hadallada wasiirka ayaa imanaya xilli ay jiraan khilaafaad siyaasadeed oo u dhexeeya dowladda federaalka iyo qaar ka mid ah dhinacyada mucaaradka, iyadoo ay walaac ka taagan tahay saamaynta ay isku dhacyada siyaasadeed ku yeelan karaan xaaladda amni ee caasimadda.

WARARKA MAANTA 11ka Oktoobar 2026 

Su’aalaha Maanta: Goorma ayaa la soo qabanaa siyaasiyiinta mucaaradka ee #Muqdisho jooga? Yaa amar ku bixiyey in mushaharka laga jaro xildhibaanada maqan? Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 11ka Oktoobar 2026 Wasiirka Wasaaradda Ganacsiga iyo Warshadaha ee Dowladda Federaalka Soomaaliya, Mudane Gamal Maxamed Xassan, ayaa khudbad muhiim ah ka jeedin doona  Shirka Bulshada Bariga Afrika  (EACON 2026) oo berri ka furmi doona Muqdisho.

Khudbaddiisu waxay diiradda saari doontaa xoojinta ganacsiga, dhiirrigelinta maalgashiga, horumarinta ganacsiga gaarka loo leeyahay iyo kobcinta is-dhexgalka dhaqaale ee Soomaaliya iyo dalalka Bariga Afrika.

Muqdisho 11ka Oktoobar 2026 Xafiiska Qaramada Midoobay ee Isku-dubaridka Arrimaha Bani’aadannimada (OCHA) ayaa walaac xooggan ka muujiyay colaadda magaalada Baydhabo ee xarunta gobolka Baay, taas oo uu sheegay inay sii xumaynayso xaaladda bani’aadannimo ee halkaas ka jirta. OCHA ayaa sheegtay in rabshadaha soo noqnoqday ay dhibaato hor leh ku hayaan bulshada horeyba ula tacaalaysay abaaro, barakac daba-dheeraaday iyo xaalado nololeed oo adag.

Xafiisku wuxuu si gaar ah uga walaacsan yahay xaaladda dadka barakacayaasha ah, haweenka, carruurta, waayeelka iyo dadka naafada ah, kuwaas oo wajahaya khataro dheeraad ah oo ka dhashay amni-darrada iyo barakaca soo noqnoqda.

Sida lagu sheegay bayaanka OCHA, colaadaha ayaa qoysas badan ku khasbay inay guryahooda ka cararaan, iyagoo luminaya fursadihii ay ku heli lahaayeen badbaado, adeegyada aasaasiga ah iyo gargaarka bani’aadannimo.

Hay’addu waxay ka digtay in xaaladda bani’aadannimo ee Baydhabo ay sii xumaanayso, iyadoo ay jirto khatar sii kordhaysa oo macaluul ah, nafaqo-darro baahsan oo carruurta haysata iyo saadaasha daadad ka dhasha roobabka El Niño.

OCHA ayaa dhinacyada ku lugta leh colaadda ugu baaqday inay si degdeg ah u dejiyaan xiisadaha, muujiyaan is-xakameyn buuxda, kana fogaadaan tallaabo kasta oo sii kordhin karta rabshadaha

Somaliland 11ka Oktoobar 2026 Xafiiska Ingiriiska ee Hargeysa ayaa walaac ka muujiyey xadhigga saxafiyiinta Somaliland, isaga oo sheegay in muddo ka yar laba sannadood la diiwaangeliyey in ka badan 50 kiis oo la xidhiidha xadhigga saxafiyiinta, taas oo uu sheegay inay dhaawici karto sumcadda dimuqraadiyadeed ee Somaliland. 

War qoraal ah oo cinwaankiisu yahay “Bayaanka Ingiriiska ee Xorriyadda Warbaahinta Somaliland” ayuu xafiisku ku sheegay in uu dhawaan wada-hadallo la yeeshay Wasiirka Warfaafinta Somaliland iyo xubno ka tirsan bahda warbaahinta. Xafiisku waxa uu sheegay in kulamadaasi ay ku xoojiyeen walaaca Ingiriiska ee ku saabsan tirada badan ee saxafiyiinta la xidhayo, isaga oo carrabka ku adkeeyey in xadhig kasta loo maro habraaca sharciga iyo kormeerka garsoorka.

“Somaliland si sax ah ayay ugu faantaa sumcaddeeda dimuqraadiyadeed, hase yeeshee xadhigga soo noqnoqda ee saxafiyiintu waxa uu halis gelinayaa sumcaddaas,” ayaa lagu yidhi bayaanka.

 Xafiiska Ingiriiska ayaa sidoo kale sheegay in warbaahin xor ahi ay Somaliland xoojinayso, isla markaana xorriyadda hadalka, saxaafadda madaxa-bannaan iyo ka-qaybgalka bulshada ay yihiin astaamo muujinaya kalsoonida iyo adkaysiga dimuqraadiyadda.

Muqdisho 11ka Oktoobar 2026  Dowladda Itoobiya ayaa sheegtay in waxa ay ku tilmaantay duullaan ballaadhan oo ay ciidamada Eriteriya ku soo qaadeen qaybo ka mid ah waqooyiga dalkaasi uu ku khasbay inay isdifaacdo, iyadoo eedeymaha labada dhinac ay sii kordhiyeen walaaca laga qabo inuu qarxo dagaal cusub oo ka dhaca Geeska Afrika. Wasiirka Arrimaha Dibadda Itoobiya, Gedeon Timotiwos, ayaa warqad uu u diray Qaramada Midoobay ku sheegay in ciidamada Eriteriya ay gudaha Itoobiya u galeen masaafo gaadhaysa 60 kiiloomitir. Warqadda oo Khamiistii la qoray, oo Jimcihii ayay wakaaladda wararka ee Reuters heshay, ayaa lagu sheegay in tallaabada Eriteriya ay tahay gardarro ka dhan ah madax-bannaanida Itoobiya.

“Duullaanka ballaadhan ee Eriteriya ku soo qaaday qaybo ka mid ah waqooyiga Itoobiya waa arrin si cad loo og yahay,” ayaa lagu yidhi warqadda, iyadoo Addis Ababa ku doodday inay xaq u leedahay inay isdifaacdo.

Dhankeeda, Eriteriya ayaa sheegtay inay muujisay is-xakamayn, inkasta oo ay Itoobiya ku eedaysay inay muddo ka badan saddex sannadood ku hawlanayd dagaal gardarro ah oo ka dhan ah dalkaasi. Wasiirka Warfaafinta Eriteriya, Yemaane Gebremeskel, ayaa sheegay in hadallada madaxda Itoobiya ee ku saabsan helitaanka marin badeed ay muujinayaan ujeeddooyin ka dhan ah dalkiisa.

Yemaane ayaa Itoobiya ku eedeeyey inay doonayso inay la wareegto dekedda Casab, oo ku taalla xeebta Badda Cas ee Eriteriya, si ay dib ugu hesho marin badeed ay lumisay markii Eriteriya ay madax-bannaanideeda qaadatay sannadkii 1993-kii. Dowladda Itoobiya ayaa ku doodaysa in helitaanka marin badeed uu muhiim u yahay danaha dhaqaale iyo amni ee dalka, hase yeeshee waxay sheegtay inay arrintaas ku doonayso wada-hadal iyo hab nabadeed.

Xiisadda labada dal ayaa sii xoogaysatay kaddib markii Itoobiya ay Eriteriya ku eedaysay inay taageerto isbahaysi mucaarad hubaysan oo ka dagaallama gudaha Itoobiya. Dhanka kale, qaraxyo laga soo sheegay deegaannada u dhow xuduudda labada dal ayaa sii kordhiyey cabsida laga qabo in iska-horimaadyadu isu beddelaan dagaal toos ah. 

Muqdisho 11ka Oktoobar 2026 Guddoomiyaha Golaha Shacabka Baarlamaanka Federaalka Soomaaliya ayaa difaacay go’aanka mushaharka looga jarayo xildhibaannada ka maqnaada fadhiyada baarlamaanka, isaga oo sheegay in tallaabadan loo maray habraacyada ku xusan xeer-hoosaadka golaha. Guddoomiyuhu wuxuu sheegay in xildhibaannada aan ku qanacsanayn go’aanka ay haystaan muddo 15 maalmood ah oo ay ku gudbin karaan racfaan, isla markaana ay arrinta horgeyn karaan Golaha Shacabka si sharci ahaan looga doodo.

Wuxuu carrabka ku adkeeyay in xildhibaannadu waajib ku tahay ka qaybgalka fadhiyada baarlamaanka iyo gudashada mas’uuliyadaha loo igmaday, isaga oo xusay in aanay habboonayn in xildhibaanno qaarkood si joogto ah uga soo qaybgalaan shaqada, halka kuwo kalena ay ka maqnaadaan iyaga oo aan gudan waajibaadkooda.

Guddoomiyuhu wuxuu sidoo kale sheegay in go’aanka mushahar-jarista la mariyey hannaan xaqiijin ah oo ay qayb ka ahaayeen guddiga u qaabilsan xeer-hoosaadka baarlamaanka iyo dib-u-eegista dukumentiyada la xiriira xaadiritaanka xildhibaannada.

Dhanka kale, wuxuu caddeeyay in xaaladaha xildhibaannada haysta fasax rasmi ah ama duruufo gaar ah oo la diiwaangeliyey si gaar ah loo tixgelin doono. Waxa uu intaas ku daray in hoggaanka baarlamaanku diyaar u yahay inuu saxo khaladaad maamul oo dhici kara, gaar ahaan haddii xildhibaan si khaldan loogu daray liiska dadka mushaharka laga jarayo.

Guddoomiyuhu wuxuu xusay in tallaabadani aanay ujeeddadeedu ahayn ciqaabidda xildhibaannada qaba xaalado caafimaad ama duruufo kale oo gaar ah. 

Muqdisho 11ka Oktoobar 2026 Wasiir ku-xigeenka Wasaaradda Arrimaha Dibadda Soomaaliya, Xasan Maxamed Cali, ayaa ka hadlay mowqifka dowladda Federaalka ee ku aaddan xiisadaha gobolka, xiriirka dalalka ay wada-shaqaynta leeyihiin iyo baahida loo qabo in Soomaaliya ilaaliso madaxbannaanideeda iyo danaheeda qaran. Wasiir ku-xigeenka ayaa sheegay in Soomaaliya ay tahay dal madax-bannaan oo xaq u leh inay ka shaqeyso danaha iyo maslaxadda dadkeeda, isaga oo carrabka ku adkeeyay in siyaasadda arrimaha dibadda lagu saleeyo mowqif cad oo waafaqsan danaha qaranka.

Isaga oo ka hadlayay su’aal la xiriirtay mowqifka dowladda iyo xiriirka wada-shaqayneed ee ay la leedahay dalalka gobolka gaar ahaan heshiskii dhowaan ay wada saxiixdeen dalalka Masar, Soomaaliya, Sudan iyo Eritrea, ayuu sheegay inaanay jirin wax warqad rasmi ah oo dowladda kasoo gaartay oo ku saabsan arrinta laga hadlayo, isaga oo kala saaray hadallada baraha bulshada iyo suuqa laga faafiyo iyo mowqifyada rasmiga ah ee dowladda.

Wasiirku wuxuu sidoo kale ka hadlay saameynta ay yeelan karaan sawirrada iyo muuqaalada siyaasadeed ee laga dhex muuqdo shirarka ay ka qaybgalayaan dhinacyada ay isku hayaan dalalka gobolka. Waxa uu tilmaamay in tallaabooyinka noocaas ahi ay yeelan karaan fasiraado siyaasadeed oo ka baxsan ujeeddada laga lahaa.

Waxa uu xusay in Soomaaliya ay tahay inay ilaaliso dhexdhexaadnimadeeda, isla markaana ay door ka qaadato fududeynta wada-hadalka iyo iskaashiga gobolka, halkii ay si buuxda ula safan lahayd dhinac ka mid ah dhinacyada isku haya khilaafaadka. 

WARARKA MAANTA 10ka Oktoobar 2026 

Su’aalaha Maanta: Yaa rabay in la af-duubo Madaxweynaha Dowladda Waqooyi Bari Mr. Firdhiye? Yaase sharciga aqoonsiga Nabad-Sugida siiyey afartii nin ee af-duubi rabtay Madaxweyne Firdhiye? Goorma ayaa la soo qabanaa siyaasiyiinta mucaaradka ee #Muqdisho jooga? Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  

Muqdisho 10ka Oktoobar 2026 Wasiirka Warfaafinta XFS iyo Musharax Hogaamiye ku-Xigeenka JSP ee Hirshabeelle ayaa xalay ku booqday qaar ka mid ah Cisbitaalada Muqdisho geesiyaasha kusoo dhaawacmay furimaha Gobolka Hiiraan. 

Hagardheere Kenya 10ka Oktoobar 2026 Qarax looga shakisan yahay inuu ahaa miino dhulka lagu aasay ayaa haleelay gaari ay lahaayeen booliska Kenya, xilli uu marayay waddada isku xirta Saretho iyo Dadaab ee gobolka Garissa, halkaas oo ay ka taagan yihiin walaacyo amni. Taliyihii booliska ee saldhigga Xagardheere iyo darawalkiisii ayaa ku dhintay qarax miino oo haleelay gaarigii ay saarnaayeen waaberigii Jimcihii, sida ay sheegayaan wararka laga helayo deegaanka.

Dhacdadan ayaa la sheegay inay dhacday abaare 6:00 subaxnimo, xilligaas oo gaari nooca Toyota Land Cruiser ah oo ka tirsan saldhigga booliska Xagardheere uu dul maray walax qaraxeed oo looga shakisan yahay inay ahayd Miino nooca dhulka lagu aaso.

Labada nin ayaa la sheegay inay goobta ku geeriyoodeen, halka qaraxu uu si weyn u burburiyay gaariga.

Ciidamada ammaanka ayaa gaaray goobta uu qaraxu ka dhacay, iyagoo sugay amniga halkaas kana bilaabay hawlgallo dabagal ah. Si kastaba ha ahaatee, weli ma cadda duruufaha rasmiga ah ee ka dambeeyay qaraxa, mana jirin war rasmi ah oo lagu shaaciyay cidda mas’uuliyadda ka dambeysa

Warar maxalli ah ayaa farta ku fiiqay suurtagalnimada in kooxda hubeysan ee Al-Shabaab ay ku lug leedahay weerarka. 

Yamna 10ka Oktoobar 2026 Taliska ciidamada Mareykanka ee Afrika (AFRICOM) ayaa walaac ka muujiyay suurtagalnimada in  wakiillo ka socda Xuutiyiinta Yemen ay ka howlgalaan waqooyiga Soomaaliya iyaga oo xiriir la leh kooxda Al-Shabaab. Sida ay sheegeen saraakiil Mareykan ah, xiriirka labada dhinac wuxuu Al-Shabaab siin karaa fursad ay ku hesho hub casri ah, tababar iyo khibrad farsamo oo la xiriirta diyaaradaha aan duuliyaha lahayn, taas oo sare u qaadi karta awoodda kooxda ee weerarrada ka dhanka ah ciidamada Mareykanka iyo danahooda gobolka Geeska Afrika.

Sarkaal ka tirsan AFRICOM, oo la hadlay warbaahinta isaga oo codsaday inaan magaciisa la shaacin, ayaa sheegay in iskaashiga suuragalka ah ee Xuutiyiinta iyo Al-Shabaab uu kordhin karo awoodda kooxda Soomaalida ee ay khatar ugu abuuri karto ciidamada Mareykanka iyo danahooda gobolka.

Walaaca Mareykanka ayaa sidoo kale la xiriira muhiimadda istaraatiijiyadeed ee Gacanka Cadmeed, oo ah marin-biyood muhiim u ah isu socodka maraakiibta ganacsiga ee isku xira Bariga Dhexe, Afrika iyo suuqyada caalamka.

Haddii Xuutiyiintu saldhig ama taageero saadka ah ka helaan gudaha Soomaaliya, waxaa suuragal ah inay ballaariyaan hawlgalladooda, taas oo adkeyn karta ilaalinta maraakiibta isaga kala goosha labada dhinac ee marin-biyoodka istaraatiijiga ah.

Sidoo kale, arrintan ayaa sare u qaadi karta walaaca amni ee ku saabsan saldhigga weyn ee ciidamada Mareykanka ee Camp Lemonnier, oo ku yaalla dalka Jabuuti, halkaas oo ay ku sugan yihiin ciidamo Mareykan ah oo ka howlgala Bariga Afrika.

Taliyihii hore ee AFRICOM, Jeneraal Michael Langley, ayaa mar uu sanadkii hore ka hor hadlayay Congress-ka Mareykanka sheegay in Xuutiyiintu awood u leeyihiin inay weeraraan xarumaha ciidamada Mareykanka ee ku yaalla Jabuuti haddii ay go’aansadaan inay sii xoojiyaan iska horimaadkooda Washington.

Walaaca amni ayaa soo baxaya xilli Pentagon-ka Mareykanka la sheegay inuu qaar ka mid ah diyaaradaha aan duuliyaha lahayn ee MQ-9 Reaper ka rarayo Soomaaliya, si loogu adeegsado hawlgallo ka dhan ah kooxaha ka ganacsada maandooriyaha ee Koonfurta Ameerika.

Wargeyska The New York Times ayaa toddobaadkan sheegay in tiro aan la shaacin oo diyaaradahaas ah loo wareejinayo Galbeedka Dunida, inkasta oo aan faahfaahin laga bixin tirada saxda ah ama waqtiga ay dib u dejintu dhaceyso.

Muqdisho 10ka Oktoobar 2026 Masar ayaa lagu soo warramayaa inay diyaarinayso ciidamo milatari oo loo dirayo Soomaaliya, tallaabadaas oo qayb ka ah iskaashiga difaac ee labada dal, xilli ay sii kordhayaan xiisadaha amni iyo kuwa siyaasadeed ee gobolka Geeska Afrika. Sida uu sheegay wargeyska The Arab New saraakiil, tababarayaal iyo la-taliyeyaal milatari oo Masaari ah ayaa ka shaqaynaya diyaarinta howlgalka, kaas oo noqonaya mid ka mid ah tallaabooyinka ugu waaweyn ee iskaashiga milatari ee Qaahira iyo Muqdisho tan iyo markii ay labada dal saxiixeen heshiis iskaashi difaac sannadkii 2024.

Ciidamada la filayo in la geeyo Soomaaliya ayaa la sheegay inay qayb ka noqon karaan howlgalka Midowga Afrika ee taageerada iyo xasilinta Soomaaliya (AUSSOM) ama iskaashi amni oo laba geesood ah. Si kastaba, Masar weli si rasmi ah uma shaacin tirada ciidamada ay dirayso iyo qaabka ay uga qaybqaadan doonaan howlgalka.

Warbixinnada ayaa sidoo kale tilmaamaya in ciidamada la qorsheynayo in la geeyo deegaanka Ceelcade, oo ku yaalla duleedka waqooyi ee Muqdisho, halkaas oo hore uga jiray garoon diyaaradeed oo milatari.

Tallaabadan ayaa timid iyadoo Masar ay xoojinayso xiriirka ay la leedahay Soomaaliya, kaddib markii labada dal ay xiriirkooda gaarsiiyeen heer iskaashi istaraatiiji ah sannadkii 2025.

Wafdi milatari oo Masaari ah ayaa 20-kii Sebtembar booqday Muqdisho, halkaas oo ay kula kulmeen wasiirka gaashaandhigga Soomaaliya, Axmed Macallin Fiqi. Kulamadaas ayaa diiradda lagu saaray iskaashiga difaaca, tababarka ciidamada iyo tayeynta awoodda Ciidanka Xoogga Dalka Soomaaliyeed.

Dowladda Masar ayaa marar kala duwan sheegtay inay taageersan tahay midnimada dhuleed ee Soomaaliya, iyadoo labada dal ay iska kaashanayaan arrimaha amniga iyo difaaca.

Joogitaanka milatari ee Masar ee Soomaaliya ayaa sidoo kale ku soo beegmaya xilli uu gobolka ka jiro loollan istaraatiiji ah oo la xiriira marin-biyoodka Badda Cas, marin-biyoodka Baab al-Mandab iyo danaha amni ee dalalka gobolka.

Masar iyo Itoobiya waxaa muddo dheer ka dhexeeyay khilaaf la xiriira biyo-xireenka weyn ee Itoobiya ka dhistay webiga Niil, kaas oo Qaahira ay u aragto arrin si toos ah u saamayn karta amniga biyaha dalka.

WARARKA MAANTA 9ka Oktoobar 2026 

Su’aalaha Maanta: Goorma ayaa la soo qabanaa siyaasiyiinta mucaaradka ee #Muqdisho jooga? Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?  Muqdisho 9ka Oktoobar 2026 Soomaaliya ayaa isu diyaarinaysa tallaabo cusub oo la xiriirta horumarinta nidaamka duulista rayidka, iyadoo magaalada Muqdisho ay martigelinayso hoggaanka sare ee Ururka Caalamiga ah ee Gaadiidka Cirka (IATA). Dhacdadan ayaa lagu daahfurayaa ku biirista Soomaaliya ee nidaamka caalamiga ah ee iibinta iyo dejinta lacagaha tigidhada diyaaradaha, oo loo yaqaan BSP (Billing and Settlement Plan), kaas oo ay maamusho IATA.

Maareeyaha Guud ee Hay’adda Duulista Rayidka Soomaaliyeed (SCAA), Axmed Macallin Xasan, ayaa sheegay in hirgelinta nidaamkan ay Soomaaliya u horseedi karto fursado cusub oo dhinacyada dhaqaalaha, shaqo-abuurka, maalgashiga iyo kobcinta adeegyada duulista ah.

Wasaaradda Gaadiidka iyo Duulista Hawada ee dowladda federaalka ayaa dhinaceeda qaabilsan isku-dubaridka iyo kormeerka nidaamka, si loo hubiyo in uu waafaqo shuruucda Soomaaliya iyo heerarka caalamiga ah ee duulista.

Sidoo kale, nidaamka cusub ayaa la filayaa inuu fududeeyo xiriirka iyo wada-shaqaynta shirkadaha diyaaradaha, hay’adaha duulista iyo IATA, iyadoo Soomaaliya ay doonayso inay sii xoojiso ka mid noqoshada nidaamka duulista caalamiga ah.

Hirgelinta BSP ayaa imanaysa xilli Soomaaliya ay waddo dadaallo lagu casriyeynayo adeegyada duulista iyo in dalka loo abuuro jawi u fududeeya shirkadaha diyaaradaha iyo maalgashadayaasha caalamiga ah inay ka shaqeeyaan suuqa Soomaaliya. 

Jarmalka 9ka Oktoobar 2026 Maxkamad ku taalla magaalada Mainz ee dalka Jarmalka ayaa diidday codsi degdeg ah oo ay haweeney Soomaali ah oo 38 jir ah ku doonaysay in lagu hakiyo go’aanka loogu masaafurinayo dalkeeda hooyo, kaddib markii lagala noqday aqoonsigii qaxootinimo ee ay haysatay, isla markaana uu dhacay sharcigii degenaanshaheeda. Haweeneydan ayaa hore muran uga dhalisay baraha bulshada, gaar ahaan TikTok, kaddib markii ay baahisay muuqaallo ay ku jirtay baaqyo rabshado loogu geysanayo xubno ka tirsan beel ay isku hayaan Soomaaliya. Bishii Sebtembar ee sannadkan, ayaa lagu helay dambi la xiriira hurinta nacaybka, waxaana lagu xukumay ganaax lacageed oo dhan 5,400 oo Yuuro.

Maxkamadda maamulka ee Mainz ayaa sheegtay inaanay jirin caqabad sharci ah oo hor istaagaysa fulinta go’aanka masaafurinta haweeneyda, maadaama sharcigii degenaanshaheedu uu dhacay bishii Luulyo, iyada oo aan codsan in loo kordhiyo.

Garsoorayaashu waxay sidoo kale sheegeen inaan la keenin caddeymo ku filan oo muujinaya in haweeneydu ay Soomaaliya kala kulmi karto dil sharci ah ama jirdil haddii dib loogu celiyo dalka. Maxkamaddu waxay tilmaantay in sheegashooyinkeeda ku saabsan khatarahaas ay ahaayeen kuwo guud, isla markaana aan lagu taageerin caddeymo la taaban karo.

Xafiiska Federaalka ee Socdaalka iyo Qaxootiga Jarmalka (BAMF) ayaa bishii May ee sannadkan kala noqday haweeneyda aqoonsigii qaxootinimo, kaddib markii la ogaaday inay dhowr jeer u safartay Soomaaliya, isla markaana ay safarradeeda ku diiwaangelisay muuqaallo ay TikTok ku baahisay.

Tallaabadaas ayaa sababtay inay lumiso ilaalintii ay ku lahayd Jarmalka iyadoo qaxooti ah. Markii uu sidoo kale dhacay sharcigii degenaanshaheeda bishii Luulyo, waxaa loo gogol xaaray tallaabooyinka masaafurinta.

Inkasta oo maxkamaddu ay diidday codsiga lagu joojinayay masaafurinta, haddana waxay qayb ahaan aqbashay cabashadeeda la xiriirtay mamnuucidda gelitaanka iyo degenaanshaha Jarmalka muddo shan sano ah.

Maxkamaddu waxay si ku-meel-gaar ah u hakisay fulinta mamnuuciddaas, iyadoo sabab uga dhigtay in mas’uuliyiintu aanay si ku filan u sharxin sababta muddada mamnuucidda loogu go’aamiyay shan sano.

UK 9ka Oktoobar 202 Musharaxiinta Xisbiga Shaqaalaha ee Britain (Labour), Sagal Abdi-Wali, ayaa ku guuleysatay doorashadii ku-meelgaarka ahayd ee deegaanka Holborn and St Pancras, iyadoo ka adkaatay Zack Polanski, hoggaamiyaha Xisbiga Greens, tartan si weyn isha loogu hayay oo lagu buuxinayay kursigii Baarlamaanka ee Keir Starmer. Sida uu qoray wargeyska The Guardian, Sagal Abdi-Wali ayaa heshay 12,292 cod, halka Zack Polanski uu helay 8,928 cod, taasoo u xaqiijisay guusha doorashada.

Sagal, oo hoggaamisa golaha deegaanka Camden, ayaa dalka Britain timid iyadoo carruur ah, kaddib markii ay Soomaaliya uga soo qaxday colaadaha iyo duruufihii dalka ka jiray sagaashamaadkii.

Guusheeda ayaa timid xilli doorashadan loo arkayay tartan siyaasadeed oo muhiim ah oo u dhexeeya Labour iyo Greens, gaar ahaan loollanka labada xisbi ugu jiraan codbixiyeyaasha garabka bidix.

Heerka ka qaybgalka doorashada ayaa ahaa 38.7%, waana heerkii ugu hooseeyay ee laga diiwaangeliyo doorasho ku-meelgaar ah oo ka dhacda England intii uu jiray Baarlamaanka hadda jira. Heerkaasi wuxuu 15.4 dhibcood ka hooseeyay kii doorashadii guud ee 2024.

Xisbiga Greens ayaa qirtay guuldarrada ka hor inta aan natiijada si rasmi ah loo shaacin, isagoo sheegay in tartanka Labour lagula galay mid ka mid ah deegaannada uu sida weyn ugu xooggan yahay uu muujinayo horumarka siyaasadeed ee Greens.

Guuldarrada Polanski ayaa sidoo kale timid kaddib toddobaad adag oo siyaasadeed oo uu wajahayay xisbigiisa, taasoo daba socotay go’aankii muranka dhaliyay ee Xisbiga Greens uu ku ansixiyay mooshin Sahyuuniyadda ku tilmaamaya nooc ka mid ah cunsuriyadda.

Sagal Abdi-Wali oo ka hadlaysay guusheeda xarunta Golaha Deegaanka Camden ee waqooyiga London ayaa sheegtay inay rajaynayso in guusheedu fariin u noqoto dadka ka soo jeeda bulshooyinka laga tirada badan yahay.

“Waxaan rajaynayaa in xilligan uu sidoo kale wax ka sheego cidda xaqa u leh inay ka mid noqoto bulshada. Dadka aniga oo kale u muuqda, waxaan rajaynayaa inay iyaguna naftooda halkan ku arkaan, ayna ogaadaan in iyaguna ay xaq u leeyihiin” ayay tiri Sagal.

Sagal ayaa sidoo kale ka hadashay muhiimadda ay leedahay ilaalinta wadajirka bulshada iyo kala duwanaanshaha dadka ku nool Camden, iyadoo ka digtay in aan la oggolaan in dadaallada jiilal badan lagu dhisay bulsho mideysan ay wiiqaan dadka doonaya inay bulshada kala qaybiyaan.

“Camden gudaheeda, kala duwanaanshaheennu waa awooddeenna, wadajirkayaguna wuxuu ku yimid dadaal badan oo ay tahay inaan la fududaysan,” ayay sheegtay.

Waxay xustay inay aragtay dad badan oo ka shaqeeya dhismaha bulsho ay kala duwanaanshuhu noqonayso wax la qiimeeyo, halkii laga cabsan lahaa.

Sagal Abdi-Wali ayaa sidoo kale ka hadashay saamaynta hadallada siyaasadeed ee muranka dhaliya ay ku yeelan karaan dadka doonaya inay ka qaybqaataan siyaasadda iyo hawlaha bulshada.

Wareysi ay siisay Sky News, waxay sheegtay in hadallada qaarkood aysan iyada si gaar ah u niyad-jabin, balse ay ka murugootay saamaynta ay ku yeelan karaan dadka kale ee doonaya inay bulshada wax ku biiriyaan.

Waxay sheegtay inay leedahay adkaysi iyo dulqaad, balse ay muhiim tahay in ololayaasha siyaasadeed aysan dadka ku abuurin dareen ah inaysan ka tirsanayn bulshada ay ku nool yihiin.

Muqdisho 9ka Oktoobar 2026 Ugu yaraan toddobo qof ayaa lagu soo warramayaa inay ku dhinteen, sagaal kalena ay ku dhaawacmeen dagaal xooggan oo u dhexeeyay kooxda Al-Shabaab iyo ciidanka Macaawiisleyda, kaas oo ka dhacay tuulada Tardo ee gobolka Hiiraan, sida uu sheegay guddoomiyaha deegaanka, Cusmaan Xuseen Gure, oo loo yaqaan Cismaan Dheere. Dagaalka ayaa billowday kaddib markii maleyshiyaad ka tirsan Al-Shabaab ay isku dayeen inay hub ka qaataan qof rayid ah oo la sheegay inuu ahaa xoolo-dhaqato. Dadka deegaanka ayaa u gurmaday ninkan, taasoo keentay in iska horimaad hubeysan uu ka qarxo deegaanka, sida aan xogta ku helnay.

Cismaan Dheere ayaa sheegay in dagaalku uu socday saacado, isla markaana Al-Shabaab ay hareereeyeen deegaanka, iyadoo xaaladdu ay sii xumaatay. Waxa uu sheegay in dad rayid ah lagu dilay intii uu dagaalku socday, halka qaar kalena ay ka carareen guryahooda, iyagoo u kala firxaday deegaano u jira qiyaastii 40 ilaa 80 kiiloomitir.

Dagaalka ayaa sidoo kale hakiyay dhaq-dhaqaaqii caadiga ahaa ee dadka deegaanka, sida uu sheegay guddoomiyuhu. Dad subaxnimadii u baxay suuqa iyo goobahooda shaqada ayaa ku qasbanaaday inay ka cararaan goobahaas markii uu iska horimaadku billowday.

Dagaalkan ayaa ku soo beegmaya xilli Al-Shabaab ay dhawaan faafisay warar sheegaya inay heshiis nabadeed la gashay beesha Xawaadle, kaas oo lagu soo afjarayo khilaaf muddo u dhexeeyay kooxda iyo beesha Xawaadle ee gobolka Hiiraan.

Hase yeeshee, Cismaan Dheere ayaa sheegay inuusan aaminsanayn in heshiiskaasi uu ahaa mid dhab ah. Waxa uu sidoo kale shaki geliyay muuqaallo baraha bulshada lagu baahiyay oo la xiriiray heshiiska, isaga oo sheegay inay suuragal tahay in qaar ka mid ah muuqaaladaas lagu sameeyay ama wax looga beddelay farsamada sirdoonka macmalka ah (AI).

Guddoomiyaha Tardo ayaa dowladda federaalka iyo maamulka Hirshabeelle ugu baaqay inay si degdeg ah uga jawaabaan xaaladda, isaga oo sheegay in dadka deegaanka ay u baahan yihiin gurmad iyo in xal loo helo dagaallada soo noqnoqday ee saameynaya noloshooda.

Muqdisho 9ka Oktoobar 2026 Golaha Wasiirrada Xukuumadda Federaalka Soomaaliya ayaa ansixiyey magacaabista maamulka sare iyo xubnaha Golaha Shirkadda Kalluumeysiga Qaranka Soomaaliyeed. Ansixinta ayaa timid kaddib soo jeedin uu Wasiirka Kalluumeysiga iyo Dhaqaalaha Buluugga, Axmed Xasan Aadan, u gudbiyey Ra’iisul Wasaaraha Xukuumadda Federaalka Soomaaliya.

Tallaabadan ayaa qayb ka ah dadaallada lagu dhammaystirayo dhismaha hay’adeed iyo hannaanka maamulka ee Shirkadda Kalluumeysiga Qaranka, taas oo loo qorsheeyey inay door ka qaadato horumarinta wax-soo-saarka kalluunka, kobcinta ganacsiga kalluumeysiga iyo ballaarinta suuqyada kalluunka Soomaaliyeed ee gudaha iyo dibadda.

Magacaabista maamulka shirkadda ayaa salka ku haysa Go’aankii Golaha Wasiirrada ee 30-kii Oktoobar 2025 ee ku saabsanaa Xeerka Aasaasidda Shirkadda Kalluumeysiga Qaranka Soomaaliyeed, iyo Xeer Madaxweyne Lr. 188 oo lagu dhisay shirkadda.

Xukuumadda ayaa sheegtay in shirkaddu ay sidoo kale qayb ka qaadan doonto horumarinta dhaqaalaha buluugga ah iyo ka faa’iidaysiga khayraadka badda Soomaaliya.

Ansixinta maanta ayaa shirkadda u horseedaysa marxalad cusub, iyadoo hadda diiradda la saarayo dhammaystirka hoggaankeeda, dhismaha hannaanka shaqo iyo u diyaar-garowga gudashada waajibaadka loo igmaday.

Wasaaradda Kalluumeysiga iyo Dhaqaalaha Buluugga ayaa sheegtay inay sii wadi doonto dadaallada lagu horumarinayo waaxda kalluumeysiga iyo dhaqaalaha buluugga ah, si khayraadka badda Soomaaliya uu uga qayb qaato kobaca dhaqaalaha iyo abuurista fursado waara oo bulshada Soomaaliyeed ka faa’iidaysato.

WARARKA MAANTA 8da Oktoobar 2026 

Su’aalaha Maanta: Xaggee ku dembeeyeen beenaalayaashii “Nabad Iyo Nobel? Yaase Nabad Iyo Nobol Xisbi ka dhigay? Maxuu Madaxweye hore Xassan Shiikh u khiyaameeyey #Ethiopia asafoo la jirsaday #Egypt, #Eritrea Iyo #Sudan? Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?

Muqdisho 8da Oktoobar 2026  Dalladda Bulshada Rayidka ee Soomaaliya (SONSA) ayaa si adag u cambaareysay dilka Ismaaciil Cali Abukar, oo ahaa wiil lix jir ah, kaas oo 4-tii Oktoobar 2026 lagu dilay isagoo ku sugnaa guriga waalidkiis ee magaalada Muqdisho. Sida lagu sheegay bayaan ay SONSA soo saartay, dilka Ismaaciil waxaa lagu eedeeyay ciidanka booliska, kuwaas oo rasaas ku furay dad ka soo horjeeday qorshaha dowladda ee dhulka la sheegay in laga rarayo. Wararka la soo gudbiyay ayaa sidoo kale sheegay in dhacdada ay uu ku dhintay qof kale, iyadoo dhowr qofna ay dhaawacmeen.

SONSA waxay sheegtay inay aad uga walaacsan tahay xaaladda, iyadoo xustay muhiimadda ilaalinta xuquuqda aadanaha iyo barakicinta qasabka ah ee dadka laga saarayo dhulka ay deggan yihiin.

“Ma aha markii ugu horreysay ee dad rayid ah ay ku naf waayaan hawlgallo la xiriira qorshahan, iyadoo deegaano qaar lagu burburiyey guryihii ay dadku ku noolaayeen,” ayaa lagu yiri bayaanka.

Dalladdu waxay ugu baaqday baaritaan madax-bannaan, hufan oo dhab ah oo lagu sameeyo dhacdada iyo xadgudubyada kale ee la xiriira dadka rayidka ah, iyadoo sheegtay in cid kasta oo lagu helo inay mas’uul ka tahay ay tahay in lala xisaabtamo.

SONSA waxay sidoo kale dowladda ugu baaqday inay dib u eegto qorshaha dhulka iyo habka loo fulinayo, iyadoo ku adkaysatay in fulintu ay ka dhalatay dhimasho, dhaawac iyo barakac.

Dalladdu waxay sheegtay in la xaqiijiyo ilaalinta xuquuqda dadka ay saameynayaan tallaabooyinkaasi, iyadoo si gaar ah loogu baahan yahay in la dhowro carruurta, haweenka iyo dadka kale ee nugul.

Soomaaliya Iyo Azerbajan 8da Oktoobar 2026 Safiirka Soomaaliya ee dalka Azerbaijan, Danjire Cabdinuur Daahir Fiidoow, ayaa kulan la qaatay Wasiirka Sayniska iyo Waxbarashada Azerbaijan, Emin Amrullayev, iyagoo ka wada hadlay xoojinta iskaashiga waxbarasho ee labada dal. Kulanka oo ka dhacay magaalada Baku ayaa diiradda lagu saaray ballaarinta fursadaha waxbarasho ee ay helaan ardayda Soomaaliyeed, taageerada ardayda Soomaaliyeed ee wax ka barata Azerbaijan iyo sidii loo abuuri lahaa fursado dheeraad ah oo dhinaca waxbarashada ah.

Labada dhinac ayaa sidoo kale ka wada hadlay horumarinta xiriirka iyo iskaashiga u dhexeeya hay’adaha waxbarashada Soomaaliya iyo Azerbaijan, dhiirrigelinta tacliinta sare iyo dhisidda iskaashi waara oo dhinaca waxbarashada iyo tacliinta sare ah.

Danjire Cabdinuur Daahir Fiidoow ayaa uga mahadceliyay Wasiir Emin Amrullayev iyo Wasaaradda Sayniska iyo Waxbarashada Azerbaijan soo dhoweynta iyo taageerada ay siiyaan ardayda Soomaaliyeed.

Muqdisho 8da Oktoobar 2026 Soomaaliya ayaa bilowday baaritaanka dadka ka imaanaya dalalka Afrika, kaddib markii Kenya ay xaqiijisay kiis Ebola ah, iyadoo kooxo caafimaad la geeyay garoomada diyaaradaha si ay ula socdaan rakaabka soo galaya dalka. Tallaabadan ayaa lagu sheegay inay qayb ka tahay dadaallada lagu xoojinayo diyaar-garowga Soomaaliya iyo in si hore loo ogaado dadka laga yaabo inay qabaan cudurka, ka hor inta aysan gudaha dalka u gudbin.

Wasiirka Caafimaadka Soomaaliya, Dr. Cali Xaaji Aadan, ayaa sheegay in tallaabooyinka caafimaad la xoojiyay kaddib markii Ebola laga xaqiijiyay Kenya, oo Soomaaliya ay xuduud la wadaagto.

“Waxaan garoonka diyaaradaha ka hirgelinnay koox caafimaad oo la socota duulimaadyada ka imaanaya dalalka Afrika. Waxaan hadda xoojinaynaa diyaar-garowga kaddib markii Ebola uu gaaray Kenya,” ayuu yiri wasiirka.

Wasaaradda Caafimaadka ayaa sidoo kale dadka ugu baaqday inay si joogto ah u dhaqaan gacmaha, kana fogaadaan taabashada dhiigga ama dheecaannada jirka ee qof xanuunsan.

Dadka qaba xanuun daran, gaar ahaan kuwa dhawaan ka soo safray deegaan uu Ebola ka jiro, ayaa lagu boorriyay inay si degdeg ah u raadsadaan daryeel caafimaad.

Calaamadaha Ebola waxaa ka mid noqon kara qandho, daal daran, murqo xanuun, madax-xanuun, matag iyo shuban 

Muqdisho 8da Oktoobar 2026  Madaxweynihii hore ee Soomaaliya, Sheekh Shariif Sheekh Axmed, ayaa dhaliilay habka ay dowladda Soomaaliya u waddo diblomaasiyadda, gaar ahaan xiriirka ay la leedahay dalalka iyo kooxaha uu sheegay inay iska soo horjeedaan. Sheekh Shariif ayaa sheegay inay ceeb ku tahay diblomaasiyadda Soomaaliya in Madaxweyne Xasan Sheekh Maxamuud uu maalin ka dego Addis Ababa, maalinta xigtana uu u safro Qaahira, isagoo xusay in labada dhinac ay leeyihiin kooxo ama dano iska soo horjeeda.

“Diblomaasiyadda Soomaalida ceeb ayay ku tahay in Madaxweyne Xasan Sheekh uu ka dago Addis Ababa, maalinta ku xigtana Qaahira.”

Waxa uu sheegay in Soomaaliya ay luminayso danaheeda haddii ay isku daydo inay dhex gasho ama raacdo Dowlado iska soo horjeeda.

Sheekh Shariif ayaa sheegay in siyaasadda Soomaaliya ay tahay inay ku dhisnaato dan-wadaag, maslaxad-wadaag, deris-wanaag iyo is-ixtiraam, isaga oo xusay in Soomaaliya aysan doonayn inay cidna ka abaal-dhacdo.

“Ma rabno in mashaakilka dowladaha iyo kooxaha u dhexeeya aan dhex galno ama ku dhex milanno,” ayuu yiri.

Sheekh Shariif ayaa sidoo kale sheegay in xal u helidda mushkiladda Soomaaliya aysan ka imaan doonin dibadda, balse ay tahay in Soomaalidu iyagu wada hadlaan.

Waxa uu xusay in xitaa xilliyadii Soomaaliya ay ku jirtay duruufo ka adag kuwa hadda jira, Soomaalidu ay garwaaqsan jireen inay fariistaan oo ay wada hadlaan.

WARARKA MAANTA 7ta Oktoobar 2026 

Su’aalaha Maanta: Maxuu Madaxweye hore Xassan Shiikh u khiyaameeyey #Ethiopia asafoo la jirsaday #Egypt, #Eritrea Iyo #Sudan? Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?

Dooloow 6ta Oktoobar 2026Gudoomiyaha Doolow”Intii laga helayo dowlad Soomaaliyeed oo awood u leh inay meel kasta la wareegto daneheenna iyo waxaan ku noolnahay cidna uma daba fariisaneyno,Policy Ethiopia aysan raalli ka ahaynna kuma shaqeyneyno” 

Hargaysa 6ta Oktoobar 2026 axkamadda Degmada Hargeysa ayaa maanta saddex sano oo xabsi ah ku xukuntay qoraa Aadan Sahan, oo muddooyinkii u dambeeyay ku xidhnaa magaalada Hargeysa, isla markaana loo haysto in uu ku gafay diinta. Aadan Sahan ayaa loo haystaa hadallo uu ka sheegay waraysi uu siiyay Galaydh TV, kaas oo uu kaga hadlay aragtidiisa ku aaddan doorka haweenka iyo isbeddelka bulshada ee ka dhashay soo ifbaxa teknoolojiyadda.

Waraysigaas ayuu Aadan ku sheegay, in guryuhu ay haweenka uga khatar badan yihiin suuqyada xilligan oo teknoolojiyaddu si weyn u saamaysay bulshada, sidaas darteedna waxa uu soo jeediyay in hablaha lagu dhiirigaliyo in ay garyaha ka baxaan.

Waxa kale oo uu ka hadlay aayadda Qur’aanka ee la xidhiidha joogitaanka haweenka guryaha, isaga oo ku dooday in fahamka iyo ku dhaqanka arrintaasi ay u baahan yihiin in loo eego waaqica iyo isbeddellada bulshada ee maanta jira.

Maxkamadda oo maanta bilowday dhegaysiga dacwadda ayaa isla maanta soo saartay xukunka saddexda sano ah, sida ay sheegeen dad ku sugnaa dhegaysiga dacwadda.Aabbaha Aadan Sahan oo warbaahinta la hadlay ayaa sheegay in xukunka horay loo sii diyaariyay, isaga oo ku dooday in aan si dhab ah loo dhegaysan dacwadda. Waxa uu sheegay in wiilkiisu uu tawbad keenay, isla markaana laga qoray waraaq caddayn ah, balse aan maxkamadda laga akhriyin waraaqdaasi iyo natiijadii baadhistii ay booliisku sameeyeen. Dhanka kale, Wasaaradda Diinta iyo Awqaafta Somaliland ayaa hore usoo saartay warqad ay ku codsanayso in xorriyaddiisa loo soo celiyo Aadan Sahan.

Qareenno ka mid ah kuwa ugu caansan Somaliland, oo uu ka mid yahay Garyaqaan Guuleed Dafac, ayaa iyaguna dhaliil ka muujiyay xukunka, iyaga oo sheegay in habka dacwadda loo maray uu yahay mid aan caddaalad ku dhisnayn.

Ilaa hadda ma jiraan faahfaahin rasmi ah oo dhamaystiran oo maxkamaddu ka bixisay qodobada sharci ee ay xukunka ku salaysay iyo sababta ay u dooratay xukunka saddexda sano ah.

Kenya 6ta Oktoobar 2026 Kenya ayaa xaqiijisay dhimashadii ugu horreysay ee cudurka Ebola ee dalkaas, kaddib markii muwaadin Kenyan ah oo muddo toddoba sano ah ku noolaa Jamhuuriyadda Dimuqraadiga ah ee Congo (DR Congo) uu cudurka ugu dhintay magaalada Nairobi. Wasiirka Caafimaadka Kenya, Aadan Bare Ducaale, ayaa sheegay in bukaanku uu xanuunsanaa muddo ku dhow bil, isla markaana lagu daweeyay dhowr isbitaal oo ku yaalla DR Congo, ka hor inta uusan u safrin Kenya. Bukaanka ayaa Sabtidii diyaarad usoo raacay Nairobi, waxaana garoonka diyaaradaha ee magaalada loogu sameeyay baaritaannadii caadiga ahaa.

Sida uu sheegay wasiirku, bukaanka ayaa markii dambe isbitaal loo geeyay, halkaas oo lagu arkay calaamado ay ka mid yihiin qandho, qarqaryo, daal iyo tabar-darro xooggan, xanuun marka uu wax liqayo, murqo xanuun iyo dhiig-bax maqaarka hoostiisa ah. Baaritaanno caafimaad oo lagu sameeyay ayaa xaqiijiyay inuu qabay Ebola nooca Bundibugyo.

Bukaanka ayaa geeriyooday habeenkii Isniinta, iyadoo maamulka caafimaadka Kenya uu sheegay in aasiddiisa loo marayo habraacyada badbaadada caafimaadka bulshada. Maamulka Kenya ayaa sheegay in ugu yaraan 28 qof oo ay ku jiraan xubno ka tirsan qoyska bukaanka iyo shaqaale caafimaad ah la aqoonsaday, kuwaas oo laga yaabo inay xiriir la sameeyeen bukaanka. Sidoo kale waxaa socda raadinta 23 rakaab ah iyo afar shaqaale diyaaradeed oo isla duulimaadka la saarnaa.

Kiiskan ayaa walaac cusub ka abuuraya gobolka Bariga Afrika, iyadoo cudurka Ebola uu si weyn ugu fidayo DR Congo. Hay’adda Caafimaadka Adduunka (WHO) ayaa sheegtay in cudurkan hadda ka dillaacay DR Congo uu sababay 4,082 dhimasho oo ka mid ah 8,463 xaaladood oo la xaqiijiyay.

Cudurka Ebola wuxuu ku fidaa taabashada dheecaannada qofka qaba cudurka, sida dhiigga ama matagga. Nooca Bundibugyo ee hadda ka dillaacay DR Congo ayaa ah nooc dhif ah, waxaana warbixintu sheegaysaa in aanay hadda jirin tallaal ama daawo si rasmi ah loogu ansixiyay noocan, inkastoo dhowr tallaal ay ku jiraan marxaladaha horumarinta iyo tijaabooyinka caafimaad.

Ururka Dhakhaatiirta Aan Xuduudda Lahayn (MSF) ayaa ka digay in xaaladdu kasii darayso, isaga oo sheegay in cudurku si xawli ah ugu fidayo qaybo ka mid ah bariga DR Congo. Gobolka Waqooyi Kivu, oo xuduud la leh Ituri oo uu cudurku markii hore ka bilowday, ayaa lagu soo warramayaa inuu hadda yahay mid ka mid ah meelaha ay kiisasku si weyn ugu kordhayaan.

Puntland  6ta Oktoobar 2026 Ciidamada Badda Puntland ee PMPF ayaa magaalada Boosaaso soo gaarsiiyay markabka HONOUR 25, oo ay sheegeen inay 29-kii September ka soo badbaadiyeen koox burcad-badeed ah. Markabka oo ku gooshayay calanka Jasiiradda Palau ayaa lagu soo wareejiyay ciidamada Puntland kaddib markii ay burcad-badeeddu afduubteen, sida ay sheegeen saraakiisha PMPF.

Masuuliyiin ka tirsan xukuumadda Puntland ayaa maanta kormeer ku sameeyay markabka, iyadoo saraakiisha PMPF ay ka warbixiyeen xaaladda markabka, shaqaalaha saaran, hantida ku jirta iyo hawlgalkii lagu soo badbaadiyay.

Saraakiisha amniga Puntland waxay sheegeen in dad lagu qabtay hawlgalka burcad-badeednimada loo gudbiyay hay’adaha kale ee amniga ee ay khusayso.

Masuuliyiinta markabka ayaa dhankooda uga mahadceliyay Puntland hawlgalka lagu soo badbaadiyay markabka iyo shaqaalihiisa.

Puntland ayaa sheegtay inay sii wadi doonto hawlgallada lagu sugayo amniga xeebaha iyo la dagaallanka burcad-badeednimada, iyadoo digniin u dirtay dadka ku lug leh falalka burcad-badeednimada.

Indonesia 6ta Oktoobar 2026 Afar badmaax oo u dhashay Indonesia ayaa maanta dib ugu laabtay dalkooda, kaddib markii muddo ka badan shan bilood ay afduub ahaan ugu haysteen burcad-badeed Soomaali ah oo qabsatay markabka shidaalka ee MT Honour 25. Badmaaxiinta ayaa ka mid ahaa shaqaalihii markabka ee la badbaadiyay toddobaadkii hore, kaddib markii ciidamada booliska badda ee Puntland ay weerar ku qaadeen markabka oo muddo bilo ah gacanta ugu jiray burcad-badeedda.

Afarta badmaax ayaa lagu soo dhoweeyay garoonka diyaaradaha Soekarno-Hatta ee magaalada Jakarta, halkaas oo ay ku sugnaayeen qoysaskooda iyo mas’uuliyiin uu ka mid ahaa Wasiirka Arrimaha Dibadda Indonesia.

Wasiirka ayaa u mahadceliyay kabtanka markabka, Ashari Samadikun, oo uu sheegay inuu gacan ka geystay badbaadinta shaqaalaha intii uu socday hawlgalkii lagu soo furtay markabka.

Kabtanka ayaa isaguna raalligelin ka bixiyay geerida shan ka mid ah shaqaalihii markabka, isagoo sheegay inuu ka xumaaday inuusan dhammaan shaqaalihii si nabad ah ugu soo celin karin qoysaskooda.

Sida ay sheegtay AFP, shan shaqaale ayaa la dilay ka hor inta aan ciidamada Puntland dib ula wareegin markabka.

Ethiopia  6ta Oktoobar 2026 Itoobiya ayaa Madaxweynaha Soomaaliya, Xasan Sheekh Maxamuud, ku eedaysay inuu taageeray tallaabooyin ay sheegtay inay ka hor imanayaan danaha istiraatiijiga ah ee Itoobiya, kaddib markii Madaxweynaha Soomaaliya uu 4-tii Oktoobar magaalada Al-Calamayn ee Masar kaga qayb galay shir ay yeesheen Soomaaliya, Masar, Ereteriya iyo Suudaan. Warbixin ay baahisay Wakaaladda Wararka Itoobiya oo ciwaan looga dhigay “Khayaamaada Madaxweyne Xasan Sheekh waxa ay wax u dhimanaysa xaqiiqooyinka gobolka,” ayaa lagu sheegay in ka qaybgalka Madaxweyne Xasan Sheekh iyo taageerada uu u muujiyey bayaanka wadajirka ah ee shirka ay Itoobiya u aragto tallaabo saamayn ku yeelan karta danaha ay ka leedahay Wabiga Niilka iyo arrimaha amniga Badda Cas.

Warbixintu waxay sheegtay in bayaanka Al-Calamayn uu ku adkaynayo dalalka ku wada jira Wabiga Niilka inay dhowraan mabda’a ah inaan dal kale waxyeello loo geysan, isla markaana mashaariicda biyaha ee saameyn karta dalalka kale lagu saleeyo ogeysiin hore, wada-tashi iyo is-afgarad.

Wakaaladda Wararka Itoobiya ayaa ku doodday in qodobadan ay si gaar ah u saamayn karaan Itoobiya, oo muddo dheer khilaaf kala dhexeeyey Masar iyo Suudaan oo ku saabsan isticmaalka biyaha Niilka, gaar ahaan Biyo-xireenka Weyn ee Itoobiya.

Warbixinta ayaa sidoo kale Madaxweyne Xasan Sheekh ku eedaysay inuu la safanayo isbahaysi siyaasadeed oo, sida qoraagu ku dooday, lagu xaddidayo doorka Itoobiya ee arrimaha Badda Cas. Itoobiya oo aan lahayn xeeb ayaa muddooyinkii u dambeeyey si joogto ah u muujisay muhiimadda ay u leedahay helitaanka marin-badeed ganacsi.

Qoraalka ayaa sidoo kale si gaar ah u dhaliilay ka qaybgalka Madaxweynaha Ereteriya, Isaias Afwerki, isagoo ku dooday in Ereteriya ay taageertay mowqifka Masar ee ku saabsan arrimaha biyaha Niilka. Qoraagu wuxuu tallaabadan ku fasiray inay Ereteriya mudnaanta siisay danaha Masar, halkii ay ka ilaalin lahayd danaha mustaqbalka ee Ereteriya.

Warbixinta ayaa sidoo kale soo hadal qaaday kaalintii Itoobiya ku lahayd Soomaaliya tan iyo burburkii dowladdii dhexe sanadkii 1991-kii, iyadoo xustay shirarkii dib-u-heshiisiinta ee lagu qabtay Itoobiya iyo taageeradii ciidamada Itoobiya ay ka geysteen dagaalladii lagula jiray Al-Shabaab iyo hawlgalladii nabad-ilaalinta ee Soomaaliya.

Qoraaga warbixinta ayaa ku dooday in taageerada Madaxweyne Xasan Sheekh ee bayaanka Al-Calamayn ay ka hor iman karto xiriirkii amni iyo iskaashi ee Soomaaliya iyo Itoobiya soo dhex maray tobannaan sano. Waxa uu sidoo kale dhaliil u jeediyey mowqifka Madaxweynaha Soomaaliya ee ku saabsan arrimaha Badda Cas iyo xuquuqda Itoobiya ee marin-badeedka. 

Jilib 6ta Oktoobar 2026 Hay’adda Sirdoonka iyo Nabadsugidda Qaranka Soomaaliya (NISA) ayaa sheegtay in howlgalkii qorsheysnaa ee ka dhacay degmada Jilib lagu dilay Bashiir Axmed Xaaji Nuunow, oo ay ku tilmaantay hoggaamiye hore oo ka tirsanaa garabka amni ee kooxda Al-Shabaab. Sida lagu sheegay war-saxaafadeed ay NISA soo saartay, howlgalka ayaa dhacay habeenkii 1-da Oktoobar, iyadoo hay’addu sheegtay in uu ahaa howlgal ay fulisay iyadoo kaashanaysa saaxiibada caalamka.

NISA waxay sheegtay in Bashiir Nuunow uu hoggaanka waaxda ay Al-Shabaab ugu yeerto Amniyaadka hayay intii u dhaxaysay 2016 iyo 2024. Hay’addu waxay sidoo kale sheegtay inuu adeegsan jiray magacyada Geescadde, Fanax, Gardhuub iyo Cali Dheere.

Sida ay NISA sheegtay, Nuunow wuxuu door ku lahaa qorsheynta iyo fulinta weerarro ay kooxda Al-Shabaab ka geysatay gudaha Soomaaliya, waxaana hay’addu ku xustay weerarkii 14-kii Oktoobar 2017 ee Isgoyska Soobe, weerarkii Ex-Control Afgooye, qaraxii loo yaqaan Soobe 2, iyo weerarro kale oo ka dhacay Muqdisho.

NISA ayaa sheegtay in howlgalka Jilib uu qayb ka yahay dadaallo ay hay’addu ku baacsanayso hoggaamiyeyaasha Al-Shabaab ee ay ku eedeysay inay ku lug lahaayeen weerarrada lagu beegsaday shacabka Soomaaliyeed.

Hay’addu waxay sidoo kale sheegtay in geerida Bashiir Nuunow ay saameyn ku yeelan karto hoggaanka iyo shabakadaha kooxda, gaar ahaan kuwa loo adeegsado qorsheynta iyo fulinta weerarrada. 

WARARKA MAANTA 5ta Oktoobar 2026 

Su’aalaha Maanta: Maxuu Madaxweyne hore Xassan u diiday in Gobaka Hiiraan noqdo Dowlad Gobaleed? Maxayse ka qaylisiiyey #Hawaadle? Yaa bilaabay inay shirarka Dowladda Lagu qabto dibadda? Yaa burburiya nolosha #Soomaaliya? Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?

Nairobi-Kenya, 06-10-2026:  Wasiirka Wasaaradda Warfaafinta, Dhaqanka iyo Dalxiiska XFS Mudane Cabdifataax Qaasim Maxamuud ayaa magaalada Nairobi ee dalka Kenya kulan kula yeeshay Wakiilka Sare ee Hindiya u fadhiya dalka Kenya ahna Safiirka Hindiya ee Soomaaliya Mudane Adarsh Swaika.

Kulanka ayaa looga hadlay xoojinta iskaashiga Soomaaliya iyo Hindiya ee dhinacyada warfaafinta iyo dhaqanka, gaar ahaan horumarinta iyo kobcinta xirfadaha shaqaalaha, u guurista nidaamyada dhijitaalka ah iyo xoojinta iskaashiga kooxaha fanka iyo dhaqanka.

Wasiir Cabdifitaax Qaasim ayaa uga mahadceliyey Dowladda Hindiya taageerada iyo iskaashiga ay la garab taagan yihiin Soomaaliya gaar ahaan dadaallada lagu horumarinayo warbaahinta qaranka, kooxda dhaqanka iyo kobcinta awoodda shaqaalaha.

Ethiopis  6ta Oktoobar 2026 Dowladda Itoobiya ayaa si adag uga jawaabtay bayaanka ay si wadajir ah u soo saareen waddamada Soomaaliya, Masar, Suudaan iyo Ereteriya, kaddib shir madaxeed ay afarta dal ku yeesheen magaalada Al-Calamayn ee dalka Masar. Wasaaradda Arrimaha Dibadda Itoobiya ayaa bayaan ay soo saartay maanta ku sheegtay in Itoobiya ay haysato “sharciyad” ku aaddan Wabiga Niil iyo Badda Cas, iyadoo diiday waxa ay ku tilmaantay hadallo siyaasadeed, tallaabooyin qasab ah iyo falal lagu wiiqayo xasilloonida gobolka.

Itoobiya ayaa sheegtay in ku dhowaad dhammaan biyaha Niilka Buluugga ah ay ka soo burqadaan dhulka buuraleyda Itoobiya, iyadoo ku doodday in webigaasi uu keeno qiyaastii 85 boqolkiiba biyaha guud ee Wabiga Niilka. Addis Ababa waxay sheegtay in dood kasta oo ku saabsan isticmaalka iyo maamulka Webiga ay tahay inay tixgeliso xaqiiqooyinkan juqraafiyeed.

Dhanka Badda Cas, Itoobiya waxay sheegtay inuu jiro xiriir juqraafi iyo taariikhi ah oo ay la leedahay Badda Cas, iyadoo tilmaantay in xuduuddeeda ugu dhow xeebta ay u jirto qiyaastii 30 mayl. Wasaaradda Arrimaha Dibadda Itoobiya ayaa ku adkaysatay in dood kasta oo ku saabsan arrimaha badda iyo amniga gobolka ay tahay inay tixgeliso danaha Itoobiya.

“Xaqiiqooyinkan juqraafiyeed iyo taariikheed laguma beddeli karo hadallo siyaasadeed, tallaabooyin qasab ah ama falal lagu wiiqayo xasilloonida,” ayay Itoobiya ku sheegtay bayaankeeda, iyadoo intaas ku dartay in tallaabooyin loo maro kooxo wakiillo ah ama falal gardarro ah aysan beddeli doonin waxa ay ku tilmaantay xaqiiqooyinka ka jira gobolka.

Jawaabta Itoobiya ayaa timid maalin kaddib markii Madaxweynaha Masar Cabdifataax Al-Siisi, Madaxweynaha Soomaaliya Xasan Sheekh Maxamuud, Madaxweynaha Ereteriya Isaias Afwerki iyo Guddoomiyaha Golaha  Ku Meel Gaar ka ah ee Suudaan Cabdifataax Al-Burhaan ay shir madaxeed ku yeesheen magaalada Al-Calamayn.

Afarta hoggaamiye ayaa bayaankooda ku sheegay inay ixtiraamayaan madaxbannaanida iyo midnimada dhuleed ee dalalka gobolka, waxayna diideen faragelinta arrimaha gudaha. Waxay sidoo kale sheegeen in maamulka Badda Cas uu yahay mas’uuliyad gaar ah oo ay leeyihiin dalalka xeebaha ku yaalla.

Dhinaca Wabiga Niilka, madaxda afarta dal ayaa diiday tallaabooyin hal dhinac ah oo waxyeello u geysan kara isticmaalka biyaha dalalka Niilku maro, arrintaas oo si gaar ah u taabanaysa khilaafka muddada dheer u dhexeeya Itoobiya, Masar iyo Suudaan ee ku saabsan Biyo-xireenka Weyn ee Itoobiya (GERD). 

DDSI 6ta Oktoobar 2026 Madaxweynaha Deegaanka Soomaalida Itoobiya, Mustafe Muxumed Cumar, ayaa sheegay in xukuumadda Ra’iisul Wasaare Abiy Axmed ay door ka qaadatay isbeddelka siyaasadeed iyo amni ee ka dhacay Deegaanka Soomaalida Itoobiya. Madaxweyne Mustafe ayaa hadalkan ku sheegay farriin uu ugu hambalyeeyay Abiy Axmed kadib markii mar kale loo doortay xilka Ra’iisul Wasaaraha Itoobiya.

Madaxweynaha ayaa sheegay in muddadii uu Abiy Axmed talada hayay ay Itoobiya gashay waxa uu ku tilmaamay “hannaan isbeddel oo aan dib looga noqon karin”, isagoo xusay arrimo ay ka mid yihiin federaalka, xorriyadda diimaha iyo isbeddelka dhaqaale.

Waxa kale oo uu tilmaamay hindisayaal ay xukuumadda Abiy fulisay, kuwaas oo ay ka mid yihiin barnaamijka Cagaarinta Deegaanka, dib-u-habaynta magaalooyinka, dib-u-habaynta hay’adaha amniga, iyo qorshayaal lagu horumarinayo beeraha, sugidda cuntada, isku-filnaanshaha iyo kobcinta wax-soo-saarka warshadaha.

Madaxweyne Mustafe ayaa si gaar ah u sheegay in dadka Deegaanka Soomaalida ay si gaar ah u dareemeen isbeddellada dhacay, isagoo xusay in deegaanka uu kasoo gudbay marxalad uu ku tilmaamay “goob dadka lagu laayo” una gudbay deegaan ay dadku ku nool yihiin nabad iyo xorriyad.

Caruusha 6ta Oktoobar 2026 GUDDOOMIYAHA GOLAHA SHACABKA EE BAARLAMAANKA FEDERAALKA SOOMAALIYA OO KA QEYB GALAY FURITAANKA SHIRWEYNAHA MIDOWGA BAARLAMAANADA ADUUNKA OO KA FURMAY DALKA TANZANIA.

Arusha, Tanzania – 06 October 2026: Guddoomiyaha Golaha Shacabka ee Baarlamaanka Federaalka Soomaaliya Mudane Cabdulqaadir Maxamed Nuur (Jaamac) ayaa ka qeyb galay furitaanka Shirweynaha 153-aad ee Midowga Baarlamaanada Adduunka (IPU) oo si rasmi ah uga furmay Magaaladda Arusha ee Dalka Tanzania, waxaana shirka furay Ra’isulwasaaraha wadanka Tanzania Hon. Dr. Mwigulu Lameck Nchemba.

Shirweynaha Midowga Baarlamaanada Adduunka (IPU) oo socon doona mudo shan maalmood ah ayaa diiradda lagu saari doonaa hal-ku-dhigga guud ee shirka sanadkan oo ah Horumarinta dowlad-wanaagga, iskaashiga baarlamaannada iyo awood-siinta bulshooyinka, iyadoo loo marayo ka-qaybgal loo dhan yahay, kalsooni iyo fursado loo siman yahay.

DHAMMAAD.

Wixii Faah-faahin ah kala xiriir

Agaasimaha Warfaafinta & Xiriirka Warbaahinta ee Golaha Shacabka BJFS.

Muqdisho 6ta Oktoobar 2026 Madaxweynaha Soomaaliya Xasan Sheekh Maxamuud ayaa sheegay in dagaalka lagula jiro Al-Shabaab uu sii socon karo muddo kale, balse uusan jirin suurtagal ay kooxdaasi mar kale kula wareegi karto gacan-ku-haynta guud ee dalka. Madaxweynaha oo wareysi siiya warbaahinta Alajzeera, ayaa sheegay in Al-Shabaab xilli hore ay si weyn ugu fidday dalka, xitaa madaxtooyada Soomaaliya ay weerarro kala kulmi jirtay meel aad ugu dhow, halka maanta uu sheegay in kooxda ay boqolaal kiiloomitir u jirto Muqdisho.

“Dagaalkani waxaa laga yaabaa inuu sii socdo muddo yar oo dheeraad ah, laakiin ma jirto wax suurtagal ah oo Al-Shabaab ay mar kale dalka oo dhan kula wareegi karto,” ayuu yiri Xasan Sheekh.

Wuxuu tilmaamay in xaaladda amni ee Soomaaliya ay isbeddeshay, isagoo ku dooday in horumar laga sameeyay dagaalka ka dhanka ah Al-Shabaab, marka loo eego xilligii kooxda ay awoodda badan ku lahayd qeybo badan oo dalka ah.

Madaxweynaha ayaa sidoo kale meesha ka saaray suurtagalnimada in Soomaaliya ay dib ugu laabato dagaallo sokeeye, dagaallo beeleed ama dagaal siyaasadeed.

DDSI 6ta Oktoobar 2026 Munaasibad lagu sagootinayey wasiirkii hore ee Xafiiska Warfaafinta ahna Madaxa Xafiiska Arimaha xisbiga Barwaaqo ee DDS Mudane Maxamed Aden Daahir Laguna soo dhaweynayey wasiirka cusub ee Xafiiska Warfaafinta DDS Mudane Dr. Cabdi Axmed Xasan ayaa lagu qabtay magaalada Jigjiga.

‎‎Mudane Maxamed Aden Daahir wasirki hore ee Xafiiska Warfaafinta DDS oo madashan ka hadlay ayaa bahda Warbaahinta ku booriyay inay sii xoojiyan dadaallada lagu kobcinayo muuqaalka wanagsan ee deegaanka, kana fogaadaan waxkasta oo lid ku ah Diinteena, Dhaqankeena iyo Nabadgalyada Deegaanka.

‎‎Mudane Cabdi Axmed Xassan, Ph.D. wasiirka Xafiiska Warfaafinta DDS ayaa sheegay in Warbaahinta iyo xidhiidhku laf dhabar u yihiin dhisida muuqaalka wanagsan ee deegaanka, wacyigalinta bulshada iyo xoojinta midnimada bulshada, wuxuna balan qaaday inuu sii amba qaadi doono horumarka wanagsan ee laga sameeyay dhinaca Warbaahinta iyo xidhiidha xoogana saari doono wadashaqeynta iyo Iskaashiga Warbaahinta.

WARARKA MAANTA 5ta Oktoobar 2026 

Su’aalaha Maanta: Yaa burburiya nolosha #Soomaaliya? Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia?

Muqdisho 5ta Oktoobar 2026 Hay’adda Maareynta Musiibooyinka Soomaaliya (SODMA) ayaa digniin ka soo saartay khatarta fatahaadaha ka dhalan karta Webiga Shabeelle, iyadoo sheegtay in webigu uu ka dillaacay illaa 366 goobood oo halis ah. Guddoomiyaha SODMA, Maxamuud Macallin Cabdulle, ayaa sheegay in xaaladda webiga iyo dayaca muddo dheer ka jiray ay sii kordhiyeen khatarta fatahaadaha, gaar ahaan deegaannada ku dhow wabiga, “Webiga Shabeelle wuxuu ka sameeyay duleelo gaaraya 366 goobood, waana goobo waaweyn oo halis ah,” ayuu yiri Maxamuud Cabdulle.

SODMA waxay sheegtay in Webiga Shabeelle uu muddo dheer la kulmaayay dhibaatooyin la xiriira carro iyo dhoobo ku ururtay marinkiisa, waxa uu shaaca ka qaaday in muddo ku dhow 40 sano aan si joogto ah looga fulin webiga hawlo muhiim ah oo ay ka mid yihiin qodista iyo ka saarista carro ku ururtay marinkiisa, taas oo uu sheegay inay kordhisay halista fatahaadaha.

Fatahaadaha Webiga Shabeelle ayaa sanadihii la soo dhaafay saameeyay kumannaan qof, iyagoo sababay barakac, burburka guryaha iyo dhul-beereedyada.

Mas’uulkaan ugu sareeya Hay’adda SODMA ayaa sidoo kale sheegay in xaaladda amni ee deegaannada ku hareeraysan Webiga Shabeelle ay caqabad weyn ku tahay dadaallada lagu yareynayo khatarta fatahaadaha, isagoo daaha ka qaaday in qaybo ka mid ah dhulka uu webigu maro ay ku dhow yihiin ama ay saameyn ku leeyihiin Al-Shabaab, taasoo adkeynaysa in hay’adaha dowladda iyo dhinacyada kale ay ka shaqeeyaan dayactirka iyo nadiifinta webiga.

Wuxuu tusaale u soo qaatay deegaannada u dhexeeya Jalalaqsi iyo Mahadaay, halkaas oo uu sheegay in qaybo ka mid ah marinka webiga carro lagu shubay, loona beddelay waddo.

Webiga Shabeelle ayaa laf-dhabar u ah nolosha kumannaan qoys oo ku tiirsan beeraha iyo xoolaha, gaar ahaan deegaannada ku dhow jiinkiisa.

Hay’adaha dowladda ayaa wajahaya cadaadis ah in la xoojiyo diyaar-garowga fatahaadaha, iyadoo bulshada ku nool dhulka hoose ay si gaar ah ugu nugul yihiin roobabka xooggan iyo kororka biyaha webiga.

Muqdisho 5ta Oktoobar 2026 Ciidamada dowladda federaalka Itoobiya iyo maleeshiyaad la safan ayaa la wareegay magaalada Mekelle, caasimadda gobolka Tigray, xilli uu gobolka ka socdo dagaal cusub oo dib u soo nooleeyay walaaca laga qabo in Itoobiya ay mar kale wajahdo colaad baahsan. Jabhadda TPLF ayaa Sabtidii xaqiijisay inay ciidamadeedu isaga baxeen magaalada Mekelle, iyadoo sheegtay in maamulkeeda gobolka uu si ku-meel-gaar ah uga hawlgeli doono meel kale.

Ciidamada dowladda Itoobiya iyo dagaalyahanno ka tirsan kooxda loo yaqaan Ciidamada Nabadda Tigray ayaa gudaha u galay Mekelle Sabtidii. Ilo ka tirsan maleeshiyaadka dowladda taageera, shaqaale samafal iyo qof deggan magaalada ayaa Axaddii wakaaladda wararka ee Reuters u sheegay in ciidamada dowladda iyo xulafadooda ay gacanta ku hayaan magaalada.

Dagaalladan cusub ayaa dadka ku nool Tigray ku reebay cabsi ah in gobolka uu dib ugu laabto xaaladdii dagaalka ee mudadii u dhaxaysay 2020 iyo 2022, kaas oo sababay dhimashada boqolaal kun oo qof, barakaca malaayiin qof iyo burbur xooggan oo soo gaaray kaabeyaasha dhaqaalaha iyo nolosha dadka.

Berihu, oo 32 jir ah oo kaga shaqeeya gaari bajaaj ah magaalada Shire ee waqooyi-galbeed Tigray, ayaa Al Jazeera u sheegay inuu aad uga murugooday in gobolka uu mar kale wajahayo dagaal ballaaran.

Wuxuu sheegay in dadka Tigray ay hore u soo mareen dhibaatooyinkii dagaalkii hore, isla markaana xaaladda hadda jirta ay dadka ku abuurtay cabsi ah in dhibaatooyinkaas ay dib u soo noqdaan.

Dagaalkii 2020–2022 ayaa dhammaaday kadib heshiis ay dowladda Itoobiya iyo TPLF ku kala saxiixdeen magaalada Pretoria ee dalka Koonfur Afrika bishii November 2022, kaas oo uu fududeeyay Midowga Afrika.

Hase yeeshee, heshiiskaasi ma uusan xallin dhammaan khilaafaadkii jiray, waxaana weli taagnaa arrimo ay ka mid yihiin xaaladda dhulalka lagu muransan yahay, dib u soo celinta dadka barakacay iyo hub-ka-dhigista ciidamada Tigray.

Balanbal 5ta Oktoobar 2026 Ra’iisul Wasaaraha Soomaaliya Xamse Cabdi Barre ayaa maanta gaaray magaalada Ballanbale ee gobolka Galgaduud, halkaas oo uu kaga qeybgalayo dadaallada lagu soo afjarayo khilaaf beeleed oo hore uga dhashay iska horimaadyo hubeysan. Booqashada Ra’iisul Wasaaraha ayaa ku soo beegmeysa xilli dowladda federaalka ay kordhisay dadaallada lagu dhex-dhexaadinayo dhinacyada ay colaadaha u dhexeeyeen, iyadoo wararka laga helayo deegaanka ay sheegayaan in wadahadalladu ay horumar ka sameeyeen sidii heshiis looga gaari lahaa khilaafka.

Xamse Cabdi Barre ayaa la filayaa inuu ka qeybgalayo munaasabadda lagu soo xirayo geeddi-socodka dib-u-heshiisiinta, iyadoo wakiillo ka kala socda labada dhinac la filayo inay kala saxiixdaan heshiis lagu xoojinayo nabadda, laguna yareynayo khatarta ay keeni karaan iska horimaadyo kale oo dhex mara maleeshiyaadka

Masar 5ta Oktoobar 2026Madaxda Masar, Suudaan, Eritrea iyo Soomaaliya ayaa kulan madaxeed ku yeeshay magaalada xeebta ah ee El Alamein ee Masar, iyagoo diiday tallaabooyin hal dhinac ah oo Ethiopia qaado oo waxyeello u geysan kara xuquuqda biyaha Masar iyo Suudaan, xilli ay labada dal khilaaf kala dhexeeyo Itoobiya oo ku saabsan biyo-xireenka GERD Madaxweynaha Masar Abdel Fattah el-Sisi, Madaxweynaha Golaha Madaxbannaanida KMG ah ee Suudaan Jeneraal Abdel Fattah al-Burhan, Madaxweynaha Eritrea Isaias Afwerki iyo Madaxweynaha Soomaaliya Xasan Sheekh Maxamuud ayaa sidoo kale diiday faragelinta arrimaha gudaha ee dalalka gobolka, sida lagu sheegay bayaanka wadajirka ah ee ka soo baxay shirkan.

Bayaanka ayaa lagu taageeray madaxbannaanida, midnimada dhuleed iyo hay’adaha dowladda Suudaan, iyadoo sidoo kale la diiday in la sameeyo hay’ado isbarbar socda. Madaxdu waxay ku baaqeen in dib loo bilaabo hannaan siyaasadeed oo ay hoggaaminayaan Soomaandheeraanka Suudaan, isla markaana la taageero hay’adaha qaranka.

Sidoo kale, afarta dal ayaa mar kale xaqiijiyay taageerada ay u hayaan midnimada iyo madaxbannaanida Soomaaliya, iyagoo diiday faragelin kasta oo wax u dhimaysa midnimada dhuleed ee dalka. Waxay sidoo kale diideen aqoonsi ama taageero loo fidiyo waxa bayaanka loogu yeeray “Somaliland”.

Madaxdu waxay ku adkeysteen muhiimadda ay leedahay xorriyadda maraakiibta iyo isu-socodka badda, iyagoo sheegay in maamulidda Badda Cas ay tahay mas’uuliyad gaar ah oo ay leeyihiin dalalka xeebaha ku yaalla.

Masar ayaa sanadkan si joogto ah uga soo horjeedday dadaallada Itoobiya ay ku doonayso inay hesho marin badeed oo ku yaalla Badda Cas. Itoobiya oo aan lahayn xeeb tan iyo markii Eritrea ay xornimada qaadatay 1993 ayaa arrintan mudnaan siisay tan iyo markii uu xafiiska qabtay Ra’iisul Wasaare Abiy Ahmed sanadkii 2018.

Khilaafka kale ee gobolka ayaa la xiriira biyo-xireenka weyn ee Itoobiya ee Nile-ka. Masar iyo Suudaan ayaa ka cabsi qaba saameynta uu mashruucu ku yeelan karo isticmaalka biyaha Nile, halka Itoobiya ay diidan tahay in la saxiixo heshiis sharci ahaan waajib ah oo qeexaya buuxinta iyo hawlgelinta biyo-xireenka.

Afarta hoggaamiye ayaa sidoo kale isku raacay in shirkan loo qabto si joogto ah iyo mar kasta oo loo baahdo, si loo xoojiyo wadatashiga iyo isku-duwidda arrimaha gobolka.

Caruusha 5ta Oktoobar 2026 GUDDOOMIYAHA GOLAHA SHACABKA EE BAARLAMAANKA JAMHUURIYADDA FEDERAALKA SOOMAALIYA OO KULAN MUHIIM AH LA YEESHAY GUDDOOMIYAHA GOLAHA WAKIILLADA EE BAARLAMAANKA AUSTRALIA.

Arusha, Tanzania – 05 October 2026: Guddoomiyaha Golaha Shacabka ee Baarlamaanka Federaalka Soomaaliya Mudane Cabdulqaadir Maxamed Nuur (Jamaac) ayaa Magaalada Arusha ee Dalka Tanzania kulan muhiim ah kula yeeshay Guddoomiyaha Golaha Wakiillada ee Baarlamaanka Australia, Mudane Milton Dick.

Kulanka labada Guddoomiye ayaa looga hadlay xoojinta xiriirka iyo iskaashiga Baarlamaannada Soomaaliya iyo Australia, is-dhaafsiga khibradaha dhinaca shaqada Baarlamaanka iyo horumarinta diblomaasiyadda Baarlamaaniga ah.

Kulanka waxaa Guddoomiyaha Golaha Shacabka ee Baarlamaanka Dalka ku wehliyey Xildhibaan Ismaaciil Ciid Maxamed iyo Safiirka Soomaaliya u fadhiya wadanka Tanzania iyo Bulshada Bariga Afrika Danjire Ilyees Cali Xasan

WARARKA MAANTA 4ta Oktoobar 2026 

Su’aalaha Maanta: Maxaa ka socda #Ethiopia Iuo #Eritrea? Yaa noqon doona Madaxweynaha cusub ee #Soomaaliya Madaxweyne hore Shiikh Shariif ama Madaxweyne hore Farmaajo? Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? Muqdisho 4ta Oktoobar 2026Hogaamiyaha Hirshabeelle ahna Musharaxa Urur-siyaasadeedka JSP, Cali Cabdullaahi Xuseen (Cali Guudlaawe)  “Dad badan horay uma aaminsaneyn inay dalka ka dhici karto doorasho qof iyo cod ah, waana guul in si nabad ah shacabka reer Hirshabeelle ay codkooda ku dhiibteen 

Muqdisho 4ta Oktoobar 2026 Siddeed badmaaxiin oo u dhashay dalka Masar ayaa soo gaaray magaalada Muqdisho kaddib markii laga soo daayay afduub ay muddo bilo ah ugu xirnaayeen markabka M/T Eureka, iyadoo hadda la diyaarinayo sidii loogu celin lahaa magaalada Qaahira.

Badmaaxiinta ayaa Sabtidii shalay soo gaaray garoonka diyaaradaha Aadan Cadde ee Muqdisho, halkaas oo uu ku soo dhaweeyay safiirka Masar ee Soomaaliya. Sida ay sheegtay Wasaaradda Arrimaha Dibadda Masar, badmaaxiinta waxaa loo qaaday xarunta safaaradda, halkaas oo loo diyaariyay hoy iyo amni, iyadoo la sugayo safarkooda ku aaddan Masar.

Wasaaradda Arrimaha Dibadda Masar ayaa sheegtay in safaaradda ay si joogto ah ula xiriiraysay badmaaxiinta, qoysaskooda iyo dhinacyada ay khusayso tan iyo markii ay bilaabatay xaaladdooda.

Dadaallada lagu xallinayay arrinta ayaa sidoo kale waxaa qayb ka ahaa xiriir ay safaaradda Masar la sameysay mas’uuliyiin ka tirsan dowladda federaalka Soomaaliya, maamulka Puntland, milkiilayaasha markabka iyo dhinacyada kale ee ay khusayso.

Wasaaradda Arrimaha Dibadda Masar ayaa horay u xaqiijisay in siddeeddan badmaaxiin laga sii daayay markabka M/T Eureka, kaas oo lagu hayay meel ka baxsan xeebaha Puntland tan iyo 2-dii May 2026.

DDSI 4ta Oktoobar 2026Koomishineerka Komishinka Booliska DDS, Mudane Bashiir Axmed Xaashi, ayaa kulan isbarasho, iyo hagaajinta hawlaha shaqada Taraafikada la yeeshay Ciidanka Booliska ee ilaalaada amniga waddooyinka.

Koomishineerka ayaa sheegay in Taraafikadu ay hayaan shaqo muhiim u ah bulshada, maadaama sugidda amniga waddooyinka iyo ka hortagga shilalka gaadiidku ay qayb muhiim ah ka yihiin badqabka bulshada, isu-socodka iyo horumarka dhaqaale.  Waxa uuna sheegay in la xoojin doono hawlaha taraafikada, gaar ahaan dhinacyada qalabka, aqoonta, xirfadda saraakiisha iyo askarta taraafikadaba, wuxuuna kula dardaarmay inay marka hore iyagu sharciga u hoggaansamaan, isla markaana si nidaamsan oo caddaalad ah ula xisaabtamaan gaadiidka iyo darawallada.

Waxa uu carrabka ku adkeeyey in aan la aqbali doonin dhaqan kasta oo dhaawacaya sharafta iyo sumcadda Booliska. tallaabo kasta oo sharci ah oo ay Taraafikadu qaadayaana, kaliya lagu saleeyo sharciga taraafikada iyo nidaamka jira. Waxa uuna xusay in ay muhiim tahay in ciidanku yeeshaan aqoon, khibrad, akhlaaq iyo anshax shaqo. Koomishineerka ayaa waxa uu intaa ku daray in dib u habayn iyo sixitaan lagu samayn doono habka shaqo ee Taraafikada, isla markaana la hirgelin doono nidaamyo casri ah oo kor loogu qaadayo hufnaanta iyo isla-xisaabtanka, askariga Taraafiga ah ee dadaal iyo karti muujiyana la dhiirrigelin doono, laguna abaalmarin doono waxqabadkiisa shaqo.

Gabagabadii, Ciidanka Taraafikada ayaa ballanqaaday inay sii xoojin doonaan gudashada waajibaadkooda shaqo, isla markaana si buuxda ugu shaqayn doonaan sharciga, ilaalinta amniga waddooyinka iyo ka hortagga shilalka gaadiidka

Muqdisho 4ta Oktoobar 2026  Dowladda Soomaaliya ayaa si adag u cambaareysay weerar lagu sheegay in lagu beegsaday xarun koronto oo adeeg u fidisa Masjidka Nabiga ee magaalada Madiina, iyadoo sheegtay in weerarka uu taabanayo xurmada goobaha barakeysan. Wasaaradda Arrimaha Dibadda iyo Iskaashiga Caalamiga ah ee Soomaaliya ayaa bayaan ay soo saartay ku sheegtay in dowladda federaalku ay si weyn u cambaareyneyso weerarka lagu qaaday xarunta korontada ee u adeegta Masjidka Nabiga.

Wasaaraddu waxay tilmaantay in bartilmaameedsiga xarun u adeegta mid ka mid ah goobaha cibaadada ee ugu barakeysan Islaamka uu yahay fal halis ah, isla markaana uu xadgudub ku yahay sharciga caalamiga ah iyo madax-bannaanida Boqortooyada Sacuudiga.

Soomaaliya waxay sidoo kale muujisay garab istaag buuxa oo ay la garab taagan tahay dowladda iyo shacabka Sacuudiga, iyadoo taageertay dadaallada Riyadh ee lagu ilaalinayo amniga dalka, dadka rayidka ah, dadka deggan iyo goobaha barakeysan.

Dowladda Soomaaliya, oo xubin ka ah Ururka Iskaashiga Islaamka, ayaa ku baaqday in la dhowro xurmada goobaha barakeysan ee Muslimiinta, isla markaana lala xisaabtamo cid kasta oo lagu helo inay ka dambeysay weerarka.

Mowqifka Soomaaliya ayaa yimid kaddib markii isbahaysiga uu hoggaamiyo Sacuudiga ee taageera dowladda Yemen uu sheegay in Xuutiyiintu ay diyaarad aan duuliye lahayn ku weerareen xarunta korontada ee Taiba ee Madiina.

Sida uu sheegay isbahaysiga, weerarku wuxuu dhacay aroornimadii Talaadada, waxaana uu sababay in mid ka mid ah qalabka korontada uu shaqada ka baxo, hase yeeshee aanay waxyeello soo gaarin guud ahaan shabakadda korontada.

Laakiin dhinaca kale, hoggaamiyaha Golaha Siyaasadda Sare ee Xuutiyiinta, Mahdi Al-Mashaat, ayaa si cad u diiday in kooxdiisu ay mas’uul ka tahay weerarka. Wuxuu eedeymaha loo jeediyay ku tilmaamay kuwo aan sal lahayn.

Pakistan 4ta Oktoobar 2026 Dowladda Pakistan ayaa sheegtay inay waddo diyaar-garow dalkeeda loogu celinayo meydadka saddex muwaadin oo Pakistani ah oo lagu dilay afduubkii markab shidaal oo muddo ka badan shan bilood ay haysteen kooxo burcad-badeed Soomaali ah. Markabka MT Honour 25, oo uu ka babanayay calanka Palau, ayaa 21-kii April 2026 laga qafaashay xeebaha Puntland, iyadoo xilligaas ay saarnaayeen 17 shaqaale ah, oo ay ku jireen 10 muwaadin oo Pakistani ah.

Ciidamada amniga badda ee Puntland ayaa 29-kii September dib ula wareegay markabka, kaddib howlgal lagu soo afjaray afduubkii muddada dheer socday. Intii lagu jiray afduubka waxaa la dilay shan kamid ah shaqaalihii markabka, kuwaas oo saddex ka mid ah ay ahaayeen Pakistani.

Saddexda muwaadin ee Pakistani ah ee la xaqiijiyay in la dilay ayaa lagu kala magacaabay Rafi Ullah Khan, Syed Kashif Umer iyo Mahmood Ahmed Ansari.

Xafiiska Ra’iisul Wasaaraha Pakistan Shehbaz Sharif ayaa sheegay in meydadka saddexda qof ay gaareen magaalada Addis Ababa ee dalka Itoobiya, halkaas oo ay hadda ka socoto diyaar-garowga loogu qaadayo Pakistan.

War kasoo baxay xafiiska Ra’iisul Wasaaraha ayaa lagu sheegay in shaqaalaha Ethiopian Airlines ay dib u eegayaan diyaar-garowga lagama maarmaanka ah, kaddibna la ansixin doono in meydadka lagu soo raro diyaarad ku wajahan magaalada Karachi.

Dhanka kale, afar badmaax oo Pakistani ah oo kamid ahaa shaqaalihii markabka, kuwaas oo laga sii daayay afduubka, ayaa la filayaa inay Axadda maanta gaaraan Karachi, sida ay muujinayso xogta safarkooda.

Saddex kale oo Pakistani ah oo badbaaday ayaa weli saaran markabka, iyaga iyo kabtanka markabka, iyadoo saraakiisha Pakistan ay sheegeen in dowladda ay la xiriirayso dalal kale si loo fududeeyo soo celintooda.

Masar 4ta Oktoobar 2026 Magaalada cusub ee Al-Calamayn ee dalka Masar ayaa maanta oo Axadda martigelinaysa shir wadatashi ah oo ay isugu imanayaan madaxda Masar, Eritrea, Sudan iyo Soomaaliya, iyadoo ajandaha kulanka lagu wadaa inuu diiradda saaro xaaladda amni iyo siyaasadeed ee Geeska Afrika iyo Badda Cas. Shirka waxaa ka qeybgalaya Madaxweynaha Masar Cabdel Fataax Al-Sisi, Madaxweynaha Eritrea Isaias Afwerki, Madaxweynaha Golaha Madaxbannaanida Sudan Cabdel Fataax Al-Burhaan, iyo Madaxweynaha Soomaaliya Xasan Sheekh Maxamuud.

Mas’uuliyiinta Masar ayaa sheegay in kulanka uu qeyb ka yahay wadatashi iyo isku-dubarid ku saabsan arrimaha gobolka ee ay afarta dal dan wadaag ka leeyihiin, inkastoo aan weli si faahfaahsan loo shaacin ajandaha rasmiga ah ee shirka.

Arrinta Sudan ayaa la filayaa inay kamid noqoto qodobada ugu muhiimsan ee madaxdu ka wada hadlaan, xilli dagaalka u dhexeeya Ciidamada Suudaan iyo Ciidamada Taageerada Degdegga ah (RSF) uu weli ka socdo dalkaas.

Masar, Eritrea iyo Soomaaliya waxay xiriir dhow la leeyihiin Sudan, halka dagaalka dalkaasi uu saameyn ku yeelanayo amniga xuduudaha, ganacsiga iyo xasilloonida guud ee gobolka.

Shirka ayaa sidoo kale kusoo beegmaya xilli xiisaddu ay ka dhex taagan tahay Itoobiya iyo Eritrea, iyadoo dagaallo cusub ay ka qarxeen waqooyiga Itoobiya.

Xaaladda Itoobiya ayaa kamid noqon karta arrimaha gobolka ee miiska saaran, gaar ahaan kadib markii uu sii xumaaday xiriirka Addis Ababa iyo Asmara.

Dhinaca kale, xiisado siyaasadeed iyo kuwo amni ayaa u dhexeeya Itoobiya iyo dalal kale oo gobolka ah, iyadoo Addis Ababa ay hore ugu eedeysay Masar, Eritrea iyo Sudan inay taageerayaan isbahaysi ka dhan ah dowladda Itoobiya. Dalalkaasi ayaa eedeymahaas iska fogeeyay.

Masar ayaa dhankeeda ku celcelisay in khilaafaadka gudaha Itoobiya ay yihiin arrimo gudaha ah, iyadoo dhinacyada gobolka iyo kuwa caalamiga ah ugu baaqay in laga fogaado tallaabo kasta oo sii kordhin karta xiisadda.

Amniga Badda Cas ayaa sidoo kale ah arrin muhiim ah oo la filayo in madaxdu ka wada hadlaan.

Masar, Sudan iyo Eritrea waxay si toos ah u leeyihiin xeebaha Badda Cas, halka Soomaaliya ay ku taallo meel istiraatiiji ah oo ku dhow Gacanka Cadmeed iyo marin-biyoodka Bab Al-Mandab.

Arrintan ayaa Soomaaliya siinaysa door muhiim ah marka laga hadlayo amniga marinnada maraakiibta iyo xasilloonida gobolka.

Masar, Eritrea iyo Soomaaliya ayaa horey uga wada hadlay amniga Badda Cas iyo Bab Al-Mandab, iyadoo shir saddex geesood ah oo ka dhacay Asmara sanadkii 2024 lagu adkeeyay muhiimadda ay leedahay ilaalinta madax-bannaanida dalalka gobolka iyo xoojinta iskaashiga amniga.

Ka qeybgalka Madaxweyne Xasan Sheekh ee shirka ayaa sidoo kale kusoo beegmaya xilli xiriirka Muqdisho iyo Qaahira uu sii xoogeysanayo, gaar ahaan dhinacyada siyaasadda, amniga iyo taageerada hay’adaha dowladda Soomaaliya.

Soomaaliya waxay sidoo kale muhiimad gaar ah siisaa amniga xeebaha iyo biyaha dhuleed, iyadoo goobta ay ku taallo ay ka dhigeyso dal muhiim u ah amniga Gacanka Cadmeed iyo marinnada isku xira Badda Cas iyo Badweynta Hindiya.

Kulanka afarta dal ayaa dhacaya xilli Geeska Afrika uu wajahayo isku-dar ah dagaallo, xiisado siyaasadeed iyo loollan amni oo gobolka ka socda.

Inkasta oo aan Qaahira aysan shaacin in shirka looga gol leeyahay dhismaha isbahaysi cusub oo ka dhan ah dal gaar ah, haddana kulanka madaxda Soomaaliya, Masar, Sudan iyo Eritrea wuxuu muujinayaa muhiimadda sii kordheysa ee iskaashiga gobolka.

Waxaa la filayaa in hadallada madaxda iyo war-murtiyeedka kasoo baxa shirka ay iftiimiyaan mowqifyada afarta dal ee ku aaddan dagaalka Sudan, xiisadda Itoobiya iyo Eritrea, iyo amniga Badda Cas iyo Gacanka Cadmeed.

WARARKA MAANTA 2da Oktoobar 2026 

Su’aalaha Maanta: Yaa diiday inuu sameeyo Maxkammadda Datuuriga ah  Madaxweyne hore Xassan “Dhuuso-Fooxiye”?? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

DDSI 2da Oktoobar 2026 Koomishineerka Komishinka Booliska DDS, Mudane Bashiir Axmed Xaashi, ayaa kulan isbarasho iyo dardargelinta shaqada la yeeshay saraakiisha sare ee Booliska DDS.

Koomishineerka ayaana saraakiisha kula dardaarmay inay sii xoojiyaan gudashada waajibaadkooda shaqo, iyo adkaynta amniga iyo xasiloonida deegaanka, isla markaana si wadajir ah looga shaqeeyo xal u helidda caqabadaha jira iyo horumarinta adeeg bixinta shacabka

Arusha 2da Oktoobar 2026 Waxaan gaaray magaalada Arusha ee dalka Tanzania, halkaas oo aan kaga qaybgalayo Kulanka 21-aad ee Guddoomiyeyaasha Baarlamaannada Bulshada Bariga Afrika (EAC) iyo Shirka 153-aad ee Golaha Midowga Baarlamaannada Adduunka (Inter-Parliamentary Union – IPU).

Waxaan Alle ka rajaynayaa inuu noo fududeeyo gudashada waajibaadkeenna, kulamadana ay ka soo baxaan natiijooyin wax-ku-ool ah oo dalkeenna iyo shacabka Soomaaliyeed u horseeda nabad, midnimo iyo horumar

Eritrea 2da Oktoobar 2026 DEG DEG Eritrea oo Sheegtay inay gabi ahaan xiriirkii u jartay Ethiopia,  lol Hore Ethiopia ayaa xirtay Safaaradii ay ku lahad Ethiopia iyadoo sidoo kale Eriday Diplomaziyiintii Eritrea ee Joogay Adis-Ababa 

Muqdisho 2da Oktoobar 2026  Wasiirka Wasaaradda Gaashaandhiga ee Soomaaliya, Axmed Macallin Fiqi, ayaa eedeymo culus u jeediyay siyaasiyiin ka tirsan mucaaradka, isagoo ku eedeeyay inay shirar ku saabsan Soomaaliya ku qabanayaan magaalada Abu Dhabi ee Imaaraadka Carabta. Fiqi ayaa qoraal uu ku daabacay boggiisa Facebook ku sheegay in siyaasiyiinta uu tilmaamay ay yihiin kuwo “aan rajo ka lahayn mustaqbalka siyaasadeed ee dalka Soomaaliya”, isagoo sidoo kale ku eedeeyay inay wadaan qorshayaal uu sheegay inay khatar ku yihiin dawladnimada iyo xasilloonida dalka.

Wasiirka ayaa sidoo kale isbarbardhig ku sameeyay siyaasiyiinta uu eedeynayo iyo kooxda RSF ee dagaalka kula jirta dowladda Suudaan, isagoo sheegay in labada dhinac shir loogu qabtay meel isku mid ah, isla markaana uu ku eedeeyay siyaasiyiintaas inay halkaas kaga baranayaan “sida shaqada kuwa adeegsanaya u gudanayaan”.

Fiqi ayaa qoraalkiisa ku sheegay in siyaasiyiintaasi ay Soomaaliya kusoo laaban karaan iyagoo huwan qorshayaal uu ku tilmaamay “shirqoollo ka dhan ah dawladnimada iyo nabadda”, isagoo ka digay in ay isku dayi karaan abaabulka maleeshiyaad iyo soo celinta hoggaamiye-kooxeedyada.

Wasiirka ayaa ugu dambeyn sheegay in dowladda Soomaaliya ay waajib ku tahay inay si adag uga hortagto cid kasta oo uu sheegay inay khatar ku tahay nabadda, dawladnimada, qarannimada iyo madaxbannaanida dalka.

Wuxuu sidoo kale adeegsaday erayga “khaa’inul waddan”, isagoo sheegay in qof kasta oo sidaas lagu tilmaamo “abaalkiisa la marsiin doono” 

Ethiopia 2da Oktoobar 2026 Wasaaradda Arrimaha Dibadda Itoobiya ayaa caydhisay diblomaasi ka tirsan Safaaradda Masar ee Addis Ababa, Axmed Moharam Axmed Soliman, iyadoo ku amartay inuu dalka uga baxo muddo 48 saacadood gudahood ah. Go’aankan ayaa lagu sheegay qoraal diblomaasiyadeed oo ay Wasaaradda Arrimaha Dibadda Itoobiya soo saartay 1-dii October 2026, kaas oo si rasmi ah loogu diray Safaaradda Jamhuuriyadda Carabta ee Masar ee Addis Ababa.

Wasaaraddu waxay qoraalka ku sheegtay in tallaabadan la qaaday iyadoo la raacayo qodobbada Heshiiska Vienna ee Xidhiidhka Diblomaasiyadeed, iyadoo Safaaradda Masarna lagu wargeliyay in Axmed Moharam Axmed Soliman laga caydhiyay Itoobiya.

Wasaaradda ayaa sidoo kale sheegtay inay filayso in diblomaasigan uu dalka ka baxo 48 saacadood gudahood laga bilaabo waqtiga ogeysiiska loo gudbiyay Safaaradda Masar.

Qoraalka Itoobiya laguma caddeyn xilka ama darajada diblomaasiyadeed ee uu Soliman ka hayay Safaaradda Masar ee Addis Ababa, sidoo kalena laguma sheegin sababta rasmiga ah ee keentay in dalka laga caydhiyo ama fal uu ku kacay oo tallaabadan salka ku haya.

Caydhinta diblomaasigan ayaa ku soo beegmaysa xilli xidhiidhka Itoobiya iyo Masar uu muddooyinkii u dambeeyay ahaa mid xasaasi ah, gaar ahaan khilaafka labada dal ee ku saabsan Biyo-xidheenka Weyn ee Itoobiya (GERD) iyo saamaynta uu ku leeyahay biyaha Webiga Nile.

Labada dal ayaa sidoo kale ku kala aragti duwan arrimo la xidhiidha amniga iyo xaaladda gobolka Geeska Afrika, iyadoo khilaafka ku saabsan biyo-xidheenka Itoobiya uu weli yahay mid ka mid ah qodobada ugu waaweyn ee saameeya xidhiidhka Addis Ababa iyo Qaahira. Lakiin xaalada ayaa sii xumaatay kadib markii ay Addis Ababa ku eedaysay Qaahira in ay lug ku leedahay dagaalada ka socda gobolka Tigray.

Muqdisho 2da Oktoobar 2026 Dowladda Qatar ayaa ku baaqday in la sii wado taageerada farsamo ee Soomaaliya si loo xoojiyo awooddeeda dhinaca xuquuqda aadanaha, iyadoo adkaysay taageeradeeda ku aaddan dadaallada lagu sugayo amniga, xasilloonida iyo madaxbannaanida dalka. Baaqan ayaa ka soo baxay hadal uu magaalada Geneva ka jeediyay Cabdiraxmaan bin Maxamed Fakhro, ku-simaha madaxa ergada joogtada ah ee Qatar u qaabilsan Qaramada Midoobay ee Geneva, xilli uu ka qaybgalayay dood ku saabsan warbixinta Xafiiska Qaramada Midoobay ee Xuquuqda Aadanaha ee ku saabsan taageerada Soomaaliya.

Fakhro ayaa sheegay in Soomaaliya ay wajahdo caqabado badan oo saameynaya xasilloonideeda, amnigeeda iyo kobaca dhaqaale, isagoo ku baaqay in beesha caalamku sii xoojiso taageerada ay siiso dadaallada iyo qorshayaasha qaran ee Soomaaliya.

Waxa uu sidoo kale tilmaamay in dalka uu weli wajahayo xaalado bani’aadannimo oo culus, kuwaas oo u baahan jawaab caalami ah oo isku dubbaridan, iyadoo gargaarka degdegga ah lagu xiriirinayo qorshayaal horumarineed oo xoojinaya awoodda bulshada ay ugu adkaysan karto dhibaatooyinka.

Qatar ayaa sidoo kale soo dhaweysay heshiiska ay Soomaaliya iyo Xafiiska Qaramada Midoobay ee Xuquuqda Aadanaha ku gaareen in dalka laga sameeyo xafiis u qaabilsan xuquuqda aadanaha. Doha waxay sheegtay in tallaabadan ay gacan ka geysan karto xoojinta awoodda hay’adaha Soomaaliya ee ilaalinta iyo horumarinta xuquuqda aadanaha.

Sidoo kale, Fakhro wuxuu bogaadiyay tallaabooyinka ay dowladda Soomaaliya qaaday, oo ay ka mid yihiin hirgelinta Qorshaha Xuquuqda Aadanaha ee Marxaladda Kala-guurka 2025–2026 iyo sameynta Guddiga Madaxa-bannaan ee Qaranka ee Xuquuqda Aadanaha.

Dowladda Qatar waxay ku celisay muhiimadda ay leedahay in Soomaaliya loo sii wado taageerada farsamo iyo dhismaha hay’adaha, si ay awood ugu yeelato fulinta waajibaadkeeda qaran iyo kuwa caalamiga ah ee dhinaca xuquuqda aadanaha.

Warbixinno laga horjeediyay Golaha Xuquuqda Aadanaha ayaa sidoo kale xusay tallaabooyin ay Soomaaliya qaaday, oo ay ka mid yihiin siyaasadda ilaalinta rayidka ee la ansixiyay Abriil 2026 iyo dadaallada lagu horumarinayo xuquuqda dadka naafada ah iyo helitaanka adeegyada caafimaadka, waxbarashada, biyaha, fayadhowrka iyo ilaalinta bulshada.

WARARKA MAANTA 1da Oktoobar 2026 

Su’aalaha Maanta: Maxay beesha caalamka u jartay dhaqaalihii? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Puntland 1da Oktoobar 2026 Wasiirka Amniga Puntland Ibraahim Cartan Ismaaciil, Wasiirka Dekedaha Shaakir Maxamed Guuleed iyo Wasiir ku-xigeenka Warfaafinta Bilaal Maxamuud Qabowsade ayaa faahfaahin ka bixiyay howlgallada ka dhanka ah burcad-badeedda ee lagu sugayo amniga xeebaha. Mas’uuliyiintan oo maanta Boosaaso ku soo dhoweeyay markabka SIBU oo dhawaan xoog looga soo furtay burcad badeedda waxay sheegeen in Puntland ay dagaal ballaaran kula jirto burcad-badeedda, iyadoo howlgallada laga fulinayo gudaha iyo xeebaha, si loo soo afjaro afduubka dadka iyo maraakiibta.

Wasiirka Amniga Puntland ayaa sheegay in burcad-badeeddu ay yihiin koox khatar ku ah Puntland iyo guud ahaan bulshada caalamka, isagoo xusay in dowladda ay diyaar u tahay inay gacanta ku dhigto kooxaha weli ku lugta leh falalka burcad-badeednimada.

Wasiirka Dekedaha iyo Gaadiidka Badda ayaa sheegay in aysan Puntland oggolaan doonin in cid lagu haysto afduub gudaha biyaha ay maamusho, isagoo sheegay in maraakiibtii lagu haystay xeebaha Puntland dhammaantood la xoreeyay.

Wuxuu sidoo kale tacsi u diray dadkii ku dhintay hawlgallada lagu soo afjaray afduubyada, halka kuwa dhaawacmayna uu u rajeeyay caafimaad.

Mas’uuliyiintu waxay sheegeen in Puntland ay dooneyso in xeebteedu noqoto meel ammaan ah oo maraakiibta iyo badmaaxiintu si nabad ah ugu safri karaan, iyagoo xusay in dowladda ay tallaabo ka qaadi doonto cid kasta oo ku lug leh falal sharci-darro ah, oo ay ka mid yihiin burcad-badeednimada, kalluumeysiga sharci-darrada ah iyo tahriibinta hubka. 

Ethiopia 1da Oktoobar 2026 Itoobiya ayaa qorsheynaysa inay kumannaan askari kala baxdo Soomaaliya, iyadoo dagaallada ka socda gudaha dalkaas ay dowladda Ra’iisul Wasaare Abiy Axmed ku qasbayaan inay ciidamadeeda iyo agabkeeda milatari u weeciso colaadda sii ballaaranaysa ee ay kula jirto kooxaha hubeysan. Sida ay sheegeen ilo xog-ogaal ah oo la hadlay Bloomberg, in ka badan 3,000 askari oo Itoobiyaan ah ayaa la filayaa inay Soomaaliya ka bilaabaan ka bixitaankooda maalmaha ama toddobaadyada soo socda. Ilo-wareedyadan ayaa codsaday inaan magacyadooda la shaacin, maaddaama aysan u fasaxnayn inay warbaahinta kala hadlaan arrintan.

Ka bixitaanka ciidamada Itoobiya ayaa Soomaaliya ka abuuri kara farqi amni, gaar ahaan xadka labada dal, xilli Soomaaliya ay weli wajahaysa dagaalka Al-Shabaab.

Itoobiya ayaa tallaabo la mid ah qaadday sanadkii 2020, xilligii dagaalkii Tigray, markaas oo kumannaan askari oo Itoobiyaan ah laga soo saaray Soomaaliya si loogu adeegsado dagaallada gudaha dalka.

Warbixintu waxay sheegaysaa in dagaallada cusub ee waqooyiga Itoobiya ay sababeen dhimasho iyo dhaawac boqolaal qof ah, iyadoo weerarro diyaaradaha aan duuliyaha lahayn iyo iska horimaadyo xooggan ay ka socdaan gobolka Tigray.

Dagaalladan ayaa dib u soo cusboonaaday afar sano kaddib heshiiskii nabadeed ee 2022 lagu soo afjaray dagaalkii laba sano socday ee u dhexeeyay dowladda Itoobiya iyo Jabhadda Xoreynta Shacabka Tigray. Dagaalkaas ayaa sababay dhimashada in ka badan nus milyan qof, sida lagu qiyaasay ilo kala duwan. 

Imaaraadka 1da Oktoobar 2026 Dowladda Imaaraadka Carabta ayaa cambaareysay dhimashada iyo dhaawaca soo gaaray shaqaale saarnaa markabka shidaalka ee MT Honour 25, kaas oo burcad-badeed ay afduub ku haysteen, kadib markii lagu soo furtay howlgal ka dhacay xeebaha Soomaaliya. Wasaaradda Arrimaha Dibadda Imaaraadka ayaa sheegtay in dhimashada iyo dhaawaca shaqaalaha markabka ay yihiin khatar weyn oo ku wajahan amniga badda iyo badqabka waddooyinka ganacsiga caalamiga ah.

Markabka MT Honour 25 ayaa Talaadadii lagu soo furtay howlgal ka dhacay deegaanka Dharin-Bar, oo ka tirsan degmada Bandar Beyla ee Puntland, sida ay sheegeen mas’uuliyiinta Puntland.

Sida laga soo xigtay maamulka Puntland, shan ka mid ah shaqaalaha markabka ayaa lagu dilay howlgalka, halka afar kalena ay ku dhaawacmeen. Shaqaalaha markabka ayaa ahaa dad u kala dhashay dalal kala duwan, waxaana la sheegay in dadka dhintay aysan ka mid ahayn muwaadiniinta Imaaraadka.

Wasaaradda Arrimaha Dibadda Imaaraadka ayaa tacsi u dirtay qoysaska dadka ku dhintay dhacdada, iyadoo sidoo kale caafimaad degdeg ah u rajeysay shaqaalaha dhaawacmay.

Imaaraadku wuxuu sidoo kale ku baaqay in la xoojiyo iskaashiga gobolka iyo kan caalamiga ah si loo ilaaliyo maraakiibta ganacsiga, loo xaqiijiyo badqabka shaqaalaha maraakiibta, loona ilaaliyo amniga iyo xasilloonida marinnada badda.

MT Honour 25 ayaa lagu afduubtay xeebaha Soomaaliya bishii Abriil, waxaana burcad-badeeddu gacanta ku hayeen ilaa howlgalka lagu soo furtay 29-kii Sebtembar 2026.

Muqdisho 1da Oktoobar 2026 Muqdisho: Dhaqangelin Aqoonsiga

Qaranka ee Satarka gudaha

Sidaan horey ugu wargelinay bulshada   Soomaaliyeed,

laga bilaabo beri oo ah 1-da Oktoobar, 2026 waxaa dhaqangal noqonayo in muwaadin kasta oo ku safraya gudaha dalka lagu xaqiijiyo Aqoonsiga Qaranka, taas oo qeyb ka aheyd heshiiskii ay Hay’addaha NIRA iyo HSJ wada-galeyn 30-kii Juun, 2026.

Hadaba, dhammaan muwaadiniinta u safraya gobolada dalka waxaa lagu wargelinayaa in ay horay usoo qaataan Kaarka Aqoonsiga Qaranka ama Shahaadada Aqoonsiga

Muqdisho 1da Oktoobar 2026 Bulshada ku dhaqan xeebaha Soomaaliya waxay leeyihiin dhaxal qoto dheer oo fac ka fac la isku soo gudbinayay, kaas oo jiilal badan u ahaa tiir ay ku tiirsan yihiin nolol-maalmeedkooda iyo sugnaanta cuntada. Ilaalinta hab-dhaqameedyada kalluumaysiga iyo kor u qaadidda codka kalluumaysatada yaryar ee deegaanka ayaa muhiim u ah dhowrista hiddaha hodanka ah ee badeed ee Soomaaliya, iyo xoojinta adkeysiga dhaqaale ee waara ee bulshooyinka ku nool xeebaha dalka 

WARARKA MAANTA 29ka Sebteembar 2026 

Su’aalaha Maanta: Maxay tahay sababta Madaxweyne hore Xassan u dul-dhigay ciidamo farabadan guriga Madaxweyne hore Shiikh Shariif? Maxay Ciidanka Madaxweyne hore Cabdicasiis Lafta-Gareen Baydhabo u qabsanayaan? Maxaase diyaarado loogu weeraray Baydhabo? Maxuu yiri Raysal Wasaare hore Xamsa anigaa mulkiile ka ah dowladda?? Yaa boobay shacabka Muqdisho? Maxuu kashifay Wasiir Bashiir Goobe? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 29ka Sebteembar 2026 Mudane Cabdilaahi Xayir Ducaale, Agaasimaha Guud ee Wasaaradda Warfaafinta, Dhaqanka iyo Dalxiiska XFS, ayaa ka mid ah khudbad-jeediyeyaasha muhiimka ah (Keynote Speakers) ee Bandhigga Dalxiiska Soomaaliya 2026. 

Soomaaliya 29ka Sebteembar 2026 Wasiirka Maaliyadda Xukuumadda Federaalka Soomaaliya, Biixi Iimaan Cige, ayaa guddoomiyay kulanka 29-aad ee Madasha Iskaashiga Dalalka Geeska Afrika, oo diiradda lagu saaray xoojinta iskaashiga gobolka iyo maalgelinta mashaariicda dhaqaale. Kulanka oo ahaa mid hal maalin socday ayaa waxaa ka qaybgalay qaar ka mid ah wasiirrada dalalka ku bahoobay madasha, wakiillo ka socday dowladaha deeq-bixiyeyaasha iyo hay’adaha caalamiga ah, oo ay ka mid yihiin Bangiga Adduunka, Bangiga Horumarinta Afrika, IGAD iyo Midowga Yurub.

Wadahadallada ayaa xoogga lagu saaray horumarinta is-dhexgalka gobolka, xoojinta iskaashiga dhaqaale iyo sidii loo maalgelin lahaa mudnaanta dhaqaale ee dalalka Geeska Afrika.

Sidoo kale, waxaa si gaar ah looga hadlay horumarinta kaabayaasha dhaqaalaha, gaar ahaan korontada, biyaha iyo waddooyinka isku xira dalalka gobolka, kuwaas oo muhiim u ah fududeynta ganacsiga iyo isku socodka.

Intii uu socday kulanka ayaa lagu ansixiyay qorshe-hawleedka horumarinta ganacsiga Geeska Afrika, kaas oo ay hore u diyaariyeen wasiirrada ganacsiga ee dalalka ku bahoobay Hindisaha Geeska Afrika.

Qorshahan ayaa ka dhashay kulan ay wasiirrada ganacsigu bishii Agoosto 2026 ku yeesheen magaalada Addis Ababa ee caasimadda Itoobiya.

Wasiir Biixi Iimaan Cige ayaa uga mahadceliyay dalalka ku mideysan Madasha Hindisaha Geeska Afrika iyo saaxiibada caalamiga ah taageerada ay si joogto ah u siiyaan hindisaha, gaar ahaan dhinacyada horumarinta, iskaashiga iyo maalgelinta mashaariicda muhiimka u ah gobolka.

Kulanka 29-aad ayaa sidoo kale adkeeyay muhiimadda ay leedahay in dalalka Geeska Afrika iyo saaxiibadooda caalamiga ah ay sii xoojiyaan iskaashiga, si loo dardargeliyo mashaariicda gobolka iyo in la ballaariyo fursadaha dhaqaale iyo ganacsi ee gobolka.

Kenys 29ka Sebteembar 2026  Maxkamadda Sare ee Kenya ayaa amartay in hay’adaha socdaalka ay sii daayaan oo ay dib ugu celiyaan baasaboorkiisa Kenyan xildhibaan ka tirsan Baarlamaanka Bariga Afrika (EALA), Cabdiraxmaan Bashir Shariff, oo sheegay in laga hor istaagay inuu dalka galo, kadibna dib loogu celiyay Soomaaliya. Garsoore David Mburu ayaa faray hay’adaha ay khusayso inay baasaboorka Shariff ama qareennadiisa ugu dhiibaan 24 saacadood gudahood marka lagu wargeliyo amarka maxkamadda.

Baasaboorka laga hadlayo ayaa ah midka Kenya ee tirsigiisu yahay CK114667, kaas oo la bixiyay Janaayo 16, 2023, isla markaana dhacaya Janaayo 15, 2033.

Shariff ayaa dacwad ka gudbiyay waxa uu ku tilmaamay xarig sharci-darro ah, in loo diiday gelitaanka Kenya iyo in dalka laga saaray. Dacwaddiisa ayuu ku sheegay inuu 14-kii Agoosto 2026 ka yimid Muqdisho, isagoo ka degay garoonka diyaaradaha Jomo Kenyatta International Airport.

Wuxuu sheegay in saraakiisha socdaalka ay halkaas ku joojiyeen, kadibna su’aalo ka weydiiyeen dhalashadiisa Soomaaliya iyo sax ahaanshaha dhalashadiisa Kenya.

Sida ku xusan dacwadda, Shariff wuxuu sheegay in saraakiishu markii hore ku wargeliyeen inuusan Kenyan ahayn, isla markaana baasaboorkiisa si sharci-darro ah ku helay, balse markii dambe ay ku eedeeyeen inuusan sheegin inuu haysto dhalasho kale.

Xildhibaanku wuxuu sheegay inuu saraakiisha u sheegay in xogta ku saabsan dhalashadiisa laba-geesoodka ah ay hore ugu diiwaangashanayd nidaamka socdaalka Kenya, balse ay ka dalbadeen inuu keeno nuqul warqad ah oo caddeynaya arrintaas.

Shariff ayaa sidoo kale sheegay in baasaboorkiisa laga qaatay, loona diiday inuu ka gudbo halka laga hubiyo socdaalka, ka hor inta aan lagu celin diyaarad u socotay Muqdisho.

Wuxuu maxkamadda ka dalbaday in lagu dhawaaqo in tallaabooyinka laga qaaday ay yihiin kuwo ka hor imaanaya Dastuurka Kenya, isagoo sidoo kale dalbanaya magdhow la xiriira khasaaraha dhaqaale iyo dhibaatooyin kale oo uu sheegay inay ka dhasheen in dalka laga saaro.

Shariff wuxuu ku dooday inuu yahay muwaadin Kenyan ah oo dhalasho ahaan ku dhashay Kenya, isagoo tixraacaya qodobbada Dastuurka dalkaas ee dhigaya in muwaadinka Kenyan-ka ah uusan lumin dhalashadiisa Kenya haddii uu qaato dhalashada waddan kale.

WARARKA MAANTA 27ka Sebteembar 2026 

Su’aalaha Maanta: Maxuu yiri Raysal Wasaare hore Xamsa anigaa mulkiile ka ah dowladda?? Yaa boobay shacabka Muqdisho? Maxuu kashifay Wasiir Bashiir Goobe? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 27ka Sebteembar 2026 Taliyaha Ciidanka Xoogga Dalka Jeneraal Ibraahim Maxamed Maxamuud, “Taliska Xoogga iyo Wasaaradda Gaashaandhigga waxay kulankaan u qabteen in loogu mahadceliyo Ciidamada Qaranka ee sugay amniga Caasimadda Muqdisho, anigoo ku hadlaya afka saraakiisha Ciidamada Qaranka, waxaan balan-qaadeynaa inaan sii laba jibaarno dadaalkeena.” 

Muqdisho 27ka Sebteembar 2026 Madaxweynihii hore ee Soomaaliya, Sheekh Shariif Sheekh Axmed, ayaa ku baaqay in dhinacyada siyaasadda Soomaaliya ay isugu yimaadaan wadahadal lagu raadinayo heshiis siyaasadeed, isagoo ka digay in khilaafaadka jira ay saameyn ku yeelan karaan midnimada iyo dowladnimada dalka. Shariif Sheekh Axmed ayaa sheegay in Soomaaliya ay wajaheeyso caqabado dhinacyo badan leh, oo uu ku tilmaamay khilaaf siyaasadeed, amni iyo dastuur, xilli uu sheegay in aan weli heshiis laga gaarin jihada loo wajahayo doorashada iyo nidaamka siyaasadeed.

“Iska ma fiirsan karno iyadoo maalin walba Soomaali ay cad-cad u go’ayso. Gacanta ayaan idiinka qabanaynaa inta Soomaaliya burburi lahayd oo ay kala tagi lahayd,” ayuu yiri Shariif Sheekh Axmed, Wuxuu sheegay in waqtigii loo qorsheeyay in nidaamka siyaasadeed uu isbeddel ku yimaado uu dhammaaday, isla markaana loo baahan yahay in la fariisto oo laga wada hadlo doorashada iyo qaabka looga gudbayo khilaafka.

Shariif ayaa sidoo kale xusay in kulamo hore oo u dhexeeyay mucaaradka iyo dowladda ay dhaceen labadii sano ee lasoo dhaafay, balse aysan, sida uu sheegay, kasoo bixin heshiis siyaasadeed.

Madaxweynihii hore ayaa ku dooday in xaaladda siyaasadeed ee hadda jirta ay u baahan tahay in dhinacyadu ka wada shaqeeyaan sidii loo heli lahaa hannaan la isku raacsan yahay, Wuxuu sidoo kale soo hadal qaaday xaaladda amni ee dalka, khilaafaadka u dhexeeya dowladda dhexe iyo qaar ka mid ah dowlad-goboleedyada, iyo walaaca laga qabo saameynta ay khilaafaadyadaasi ku yeelan karaan midnimada Soomaaliya.

Isagoo si gaar ah uga hadlay xaaladda dhaqaale iyo nololeed ee shacabka, ayuu sheegay in tallaabooyinka dowladda qaarkood ay saameyn ku yeesheen dad danyar ah iyo ganacsato, wuxuuna ku baaqay in la dhowro hantida iyo xuquuqda shacabka.

Shariif Sheekh Axmed ayaa sidoo kale farriin u diray ciidamada iyo shaqaalaha dowladda, isagoo sheegay in jiritaanka hay’adaha dowladeed iyo shaqooyinkooda ay ku xiran yihiin jiritaanka qaran iyo dowladnimo, waxa uu su’aal geliyay muddada xilka dowladda, isagoo sheegay in haddii afartii sano ee loo qorsheeyay ay dhammaatay, loo baahan yahay in dhinacyadu ka wada hadlaan doorasho iyo kala-guur siyaasadeed.

“Dowladdan waxaa lagu doortay afar sano. Afar sano ma dhamatay mise ma dhammaan? Waa dhammaatay. Maxaa loo baahan yahay? Afartii sano ee ay dhammaatay in la fariisto, la wada hadlo, doorasho lagu heshiiyo oo la aado,” ayuu yiri.

Muqdisho 27ka Sebteembar 2026 Guddiga Difaaca ee Golaha Shacabka Soomaaliya ayaa Wasiirka Wasaaradda Gaashaandhigga iyo Taliyaha Ciidanka Xoogga Dalka ugu yeeray inay hortagaan guddiga, kadib markii uu sheegay in xuquuqda dhaqaale laga jaray ku dhowaad 6,000 oo askari iyo qoysaskooda. Warqad uu guddigu soo saaray maanta oo Sabti ahayd ayaa lagu sheegay in ciidamadan ay isugu jiraan hawlgab, naafo iyo qoysaska askarta ku dhimatay furimaha dagaalka.

Guddiga ayaa sheegay in mushaharka iyo xuquuqaha dhaqaale ee qaar ka mid ah ciidamada hawlgabka iyo naafada ah laga jaray 50 boqolkiiba, halka qoysaska saraakiisha ku dhimatay dagaalka, sida warqaddu sheegtay, laga jaray 60 boqolkiiba.

Guddigu wuxuu sheegay in tallaabadan ay qaaday Wasaaradda Gaashaandhigga oo kaashanaysa Taliska Ciidanka Xoogga Dalka, halka fulinteedana uu sheegay inay ku lug lahayd Wasaaradda Maaliyadda.

Waxa uu Wasiirka Gaashaandhigga ka dalbaday inuu ku soo jawaabo muddo 72 saacadood ah dhowr su’aalood oo ku saabsan sababta iyo sharciga loo cuskanayo dhimista xuquuqda ciidamada.

Su’aalaha waxaa sidoo kale ka mid ah halka ay Wasaaraddu ka keentay awoodda lagu dhimay lacagaha, saameynta ay arrintani ku yeelan karto ciidamada ku jira furimaha dagaalka iyo in wax laga beddelay qoondada miisaaniyadda ee Baarlamaanku ansixiyey.

Guddiga Difaaca ayaa sidoo kale Wasiirka ka dalbaday inuu soo gudbiyo xog ku saabsan tirada xeryaha ciidanka ee la iibiyey, iyo tirada askarta iyo qoysaskooda ee laga barakiciyey guryahooda.

Warqaddu waxay sheegtay in Wasaaradda Gaashaandhigga laga doonayo inay faahfaahiso tallaabooyinka ay qaaday si ay wax uga qabato xaaladda qoysaska ciidamada ee guryahooda laga barakiciyey.

Ugu dambayn, Guddigu wuxuu Wasiirka Gaashaandhigga iyo Taliyaha Ciidanka Xoogga Dalka ku amray inay hortagaan Guddiga Difaaca 4-ta Oktoobar 2026, saacadda 11:00 subaxnimo, xafiiska guddiga ee Golaha Shacabka, Villa Hargeysa.

Muqdisho 27ka Sebteembar 2026 Ra’iisul Wasaare Xamse Cabdi Barre ayaa si adag u dhaliilay siyaasadda Madaxweynaha Puntland, Siciid Deni, isaga oo sheegay in maamulka Puntland uu qaaday tallaabooyin uu ku tilmaamay kuwo ka fogeynaya Soomaaliya. Raysal wasaare Xamse ayaa sheegay in Puntland laga diiday qaar ka mid ah astaamaha iyo hay’adaha qaranka, oo ay ka mid yihiin manhajka waxbarashada, kaarka aqoonsiga qaranka iyo calaamadaha qaranka, isagoo sheegay in arrintan ay ka dhalatay siyaasadda hoggaanka Puntland.

“Ma aha dadka shacabka, ma aha Puntland oo dhan runtii, laakiin ninka saaxiibkay Siciid Cabdullaahi, wuxuu goostay Puntland inuu Soomaaliya ka jiro” ayuu yiri Ra’iisul Wasaaruhu.

Wuxuu intaas ku daray in wax kasta oo calaamad qaran ah muujinaya aan si buuxda looga oggolaan Puntland, marka laga reebo baasaboorka Soomaaliya.

Ra’iisul Wasaaraha ayaa sidoo kale sheegay in Puntland ay tahay dowlad-goboleed ka tirsan nidaamka federaalka Soomaaliya, isla markaana ay muhiim u tahay qaranka, isagoo xusay doorkii ay ciidamada Puntland ku lahaayeen dagaallada lagula jiro kooxaha argigixisada.

“Puntland waa dowlad federaalka tiirsan tahay, waana state-kii ugu horreeyay ee dowlad-goboleedyada federaalka. Wax badan baa uga maqan Dowladda Federaalka,” ayuu yiri.

Dhanka kale, Ra’iisul Wasaaraha ayaa sheegay in dowladda federaalku ay isku dayday inay Puntland ka taageerto dagaalladii lagula jiray Daacish, isagoo xusay in la magacaabay guddi wasiiro iyo hay’ado isugu jira oo loogu talagalay inay gaarsiiyaan raashiin, daaweyn iyo taageero kale ciidamada iyo dadka ku nool goobaha dagaallada.

Hase yeeshee, wuxuu sheegay in dadaalladaas ay maamulka Puntland diideen, isaga oo xusay in dowladda federaalku ay diyaar u ahayd inay bixiso qalab, hub iyo taageero kale.

Isagoo ka jawaabaya su’aal ku saabsan in Puntland ay ku socoto waddadii Somaliland, Xamse Cabdi Barre wuxuu sheegay inuusan sidaas aaminsanayn, isaga oo kala saaray shacabka Puntland iyo siyaasadaha maamulka.

Wuxuu sheegay inuu si wanaagsan u garanayo shacabka, aqoonyahannada iyo siyaasiyiinta Puntland, isla markaana uu ogyahay sida ay uga go’an tahay Soomaalinimada.

“Ma qabo anigu, sababtoo ah waxaan ogahay dadka Puntland. Aqoonyahannadoodana waan aqaan, siyaasiyiintoodana waan ogahay, shacabkana waan ogahay. Dadkaas sida Soomaalinimada meesha uga joogtaan waan ogahay, Soomaaliya oo mid ah ayey qabaan,” ayuu yiri.

Ra’iisul Wasaaruhu wuxuu sheegay in siyaasadaha iyo tallaabooyinka maamulka hadda jira aysan matalin dhammaan shacabka Puntland, isaga oo ku adkeystay in shacabka iyo maamulka la kala saaro.

WARARKA MAANTA 26ka Sebteembar 2026 

Su’aalaha Maanta: Maxuu yahay filmka ay Turkiga ka sameeyeen Madaxwetbe gire Xassab Shiikh “Dhuuso-Fooxiye”? Yaa boobay shacabka Muqdisho? Maxuu kashifay Wasiir Bashiir Goobe? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 26ka Sebteembar 2026 Xulka qaranka Soomaaliya ayaa guuldarro 2-1 ah kala kulmay Gambia, kulankii ugu horreeyay ee isreeb-reebka Koobka Qaramada Afrika ee AFCON 2027, kaas oo lagu ciyaaray garoonka Independence Stadium ee magaalada Banjul. Gambia ayaa ciyaarta hoggaanka qabatay daqiiqaddii 18-aad, kaddib markii Ebrima Colley uu gool rigoore ah u dhaliyay xulka martida loo ahaa.

Soomaaliya ayaa qeybtii labaad soo laabatay, waxaana daqiiqaddii 72-aad goolka barbardhaca u dhaliyay Bilal Njie, taas oo xulka Ocean Stars siisay fursad ay ciyaarta ugu rogaan natiijo wanaagsan.

Hase yeeshee, rajadii Soomaaliya ayaa burburtay daqiiqaddii 83-aad, markii Muhammed Badamosi uu Gambia u dhaliyay goolka labaad, isaga oo kooxdiisa u xaqiijiyay saddexda dhibcood.

Soomaaliya ayaa inta badan ciyaarta la tartantay Gambia, iyadoo heshay saddex koorno, halka Gambia ay hal koorno oo keliya heshay. Si kastaba, Ocean Stars ayaa sameysay hal darbo oo keliya oo bartilmaameedka ku socday, halka Gambia ay sameysay afar.

Guuldarradan ayaa Soomaaliya uga dhigan inaysan wax dhibco ah ka helin kulankeeda koowaad ee Group A.

Muqdisho 26ka Sebteembar 2026  Hay’adaha socdaalka ee Maraykanka ayaa Khamiistii Soomaaliya u masaafuriyey siddeed nin oo Soomaali ah, kuwaas oo muddo ku dhow bil lagu hayay saldhigga ciidamada badda ee Maraykanka ee Guantanamo Bay, Cuba. Ragga la masaafuriyey waxaa ka mid ahaa Adam Abdullah, 31 jir ah, oo muddo ku noolaa gobolka Minnesota, kana shaqaynayay farsamada baabuurta xilli uu sugayay go’aanka codsigiisa magangelyo.

Abdullah ayaa sheegay in wakiillo ka tirsan hay’adda socdaalka iyo fulinta xuduudaha Maraykanka (ICE) ay xireen 12-kii Diseembar, xilli ay dowladdu bilowday howlgalkii ay ugu magac dartay Operation Metro Surge.

Sida uu sheegay, marka laga reebo laba ganaax oo baabuurta la xiriiray, uusan lahayn wax dambi ah oo laga diiwaangeliyey Minnesota. Wuxuu Maraykanka yimid horraantii 2023, wuxuuna si sharci ah uga shaqaynayay makaanik.

Kadib markii la xiray, waxaa la sheegay in Abdullah loo kala gudbiyay xarumo lagu hayo dadka aan haysan waraaqaha socdaalka ee gobollada Minnesota, Kentucky iyo Louisiana, ka hor inta aan dhammaadkii Agoosto loogu qaadin Guantanamo, isaga iyo toddoba nin oo kale oo Soomaali ah.

Abdullah ayaa sheegay in markii ay diyaaradda u raaceen Cuba loo sheegay in halkaas ay shidaal ka qaadan doonaan kadibna loo sii gudbin doono Soomaaliya, balse ugu dambayn lagu hayay Guantanamo.

Isagoo ka hadlayay muddadii uu ku jiray xabsiga, Abdullah wuxuu sheegay in isaga iyo ragga kale lagu hayay amni aad u adag, iyadoo loo oggolaan jiray hal saac oo jimicsi ah.

Abdullah ayaa sheegay in muddadii uu xabsiga ku jiray ay hooyadii xanuunsatay, isagoo bishii Maarso ogaaday xaaladdeeda laba maalmood ka hor geerideeda.

Wuxuu sheegay inuu codsaday in loo oggolaado inuu si iskiis ah uga baxo Maraykanka si uu u arko hooyadii, balse codsigaas la diiday.

“Waxaan codsaday inaan si iskay ah uga baxo dalka iyadoo ay hooyaday xanuunsan tahay, laakiin way diideen. Xitaa markii ay dhimatay ayaan u sheegay, balse wax ay sameyn karaan ma jirin,” ayuu yiri.

Muqdisho 26ka Sebteembar 2026 Guddiga Maaliyadda ee Golaha Shacabka Soomaaliya ayaa dalbaday in si degdeg ah loo caddeeyo sababta loo jaray xuquuqda dhaqaale ee qaar ka mid ah ciidamada iyo qoysaska askarta ku dhintay dagaallada dalka. Xildhibaan Axmed Maxamuud Jaamac (Buux), oo ka tirsan guddiga, ayaa sheegay in xubnaha guddigu ay arrintan ka wada hadleen, isla markaana ay doonayaan in 24-ka saac ee soo socda jawaab uga helaan wasiirrada Gaashaandhigga iyo Maaliyadda.

Xildhibaanka ayaa sheegay in lacagaha loo qoondeeyay ciidamada ay ku jiraan miisaaniyadda dowladda oo la ansixiyay, isagoo su’aal geliyay sababta xuquuqda qaar ka mid ah ciidamada loo jarayo, iyadoo ay jiraan dhinacyo kale oo u baahan in dib-u-habeyn lagu sameeyo.

“Waxaan rabnaa inaan 24-ka saac ee soo socda jawaab degdeg ah ka helno wasiirka Gaashaandhigga iyo wasiirka Maaliyadda,” ayuu yiri Xildhibaan Buux.

Wuxuu sidoo kale sheegay in fariimo iyo sawirro laga soo diray qaar ka mid ah ciidamada ku sugan Jubbaland ay muujinayaan in askar lagu wargeliyay in mushaharkooda laga jaray lacag dhan 100 doolar.

Xildhibaanku wuxuu sheegay in arrintan loo baahan yahay in baarlamaanku wax ka weydiiyo wasiirrada iyo taliyeyaasha ay khuseyso, si loo helo caddeyn ku saabsan sababta iyo habka loo sameeyay jarista.

Isagoo si gaar ah uga hadlay qoysaska askarta ku dhimatay dagaallada, ayuu sheegay in aan la aqbali karin in laga jaro xuquuqda qoysaska ciidamada naftooda ku waayay difaaca dalka.

Muqdisho 26ka Sebteembar 2026 Madaxweynihii hore ee Soomaaliya, Sheekh Shariif Sheekh Axmed, ayaa ku baaqay in dhinacyada siyaasadda Soomaaliya ay isugu yimaadaan wadahadal lagu raadinayo heshiis siyaasadeed, isagoo ka digay in khilaafaadka jira ay saameyn ku yeelan karaan midnimada iyo dowladnimada dalka. Shariif Sheekh Axmed ayaa sheegay in Soomaaliya ay wajaheeyso caqabado dhinacyo badan leh, oo uu ku tilmaamay khilaaf siyaasadeed, amni iyo dastuur, xilli uu sheegay in aan weli heshiis laga gaarin jihada loo wajahayo doorashada iyo nidaamka siyaasadeed.

“Iska ma fiirsan karno iyadoo maalin walba Soomaali ay cad-cad u go’ayso. Gacanta ayaan idiinka qabanaynaa inta Soomaaliya burburi lahayd oo ay kala tagi lahayd,” ayuu yiri Shariif Sheekh Axmed, Wuxuu sheegay in waqtigii loo qorsheeyay in nidaamka siyaasadeed uu isbeddel ku yimaado uu dhammaaday, isla markaana loo baahan yahay in la fariisto oo laga wada hadlo doorashada iyo qaabka looga gudbayo khilaafka.

Shariif ayaa sidoo kale xusay in kulamo hore oo u dhexeeyay mucaaradka iyo dowladda ay dhaceen labadii sano ee lasoo dhaafay, balse aysan, sida uu sheegay, kasoo bixin heshiis siyaasadeed.

Madaxweynihii hore ayaa ku dooday in xaaladda siyaasadeed ee hadda jirta ay u baahan tahay in dhinacyadu ka wada shaqeeyaan sidii loo heli lahaa hannaan la isku raacsan yahay, Wuxuu sidoo kale soo hadal qaaday xaaladda amni ee dalka, khilaafaadka u dhexeeya dowladda dhexe iyo qaar ka mid ah dowlad-goboleedyada, iyo walaaca laga qabo saameynta ay khilaafaadyadaasi ku yeelan karaan midnimada Soomaaliya.

Isagoo si gaar ah uga hadlay xaaladda dhaqaale iyo nololeed ee shacabka, ayuu sheegay in tallaabooyinka dowladda qaarkood ay saameyn ku yeesheen dad danyar ah iyo ganacsato, wuxuuna ku baaqay in la dhowro hantida iyo xuquuqda shacabka. 

Muqdisho 26ka Sebteembar 2026 Guddiga Qaranka Shaqaalaha Rayidka Soomaaliyeed ayaa si rasmi ah u taageeray fulinta qaraar uu Golaha Shacabka ee Baarlamaanka Federaalka Soomaaliya soo saaray, kaas oo la xiriira go’aanno hore oo xukuumaddu ka qaadatay arrimaha maamulka hay’adaha dowladda. Warqad rasmi ah uu soo saaray Guddiga Qaranka Shaqaalaha Rayidka, loona kala diray dhammaan wasaaradaha iyo hay’adaha dowladda, ayaa lagu sheegay in guddigu uu fulinayo qaraarka Golaha Shacabka ee ku taariikhaysan 23-ka Sebtembar.

Warqadda ayaa tilmaamaysa in qaraarka Golaha Shacabka uu laalay Xeer Lr. 132 ee 11-kii May 2025, iyo qaraar kale oo ku saabsanaa hannaanka tartanka furan ee shaqaalaha dowladda, kaas oo uu hore u soo saaray Ra’iisul Wasaaraha Soomaaliya.

Guddigu wuxuu sheegay in, isagoo tixraacaya qodobada ku xusan qaraarka Golaha Shacabka iyo Dastuurka Federaalka, uu dhammaan wasaaradaha iyo hay’adaha dowladda ka dalbanayo inay gutaan waajibaadkooda ku aaddan fulinta qaraarka baarlamaanka.

WARARKA MAANTA 22ka Sebteembar 2026 

Su’aalaha Maanta: Yaa boobay shacabka Muqdisho? Maxuu kashifay Wasiir Bashiir Goobe? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 22ka Sebteembar 2026 Wasiirka Warfaafinta oo la kulmay Guddiga Warfaafinta ee Golaha Shacabka

Muqdisho, 22 Sebtembar 2026 – Wasiirka Wasaaradda Warfaafinta, Dhaqanka iyo Dalxiiska Xukuumadda Federaalka Soomaaliya, Mudane Cabdifitaax Qaasim Maxamuud, ayaa maanta la kulmay Guddiga Warfaafinta, Wacyigelinta, Dhaqanka, Dalxiiska, Boostada iyo Isgaarsiinta ee Golaha Shacabka Baarlamaanka Jamhuuriyadda Federaalka Soomaaliya.

Kulanka ayaa looga hadlay qorshe-hawleedka Wasaaradda, sharciyada iyo xeerarka ay diyaarinayso, qorshayaasha casriyeynta iyo ballaarinta Warbaahinta Qaranka iyo howlaha kale ee mudnaanta u leh Wasaaradda.

Guddoomiyaha Guddiga, Mudane Mowliid Cabdi Maxamuud Axmed, oo ay wehliyaan Guddoomiye-ku-xigeenka, Xoghayaha iyo xubnaha Guddiga, ayaa bogaadiyey shaqada ay Wasaaraddu waddo, isagoo adkeeyey muhiimadda wada-shaqeynta Wasaaradda iyo Guddiga.

Wasiir Cabdifitaax Qaasim Maxamuud ayaa dhankiisa Guddiga siiyey warbixin dhammaystiran oo ku saabsan howlaha Wasaaradda iyo qorshayaasheeda, isagoo uga mahadceliyey wada-shaqeynta wanaagsan ee ka dhexeysa Wasaaradda iyo Golaha Shacabka.

Wasiirka waxaa kulanka ku weheliyey Agaasimaha Guud ee Wasaaradda, Mudane Cabdullaahi Xayir Ducaale; Agaasimaha Maamulka iyo Maaliyadda, Mudane Naasir Xasan Xuseen; Agaasimaha Telefishinka Qaranka Soomaaliyeed, Mudane Maxamed Kaafi Sheekh Abuukar; Agaasimaha Istiraatiijiyadda, Mudane Cabdishakuur Cali Axmed; iyo Xoghayaha Gaarka ah ee Wasiirka, Mudane Yuusuf Cali Maxamed

ONLF  22ka Sebteembar 2026 Jabhadda Waddaniga Xoreynta Ogaadeeniya (JWXO) ayaa beenisay warar sheegayay inay ku biirtay isbahaysi ay sameysteen kooxo mucaarad ah iyo jabhado hubaysan oo ka soo horjeeda xukuumadda Itoobiya, iyadoo sheegtay in magaca ururka si aan sharci ahayn loogu adeegsaday isbahaysigaasi. Warsaxaafadeed ay JWXO soo saartay Isniinta maanta ayaa lagu sheegay in ururku aanu wax lug ah ku lahayn Isbahaysiga xoogagga kasoo horjeeda dowlada, kaas oo ay toddoba kooxood oo Itoobiya ka jira oo uu ku jiro garabka ONLF ee mucaaradka ah ku dhawaaqeen. JWXO waxay sheegtay in dadka magaca ururka u adeegsaday isbahaysiga ay ka mid yihiin xubno uu hormuud u yahay guddoomayaha garabka ONLF ee mucaaradka ah, Cabdiraxmaan Sheekh Mahdi, ayna tallaabadaasi ka tarjumayn mowqifka rasmiga ah ee xisbiga. 

JWXO waxay sheegtay in xisbigu uu sannadkii 2018 heshiis nabadeed la galay dowladda Itoobiya, kaddib markii ay xukunka la wareegtay dowladda uu hoggaamiyo Ra’iisul Wasaare Abiy Axmed. Sida lagu sheegay warsaxaafadeedka, heshiiskaasi wuxuu JWXO u suurageliyay inay hadafkeeda siyaasadeed ku raadsato hab nabadeed, iyadoo xisbigu sheegay in mowqifkiisaasi aanu waxba iska beddelin.

Xisbiga ayaa sidoo kale sheegay in aanu diyaar u ahayn inuu xulufo la noqdo ama heshiis la galo kooxo hubaysan oo uu ku eedeeyay inay ka shaqeeyaan amni-darro iyo xasillooni-darro. JWXO waxay tilmaantay in barnaamijkeeda siyaasadeed iyo istaraatiijiyaddeeda nabadeed ayna u saamaxayn inay gacan-saar la yeelato kooxo ku howlan colaad iyo dagaal.

Warsaxaafadeedka ayaa sidoo kale lagu sheegay in JWXO ay ka xun tahay in shaqsiyaad ay ku tilmaantay danaystayaal oo hore uga tirsanaa xisbiga ay sheegtaan inay magaca JWXO ku galeen isbahaysiga kooxaha hubaysan. Xisbigu wuxuu sheegay in dadkaasi ayna matalin mowqifkiisa rasmiga ah, isla markaana ayna jirin wax dan ama heshiis siyaasadeed oo JWXO ay la wadaagto kooxaha isbahaysiga ku dhawaaqay.

JWXO waxay sidoo kale ugu baaqday Dowladda Federaalka Itoobiya, Dowlad Deegaanka Soomaalida, xisbiyada siyaasadeed, ururrada bulshada rayidka ah, dalalka deriska ah iyo beesha caalamka inay ixtiraamaan mowqifka rasmiga ah ee xisbiga. Waxay intaa ku dartay inay diyaar u tahay inay soo gudbiso macluumaad dheeraad ah oo ku saabsan cidda ay sheegtay inay si aan sharci ahayn magaca JWXO ugu adeegsatay bayaanka isbahaysiga jabhadaha ku dhawaaqay in ay kasoo horjeedaan xukuumada Itoobiya.

Warsaxaafadeedkan ayaa kusoo beegmaya maalin kadib markii lasoo saaray liiskan toddobo kooxood oo Itoobiyaan ah oo la sheegay in ay ku dhawaaqeen isbahaysi ay ugu magac dareen “Isbahaysiga Xoogagga Dadka Itoobiya ee Badbaadada”. Kooxahaasi waxaa ka mid ah Jabhadda Shacabka Axmaarada ee Fano, Jabhadda Xoreynta Oromiya, Jabhadda Xoreynta Shacabka Tigreega, JWXO, Ugugumo, Jabhadda Xoreynta Shacabka Binshangul iyo Jabhadda Dimuqraadiga Shacabka Gumuz. Isbahaysigu wuxuu sheegay inuu doonayo in meesha laga saaro xukuumadda Ra’iisul Wasaare Abiy Axmed, kadibna la dhiso dowlad ku-meel-gaadh ah oo loo dhan yahay, balse JWXO, ayaa sheegtay in si qaldan loo adeegsaday magaceeda oo anay kamid ahayn isbahaysiga.

DKG22ka Sebteembar 202 Hoggaamiyaha Dowlad goboleedka Koonfur Galbeed, Sheekh Aadan Maxamed Nuur (Madoobe), ayaa kulan looga hadlayay diyaar-garowga fatahaadaha iyo saameynta laga filayo roobabka El Niño kula yeeshay magaalada Baydhabo mas’uuliyiin ka tirsan dowladda federaalka iyo maamulka Koonfur Galbeed. Kulanka oo ka dhacay Madaxtooyada Koonfur Galbeed ayaa diiradda lagu saaray qorshayaasha looga hortagayo fatahaadaha, yareynta khataraha ka dhalan kara roobabka culus iyo sidii loo ilaalin lahaa nolosha iyo hantida dadka ku nool deegaannada ay suuragalka tahay inay saameeyaan daadadka.

Ugu horeeyn, Guddoomiyaha Hay’adda Maareynta Musiibooyinka Qaranka Soomaaliyeed (SoDMA), Maxamuud Macallin Cabdulle, oo safar shaqo ku jooga Baydhabo, ayaa kulanka la wadaagay xogta iyo saadaasha ugu dambeysay ee ku saabsan roobabka culus iyo fatahaadaha laga filayo qaybo ka mid ah dalka.

Guddoomiye Maxamuud Macallin Cabdulle ayaa carrabka ku adkeeyay baahida loo qabo in si degdeg ah loo dhaqan-geliyo qorshayaasha ka-hortagga khataraha, gaar ahaan meelaha ay fatahaaduhu horey uga dhaceen.

Mas’uuliyiinta Koonfur Galbeed ayaa sidoo kale soo bandhigay qorshahooda diyaar-garowga iyo tallaabooyinka ay qaadeen si loo yareeyo saameynta fatahaadaha, iyadoo xoogga la saaray muhiimadda ay leedahay in tallaabooyin hore la qaado ka hor inta aysan xaaladdu noqon musiibo.

Sheekh Aadan Madoobe ayaa ku baaqay in la xoojiyo wada-shaqeynta iyo isku-duwidda hay’adaha dowladda, SoDMA iyo hay’adaha samafalka, si loo hubiyo in agabka iyo adeegyada gurmadka ay diyaar u yihiin dadka ay saameyn karaan roobabka iyo fatahaaduhu.

Kulankan ayaa imanaya xilli hay’adaha dowladda Soomaaliya ay kordhinayaan diyaar-garowga la xiriira saadaasha roobabka culus iyo khatarta fatahaadaha, kuwaas oo saameyn ku yeelan kara bulshada iyo deegaannada ku dhow wabiyada iyo dhulka ay biyuhu ku fatahaan.

Muqdisho 22ka Sebteembar 2026Maamulka Waqooyi Bari Soomaaliya ayaa sheegay inuu gacanta ku dhigay saddex gaari oo xamuul ah oo ka yimid dekedda Berbera, kuwaas oo marayay waddada isku xirta Burco iyo Laascaanood. Wasiirka Amniga Waqooyi Bari, Cabdirisaaq Faarax Warsame (Cabdi Dheere), ayaa sheegay in ciidamada maamulka ay qabteen sagaal qof oo watay gaadiidka, isla markaana ay weli hayaan gawaarida.

Wasiirku wuxuu sheegay in dhacdadu ay dhacday fiidnimadii 20-ka September, xilli gaadiidku soo galay meel ay ciidamada maamulka deggan yihiin.

Wuxuu sheegay in waddadaasi ay muddo dheer xirnayd, ayna ahayd marin aan si caadi ah loo adeegsan tan iyo dagaalladii ka dhacay Goojacadde.

“Waa la qabtay ciidankii watayna waa sagaal nin, gaadiidkiina gacanta ayaa lagu hayaa,” ayuu yiri Wasiirka Amniga Waqooyi Bari.

Cabdirisaaq Faarax ayaa sheegay in dadka la qabtay loo gudbin doono sharciga, iyadoo la eegayo waxa ay ka qabaan hay’adaha amniga iyo garsoorka.

Dhanka kale, wasiirku wuxuu si adag uga hadlay cid kasta oo isku dayda inay isticmaasho waddadaas iyadoo aan oggolaansho laga haysan maamulka Waqooyi Bari.

Wuxuu sheegay in maamulka uu ka warqabay dhaqdhaqaaqyada la xiriira gaadiidka iyo dadka soo marayay waddada, isagoo ciidamada ku ammaanay inay diyaar u yihiin sugidda amniga.

“Ma hurudno, habeen iyo maalinba waan soo jeednaa,” ayuu yiri wasiirku, isagoo fariin u diray kooxaha uu ku sheegay inay isku dayayaan inay waddadaas adeegsadaan.

Wasiirku wuxuu sidoo kale sheegay in waddada loo furi karo dadka Soomaaliyeed marka la helo is-afgarad iyo in la aqoonsado waxa uu ku tilmaamay xaqa iyo jiritaanka maamulka Waqooyi Bari.

Muqdisho 22ka Sebteembar 2026 Wasiirka Degaanka iyo isbadalka Cimilada ee Soomaaliya Bashiir Goobe ayaa ka digay xaalad halis ah oo ka dhalatay biyaha roobka ee ku fatahay qaar ka mid ah xaafadaha Muqdisho, isagoo sheegay in laba qof ay ku dhinteen meel uu sheegay inay biyuhu ku uruureen, isla markaana haddii aan tallaabo degdeg ah la qaadin ay xaaladdu kasii dari karto. Wasiirka ayaa sheegay in biyaha ku fatahay deegaanka ay la xiriiraan marinno biyo-mareenno ah oo uu sheegay in la xiray, taas oo keentay in biyihii roobka ay ku ururaan xaafadaha iyo guryaha ku dhow.

“Laba qof baa ku dhintay meeshaas,” ayuu yiri Wasiir Goobe, isagoo tilmaamay in xaaladda ay hadda marayso heer ay suuragal tahay in dadka xaafaddaasi ay doomo u adeegsadaan isku-socodka haddii aan xal degdeg ah loo helin.

Wuxuu sheegay in haddii biyaha loo sameeyo marin ay uga gudbaan deegaanka, ay suurtagal tahay in biyaha ku ururay xaafadaha ay si dabiici ah uga baxaan.

Wasiirka ayaa sidoo kale ku baaqay in maamulka Gobolka Banaadir uu qaado tallaabo degdeg ah oo lagu furayo ama wax looga beddelayo meelaha uu sheegay inay biyaha celinayaan.

“Gobolku waa inuu tallaabo ka qaadaa, uuna ganaaxa meeshaas biya celisa laga qaado,” ayuu yiri, isaga oo soo jeediyay in dib-u-habeyn lagu sameeyo waddooyinka ama meelaha biyuhu maraan si loo helo marin ku filan oo biyaha roobka looga saaro deegaanka.

Wuxuu intaas ku daray in haddii aan xal loo helin dhibaatada, dadka ku nool xaafadaha ay saameeyeen biyuhu ay wajihi karaan khatar sii kordheysa, gaar ahaan guryaha ku dhex yaalla meelaha biyuhu ku uruureen.

Goobe ayaa ka digay in haddii xaaladda aan wax laga qaban ay dhici karto in dadka deegaanka ay qasab ku noqoto inay ka guuraan xaafadaha ay biyuhu fataheen, isagoo xusay in dadka ku nool agagaarka safaaradda Turkiga iyo dhismayaasha kale ee deegaanka ay si gaar ah ugu nugul yihiin xaaladda.

Hadallada Wasiirka ayaa kusoo aadaya xilli roobab xooggan ay saameeyeen qeybo ka mid ah Muqdisho, iyadoo biyaha roobka ay sababeen fatahaado, xannibaad waddooyin ah iyo dhibaatooyin soo gaaray dadka ku nool meelaha biyo-mareennadu aysan si wanaagsan uga shaqeyn.

Muqdisho 22ka Sebteembar 2026 Madaxweynaha Soomaaliya Xasan Sheekh Maxamuud ayaa gaaray magaalada New York ee dalka Mareykanka, si uu uga qeybgalno kalfadhiga 81-aad ee Golaha Guud ee Qaramada Midoobay, sida lagu sheegay war kasoo baxay Howlgalka Qaramada Midoobay ee Soomaaliya. Sida uu sheegay Howlgalka Qaramada Midoobay ee Soomaaliya, ajandaha madaxweynaha Soomaaliya inta uu ku sugan yahay New York waxaa ka mid ah horumarinta dalka, maalgashiga iyo la-dagaallanka xagjirnimada ee Geeska Afrika.

Doodda guud ee heerka sare ee Golaha Guud ee Qaramada Midoobay ayaa bilaabanaysa 22-ka Sebtembar, waxayna soconaysaa illaa 28-ka bisha.

Hal-ku-dhegga kalfadhigan ayaa ah “Soo celinta kalsoonida, maaraynta isbeddelka: Qaramada Midoobay oo wax u qabata dhammaan.”

Golaha Guud ee Qaramada Midoobay ayaa sanad kasta isu keena madaxda dowladaha iyo kuwa xukuumadaha, kuwaas oo soo bandhiga mowqifyada iyo mudnaanta dalalkooda ee ku aaddan arrimaha caalamka.

Soomaaliya ayaa xilligan ku jirta sannadkii labaad ee xubinnimadeeda aan joogtada ahayn ee Golaha Ammaanka ee Qaramada Midoobay. Xubinnimada Soomaaliya ayaa bilaabatay 1-da Janaayo 2025, waxayna soconaysaa illaa dhammaadka sannadka 2026

Inta uu socdo kulanka Golaha Guud, waxaa sidoo kale jira shirar iyo kulamo looga hadlayo horumar waara, isbeddelka cimilada, u-diyaargarowga cudurrada faafa iyo xaqa horumarka.

Howlgalka Qaramada Midoobay ee Soomaaliya ayaa sheegay in kulamadan ay dowladuhu kaga wada hadli doonaan iskaashiga ku saabsan caqabadaha dhaqaale, bulsho iyo deegaan ee dunida.

WARARKA MAANTA 210ka Sebteembar 2026 

Su’aalaha Maanta: Yaa burburiyey jiritaankii Dowladda #Somalia Madaxweyne hore Mudane Xassan Shiikh “Dhuuso-Fooxiye”? Maxay #Puntland ku dhawaaqday? Yaa noqon doona Raysal Wasaare cusub kadib xisbiga #JSP oo raba xunka dalka inay si sharci-darro ku sii joogaan? Maxuu kashiay Madaxweyne hore Mudane Shiikh Shariif oo runta ka sheegay Madaxweyne hore Mudane Xassan Shiikh oo fashil iyo xukun xoog raba inuu Madaxtooyada ku joogo? Maxuuse Madaxweyne hore Xassan waxba uga qaadi waayi #Somaliland, #Puntland Iyo #Jubbaland? Yaase boobsay shacabka #Muqdisho? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 21ka Sebteembar 2026 Wasiirka Gaashaandhigga Xukuumadda Federaalka Soomaaliya, Mudane Axmed Macallin Fiqi, ayaa xafiiskiisa ku qaabilay wafdi saraakiil Turki ah oo uu hoggaaminayey Taliyaha Dugsiga Tababarka Ciidamada ee TURKSOM, General Sabahattin Kalkan. 

Muqdisho 21ka Sebteembar 2026 Guddoomiyaha Guddiga Maaliyadda Aqalka Sare Sanatar  Cabdi Axmed Dhuxulow (Dhagdheer) oo Sanatarrada Aqalka Sare ka hor jeediyay warbixinta akhrinta saddexaad ee Hindise-sharciyeedka dhismaha Hay’adda dhakhliga. 

Muqdisho 21ka Sebteembar 2026 Waxaan maanta shir guddoomiyey kalfadhiga 8-aad, kulankiisa 17-aad oo aan ku dhameystirnay dooda la xiriirta dhibaatada Burcad Badeedda iyo saameynta ay ku yeelatay Bulshada Soomaaliyeed  

New York 21ka Sebteembar 2026 Madaxweyne Xasan Sheekh ayaa iska diiday inuu salaanta ka qaado Cabdiraxmaan Cirro, oo ku sugan magaalada New York ee dalka Mareykanka.

Madaxweyne Xasan Sheekh ayaa New York u tagay ka-qaybgalka shirka Qaramada Midoobay oo ka furmaya magaaladaasi.

Cabdiraxmaan Cirro ayaa isna ku sugan New York, halkaas oo uu u tegay dalxiis

Masar 21ka Sebteembar 2026 Madaxweynaha dalka Masar Abdel Fattah el-Sisi ayaa sheegay in dalkiisu si buuxda u taageerayo dadaallada lagu xoojinayo amniga iyo xasilloonida Soomaaliya, isagoo si cad uga horyimid tallaabo kasta oo wax u dhimaysa madax-bannaanida, midnimada iyo wadajirka dhuleed ee Soomaaliya. El-Sisi ayaa hadalkan sheegay maanta xilli uu Qaahira kula kulmay madaxa Hay’adda Sirdoonka Dhexe ee Mareykanka (CIA), John Ratcliffe. Kulanka waxaa sidoo kale ka qeyb galay madaxa Sirdoonka Guud ee Masar, Hassan Rashad.

Ratcliffe ayaa dhankiisa sheegay in Mareykanku uu qadarinayo doorka Masar ee taageerada amniga iyo xasilloonida Afrika. Waxa uu carrabka ku adkeeyay muhiimadda ay leedahay in labada dal ay sii wadaan wada-shaqeynta iyo is-dhaafsiga xogta, gaar ahaan xaaladda Suudaan, horumarrada Soomaaliya iyo Geeska Afrika, iyo amniga maraakiibta caalamiga ah.

Sida laga soo xigtay dhinaca Masar, wada-shaqeyntaas ayaa diiradda lagu saarayaa wax ka qabashada caqabadaha amni iyo kuwa juqraafi-siyaasadeed, ururrada argagixisada iyo dambiyada abaabulan, iyo sidoo kale xoojinta iskaashiga sirdoonka.

Kulanka Sisi iyo Ratcliffe ayaa sidoo kale looga hadlay xiriirka istiraatiijiga ah ee Masar iyo Mareykanka iyo xaaladaha ka jira Bariga Dhexe, oo ay ku jiraan dagaalka Iran, qorshaha xabbad-joojinta Gaza, arrinta Falastiin iyo dagaalka Suudaan.

Masar ayaa muddooyinkii dambe si joogto ah u muujisay taageeradeeda ku aaddan midnimada iyo madaxbannaanida Soomaaliya, iyadoo sidoo kale sheegtay inay ka qeyb qaadanayso dadaallada amniga iyo xasillinta Soomaaliya.  

Muqdisho 21ka Sebteembar 2026 Wasaaradda Caafimaadka iyo Daryeelka Bulshada ee Soomaaliya ayaa hay’adaha caafimaadka dowladda ku amartay in aan la qaadin tallaabooyin maamul oo wax ka beddelaya xilalka iyo qaab-dhismeedka shaqaalaha, inta laga soo saarayo habraacyada rasmiga ah ee dib-u-habaynta shaqaalaha dowladda. Amarkan ayaa ku socda Hay’adda Maaraynta Daawada iyo Agabka Caafimaadka Soomaaliyeed, Machadka Caafimaadka Qaranka, Golaha Mihnadlayaasha Caafimaadka Qaranka iyo Hay’adda Caymiska Caafimaadka Qaranka.

Wasaaraddu waxay sheegtay in amarka uu yahay dhaqan-gelin ku saabsan awaamiir uu Ra’iisul Wasaaraha Soomaaliya soo saaray 17-kii Sebtembar 2026, iyo warqad ka soo baxday Guddiga Qaran ee Shaqaalaha Rayidka oo ku taariikhaysan 19-kii Sebtembar.

Warqadda wasaaradda ayaa si gaar ah u sheegaysa in hay’adaha aysan qaadin xil-ka-qaadis, beddelid, wareejin ama magacaabis cusub oo carqaladayn karta hannaanka dib-u-habaynta shaqaalaha dowladda.

Madaxda hay’adaha caafimaadka ayaa sidoo kale lagu amray inay ilaaliyaan xaaladda maamul ee hadda jirta, ayna ka fogaadaan tallaabo kasta oo wax ka beddeli karta xilalka iyo qaab-dhismeedka shaqaalaha.

Wasaaradda ayaa sheegtay in haddii ay soo baxdo baahi loo qabo tallaabo maamul oo lama huraan ah, marka hore loo soo gudbiyo Wasaaradda Caafimaadka iyo Daryeelka Bulshada, si loo hubiyo inay waafaqsan tahay amarka Ra’iisul Wasaaraha iyo awaamiirta Guddiga Qaran ee Shaqaalaha Rayidka.

Amarka ayaa dhaqan galay laga bilaabo 20-ka Sebtembar 2026, sida ku cad warqadda uu saxiixay Wasiirka Caafimaadka iyo Daryeelka Bulshada, Dr. Ali Haji Adam Abubakar.

Puntland 21ka Sebteembar 2026 Ciidamada ammaanka Puntland ayaa magaalada Gaalkacyo ku qabtay, sida ay sheegeen saraakiil ciidan, ku dhowaad 130 askari iyo saraakiil ka tirsan ciidamada dowladda Federaalka Soomaaliya. Saraakiisha ayaa sheegay in ciidamada lagu qabtay laba gaari oo nooca B.G ah, kuwaas oo ay sheegeen inay ka soo tallaabeen dhanka Galmudug, islamarkaana ay galeen qaybta waqooyi ee magaalada Gaalkacyo ee ay Puntland maamusho.

Sida ay saraakiishu sheegeen, ciidamada la qabtay ayaa ahaa askar cusub oo lagu soo tababaray gobolka Galgaduud, waxaana la sheegay inay ku sii jeedeen xerada Xananbuure oo dowladda Federaalka ay ku leedahay Galmudug.

Saraakiishu waxay sheegeen in aan weli si rasmi ah loo caddeyn sababta ay ciidamadaasi ugu soo galeen waqooyiga Gaalkacyo, balse xogaha laga helayo dhinaca ammaanka ayaa tilmaamaya in labada gaari ay ka habaabeen waddadii ay ku socdeen.

“Ciidankii saarnaa labada baabuur waxay gaarayeen 130 askari iyo saraakiil isugu jirta,” ayuu yiri sarkaal ka tirsan ciidamada Puntland, oo ka hadlay qabashada ciidamada.

Labada gaari iyo ciidamada la socday ayaa sida ay saraakiishu sheegeen hadda ku jira gacanta ciidamada ammaanka Puntland ee gobolka Mudug.

Dhacdadan ayaa kusoo beegmeysa xilli uu jiro khilaaf siyaasadeed oo u dhexeeya Puntland iyo dowladda Federaalka, iyadoo arrimaha la xiriira ciidamada iyo dhaqdhaqaaqooda ay ka mid yihiin qodobada xasaasiga ah ee labada dhinac ku kala aragti duwan yihiin.

Muqdisho 21ka Sebteembar 2026 Madaxweynaha Soomaaliya Xasan Sheekh Maxamuud ayaa magaalada Muqdisho ku qaabilay wafdi sare oo ka socday Ciidanka Cirka Pakistan, iyadoo labada dhinac ay ka wada hadleen horumarinta Ciidanka Cirka Soomaaliya iyo xoojinta iskaashiga dhinaca difaaca. 

Wafdiga Pakistan waxaa hoggaaminayay Air Marshal Muhammad Sarfraz, Taliyaha Difaaca Cirka ahna Taliye Ku-xigeenka Ciidanka Cirka Pakistan.

Kulanka, oo ka dhacay Madaxtooyada Soomaaliya, waxaa sidoo kale ka qayb galay Wasiirka Gaashaandhigga Axmed Macallin Fiqi, Taliyaha Ciidanka Xoogga Dalka Sareeye Guuto Ibraahim Maxamed Maxamuud iyo Taliyaha Ciidanka Cirka Soomaaliya Sareeye Guuto Cabdirisaaq Maxamuud Xaaji.

Sida lagu sheegay war kasoo baxay Wasaaradda Gaashaandhigga Soomaaliya, wada-hadalladu waxay diiradda saareen dib-u-dhiska iyo tayeynta Ciidanka Cirka Soomaaliya, kordhinta awooddiisa hawlgal, iyo horumarinta aqoonta iyo tababarka ciidamada.

Labada dhinac ayaa sidoo kale ka hadlay xoojinta iskaashiga difaaca ee Soomaaliya iyo Pakistan, iyadoo dowladda Soomaaliya ay sheegtay in iskaashiga noocan ahi qayb ka yahay qorshayaasha lagu dhisayo laguna horumarinayo ciidamada qalabka sida.Madaxweyne Xasan Sheekh ayaa kulanka ku adkeeyay muhiimadda xiriirka saaxiibtinimo ee Soomaaliya iyo Pakistan, isagoo sheegay in iskaashiga difaacu uu gacan ka geysan karo dhismaha awoodda Ciidanka Xoogga Dalka iyo xoojinta amniga, madaxbannaanida iyo midnimada Soomaaliya.

Booqashada wafdiga Pakistan ayaa ku soo beegmaysa xilli Soomaaliya ay waddo dadaallo lagu dib loogu dhisayo Ciidanka Cirka, iyadoo sidoo kale raadineysa iskaashi caalami ah oo lagu horumarinayo awoodda dalka ee ilaalinta hawadiisa iyo difaaca cirka.

Pakistan iyo Soomaaliya ayaa horey uga wada hadlay iskaashiga ciidamada cirka. Saraakiil ka kala socotay labada dal ayaa magaalada Islamabad ku kulmay 2020, iyagoo ka wada hadlay tababarro iyo taageero la xiriirta horumarinta Ciidanka Cirka Soomaaliya.

WARARKA MAANTA 19ka Sebteembar 2026 

Su’aalaha Maanta: Maxuu kashiay Madaxweyne hore Mudane Shiikh Shariif oo runta ka sheegay Madaxweyne hore Mudane Xassan Shiikh oo fashil iyo xukun xoog raba inuu Madaxtooyada ku joogo? Maxuuse Madaxweyne hore Xassan waxba uga qaadi waayi #Somaliland, #Puntland Iyo #Jubbaland? Yaase boobsay shacabka #Muqdisho? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Maraykanka 19ka Sebteembar 2026 Dowladda Maraykanka ayaa oggolaatay in Qaramada Midoobay ay muddo hal sano ah oo dheeraad ah ku soo afjarto taageerada saadka ee ay siiso howlgalka Midowga Afrika ee Soomaaliya, AUSSOM, iyadoo mustaqbalka taageerada howlgalka uu weli mugdi ku jiro.  Sida ay Reuters sheegtay, muddada kala-guurka ayaa bilaabanaysa Jannaayo 2027, taas oo Qaramada Midoobay siinaysa waqti ay si tartiib ah ugu yareyso una soo afjarto hawlaha taageerada saadka ee AUSSOM.

Qaramada Midoobay, oo adeegsanaysa Xafiiska Taageerada Qaramada Midoobay ee Soomaaliya (UNSOS), ayaa AUSSOM u fidisa adeegyo muhiim ah oo ay ka mid yihiin shidaalka, cuntada, caafimaadka, gaadiidka, isgaarsiinta, injineernimada iyo duulista.

Hase yeeshee, Maraykanka ayaa sheegay inuusan sii maalgelin doonin howlgalka UNSOS, oo miisaaniyaddiisu ku dhowdahay 500 milyan oo dollar sanadkii, iyadoo aan weli la helin hannaan kale oo si buuxda u beddela taageerada Qaramada Midoobay. 

AUSSOM waxaa loo sameeyay in uu taageero dadaallada Soomaaliya ee la xiriira amniga iyo xasilinta dalka, iyadoo Qaramada Midoobayna ay sii waddo taageerada saadka ee howlgalka. Golaha Ammaanka ee Qaramada Midoobay wuxuu muddada hadda jirta ee AUSSOM iyo taageerada UNSOS ku saleeyay Qaraarka 2809, oo dhigaya dhammaadka 31-ka December 2026. 

Go’aanka cusub ayaa AUSSOM, Soomaaliya iyo dalalka ciidamada ku biiriya siinaya waqti dheeraad ah oo ay ugu diyaargaroobaan isbeddelka ku imanaya nidaamka taageerada saadka.

Si kastaba, weli lama caddeyn sida loo beddeli doono nidaamka ballaaran ee ay UNSOS hadda bixiso marka muddada kala-guurka ahi dhammaato, arrintaas oo muhiim u noqon karta awoodda ciidamada Soomaaliya iyo AUSSOM ee fulinta hawlgallada ka dhanka ah Al-Shabaab. 

Go’aanka Maraykanka ayaa sidaas darteed siinaya howlgalka waqti dheeraad ah, balse ma aha kordhin joogto ah oo lagu sii wado taageerada Qaramada Midoobay. 

Maraykanka 19ka Sebteembar 2026 Madaxweynaha MaamulkaSomaliland, Cabdiraxmaan Maxamed Cabdillaahi (Cirro), ayaa xarunta Capitol Hill ee Washington, D.C., kulan kula yeeshay Senator Ted Cruz oo ka tirsan Aqalka Senate-ka Maraykanka, kaasi oo taageera qadiyada Somaliland. Sida lagu sheegay war kasoo baxay Afhayeenka Madaxweynaha Somaliland, kulanka ayaa looga hadlay arrimaha la xidhiidha aqoonsiga Somaliland, xidhiidhka Somaliland iyo Maraykanka, iyo fursadaha iskaashi ee dhinacyada amniga, dhaqaalaha iyo xasilloonida gobolka.

Kulanka waxaa sidoo kale lagu soo hadal qaaday muhiimadda juqraafiyeed ee Somaliland iyo doorka ay ku leedahay amniga Geeska Afrika, Gacanka Cadmeed iyo Badda Cas, sida lagu sheegay bayaanka.

Afhayeenka Madaxweynaha ayaa sheegay in Madaxweyne Cirro uu uga mahadceliyey Senator Cruz mowqifyadiisa hore ee ku aaddan Somaliland iyo doorkiisa uu arrinta Somaliland kaga hadlay gudaha siyaasadda Maraykanka.

Senator Ted Cruz ayaa hore uga hadlay arrinta aqoonsiga Somaliland. Bishii August 2025, waxa uu maamulka Madaxweyne Donald Trump ugu baaqay inuu Somaliland u aqoonsado dal madax-bannaan, isaga oo ku sababeeyey aragtidiisa ku aaddan danaha amni iyo istiraatiijiyadeed ee Maraykanka.

Madaxweyne Cirro, sida lagu sheegay bayaanka, waxa uu sheegay in Somaliland ay doonayso xidhiidh ay la yeelato Maraykanka oo ku salaysan dano-wadaag, iskaashi iyo masuuliyad la wadaago, halkii uu ku salaysnaan lahaa kaalmo ama ku-tiirsanaan.

Kulanka ayaa ka mid ahaa kulamada uu Madaxweyne Cirro iyo weftigiisu ku leeyihiin Washington, iyadoo xukuumadda Somaliland ay halkaas ka waddo kulamo ay la yeelanayso siyaasiyiin iyo masuuliyiin Maraykan ah.

Afhayeenka Madaxweynaha Somaliland, Xuseen Aadan Cige (Deyr), ayaa sheegay in weftigu ay sii wadi doonaan kulamada diblomaasiyadeed ee Washington, D.C., kuwaas oo, sida uu sheegay, looga hadlayo danaha iyo mowqifka Somaliland.

Muqdisho 19ka Sebteembar 2026 Taliyihii hore ee Ciidanka Asluubta Soomaaliya, General Mahad Cabdiraxmaan oo loo yaqaan “Shub”, ayaa faahfaahin ka bixiyay duqeyn uu sheegay inay ka dhacday guri uu ka deganaa degmada Doolow ee gobolka Gedo, isaga oo sheegay in laba gantaal lagu dhuftay halka uu xilligaas ku sugnaa. General Mahad ayaa sheegay in dhacdadu ay dhacday habeen, xilli uu hurday, balse uu soo kacay kaddib markii uu maqlay qarax xooggan iyo diyaaraddii uu sheegay inuu arkay oo dusha ka maraysay guriga.

Sida uu sheegay, laba gantaal ayaa ku dhacay guriga, mid ka mid ahna uu ku dhacay qeybtii uu isagu jiifay. Wuxuu sheegay in dhismaha gurigu uu si weyn u burburay, iyadoo darbiyo, saqaf iyo qeybihii kale ee dhismaha ay waxyeello soo gaartay.

“Hal gantaal ayaa igu dhacay, mar labaadna mid kale ayaa yimid. Labada gantaal waxay ku dhaceen meesha aan jiifay,” ayuu yiri General Mahad, isaga oo tilmaamay in uu dhaawac ka soo gaaray firir ka dhashay qaraxa.

General Mahad ayaa sheegay in kaddib weerarka isaga iyo dad kale oo goobta ku sugnaa ay guriga isaga soo baxeen, waxaana uu sheegay in dhaawacyada loo qaaday isbitaalka degmada Doolow. Wuxuu xusay in ciidamo iyo mas’uuliyiin deegaanka ah ay u gurmadeen, isla markaana habeenkaas lagu daweeyay isbitaalka.

Wuxuu sheegay in markii waagu baryay uu dib u arkay gurigii uu deganaa, isagoo tilmaamay inuu burbur xooggan gaaray, isla markaana ay waxyeello soo gaartay xitaa qeybihii kale ee guriga iyo agagaarkiisa.

Qeyb kale oo ka mid ah wareysi uu bixiyay, General Mahad wuxuu ka hadlay dhacdooyin uu sheegay inay ka horreeyeen duqeynta. Wuxuu sheegay inuu dareemay dhaqdhaqaaqyo aan caadi ahayn oo ku saabsan qaar ka mid ah dadka ku hareeraysnaa, isaga oo xusay in uu arkayay qof marar badan meelaha qaar taleefan kula hadlaya.

Waxa uu sidoo kale sheegay in qaar ka mid ah dadkii uu la socday ay markii dambe ka tageen deegaanka, halka qaar kalena ay u kala gudbeen Baydhabo iyo Muqdisho.

General Mahad wuxuu sheegay in markii uu Doolow yimid uu kulamo iyo xiriirro kala duwan yeeshay, isagoo xusay in dhacdooyinkaas ay isaga ku abuureen shaki ku saabsan xog uu sheegay in loo gudbinayay dhinacyo kale.

Si kastaba, sheegashooyinka uu General Mahad ka bixiyay cidda ka dambeysay duqeynta iyo xiriirka ay la lahaayeen dadka uu sheegay inuu ka shakiyay si madax-bannaan looma xaqiijin.

General Mahad Cabdiraxmaan ayaa muddo soo ahaa Taliyaha Ciidanka Asluubta Soomaaliya, waxaana hadalkiisa ku saabsan duqeynta Doolow uu ku sheegay in weerarku dhacay xilli uu isaga iyo dad kale ku sugnaayeen guriga.

Dowladda Soomaaliya ayaa iska fogeeysay in wixii ka dhacay Guriga General Shub ay ahaayeen duqeymo cirka ah balse ku tilmaamay waxyaaba qarxa oo Guriga lagu diyaarinayay.

Illaa iyo hadda ma jirto baariraan rasmi ah oo sheegashooyinka labada dhinac ka madax banaan oo xaqiijinaya waxa ka dhacay Doolow.

ICG 19ka Sebteembar 2026 Warbixin cusub oo ay soo saartay International Crisis Group (ICG) ayaa sheegtay in Soomaaliya ay wajahayso kala-guur weyn oo dhinaca amniga ah, kaddib markii Mareykanku muujiyay inuusan doonayn in taageerada Qaramada Midoobay ee howlgalka Midowga Afrika ay sii socoto muddo dheer. Warbixintu waxay sheegtay in Mareykanku uu bishii Luulyo Midowga Afrika ku wargeliyay inuusan taageerayn kordhinta muddada Xafiiska Taageerada Qaramada Midoobay ee Soomaaliya (UNSOS) wixii ka dambeeya dhammaadka muddada hadda jirta ee Diseembar 2026. Hase yeeshee, bishii Sebtembar ayay diblomaasiyiin Mareykan ah sheegeen in Washington ay tixgelinayso 12 bilood oo dheeraad ah, taas oo siinaysa dhinacyada waqti ay ugu diyaargaroobaan kala-guurka.

ICG waxay sheegtay in howlgalka Midowga Afrika ee AUSSOM uu si weyn ugu tiirsan yahay UNSOS, oo u qaabilsan sahayda cuntada, biyaha, shidaalka iyo gaadiidka, isla markaana taageera tobannaan saldhig oo ciidamada howlgalka ay ku leeyihiin koonfurta Soomaaliya.

Sida warbixintu xustay, ciidamada AUSSOM ayaa tiradoodu hoos uga dhacday ku dhowaad 22,000 askari bartamihii 2010-meeyadii ilaa qiyaastii 12,000 askari xilligan, iyadoo howlgalka uu sidoo kale wajahayo dhaqaale yari.

ICG waxay sheegtay in ciidamada Soomaaliya ay sannadihii dambe kobceen, iyadoo in ka badan 10,000 askari lagu tababaray taageero ay bixiyeen dalal ay ka mid yihiin Türkiye, Imaaraadka Carabta iyo Eritrea.

Hase yeeshee, warbixintu waxay tilmaantay in ciidamada Soomaaliya aysan weli si buuxda oo degdeg ah ula wareegi karin dhammaan mas’uuliyadaha AUSSOM, iyadoo tusaale loo soo qaatay howlgalladii ka dhacay Shabeellaha Hoose, halkaas oo ciidamada Soomaaliya ay weli ku tiirsanaayeen taageero dibadeed.

Warbixintu waxay sidoo kale sheegtay in khilaafaadka siyaasadeed ee u dhexeeya dowladda Federaalka iyo qaar ka mid ah dowlad-goboleedyada, gaar ahaan Puntland iyo Jubaland, ay caqabad ku yihiin dhismaha ciidan qaran oo mideysan.

ICG waxay sheegtay in Soomaaliya ay horey u dhistay heshiisyo amni oo laba geesood ah oo ay la leedahay Uganda, Kenya iyo Itoobiya, taas oo suuragal ka dhigaysa in ciidamo ka socda dalalkan ay sii joogaan Soomaaliya xitaa haddii AUSSOM hoos u dhaco ama uu dhammaado.

Warbixintu waxay sidoo kale tilmaantay doorka sii kordhaya ee Türkiye, oo tababaray kumannaan askari Soomaaliyeed isla markaana Soomaaliya ka taageera dhinacyada milatari, iyo Mareykanka oo sheegay inuu sii wadi doono howlgallada uu si gaar ah uga fuliyo Soomaaliya ee ka dhanka ah Al-Shabaab.

ICG waxay sheegtay in haddii taageerada UNSOS ay dhammaato, ay adkaan karto in AUSSOM ay sii waddo hawlgalkeeda qaabkii hore, Waxay xustay in meelaha qaar ee ay ciidamada AUSSOM ka baxaan ay u nuglaan karaan weerarro iyo dib-u-qabsasho ay sameeyaan Al-Shabaab, iyadoo tusaale ahaan loo soo qaatay qaybo ka tirsan Shabeellaha Hoose iyo Shabeellaha Dhexe.

Warbixintu waxay sheegtay in magaalooyin iyo waddooyin muhiim ah ay u baahan doonaan qorshe gaar ah oo lagu ilaalinayo, iyadoo ciidamada Soomaaliya iyo kuwa dalalka ay heshiisyada laba geesoodka ah la leedahay dowladda Federaalka ay door ka qaadan karaan, International Crisis Group waxay ku talisay in dowladda Soomaaliya iyo saaxiibbadeeda caalamiga ah ay si degdeg ah u diyaariyaan qorshe cusub oo amni, ka hor inta aan UNSOS si buuxda u dhammaan.

Warbixintu waxay sheegtay in iskaashi ku saleysan heshiisyo laba geesood ah uu Soomaaliya siin karo waqti ay ku xoojiso ciidamadeeda, balse uu sidoo kale leeyahay khataro haddii aan si wanaagsan loo isku dubbaridin, ICG waxay ka digtay in xiriirrada amni ee kala duwan ay keeni karaan in dalka loo kala qaybiyo aagag saameyn oo kala duwan, haddii aan la helin hannaan qaran oo mideeya ciidamada iyo qorshayaasha amni.

Ugu dambeyn, warbixintu waxay sheegtay in mustaqbalka fog xal waara uu ku xiran yahay awoodda dowladda Soomaaliya ay ku dhisan karto ciidan qaran oo si madax-bannaan u qaadi kara mas’uuliyadda amniga dalka, iyadoo sidoo kale loo baahan yahay in la xalliyo khilaafaadka siyaasadeed ee gudaha. 

Africom19ka Sebteembar 2026  AFRICOM ayaa sheegay in ay duqeyn ka fuliyeen degaano kamid ah Puntland iyagoo bartilmaameedsaday bakhaar lagu keydiyo hubka caadiga ah oo ay leedahay Al-Shabaab. Duqeyntan ayaa ka dhacday gobolka Sanaag, gaar ahaan qiyaastii 80 KM koonfur-galbeed magaalada Boosaaso, sida lagu sheegay war-saxaafadeedka AFRICOM.

AFRICOM waxay sheegtay in howlgalka uu dhacay iyadoo lala kaashanayo Dowladda Federaalka Soomaaliya iyo Ciidamada Xoogga Dalka Soomaaliyeed, iyadoo ujeeddadu tahay in la wiiqo awoodda Al-Shabaab ee ay ugu hanjabi karto ciidamada Mareykanka iyo muwaadiniintiisa dibadda.

Taliska Mareykanka ayaa sidoo kale sheegay in aan la shaacin doonin faahfaahinta ciidamada iyo diyaaradaha loo adeegsaday duqeynta, sababo la xiriira amniga howlgallada.

Si kasta ha ahaatee, Maraykanka ma sheegin khasaaraha ka dhashay howlgalkan, inkastoo uu qaatay siyaasad ku saabsan inuusan shaacin khasaaraha ka dhashay howlgalladiisa.

Dhawaan ayay ahayd markii Puntland ay sheegtay in howlgalka lagu fuliyay iyadoo lala kaashanayo hay’adaheeda ammaanka, inkastoo Maraykanka uu haatan shaaciyay inuu la kaashaday Dowladda Federaalka Soomaaliya.

Maraykanka ayaa muddo sanad ka badan si joogto ah Puntland uga taageerayay dagaalka ka dhanka ah Daacish. 

Muqdisho 19ka Sebteembar 2026 Waxaa maanta magaalada Muqdisho ka furmay shir ay soo qabanqaabisay Hay’adda Aqoonsiga iyo Diiwaangelinta Qaranka (NIRA), kaas oo lagu soo gabagabeynayo Toddobaadka Aqoonsiga 2026, laguna xusayo Maalinta Caalamiga ah ee Aqoonsiga.

Shirka waxaa ka qeyb galay masuuliyiin ka tirsan hay’adaha dowladda, qeybaha kala duwan ee bulshada iyo marti sharaf kale.

Munaasabadda ayaa diiradda lagu saarayaa muhiimadda aqoonsiga, ka-qaybgalka bulshada iyo doorka aqoonsiga qaranka ee horumarinta adeegyada bulshada

WARARKA MAANTA 18ka Sebteembar 2026 

Su’aalaha Maanta: Maxuu ninkii Soomaali heshiis ah dunnidda la heeshiis ah yiri Madaxweyne hore Xassan oo maanta xitaa abtiyadiis Xawaadle aan la heshiis ahayn? Maxaa loo dulminayaa Digil Iyo Mirifle Madaxbanaanidooda? Maxuuse Madaxweyne hore Xassan waxba uga qaadi waayi #Somaliland, #Puntland Iyo #Jubbaland? Yaase boobsay shacabka #Muqdisho? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Aserbajan 18ka Sebteembar 2026 Safiirka Jamhuuriyadda Federaalka Soomaaliya ee Dalka Azerbaijan, Danjire Cabdinuur Daahir Fiidoow ayaa magaalada Baku kaga qeybgalay munaasabadda 15-sano guurada Hay’adda Horumarinta Caalamiga ah ee Azerbaijan (AIDA), isagoo qeyb ka ahaa dood-wadaag ku saabsan iskaashiga horumarineed iyo gargaarka bani’aadannimo.

Danjire Cabdinuur Daahir Fiidoow ayaa munaasabadda ka sheegay muhiimadda xoojinta iskaashiga Soomaaliya iyo Azerbaijan, gaar ahaan dhinacyada waxbarashada, caafimaadka, tiknoolajiyadda, beeraha iyo dhisidda awoodda hay’adaha, isagoo sidoo kale xusay horumarka Soomaaliya ka sameyneyso dib-u-dhiska hay’adaha iyo kobcinta dhaqaalaha.

Sidoo kale, Wasiirka Arrimaha Dibadda Dalka  Azerbaijan mudane Jeyhun Bayramov, ayaa ugu dambeyn shahaado sharaf guddoonsiiyay arday Soomaaliyeed oo ka mid ah ardayda Barnaamijka Deeqda Waxbarasho ee Heydar Aliyev ku jooga dalkaas, ka dib horumar muuqda iyo guulo la taaban karo oo ay gaareen.

Muqdisho 18ka Sebteembar 2026  Dowladda Soomaaliya ayaa maanta si rasmi ah u soo gabagabeysay hawshii Xafiiska Xuquuqul Insaanka Qaramada Midoobay ee Soomaaliya, kaas oo hoos imanayay Hawlgalka Kaalmaynta Qaramada Midoobay ee Soomaaliya (UNTMIS), iyadoo dowladda ay sheegtay inay si buuxda ula wareegtay mas’uuliyadda ajandaha xuquuqul insaanka ee dalka. Tallaabadan ayaa soo afjareysa marxalad muddo dheer socotay oo Qaramada Midoobay ay Soomaaliya ka taageeraysay ilaalinta, horumarinta iyo u doodista xuquuqul insaanka, iyadoo mas’uuliyadda hawlahaasi ay hadda si toos ah ugu wareegayso hay’adaha dowladda Soomaaliya.

Wasaaradda Qoyska iyo Horumarinta Xuquuqul Insaanka ee Soomaaliya ayaa sheegtay in geeddi-socodka lagu soo afjaray hawsha xafiiska uu ka dhashay wada-hadallo iyo dadaallo ay dowladda Soomaaliya ka wadday Muqdisho, Geneva iyo New York.

Wasiirka Wasaaradda Qoyska iyo Horumarinta Xuquuqul Insaanka, Ambassador Khadiija Maxamed Al-Makhzoumi, ayaa hormuud ka ahayd dadaallada lagu xoojinayo lahaanshaha qaran ee ajandaha xuquuqul insaanka, iyadoo ay ka qeyb qaateen mas’uuliyiin, khubaro iyo shaqaalaha wasaaradda.

Dowladdu waxay sheegtay in go’aannada lagu xoojinayo hay’adaha qaranka, horumarka Soomaaliya ee Golaha Xuquuqul Insaanka Qaramada Midoobay iyo awoodda Guddiga Madaxa-bannaan ee Xuquuqul Insaanka Qaranka ay qeyb ka ahaayeen sababaha keenay in mas’uuliyadda si tartiib ah loogu wareejiyo hay’adaha Soomaaliyeed.

Sidoo kale, Shirweynihii Qaran ee Xuquuqul Insaanka ee Maarso 2025 ayaa lagu tilmaamay inuu door ka qaatay dejinta aragti qaran oo ku saabsan ilaalinta iyo horumarinta xuquuqul insaanka.

Dowladda Soomaaliya ayaa sheegtay in xiritaanka xafiiska Qaramada Midoobay uusan ka dhignayn in la soo afjaray shaqada xuquuqul insaanka, balse uu yahay bilowga marxalad cusub oo hay’adaha Soomaaliyeed ay si toos ah u qaadanayaan masuuliyadda ilaalinta iyo horumarinta xuquuqda muwaadiniinta.

Mas’uuliyadda cusub ayaa la imanaysa baahida loo qabo in hay’adaha qaranku xoojiyaan awooddooda, isla-xisaabtanka iyo u hoggaansanaanta waajibaadka dastuuriga ah iyo heshiisyada caalamiga ah ee Soomaaliya.

Dowladda ayaa tallaabadan ku tilmaantay marxalad cusub oo Soomaaliya ay si weyn ugu yeelanayso lahaanshaha iyo hoggaaminta ajandaha xuquuqul insaanka, iyadoo taageerada caalamiga ah lagu wajahayo xoojinta awoodda hay’adaha qaranka.

Soomaaliya Iyo Pakistab 18ka Sebteembar 2026  Wafdi heer sare ah oo ka socday Soomaaliya ayaa soo gabagabeeyay booqasho 10 maalmood ah oo uu ku tagay Pakistan, taas oo looga gol lahaa in Soomaaliya ay wax ka barato khibradda Pakistan ee dhijitaaleynta adeegyada dadweynaha iyo sidii loo horumarin lahaa adeegyada dhijitaalka ah ee dowladda. Wafdiga waxaa hoggaaminayay Abdiwali Ali Abdulle, Agaasimaha Guud ee Hay’adda Aqoonsiga iyo Diiwaangelinta Qaranka Soomaaliya (NIRA), waxaana ka mid ahaa mas’uuliyiin sare oo ka socday NIRA, Wasaaradda Maaliyadda, Bangiga Dhexe ee Soomaaliya iyo hay’ado kale oo maaliyadeed iyo kuwa horumarineed.

Booqashada ayaa si wadajir ah waxaa u soo qabanqaabiyay xafiisyada Soomaaliya iyo Pakistan ee Barnaamijka Horumarinta Qaramada Midoobay (UNDP).

Intii uu socday barnaamijku, mas’uuliyiinta Soomaaliya waxay kulamo la yeesheen hay’adaha Pakistan ee ka shaqeeya aqoonsiga dhijitaalka ah, dowladnimada dhijitaalka ah, ilaalinta bulshada, canshuuraha, lacag-bixinta dhijitaalka ah iyo adeegyada muwaadiniinta.

Wafdiga ayaa sidoo kale ka bartay khibradda Pakistan ee ku saabsan sidii isbeddelka dhijitaalka ah looga dhigi lahaa mid loo dhan yahay, ammaan ah, isla-xisaabtan leh, isla markaana ku saleysan dhowrista xuquuqda aadanaha. Waxaa tusaale ahaan la soo bandhigay tallaabada Golaha Senate-ka Pakistan uu ugu gudbay nidaamka Baarlamaanka aan waraaqaha ku shaqeyn ee loo yaqaan e-Parliament.

Abdiwali Ali Abdulle ayaa sheegay in booqashadu ay Soomaaliya siisay fursad ay kaga faa’iidaysato waayo-aragnimada Pakistan, isla markaana ay aqoonsato hababka lagu dabaqi karo xaaladda Soomaaliya.

Wuxuu sheegay in Pakistan ay leedahay khibrad muhiim ah oo ku saabsan aqoonsiga dhijitaalka ah, maaliyadda dhijitaalka ah, adeegyada ilaalinta bulshada iyo isku-xirka nidaamyada kala duwan. Dhanka kale, ayuu tilmaamay in Soomaaliya ay leedahay khibrad dhinaca lacagaha mobilka iyo adeegsiga degdegga ah ee adeegyada dhijitaalka ah, taas oo iyaduna casharro u noqon karta Pakistan.

Ka qaybgalayaasha ayaa sidoo kale ansixiyay Qorshaha Waxqabadka Iskaashiga Soomaaliya iyo Pakistan, kaas oo qeexaya meelaha ay labada dhinac sii wadi doonaan wada shaqaynta.

Qorshahan ayaa diiradda saaraya aqoonsiga aasaasiga ah iyo aqoonsiga sharci, kaabayaasha dhijitaalka ah ee adeegyada dadweynaha iyo dowladnimada, isku-xirka nidaamyada, xog-isweydaarsiga ammaan ah, ka-qaybgalka maaliyadeed iyo maaliyadda dadweynaha ee dhijitaalka ah.

Jama Hassan, oo ah la-taliyaha safaaradda Soomaaliya ee Pakistan, ayaa sheegay in barnaamijku Soomaaliya siiyay faham muhiim ah oo ku saabsan nidaamka aqoonsiga ee Pakistan iyo adeegyada ballaaran ee e-dowladeed.

Wuxuu carrabka ku adkeeyay in aqoonsiga shaqeynaya uusan ku koobnayn lambar ama kayd xogeed oo keliya, balse uu muhiim yahay in nidaamyada aqoonsiga lagu xiro adeegyada dadweynaha ee ay muwaadiniintu u baahan yihiin.

Dhankiisa, Dr. Samuel Rizk, wakiilka joogtada ah ee UNDP Pakistan, ayaa sheegay in aqoonsiga sharci uu saldhig u yahay dowlad loo dhan yahay, maadaama uu dadka u fududeeyo helitaanka adeegyada dowladda, ilaalinta bulshada iyo fursadaha maaliyadeed.

Rizk ayaa sheegay in iskaashiga UNDP iyo Hay’adda Aqoonsiga Qaranka Pakistan (NADRA) uu gacan ka geystay in in ka badan hal milyan oo haween ah ay helaan dukumentiyada aqoonsiga.

Maraykanka 18ka Sebteembar 2026 Mareykanka ayaa fuliyay howlgallo ka dhan ah Al-Shabaab, kuwaas oo lagu bartilmaameedsaday xarun hub iyo rasaas lagu kaydin jiray oo ku taalla deegaanka Markad ee buuraha Al-Madow iyo Golis ee waqooyi-bari Soomaaliya. Sida lagu sheegay warsaxaafadeed kasoo baxay madaxtooyada Puntland, howlgalka ayaa lagu qaaday xarumo ay Al-Shabaab u adeegsanaysay kaydinta hubka iyo rasaasta, kuwaas oo sida ay sheegeen loogu talagalay taageeridda hawlgallada kooxda iyo weerarrada ay ka fuliso Soomaaliya.

Puntland ayaa sheegtay in howlgalka lagu fuliyay iyadoo lala kaashanayo hay’adaheeda ammaanka. lama shaacin faahfaahin dheeraad ah oo ku saabsan waqtiga iyo habka loo fuliyay weerarka.

Howlgalkan ayaa ku soo beegmaya xilli Mareykanka uu kordhiyay howlgallada militari ee ka dhanka ah kooxaha argigixisada ee ka howlgala Soomaaliya. AFRICOM waxay bishii Sebtembar 2026 xaqiijisay duqeymo ka dhan ah Al-Shabaab oo ka dhacay koonfurta Soomaaliya.

Puntland ayaa sheegtay in burburinta goobaha lagu kaydiyo hubka ay qayb ka tahay dadaallo  lagu wiiqayo awoodda Al-Shabaa, laguna carqaladeynayo sahayda iyo awoodda kooxda ay ku qorsheyn karto kuna fulin karto weerarro.

Puntland ayaa sheegtay in ay AFRICOM  hore uga wada hadleen xoojinta iskaashiga la dagaallanka Al-Shabaab iyo Daacish ee buuraha Cal-Madow iyo Cal-Miskaad.

Iskaashigan ayay sheegtay inuu yahay qayb ka mid ah dadaal muddo dheer soconaya oo lagu doonayo in lagu wiiqo awoodda Al-Shabaab, looga hortago inay hesho goobo ay ku dhuumato iyo in la taageero xasilloonida Puntland.

WARARKA MAANTA 17ka Sebteembar 2026 

Su’aalaha Maanta: Maxaa loo dulminayaa Digil Iyo Mirifle Madaxbanaanidooda? Maxuuse Madaxweyne hore Xassan waxba uga qaadi waayi #Somaliland, #Puntland Iyo #Jubbaland? Yaase boobsay shacabka #Muqdisho? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Beijin17ka Sebteembar 2026 Wasiirka Gaashaandhigga Xukuumadda Jamhuuriyadda Soomaaliya, Mudane Axmed Macallin Fiqi iyo wafdi uu hogaaminayo ayaa maanta ka qaybgalay munaasabadda furitaanka Madasha 13-aad ee Beijing Xiangshan, oo ka socota magaalada Beijing ee Jamhuuriyadda Dadka Shiinaha.

Beledweyne 17ka Sebteembar 2026  QARAMADA MIDOOBAY OO DALBATAY 

Waxgaradka, siyaasiyiinta iyo qaybaha bulshada ee beesha Xawaadle ayaa magaalada Beledweyne ku soo gabagabeeyay kulamo maalmahan u socday oo looga hadlayay xaaladda siyaasadeed iyo hanaanka dhismaha maamulka HirShabelle saddexaad Beesha Xawaadle ayaa ku baaqday in la joojiyo doorashooyinka iyo habraacyada siyaasadeed ee ka socda Hiiraan, iyadoo sheegtay in aan la aqbali karin hannaan aan ku dhisnayn heshiis iyo oggolaanshaha bulshada sida lagu sheegay go’aanada kasoo baxay Shirka oo uu hogaaminaayay Ugaas Yuusuf Ugaas Xasan Ugaas Khaliif.

War-murtiyeedka waxaa warbaahinta u akhriyey Xoghayihii hore ee Maamulka Gobolka Banaadir, Xiirey Axmed Rooble isagoo cadeeyay in Beesha  aysan aqbali karin in hannaan siyaasadeed oo Hiiraan ah la sameeyo, iyadoo aan laga qaybgelin bulshada deegaanka.

Waxay sidoo kale ku baaqday Beesha Xawaadle in dhismaha HirShabelle saddexaad loo maro hannaan loo dhan yahay oo ku saleysan caddaalad, matalaad iyo awood-qaybsi ay dhinacyadu isku raacsan yihiin.

War-murtiyeedka ayaa sidoo kale diiradda lagu saaray tabashooyinka reer Hiiraan, iyadoo beesha ay ku baaqday in cabashooyinkaas si dhab ah loo qaado, lana raadiyo xal siyaasadeed oo ku dhisan wada-tashi iyo is-afgarad.

“Waa in la joojiyo dhammaan doorashooyinka iyo habraacyada aan ku dhisnayn heshiiska iyo oggolaanshaha bulshada,” ayaa lagu sheegay go’aamada kasoo baxay kulanka.

Beesha Xawaadle ayaa sidoo kale sheegtay in maamulka HirShabelle ee ka howlgala Hiiraan uu u hoggaansamo go’aamada kasoo baxay waxgaradka, isla markaana uu isu diyaariyo geedi-socodka dhismaha maamul cusub oo loo dhan yahay.

Qodob kale oo war-murtiyeedka lagu xusay ayaa ah in wixii qalalaase ama gacanka hadal ah ee ka dhasha doorasho aan heshiis lagu ahayn ay mas’uuliyaddeeda qaadi doonaan guddiga doorashooyinka iyo guddoomiyahooda Cabdikariin Xasan.

Beesha Xawaadle waxay sheegtay in aan la dhisi karin HirShabelle waarta iyadoo la iska indha tirayo tabashooyinka iyo rabitaanka bulshada reer Hiiraan.

DDSI 17ka Sebteembar 2026Guddoomiyaha Jabhadda Xoreynta Qaranka Ogaadeeniya (ONLF), garabkeeda ku sugan gudaha Itoobiya, Cabdirakiim Sheekh Muuse oo loo yaqaan Qalbi-dhagax, ayaa sheegay in ururku door firfircoon ka qaatay geeddi-socodka wada-hadallada qaran ee Itoobiya, isagoo sheegay inay halkaas ku gudbiyeen arrimo uu ku tilmaamay kuwo muhiim u ah bulshada Soomaaliyeed. Qalbi-dhagax ayaa sheegay in wada-hadallada qaran ee Itoobiya loo bilaabay wax ka qabashada caqabadaha siyaasadeed iyo kuwa qaab-dhismeed ee muddada dheer ka jiray dalka, isla markaana geeddi-socodka loogu talagalay inuu noqdo mid loo dhan yahay.

Guddoomiyaha ayaa sheegay in ururku si firfircoon uga qaybgalay wada-hadallada, isagoo soo bandhigay arrimo uu ku tilmaamay kuwo aasaasi u ah bulshada Soomaaliyeed. Wuxuu sheegay in ka-qaybgalka ONLF uu horseeday in qaar ka mid ah qodobadaas lagu daro ajandayaasha geeddi-socodka wada-hadalka.

Dhanka kale, Qalbi-dhagax ayaa beeniyay warar sheegayay in ONLF ay isbahaysi la samaysatay koox lagu magacaabo “Tsamdo”. Wuxuu sheegay in wararkaasi yihiin kuwo aan sal iyo raad toona lahayn, isla markaana ayna ka tarjumayn mowqifka ururka. Wuxuu sidoo kale sheegay in wararka noocaas ah aan loo fasiran karin inay metelaan bulshada Soomaaliyeed oo dhan.

Isagoo ka hadlayay isbeddelka siyaasadeed ee ONLF, Qalbi-dhagax wuxuu sheegay in ururku uu ka jawaabay baaqii nabadeed ee dowladda Itoobiya kadib isbeddelladii siyaasadeed ee dhacay, isla markaana uu soo afjaray halgankii hubaysnaa. Wuxuu sheegay in ONLF ay markii dambe qaadatay waddo siyaasadeed oo nabadeed, ayna ka qaybqaadatay doorashadii guud ee toddobaad ee Itoobiya, halkaas oo ay ku guulaysatay kuraas baarlamaan.

Guddoomiyaha ONLF ayaa sidoo kale sheegay in nabaddii ka dhalatay soo afjaridda dagaalladii hubaysnaa ay fursad u abuurtay horumarro bulsho iyo dhaqaale oo uu sheegay in laga dareemayo Dowlad Deegaanka Soomaalida. Wuxuu sheegay in ururku doonayo in nabadda la xoojiyo, isla markaana uu diyaar u yahay inuu la shaqeeyo dowladda federaalka iyo dhinacyada kale si loo taageero geeddi-socod nabadeed oo waara. 

Muqdisho 17ka Sebteembar 2026  Madaxweynaha Somaliland, Cabdiraxmaan Maxamed Cabdillaahi (Cirro), ayaa maalintii labaad ee kulamadiisa Capitol Hill ee magaalada Washington, D.C., kulamo gaar gaar ah la yeeshay Guddoomiyaha Guddiga Arrimaha Dibadda ee Golaha Wakiillada Maraykanka, Brian Mast, iyo Senator Mike Rounds oo ka tirsan Aqalka Senate-ka. Sida lagu sheegay war kasoo baxay xafiiska Madaxweynaha Somaliland, kulamada ayaa diiradda lagu saaray xoojinta iskaashiga u dhexeeya Somaliland iyo Maraykanka, gaar ahaan arrimaha amniga iyo xasilloonida gobolka, amniga badda, Gacanka Cadmeed iyo Badda Cas, iyo sidoo kale ganacsiga, maalgashiga iyo fursadaha iskaashi dhaqaale.

Kulamadan ayaa sidoo kale lagu soo hadal qaaday dadaallada sharci-dejinta ee hore ee Kongareeska Maraykanka ee la xidhiidha Somaliland. Sannadkii 2022, Senator James Risch ayaa Golaha Senate-ka u gudbiyey hindisaha Somaliland Partnership Act (S. 3861), kaas oo Mike Rounds uu ka mid ahaa xubnihii taageeray hindisaha.

Dhanka kale, Brian Mast ayaa 11-kii September 2025 Golaha Wakiillada u gudbiyey H.R. 5300, Department of State Policy Provisions Act, oo ah hindise sharciyeed la xidhiidha siyaasadda arrimaha dibadda iyo maamulka Wasaaradda Arrimaha Dibadda Maraykanka.

War-saxaafadeedka Madaxweynaha Somaliland ayaa sheegay in Madaxweyne Cirro uu kulamada kaga hadlay muhiimadda juqraafiyeed iyo istiraatiijiyadeed ee Somaliland, isaga oo tilmaamay doorka ay goobta ay Somaliland ku taallo ku leedahay marin-biyoodka Gacanka Cadmeed iyo Badda Cas.

Madaxweyne Cirro ayaa sidoo kale, sida lagu sheegay warbixinta, ka hadlay muhiimadda iskaashi dhinacyada amniga, ilaalinta isu-socodka ganacsiga caalamiga ah iyo horumarinta xidhiidhada dhaqaale ee Somaliland iyo Maraykanka.

Madaxweynaha Somaliland ayaa kulamada ku soo bandhigay qiyamka ay Somaliland sheegtay inay wadaagaan Maraykanka, oo ay ka mid yihiin xorriyadda, dimuqraadiyadda, amniga, xasilloonida iyo ilaalinta xuquuqda aadanaha. Xafiiska Madaxweynaha ayaa sheegay in booqashadu qayb ka tahay dadaallada Somaliland ay ku doonayso inay xidhiidho iyo wada-shaqayn dheeraad ah la yeelato dhinacyada siyaasadda iyo sharci-dejinta Maraykanka.

Muqdisho 17ka Sebteembar 2026 Dowladda Federaalka Soomaaliya ayaa si adag u cambaaraysay weerar loo adeegsaday diyaarad aan duuliye lahayn oo lagu beegsaday gudaha Boqortooyada Sacuudi Carabiya, gaar ahaan magaalada barakeysan ee Makkah, iyadoo ciidamada difaaca cirka Sacuudigu ay sheegeen inay qabteen diyaaradda oo ay soo direen kooxaha Xuutiyiinta ka hor inta ayna gaadhin magaalada.  Wasaaradda Arrimaha Dibadda iyo Iskaashiga Caalamiga ah ee Soomaaliya ayaa bayaan ay soo saartay 16-kii September ku sheegtay in ay si buuxda u garab taagan tahay Boqortooyada Sacuudi Carabiya, isla markaana ay cambaaraynayso weerarrada ka dhanka ah goobaha rayidka ah iyo kuwa kale ee gudaha dalkaas. Dowladda Soomaaliya waxay sidoo kale taageertay xaqa Sacuudiga u leeyahay inuu ilaashado dhulkiisa, dadkiisa iyo goobaha barakeysan ee Islaamka. 

Weerarka Makkah ayaa kusoo beegmaya xilli ay si weyn u kordheen iska horimaadyada u dhexeeya Xuutiyiinta iyo ciidamada taageersan dowladda Yemen, iyadoo colaadda gudaha Yemen ay dib uga sii dartay kadib muddo xasillooni  oo aan rasmi ahayn. Wararka ayaa sheegaya in Xuutiyiintu ay weerarro isdaba joog ah ka fuliyeen gudaha Sacuudiga, iyagoo adeegsanaya diyaaradaha aan duuliyaha lahayn iyo gantaallo. 

Sacuudiga ayaa maalmihii lasoo dhaafay sheegay in weerarrada Xuutiyiintu ay gaadheen goobo ay ku jiraan xarumo ciidan iyo kaabayaal tamareed. 8-dii September, weerarro lala xidhiidhiyay Xuutiyiinta ayaa lagu badhtilmaameedsaday xarumo tamareed oo ku yaalla Abha, Najran iyo Jizan, waxaana maamulka Sacuudigu sheegay in tobannaan qof ay ku dhaawacmeen. Xuutiyiintu waxay weerarrada qaarkood ku tilmaameen jawaab ay ka bixinayaan duqeymaha Sacuudigu ka fuliyay Yemen. 

Dhinaca kale, Xuutiyiintu waxay toddobaadyadii u dambeeyay kordhiyeen dhaqdhaqaaqooda militari gudaha Yemen, gaar ahaan xeebaha Badda Cas, halkaas oo ay qabsadeen deegaanno iyo goobo istiraatiiji ah. Warbixinno ay Reuters iyo AP baahiyeen ayaa sheegaya in dagaallada u dhexeeya Xuutiyiinta iyo xoogagga dowladda Yemen ay si weyn u xoogaysteen, taas oo sare u qaadday khatarta ah in colaadda gudaha Yemen ay mar kale si ballaadhan u qaraxdo. 

Xuutiyiintu waxay bilaabeen in ay si sii kordhaysa u beegsadaan gudaha Sacuudi Carabiya xilli ay dagaallada goos-gooska ah ee labada dhinac ku dhexmaraya dalka Yemen sii xoogaysanayeen. Weerarradan ayaa kusoo biiray khilaafka militari ee muddada dheer u dhexeeyay Xuutiyiinta iyo xulafada dowladda Yemen, iyadoo Sacuudigu taageero siiyo dhinacyada ka soo horjeeda Xuutiyiinta.

IGAD 17ka Sebteembar 2026 Urur-goboleedka IGAD ayaa ugu baaqay dhinacyada siyaasadda Soomaaliya inay yeeshaan wada-hadallo loo dhan yahay, si heshiis ballaaran looga gaaro qaabka loo wajahayo doorashooyinka dalka. Baaqa IGAD ayaa ka soo baxay shirkii Golaha Wasiirrada Arrimaha Dibadda ee ururka oo Talaadadii lagu qabtay magaalada Jabuuti, sida lagu sheegay war-murtiyeed laga soo saaray kulanka.

Golaha Wasiirrada IGAD ayaa ku booriyay hoggaamiyeyaasha Soomaaliya iyo dhinacyada kale ee siyaasadda inay sii wadaan wadahadallada lagu doonayo in lagu gaaro is-afgarad ku saabsan doorashooyinka mustaqbalka.

Baaqa ayaa ku soo aadaya xilli ay weli jiraan khilaafaad u dhexeeya dowladda federaalka, qaar ka mid ah dowlad-goboleedyada iyo kooxaha mucaaradka, kuwaas oo ku kala duwan qaabka loo qabanayo doorashada.

Dowladda federaalka ayaa taageersan in dalka loo gudbo doorasho qof iyo cod ah, halka dhinacyada ka soo horjeeda ay ku adkeysanayaan in qaabka doorashada lagu saleeyo heshiis siyaasadeed oo loo dhan yahay.

https://www.youtube.com/watch?v=sSMrSytL-WA

WARARKA MAANTA 16ka Sebteembar 2026 

Su’aalaha Maanta: Yaa Dowladda Soomaaliya diiday inuu lacag soo daabaco oo wakhtigu kz dhammaaday Dhuuso-Fooxiye Madaxweyne hore Xassan? Yaase boobsay shacabka #Muqdisho? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Qaramada Midooway 16ka Sebteembar 2026 QARAMADA MIDOOBAY OO DALBATAY BAARITAAN CAALAMI AH OO GAZA KA DHACA

Qaramada Midoobay ayaa ku baaqday in baarayaal caalami ah loo oggolaado inay galaan dhammaan deegaannada Gaza, si ay gacan uga geystaan ururinta caddeymaha ku saabsan dhibaatada ka taagan halkaasi.

Baaqan ayaa yimid xilli boqolaal meydad ah laga soo saarayo burburka dhismayaasha, iyadoo weli la raadinayo dad ku hoos jira burburka.

Qaramada Midoobay waxay carrabka ku adkaysay muhiimadda ay leedahay in caddeymaha la ururiyo lana ilaaliyo, si loo xaqiijiyo xaqiiqada dhacdooyinka iyo in lala xisaabtamo cid kasta oo ku lug yeelatay xadgudubyada.

Muqdisho 16ka Sebteembar 2026 Ka gudbidda caqabadaha si loo xaqiijiyo in carruurta naafada ah ee Soomaaliyeed ay si siman u helaan waxbarashada waxay u baahan tahay in la maalgeliyo waxbarasho loo dhanyahay iyo tababarka macallimiinta, taas oo ah tallaabo ilaalinaysa xaqooda waxbarasho, isla markaana dhisaysa awoodda aadanaha ee muhiimka u ah horumarka. 

Maraykanka 16ka Sebteembar 2026 Madaxweynaha Maraykanka Donald Trump ayaa Devin Kennington u magacaabay inuu noqdo safiirka cusub ee Maraykanka u qaabilsan Soomaaliya, iyadoo Washington ay dib u buuxinayso xilka safiirnimo ee Muqdisho oo bannaan tan iyo markii dib loogu yeeray safiirkii hore Richard H. Riley dabayaaqadii 2025. Magacaabista Kennington ayaa ka mid ahayd liiska magacaabista diblomaasiyadeed ee Aqalka Cad u gudbiyay Senate-ka Mareykanka. Sida ku cad xogta Aqalka Cad, Kennington waxaa loo magacaabay xilka “Ambassador Extraordinary and Plenipotentiary” ee Jamhuuriyadda Federaalka Soomaaliya.

Kennington ayaa beddeli doona Richard H. Riley, oo xilka safiirka Maraykanka ee Soomaaliya hayay tan iyo 2024, balse bishii December 2025 dib loogu yeeray Washington iyadoo maamulka Trump uu sameeyay isbeddel ballaaran oo ku yimid safaaradaha iyo hoggaanka diblomaasiyadda Maraykanka.

Tan iyo markii Riley uu ka baxay Muqdisho, Justin Davis ayaa ahaa ku-simaha madaxa safaaradda Maraykanka ee Muqdisho, maadaama aan xilka safiirnimo loo magacaabin diblomaasi cusub.

Magacaabista Kennington waxay ku soo beegmaysaa xilli xiriirka Soomaaliya iyo Maraykanka uu ku salaysan yahay iskaashi dhinacyo badan leh, gaar ahaan amniga, la-dagaallanka Al-Shabaab, xasillinta Soomaaliya iyo arrimaha gobolka Geeska Afrika.

Kennington waa diblomaasi muddo ka soo shaqeeyay adeegga arrimaha dibadda ee Maraykanka, waxaana magacaabistiisu ka dhigan tahay in Washington ay markii ugu horreysay muddo ku dhow sagaal bilood u diyaarinayso Muqdisho safiir si rasmi ah u matala madaxweynaha Maraykanka.

Si kastaba, magacaabista Kennington ma noqonayso mid kama dambeys ah ilaa Senate-ka Maraykanku ansixiyo, sida uu dhigayo nidaamka magacaabista safiirrada ee dalkaas.

Maraykanka 16ka Sebteembar 2026 Madaxweynaha Somaliland, Cabdiraxmaan Maxamed Cabdillaahi (Cirro), ayaa magaalada Washington D.C. kulan quraac ah kula yeeshay xubno ka tirsan Kongareeska Maraykanka iyo safiirro ka socda dalal ka tirsan beesha caalamka ee fadhigoodu yahay caasimadda Maraykanka. Sida lagu sheegay war ka soo baxay Xafiiska Afhayeenka Madaxweynaha Somaliland, kulanka ayaa lagaga hadlay xoojinta xidhiidhka Somaliland iyo Maraykanka, iskaashiga istaraatiijiga ah, amniga iyo xasilloonida gobolka, iyo arrimaha ganacsiga iyo maalgashiga.

War-saxaafadeedka ayaa sidoo kale lagu sheegay in kulanka diiradda lagu saaray doorka Somaliland ay ku leedahay amniga Badda Cas iyo Gacanka Cadmeed, oo ah marinno muhiim u ah isu-socodka ganacsiga iyo ammaanka gobolka.

Xafiiska Afhayeenka Madaxweynaha ayaa sheegay in Madaxweyne Cirro uu kulanka ku adkeeyey muhiimadda ay Somaliland u leedahay inay noqoto “dal istaraatiiji ah oo la isku hallayn karo”, isagoo ku tilmaamay Somaliland meel nabad ah oo xasilloon oo leh hay’ado dowli ah oo shaqaynaya.

Sidoo kale, Madaxweynaha ayaa, sida lagu sheegay warbixinta, ka hadlay muhiimadda juqraafi-siyaasadeed ee Somaliland iyo goobta ay kaga taallo gobolka Geeska Afrika, gaar ahaan marka la eego amniga Badda Cas iyo Gacanka Cadmeed.

Kulankan ayaa imanaya xilli xukuumadda Somaliland ay waddo dadaallo diblomaasiyadeed oo ay ku doonayso inay ku xoojiso xidhiidhka ay la leedahay Maraykanka iyo dalalka kale ee beesha caalamka. 

WARARKA MAANTA 15ka Sebteembar 2026 

Su’aalaha Maanta:: Ma Machadka Hudson ayaa aqoonsi bixiya Madaxweynaha Maamulka #Somaliland Cirro oo ay ka soo dhammaatay beentii shacabka loo sheegaayey? Yaa aqoonsi u raadinaaya shacabka Waqooyi oo gaajo iyo sicir-barar ka qaylinaaya?  Yaase boobsay shacabka #Muqdisho? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Maraykanka 15ka Sebteembar 2026 Wasiirka Wasaaradda Cadaaladda XFS, Mudane Xasan Macallin “Waxaan bogaadinayaa gabdhaha Soomaaliyeed ee isu abaabulay sidii ay u ilaalin lahaayeen dhaqanka, una soo ururin lahaayeen suugaanta iyo hiddaha Soomaaliyeed. 

Maraykanka 15ka Sebteembar 2026 Hay’adda Dambi-baarista Federaalka Mareykanka ee FBI ayaa shaacisay abaalmarin gaaraysa $150,000 oo loo ballanqaaday qofkii keena xog gacan ka geysan karta helitaanka iyo soo qabashada Fahad Maxamed Nuur, oo dowladda Mareykanku muddo raadineysay. FBI-da ayaa sheegtay in Fahad Maxamed Nuur, oo magacyo kale oo ay ka mid yihiin Nuur Cabdiwali Xasan iyo Cabdiwali Nuur Xasan, uu yahay muwaadin Mareykan ah oo asal ahaan Soomaali ah. Hay’addu waxay sidoo kale sheegtay in la rumeysan yahay inuu ku sugan yahay Soomaaliya.

Ninkan ayaa lagu eedeeyay inuu qeyb ka ahaa kiis la xiriira lunsasho iyo wax is-daba-marin lagu sameeyay lacag loogu talagalay Barnaamijka Federaalka Mareykanka ee Nafaqeynta Carruurta, xilli uu socday cudurka COVID-19.

Sida lagu sheegay xogta FBI-da, dadka lagu eedeeyay kiiskan ayaa si sharci-darro ah u helay, u leexsaday, isla markaana u adeegsaday dano gaar ah malaayiin doollar oo loogu talagalay in lagu bixiyo cuntooyinka carruurta u baahan.

FBI-da ayaa Fahad Maxamed Nuur ku tilmaantay milkiilaha shirkad ka shaqeysa sahayda cuntada, taas oo la sheegay inay heshay in ka badan $5 milyan oo ka mid ah lacagaha barnaamijka. Eedeymaha ayaa sheegaya in shirkaddu gudbisay dukumiintiyo iyo qaansheegadyo aan sax ahayn oo lagu muujinayay cunto aan dhab ahaan la gaarsiin goobihii loogu talagalay.

Maxkamad federaali ah oo ku taalla gobolka Minnesota ayaa 13-kii Sebteembar 2022 soo saartay amar lagu soo qabanayo Fahad Maxamed Nuur, kaddib markii lagu soo oogay dacwado ay kamid yihiin khiyaano maaliyadeed iyo lacag-dhaqid.

Hay’adda FBI ayaa ugu baaqday qof kasta oo haya xog ku saabsan halka uu ku sugan yahay Fahad Maxamed Nuur inuu la wadaago hay’adda, iyadoo xogta lagu gudbin karo khadadka xog-bixinta FBI-da ama xafiisyadeeda ku yaalla gudaha Mareykanka iyo dalalka kale.

Galmudug 15ka Sebteembar 2026 Ururka siyaasadeed ee Towfiiq ee uu hogaamiyo Sheekh Shaakir ayaa sheegay inuu ka soo horjeedo go’aanka Guddiga Doorashada ee looga reebay liiska ururrada siyaasadeed ee ka qaybgalaya doorashada ku celiska ah ee Galmudug. Towfiiq ayaa bayaan uu soo saaray maanta oo isniin ah ku sheegay inuu diyaar u yahay ka qaybgalka doorashada, isagoo xusay in uu doonayo in doorashadu u dhacdo si waafaqsan sharciga, xeerarka iyo habraacyada doorashooyinka dalka.

Ururku wuxuu sheegay in uu ka walaacsan yahay tallaabada Guddiga Doorashada, isaga oo xusay in Towfiiq uu ahaa ururkii maxkamadda ka dalbaday in doorashada dib loogu laabto, kadib markii uu sheegay in la hareer maray qaar ka mid ah habraacyadii iyo shuruucdii doorashada.

“Waxaa layaab noqotay in ururkii dalbaday saxidda doorashada uu baraha bulshada ku arko ka reebiddiisa doorashada,” ayuu Towfiiq ku yiri bayaankiisa.

Ururku wuxuu sidoo kale sheegay in Guddiga Doorashadu hayaan liiska musharraxiintiisa u tartamaya labada gole, taas oo uu ku tilmaamay caddeyn muujinaysa inuu diyaar u yahay ka qaybgalka doorashada.

Towfiiq ayaa Guddiga Doorashada ugu baaqay inay ka fogaadaan wax kasta oo loo fasiran karo eex ama takoor, ayna ku shaqeeyaan dhexdhexaadnimo iyo ku dhaqanka sharciga.

Ururku wuxuu sheegay inuu aaminsan yahay in go’aanka looga reebay doorashada uu xiriir la leeyahay dacwaddii uu horey uga gudbiyay natiijadii doorashada, arrintaas oo uu ku tilmaamay mid aan waafaqsanayn mabaadi’da caddaaladda iyo hannaanka doorashooyinka xorta ah.

Towfiiq wuxuu sidoo kale ugu baaqay Madaxweynaha Soomaaliya inuu soo farageliyo arrinta, isagoo ka dalbaday in la xaqiijiyo u hoggaansanaanta sharciga iyo amarada maxkamadda.

Ugu dambeyn, ururku wuxuu taageerayaashiisa iyo bulshada reer Galmudug ugu baaqay inay u diyaar garoobaan kulamo iyo bannaanbaxyo nabadeed, si ay uga muujiyaan mowqifkooda ku aaddan doorasho uu ku tilmaamay mid xor iyo xalaal ah.

Galmudug 15ka Sebteembar 2026 aliska Booliska Galmudug ayaa sheegay in ciidamo ka tirsan booliska ay iska difaaceen weerar ay maleeshiyaad hubeysan oo qaab qabiil u abaabulan ku qaadeen bar-koontarool oo ku taalla deegaanka Jiiro-Caweer, oo hoos taga degmada Godinlabe ee gobolka Galgaduud. Sida lagu sheegay war-saxaafadeed uu soo saaray Taliska Booliska Galmudug, weerarku wuxuu dhacay 14-kii Sebtembar 2026, abbaaro 11:10 habeenimo, xilli ciidanka boolisku ay ku sugnaayeen bar-koontaroolkaas oo ay ka wadeen howlahooda amni, Booliska ayaa sheegay inay iska difaaceen weerarka, kaddibna ay deegaanka ka sameeyeen hawlgal ay ku xaqiijinayeen amniga iyo dib u soo celinta xasilloonida.

Intii uu socday hawlgalka, sida lagu sheegay bayaanka, ciidamada amniga ayaa gacanta ku dhigay qaar ka mid ah maleeshiyaadkii weerarka soo qaaday, kuwaas oo Taliska Boolisku sheegay in dhawaan la horgeyn doono maxkamadda awoodda u leh.

Taliska ayaa sidoo kale sheegay in xaaladda deegaanka Jiiro-Caweer ay hadda deggen tahay, iyadoo ciidamada ammaanku ay sii wadaan sugidda amniga.

Taliyaha Booliska Galmudug, G/Sare Khaliif Cabdulle Maalin, ayaa digniin u diray maleeshiyaadka uu sheegay inay ku hawlan yihiin falal lagu qalqal gelinayo amniga iyo xasilloonida deegaanka, Wuxuu ugu baaqay inay ka waantoobaan falalka noocaas ah, isagoo sheegay in haddii ay sii socdaan ay la kulmi doonaan tallaabooyin adag oo waafaqsan sharciga.

Maraykanka 15ka Sebteembar 2026 Madaxweynaha Maraykanka Donald Trump ayaa Devin Kennington u magacaabay inuu noqdo safiirka cusub ee Maraykanka u qaabilsan Soomaaliya, iyadoo Washington ay dib u buuxinayso xilka safiirnimo ee Muqdisho oo bannaan tan iyo markii dib loogu yeeray safiirkii hore Richard H. Riley dabayaaqadii 2025. 

Magacaabista Kennington ayaa ka mid ahayd liiska magacaabista diblomaasiyadeed ee Aqalka Cad u gudbiyay Senate-ka Mareykanka. Sida ku cad xogta Aqalka Cad, Kennington waxaa loo magacaabay xilka “Ambassador Extraordinary and Plenipotentiary” ee Jamhuuriyadda Federaalka Soomaaliya.

Kennington ayaa beddeli doona Richard H. Riley, oo xilka safiirka Maraykanka ee Soomaaliya hayay tan iyo 2024, balse bishii December 2025 dib loogu yeeray Washington iyadoo maamulka Trump uu sameeyay isbeddel ballaaran oo ku yimid safaaradaha iyo hoggaanka diblomaasiyadda Maraykanka.

Tan iyo markii Riley uu ka baxay Muqdisho, Justin Davis ayaa ahaa ku-simaha madaxa safaaradda Maraykanka ee Muqdisho, maadaama aan xilka safiirnimo loo magacaabin diblomaasi cusub.

Magacaabista Kennington waxay ku soo beegmaysaa xilli xiriirka Soomaaliya iyo Maraykanka uu ku salaysan yahay iskaashi dhinacyo badan leh, gaar ahaan amniga, la-dagaallanka Al-Shabaab, xasillinta Soomaaliya iyo arrimaha gobolka Geeska Afrika.

Kennington waa diblomaasi muddo ka soo shaqeeyay adeegga arrimaha dibadda ee Maraykanka, waxaana magacaabistiisu ka dhigan tahay in Washington ay markii ugu horreysay muddo ku dhow sagaal bilood u diyaarinayso Muqdisho safiir si rasmi ah u matala madaxweynaha Maraykanka.

Si kastaba, magacaabista Kennington ma noqonayso mid kama dambeys ah ilaa Senate-ka Maraykanku ansixiyo, sida uu dhigayo nidaamka magacaabista safiirrada ee dalkaas.

https://www.youtube.com/watch?v=_MpA7fj_dXM&t=1000s

WARARKA MAANTA 13ka Sebteembar 2026 

Su’aalaha Maanta::Yaa Madaxweyne hore Xassan Shiikh u bixiyey “Dhuuso-Fooxiye”? Yss boobsuy shacabka #Muqdisho? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 13ka Sebteembar 2026 Magaalada Muqdisho oo dhan, goobo cusub iyo kuwo dib loo casriyeeyay oo dadweynuhu isticmaalaan ayaa qayb ka noqonaya muuqaalka isbeddelaya ee magaalada — iyagoo bulshada siinaya goobo ay isugu yimaadaan, ku ciyaaraan, ku abuuraan waxyaabo cusub, kuna wada xiriiraan.

Goobahan waxay ka dhigan yihiin wax ka badan horumarinta kaabeyaasha iyo dhismayaasha. Waxay abuuraan fursado loogu talagalay isdhexgalka bulshada, muujinta dhaqanka, madadaalada iyo nolol-maalmeedka, taas oo gacan ka geysanaysa xoojinta xiriirka bulshada iyo kobcinta dareenka nolol magaalo oo loo wada dhan yahay.

Iyadoo loo marayo UN-Habitat Soomaaliya, Qaramada Midoobay waxay taageertaa dadaallada lagu abuurayo goobo dadweyne oo ammaan ah, si fudud loo heli karo, isla markaana loo dhan yahay, kuwaas oo qayb muhiim ah ka ah dhismaha bulshooyin adkaysi leh iyo mustaqbal ka nolol wanaagsan magaalooyinka Soomaaliya ee sii koraya.

Sawirkan wuxuu muujinayaa carruur ku ciyaaraya doon lagu dhex raacayo Beerta Darusalaam ee Muqdisho.

Muqdisho 13ka Sebteembar 2026 Hoggaanka Wasaaradda Waxbarashada, Hiddaha iyo Tacliinta Sare ee Xukuumadda Federaalka Soomaaliya, oo ay hoggaaminayso Wasiiru-dowlaha Wasaaradda, ayna weheliyaan Xoghayaha Joogtada ah iyo Agaasimaha Waaxda Qorsheynta, ayaa ka qeybgalay kulanka Ra’iisul Wasaaraha Xukuumadda Federaalka Soomaaliya Mudane Xamsa Cabdi Barre ee la xiriira la-xisaabtanka iyo qiimeynta ballanqaadyadii Xukuumadda Dan-Qaran.

Intii uu socday kulanka, Wasaaradda Waxbarashada iyo masuuliyiinta ka socotay waxaa lagu bogaadiyey waxqabadka ay ka muujiyeen fulinta ballanqaadyadii iyo qorshayaashii Xukuumadda Dan-Qaran muddadii afarta sano ee la soo dhaafay, iyadoo si gaar ah loo xusay dadaallada Wasaaradda ee ku aaddan horumarinta iyo tayeynta adeegyada waxbarashada dalka.

Wasaaradda Waxbarashada, Hiddaha iyo Tacliinta Sare waxay sii wadi doontaa dadaallada lagu dardargelinayo qorshayaasha waxbarashada qaranka, iyadoo xoogga la saarayo isla-xisaabtan, hufnaan, qorsheyn iyo waxqabad muuqda oo bulshada Soomaaliyeed ay ka faa’iideysato.

Muqdisho 13ka Sebteembar 2026 𝐑𝐀’𝐈𝐈𝐒𝐔𝐋 𝐖𝐀𝐒𝐀𝐀𝐑𝐄 𝐗𝐀𝐌𝐒𝐀 𝐎𝐎 𝐋𝐀-𝐗𝐈𝐒𝐀𝐀𝐁𝐓𝐀𝐍 𝐈𝐘𝐎 𝐐𝐈𝐈𝐌𝐄𝐘𝐍 𝐊𝐔 𝐒𝐀𝐌𝐄𝐄𝐘𝐀𝐘 𝐖𝐀𝐒𝐀𝐀𝐑𝐀𝐃𝐀𝐇𝐀 𝐅𝐄𝐃𝐄𝐑𝐀𝐀𝐋𝐊𝐀

Muqdisho, Soomaaliya,

Ra’iisul Wasaaraha Xukuumadda Federaalka Soomaaliya, Mudane Xamsa Cabdi Barre, ayaa la-xisaabtan iyo qiimeyn ku sameeyay Wasaaradaha Xukuumadda Federaalka Soomaaliya, iyadoo diiradda lagu saaray waxqabadka wasaarad kasta iyo heerka laga gaaray qorshayaashii iyo ballanqaadyadii loo dejiyay.

Qiimeyntan ayaa lagu eegay shaqooyinkii qabsoomay intii lagu jiray sanadkan, caqabadihii jiray, fursadaha jira iyo meelaha u baahan in wax laga beddelo ama la dardargeliyo.

Wasaaradda Batroolka iyo Khayraadka Macdanta waxay qeyb ka tahay nidaamka la-xisaabtanka iyo qiimeynta waxqabadka hay’adaha dowladda, iyadoo ay muhiim tahay in qorshayaasha Wasaaradda lagu fuliyo hannaan leh cabbir cad, isla-xisaabtan iyo natiijooyin la xaqiijin karo.

Ra’iisul Wasaaraha ayaa Wasiirrada, Agaasimeyaasha Guud iyo hawlwadeennada farsamada kula dardaarmay inay dardargeliyaan shaqada qaranka, si loo gaaro hadafyada dowladda, loona kordhiyo adeegyada iyo waxqabadka hay’adaha dowladda.

Sidoo kale, Ra’iisul Wasaaruhu wuxuu sheegay in nidaamka qiimeynta waxqabadka dowladda loo sii horumarinayo, iyadoo la adeegsanayo hab dijitaal ah oo fududeynaya la socodka qorshayaasha, cabbiridda natiijooyinka iyo qiimeynta waxqabadka Wasaaradaha.

Wasaaradda Batroolka iyo Khayraadka Macdanta waxay muhiimad gaar ah siinaysaa qorsheynta, la-xisaabtanka iyo cabbiridda waxqabadka, si loo xaqiijiyo in qorshayaasha iyo mashaariicda Wasaaradda ay keenaan natiijooyin muuqda oo waafaqsan qorshaha dowladda iyo danta guud.

Muqdisho 13ka Sebteembar 2026 Ciidanka Xoogga Dalka Soomaaliyeed, gaar ahaan cutubyo ka tirsan Kumaandooska Gorgor iyo Ciidanka Gaarka ah, ayaa sheegay inay howlgal ka dhan ah Al-Shabaab kula wareegeen gacan-ku-haynta deegaanka Geel-gub iyo saldhigyo muhiim ah oo ku yaalla gobolka Shabeellaha Dhexe. Howlgalka ayaa waxaa ka qeyb qaatay Guutada 18-aad ee Kumaandooska Gorgor, Guutada 12-aad ee Ciidanka Gaarka ah iyo Guutada 3-aad ee Ciidanka Xoogga Dalka Soomaaliyeed.

Ciidanka ayaa sheegay in goobaha ay la wareegeen ay horey u maamuli jireen Al-Shabaab, kuwaas oo muddo ku sugnaa deegaannadaasi.

Howlgalkan ayaa qeyb ka ah howlgallo militari oo ciidamada Soomaaliya ay ka wadaan qaybo ka mid ah Shabeellaha Dhexe, iyadoo ujeeddadu tahay in dib looga riixo Al-Shabaab laguna ballaariyo deegaannada ay gacanta ku hayaan ciidamada dowladda.

Mas’uuliyiinta amniga ayaa sheegay in howlgalka uu sidoo kale ku wajahan yahay soo celinta amniga iyo maamulka dowladda, iyo in shacabka ku nool deegaannadaasi ay helaan xasillooni iyo adeegyo dowladeed.

Ciidanka Xoogga Dalka ayaa muddooyinkii u dambeeyay kordhiyay howlgallada ka dhanka ah Al-Shabaab ee ka socda bartamaha iyo koonfurta Soomaaliya, gaar ahaan gobollada ay kooxdu weli ku leedahay saldhigyo iyo goobo ay ka abaabusho weerarrada.

DDSI 13ka Sebteembar 2026 Madaxweynaha Dowlad-Deegaanka Soomaalida Itoobiya, Mustafe Muxumed Cumar, ayaa sheegay in shacabka Soomaaliyeed ee Deegaanka Soomaalidu ay muddo dheer soo mareen halgan isdaba joog ah oo ay ku doonayeen xuquuqaha aasaasiga ah iyo xorriyadda. Madaxweyne Mustafe ayaa qoraal uu ku baahiyay boggiisa Facebook ku sheegay in kumannaan qof ay naftooda iyo laxaadkooda ku waayeen halgannadii kala duwanaa ee loo galay xuquuqda shacabka, isaga oo xusay in shacabka laftoodu ay ahaayeen kuwa ugu badan ee dhibaatada iyo khasaaraha ka dhashay halgannadaas qaaday.

Madaxweynaha ayaa sheegay in aanay jirin sabab dood looga dhigo in halgannadii shacabka ay sax ahaayeen ama khalad, maadaama sida uu sheegay, urur keliya aanu si gaar ah u wadin halganka, balse shacabka ay qayb weyn ku lahaayeen oo ay khasaaraha ugu badan qaadeen.

Waxa uu sidoo kale dhaliilay shaqsiyaad sheegta inay si gaar ah ugu suntan yihiin halgankii shacabka, isaga oo sheegay in dad badan oo aan wax urur ah ka tirsanayn ay ku waayeen eheladooda halgannadii hubaysnaa.

“Waa qalad markaa in ashqaas hoggaamin urur sheeganaysa ay sheegato inay iyagu si gaar ah ugu suntan yihiin halgankii ummadda,” ayuu yidhi Madaxweyne Mustafe, isaga oo hadalkiisa loo fasiran karo in uu la hadlayo madaxda Jabhada ONLF, garabka dibad jooga ah

Waxa uu su’aal ka keenay sida, sida uu hadalka u dhigay, qaar ka mid ah dadka sheegta inay halganka metelaan ay ugu doodi karaan inay ka sarreeyaan qoysas xubnohoodii ku waayay halgannadii hore, isaga oo tusaale u soo qaatay dad uu sheegay inay qurbaha ku haystaan carruurtooda, isla markaana dhaqaale lagu ururiyo magaca halganka ku maareeyaan noloshooda.

Madaxweynaha ayaa sidoo kale sheegay in halgan kasta ay ku jiraan dad uu ku tilmaamay geesiyaal si dhab ah uga qayb qaatay, iyo kuwo uu ku eedeeyay inay magaca halganka uga faa’iidaystaan dano gaar ah.

Isaga oo si gaar ah u dhaliilaya kooxo uu sheegay inay shacabka ku maaweeliyaan “sheeko-xariir”, ayuu ku eedeeyay qaar ka mid ah dadkaas inay hadda taageerayaan ama doonayaan isbahaysi ay la sameeyaan dhinacyo uu sheegay inay hore u dhibaateeyeen shacabka.

“Halganka dhabta ah uma baahna aflagaado iyo been-abuur. Wuxuu u baahan yahay xeelad iyo xikmad,” ayuu qoraalkiisa ku soo gabagabeeyay Madaxweynaha Dowlad-Deegaanka Soomaalida Itoobiya, Mustafe Muxumed Cumar.

Muqdisho 13ka Sebteembar 2026  Safiirka Turkiga ee Soomaaliya ayaa sheegay in Soomaaliya ay sannadka 2027 markii ugu horreysay dayax-gacmeed u diri doonto hawada sare, isagoo xusay in Turkigu uu kala shaqeynayo Soomaaliya mashaariic la xiriira hawada sare. Safiirka ayaa sheegay in qorshahan laga fulin doono deegaanka Warsheekh, halkaas oo uu tilmaamay in laga sameyn doono xarun loogu talagalay hawlaha la xiriira dayax-gacmeedyada iyo cilmi-baarista hawada sare.

“Shan ama toban sano ka hor haddii aan dhihi lahaa maalin uun Soomaaliya dayax-gacmeed ayay hawada sare u diri doontaa, waxaa laga yaabaa in dad badan ay nagu qosli lahaayeen,” ayuu yiri safiirku.

Wuxuu sheegay in horumarka laga sameeyay dhinacyada amniga iyo diblomaasiyadda uu tusaale u yahay isbeddellada Soomaaliya ka socda, isagoo xusay in maanta Muqdisho ay ku sugan yihiin diblomaasiyiin ajnabi ah oo qaarkood ay carruurtooda la yimaadeen, kuwaas oo wax ka barta gudaha magaalada.

Safiirka ayaa sidoo kale ka hadlay hawlaha baaritaanka shidaalka iyo gaaska dabiiciga ah ee ka socda xeebaha Soomaaliya. Waxa uu sheegay in kooxo ka shaqeynaya baaritaanka khayraadka shidaalka ay xilligan ku sugan yihiin badda Soomaaliya.

“Waxaan rajeynayaa markaan war wanaagsan oo ku saabsan natiijada baaritaanka shidaalka la helo inaad na xusuusataan,” ayuu yiri.

Dhanka kale, safiirku wuxuu sheegay in maraakiib kalluumeysi oo ka imaanaya Turkiga ay bisha Oktoobar bilaabi doonaan inay yimaadaan Soomaaliya, taas oo uu sheegay inay qayb ka tahay dadaallada lagu horumarinayo kalluumeysiga iyo dhaqaalaha ku tiirsan badda.

Wuxuu sheegay in Soomaaliya ay si weyn uga faa’iideysan karto dhaqaalaheeda buluugga ah, isagoo tilmaamay in kalluumeysiga iyo khayraadka badda ay noqon karaan ilo muhiim ah oo dhaqaale.

Safiirka ayaa intaas ku daray in iskaashiga labada dal uusan ku ekaan doonin hawada sare, shidaalka iyo kalluumeysiga, balse ay sidoo kale qorsheynayaan mashaariic waaweyn oo dhinacyada macdanta, beeraha, waddooyinka iyo isku xirka magaalooyinka Soomaaliya.

“Waxyaabaha aan maanta ka hadalnay waa wixii aan ilaa hadda qabanay, laakiin riyooyinkeenna iyo yoolalkayagu intaas way ka weyn yihiin,” ayuu yiri safiirka. 

WARARKA MAANTA 8da Sebteembar 2026 WARARKA MAANTA 12ka Sebteembar 2026 

Su’aalaha Maanta::Maxuu Madaxweyne hore Xassan Shiikh u khiyaamay Xawaadle? Maxay #Israel u aqoonsatay maamulka #Somaliland? Maxaa ka cusub siyaasadda #Soomaaliya? Maxuu ka cusub #Baydhabo DGKG? Maxuu Madaxweyne hore Xassan Shiikh “Dhuuso-Fooxiye” u diiday inuu ciidan siiyo Shiikh Aadan Madoobe? Maxuu ka kashifay Siyaasiga caanka ah Sakariye Xaaji Maxamuud “Jeeni-Haar”? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 12ka Sebteembar 2026 WARSAXAAFADEED

INNAA LILLAAHI WA INNAA ILAYHI RAAJICUUN

إِنَّا لِلَّهِ وَإِنَّا إِلَيْهِ رَاجِعُونَ

Taliska Ciidanka XDS, wuxuu tacsi tiiraanyo leh u dirayaa ehelada, qoyska, qaraabada, asxaabta iyo dhammaan CiidankaXDS, geerida naxdinta leh ee ku timid Marxuum D/le Axmed Shire Xuseen, oo ka tirsanaa Ciidanka XDS.

Taliska Ciidanka XDS wuxuu si gaar ah uga tacsiyeynayaa dhammaan bahda Ciidanka XDS geerida askariga Soomaaliyeed ee lagu dilay deegaanka Calaag, isagoo Ilaahay uga baryaya Marxuumka inuu naxariistiisa waarta siiyo, Jannatul Firdowsana ka waraabiyo.

Marxuum Axmed Shire Xuseen wuxuu ka tirsanaa Ciidanka Xoogga Dalka Soomaaliyeed, isagoo gudanayay waajib qaran oo uu ugu adeegayay dalkiisa iyo dadkiisa. Geeridiisa waxay murugo iyo tiiraanyo ku tahay qoyskiisa, bahda Ciidanka XDS iyo guud ahaan shacabka Soomaaliyeed.

Taliska Ciidanka Xoogga Dalka Soomaaliyeed wuxuu caddeynayaa in baaritaanno lagama maarmaan ah oo ku saabsan dhacdadan ay socdaan, waxaana la qaadi doonaa dhammaan tallaabooyinka ku habboon ee waafaqsan sharciga iyo nidaamka Ciidanka, si loo xaqiijiyo xaqiiqada dhacdada, loona ogaado cid kasta oo ku lug leh.

Taliska wuxuu adkeynayaa in sharafta, karaamada iyo xuquuqda askariga Soomaaliyeed la dhowro, isla markaana aan la aqbali karin fal kasta oo wax u dhimaya nolosha, karaamada iyo amniga xubnaha Ciidanka Xoogga Dalka Soomaaliyeed.

Ciidanka Xoogga Dalka Soomaaliyeed waa ciidan qaran oo u adeegaya dhammaan shacabka Soomaaliyeed, kana sarreeya kala qoqobka ku saleysan heyb, qolo ama deegaan. Sidaas darteed, ilaalinta nolosha iyo sharafta askariga Soomaaliyeed waa waajib qaran oo wada saaran dhammaan shacabka iyo hay’adaha dowladda.

Ugu dambeyn, Taliska Ciidanka XDS wuxuu mar kale tacsi tiiraanyo leh u dirayaa qoyska iyo ehelada Marxuum D/le Axmed Shire Xuseen, wuxuuna Ilaahay uga baryayaa inuu Marxuumka ka waraabiyo Jannatul Firdowsa, eheladiisa iyo dhammaan ummadda Soomaaliyeedna uu ka siiyo samir iyo iimaan.

INNAA LILLAAHI WA INNAA ILAYHI RAAJICUUN

Muqdisho 12ka Sebteembar 2026 Safiirka Turkiga ee Soomaaliya ayaa sheegay in Soomaaliya ay sannadka 2027 markii ugu horreysay dayax-gacmeed u diri doonto hawada sare, isagoo xusay in Turkigu uu kala shaqeynayo Soomaaliya mashaariic la xiriira hawada sare. Safiirka ayaa sheegay in qorshahan laga fulin doono deegaanka Warsheekh, halkaas oo uu tilmaamay in laga sameyn doono xarun loogu talagalay hawlaha la xiriira dayax-gacmeedyada iyo cilmi-baarista hawada sare.

“Shan ama toban sano ka hor haddii aan dhihi lahaa maalin uun Soomaaliya dayax-gacmeed ayay hawada sare u diri doontaa, waxaa laga yaabaa in dad badan ay nagu qosli lahaayeen,” ayuu yiri safiirku.

Wuxuu sheegay in horumarka laga sameeyay dhinacyada amniga iyo diblomaasiyadda uu tusaale u yahay isbeddellada Soomaaliya ka socda, isagoo xusay in maanta Muqdisho ay ku sugan yihiin diblomaasiyiin ajnabi ah oo qaarkood ay carruurtooda la yimaadeen, kuwaas oo wax ka barta gudaha magaalada.

Safiirka ayaa sidoo kale ka hadlay hawlaha baaritaanka shidaalka iyo gaaska dabiiciga ah ee ka socda xeebaha Soomaaliya. Waxa uu sheegay in kooxo ka shaqeynaya baaritaanka khayraadka shidaalka ay xilligan ku sugan yihiin badda Soomaaliya.

“Waxaan rajeynayaa markaan war wanaagsan oo ku saabsan natiijada baaritaanka shidaalka la helo inaad na xusuusataan,” ayuu yiri.

Dhanka kale, safiirku wuxuu sheegay in maraakiib kalluumeysi oo ka imaanaya Turkiga ay bisha Oktoobar bilaabi doonaan inay yimaadaan Soomaaliya, taas oo uu sheegay inay qayb ka tahay dadaallada lagu horumarinayo kalluumeysiga iyo dhaqaalaha ku tiirsan badda.

Wuxuu sheegay in Soomaaliya ay si weyn uga faa’iideysan karto dhaqaalaheeda buluugga ah, isagoo tilmaamay in kalluumeysiga iyo khayraadka badda ay noqon karaan ilo muhiim ah oo dhaqaale.

Safiirka ayaa intaas ku daray in iskaashiga labada dal uusan ku ekaan doonin hawada sare, shidaalka iyo kalluumeysiga, balse ay sidoo kale qorsheynayaan mashaariic waaweyn oo dhinacyada macdanta, beeraha, waddooyinka iyo isku xirka magaalooyinka Soomaaliya. “Waxyaabaha aan maanta ka hadalnay waa wixii aan ilaa hadda qabanay, laakiin riyooyinkeenna iyo yoolalkayagu intaas way ka weyn yihiin,” ayuu yiri safiirka. 

Muqdisho 12ka Sebteembar 2026 Dhawaan magaalada Muqdisho, khubaro ka socotay Booliska iyo Xuquuqda Aadanaha UNTMIS ayaa ka taageeray booliska Soomaaliyeed  aqoon-is-weydaarsi socday muddo saddex maalmood ah oo ku saabsanaa Ilaalinta Carruurta Xilliyada Colaadaha Hubaysan. Aqoon-is-weydaarsiga waxaa ka qaybgalay 40 sarkaal oo haween ah oo ka tirsan Waaxda Dembi-baarista.

Waxa uu xoojiyay aqoon-is-weydaarsigan awoodda saraakiisha booliska si ay uga hortagaan lixda xadgudub ee waaweyn ee ka dhanka ah carruurta xilliyada colaadaha hubaysan, iyo in ay qaadaan tallaabooyinka ku habboon marka la soo sheego xadgudubyo ka dhan ah xuquuqda carruurta.

Muqdisho 12ka Sebteembar 2026 Agaasimaha Fulinta Sanduuqa Qaran ee Isbeddelka Cimilada Soomaaliya, Liban Obsiye, ayaa magaalada Salvador, ee dalka Brazil uga qaybgalay Shir Goboleedka Wasaaradaha Maaliyadda ee Arrimaha Cimilada, oo ay ka soo qayb galeen mas’uuliyiin iyo khubaro ka kala socday dalal Afrika iyo Koonfurta America. Shirkaan ayaa diiradda lagu saaray is-weydaarsiga khibradaha iyo fursadaha lagu xoojin karo abaabulka iyo maalgelinta wax-ka-qabashada isbeddelka cimilada, iyadoo sidoo kale laga hadlay caqabadaha dalalku kala kulmaan helitaanka maalgelinta cimilada Maaliyadda. 

Intii uu socday kulanka saddexda maalmood ah, waxaa looga hadlay habab kala duwan oo lagu heli karo maalgelinta cimilada, oo ay ka mid yihiin dakhliga gudaha, Iskaashiga Dowladda iyo Ganacsiga Gaarka loo leeyahay (PPP), maalgelinta khataraha musiibooyinka. Agaasimaha Sanduuqa Cimilada Qaran,Liban Obsiye ayaa dalalka iyo Hey’addaha kala duwaj ee shirka ka qeybgalay la wadaagay khibradda Soomaaliya ee maalgelinta cimilada, isagoo iftiimiyey guulaha la gaaray, caqabadaha jira iyo baahida loo qabo in maalgelinta si wax-ku-ool ah loogu jiheeyo dalalka nugul ee ay si weyn u saameeyeen isbeddelka cimiladu.

“Soomaaliya oo ka mid ah dalalka sida weyn ugu nugul saameynta isbeddelka cimilada, waxaan fursad u helay inaan la wadaago khibraddeenna, guulaheenna iyo caqabadaha naga haysta maalgelinta cimilada. Waxaan sidoo kale sharaxay sida aan u qaadanayno hab ay Dowladda iyo Bulshadu si wadajir ah uga qayb qaataan xoojinta adkeysiga iyo dhisidda mustaqbal waara.” Ayuu yiri Agaasimaha Fulinta Sanduuqa Qaran ee Isbeddelka Cimilada Soomaaliya, Liban Obsiye. 

Shir Goboleedkaan, ayaa sidoo kale looga hadlay muhiimadda iskaashiga caalamiga ah, hal-abuurka iyo wadaagista khibradaha si loo kordhiyo maalgelinta iyo xalalka waara ee wax-ka-qabashada isbeddelka cimilada. Shirka ayaa sidoo kale lagu gorfeeyay isdhexgalka heer Goboleed iyo is -is-weydaarsiga khibradaha ku saabsan Cimilada Cagaaran iyo maalgelinta.

Waxaa shirkaan oo ah meertada 2aad si wadajir ah u soo qabanqaabiyey Hey’adda Horumarinta Faransiiska, Wasaaradda Maaliyadda ee Brazil, Bangiga Horumarinta Koonfurta America (IDB), iyo Machadka Dhaqaalaha Cimilada (Institute for Climate Economics).

Muqdisho 12ka Sebteembar 2026 Madaxweyne ku xigeenka Hirshabeelle Yuusuf Hagar Dabageed ayaa sheegay in Madaxweyne Xasan Sheekh uu uga baxay ballan uu hore ula galay waxgaradka iyo siyaasiyiinta beesha Xawaadle, kaas oo ahaa in beeshu qaadato hoggaanka Hirshabeelle doorashada soo socota. Yuusuf Dabageed oo ka hadlay kulan ay isugu yimaadeen waxgaradka iyo siyaasiyiinta beesha Xawaadle ayaa sheegay in guddi uu hoggaaminayay Ugaas Yuusuf Ugaas Xasan, oo ay ku jireen siyaasiyiin, ganacsato iyo waxgarad, ay muddo saddex bilood ah ka hor arrintan kala hadleen madaxweyne Xasan Sheekh.

Wuxuu sheegay in Xawaadle ay taageereen Hirshabeelle, ayna ballanqaadeen in aysan mucaarad ku noqon dowladda federaalka, iyadoo beddelkeedana laga filayay in beesha loo tixgeliyo hoggaanka maamulka marka ay timaaddo waqtigii isbeddelka.

Sida uu sheegay Dabageed, Madaxweyne Xasan Sheekh ayaa markii dambe la kulmay xubno ka tirsan guddiga, wuxuuna u sheegay in kursiga madaxweynaha Hirshabeelle la siinayo Xawaadle.

Dabageed wuxuu sheegay in saddex bilood kaddib uu madaxweynuhu si gaar gaar ah ula kulmay isaga iyo siyaasiyiin kale, isagoo u sheegay in ballantii Xawaadle uu ka baxay, isla markaana uu kursiga Hirshabeelle siiyay Cali Guudlaawe.

Madaxweyne ku xigeenka Hirshabeelle ayaa sheegay in arrintaasi ay ku noqotay lama filaan, maadaama uu filayay in Xasan Sheekh, oo uu ku tilmaamay masuul si fiican u yaqaan xaaladda Hirshabeelle, uu ilaalin doono ballantii hore.

“Waxaan u qabay madaxweyne aan ballankiisa ka bixi doonin,” ayuu yiri Dabageed, isagoo sheegay inuu aaminsanaa in madaxweynuhu uusan beddeli doonin heshiis uu hore ula galay waxgaradka iyo siyaasiyiinta beesha Xawaadle.

Dabageed ayaa sidoo kale sheegay in markii uu arrinta kala hadlay madaxweynaha, Xasan Sheekh uu ku adkeystay in ballantii Xawaadle uu ka baxay.

“Madaxweyne Xasan Sheekh, waxaan kusoo kala tagnay,” reer abtigay waxba uma hayee kursiga iga nabad-doonee. “Haddaan kasoo helo intaad geenee,” ayaan iri. “Cali Guudlaawe siinaa,” ayuu yiri. Madaxweynaha uma badin,” waxaan iri, “nin yahow, kama nabad-doonayn karo. Nin iga dambeeya oo Xawaadle ah oo ka nabad-doonayn kara inuu jiro u malayn maayo,” ayuu yiri Madaxweyne-ku-xigeenka Hirshabeelle.

https://www.youtube.com/watch?v=7fzqX9Z9Gqs

Su’aalaha Maanta::Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 8da Sebteembar 2026 Madaxweyne Jamhuuriyadda Federaalka Soomaaliya Mudane  Xasan Sheekh oo Tacsi Tiiraanyo leh u diray Madaxweynaha dalka Tanzania.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud waxa uu Tacsi tiiraanyo leh u dirayaa Madaxweynaha Jamhuuriyadda Midowday ee Tanzania Marwo Dr. Samia Suluhu Hassan oo uu uga Tacsiyadeynayo geerida ku timid Seygeeyda Marxuum Hafidh Ameir Hassan oo ku geeriyooday dalka Tanzania .

“Waxaan Tacsi tiiraanyo leh u dirayaa Madaxweynaha Jamhuuriyadda Midowday ee Tanzania, Marwo Dr. Samia Suluhu Hassan, Qoyskeeda iyo Carruurteeda iyo guud ahaan shacabka iyo Dowladda Tanzania oo aan uga tacsiyadeynayo geerida ku timid Marxuum Hafidh Ameir Hassan” ayaa lagu yiri qoraal kooban oo Tacsi ah oo kasoo baxay Madaxtooyada Jamhuuriyadda Federaalka Soomaaliya.

—-DHAMMAAD-

Muqdisho 8da Sebteembar 2026 Kenya iyo Soomaaliya ayaa ku heshiiyey in la dardargeliyo qorshaha lagu fidinayo waddada isku xirta Isiolo iyo Mandera, taas oo laga sii gudbinayo gudaha Soomaaliya, si loo abuuro marin cusub oo ganacsi, isgaarsiineed iyo amni oo isku xira dalalka Geeska Afrika. Arrintan ayaa soo baxday kadib kulan magaalada Nairobi ku dhex maray safiirka Soomaaliya ee Kenya, Jabril Cabdulle, iyo xoghayaha joogtada ah ee Wasaaradda Waddooyinka Kenya, Joseph Mbugua.

Labada dhinac ayaa ku heshiiyey in la dhiso guddi farsamo oo wadajir ah, kaas oo dardar gelinaya wada-hadallada ku saabsan in Soomaaliya lagu daro mashruuca Horn of Africa Gateway Development Project (HoAGDP) ee uu maalgeliyo Bangiga Adduunka.

Sidoo kale, Soomaaliya iyo Kenya waxay isla garteen in la qabto kulan heer sare ah oo labada dal ah, kaas oo lagu sii ambaqaadayo qorshaha hirgelinta mashruuca.

Safiir Jabril Cabdulle ayaa soo dhaweeyey ka mid noqoshada Soomaaliya ee mashruucan, isagoo sheegay in uu xoojin doono isku xirnaanta labada dal.

“Mashruucan wuxuu fududeyn doonaa ganacsiga xuduudaha, wuxuu horumarin doonaa isku xirka fiber-optic-ga gobolka, wuxuuna furi doonaa fursado dhaqaale oo badan oo ay ka faa’iideystaan bulshada labada dal,” ayuu yiri.

Qorshahan ayaa waddada Isiolo-Mandera siinaya muhiimad ka ballaaran sidii hore, iyadoo mashruucu muddo sanado ah ka socday waqooyi-bari Kenya, balse ay caqabado amni iyo kuwo hirgelin ahi dib u dhigeen qaybo ka mid ah.

Bangiga Adduunka ayaa sannadkii 2020 ansixiyey maalgelin dhan $750 milyan oo loogu talagalay mashruuca HoAGDP, kaas oo diiradda saaraya waddo dhererkeedu yahay 740km oo isku xirta Isiolo iyo Mandera.

Mashruuca waxaa markii hore qorshihiisu ahaa in la casriyeeyo 365km oo waddada ah iyo 30km oo waddooyin kale oo ku xirma, iyadoo sidoo kale lagu dari doono kaabayaal fiber-optic ah, xarumaha xuduudaha iyo nidaamyo lagu fududeynayo maamulka iyo ganacsiga xuduudaha.

Amniga ayaa ka mid ah caqabadaha ugu waaweyn ee horyaalla mashruuca, gaar ahaan deegaannada waqooyi-bari Kenya. Dowladda Kenya ayaa sheegtay in la xoojiyey tallaabooyinka amni si loo ilaaliyo shaqaalaha iyo howlaha dhismaha.

Puntland 8da Sebteembar 2026Dowlad Goboleedka Puntland ayaa ka digay in kooxaha burcad-badeedda ee ka howlgala xeebaha gobolka ay xiriir la leeyihiin shabakado dambiilayaal ah oo gaara ilaa Yemen. Maxamed Jaamac, oo ah taliyaha Ciidanka Ilaalada Badda ee Puntland, ayaa sheegay in burcad-badeeddu ay hadda awood u leeyihiin inay weerarro ka fuliyaan masaafo ka fog xeebaha Soomaaliya, iyagoo adeegsanaya doonyo dheereeya iyo hub ay ka mid yihiin qoryaha lidka diyaaradaha iyo gantaallada garabka laga tuuro.

Digniinta Puntland ayaa ku soo beegmaysa xilli ay soo badanayaan weerarrada burcad-badeedda ee ka dhaca xeebaha Soomaaliya iyo Gacanka Cadmeed. Sanadkan ayaa la diiwaangeliyey weerarro ka badan kuwii sanadihii u dambeeyey.

Ugu yaraan 5 markab ayaa haatan lagu haystaa xeebaha degaanada Puntland. Burcad badeedda ayaa dalbaday lacago furasho ah oo malaayiin ah. 

Sida laga soo xigtay xogta la helayo, kooxaha burcad-badeedda ayaa sidoo kale mararka qaar adeegsanaya maraakiib ay hore u qafaasheen, iyagoo ka dhigaya saldhigyo ay ka abaabulaan weerarro cusub oo ka dhaca meel ka baxsan xeebaha Soomaaliya.

Muqdisho 8da Sebteembar 2026 Booliska magaalada Karachi ayaa xiray tiro ka mid ah qoysaska badmaaxiinta Pakistan, kuwaas oo mudaharaad ka dhigayay bannaanka xafiiska Wasaaradda Arrimaha Dibadda ee Pakistan, iyagoo dalbanayay in si degdeg ah loo soo badbaadiyo eheladooda oo ay afduubteen burcad-badeed Soomaali ah. Qoysaska ayaa tan iyo habeenkii Axadda fadhiyay bannaanka xarunta Wasaaradda Arrimaha Dibadda ee ku taalla Shahrah-e-Faisal, iyagoo dowladda Pakistan ugu baaqayay inay qaaddo tallaabooyin wax ku ool ah oo lagu xaqiijinayo sii-deynta badmaaxiinta.

Warbaahinta Pakistan ayaa sheegtay in 10 muwaadiniin Pakistani ah ay ka mid yihiin 17-ka qof ee shaqaalaha markabka MT Honour 25, oo ay burcad-badeeddu qabsadeen 21-kii Abriil xilli uu marayay biyaha u dhow Soomaaliya.

Markabka oo wata calanka Palau ayaa sida lagu sheegay warbixinta lagu qabsaday meel ka baxsan xeebaha Puntland.

Qoysaska mudaharaadayay ayaa sheegay inay si nabad ah ugu tageen xarunta wasaaradda si ay dowladda uga dalbadaan in la dedejiyo dadaallada lagu soo daynayo eheladooda.

Booliska ayaa markii dambe farageliyay mudaharaadka, waxaana la xiray qaar ka mid ah dadkii bannaanbaxa ka qeybgalayay.

Qaar ka mid ah dibadbaxayaasha ayaa sheegay in boolisku adeegsadeen awood iyo ul, iyagoo dalbaday in si degdeg ah loo sii daayo dhammaan dadka la xiray.

Qoysaska ayaa muujiyay walaac sii kordhaya oo ku saabsan xaaladda badmaaxiinta, kuwaas oo muddo bilo ah gacanta ugu jira kooxaha afduubka ka geysta xeebaha Soomaaliya.

Waxay dowladda Pakistan ugu baaqeen inay xoogga saarto dadaallada lagu xaqiijinayo badbaadada badmaaxiinta iyo sidii loogu soo celin lahaa dalkooda.
image.png

Muqdisho 8da Sebteembar 2026 Madaxweynaha Jabuuti, Ismaaciil Cumar Geelle, ayaa ka digay faragelin shisheeye oo lagu sameeyo arrimaha gudaha ee dalkiisa, isagoo sheegay in madax-bannaanida Jabuuti iyo awoodda ay u leedahay inay si madaxbannaan go’aannadeeda u gaadho ayna ahayn wax gorgortan laga geli karo. Madaxweyne Geelle ayaa hadalkan ka sheegay magaalada Cali-Sabiix, kaddib markii uu soo dhammaaday shir siyaasadeed oo saddex maalmood socday oo ay yeesheen xubnaha Xisbiga Isu-soo-baxa Shacabka ee Horumarka (RPP) ee talada dalka haya.

Madaxweynaha ayaa sheegay in Jabuuti ay xoogga saarayso ilaalinta madax-bannaanida go’aan-qaadashadeeda, xoojinta amniga gudaha iyo dhowrista isku-duubnida bulshada, xilli Geeska Afrika iyo gobolka Badda Cas ay ka jiraan loollan siyaasadeed iyo mid amni oo sii kordhaya.

“Arrimaha gudaha Jabuuti waxaa iska leh shacabka iyo dowladda Jabuuti. Uma oggolaan doonno cidna inay farageliso ama ku soo xadgudubto arrimaheenna gudaha,” ayuu yidhi Madaxweyne Geelle.

Waxa uu sidoo kale sheegay in dowladdiisu sii wadi doonto maalgelinta waxbarashada, horumarinta xirfadaha iyo tayeynta awoodda muwaadiniinta Jabuuti, si loo dhiso dal isku filan oo awood u leh inuu si madaxbannaan uga jawaabo caqabadaha mustaqbalka.

Hadallada Madaxweynaha Jabuuti ayaa kusoo beegmaya xilli gobolka Geeska Afrika iyo Badda Cas ay ka jiraan loollan xooggan oo ay ku lug leeyihiin dalal iyo quwado shisheeye, kuwaas oo dano amni, siyaasadeed iyo dhaqaale ku leh gobolka.

Si kastaba ha ahaatee, Madaxweyne Geelle si gaar ah uma magacaabin cida ama dalka uu uga digayay faragelinta. Sidoo kale muu sheegin dal ama dhinac ay dowladdiisu xilligan khilaaf siyaasadeed ama diblomaasiyadeed kala dhexeeyo. Sidaas darteed, lakiin waxa si adag u diide farogalin kasta oo shisheeye.

WARARKA MAANTA 6da Sebteembar 2026 

Su’aalaha Maanta::Maxuu yahay shirka isgaarsiinta ah ee #Muqdisho ka furmaya? Yaa shirkan isgaarsiinta lacag mashruuc ku cunnaaya? Yaa dhacay shacabka #Muqdisho? Yaa noqon doona Raysal Wasaaraha cusub? Yaa kashifay mashuucyadii Shirkad #Kenya ah Iyo Bangida Adduunka lagac lagu cunni jiray magaca #Soomaaliya? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 6da Sebteembar 2026  Marka aan dagaalka ku jirno, waa in aan maanka ku haynaa in waxa la isku haysto ay tahay quluubta iyo maskaxda shacabka, qofkii quluubta shacabka hanta ayaa dagaalka ku guulaysanaya, Sidaas darteed, ilaalinta badqabka rayidka waxay qayb ka tahay guusha; guuldarraduna waxay bilaabataa marka badqabka rayidku meesha ka baxo, shacabkuna kaa fogaado.”

— Wasiirka Wasaaradda Cadaaladda iyo Arrimaha Dastuurka Xukuumadda JFS Mudane Xasan Macallin Maxamuud

Addis Sababa 6da Sebteembar 2026Soomaaliya oo noqotay dalka 50-aad ee ku biira AfCFTA

Wasiirka Ganacsiga iyo Warshadaha Soomaaliya ayaa sheegay in Soomaaliya si rasmi ah ugu gudbisay Midowga Afrika dukumentiga ansixinta Heshiiska Aagga Ganacsiga Xorta ah ee Qaaradda Afrika (AfCFTA).

Wasiirku wuxuu sheegay in tallaabadan ay Soomaaliya ka dhigeyso dalka 50-aad ee xubin rasmi ah ka noqda Heshiiska AfCFTA, isaga oo ku tilmaamay arrin taariikhi ah oo muhiim u ah kobcinta ganacsiga iyo maalgashiga dalka.

Sida uu wasiirku sheegay, heshiisku wuxuu ganacsatada Soomaaliyeed u abuuri karaa fursado cusub oo ay ku gaaraan suuqyada dalalka Afrika, iyadoo dowladda ay hadda diiradda saari doonto hirgelinta waajibaadka heshiiska iyo u diyaarinta ganacsatada Soomaaliyeed sidii ay uga faa’iidaysan lahaayeen fursadaha uu abuurayo

Muqdisho 6da Sebteembar 2026 Guddoomiyaha Guddiga Madaxa-bannaan ee Xuquuqul Insaanka Qaranka (GMXIQ), Dr. Maryam Qasim Ahmed, ayaa magacaawday Agaasime-waaxeedyada hoos ku xusan:

• Maqdis Cabdullaahi Cumar – Agaasimaha Waaxda Kormeerka, Cilmi-baarista iyo Warbixinnada

• Maxamed Xasan Abshir – Agaasimaha Waaxda Ilaalinta, Horumarinta iyo Tababarka Xuquuqul Insaanka

• Cabdirisaaq Xasan Macallin – Agaasimaha Waaxda Cabashooyinka, Baaritaannada iyo Adeegyada Sharciga

• Cabdiraxmaan Aadan Maxamed – Agaasimaha Waaxda Shaqaalaha iyo (ICT)

Guddoomiyaha waxay kula dardaarantay Agaasime-waaxeedyada cusub inay waajibaadkooda u gutaan si hufan oo xilkasnimo leh, una hoggaansamaan mabaadii’da daahfurnaanta, isla-xisaabtanka iyo madaxbannaanida Guddiga, si loo xoojiyo doorka Guddiga ee ilaalinta iyo horumarinta xuquuqda aadanaha ee dalka

Muqdisho 6ta Sebteembar 2026 WASIIRKA GAASHAANDHIGGA IYO TALIYAHA CIIDANKA XOOGGA DALKA OO KA QAYB GALAY KULAN LOOGA HADLAYAY ILAALINTA BADQABKA RAYIDKA

Wasiirka Gaashaandhigga iyo Taliyaha Ciidanka Xoogga Dalka Soomaaliyeed ayaa ka qayb galay kulan ay soo agaasintay Wasaaradda Gaashaandhigga, kaas oo looga hadlayay xoojinta ilaalinta badqabka iyo amniga shacabka rayidka ah xilliyada ay socdaan howlgallada ciidanka iyo colaadaha hubeysan.

Kulanka ayaa diiradda lagu saaray sidii loo xoojin lahaa tallaabooyinka lagu ilaalinayo dadka rayidka ah, iyadoo la dhowrayo sharciga caalamiga ah ee bani’aadantinimada iyo masuuliyadda ciidanka ee ilaalinta shacabka.

Mas’uuliyiinta ayaa sidoo kale adkeeyay muhiimadda ay leedahay in ciidamada lagu wacyigeliyo ilaalinta xuquuqda rayidka, gaar ahaan xilliyada ay socdaan howlgallada amni iyo kuwa ka dhanka ah kooxaha hubeysan.

Maraykanka 6da Sebteembar 2026 Maraykanka ayaa la sheegay inuu kordhinayo hawlgallada cirka iyo joogitaankiisa militari ee Puntland, iyadoo diyaaradaha aan duuliyaha lahayn ee Maraykanka ay 3-dii Sebtembar hawlgallo sahamin ah ka sameeyeen buuraha Cal-Miskaad ee gobolka Bari. Sida ay saraakiil amni oo Puntland ah u sheegeen warbaahinta Drop Site, diyaaradaha ayaa hawlgallo ka fuliyay deegaannada Togga Miraale iyo Togga Baalade, kuwaas oo loo arko goobo ay ku xooggan yihiin dagaalyahannada kooxda ISIS.

Saraakiishu waxay sheegeen in diyaaradaha Maraykanku ay gudaha Togga Baalade ku arkeen dagaalyahanno looga shakisan yahay ISIS oo la socday gaari dameer, kaddibna ay duqeymo ka fuliyeen agagaarka deegaanka abbaaro 8:30 fiidnimo.

Hawlgalladan ayaa imanaya xilli Washington ay qorsheynayso inay ballaariso saldhig militari oo cusub oo laga dhisayo magaalada Boosaaso, sida ay sheegeen saraakiisha amniga Puntland.

Qorshaha saldhigga ayaa lagu dhawaaqay kaddib kulan 2-dii Agoosto magaalada Boosaaso ku dhexmaray Madaxweynaha Puntland Siciid Cabdullaahi Deni iyo wafdi uu hoggaaminayay Taliyaha Hawlgallada Gaarka ah ee AFRICOM, Major General Claude Tudor.

War kasoo baxay Puntland ayaa sheegay in Maraykanku ballaarin doono saldhiggiisa Boosaaso si loo xoojiyo dagaalka ka dhanka ah kooxaha hubeysan iyo amniga badda ee Badda Cas iyo Gacanka Cadmeed.

Hase yeeshee, shan sarkaal oo amni oo Puntland ah ayaa Drop Site u sheegay in heshiisku ka weyn yahay sida lagu sheegay bayaanka rasmiga ah, ayna tahay in saldhigga cusub uu si toos ah uga howlgalo Boosaaso.

Sida ay saraakiishu sheegeen, Maraykanku hadda Boosaaso wuxuu ku leeyahay xafiis ay adeegsadaan AFRICOM iyo CIA, kaas oo isku xira ciidamada Puntland iyo xarunta AFRICOM ee Jabuuti marka loo baahdo taageero cirka ah.

Marka saldhigga cusub la dhammeeyo, saraakiishu waxay sheegeen in diyaaradaha Maraykanku ay duqeymaha iyo hawlgallada sahanka si toos ah uga bilaabi doonaan Boosaaso.

Buuraleyda Cal-Miskaad ayaa muddo ku dhow laba sano waxaa ka socday dagaal u dhexeeya ciidamada Puntland oo taageero ka helaya Maraykanka iyo dagaalyahannada ISIS.

Maraykanka ayaa xilligan kordhiyay duqeymaha iyo hawlgallada uu ka fulinayo Soomaaliya, iyadoo kooxda ISIS ay weli qaybo ka mid ah buuraha ku leedahay saldhigyo ay ku dhuumato.

Sida laga soo xigtay xogta New America ee lagu xusay warbixinta, Maraykanku wuxuu Soomaaliya ka fuliyay 205 duqeyn intii uu Donald Trump bilaabay muddadiisa labaad ee madaxtinimada, waxaana 53 boqolkiiba duqeymahaasi lala beegsaday ISIS.

Warbixintu waxay sidoo kale sheegtay in Maraykanku qorsheynayo samaynta ciidan cusub oo maxalli ah oo ka howlgala Puntland, kaas oo la dagaallami doona kooxaha argigixixisada.

Saraakiisha Puntland ayaa sheegay in Maraykanku uu mas’uul ka noqon doono mushaharka, qalabaynta iyo tababarka ciidamadaas, inkastoo tiradooda aan weli la go’aamin.

Qorshaha saldhigga cusub ee Boosaaso ayaa sidoo kale dhaliyay su’aalo la xiriira awoodda Puntland ee heshiisyada militari ee lala galo dalalka shisheeye.

Warbixintu waxay xustay in dastuurka Soomaaliya uu dhigayo in dowladda federaalka ay leedahay awoodda saxiixa heshiisyada ay Soomaaliya la gasho dowladaha iyo hay’adaha shisheeye.

WARARKA MAANTA 3da Sebteembar 2026 

Su’aalaha Maanta::Maxaa ka socda Baydhabo? Maxuu fashiilay Siyaasi Cabdi-Waal? Maxuu ku fashilmay shirkii amniga ee #Muqdisho ka socda? Yaa fashilay shirka amniga ee #Muqdisho ka furmay? Maxay Madaxweyne hore Xassan Iyo Raysal Wasaare hore Xamsa u diideen inay furaan shirka amniga? Yaa dhacay shacabka #Muqdisho? Yaa noqon doona Raysal Wasaaraha cusub? Yaa kashifay mashuucyadii Shirkad #Kenya ah Iyo Bangida Adduunka lagac lagu cunni jiray magaca #Soomaaliya? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 3da Sebteembar 2026 Guddiga Horumarinta Adeegga Bulshada ee Aqalka Sare ayaa maanta kormeer shaqo ku tegay xarunta Golaha Mihnadlayaasha Caafimaadka Qaranka, si ay ugu kuurgalaan hannaanka shaqo iyo doorka Golaha ee nidaaminta mihnadda caafimaadka dalka.

Kormeerkan oo uu hoggaaminayay Guddoomiyaha Guddiga, Senatar Dr. Cismaan Maxamuud Maxamed (Dufle), ayaa diiradda lagu saaray dhowrista tayada adeegyada caafimaadka, ku-dhaqanka shuruucda mihnadda caafimaadka, tayada dawooyinka, badqabka adeegyada Isbitaallada, iyo habraacyada lagu hubiyo aqoonta iyo kartida xirfadlayaasha caafimaadka dalka.

Intii uu kormeerku socday, xubnaha Guddigu waxay maamulka Golaha Mihnadlayaasha Caafimaadka ka dhageysteen warbixin ku saabsan hannaanka shaqado, waajibaadka iyo doorka ay ku leeyihiin nidaaminta mihnadda caafimaadka, caqabadaha jira iyo qorsheyaasha horumarineed.

Kormeerkan ayaa qayb ka ah waajibaadka Guddiga ee la-xisaabtanka, dabagalka iyo kor-joogteynta hay’adaha caafimaadka, iyadoo ujeeddadu tahay dardargelinta dhowrista tayada iyo shuruucda caafimaadka dalka, si loo hubiyo in bulshada Soomaaliyeed ay helaan adeeg caafimaad oo hufan, tayo leh, islamarkaana ammaan a

Muqdisho 3da Sebteembar 2026 Wasiirka Wasaaradda Gaadiidka iyo Duulista Hawada XFS, Hon. Maxamed Faarax Nuux, ayaa ka hadlay munaasabadda xarig-jarka Shirkadda Diyaaradaha SalamAir, oo laga leeyahay dalka Cumaan, taas oo muddo dhowr iyo soddon sano ah kadib maanta duulimaad ka bilowday Muqdisho iyo Muscat ee dalka Cumaan 

Muqdisho 3da Sebteembar 2026  Dowladda Soomaaliya ayaa sheegtay in waaxda amnigu ay isticmaasho in ka badan 60% miisaaniyadda qaranka, iyadoo dalka uu isku diyaarinayo in ciidamada Soomaaliyeed ay si buuxda ula wareegaan mas’uuliyadda amniga marka uu dhammaado howlgalka Midowga Afrika ee Soomaaliya bisha December. Agaasimaha Guud ee Amniga Gudaha, Maxamed Xasan Shire, ayaa sheegay in xaaladdaasi ay dowladda ku qasbeyso inay dib u eegto habka loo maareeyo kharashaadka ciidamada iyo hay’adaha amniga, si loo daboolo baahiyaha dhaqaale ee sii kordhaya.

Shire oo ka hadlayay shir looga hadlayay arrimaha amniga ayaa sheegay in xoojinta isku-duwidda hay’adaha amniga ay tahay arrin muhiim u ah wax-ku-oolnimada hay’adaha amniga Soomaaliya.

Wuxuu yiri:“Arrinta kale ee aan maanta shirkan kaga hadalnay waa habka isku-duwidda. Xoojinta habka isku-duwiddu waxay muhiim u tahay wax-ku-oolnimada hay’adaha amniga.”

Agaasimaha Guud ayaa sidoo kale carrabka ku adkeeyay muhiimadda ay leedahay in la helo dhaqaale waara oo lagu daboolo baahiyaha ciidamada iyo hay’adaha amniga, “Ugu dambayn, arrintu waxay ku saabsan tahay awoodda dhaqaale. Awoodda lagu maalgelin karo amniga waa arrin muhiim ah xilligan, gaar ahaan iyadoo howlgalka Midowga Afrika uu halkan ku dhammaanayo bisha December, ciidamada Soomaaliyeedna laga filayo inay la wareegaan mas’uuliyadda amniga,” ayuu yiri Shire.

Wuxuu sheegay in ay muhiim tahay in dowladda Soomaaliya ay qorshe cad ka yeelato sidii ay u dabooli lahayd baahiyaha miisaaniyadeed ee ciidamada amniga marka ay mas’uuliyadda amni si buuxda ugu soo wareegto dowladda, Sida uu sheegay Shire, dowladda ayaa sidoo kale wada qorsheyaal lagu doonayo in lagu yareeyo kharashaadka aan loo baahnayn, isla markaana lagu kordhiyo hufnaanta hay’adaha amniga. 

Puntland 3da Sebteembar 2026  Puntland ayaa ku dhawaaqday in tallaabo sharci ah laga qaadi doono cid kasta oo lagu qabto haysashada, soo gelinta, iibinta ama isticmaalka hub sharci-darro ah gudaha deegaanadeeda. Go’aankan ayaa kasoo baxay shir amni oo uu magaalada Boosaaso ku guddoomiyey Madaxweynaha Puntland, Siciid Cabdullaahi Deni, kaas oo looga hadlay xaaladda amni ee gobolka Bari iyo xoojinta tallaabooyinka lagu xakameynayo hubka sharci-darrada ah.

Puntland waxay sheegtay in hay’adaha amniga iyo caddaaladda loo xilsaaray inay si adag u fuliyaan go’aanka, iyadoo hub kasta oo sharci-darro ah oo la qabto ay dowladda la wareegayso.

Tallaabadan ayaa sidoo kale khuseysa dadka lagu helo inay hub sharci-darro ah soo geliyaan Puntland, ka ganacsadaan ama isticmaalaan, iyadoo dowladda ay sheegtay in laga qaadi doono tallaabo waafaqsan sharciga.

Go’aanka ayaa imanaya iyadoo maamulka Puntland uu isku dayayo inuu yareeyo faafitaanka hubka sharci-darrada ah iyo khatarta uu ku yeelan karo amniga bulshada, gaar ahaan colaadaha beelaha iyo falalka amni-darrada ah.

Muqdisho 3da Sebteembar 2026 Kusimaha Madaxweynaha Jamhuuriyadda Ahna Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Cabdulqaadir Maxamed Nuur (Jaamac) ayaa xafiiskiisa ku qaabilay Ra’isulwasaaraha Xukuumadda Federaalka Soomaaliya Mudane Xamsa Cabdi Barre, waxaana ay ka wada hadleen sidii loo xoojin lahaa wada-shaqeynta Golaha Shacabka iyo Xukuumadda, si waafaqsan Dastuurka, shuruucda dalka iyo danaha shacabka Soomaaliyeed, loona dardargelin lahaa shuruucda mudnaanta u leh howlaha Qaran ee horyaalla Golaha. 

Sulayman Moamed Mohamud is the Somali Attorney-General Ahmed Isse Gutale  is the Somali Auditor-general 

WARARKA MAANTA 2da Sebteembar 2026 

Su’aalaha Maanta:Maxay kashiftay Guddoomiyihii hore Xaliimo Yareey? Yaa fashilay shirka amniga ee #Muqdisho ka furmay? Maxay Madaxweyne hore Xassan Iyo Raysal Wasaare hore Xamsa u diideen inay furaan shirka amniga? Yaa dhacay shacabka #Muqdisho? Yaa noqon doona Raysal Wasaaraha cusub? Yaa kashifay mashuucyadii Shirkad #Kenya ah Iyo Bangida Adduunka lagac lagu cunni jiray magaca #Soomaaliya? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 2da Sebteembar 2026 La-taliyaha amniga qaranka Madaxweynaha Soomaaliya, Danjire Aweys Xaaji Yuusuf, ayaa sheegay in howlgalka Midowga Afrika ee AUSSOM uusan Soomaaliya uga bixi doonin si kedis ah, balse bixitaankiisa lagu salayn doono qorshe ay dowladda Soomaaliya kula wareegayso mas’uuliyadda amniga dalka. Danjire Aweys ayaa sheegay in qorshaha kala-guurka amniga Soomaaliya uu soo bilowday sanaddii 2022, kaddib qiimeyn wadajir ah oo dowladda Soomaaliya iyo Qaramada Midoobay ku sameeyeen awoodda dowladda ee ay kula wareegi karto hawlihii ay hay’adaha Qaramada Midoobay dalka ka wadeen.

Waxa uu sheegay in qiimeyntaas lagu go’aamiyay in Soomaaliya si tartiib ah ula wareegto mas’uuliyadaha kala duwan, iyadoo mudnaanta la siinayo siyaasadda, sharciga iyo caddaaladda, ka hor inta aan si buuxda loo soo afjarin howlgalka gaarka ah ee Qaramada Midoobay.

Danjiraha ayaa sheegay in Golaha Ammaanka ee Qaramada Midoobay uu sannadkii 2025 ansixiyay qorshaha loogu talagalay in Soomaaliya ay 31-ka Oktoobar 2026 si rasmi ah ula wareegto hawlihii ay UNTMIS ka wadday dalka.

“AU-SOM dalka kama bixi doonto,” ayuu yiri Aweys, isaga oo xusay in bixitaanka ciidamada Midowga Afrika lagu saleeyn doono hadba sida ay dowladda Soomaaliya ugu diyaar garowdo la wareegidda amniga.

Waxa uu sheegay in dowladda ay ka go’an tahay in ay si buuxda ula wareegto amniga dalka, balse muddada kala-guurka ay ku xirnaan doonto horumarka laga sameeyo dagaallada iyo tayeynta ciidamada Soomaaliyeed.

Aweys ayaa tilmaamay in haddii ciidamada dowladda iyo dagaalka lagula jiro Al-Shabaab si wanaagsan loo xoojiyo, ay suuragal tahay in mas’uuliyadda amniga lagu wareego muddo ka gaaban qorshaha hadda la dejiyay, halka haddii xaaladdu sidaas ku sii adkaato ay qaadan karto waqti dheeraad ah.

La-taliyaha amniga qaranka ayaa sidoo kale sheegay in qorshaha dowladda uusan ku koobnayn amniga oo keliya, balse uu isku xirayo amniga, caddaaladda iyo horumarinta dhaqaalaha, isaga oo ku dooday in saddexdaas arrimood ay yihiin saldhigga xasilloonida Soomaaliya.

Muqdisho 2da Sebteembar 2026 Wasiirka Warfaafinta, Dhaqanka iyo Dalxiiska oo Kormeeray Tiyaatarka Qaranka.

Wasiirka Wasaaradda Warfaafinta, Dhaqanka iyo Dalxiiska XFS Mudane Cabdulfataax Qaasim Maxamuud ayaa kormeeray xarunta Tiyaatarka Qaranka, halkaas oo ay ka socotay qiimeyn lagu sameynayo xaaladda xarunta iyo baahiyaha dayactir iyo dib u habeyn.

Kormeerka waxaa goob joog ka ahaa Maareeyaha Tiyaatarka Qaranka Abwaan Cabdullaahi Cusmaan Guurre iyo xubno ka tirsan maamulka, kuwaas oo Wasiirka iyo injineerada la wadaagay warbixin ku saabsan xaalada xarunta iyo baahiyaha dayactir ee jira.

Wasiirka ayaa sheegay in Wasaaradda ay ka go’an tahay dib u dayactirka iyo horumarinta Tiyaatarka Qaranka, si uu mar kale u noqdo xarun qaran oo lagu kobciyo fanka, suugaanta, dhaqanka, wacyigelinta iyo hal-abuurka Soomaaliyeed.

Wasiirka ayaa sidoo kale xaqiijiyay in dhawaan la bilaabi doono hawlaha dib u dayactirka iyo dib u habeynta Tiyaatarka Qaranka, si xaruntani mar kale ugu soo noqoto kaalintii muhiimka ahayd ee ay ku lahayd nolosha faneed iyo dhaqameed ee dalka.

Muqdisho 2da Sebteembar 2026  Cali Balcad oo wareysi siiyay wargeyska Asharq Al-Awsat ayaa sheegay in Bayaanka Ankara uu labada dal dib ugu xaqiijiyay ixtiraamka madax-bannaanida, midnimada, madaxbannaanida dhuleednimada midba midka kale. Sida uu sheegay, heshiiskaasi ayaa hadda ah qaabka lagu maamulayo xidhiidhka Soomaaliya iyo Itoobiya.

Wasiiru-dawluhu wuxuu sheegay in Itoobiya ay heli karto marin la isku halayn karo oo ay badda uga soo gasho Soomaaliya, balse arrintaasi ay tahay in lagu saleeyo heshiisyo ganacsi oo labada dhinacba faa’iido u leh, isla markaana lagu fuliyo awoodda iyo madax-bannaanida Jamhuuriyadda Federaalka Soomaaliya.

“Waxaan markaas bilownay wada-xaajoodyo farsamo oo Itoobiya iyo Soomaaliya u dhexeeya, kuwaas oo uu Turkigu dhexdhexaadinayay,” ayuu yidhi Cali Balcad, isagoo xusay in wada-hadalladaasi ay muujiyeen in la heli karo waddo sharci ah oo lagu dabooli karo baahida Itoobiya ee marin ganacsi oo badeed, iyadoo aan waxba loo dhimayn madax-bannaanida Soomaaliya.Sida uu sheegay, natiijada wada-hadallada u dhexeeya Soomaaliya iyo Itoobiya waxay muujinayaan in danaha Itoobiya ee helitaanka marin badeed lagu xallin karo qaab ganacsi iyo diblomaasiyadeed, halkii lagu fulin lahaa heshiisyo ay Soomaaliya u aragto inay wax u dhimayaan madax-bannaanideed 

Belgrade 2da Sebteembar 2026 Madaxweynaha Soomaaliya, Xasan Sheekh Maxamuud, ayaa ka qayb galay shirka Dalalka Aan Isbahaysiga Ahayn (NAM) oo maanta ka furmay magaalada Belgrade ee dalka Serbia. Madaxweyne Xasan Sheekh ayaa khudbaddiisa ku soo bandhigay caqabadaha amni, siyaasadeed iyo dhaqaale ee dunidu wajahayo, isaga oo carrabka ku adkeeyay muhiimadda ay leedahay xoojinta iskaashiga iyo wadajirka caalamiga ah.

Madaxweynaha ayaa sheegay in colaadaha, argagixisada, xiisadaha juqraafi-siyaasadeed iyo isbeddelka cimiladu ay yihiin qaar ka mid ah caqabadaha waaweyn ee maanta horyaalla dunida, kuwaas oo u baahan iskaashi iyo xalal wadajir ah.

Xasan Sheekh ayaa shirka uga warramay horumarka Soomaaliya iyo dadaallada dowladda federaalka ee ku aaddan xasilloonida, dib u dhiska hay’adaha dowladeed iyo horumarinta dalka.

Waxa uu uga mahadceliyay bahwadaagta caalamiga ah taageerada ay Soomaaliya si joogto ah u siiyaan, isagoo sheegay in iskaashiga caalamiga ahi uu muhiim u yahay dadaallada dalka loogu dhisayo nabad iyo xasillooni waarta.

Madaxweynaha Soomaaliya ayaa sidoo kale caddeeyay sida ay Soomaaliya uga go’an tahay mabaadi’da Dhaqdhaqaaqa Dalalka Aan Isbahaysiga Ahayn, gaar ahaan dhowrista madaxbannaanida dalalka, midnimada dhuleed, caddaaladda iyo sinnaanta.

Muqdisho 2da Sebteembar 2026 Guddoomiyaha Baarlamaanka Galmudug, Maxamed Nuur Gacal, ayaa sheegay in ciidamo la geeyay xarunta baarlamaanka, isla markaana albaabada laga xiray, xilli ay xildhibaannadu isku diyaarinayeen inay bilaabaan kalfadhiga baarlamaanka. Gacal oo BBC uga warramay xaaladda ayaa sheegay in ciidamada weli ay ku sugan yihiin xarunta, isla markaana, sida ay iyagu sheegeen, ay amar ka haystaan Madaxweynaha Galmudug oo lagu joojinayo shaqada baarlamaanka.

Guddoomiyaha ayaa sheegay in markii ciidamada la keenay ay xildhibaannadu fasaxeen, balse ay markii dambe ogaadeen in amarka lagu xiray xarunta uu ka yimid dhinaca Madaxweynaha Galmudug, waxa uu shaaca ka qaaday in qaar ka mid ah xildhibaannada la xiriiray Madaxweynaha Galmudug ay u sheegeen inuu ku doodayo in doorasho lagu jiro, sidaas darteedna aan loo baahnayn in hay’adaha dastuuriga ah dib loo hawlgeliyo inta arrinta doorashadu taagan tahay.

Hase yeeshee, Guddoomiyuhu wuxuu sheegay in mowqifkaas uusan waafaqsanayn dastuurka Galmudug, isaga oo xusay in dastuurku dhigayo in hay’adaha dastuuriga ahi ay sii wataan waajibaadkooda ilaa xilka si rasmi ah loogu wareejiyo hay’adaha cusub, Waxa uu iftiimiyay in go’aanno la xiriira arrinta doorashada iyo xukun maxkamadeed oo ay aqbaleen dowladda federaalka iyo guddiga doorashada ay jiraan, kuwaas oo ay tahay in la fuliyo.

Gacal ayaa sheegay in isku darka arrimahaas iyo amarka lagu xiray baarlamaanka ay abuureen xaalad uu ku tilmaamay mid aan caadi ahayn oo ilaa hadda aan xal laga gaarin, waxa uu xusay in ilaa hadda aysan jirin natiijo cad oo ka soo baxday xiriirradii ay xildhibaannadu la sameeyeen Madaxweynaha Galmudug.

“Ilaa hadda ciidamadu way nagu dul sugan yihiin, amar ayayna, sida ay noo sheegeen, ka haystaan Madaxweynaha Galmudug,” ayuu yiri Gacal, Waxa uu sheegay in xaaladda amni ee gudaha baarlamaanka aysan ahayn mid khatar gaar ah ku ah isaga ama xildhibaannada, balse ay istaageen dhaqdhaqaaqii iyo shaqadii baarlamaanka.

Gacal ayaa sidoo kale sheegay inuusan awoodin inuu si toos ah ula xiriiro Madaxweynaha Galmudug, sababo la xiriira ciidamada ku hareeraysan xarunta, waxa uu khilaafka hadda taagan ku xiray muranka doorashada iyo xiriirka u dhexeeya dowladda federaalka iyo maamulka Galmudug.

Waxa uu sheegay in hay’adihii Galmudug ay muddo ku dhow shan bilood hakad ku jireen, kaddib khilaaf ka dhashay doorashada, taas oo uu sheegay inay ugu dambayn keentay in Madaxweynaha Galmudug uu tanaasul sameeyo, kadibna heshiis laga gaaro arrinta u dhexeysa dowladda federaalka iyo maamulka Galmudug.

Muqdisho 2da Sebteembar 2026 Dowladda Federaalka Soomaaliya ayaa ku eedeysay Madaxweynaha Puntland Siciid Cabdullaahi Deni inuu hadalladiisa iyo mowqifkiisa ku dhiirrigelinayo burcad-badeedda inay madax-furasho ka dalbadaan maraakiibta ay afduubtaan. Wasiirka Gaashaandhigga Soomaaliya, Axmed Macallin Fiqi, ayaa sheegay in warqad uu soo saaray maamulka Puntland ay ku jirto difaac uu ku tilmaamay mid lagu taageerayo burcad-badeedda iyo bixinta lacagaha madax-furashada.

Fiqi ayaa sheegay in tallaabadaas ay fariin khaldan u dirayso kooxaha haysta maraakiibta, taas oo uu sheegay inay ku dhiirrigelin karto inay sii wadaan afduubka iyo dalbashada lacagaha madax-furashada.

“Lacag kasta oo la siiyo burcad-badeedda waxay sii maalgelinaysaa fal-dambiyeedkaas, waxayna ku dhiirrigelinaysaa inay maraakiib kale qabsadaan,” ayuu yiri wasiirku.

Wuxuu sidoo kale ugu baaqay dowladaha ay maraakiibtoodu ku xayiran yihiin xeebaha Soomaaliya in aysan bixin lacag madax-furasho ah, isaga oo sheegay in lacagahaasi ay maalgelinayaan falalka burcad-badeednimada isla markaana ay kooxaha ku dhiirrigelinayaan inay maraakiib kale qabsadaan.

Wasiirka ayaa sheegay in dowladda Federaalka ay diyaar u tahay in la helo xal loogu sameeyo maraakiibta iyo doomaha ay burcad-badeeddu gacanta ku hayaan, balse uu ku adkeystay in aan kooxaha la siin lacag ay ku sii wataan howlahooda.

Dhanka kale, Fiqi ayaa Madaxweynaha Puntland ugu baaqay inuu kaalin muuqata ka qaato la dagaallanka burcad-badeednimada, isagoo xusay in Puntland ay leedahay ciidamo badeed iyo ciidamo ku sugan xeebaha oo muddo dheer taageero ka helayay beesha caalamka.

WARARKA MAANTA 1da Sebteembar 2026 

Su’aalaha Maanta:Maxuu kashifay Xildhibaan Cabdiraxmaan Odawaa?  Yaa shacabka #Muqdisho bacakiciyey? Yaa dhacay shacabka #Muqdisho? Yaa noqon doona Raysal Wasaaraha cusub? Yaa kashifay mashuucyadii Shirkad #Kenya ah Iyo Bangida Adduunka lagac lagu cunni jiray magaca #Soomaaliya? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 1da Sebteembar 2026 Xildhibaano ka tirsan Golaha Shacabka Soomaaliya ayaa maanta gudbiyay mooshin ka dhan ah Wasiirka Arrimaha Gudaha Cali Xoosh, iyagoo dalbanaya in xilka laga qaado. Madaxweynaha ayaa waxaa garoonka diyaaradaha Belgrade kusoo dhaweeyay mas’uuliyiin sare oo ka tirsan dowladda Serbia, waxaana la filayaa in si rasmi ah uu ula kulmo Madaxweynaha Serbia Aleksandar Vučić.

Wafdiga Soomaaliya waxaa sidoo kale ka mid ah Wasiirka Arrimaha Dibadda iyo Iskaashiga Caalamiga ah, Cabdisalaan Cali, oo isna magaalada Belgrade gaaray maanta.

Ka qeybgalka Soomaaliya ee shirka oo uu hoggaaminayo Madaxweynaha Jamhuuriyadda ayaa muujinaya sida ay dowladda Soomaaliya uga go’an tahay mabaadi’da aas-aaska u ah Dhaqdhaqaaqa Dalalka Aan Xulufada Ahayn, oo ay ka mid yihiin dhowrista madax-bannaanida dowladaha, midnimada dhuleed iyo xalinta khilaafaadka si nabad ah.

Belgrade 1da Sebteembar 2026 Ra’iisul Wasaaraha Soomaaliya, Xamsa Cabdi Barre, ayaa sheegay in Soomaaliya iyo Qatar ay xoojinayaan iskaashigooda amni iyo difaac, isagoo tilmaamay in heshiiska iskaashiga difaaca ee labada dal uu gacan ka geysanayo dhismaha hay’ado amni iyo ciidan Soomaaliyeed oo xooggan oo xirfad leh. Xamsa Cabdi Barre oo wareysi gaar ah siiyay wargeyska Al Sharq ee Qatar ayaa sheegay in xiriirka Soomaaliya iyo Qatar uu galay marxalad cusub oo ku dhisan iskaashi istiraatiiji ah, kaas oo ay ku jiraan dhinacyada siyaasadda, dhaqaalaha, maalgashiga, amniga iyo difaaca.

Madaxweynaha Soomaaliya Xasan Sheekh Maxamuud ayaa maanta gaaray magaalada Belgrade ee caasimadda Serbia, halkaas oo uu Soomaaliya uga qeybgeleyso shirka heerka sare ee Dhaqdhaqaaqa Dalalka Aan Xulufada Ahayn (NAM), kaas oo 1-da ilaa 2-da September ka dhacaya dalka Serbia. 

Madaxweynaha ayaa waxaa garoonka diyaaradaha Belgrade kusoo dhaweeyay mas’uuliyiin sare oo ka tirsan dowladda Serbia, waxaana la filayaa in si rasmi ah uu ula kulmo Madaxweynaha Serbia Aleksandar Vučić.

Wafdiga Soomaaliya waxaa sidoo kale ka mid ah Wasiirka Arrimaha Dibadda iyo Iskaashiga Caalamiga ah, Cabdisalaan Cali, oo isna magaalada Belgrade gaaray maanta.

Ka qeybgalka Soomaaliya ee shirka oo uu hoggaaminayo Madaxweynaha Jamhuuriyadda ayaa muujinaya sida ay dowladda Soomaaliya uga go’an tahay mabaadi’da aas-aaska u ah Dhaqdhaqaaqa Dalalka Aan Xulufada Ahayn, oo ay ka mid yihiin dhowrista madax-bannaanida dowladaha, midnimada dhuleed iyo xalinta khilaafaadka si nabad ah.

Muqdisho 1da Sebteembar 2026  Guddiga Madaxa-bannaan ee Doorashooyinka Qaranka iyo Soohdimaha (GMDQS) ayaa si rasmi ah u shaaciyay jadwalka doorashooyinka isku-sidkan ee Golaha Deegaanka iyo Golaha Wakiillada ee dowlad-goboleedka Hirshabeelle Guddiga ayaa sheegay in jadwalkan cusub uu yahay mid lagu beddelay jadwalkii hore ee 25-kii July 2026, kaas oo doorashada lagu qorsheeyay in la qabto 20-kii Agoosto.

Sida uu dhigayo jadwalka cusub, maalinta codbixinta doorashada waxaa loo asteeyay 30-ka September 2026, iyadoo hawlaha doorashada ay bilaabanayaan horraanta bisha September.

Jadwalka GMDQS ayaa dhigaya in 2 September noqon doonto Shaacinta liiska hordhaca ah ee diiwaankada, 15 September ayaa ah Astaynta iyo shaacinta xarumaha iyo goobaha codbixinta halka 16ka September ay u qorsheeyeen Guddiga Diiwaangelinta iyo qaybinta kaararka codbixiyayaasha.

Qatar 1da Sebteembar 2026 Ra’iisul Wasaaruhu wuxuu sheegay in Soomaaliya ay doonayso iskaashi muddo dheer ah oo ay la yeelato Qatar iyo dalalka Khaliijka, kaas oo aan ku koobnaan oo keliya maaraynta dhibaatooyinka, balse diiradda lagu saaro maalgashiga kaabeyaasha dhaqaalaha, tamarta, dekedaha, amniga cuntada iyo horumarinta dhaqaalaha.

Xamsa Cabdi Barre ayaa carrabka ku adkeeyay in madax-bannaanida, midnimada iyo dhul-wadaagga Soomaaliya aysan ahayn arrimo laga gorgortami karo, isagoo sheegay in dowladda federaalku ay diiddan tahay tallaabo kasta oo lagu waxyeelleynayo midnimada dhuleed ee Soomaaliya.

Isagoo ka hadlayay xaaladda Somaliland, wuxuu sheegay in dowladda Soomaaliya ay weli aaminsan tahay in khilaafaadka gudaha lagu xallin karo wada-hadal ay yeeshaan dhinacyada Soomaaliyeed, Wuxuu sidoo kale ka digay faragelinta dibadda iyo isku day kasta oo lagu doonayo in Soomaaliya loogu sameeyo xaqiiqo siyaasadeed oo cusub.

Ra’iisul Wasaaraha Soomaaliya ayaa mar kale caddeeyay mowqifka Muqdisho ee ku aaddan qorshe kasta oo lagu doonayo in Falastiiniyiin loogu soo raro Soomaaliya, Wuxuu sheegay in Soomaaliya aysan noqon doonin dal kale oo Falastiiniyiinta lagu dejiyo, isla markaana aysan qayb ka noqon doonin qorshe lagu barakicinayo shacabka Falastiin ama lagu wiiqayo qaddiyaddooda.

Xamsa ayaa sheegay in shacabka Falastiin ay xaq u leeyihiin inay dalkooda ku noolaadaan xorriyad iyo sharaf.

Ra’iisul Wasaaruhu wuxuu sidoo kale ka hadlay amniga Badda Cas iyo Gacanka Cadmeed, isagoo walaac ka muujiyay xiisadaha gobolka iyo saameynta ay ku yeelan karaan maraakiibta iyo ganacsiga caalamiga ah, Wuxuu sheegay in Soomaaliya ay taageersan tahay dejinta xiisadaha, wada-hadalka iyo xalalka diblomaasiyadeed, isagoo xusay in amniga marinnada badda uu muhiim u yahay Soomaaliya maadaama ay leedahay xeeb istiraatiiji ah oo ku taalla mid ka mid ah marinnada ugu muhiimsan dunida.

Muqdisho 1da Sebteembar 2026 Taliska Ciidanka Xoogga Dalka Soomaaliyeed (XDS) ayaa bilaabay baaritaan hordhac ah oo lagu hayo xubno ka tirsan ciidanka, kuwaas oo lagu eedeeyay inay baraha bulshada ku faafiyeen muuqaal muujinaya tacaddi loo geystay maxbuus dagaal, xilli ay ciidamadu wadeen howlgal ka dhan ah Al-Shabaab. Warsaxaafadeed kasoo baxay taliska ayaa lagu sheegay in falkaasi uu si cad uga hor imaanayo xeerarka anshaxa ciidamada, nidaamka ciidan iyo shuruucda caalamiga ah ee dagaalka, gaar ahaan kuwa la xiriira ilaalinta xuquuqda maxaabiista.

Taliska Ciidanka Xoogga dalka ayaa dhammaan askarta uga digay inay ku kacaan falal noocan oo kale ah, isagoo sheegay in tallaabooyin sharci iyo ciidan oo adag laga qaadi doono cid kasta oo lagu helo inay ku xadgudubtay xeerarka dagaalka, xuquuqda maxaabiista iyo xuquuqda aadanaha.

Taliska ayaa sidoo kale xusay in baaritaanka socda lagu ogaan doono xaqiiqada dhacdada iyo cidda mas’uulka ka ah falka lagu muujiyey muuqaalka.

Si kastaba ha ahaatee, muuqaal maanta lagu baahiyay baraha bulshada ayaa la arkayay maxbuus ka tirsan Alshabaab oo ay tacaddi xooggan u geysanayaan askar ciidanka dowladda ka tirsan, iyagoo bac madaxa u galinaya oo ku ceejinaya maxbuuska.

Muuqaalkan ayaa si weyn looga carooday, iyadoo ay soo baxeen baaqyo loo jeediyay dowladda oo ah in sharciga la horkeeno askarta falkaan foosha xun sameysay. 

WARARKA MAANTA 30ka Agoosto 2026 WARARKA MAANTA 31ka Agoosto 2026 

Su’aalaha Maanta: Yaa sharciga khaniisiinta/qoomu-luudka keenay in laga ansixiyo golaha shacabka? Yaa shacabka #Muqdisho bacakiciyey? Yaa dhacay shacabka #Muqdisho? Yaa noqon doona Raysal Wasaaraha cusub? Yaa kashifay mashuucyadii Shirkad #Kenya ah Iyo Bangida Adduunka lagac lagu cunni jiray magaca #Soomaaliya? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Iran Agoosto 31ka 2026 Dawladda Iiraan ayaa maanta oo Isniin ah shaacisay in markab weyn oo siday shidaal uu dab xooggan ku qabsaday meel u dhow marinka muhiimka ah ee Hormuz, ka dib markii uu ku dhacay labo miino oo kuwa badda ah.

Sida ay werisay warbaahinta qaranka Iiraan, dhacdadan ayaa loo arkaa mid halis weyn ku ah badbaadada marinnada caalamiga ah ee tamarta, maadaama marinka Hormuz uu yahay wadnaha isku xira ganacsiga shidaalka dunida.

Gubashada markabkan ayaa ku soo beegmaysa xilli xiisaddu ay cirka isku shareertay, taas oo kordhinaysa cabsida laga qabo in dhibaatooyinkan ay saameyn ba’an ku yeeshaan dhaqaalaha caalamka iyo isu-socodka maraakiibta ee gobolka.

Muqdisho, Agoosto 31ka 2026  Xaqiiqda aan la qarin karin

Sababta keentay in Ra’iisul Wasaare Kheyre lagu dhaliilo arrimaha Wasaaradda Qorsheynta waxay tahay in dadkii khibradda iyo miisaanka lahaa ee talada iyo hagidda siin lahaa uu wasaaradda ka wada saaray.

Xilligii Wasiirradii Aynte iyo Jamaal, waxaa wasaaradda ka howlgeli jiray masuuliyiin iyo khubaro miisaan leh, kuwaas oo ay ka mid ahaayeen:

Asad – Agaasimihii Guud ee Wasaaradda.

Sharma’arke – Agaasimihii Statistics-ka.

Muse Mohamed – Agaasimihii Waaxda Qorsheynta.

Mohamed Dahir – Agaasimihii Xiriirka Caalamiga ah.

Zahra Abdi – Agaasimihii Xalka Waara iyo Horumarinta Reer Miyiga.

Mohamed Dhuuboow – oo door muhiim ah ku lahaa dhismaha Hay’adda Maalgashiga Soomaaliya.

Agaasime Mo Shire – oo markii dambe u wareegay Wasaaradda Amniga.

Waxaa sidoo kale jiray eedeymo iyo hadal-heyn ku saabsan sababihii xilalka looga qaaday qaar ka mid ah masuuliyiintaas, oo ay ku jireen arrimo siyaasadeed iyo eex qabiil, halka Mo Shire-na lagu sheegay inuu wasaaradda uga baxay arrin la xiriirtay saxiixiisa oo uu siiyay malxiiskiisii doorashada xildhibaanimo, kaas oo maanta ah Agaasimaha Maamulka iyo Maaliyadda ee wasaaradda.

Xaaladda hadda

Masuuliyiinta khibradda leh ee hadda lagu xuso wasaaradda waxaa ka mid ah nin hore uga soo shaqeeyay Wasaaradda Qorsheynta Puntland oo hadda hoggaamiya Waaxda M&E, iyo Mohamed Wayaki, oo hore u ahaa Agaasimaha Guud ee Statistics-ka Wasaaradda Gargaarka/SODMA.

Agaasimaha Guud ee hadda jooga Wasaaradda Qorsheynta, oo hore uga soo wareegay Wasaaradda Gaashaandhigga, ayaa isna lagu tilmaamaa masuul aan si fudud loogu yeeri karin ama loo xisaabtami karin.

Dhaxalkii ay Wasiirradii Aynte iyo Jamaal ka tageen iyo nidaamkii ay wasaaradda ku dhiseen maanta si weyn looma xuso, iyadoo wasaaraddii ay dhiseen lagu eedeeyay inay ka leexatay shaqadeedii iyo haybaddii ay lahayd.

Xogta la hayo waxay sheegaysaa in Ra’iisul Wasaare Xamza uu ka gaabsado kormeerka joogtada ah ee wasaaradda, kadib markii uu arkay xaaladda ay ku sugan tahay. Waxaa xitaa la sheegay in qeyb ka mid ah wasaaradda loogu yeero “Qeybta Ergada Wasiirka”, taas oo lagu tilmaamay goob ay isugu yimaadaan koox isku deegaan ama xaafad ah oo aan lahayn xirfad ku filan, balse si uun uga faa’iideysta wasaaradda.

Talo soo jeedin

Si dib loogu soo celiyo sumcadda, shaqadii iyo hannaankii xirfadeed ee Wasaaradda Qorsheynta, khubaro lala tashaday waxay soo jeediyeen in wasaaradda lagu sameeyo dib-u-habeyn iyo Rebranding dhab ah.

Magacyada la soo jeediyay waxaa ka mid ah:

1. Wasaaradda Qorsheynta Qaranka iyo Horumarinta

   Ministry of National Planning and Development

2. Wasaaradda Qorsheynta Qaranka iyo Isbeddelka Dhaqaalaha

   Ministry of National Planning and Economic Transformation

Ujeeddadu waa in wasaaradda dib loogu soo celiyo haybaddii, hannaankii xirfadeed iyo doorkeedii istiraatiijiga ahaa ee qorsheynta iyo horumarinta dalka

Jubbaland Agoosto 31ka 2026 Booliska magaalada Dhobley ayaa soo bandhigay nin lagu magacaabo Sheekh Cabdullaahi Cabdi Cali, kaas oo ciidamada ammaanku ku eedeeyeen inuu isku dayay inuu magaalada soo geliyo maandooriyaha loo yaqaan xashiishka. 

Ciidamada ammaanka degmada Dhobley ayaa sheegay in eedeysanaha lagu qabtay hawlgal ay si wadajir ah u fuliyeen ciidamada ammaanka, kaddib markii ay heleen xog ku saabsan isku day lagu soo gelinayo magaalada maandooriye.

Sida ay sheegeen ciidamada, howlgalka ayaa lagu qabtay qiyaastii 9 kiilo oo xashiish ah, oo la sheegay in eedeysanuhu doonayay inuu gudaha magaalada Dhobley soo geliyo.

Mas’uuliyiinta ammaanka ayaa sheegay in ay muddo hayeen xogta ku saabsan dhaqdhaqaaq la xiriira soo gelinta maandooriyaha, taas oo ugu dambeyn horseedday in la sameeyo howlgal lagu qabto eedeysanaha iyo maandooriyaha la tuhunsan yahay.

Booliska ayaa sidoo kale sheegay in Sheekh Cabdullaahi Cabdi Cali uu horey ugu lug yeeshay kiis la xiriira ka ganacsiga maandooriyaha, isla markaana maxkamadda degmada Dhobley ay xilligaas ku xukuntay xabsi iyo ganaax.

Sida ay boolisku sheegeen, eedeysanaha ayaa markii uu dhammeystay muddadii xabsiga laga sii daayay, balse ciidamada ammaanka ayaa markale ku qabtay kiis ay ku tilmaameen inuu la mid yahay kii hore.

Eedeysanaha ayaa hadda wajahaya baaritaan iyo tallaabooyin sharci, iyadoo la filayo in kiiska loo gudbiyo hay’adaha garsoorka si loo go’aamiyo mas’uuliyadda ka saaran eedeymaha loo jeediyay.

Muqdisho, Agoosto 31ka 2026 Wasaaradda Gaashaandhigga Soomaaliya ayaa sheegtay in ciidamada qalabka sida ay howlgal ballaaran oo ka dhan ah Al-Shabaab ka wadaan duleedka deegaanka Basra, oo ku yaalla xadka u dhexeeya gobollada Shabeellaha Dhexe iyo Shabeellaha Hoose. Wasaaradda ayaa war-saxaafadeed ay soo saartay ku sheegtay in ciidamada Soomaaliya ay howlgalka ku dileen dagaalamayaal ka tirsan Al-Shabaab, kuwaas oo ay ku jiraan laba horjooge, isla markaana ay ka furteen hubkii ay wateen.

Sida ay sheegtay Wasaaradda Gaashaandhigga, howlgalka ayaa weli socda, iyadoo ciidamada ay baacsanayaan xubno ka tirsan Al-Shabaab oo ka firxaday goobta, si ay uga sifeeyaan deegaannada ku dhow Basra.

Wasaaraddu waxay sheegtay in ujeeddada howlgalka ay tahay in la xaqiijiyo amniga iyo badqabka shacabka ku nool deegaannadaasi, iyadoo natiijada rasmiga ah ee howlgalka la shaacin doono marka uu soo dhammaado.

Dowladda Soomaaliya ayaa muddooyinkii dambe kordhisay howlgallada milatari ee ka dhanka ah Al-Shabaab, iyadoo sheegtay inay doonayso inay dib ula wareegto deegaannada ay weli ka howlgalaan kooxda.

Wasaaradda Gaashaandhigga ayaa dhanka kale bogaadisay ciidamada ka qeyb qaadanaya howlgallada, iyadoo sheegtay in dagaalka ka dhanka ah Al-Shabaab iyo dadaallada lagu xoreynayo deegaannada dalka ay sii socon doonaan.

Muqdisho, Agoosto 31ka 2026 Wasiiru-dawlaha Wasaaradda Arrimaha Dibadda iyo Iskaashiga Caalamiga ah ee Soomaaliya, Cali Maxamed Cumar (Cali Balcad), ayaa dalalka Carabta ugu baaqay inay adeegsadaan xidhiidhkooda iyo saamayntooda diblomaasiyadeed si looga hortago in aqoonsigii Israa’iil siisay Somaliland uu isu beddelo olole ay dalal kale ku aqoonsadaan Somaliland. Cali Maxamed Cumar oo wareysi gaar ah siiyay wargeyska Asharq Al-Awsat ayaa sheegay in Soomaaliya ay xidhiidh toos ah la leedahay maamulka Madaxweynaha Maraykanka Donald Trump, si ay uga muujiso sida ay uga soo horjeeddo aqoonsiga Israa’iil siisay Somaliland. Waxa uu sheegay in Soomaaliya ay si dhab ah ula socoto dood kasta oo ku saabsan aqoonsi cusub.

Wasiiru-dawluhu wuxuu sheegay in Israa’iil ay bishii December noqotay dalkii ugu horreeyay ee xubin ka ah Qaramada Midoobay ee aqoonsada Somaliland, kaddibna ay labada dhinac is-weydaarsadeen safiirro, iyadoo Somaliland ay safaarad ka furtay Qudus, halka Madaxweynaha Somaliland uu booqasho rasmi ah ku tagay Israa’iil. Si kastaba, wuxuu sheegay, in aqoonsigaasi ilaa hadda ma aanu dhalin mowjad aqoonsiyo kale oo caalami ah.

Cali Maxamed Cumar ayaa sheegay in dowladda Soomaaliya ayna aqoonsiga Israa’iil u arkin tallaabo astaan ah oo keliya, balse ay rumaysan tahay in tallaabo kasta oo dibadeed oo lagu doonayo in wax looga beddelo midnimada Soomaaliya ay yeelan karto cawaaqib siyaasadeed iyo amni. Waxa uu sidoo kale xusay waxa uu ku tilmaamay ka-qaybgal diblomaasiyadeed iyo amni oo Israa’iil ay ku leedahay Somaliland, oo ay ku jirto caawinta tababarka ciidamada ammaanka.

Wasiiru-dawluhu wuxuu ka digay isku day kasta oo dal shisheeye uu ku doonayo inuu Soomaaliya ka sameysto joogitaan ciidan ama sirdoon oo aan oggolaansho ka haysan dowladda federaalka, isagoo sheegay in militaraynta arrinta Somaliland ay khatar ku noqon karto Soomaaliya iyo gobolka Geeska Afrika.

Isagoo ka hadlayay mowqifka dalalka Carabta, Cali Maxamed Cumar ayaa sheegay in jawaabtii degdegga ahayd ee Carabtu ka bixisay aqoonsiga Israa’iil ay muhiim ahayd, maadaama ay muujisay in go’aanka Israa’iil aanu waxba uga beddelin waxa uu ku tilmaamay is-afgaradka caalamiga ah iyo kan gobolka ee ku aaddan midnimada dhuleed ee Soomaaliya. Hase yeeshee, wuxuu sheegay in Soomaaliya ay doonayso tallaabooyin ka baxsan cambaareyn oo keliya.

https://www.youtube.com/watch?v=KAQ5Jby5UE8

Su’aalaha Maanta:Maxay ku fashilantay Wasaaradda Qorshaynta? Yaa doodan sax ah? Ma qof amniga qaranka ku fashilmay mise qof matalaaya xisbi sharci-darro ah? Yaa shacabka #Muqdisho bacakiciyey? Yaa dhacay shacabka #Muqdisho? Yaa noqon doona Raysal Wasaaraha cusub? Yaa kashifay mashuucyadii Shirkad #Kenya ah Iyo Bangida Adduunka lagac lagu cunni jiray magaca #Soomaaliya? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho, Agoosto 30ka 2026 Wasiirka Wasaaradda Qoyska iyo Horumarinta Xuquuqul Insaanka XFS, Amb. Khadiija Maxamed Al-Makhzoumi, ayaa maanta Xildhibaannada Golaha Shacabka Baarlamaanka Jamhuuriyadda Federaalka Soomaaliya ka hor akhriday laba Hindise Sharciyeed oo muhiim u ah bulshada Soomaaliyeed, kuwaas oo kala ah Hindise Sharciyeedka Sharciga Arrimaha Qoyska iyo Hindise Sharciyeedka Xuquuqda Carruurta, si Golaha Shacabku uga gutaan waajibaadkooda dastuuriga ah ee ku aaddan ka doodista iyo ansixinta sharciyada.

Wasiiradda ayaa tilmaantay in labada Hindise Sharciyeed ay ka jawaabayaan baahiyo muhiim ah oo maanta ka jira bulshada Soomaaliyeed, gaar ahaan dhinacyada ilaalinta qoyska, daryeelka carruurta iyo dhowrista xuquuqdooda. Waxay xustay in Sharciga Arrimaha Qoyska uu door weyn ka qaadan karo xal u helidda caqabado iyo khilaafaadyo badan oo saameeya qoysaska Soomaaliyeed, iyadoo si gaar ah loo ilaalinayo carruurta nugul ee ku dayacma ama dhibaatooyin kala duwan kala kulma gudaha qoysaskooda.

Sidoo kale, Wasiiradda ayaa adkaysay muhiimadda Hindise Sharciyeedka Xuquuqda Carruurta, kaas oo saldhig u noqonaya xoojinta ilaalinta, daryeelka iyo dhowrista xuquuqda carruurta Soomaaliyeed. Waxay sheegtay in ansixinta labada sharci ay muhiim u tahay dhismaha qoys Soomaaliyeed oo sal adag leh, carruurtuna ay ku helaan nolol ammaan ah, daryeel iyo fursado ay si wanaagsan ugu koraan.

Ugu dambeyn, Wasiirka Wasaaradda Qoyska iyo Horumarinta Xuquuqul Insaanka XFS, Amb. Khadiija Maxamed Al-Makhzoumi, ayaa Xildhibaannada Golaha Shacabka ugu baaqday inay ka gutaan waajibaadkooda qaran, isla markaana ay si mudnaan leh uga shaqeeyaan ansixinta Hindise Sharciyeedka Sharciga Arrimaha Qoyska iyo Hindise Sharciyeedka Xuquuqda Carruurta, kuwaas oo muhiim u ah xoojinta qoyska Soomaaliyeed, ilaalinta carruurta iyo horumarinta xuquuqul insaanka dalka

Muqdisho, Agoosto 30ka 2026Ninkaan idiin muuqda isagoo ku fashilmay inuu hoggaamiyo wasaaradda Qorsheynta ayuu caawa lasoo shirtay Somalia dhaqaalaheeda wuu kobcay iyadoo baahi loo dhimanayo oo waddankii Somalia aan laga qadeyn ba!

Isagoo isleh shaqo fiican qabo oo dhaliil ama sumcad xumey Ra’iisul wasaare Kheyre oo dadka la wadaagay in dhaqaalihii Somalia dhulka galay, ayuu lacag Qaranku leeyahay siiyey koox calooshood u shaqeystayaal ah oo katirsan Bankiga adduunka si loo beeniyo runtii Qaraareyd ee Kheyre dhaqaalaha Somalia ka sheegay.

Lacagtii waddanku lahaa ayuu laaluush ahaan u siiyey koox Bankiga adduunka ka shaqeysa, waxay soo qoreen Soomaaliya dhaqaalaha waa okay oo been ah.

Dalkan inta xilka iyo xoolaha dhacday ayaa qadaysa, Gaajo-Qaajo ayaa loogu dhimanayaa waddanka, si loo qariyo balaayadda dalkii ku habsatay ayuu u maalgaliyey in Somalia been loo daabaco.

Dadkii baahnaa lacagtooda in qoraal lagu iibsado waxaa sababay dadka Faaruqa ah ee xilka Wasaaradda Qorsheynta loo dhiibay.

Magaciisaba ka garo waa BEENE-BEENE, ruux kastoo liita haddii wasaarad muhiim ah loo dhiibo dalkan macluul baa ka dhacaysa, waayo ma qaban karaa shaqadii mudnaanta laheyd

Turkiga Agoosto 30ka 2026 Ciidamada Badda Turkiga oo kaashanaya Ciidanka Xoogga Dalka Soomaaliyeed ayaa sheegay inay soo furteen markabka MV LATUF, oo ay burcad-badeeddu afduubteen 17-kii Agoosto, xilli uu marayay agagaarka xeebta Jiifle ee degmada Eyl, ee gobolka Nugaal. Sida lagu sheegay war-saxaafadeed ka soo baxay Wasaaradda Gaashaandhigga Soomaaliya, howlgalka oo socday muddo 10 maalmood ah ayaa lagu burburiyay afar doon oo la sheegay inay burcad-badeeddu adeegsanayeen, halka 14 qof oo lagu tilmaamay burcad-badeed lagu dilay howlgalka.

Wasaaraddu waxay sheegtay in ciidamada Soomaaliya iyo kuwa Turkiga ay si buuxda ula wareegeen markabka MV LATUF, kaas oo hadda dib loogu soo celiyay gacanta kooxdiisii.

Howlgalkan ayaa, sida ay sheegtay Wasaaradda Gaashaandhigga, ku salaysnaa heshiiska iskaashiga difaaca ee u dhexeeya Soomaaliya iyo Turkiga, kaas oo xoojinaya wada shaqeynta labada dal ee ilaalinta xeebaha Soomaaliya, sugidda amniga badda iyo la dagaallanka burcad-badeednimada.

Wasaaradda ayaa sidoo kale sheegtay in burcad-badeednimadu tahay fal-dambiyeed culus oo horseedi kara ciqaab adag, iyadoo digniin u dirtay kooxaha ku lugta leh falalka burcad-badeednimada iyo cid kasta oo taageerta.

Howlgalkan ayaa kusoo beegmaya xilli ay dib uga soo cusboonaadeen walaacyada la xiriira burcad-badeednimada xeebaha Puntland, iyadoo dhacdada markabka MV LATUF ay sidoo kale dhalisay su’aalo ku saabsan cidda ka dambeysa afduubka iyo xaaladda amni ee xeebaha Nugaal.

Wasaaradda Gaashaandhigga ayaa sheegtay in Soomaaliya ay sii wadi doonto iskaashiga ay la leedahay Turkiga iyo dalalka kale ee saaxiibka ah si loo xoojiyo amniga xeebaha loogana hortago burcad-badeednimada.

Muqdisho, Agoosto 30ka 2026 Golaha Aqalka Sare ee Baarlamaanka Federaalka Soomaaliya ayaa maanta yeeshay kulankiisii ugu horreeyay ee Kalfadhiga 8-aad, iyadoo goluhu ansixiyay xubin cusub oo loo magacaabay Guddiga Madaxa-bannaan ee Xuquuqul Insaanka, isla markaana akhrintii koowaad loo gudbiyay laba hindise-sharciyeed oo muhiim ah. Kulanka waxaa shir guddoomiyay Guddoomiyaha Aqalka Sare, Cabdi Xaashi Cabdullaahi, waxaana ku weheliyay Guddoomiye Ku-xigeenka Koowaad Cali Shacbaan Ibraahim iyo Guddoomiye Ku-xigeenka Labaad Cabdullaahi Cali Xersi Timacadde.

Ajandaha kulanka ayaa ka koobnaa saddex qodob oo kala ah ansixinta xubinta buuxinaysa booska ka bannaan Guddiga Madaxa-bannaan ee Xuquuqul Insaanka, akhrinta koowaad ee hindise-sharciyeedka dhisidda Hay’adda Adeegga Saadaasha Hawada iyo Cimilada iyo akhrinta koowaad ee Hindise-sharciyeedka Amniga Saybarka Soomaaliya.

Wasiir Ku-xigeenka Wasaaradda Qoyska iyo Horumarinta Xuquuqul Insaanka, Maryan Cali Abuukar, ayaa golaha horgeysay xubinta loo soo magacaabay Guddiga Xuquuqul Insaanka, iyadoo ka codsatay senatarrada inay siiyaan codka kalsoonida.

Senatarrada Aqalka Sare ayaa ugu dambayn ansixiyay xubinta cusub, taasoo noqonaysa xubin ka tirsan Guddiga Madaxa-bannaan ee Xuquuqul Insaanka.

Somaliland Agoosto 30ka 2026 Madaxweynaha Somaliland, Cabdiraxmaan Maxamed Cabdillaahi (Cirro), ayaa kulan la yeeshay Xildhibaano dhawaan kasoo goostay Maamulka Waqooyi Bari, oo dhawaan gaadhay magaalada Hargaysa. Sida lagu sheegay war ka soo baxay xafiiska afhayeenka Madaxweynaha, Cirro ayaa siyaasiyiinta Xildhibaanada hore ahaa soo dhaweeyey, isagoo uga mahadceliyey go’aankooda ku aaddan inay dib ugu soo laabtaan Somaliland, isla markaana ka qayb qaataan nabadaynta, isku soo dhawaanshaha bulshada iyo horumarinta deegaannada ay ka soo jeedaan.

Kulanka ayaa sidoo kale looga hadlay xaaladda amniga iyo xasilloonida bulshada, iyadoo Madaxweynaha uu sheegay in xukuumaddiisu mudnaanta siinayso wada-tashi, nabadgelyo iyo isu-soo-dhawaanshaha bulshada.

“Madaxweyne Cirro ayaa siyaasiyiinta u sheegay in Somaliland ay tahay dal iyo bulsho isku dan ah, isagoo xusay in muwaadin kasta uu xaq u leeyahay inuu dareemo ka mid ahaanshaha iyo lahaanshaha Qaranka” ayaa lagu yidhi warsaxaafadeedka.

WARARKA MAANTA 29ka Agoosto 2026 

Su’aalaha Maanta: Yaa shacabka #Muqdisho bacakiciyey? Yaa dhacay shacabka #Muqdisho? Yaa noqon doona Raysal Wasaaraha cusub? Yaa kashifay mashuucyadii Shirkad #Kenya ah Iyo Bangida Adduunka lagac lagu cunni jiray magaca #Soomaaliya? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho, Agoosto 29ka 2026  Wasiirka Wasaaradda Warfaafinta, Dhaqanka iyo Dalxiiska XFS Mudane Cabdifataax Qaasim ayaa caawa ka qayb galay munaasabad lagu daahfuray xusuus-qorka Madaxweynihii hore ee Soomaaliya Marxuum Cabdullaahi Yuusuf Axmed oo loo tarjumay luuqadda Carabiga.

Wasiir Cabdulfataax Qaasim ayaa bogaadiyay dadaalka loo galay tarjumaadda iyo faafinta xusuus-qorkan, isagoo si gaar ah ugu mahadceliyay Ustaad Maxamuud Ciise Faarax oo buugga u tarjumay luuqadda Carabiga.

Wasiirka ayaa xusay muhiimadda ay leedahay ilaalinta, qorista iyo faafinta taariikhda Soomaaliyeed, Waxa uu tilmaamay in taariikhda la qoro ay door muhiim ah ka qaadato fahamka waayihii kala duwanaa ee dalka soo maray iyo dhisidda jiil garanaya taariikhda dalkiisa iyo halgankii loo soo maray dowladnimada Soomaaliy

Turkiga Agoosto 29ka 2026 Turkiye ayaa sii xoojinaysa joogitaankeeda militari ee Geeska Afrika, iyadoo laba markab oo kuwa ciidamada badda ah u dirtay biyaha Soomaaliya, isla markaana ballanqaadday inay sii wadi doonto taageerada ay siiso dowladda Soomaaliya kaddib afduubka maraakiibta oo ka socda biyaha Soomaaliya 

Wasaaradda Difaaca Turkiye ayaa Khamiistii sheegtay in maraakiibta dagaalka TCG Kemalreis iyo TCG Yzb. Gungor Durmus ay booqan doonaan Jabuuti 3-da iyo 4-ta Sebtembar, iyagoo taageeraya Hawlgalka Ciidamada Badda Soomaaliya iyo howlgallada gaadiidka saadka ee Soomaaliya.

Tallaabadan ayaa timid xilli walaac cusub laga muujinayo amniga maraakiibta ee xeebaha Soomaaliya, kaddib afduub dhawaan ka dhacay gudaha biyaha Soomaaliya.

Afhayeenka Wasaaradda Difaaca Turkiye, Zeki Akturk, ayaa sheegay in taageerada lagama maarmaanka ah la siinayo mas’uuliyiinta Soomaaliya, iyadoo arrintaas lala kaashanayo Wasaaradda Arrimaha Dibadda ee Turkiye.

Akturk wuxuu sidoo kale sheegay in Ciidamada Howlgalka Soomaaliya ee Turkiye ay sii wadaan howlahooda, kuwaas oo ku saleysan heshiisyada laba geesoodka ah ee u dhexeeya Ankara iyo Muqdisho, iyadoo ujeeddadu tahay in la xoojiyo awoodda Soomaaliya ee la dagaallanka argagixisada iyo burcad-badeednimada.

Turkiye ayaa muddo ka badan toban sano kamid ahayd saaxiibbada militari ee ugu dhow Soomaaliya. Ankara waxay Muqdisho ku leedahay xarunta ugu weyn ee tababarka milatari ee ay dibadda ku leedahay, iyadoo sannadihii u dambeeyay ballaarisay iskaashiga dhinaca ciidamada badda, kaddib heshiis difaac oo muhiim ah oo ay la gashay Soomaaliya.

Joogitaanka maraakiibta Türkiye ee xeebaha Soomaaliya ayaa kusoo beegmaya xilli dowladda Turkiga lagu eedeeyay in ay kalluumaysato ku dishay duqayn ay ka geysatay xeebaha maamulka Puntland.

Labadii todobaad ee ugu dambeeyay in ka badan 10 ayaa lagu dilay duqeymo ka dhacay xeebaha gobolka Nugaal ee Puntland. maamulka Puntland ayaa ku eedeeyay Turkiga inuu beegsaday kalluumaysato. Weli Turkiga si rasmi ah ugama hadlin eedda loo jeediyay inuu duqeeyay kalluumaysato.

Muqdisho, Agoosto 29ka 2026 Cagafyo ay ilaalinayaan ciidamo hubeysan ayaa habeenkii xaafadaha Muqdisho gala, guryahana dumiya—laakiin yaa la siiyaa dhulka marka shacabka laga saaro?

Garowe Online wuxuu iftiiminayaa qorshaha dhul-baneeynta Villa Somalia, halka ay ku dambeeyaan hantida dowladda, cidda ka faa’iidaysata iyo sida barakicinta shacabka uga hor imaan karto Dastuurka Soomaaliya iyo xeerarka caalamiga ah—xilli hay’adaha federaalku muddo-xileedkoodii dhammaaday.

Uganda Agoosto 29ka 2026  Taliyaha Ciidamada Difaaca Uganda (UPDF), General Muhoozi Kainerugaba, ayaa sheegay in dalkiisu si buuxda ciidamadiisa ugala bixi doono Soomaaliya 1-da Agoosto 2027, kaddib ku dhowaad labaatan sano oo ay ciidamada Uganda qeyb ka ahaayeen hawlgallada amniga Soomaaliya. Kainerugaba ayaa qoraal uu Jimcihii ku baahiyay bartiisa X ku sheegay in wixii ka dambeeya 1-da Agoosto 2027 aysan Soomaaliya ka sii howlgali doonin ciidamo ka tirsan UPDF.

Si kastaba, warbixinta People Daily waxay sheegtay in aan weli la caddeyn in taariikhda uu sheegay taliyaha ciidamada Uganda ay tahay go’aan rasmi ah oo ay ansixisay dowladda Uganda.

Uganda ayaa kamid ah dalalka ugu waaweyn ee ciidamo ku biiriyay howlgalada Midowga Afrika ee Soomaaliya tan iyo 2007, iyadoo ciidamadeedu ay taageerayeen ciidamada Soomaaliya dagaalka lagula jiro Al-Shabaab.

Hadalkan ayaa kusoo aadaya xilli mustaqbalka Howlgalka Midowga Afrika ee Taageerada iyo Xasilinta Soomaaliya (AUSSOM) uu wajahayo hubanti la’aan dhaqaale iyo mid dhinaca saadka ah.

Maraykanka ayaa horay Midowga Afrika ugu wargeliyay inuusan maalgelin doonin taageerada saadka iyo hawlgallada AUSSOM wixii ka dambeeya 31-ka Diseembar 2026. Taageerada Qaramada Midoobay ee howlgalka ayaa kamid ah adeegyada muhiimka ah sida cuntada, biyaha, shidaalka, adeegyada caafimaadka iyo gaadiidka ciidamada.

Xaaladdan ayaa walaac ka dhex abuurtay Midowga Afrika iyo dalalka ciidamada ku biiriya howlgalka, maadaama AUSSOM ay ku tiirsan tahay taageero caalami ah si ay howlaheeda u sii waddo.

Soomaaliya ayaa muddooyinkii dambe ku dadaalaysay in ciidamadeeda ay si tartiib ah ula wareegaan mas’uuliyadda amniga dalka, iyadoo dowladda federaalku ay ku celcelisay in joogitaanka ciidamada shisheeye uu yahay mid ku-meel-gaar ah.

Madaxweyne Xasan Sheekh Maxamuud ayaa hore u sheegay in Soomaaliya ay doonayso inay mustaqbalka ciidamadeeda si buuxda ugu filnaadaan difaaca dalka.

Hase yeeshee, kala-guurka ayaa wajahaya caqabado, iyadoo Al-Shabaab ay weli awood u leedahay inay weerarro ka fuliso qaybo kamid ah koonfurta iyo bartamaha Soomaaliya.

Uganda waa mid kamid ah dalalka ugu muhiimsan ee ciidamada ku biiriya howlgalka, sidaas darteed ka bixitaankeeda ayaa kusoo beegmaya xilli AUSSOM ay raadineyso ilo cusub oo lagu maalgeliyo laguna taageero howlaheeda.

WARARKA MAANTA 27ka Agoosto 2026 WARARKA MAANTA 28ka Agoosto 2026 

Su’aalaha Maanta: Yaa noqon doona Madaxweynaha cusue ee #Soomaaliya? ? Yaa shacabka #Muqdisho bacakiciyey? Yaa dhacay shacabka #Muqdisho? Yaa noqon doona Raysal Wasaaraha cusub? Yaa kashifay mashuucyadii Shirkad #Kenya ah Iyo Bangida Adduunka lagac lagu cunni jiray magaca #Soomaaliya? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Soomaaliya Agoosto 28ka 2026 Markab shidaal oo Mareykanku cunaqabateeyay ayaa kamid noqday maraakiibta ay afduubteen kooxaha burcad badeedda Soomaalida xilli ay soo kordhayaan weerarrada burcad-badeednimada ee Soomaaliya iyo gacanka Cadmeed. Markabka Seamull, oo sidoo kale loo yaqaan SIBU 1, ayaa Mareykanku cunaqabateeyay bishii Diseembar 2025, isagoo lagu daray maraakiibta Washington ay ku tilmaantay qayb ka mid ah “shadow fleet”-ka Iran.

Wasaaradda Maaliyadda Mareykanka ayaa xilligaas sheegtay in markabka uu dhowr jeer qaaday wax-soo-saarka batroolka Iran, oo ay kamid yihiin naphtha iyo gasoil, iyadoo sidoo kale uu booqday dekedo ay Xuutiyiintu gacanta ku hayaan oo ku yaalla Yemen.

Cunaqabateynta ayaa qeyb ka ahayd tallaabo Mareykanku qaaday oo lagu bartilmaameedsaday 29 markab oo uu ku eedeeyay inay kaalin ku leeyihiin dhoofinta shidaalka Iran iyo ka dhuumashada cunaqabateynta dhaqaale ee Washington saartay Tehran.

Markabka oo wata calanka Eritrea, isla markaana ay maamusho shirkad fadhigeedu yahay Imaaraadka Carabta, ayaa 20-kii Agoosto lagu qabsaday gacanka Cadmeed, meel qiyaastii 136 mayl-badeed dhanka bari kaga beegan Al Mukalla ee Yemen.

Sida ay sheegtay UKMTO, lix nin oo hubeysan ayaa fuulay markabka, waxayna la wareegeen gacan ku hayntiisa, kaddibna u weeciyeen dhanka Soomaaliya.

Dhacdadan ayaa markabka Seamull ka dhigtay mid si gaar ah indhaha loogu hayo, maadaama uu yahay markab horey ugu jiray liiska cunaqabateynta Mareykanka, isla markaana lala xiriiriyay ganacsiga shidaalka Iran.

Mareykanku wuxuu sheegay in cunaqabateyntiisa ay ka dhalatay xiriirka markabka iyo shirkadda Qatrat Alnada Almasi Ship Management, oo Washington ay ku eedeysay inay maamusho maraakiib qaada wax-soo-saarka batroolka Iran. Seamull wuxuu kamid ahaa maraakiibta shirkaddaas lala xiriiriyay.

Dhacdadan ayaa kusoo beegmaysa xilli burcad-badeednimada Soomaaliya ay mar kale sare u kacayso, iyadoo ugu yaraan 13 weerar oo ka dhan ah maraakiibta laga soo sheegay xeebaha Soomaaliya iyo gacanka Cadmeed sanadkan, marka loo eego shan weerar oo la diiwaangeliyay sannadkii 2025

Muqdisho, Agoosto 28ka 2026  Dhulgariir cabbirkiisu yahay 6.0 magnitude ayaa ka dhacay Gacanka Cadmeed, halkaas oo u dhexeeya Soomaaliya iyo Yemen, sida ay sheegtay Hay’adda Sahanka Dhulka ee Maraykanka (USGS). Dhulgariirka ayaa ka dhacay meel qiyaastii 145 kiiloomitir u jirta xeebaha Soomaaliya, waxaana la sheegay inuu ahaa dhulgariir aan aad u qoto dheerayn, isagoo laga dareemay deegaannada ku dhow halka uu ka dhacay.

Dhulgariirka ayaa dhacay abaare 12:07 habeenimo waqtiga maxalliga ah, waxaana gariirkiisa laga dareemay qaybo ka mid ah waqooyiga Soomaaliya iyo koonfurta Yemen.

Wararka horudhaca ah ayaa sheegaya in aanay jirin wax dhimasho ama dhaawac ah oo markiiba la soo wariyay, sidoo kalena aan la diiwaangelin burbur weyn oo dhismayaal ah.

Dadka ku nool qaar ka mid ah deegaannada xeebaha ayaa sheegay in dhismayaal ay ruxmeen, halka alaabaha guryahana ay gariireen muddo dhowr ilbiriqsi ah.

Hay’adaha ay khusayso ayaa sidoo kale la sheegay inay si dhow ula socdaan xaaladda, gaar ahaan suurtagalnimada gariirro kale oo daba socda dhulgariirka.

Dhulgariirradu kuma cusba Gacanka Cadmeed, oo ku yaalla meel ay ku kulmaan dhaqdhaqaaqyada saxannada dhulka ee Carabta iyo Afrika. Dhaqdhaqaaqa labada saxan ayaa sababa cadaadis dhulka hoostiisa ah, kaas oo mararka qaar keena dhulgariirro.

Gacanka Cadmeed ayaa sidoo kale ah marin-biyood muhiim ah oo isku xira Badda Carabta iyo Badda Cas, isla markaana ay maraan maraakiib ganacsi oo caalami ah, taas oo ka dhigaysa la socodka dhulgariirrada ka dhaca aagga mid muhiim ah.

Muqdisho, Agoosto 28ka 2026 Nidaam caddaaladeed iyo asluub oo bini’aadantinimo iyo xirfadnimo ku dhisan ayaa aasaas u ah horumarka dalka. Xoojinta ku dhaqanka sharcigu waxay gacan ka geysataa nabad waarta, dhowrista xuquuqda aadanaha iyo horumar waara.

Magaalada Muqdisho toddobaadkan, khubarada ku takhasustay ku dhaqanka sharciga ee Xafiiska UNTMIS ayaa aqoon-is-weydaarsi la yeeshay wakiillo ka socday Dowladda Federaalka Soomaaliya iyo Dowlad-goboleedyada, si loo xuso 13 sano oo iskaashi ah, loo wadaago casharradii laga bartay iskaashigaas, loogana wada hadlo mudnaanta mustaqbalka.

Qayb muhiim ah oo ka mid ahayd waajibaadka Xafiiska UNTMIS ayaa ahayd in, iyadoo lala kaashanayo hay’adaha Soomaaliyeed, bah-wadaagta nidaamka Qaramada Midoobay iyo deeq-bixiyeyaasha caalamiga ah, laga taageero dib-u-dhiska iyo xoojinta hay’adaha caddaaladda iyo asluubta Soomaaliya, si loo xaqiijiyo in horumarka laga sameeyay ku dhaqanka sharcigu uu sii socdo xitaa marka Hawlgalka Qaramada Midoobay uu dalka ka baxo

https://www.youtube.com/watch?v=QsUVjvwyDiQ

Su’aalaha Maanta: Maxxa ka cusub #Baydhabo? Yaa shacabka #Muqdisho bacakiciyey? Yaa dhacay shacabka #Muqdisho? Yaa noqon doona Raysal Wasaaraha cusub? Yaa kashifay mashuucyadii Shirkad #Kenya ah Iyo Bangida Adduunka lagac lagu cunni jiray magaca #Soomaaliya? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho, Agoosto 27ka 2026 Guddoomiyaha Hay’adda Maareynta Musiibooyinka Qaranka (SoDMA), Mudane Maxamuud Macallin Cabdulle, ayaa Xarunta Dhexe ee Hay’adda ku qaabilay Xoghayaha Guud ee Golaha Qaxootiga Norway (NRC), Mudane Jan Egeland.

Kulanka waxaa looga hadlay xaaladda bani’aadantinimo ee Soomaaliya, gaar ahaan abaaraha, fatahaadaha, colaadaha, barakaca, cunto-yarida iyo khatarta Super El Niño, iyo sidii loo xoojin lahaa u-diyaargarowga iyo ka jawaabista musiibooyinka.

Jan Egeland ayaa kormeeray xafiisyada iyo howlaha Xarunta SoDMA, isagoo u kuur-galay hawlaha Hay’adda ee digniinta hore, gurmadka deg-degga ah iyo adkeysiga bulshada.

Muqdisho, Agoosto 27ka 2026  Wasiirka Horumarinta iyo Afrika ee UK, Kirsty McNeill, ayaa madaxda Soomaaliyeed ugu baaqday inay yeeshaan wada-hadal wax dhisaya oo xoojinaya midnimada dalka, isla markaana horseedaya horumar siyaasadeed iyo heshiis guud oo ku saabsan mustaqbalka Soomaaliya  Baaqan ayaa yimid xilli wasiiraddu booqasho ku joogto Soomaaliya, iyadoo kulan ay Muqdisho kula yeelatay Madaxweynaha Soomaaliya Xasan Sheekh Maxamuud ay kaga wada hadleen mudnaanta siyaasadeed iyo amni ee dalka.

McNeill ayaa carrabka ku adkaysay in horumar laga sameeyo wada-hadalka siyaasadeed iyo qorshaha kala-guurka amniga uu muhiim u yahay sii wadidda kalsoonida iyo taageerada beesha caalamka ee Soomaaliya.

Wasiiraddu waxay sidoo kale sheegtay in UK ay weli ka go’an tahay inay Soomaaliya ka taageerto sidii loo gaari lahaa dal amni, xasillooni iyo barwaaqo leh.

Somaliland Agoosto 27ka 2026Xafiiska Somaliland ayaa taageeray Xafiiska Isku-xirka iyo Amniga Badaha Somaliland si loo qabto shirkiisa saddex-biloodlaha ah iyo wadatashi istiraatiiji ah oo heer qaran ah oo ku saabsan Maareynta Dhibaatooyinka iyo Adkaysiga, kaas oo ujeeddadiisu ahayd xoojinta isku-xirka iyo iskaashiga daneeyayaasha muhiimka ah ee qaybta badaha Somaliland.

Wadatashiga ayaa isu keenay daneeyayaal muhiim ah si ay uga wada hadlaan khataraha badda, ilaalinta kaabayaasha muhiimka ah, isku-duwidda xaaladaha dhibaatooyinka iyo sii wadidda adeegyada aasaasiga ah.

Doodaha ayaa sidoo kale diiradda lagu saaray amniga internetka, hirgelinta Xeerka Amniga Maraakiibta iyo Dekedaha Caalamiga ah, isgaarsiinta dadweynaha, waajibaadka hay’adaha iyo iskaashiga u dhexeeya hay’adaha dowladda, ganacsiga gaarka loo leeyahay iyo bahwadaagta caalamiga ah.

Ka-qaybgalayaashu waxay aqoonsadeen isku-xirnaanta iyo ku-tiirsanaanta muhiimka ah, baahiyaha jira iyo tallaabooyinka mudnaanta leh ee la qaadi karo si loo xoojiyo u-diyaargarowga, loo wanaajiyo isku-duwidda xaaladaha dhibaatooyinka, loona kordhiyo adkaysiga qaybta badaha Somaliland.

IMO, Agoosto 27ka 2026  Hay’adda Caalamiga ah ee Badaha (IMO) ayaa ku baaqday in si degdeg ah wax looga qabto soo laabashada burcad-badeedda Soomaaliya, xilli lix markab oo ganacsi iyo in ka badan 90 badmaaxiin ah lagu hayo gacanta kooxaha burcad-badeedda ee ka howlgala Soomaaliya. Xoghayaha Guud ee IMO, Arsenio Dominguez, ayaa digniintan soo saaray kadib afduubkii markabka shidaalka qaada ee Seamull, oo sidoo kale loo yaqaan Sibu 1, kaas oo 20-kii Agoosto ay qabsadeen kooxo looga shakisan yahay inay yihiin burcad-badeed Soomaali ah.

Dominguez ayaa sheegay in afduubka markabkan uu ka dhigan yahay markabkii lixaad ee hadda gacanta ugu jira burcad-badeed iyo kooxo hubeysan, isagoo ku baaqay in si degdeg ah oo shuruud la’aan ah loo sii daayo dhammaan badmaaxiinta la haysto.

Sida ay sheegtay Xarunta Isku-xirka Macluumaadka Badaha (JMIC), lix markab oo ganacsi ayaa weli lagu hayaa gacanta kooxaha afduubka geysta. Waxay kala yihiin Honour 25, Sward, Eureka, Asana, Lutuf iyo Seamull.

Laba ka mid ah afduubyadan ayaa dhacay toddobaadkan gudaheed. Markabka xamuulka ee Lutuf ayaa 17-kii Agoosto lagu qafaashay meel qiyaastii afar mayl-badeed u jirta xeebta Puntland, kaddib markii koox hubeysan ay dusha uga fuushay.

Saddex maalmood kaddib, lix nin oo hubeysan ayaa gudaha u galay Seamull xilli uu marayay Gacanka Cadmeed, qiyaastii 136 mayl-badeed bariga magaalada Al Mukalla ee Yemen. Kooxdu waxay la wareegtay markabka, waxayna u weecisay dhanka Soomaaliya.

Markabka oo culeyskiisu yahay 32,200 tan ayaa hore loogu yaqaanay magaca Sibu 1. Waxaa la sheegay inuu diray fariin digniin ah oo ahayd “PIRATE ONBOARD HELP” ka hor inta uusan beddelin jihadiisa, waxaana hadda lagu soo waramayaa inuu ku xiran yahay meel ka baxsan xeebaha bari ee Soomaaliya.

Afduubyada cusub ayaa ku soo beegmaya xilli burcad-badeedda Soomaaliya, oo sanadihii u dambeeyay hoos u dhac weyn laga dareemayay, ay mar kale halis ku noqdeen maraakiibta isaga kala goosha Badweynta Hindiya iyo Gacanka Cadmeed.

JMIC ayaa sheegtay in dabeylaha xilliga monsoon-ka koonfur-galbeed ay weli adkeynayaan in burcad-badeeddu doonyo yaryar ku gaaraan meelaha aadka uga fog xeebaha, balse biyaha ku dhow xeebaha Soomaaliya ay siinayaan fursad ay kooxahaasi ku howlgalaan.

Afduubka Seamull, oo ka dhacay meel ka baxsan xeebaha Soomaaliya, ayaa sidoo kale muujinaya in kooxaha burcad-badeeddu ay weli awood u leeyihiin inay gaaraan maraakiib ku sugan masaafo dheer.

Xoghayaha Guud ee IMO ayaa sidoo kale ku baaqay in dib loo xoojiyo iskaashiga ciidamada badda ee caalamka, isaga oo xusay in wada-shaqeyn caalami ah ay hore ugaalin weyn uga qaadatay xakamaynta burcad-badeednimadii Soomaaliya.

Muqdisho, Agoosto 27ka 2026 Guddiga Madaxa-bannaan ee Doorashooyinka Qaranka iyo Soohdimaha Soomaaliya ayaa ku dhawaaqay inuu aqbalay go’aanka Maxkamadda Sare ee Jamhuuriyadda Federaalka Soomaaliya ee la xiriira doorashadii ka dhacday dowlad-goboleedka Galmudug. Qoraal uu Guddigu soo saaray ayuu ku sheegay in go’aanka Maxkamadda Sare, oo ku taariikhaysan 24-ka Agoosto 2026, uu khuseeyo murankii ka dhashay doorashadii isku-sidkanaa ee lagu qabtay Galmudug.

Guddiga ayaa sheegay inuu go’aankiisa ku saleeyay kaalinta dastuuriga ah ee Maxkamadda Sare, sarreynta sharciga iyo mabda’a ah in khilaafaadka doorashooyinka lagu xalliyo hannaan garsoor oo waafaqsan sharciga.

Sida uu Guddigu sheegay, Qodobka 73-aad ee Xeerka Doorashooyinka Qaranka ayaa Maxkamadda Sare siinaya awoodda ay ku dhageysan karto, go’aan uga gaari karto, isla markaana xallin karto dacwadaha la xiriira doorashooyinka.

Bayaanka ayaa lagu yiri “Iyadoo taas laga duulayo, Guddiga Doorashooyinka ayaa si rasmi ah u aqbalay go’aanka Maxkamadda Sare ee Soomaaliya ee ku saabsan doorashadii lagu qabtay Galmudug.”

WARARKA MAANTA 25ka Agoosto 2026 

Su’aalaha Maanta: Yaa ka goostay mushaharka ciidanka qaarkood? Maxay tahay Maxkammadda Sare ee aan ka hadli karin barakaca #Muqdisho ka socda? Yaa kashifay mashuucyadii Shirkad #Kenya ah Iyo Bangida Adduunka lagac lagu cunni jiray magaca #Soomaaliya? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

–Muqdisho, Agoosto, 25ka, 2026 Komishaneer Farxaan Maxamed Jimcaale oo ka tirsan Guddiga Madaxa-bannaan ee Xuquuqul Insaanka Qaranka (GMXIQ), ayaa munaasabadda gunaanadka hawlaha UNTMIS ee caddaaladda iyo asluubta ka sheegay in Soomaaliya ay u gudbayso marxalad cusub oo u baahan hoggaan qaran, korjoogteyn madax-bannaan iyo wada-shaqayn hay’adeed oo joogto ah.

Komishaneer Farxaan ayaa sheegay in soo afjaridda hawlgalka UNTMIS aan loo arkin oo keliya gunaanad, balse ay tahay kala-guur loogu gudbayo masuuliyad, hoggaan iyo in hay’adaha Qaranka Soomaaliyeed ay la wareegaan masuuliyadda.

Munaasabadda ayaa lagu soo gunaanaday 13 sano oo UNSOM/UNTMIS ay taageero ka geysanayeen ku dhaqanka sharciga Soomaaliya. Komishaneer Farxaan ayaa adkeeyay in caddaaladda iyo asluubtu ay salka ku hayaan dhowrista xuquuqda aadanaha, isla markaana qofka xorriyaddiisa laga qaaday aanu lumin karaamadiisa iyo xuquuqdiisa aasaasiga ah.

Waxa uu sidoo kale bogaadiyay kaalinta Qaramada Midoobay iyo bah-wadaagta gudaha iyo kuwa caalamiga ah ay sannadihii la soo dhaafay ka qaateen horumarinta hay’adaha caddaaladda iyo asluubta Soomaaliya

–Muqdisho, Agoosto, 25ka, 2026Jaamacadda Ummadda Soomaaliyeed waxay qabanaysaa kulan aqooneed muhiim ah, kaas oo looga hadli doono qiimaha sumcadda, doorka diblomaasiyadda iyo dhisidda mustaqbalka Soomaaliya.

“Reputation is Currency: Narrative, Diplomacy, and the Making of Somalia’s Future.”

Kulanka waxaa marti ku ah oo soo jeedinaysa 𝐀𝐦𝐛. 𝐇𝐨𝐝𝐚𝐧 𝐎𝐬𝐦𝐚𝐧 𝐀𝐛𝐝𝐢, Safiirka Jamhuuriyadda Federaalka Soomaaliya u fadhiya Jamhuuriyadda Shacabka Shiinaha, isla markaana ah Safiirka aan degganayn ee Japan, Vietnam iyo Mongolia

Muqdisho, Agoosto, 25ka, 2026 Guddoomiyaha Xisbi siayasadeed Towfiiq, Sheekh Axmed Shaakir, ayaa soo dhaweeyay go’aanka Maxkamadda Sare ee Soomaaliya ay ku laashay natiijooyinkii doorashooyinka Golaha Wakiillada iyo Golaha Deegaanka ee maamulka Galmudug. Sheekh Axmed Shaakir oo shir jaraa’id qabtay ayaa taageerayaasha xisbigiisa ugu baaqay inay si wanaagsan u soo dhaweeyaan go’aanka  kasoo baxay Maxkamadda Sare, isaga oo sheegay in uu yahay tallaabo rajo cusub u abuureysa dadka Soomaaliyeed.

Waxa uu hambalyo u diray taageerayaasha xisbiga, isagoo sheegay in dadaalkii ay sameeyeen uu miro dhalay, isla markaana cabashooyinkii ay gudbiyeen ay Maxkamaddu tixgelisay.

Guddoomiyaha ayaa sidoo kale ugu baaqay shacabka Soomaaliyeed inay go’aanka ku soo dhaweeyaan si nabad ah, isagoo ka digay wax kasta oo keeni kara qalalaase.

Sheekh Axmed Shaakir ayaa ciidamada qalabka sida iyo dowladda federaalka ugu baaqay inay ilaaliyaan amniga iyo shacabka, gaar ahaan xilli ay bulshada qaybaheeda kala duwan muujinayaan rabitaankooda ku aaddan doorasho qof iyo cod ah.

Waxa uu sheegay in xisbigiisu muddo siddeed bilood ah u taagnaa doorasho xor iyo xalaal ah oo ku saleysan mabaadi’da iyo habraacyada doorashada, isagoo ku tilmaamay go’aanka Maxkamadda Sare mid xaqiijinaya dadaalkooda.

Maxkamadda Sare ee Soomaaliya ayaa ku dhawaaqday in natiijadii doorashooyinkii isku sidkanaa ee Golaha Wakiillada iyo Golayaasha Deegaanka ee dowlad-goboleedka Galmudug, oo dhacay 30-kii Luulyo 2026, aysan waafaqsanayn Dastuurka iyo Sharciga Doorashooyinka dalka.

Muqdisho, Agoosto, 25ka, 2026 Maxkamadda Sare ee Soomaaliya ayaa ku dhawaaqday in natiijadii doorashooyinkii isku sidkanaa ee Golaha Wakiillada iyo Golayaasha Deegaanka ee dowlad-goboleedka Galmudug, oo dhacay 30-kii Luulyo 2026, aysan waafaqsanayn Dastuurka iyo Sharciga Doorashooyinka dalka. Go’aanka oo uu ku dhawaaqay Guddoomiyaha Maxkamadda Sare, Baashi Yuusuf Axmed, ayaa lagu sheegay in habkii loo maamulay loona qabtay doorashooyinka uu ka leexday mabaadi’da dastuuriga ah ee doorasho xor, xalaal iyo caddaalad ah.

Maxkamaddu waxay sheegtay in khaladaadkii dhacay intii ay socotay doorashadu aysan ahayn kuwo la iska indho-tiri karo, balse ay si weyn u dhaawaceen hufnaanta, xornimada iyo xalaalnimada doorashada, isla markaana ay saameyn ku yeesheen natiijooyinkii kasoo baxay.

Maxkamadda Sare ayaa sidaas darteed burisay natiijooyinka doorashadii 30-kii Luulyo, waxayna Guddiga Madaxa Bannaan ee Doorashooyinka Qaranka iyo Soohdimaha ku amartay inuu qabto doorashooyin cusub oo Golaha Wakiillada iyo Golayaasha Deegaanka Galmudug ah.

Maxkamaddu waxay tilmaantay in doorashooyinka cusub lagu qabto waqtiga ugu dhow ee macquulka ah, iyadoo si buuxda loo raacayo Dastuurka Federaalka Soomaaliya, Sharciga Doorashooyinka, Sharciga Dhismaha Guddiga iyo Xeerka Ururrada iyo Xisbiyada Siyaasadda.

Si looga fogaado firaaq maamul oo saameyn ku yeelan kara adeegyada bulshada iyo xasilloonida Galmudug, Maxkamaddu waxay go’aamisay in hay’adaha hadda jira ay sii hayaan xilalkooda ilaa laga soo doorto hay’ado cusub oo ku yimaada doorasho waafaqsan sharciga.

Maxkamaddu waxay sheegtay in arrintan loo tixgeliyey danta guud, joogtaynta maamulka iyo baahida loo qabo in laga hortago xaalad maamul la’aan ah.

WARARKA MAANTA 23a Agoosto 2026 

Su’aalaha Maanta: Maxaa ka dhacay dalka #Sernia? Maxay Dowlad #Soomaaliya uga masayrsan tahay socdaalka Madaxweynaha PuntlandState oo booqasho ku jooga #Galkacyo? Maxuuse Maraykanka u diiday dhaqaalaha inuu siiyo #Soomaaliya? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

–Muqdisho, Agoosto, 23, 2026 #DEGDEG Horjoogayaal AS ah oo lagu dilay duqeyn diyaaradeed oo goor dhaw laga fuliyay deegaanka Warciise ee Shabeelaha Dhexe Halkaas oo ay ku Suganyihiin AS.

Duqeyntaan ayaa lala eegtay Guri ay kaga sugnaayeen Warciise horjoogeyaasha AS iyo dagaalamayaashooda sida ay sheegtay NISA.

”Ciidanka Hay’adda Sirdoonka iyo Nabadsugidda Qaranka (NISA), oo kaashanaya saaxiibada caalamka, ayaa daqiiqado ka hor howlgal qorsheysan ka fuliyay deegaanka Warciise ee Gobolka Shabeellaha Dhexe.

Halkaas oo lagu bartilmaameedsaday guri ay ku sugnaayeen Maleeshiyaad ka tirsan AS” ayaa lagu yiri qoraal kooban oo goor dhaw ka Soo baxay NISA.

Somaliland Agoosto, 23, 2026 Madaxweynaha Somaliland, Cabdiraxmaan Maxamed Cabdillaahi, ayaa sheegay in xukuumaddiisu ay diyaar u tahay in si nabad ah oo wada-hadal ah loo xalliyo khilaafka siyaasadeed ee kala dhexeeya Maamulka Waqooyi Bari. Madaxweynaha ayaa hadalkan ka sheegay kulan uu maanta Qasriga Madaxtooyada kula yeeshay Guddoomiyaha Golaha Wakiillada, Professor Yaasiin X. Maxamuud (Faratoon), Jeneral Mahad Cambaashe, Siyaasiyad Fahiima Yusuf Quuje, Guddoomiyaha Guddida Nabadda Cabdulqaadir Jirde, wasiirro iyo masuuliyiin kale oo ka tirsan xukuumadda.

Kulanka ayaa looga hadlay xaaladda nabadeed, midnimada iyo wadajirka bulshada, iyadoo Madaxweynaha Somaliland uu sheegay in tan iyo markii loo dhaariyey xilka 12-kii December 2024 ay mudnaanta koowaad ee xukuumaddiisu ahayd ilaalinta nabadda iyo xasilloonida.

Madaxweyne Cabdiraxmaan ayaa sheegay in khilaafaadka siyaasadeed iyo xurgufi ee jira lagu xallin karo wada-hadal, is-afgarad iyo walaalnimo, isaga oo tilmaamay in xukuumaddiisu ay diyaar u tahay in xal nabadeed laga gaadho khilaafka siyaasadeed ee kala dhexeeya Maamulka Waqooyi Bari.

Muqdisho, Agoosto, 23, 2026 MUDANAYAASHA GOLAHA SHACABKA EE BJFS OO AKHRINTA KOOWAAD MARSIIYEY HESHIIS MUHIIM U AH SOOMAALIYA.

Muqdisho, Soomaaliya- 22 Agoosto, 2026: Guddoomiyaha Golaha Shacabka Shacabka ee Baarlamaanka Jamhuuriyadda Federaalka Soomaaliya Mudane Cabdulqaadir Maxamed Nuur (Jaamac) oo uu wehliyo Guddoomiye kuxigeenka labaad ee Golaha Shacabka Mudane Cabdullaahi Cumar Abshirow ayaa shir guddoomiyey kalfadhiga 8-aad, kulankiisa 5-aad ee Golaha Shacabka ee Baarlamaanka Jamhuuriyadda Federaalka Soomaaliya.

Guntanka ama kooramka kulanka oo ku furmay 142-Xildhibaan ayaa Xildhibaanada Golaha waxay Akhrinta koowaad marsiiyeen Heshiiis-hoosaadka Qaramada midoobay ee sharciga badaha (UNCLOS) ee ilaalinta iyo isticmaalka waara ee kala duwanaanshaha noolaha badda ee aagga ka baxsan awooda Qaranka (BBNJ AGREEMENT),kaasoo ay gudbisay wasaaradda deegaanka iyo isbedelka cimilada, waxaana warbixinta heshiiskan golaha la wadaagay wasiir kuxigeenka wasaaradda deegaanka iyo isbedelka cimilada Mudane Xuseen Cali Xaaji.

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Cabdulqaadir Maxamed Nuur oo kulanka soo xiray ayaa xildhihaanada golaha kula dardaarmay in ay sii xoojiyaan shaqada ay Qaranka u haayaan, si loogu guuleysto ka shaqeynta shuruucda muhiimka ah ee golaha hortaala kalfadhiga 8-aad.

Ugu dambeyn Mudanayaasha Golaha Shacabka ee Baarlamaanka Jamhuuriyadda Federaalka Soomaaliya ayaa loo qeybiyey Hindise Sharciyeedka Sharciga Arrimaha Qoyska, Hindise Sharciyeedka Xuquuqda Caruurta, Hindise Sharciyeedka Dhismaha Hay’adda Culimada Soomaaliyeed, Warbixinta Akhrinta 2-aad ee Hindise Sharciyeedka dambiyada kufsiga iyo anshax xumada kale iyo Warbixinta Akhrinta 3-aad ee Hindise Sharciyeedka wax ka baddalka qeybtiisa 6-aad ee Sharciga Iibka Qaranka.

Muqdisho, Agoosto, 23, 2026 Wasiiru-dowlaha Wasaaradda Gaashaandhigga xukuumadda Soomaaliya, Cumar Cali Cabdi, ayaa sheegay in dowladda federaalka ay xog ka hayso duqeymo laga geystay xeebaha Puntland. Cumar Cali Cabdi oo maanta saxaafadda si kooban ula hadlay ayaa u sheegay in haddii ay xeebaha Soomaaliya ka dhacayaan hawlgallo milatari oo ka dhan ah kooxaha burcad badeedda, dowladda federaalka ay tahay hay’adda sharci ahaan u leh go’aaminta arrimaha noocaas ah.

Wasiiru-dowlaha ayaa sidoo kale xusay in dowladda ay diyaarinayso warbixin dhammaystiran oo ku saabsan dhacdooyinka ka dhacay xeebaha, isagoo tilmaamay in tallaabooyin laga qaadi doono xaaladda soo korortay.

“Warbixin dhammaystiran ayaa la soo diri doonaa, haddii Alle idmo,” ayuu yiri Wasiiru-dowlaha Gaashaandhigga.

WARARKA MAANTA 20ka Agoosto 2026 WARARKA MAANTA 21ka Agoosto 2026 

Su’aalaha Maanta: Yuu ceebeeyey Madaxweynaha #Uganda Musafeeni? Yaa diiday inuu dhiso #Maqaamka #Muqdisho Madaxweyne hore Xassan “Dhuuso-Fooxiye”? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho, Agoosto, 21, 2026: Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa ka qaybgalay munaasabad casho sharaf ah oo lagu xusayay 15-sano guuradii dib u curashada xiriirka diblomaasiyadeed iyo saaxiibtinimada Soomaaliya iyo Türkiye.

Munaasabadda ayaa lagu soo bandhigay muhiimadda booqashadii taariikhiga ahayd ee Madaxweynaha Türkiye, Recep Tayyip Erdoğan, uu Muqdisho ku yimid 19-kii Agoosto 2011, taasi oo bog cusub u furtay xiriirka iyo iskaashiga labada dal.

Madaxweynaha ayaa tilmaamay in 15-kii sano ee lasoo dhaafay iskaashiga Soomaaliya iyo Türkiye uu gaaray heer sare, isaga oo ka koobmaya dhinacyada amniga, horumarinta, waxbarashada, caafimaadka, kaabeyaasha dhaqaalaha iyo taageerada bani’aadannimo.

Madaxweyne Xasan Sheekh ayaa uga mahadceliyay dowladda iyo shacabka Türkiye garab istaagga ay Soomaaliya u muujiyeen, isaga oo xusay in xiriirka labada dal uu ku dhisan yahay walaaltinimo, is-ixtiraam iyo dano wadaag.

DHAMMAAD

Pakistan  21ka Agoosto 2026 Wasiirka Arrimaha Baarlamaanka Pakistan, Tariq Fazal Chaudhry, ayaa sheegay in burcad-badeeda Soomaalida ah ay dalbadeen madax-furasho dhan 3 milyan oo dollar, si loo sii daayo 10 badmaax oo Pakistani ah oo afduub ahaan loo haysto tan iyo bishii Abriil. 

Wasiirka ayaa hadalkan ka sheegay Golaha Qaranka Pakistan, isagoo ka jawaabayay su’aal looga dalbaday dowladda inay faahfaahin ka bixiso xaaladda muwaadiniinta Pakistan ah ee gacanta ugu jira burcad-badeedda.

10-ka badmaax ayaa ka mid ah shaqaalihii markabka shidaalka ee MT Honour 25, oo ka babanayay calanka Palau, kaas oo burcad-badeed hubeysan ay ka afduubteen xeebaha Puntland ee Soomaaliya.

Markabka waxaa saarnaa shaqaale ka kala soo jeeda dalal dhowr ah. Marka laga reebo 10-ka Pakistani ah, waxaa afduubka ku jira 7 Indonesiyiin ah, oo uu ku jiro kabtankii markabka, iyo sidoo kale muwaadin Hindi ah iyo mid Sri Lankan ah.

Tariq Fazal Chaudhry ayaa sheegay in ilaa hadda aan horumar laga gaarin wada-hadallada lagu doonayo in lagu sii daayo la-haystayaasha, isla markaana aan wax madax-furasho ah la bixin.

Puntland 21ka Agoosto 2026 Puntland ayaa sheegay in Mashruuca Bulsho ee uu maalgeliyo Bangiga Adduunka uu ka istaagay qaar ka mid ah deegaannada Koonfurta Soomaaliya ee ay ka taliso Dowladda Federaalka.  Wasiirka arrimaha gudaha Puntland, Cabdi Xirsi Cali Qarjab ayaa sheegay in caqabadaha keenay in mashruucu uusan si wanaagsan uga socon qaar ka mid ah deegaannada Koonfurta ay ka mid yihiin faragelin la xiriirta xulashada degmooyinka iyo shaqaalaha ka shaqeynaya mashruuca.

Wasiirka ayaa sheegay in mas’uuliyiin ka tirsan Dowladda Federaalka ay doonayeen in mashruuca loo leexiyo deegaanno gaar ah, isla markaana shaqaale lagu soo xusho rabitaan gaar ah, taas oo uu sheegay inay ka hor imaanayso nidaamka iyo talooyinka Bangiga Adduunka ee lagu xulayo degmooyinka ka faa’iideysanaya mashruuca.

“World Bank waa noo yimid, wuxuuna noo sheegay in mashruuc uu ka socon waayay Koonfurta Soomaaliya. Sababaha uu u socon waayayna waxaa ka mid ah in la yiraahdo: dad ii geeya oo mashruuca iigu qora,” ayuu yiri wasiirku.

Qarjab ayaa sheegay in Mashruuca Bulsho yahay barnaamij madax-bannaan oo Bangiga Adduunku leeyahay, isla markaana xulashada shaqaalaha iyo degmooyinka lagu sameeyo hannaan u gaar ah oo ku salaysan qiimeyn, shuruudo iyo baahida deegaan kasta.

Waxa uu sidoo kale sheegay in afar degmo oo Puntland ah ay ka mid noqdeen degmooyinka lagu xushay marxaladda hore ee mashruuca, kuwaas oo ka kala socda afar gobol.

Mashruuca Bulsho waa barnaamij uu maalgeliyo Bangiga Adduunka, kaas oo muddo saddex sano ah lagu taageerayo degmooyinka Soomaaliya si loo xoojiyo  Dowladaha Hoose, adeegyada bulshada iyo ka-qaybgalka bulshada, iyadoo degmooyinka lagu xulayo hannaan ku salaysan baahida, amniga, awoodda maamulka iyo shuruudo farsamo. 

Mashruucu wuxuu sidoo kale diiradda saarayaa horumarinta kaabayaasha iyo adeegyada aasaasiga ah, xoojinta awoodda degmooyinka iyo sidii bulshada deegaanka ay door uga yeelan lahayd go’aannada iyo mashaariicda lagu fulinayo deegaannadooda.

Muqdisho 21ka Agoosto 2026 Midowga Golayaasha Culimada Soomaaliyeed ayaa magaalada Muqdisho kulan ka yeeshay cabashooyinka isa soo taraya ee la xiriira dhulalka iyo guryaha laga duminayo qaybo ka mid ah caasimadda, iyagoo dowladda ugu baaqay in la joojiyo tallaabo kasta oo lagu duudsinayo muwaadiniinta xuquuqdooda milkiyadeed. 

Culimadu waxay sheegeen in cabashooyin badan ay ka soo gaareen bulshada, kuwaas oo ku saabsan dad haysta dukumiintiyo milkiyadeed oo sharci ah, balse la sheegay in muran laga geliyay ama laga qaaday hantidooda, iyadoo qaarkood lagu soo rogay lacago aan saldhig sharci oo cad lahayn.

Waxay carrabka ku adkeeyeen in hantida qofka aysan bannaanayn in looga qaado awood, amar maamul ama cabsi gelin, haddii aan la marin hannaan sharci iyo garsoor oo cadaalad ah.

Culimadu waxay ugu baaqeen Madaxweynaha Soomaaliya, Ra’iisul Wasaaraha, maamulka Gobolka Banaadir iyo hay’adaha ay arrintu khuseyso inay si madax-bannaan u baaraan cabashooyinka dhulka, ilaaliyaan xuquuqda shacabka, isla markaana lala xisaabtamo cid kasta oo lagu helo ku takrifal awoodeed, boob ama musuqmaasuq.

Muqdisho 21ka Agoosto 2026 Wasiirka Amniga Gudaha ee Xukuumadda Federaalka Soomaaliya, Mudane Jeneraal Cabdullaahi Sheekh Ismaaciil Fartaag, ayaa maanta xafiiskiisa ku qaabilay Wakiilka cusub ee Barnaamijka Horumarinta Qaramada Midoobay (UNDP) ee Soomaaliya, Mudane Christophoros Politis.

Kulanka ayaa diiradda lagu saaray xoojinta iskaashiga u dhexeeya Dowladda Federaalka Soomaaliya iyo UNDP, gaar ahaan horumarinta adeegyada amniga iyo booliska, dardargelinta maalgelinta mashaariicda mudnaanta leh, iyo horumarinta xalal waara oo wax looga qabanayo caqabadaha ka jira labada dhinac.

Wasiirka ayaa carrabka ku adkeeyay muhiimadda ay leedahay sii xoojinta iskaashiga iyo taageerada hay’adaha amniga, si loo horumariyo adeegyada amniga, loo dhiso hay’ado amni oo awood leh, loona xaqiijiyo amni waara oo dalka iyo shacabka Soomaaliyeed u horseeda xasillooni iyo horumar.

https://www.youtube.com/watch?v=mwWcDo9VFWU

Su’aalaha Maanta: Yaa Baydhabo ka soo qaxay? Maxay beesha caalamka u jartay dhaqaallihii? Yaa noqon doona guddoomiyshs cusub hplaha shacabka? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 20ka Agoosto 202 Saxaafad xor ah, masuul ah, isla markaana la ilaaliyo ayaa aas-aas u ah kobcinta kalsoonida bulshada iyo xasilloonida siyaasadeed ee guud ahaan Soomaaliya. Haddii ay si sax ah uga warramaan arrimaha danta guud isla markaana dhiirrigeliyaan hufnaanta hay’adaha, suxufiyiinta Soomaaliyeed waxay noqon karaan buundooyin muhiim ah oo kor u qaada wada-hadalka bulshada, oo dhiirrigeliya ka-qaybgal loo siman yahay, isla markaana xoojiya tiirarka dadaallada nabad-dhisidda dalka. 

China 20ka Agoosto 2026Wasiirka Warfaafinta, Dhaqanka iyo Dalxiiska Xukuumadda Federaalka Soomaaliya, Mudane Cabdifataax Qaasim Maxamuud, ayaa khudbad uu uga hadlayay horumarka Warbaahinta ka jeediyay Madasha 7-aad ee Iskaashiga Warbaahinta Afrika iyo Shiinaha oo ka socota magaalada Beijing.

Wasiirka ayaa khudbaddiisa ku soo bandhigay horumarka ay Soomaaliya ka sameyneyso la qabsiga casriyeynta warbaahinta, caqabadaha ay la wadaagto wadamada gobolka gaar ahaan aaladaha casriga, sida isticmaalka warbaahinta garaad gacmeydka ( AI) xoojinta Warbaahinta cusub, iyo dadaallada Dowladda Federaalka Soomaaliya ee lagu dhisayo warbaahin casri ah oo la jaanqaadi karta isbedellada deg-degga ah ee dunida.

Waxa uu sidoo kale tilmaamay muhiimadda ay leedahay in warbaahinta loo adeegsado horumarinta bulshada, gudbinta xog sugan iyo xoojinta xiriirka iyo midnimada bulshooyinka, isaga oo adkeeyey sida ay Soomaaliya uga go’an tahay horumarinta warbaahin xirfad iyo masuuliyad ku dhisan.

Wasiir Cabdifataax ayaa si gaar ah u xusay muhiimadda iskaashiga warbaahineed ee Afrika iyo Shiinaha, gaar ahaan dhinacyada teknoolojiyadda, tababarrada, is-dhaafsiga khibradaha iyo horumarinta awoodda hay’adaha warbaahinta, isagoo sheegay in Soomaaliya ay diyaar u tahay inay si firfircoon uga faa’iideysato fursadaha iskaashi ee madashani abuureyso.

Wasiirka waxaa Madasha ku wehliyey Safiirka Jamhuuriyadda Federaalka Soomaaliya u fadhiya Jamhuuriyadda Shacabka Shiinaha, Danjire Hodan Cismaan Cabdi, iyo Agaasimaha Radio Muqdisho, Cabdifataax Daahir Jayte

Puntland State 20ka Agoosto 2026 Burcad-badeed ku sugan xeebta deegaanka Garmaal ee degmada Dangorayo ee gobolka Nugaal ayaa ka hadlay duqeyn lagu dilay afar nin oo la sheegay in ay kamid ahaayeen koox afduubatay markab ganacsi oo xamuul ah. Mid ka mid ah burcad-badeedda oo la hadlay warbaahinta maxalliga ah ayaa sheegay in saddex maalmood ka hor ay markabkan ku qabsadeen agagaarka xeebta Garmaal. Sida uu sheegay Turkiga oo xiriir la lahaa markabkan ayaa maalin kaddib duqayn ku dilay  dhowr qof oo saarnaa Saxiimad ku sugnayd xeebta deegaankaas.

Ninkan ayaa ku andacooday in duqeyntaas lagu dilay dhowr qof oo rayid ah, isagoo dowladda Soomaaliya iyo Turkiga ku eedeeyay inay si aan kala sooc lahayn u beegsadeen kalluumaysatada iyo dadka ku nool deegaanka.

Markii la weydiiyay sababta ay maraakiibta u qabsadaan, wuxuu sheegay in xaaladaha dhaqaale iyo saboolnimada deegaanka ay ku kallifaan falalka burcad badeednimada. Waxa uu sidoo kale ku eedeeyay maraakiib shisheeye inay si sharci-darro ah uga kalluumaystaan biyaha Soomaaliya.

Sida uu sheegay, qaar ka mid ah maraakiibta ay qabsadeen waxay ka diiwaangashnaayeen dalal shisheeye. Wuxuu sheegay in maraakiibtaasi aysan haysan oggolaansho ay kaga hawlgalaan biyaha Soomaaliya.

Isagoo ka hadlayay markabka ay hadda haystaan iyo maraakiibta kale ee lagu hayo deegaanka ku dhow, ayuu sheegay in kooxaha saaran maraakiibta aysan ahayn hal koox oo si toos ah u wada shaqaysa, balse ay leeyihiin xiriir iyo heshiisyo dhexdooda ah.

Ugu dambeyn, ninkan ayaa sheegay in dadka saaran maraakiibta aysan wax dhibaato ah kala kulmi doonin kooxaha, haddii aysan iyaguna wax dhibaato ah geysan.

Muqdisho 20ka Agoosto 2026 Ra’iisul Wasaaraha Soomaaliya Xamse Cabdi Barre ayaa sheegay in xiriirka Soomaaliya iyo Turkiga uu galay marxalad cusub oo ku salaysan iskaashi, dheef wadaag iyo barwaaqo wadaag, isagoo xusay in Ankara ay Soomaaliya garab istaagtay muddo 15 sano ah, xilliyo ay dalka ka jireen xaalado bani’aadamnimo, amni iyo dhaqaale oo adag. Ra’iisul Wasaaraha ayaa hadalkan ka sheegay munaasabad lagu xusayay 15 sano guuradii xiriirka iskaashi ee Soomaaliya iyo Turkiga, isagoo sheegay in xiriirka labada dal uu ka soo gudbay garab istaag bani’aadamnimo una gudbay iskaashi istiraatiiji ah oo dhinacyo badan taabanaya.

Wuxuu sheegay in booqashadii Madaxweynaha Turkiga Recep Tayyip Erdoğan uu Muqdisho ku yimid 2011, xilli Soomaaliya ay wajahaysay abaaro, macluul iyo amni-darro, ay furtay bog cusub oo ku saabsan xiriirka labada dal.

“Booqashadaas waxay xambaarsanayd farriin cad oo ahayd in Soomaaliya aan la illoobi karin, shacabka Soomaaliyeedna aysan kelidood ahayn,” ayuu yiri Ra’iisul Wasaaruhu.

Wuxuu sheegay in 15-kii sano ee la soo dhaafay Turkigu uu Soomaaliya ka taageeray dhinacyada bani’aadamnimo, waxbarashada, caafimaadka, kaabayaasha dhaqaalaha, amniga, diblomaasiyadda, ganacsiga iyo maalgashiga.

Ra’iisul Wasaaraha ayaa sidoo kale xusay in kumannaan arday Soomaaliyeed ay wax ku barteen Turkiga, kuwaas oo markii dambe dalka ugu soo laabtay xirfadlayaal ka shaqeeya dhinacyo kala duwan.

Dhanka kale, wuxuu sheegay in Soomaaliya ay maanta ka duwan tahay sidii ay ahayd 2011, isagoo tilmaamay horumarka laga sameeyay amniga, dhaqaalaha iyo diblomaasiyadda.

“Soomaaliya 2026 ma aha Soomaaliya 2011. Waxaan soo marnay waddo adag, waxaan soo qaadnay jid dheer,” ayuu yiri.

ARARKA MAANTA 17ka Agoosto 2026 

Su’aalaha Maanta: Yaa diidi kara inuu Madaxweynaha xilka ka dhammaaday tagay Koofurta Gaalkcayo kaliya Xassan “Dhuuso-Fooxiye”? Maxay beesha caalamka u jartay dhaqaallihii? Yaa noqon doona guddoomiyshs cusub hplaha shacabka? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 17ka Agoosto 2026Hoggaanka Xiriirka Ururrada Shaqaalaha Soomaaliyeed (FESTU) oo uu hoggaaminayay Xoghayaha Guud ee FESTU, Cumar Faaruuq Cusmaan, ayaa maanta magaalada Muqdisho kula kulmay Mudane Wamkele Mene, Xoghayaha Guud ee Xoghaynta Aagga Ganacsiga Xorta ah ee Qaaradda Afrika (AfCFTA) iyo wafdi uu hoggaaminayay.

Kulanka ayaa diiradda lagu saaray hirgelinta AfCFTA ee Soomaaliya iyo kaalinta shaqaalaha iyo ururrada shaqaaluhu ku yeelan karaan isdhexgalka dhaqaale ee Afrika. FESTU waxay miiska soo saartay muhiimadda ay leedahay abuurista shaqooyin hufan, ilaalinta xuquuqda shaqaalaha iyo xoojinta wadahadalka bulshada, si kobaca ganacsiga iyo maalgashigu uu faa’iido dhab ah ugu keeno shaqaale-weynaha.

Iyadoo laga duulayo mowqifyada Ururweynaha Caalamiga ah ee Ururrada Shaqaalaha (ITUC) iyo ITUC-Africa, FESTU waxay carrabka ku adkaysay in shaqaalaha iyo ururradoodu yeeshaan cod muuqda oo macno leh marka la dejinayo siyaasadaha iyo qaab-dhismeedka hirgelinta AfCFTA. Mudane Wamkele Mene ayaa soo dhaweeyay sii wadidda wada-shaqeynta lala leeyahay ururrada shaqaalaha, isagoo xusay muhiimadda ay leedahay in dowladda, ganacsatada iyo ururrada shaqaaluhu iska kaashadaan koboc dhaqaale oo loo dhan yahay.

FESTU waxay sidoo kale bogaadinaysaa Wasiirka Ganacsiga iyo Warshadaha Soomaaliya, Danjire Jamaal Maxamed Xasan, dadaalka uu ku hoggaaminayo hirgelinta AfCFTA si loo dhan yahay, isaga oo isu keenaya dowladda, ganacsatada iyo ururrada shaqaalaha, isla markaana dhiirrigelinaya wadahadal bulsho oo saldhig u noqda iskaashi iyo horumar dhaqaale oo loo wada dhan yaha

Muqdisho 17ka Agoosto 2026 Wasiirka Arrimaha Dibadda iyo Iskaashiga Caalamiga ah, Mudane Cabdisalaan Cabdi Cali (Dhaay), ayaa maanta Xafiiska ku qaabilay Mudane Wamkele Mene, Xoghayaha Guud ee Xoghaynta Aagga Ganacsiga Xorta ah ee Qaaradda Afrika (AfCFTA).

Xoghayaha Guud ayaa Wasiirka warbixin ka siiyay hirgelinta waajibaadka AfCFTA iyo kaalinta ay ka qaadanayso Midowga Afrika Ajandaha 2063.

Wasiirka wuxuu dhankiisa sheegay sida ay Dowladda Soomaaliya uga go’an tahay hirgelinta qaab-dhismeedka AfCFTA, iyadoo Soomaaliya ay hore u ansixisay heshiiska, wuxuu carrabka ku adkeeyay muhiimadda ay u leedahay Soomaaliya in si buuxda uga faa’iidaysato fursadaha AfCFTA ee dhinacyada ganacsiga, maalgashiga iyo is dhexgalka dhaqaale ee qaaradda Afrika.

Muqdisho 17ka Agoosto 2026 Dowladaha Soomaaliya iyo Shiinaha oo xooga saaraya Xiriirkooda Laba geesoodka ah ee ka dhaxeeya

Muqdisho, Soomaaliya | 17 Agoosto 2026,

Wasiirka Wasaaradda Arrimaha Dibadda iyo Iskaashiga Caalamiga ah XFS, Mudane Cabdisalaan Cali ayaa xarunta Wasaaradda ku qaabilay Safiirka Jamhuuriyadda Shacabka Shiinaha u fadhiya Soomaaliya, Mudane Wang Yu.

Wasiirka ayaa bogaadiyay taageerada joogtada ah ee  Dowladda Shiinaha, gaar ahaan dhismaha Xarunta Qurba-joogta ee  Wasaaradda Arrimaha Dibadda, iyo sidoo kale taageerada dhinacyada horumarinta iyo waxbarashada.

Wasiirku waxa uu sheegay sida Soomaaliya uga go’an tahay sii xoojinta iskaashiga iyo xiriirka soo jireenka ah ee ka dhaxeeya  labada dal ee Soomaaliya iyo Shiinaha.

Wixii faahfaahin dheeraad ah kala xiri

WARARKA MAANTA 9ka Agoosto  2026 

Su’aalaha Maanta: Maxay beesha caalamka u jartay dhaqaallihii? Yaa noqon doona guddoomiyshs cusub hplaha shacabka? Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

South Sudan 9ka Agoosto  2026Safiirka Dowladda Soomaaliya ee Dalka Koonfurta Suudaan Amb. Jaamac Xasan Khaliif, ayaa farriin u diray Jaaliyadda Soomaaliyeed ee dalkaas ku dhaqan, Danjiraha ayaa ku ammaanay Jaaliyadda midnimada, isku duubnida iyo wadajirka ay muujinayaan, isagoo ku boorriyey inay qaataan kaarka Aqoonsiga Qaranka ee NIRA iyo Baasaboorka Soomaaliya, si ay u helaan aqoonsi rasmi ah, loogana war hayo wixii caqabado ah ee ku yimaada.

Safiir Jaamac ayaa adkeeyey muhiimadda ay leedahay in bulshada Soomaaliyeed ay si wanaagsan ula shaqeeyaan hey’adaha dowladda, isla markaana ay ilaashadaan midnimadooda iyo isku duubnidooda.

Puntland 9ka Agoosto  2026 MADAXWEYNAHA OO KULAN LA QAATAY SARAAKIISHA CIIDAMADA KALA DUWAN EE DOWLADDA PUNTLAND EE SUGAN GOBOLKA MUDUG.

Gaalkacyo: 08 Agoosto 2026: Madaxweynaha Dowladda Puntland Mudane Siciid Cabdullaahi Deni, oo safar shaqo ku jooga magaalada Gaalkacyo, ayaa kulan la qaatay saraakiisha ciidamada kala duwan ee Dowladda Puntland ee ku sugan Gobolka Mudug.

Kulanka waxaa ka qaybgalay saraakiisha  ciidamada kala duwan  oo ay hogaaminayaan Taliyaha Ciidanka Daraawiishta Dowladda Puntland, Gen. Aadan Cabdi Xaashi, Taliyaha Ciidanka Booliska Dowladda Puntland, Gen. Muumin Cabdi Shire iyo  saraakiisha ciidamada kala duwan ee Dowladda Puntland.

Kulanka ayaa diiradda lagu saaray xaaladda nabadgelyada Gobolka Mudug iyo guud ahaan Puntland, iyadoo la iska xog-waraystay xaaladaha amni iyo dadaallada socda ee lagu xoojinayo nabadgelyada iyo xasilloonida.

Madaxweynaha Dowladda Puntland ayaa saraakiisha ciidamada kula dardaarmay adkaynta nabadgelyada iyo xasilloonida Puntland, isaga oo ku boorriyey inay sii xoojiyaan wada-shaqaynta, feejignaanta iyo gudashada waajibaadka ka saaran sugidda amniga.

Madaxweynaha waxaa kulanka ku weheliyey xubno ka tirsan Golayaasha kala duwan ee Dowladda Puntland.

   — DHAMMAAD —–

Maraykanka 9ka Agoosto  2026Hay’adda Socdaalka iyo Jinsiyadda Mareykanka ee USCIS ayaa mar kale si ku-meel-gaar ah u kordhisay muddada ay shaqeynayaan dukumentiyada oggolaanshaha shaqada (EAD) ee dadka Soomaaliyeed ee haysta Temporary Protected Status (TPS). 

Kordhinta cusub ayaa oggolaanshaha shaqada gaarsiineysa 10-ka Agoosto 2026, halka kordhintii hore ay ku ekeyd 5-ta Agoosto.

Go’aankan ayaa imaanaya xilli ay weli socdaan dacwado la xiriira qorshaha dowladda Madaxweyne Donald Trump ay ku joojinayso TPS-ka dalal dhowr ah, oo ay Soomaaliya ka mid tahay.

Arrintan ayaa sidoo kale daba socota go’aan ay Maxkamadda Sare ee Mareykanka gaartay 25-kii Juun 2026, kaas oo u oggolaaday maamulka Trump inuu sii wado qorshihiisa lagu joojinayo TPS-ka muwaadiniinta Haiti iyo Syria.

Go’aanka maxkamadda ayaa saameyn ku yeeshay dacwado kale oo ku saabsan TPS, oo ay ku jirto dacwadda ka socota maxkamad ku taalla Massachusetts ee ay kooxo u doodaya dadka Soomaaliyeed kaga horjeedaan joojinta TPS-ka Soomaaliya.

USCIS ayaa sidaas oo kale lagu amray inay u hoggaansanto amar maxkamadeed oo la soo saaray 21-kii Luulyo, kaas oo khuseeya kordhinta oggolaanshaha shaqada ee qaar ka mid ah dadka haysta TPS ee codsaday cusbooneysiinta EAD-yadooda ka hor 30-kii Oktoobar 2025.

Kordhinta cusub ee ilaa 10-ka Agoosto ayaa ka dhigan in dadka Soomaaliyeed ee ku tiirsan dukumentiyadan ay weli haystaan muddo kooban oo dheeraad ah oo ay ku sii isticmaali karaan oggolaanshaha shaqada, iyadoo xaaladda TPS-ka Soomaaliya ay weli ku xiran tahay dacwadaha maxkamadaha iyo go’aannada dowladda Mareykanka. 

WARARKA MAANTA 4Ta Agoosto  2026 

Su’aalaha Maanta: Yaa diiiday inuu dhiiso Maxkammadda Dastuurihga ah oo sharci-darro ku fadhiya #VillaSomalia? Yaa diiday inuu djiso #Maqaamka #Muqdisho oo boobay sacabka #Muqdisho xitaa qabuura ka badbaadi waayeen? Yaa noqon doona Madaxweynaha cusub ee #Soomaaliya? Maxuu yahay heshiisyada ay Dowladdaha caalamka la galeen Dowlad Gobaleedyada dalka ka jira?  Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 4ta Agoosto  2026 Waxaa maanta magaalada Muqdisho ka furmay shir ay isugu yimaadeen khubaro militari oo ka socda dalalka ciidamada ku biiriya Hawlgalka Midowga Afrika ee Taageerada iyo Xasillinta Soomaaliya (AUSSOM). Kulankan ayaa hordhac u ah shirka la filayo inay yeeshaan Taliyeyaasha Ciidamada Difaaca ee dalalka ka qeyb qaata hawlgalka. 

Shirka ayaa diiradda lagu saaray sidii loo diyaarin lahaa qorshe wadajir ah oo lagu fulinayo go’aannadii ka soo baxay shirkii gaarka ahaa ee madaxda dalalka taageera AUSSOM, kaas oo dhowaan lagu qabtay magaalada Kampala ee dalka Uganda. Qorshaha ayaa la sheegay inuu hagayo wejiga xiga ee iskaashiga dhinaca amniga.

Qodobada ugu muhiimsan ee laga dooday waxaa ka mid ahaa dardargelinta hawlgallada ka dhanka ah Al-Shabaab, xoojinta wadaagga xogaha sirdoonka iyo sidii si dhow loogu mideyn lahaa awoodaha iyo agabka ay adeegsanayaan ciidamada Soomaaliya iyo kuwa taageeraya.

Guddoomiyaha guddiga khubarada militariga, Sarreeye Gaas Maxamed Cali Bariise, ayaa sheegay in qorshaha la diyaarinayo uu ujeeddadiisu tahay in la xoojiyo wada-shaqeynta u dhexeysa Ciidanka Xoogga Dalka Soomaaliyeed, ciidamada AUSSOM iyo dalalka ciidamadooda ku biiriyay hawlgalka, si loo kordhiyo waxtarka howlaha amniga.

Mas’uuliyiintu waxay sheegeen in qorshaha ay khubaradu soo diyaariyeen loo gudbin doono Taliyeyaasha Ciidamada Difaaca, kuwaas oo dib u eegi doona ka hor inta aan si rasmi ah loo meelmarin. Ansixintiisa ayaa la filayaa inay saldhig u noqoto qorshayaasha hawlgal ee xiga.

Kulankan ayaa imaanaya xilli Soomaaliya iyo saaxiibbadeeda amniga ay wadaan dadaallo ku aaddan maalgalinta AUSSOM oo wajahaysa dhaqaale la’aan, taasoo ay u sii dheer tahay in Dowladda Maraykanka ay shaacisay in dhammaadka sanadkan ay joojin doonto taageerada xafiiska UNSOS oo bixiya taageerada howlgalka AUSSOM.

Dhawaan, dalalka ay ciidamada ka joogaan Soomaaliya oo ku kulmay Kampala ayaa dalbaday in howlgalka lagu kordhiyo 18- 24 bilood oo dheeraad ah, si Soomaaliya loogu diyaariyo in ay la wareegto masuuliyadda amnigeeda.

Muqdisho 4ta Agoosto  2026 Wasaaradda Awqaafta iyo Arrimaha Islaamka ee Dowladda Federaalka Soomaaliya ayaa soo saartay war-saxaafadeed ay ku shaacisay jadwalka iyo shuruudaha lagu maamulayo howlaha Xajka ee sanadka 1448H/2027, iyadoo ugu baaqday shirkadaha iyo xujeyda Soomaaliyeed inay u hoggaansamaan nidaamka cusub. Wasaaraddu waxay sheegtay in qorshahan lagu diyaariyay kadib markii dowladda Sacuudiga ay dejisay jadwalka rasmiga ah ee howlaha Xajka, si loo dardargeliyo diyaarinta adeegyada loo fidinayo xujeyda Soomaaliyeed.

Sida ku cad war-saxaafadeedka, dhammaan muwaadiniinta doonaya inay gutaan waajibaadka Xajka waxaa lagu amray inay si degdeg ah isu diiwaangeliyaan, isla markaana baasaboorkooda iyo lacag hormaris ah oo dhan 2,000 oo doollar ku wareejiyaan shirkadaha adeegga Xajka ee ay Wasaaraddu ruqsadda siisay.

War-saxaafadeedka ayaa sidoo kale faraya shirkadaha adeegga Xajka inay siiyaan xujeyda adeegyo tayo leh oo ay ku jiraan gaadiid, hoy, cunto iyo daryeel caafimaad, isla markaana ay la galaan heshiisyo shaqo oo caddeynaya xuquuqda iyo waajibaadka labada dhinac.

Dhanka kale, Wasaaraddu waxay sheegtay in bixinta adeegyada Xajka lagu maamuli doono nidaam elektaroonig ah (System), iyadoo shirkadaha laga doonayo inay xogta xujeyda ku diiwaangeliyaan nidaamkaas. 

Ugu dambeyn, Wasaaradda Awqaafta iyo Arrimaha Islaamka ayaa uga digtay shacabka inay la macaamilaan shaqsiyaad ama shirkado aan haysan ruqsad rasmi ah, waxayna xustay in qiimaha rasmiga ah ee adeegyada Xajka la shaacin doono marka la soo gabagabeeyo daraasadda qiimeynta adeegyada Xajka ee 1448H/2027. 

Galmudug State 4ta Agoosto  2026 Xisbiga Towfiiq ayaa ku gacan seyray natiijada doorashooyinka goleyaasha deegaanka iyo golaha wakiillada ee Galmudug ee ay ku dhawaaqeen guddiga doorashooyinka, isagoo ku eedeeyay guddiga in habraaca doorashada lagu tuntay rabitaanka codbixiyeyaasha isla markaana la dhaawacay hannaanka doorasho qof iyo cod ah. 

War-saxaafadeed uu soo saaray xisbigu ayuu ku sheegay in natiijada lagu dhawaaqay ay shacabka Galmudug ka qaaday xuquuqdoodii dastuuriga ahayd, isla markaana ay meesha ka saartay kalsoonidii laga qabay geeddi-socodka doorashada. Xisbiga ayaa ku dooday in habka loo maareeyay codbixinta iyo tirinta codadka uu hareeyay musuq iyo eex, taasoo, sida uu sheegay, si weyn u saameysay natiijada kama dambaysta ah.

Towfiiq wuxuu sheegay in shacabka Soomaaliyeed ay filayeen doorasho hufan oo ka tarjumaysa rabitaankooda, balse natiijada lagu dhawaaqay aysan waafaqsanayn codadkii ay goobaha codbixinta ka diiwaangeliyeen wakiilladiisa. Xisbiga ayaa ka digay in aqbalidda natiijadan ay dhaawici karto kalsoonida lagu qabo hannaanka dimuqraadiyadeed iyo ka qaybgalka shacabka ee doorashooyinka mustaqbalka.

Xisbigu wuxuu ugu baaqay guddiga doorashooyinka iyo dhinacyada ay khusayso in dib loogu noqdo go’aanka lagu dhawaaqay, isla markaana dib-u-eegis madax-bannaan lagu sameeyo natiijooyinka iyo codadka laga kala helay tobanka degmo ee doorashadu ka dhacday, si loo xaqiijiyo in rabitaanka shacabka si sax ah loo muujiyo.

Sida uu xisbigu sheegay, doorashada tobanka degmo ee Galmudug waxaa codkooda dhiibtay 58,519 qof, halka codadka halaabay ay gaarayeen 987, oo u dhiganta ku dhowaad boqolkiiba hal. Towfiiq ayaa ku andacooday in uu helay 53,054 cod oo u dhiganta 53.85% codadkii golaha wakiillada, taasoo uu sheegay inay u saamaxaysay inuu ku guuleysto 47 ka mid ah 89-ka kursi ee golaha.

Dhanka goleyaasha deegaanka, xisbigu wuxuu sheegay inuu helay 54,064 cod oo u dhiganta 54.87% codadkii la dhiibtay, isagoo ku dooday in natiijadaasi siinaysay 104 ka mid ah 243-da kursi ee goleyaasha deegaanka ee Galmudug.

Guddiga Doorashooyinka ayaa shalay ku dhawaaqay natiijada rasmiga ah ee doorashadii goleyaasha deegaanka ee Galmudug, iyagoo sheegay in Ururka Caddaaladda iyo Wadajirka uu noqday ururka ugu codadka badan, isagoo helay 135,247 cod iyo 63 kursi, halka Ururka Towfiiq uu galay kaalinta labaad kadib markii uu helay 26,003 cod iyo 12 kursi.

Maraykanka 4ta Agoosto  2026 Xildhibaan Andy Ogles oo ka tirsan Aqalka Wakiillada Mareykanka ayaa gudbiyay mooshin lagu dalbanayo xil ka qaadista Garsoore Allison Burroughs, kadib markii ay mar kale hakisay qorshihii maamulka Madaxweyne Donald Trump ee lagu soo afjarayay Barnaamijka Ilaalinta Ku-meelgaarka ah (TPS) ee muwaadiniinta Soomaaliyeed. 

Garsooraha ayaa soo saartay amar sii haynaya TPS-ka iyo rukhsadaha shaqada ee ku dhowaad 1,100 qof oo Soomaali ah, inta ay maxkamaddu ka go’aamineyso dacwad ay gudbiyeen dadka ka faa’iideysta barnaamijka.

Ogles ayaa ku eedeeyay garsooraha inay ka tallaabsatay awooddeeda sharci, isla markaana ay iska indha-tirtay go’aan hore oo ay gaartay Maxkamadda Sare ee Mareykanka, isagoo ku tilmaamay tallaabadeeda “faragelin garsoor”.

Dacwadda cusub ee Soomaalida ayaa ku saleysan dood ah in go’aanka maamulka Trump uu ku saleysan yahay takoor ku saleysan jinsiyadda iyo asal ahaan waddanka, arrin Garsoore Burroughs ay u aragtay in ay mudan tahay in maxkamaddu sii baarto ka hor inta aan TPS-ka la joojin.

Waaxda Amniga Gudaha ee Mareykanka (DHS) ayaa bishii Janaayo ku dhawaaqday in Soomaaliya aysan mar dambe buuxin shuruudihii lagu sii hayn lahaa TPS, iyadoo qorshuhu ahaa in barnaamijku dhammaado 17-kii Maarso.

TPS waa barnaamij bini’aadantinimo oo siiya magangelin ku-meelgaar ah iyo oggolaanshaha shaqada dadka ka yimid dalal ay ka jiraan dagaallo ama masiibooyin dabiici ah. Soomaaliya waxay ka mid ahayd dalalka ku jiray barnaamijkan tan iyo 1991-kii.

Mooshinka Ogles ayaa la filayaa inuu wajaho dood sharci iyo siyaasadeed, maadaama taariikh ahaan garsoorayaasha federaalka aan xilka looga qaadin oo keliya go’aannada ay gaaraan, balse loo baahan yahay caddeyn muujinaysa inay ku kaceen xadgudub culus ama falal ka baxsan waajibaadkooda

Waqooyi Bari  4ta Agoosto  202 𝐑𝐚’𝐢𝐢𝐬𝐮𝐥 𝐖𝐚𝐬𝐚𝐚𝐫𝐞 𝐗𝐚𝐦𝐬𝐚 𝐨𝐨 𝐬𝐡𝐚𝐜𝐚𝐛 𝐭𝐢𝐫𝐨 𝐛𝐚𝐝𝐚𝐧 𝐤𝐚𝐥𝐚 𝐪𝐞𝐲𝐛𝐠𝐚𝐥𝐚𝐲 𝐬𝐚𝐧𝐚𝐝-𝐠𝐮𝐮𝐫𝐚𝐝𝐝𝐚 𝟏-𝐚𝐚𝐝 𝐞𝐞 𝐖𝐚𝐪𝐨𝐨𝐲𝐢 𝐁𝐚𝐫𝐢

Laascaanood , 03 Agoosto 2026 : Ra’iisul Wasaaraha XJFS Mudane Xamsa Cabdi Barre ayaa boqolaal shacab ah iyo hoggaanka sare ee dowlad-goboleedka Waqooyi Bari caawo kala qeybgalay xafladda sanad-guuradda koowaad ee kasoo wareegtay asaaska maamulkan, taas oo lagu qabtay fagaare ku yaala magaalada Laascaanood.

Hadal-jeedin dhinacyo badan taabanaysay oo uu Ra’iisul Wasaare Xamsa ka jeediyay ayuu ku bogaadiyay sida maamulka durba u hano-qaaday, isaga oo u qirey Waqooyi Bari ka maamul ahaan wax badan u qabsoomeen, tahayna in shacabka ay ku faro adeegaan. Wuxuu intaas ku daray in dowladda Federaalka ka go’antahay tabantaabinta Waqooyi Bari oo uu xusey in ay tahay astaan midnimo.

Ra’iisul Wasaaraha ayaa hambalyo u diray shacabka reer Waqooyi Bari meel walba ay joogaan dal iyo debbadba, wuxuuna bogaadiyey horumarka ay ku tilaabsatay halkaa sanno oo uu jiray maamulka  Waqooyi Bari.

“Deegaankaan dad geesiyaal ah ayaa kasoo jeeda, ummadda Soomaaliyeedna raadkaasi ayey daba socdaan, muddo dheer oo uu dagaal ku jiray, haddane ku socdo waa sababtaasi, meel fog baad dadka Soomaaliyeed ugu qorontihiin, hormuudna waa u tihiin” ayuu yiri Ra’iisul Wasaaraha.

Wuxuu ugu baaqay shacabka iyo maamulkaba in si walaalnimo ah oo daris-wanaag ah kula dhaqmaan dowlad-goboleedyada kale , lana tixgaliyo xiriirka ehelnimo ee bulshada ka dhaxeeya.

Dhanka kale Ra’iisul Wasaaraha ayaa hambalyeey doorashadii qof iyo cod ee dhowaan ka dhacday Galmudug, wuxuuna xusey in meelo kale oo dalkana laga qaban doono, si awoodda shacabka loogu celiyo. Wuxuu cambaareeyay aragtiyada siyaasiyiinta qaar kasoo yeeraya ee ah in talada dalka laga saaro gacanta Soomaalida, taas oo uu sheegay wax aanan marnaba dhici doonin.

Mar uu soo hadal-qaaday caqabadaha waaweyn ee dalka haysta ayuu sheegay in ay kala yihiin kooxagaha argagixisada ee fikradaha qaldan xambaarsan iyo kooxaha siyaabaha kala duwan u abaabul ee horumarka dowladnimo ee dalka diiddan.

Intii ay xafladda socotay waxaa hadalo kooban jeediyay qaar ka mid ah xubnaha Golaha Wasiiradda Federaalka oo ay faahfaahiyeen mashaariic heerkii fulinta gaaray ee haatan laga hirgalinayo deegaanadan

WARARKA MAANTA 1da Agoosto  2026 

Su’aalaha Maanta: Yaa albaabadii ka soo xiray Madaxweyne hore Xassan Iyo qoyskiisa? Maxaa Wasiiradiisa iyo gabartiisa looga soo tarxiilay #Kenya? Yaa diiiday inuu dhiiso Maxkammadda Dastuurihga ah? Maxay Dowladdaha deriska ah ugu diideen fisooyin dalka ku gel ah qoyskiisa iyo wasiirada xilkoodu dhammaaday ee dowladda #Soomaalia? 

Muqdisho 1da Agoosto  2026 T𝐑𝐚’𝐢𝐢𝐬𝐮𝐥 𝐖𝐚𝐬𝐚𝐚𝐫𝐞 𝐗𝐚𝐦𝐬𝐚 𝐨𝐨 𝐡𝐚𝐦𝐛𝐚𝐥𝐲𝐨 𝐮 𝐝𝐢𝐫𝐞𝐲 𝐡𝐨𝐠𝐠𝐚𝐚𝐧𝐤𝐚 𝐢𝐲𝐨 𝐬𝐡𝐚𝐜𝐚𝐛𝐤𝐚 𝐝𝐞𝐞𝐠𝐚𝐚𝐧𝐚𝐝𝐚 𝐏𝐮𝐧𝐭𝐥𝐚𝐧𝐝

Muqdisho, Jimce, 31 Luuliyo 2026 : Ra’iisul WasaarahMadaxweynaha xilka ka dhammaaday Xassan “Dhuuso-Fooxiye” u rabaa in uu burburiyo #PuntlandState Iyo #JubbalandState? Maxay beesha caalamka u jartay dhaqaallihii?  Maxuu Madaxweyne hore Xassan Shiikh u rabaa in la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Ha wiqleyso! 

Kampala 1da Agoosto  2026 TMadaxweynaha Uganda, Yoweri Kaguta Museveni, ayaa sheegay in Afrika aysan ka tegi doonin Soomaaliya, isagoo carrabka ku adkeeyay in joogitaanka ciidamada Uganda ee dalka uu salka ku hayo mabda’a midnimada Afrika, amniga gobolka iyo taageeridda dowladnimada Soomaaliya. Museveni ayaa hadalkan ka jeediyay gunaanadka shir saddex maalmood socday oo ay isugu yimaadeen madaxda dalalka ciidamada ku leh Hawlgalka Taageerada iyo Xasilinta Midowga Afrika ee Soomaaliya (AUSSOM), kuwaas oo ay ka mid yihiin Uganda, Itoobiya, Kenya, Jabuuti, Masar iyo Burundi.

Madaxweynaha Uganda ayaa sheegay in inkastoo dalkiisu uusan xuduud toos ah la lahayn Soomaaliya, haddana go’aanka ay ciidamadoodu uga qayb qaadanayaan howlgalka uu ku saleysan yahay laba arrimood oo waaweyn: la dagaallanka xagjirnimada khatar ku ah bulshada iyo muujinta garab istaag dalalka gobolka ee wajahaya khataraha amni.

Museveni wuxuu sheegay in xagjirnimada diimeed ay halis ku tahay xasilloonida Geeska Afrika, isagoo xusay in Afrika ay leedahay taariikh ku dhisan kala duwanaansho, is-ixtiraam iyo wada noolaansho, isla markaana aysan aqbali karin in fikrado adag lagu qasbo bulshooyinka Afrika.

Waqti sii horeeyay, Taliyaha Ciidamada Difaaca Uganda, Jeneraal Muhoozi Kainerugaba, oo shir guddoominayay kulanka Taliyeyaasha Ciidamada, ayaa ku baaqay in si degdeg ah loo diyaariyo qorshe Afrikaan hoggaaminayo, maadaama Xafiiska Qaramada Midoobay ee Taageerada Soomaaliya (UNSOS) lagu wado inuu soo afjaro howlihiisa 31-ka Diseembar 2026.

Africom 1da Agoosto  2026 Taliyaha Ciidamada Mareykanka ee Afrika (AFRICOM), Jeneraal Dagvin Anderson, ayaa sheegay in taageerada mustaqbalka ee Mareykanka uu siiyo Soomaaliya ay ku xirnaan doonto sida ay dowladda u xaqiijiso xasillooni siyaasadeed, u xoojiso maamul wanaagga, isla markaana ay sii waddo horumarka laga gaarayo la dagaallanka kooxaha argagixisada. 

Waraysi gaar ah oo uu ka qaaday Cumar Faaruuq Cusman, Xoghayaha Guud ee NUSOJ, Anderson wuxuu ku sheegay in Mareykanku uusan ka jeesan Soomaaliya, balse iskaashiga labada dhinac uu u baahan yahay hoggaan siyaasadeed oo mideysan iyo natiijooyin muuqda oo dhanka amniga ah.

“Haddii Soomaaliya ay hoggaanka qabato oo dowladda ay hormuud ka noqoto sugidda amniga iyo dowlad-dhiska, Mareykanku wuxuu sii wadi doonaa taageeradiisa, maadaama ay jirto dano wadaag,” ayuu yiri Anderson.

Wuxuu uga digay in khilaafaadka siyaasadeed ee daba dheeraada ay wiiqi karaan iskaashiga labada dal, isagoo xusay in haddii xasillooni siyaasadeed la waayo ay adkaan karto in Mareykanku sii wado heerka taageerada uu hadda bixiyo.

Taliyaha AFRICOM ayaa sidoo kale sheegay in ciidamada kumaandooska Danab, oo Mareykanku gacan weyn ka geystay dhismahooda, ay ka mid yihiin ciidamada ugu tayada wanaagsan qaaradda Afrika, balse ay hadda mas’uuliyadda Soomaaliya tahay ilaalinta iyo horumarinta awooddooda si ay u sii hoggaamiyaan dagaalka ka dhanka ah Al-Shabaab iyo Daacish.

Anderson wuxuu xusay in ay muhiim tahay in Soomaaliya ay muujiso horumar joogto ah oo ka dhan ah argagixisada si loo sii xaqiijiyo joogitaanka iyo taageerada Mareykanka.

Hadalladan ayaa kusoo beegmaya xilli Soomaaliya ay wajahaysa caqabado siyaasadeed oo la xiriira hannaanka doorashooyinka, iyadoo isla markaana ay socdaan howlgallo ka dhan ah Al-Shabaab.

Muqdisho 1da Agoosto  2026 Ganacsiyada yaryar iyo kuwa dhexe waxay horseed u yihiin soo kabsashada dhaqaale ee Soomaaliya, iyagoo gacan ka geysanaya hal-abuurka gudaha, keenayana fursado shaqo.

Maalgashiga dhaqaale oo bartilmaameedsan iyo barnaamijyada dhisidda awoodda ee ganacsatada gudaha ayaa fure u ah gaarista horumar dhaqaale oo waara iyo dhisidda adkeysi qaran xiliga fog

Muqdisho 1da Agoosto  2026 WAR-SAXAAFADEED

Farriin Tacsi ah oo Ku Saabsan Shilkii Naxdinta Lahaa ee Baska kaas oo ka Dhacay Dalka Aljeeriya.

Muqdisho | 01 Agoosto  2026

Jamhuuriyadda Federaalka Soomaaliya waxay tacsi tiiraanyo leh u direysaa Dowladda iyo shacabka Jamhuuriyadda Dimuqraadiga Shacabka Aljeeriya kadib shilkii naxdinta lahaa ee bas kaas oo ka dhacay meel u dhow magaalada Boumerdes maanta oo Jimca ah, Shilkaas oo sababay dhimashada ugu yaraan 25 qof iyo dhaawaca tobannaan kale.

Dowladda Soomaaliya waxay la qeybsaneysaa murugada qoysaska ay ehelladoodu ku geeriyoodeen shilkaas iyo bulshada ay saameysay, iyadoo garab taagan Dowladda iyo shacabka Aljeeriya xilligaan adag ee murugada leh.

Sidoo kale,  Dowladda Soomaaliya waxay u rajaynaysaa dhammaan dhaawacyada ku jira isbitaallada inay si degdeg ah oo buuxda u bogsadaan.

Jamhuuriyadda Federaalka Soomaaliya waxay mar kale xaqiijinaysaa inay garab taagan tahay Jamhuuriyadda Dimuqraadiga Shacabka Aljeeriya xilliyada adag ee murugada leh.

DHAMMAAD

Muqdisho 1da Agoosto  2026 Waxaa sharaf wayn noo ah in aan ku howlannahay qabanqaabada Shir-Waynaha Badaha Soomaaliyeed ee 1aad.

Ujeeddada ugu wayn ee shirkan oo sanadle noqon doono ayaa ah in ay isku waraystaan bahwaynta soomaaliyeed ee Badaha ku shaqada leh oo si wayn u falanqeyn doono aragtida siyaasadeed iyo tan farsamo ee lama huraanka u ah in aan si dhamaystiran uga faa’ideysanno, u difaacanno una daryeelno badaheenna baaxadda wayn leh.

Waxaan qayb ka nahay caalam dhammaantiis ku hardamaaya badaha iyo marin-biyoodyada istiraatiijiga ah, waxaana lama dhaafaan ah in aan curinno ara

Muqdisho 1da Agoosto  2026 a Xukuumadda JFS Mudane Xamsa Cabdi Barre ayaa hambalyo u direy bulshada deegaanada Puntland & Maamulkaba sanad guuradda 28-aad ee dhismihii dowlad goboleedka Puntland awgeed.

Ra’iisul Wasaare Xamsa ayaa bulshada deegaanadaas ku bogaadiyay biseylkooda dowladnimo iyo nabadda , isaga oo sidoo kale hambalyeeyay hoggaankii soo maray maamulkaas kaalintii ay ka qaateen dowlad dhiska dalka iyo dhabar-adeygii ay muujiyeen xiliyadii kala duwanaa ee lagu jiray dhismaha iyo yagleelidda maamulkaas.

Ra’iisul Wasaaraha ayaa ugu dambeyntii u rajeeyay hoggaanka & bulshada gobolada Puntland nabad waarta, Horumar & Barwaaqo.

– DHAMMAAD –

Cabdinaasir Axmed Bashiir

WARARKA MAANTA 30ka Luulyo  2026 

Su’aalaha Maanta: Ma sharci baa inay dowlad aan wax sharciyad haysan qabto doorsho 2026? Maxuu Madaxweynaha xilka ka dhammaaday Xassan “Dhuuso-Fooxiye” u rabaa in uu burburiyo #PuntlandState Iyo #JubbalandState? Maxay beesha caalamka u jartay dhaqaallihii?  Maxuu Madaxweyne hore Xassan Shiikh u rabaa in la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Ha wiqleyso! 

Muqdisho 30ka Luulyo  2026 Ra’iisul Wasaare Ku-xigeenka Xukuumadda Federaalka Soomaaliya, Mudane Saalax Axmed Jaamac, ayaa kormeeray goobaha codbixinta ee ay maanta u dareereen bulshada magaalada Galkacyo si ay uga qayb qaataan doorashada qof iyo cod.

Codbixinta Galkacyo waxaa sidoo kale ka qayb qaatay wasiiro heer federaal ah iyo mas’uuliyiin kale, kuwaas oo saaka aroortii hore saf u galay goobaha codbixinta si ay codkooda u dhiibtaan.

Muqdisho 30ka Luulyo  2026 Khubaro dhinaca amniga iyo difaaca ah oo ka kala socday waddamada ciidamada iyo booliiska ku leh Hawlgalka Midowga Afrika ee Taageerada iyo Xasilinta Soomaaliya (AUSSOM), iyo dowladda Soomaaliya, kuwaas oo kulankoodii farsamo ku yeeshay Kampala ka hor shirarka heerka taliyeyaasha ciidamada iyo wasiirrada, ayaa ku soo gabagabeeyay in saddexda qorshe ee loo diyaariyay mustaqbalka AUSSOM aysan midkoodna hirgeli karin haddii uu joogsado taageerada saadka ee Xafiiska Taageerada Qaramada Midoobay ee Soomaaliya (UNSOS), iyadoo aan la helin hannaan kale oo beddela. 

Warbixinta ay khubaradu diyaariyeen ayaa lagu sheegay in hakad ku yimaada taageerada UNSOS uu khatar gelin karo sii socoshada howlgalka, joogtaynta saadka ciidamada iyo ilaalinta guulihii amni ee laga gaaray Soomaaliya sannadihii u dambeeyay. Waxay sidoo kale ka digeen in xaaladdaasi ay abuuri karto firaaqo amni xilli ciidamada Soomaaliya ay weli ku jiraan marxaladda kala-guurka ee la wareegidda mas’uuliyadda amniga dalka.

Iyagoo ka duulaya qiimeyntaas, khubaradu waxay ku taliyeen in Midowga Afrika uu wada-hadal la yeesho Mareykanka si loo raadiyo waddo lagu sii wadi karo taageerada UNSOS inta lagu jiro qorshaha kala-guurka ee amniga Soomaaliya ee u dhexeeya 2024 iyo 2029.

Gunaanadka khubarada ayaa loo gudbiyay shirka Taliyeyaasha Ciidamada ee Kampala, halkaas oo sidoo kale looga hadlay suurtagalnimada in la sameeyo hannaan cusub oo Afrika hoggaaminayso si uu u beddelo taageerada saadka ee hadda ay bixiso Qaramada Midoobay.

Taliyaha Ciidamada Uganda ayaa ugu baaqay waddamada ka qeybgalaya shirka inay dardargeliyaan diyaarinta qorsheyaal kale oo xaqiijin kara sii socoshada howlgalka wixii ka dambeeya dhammaadka 2026. 

PuntlandState 30ka Luulyo  2026 Xafiiska Hanti-dhowrka Guud ee Puntland ayaa baaritaan uu ku sameeyay xisaab-xirka sannad-maaliyadeedka 2025 ku muujiyay tabar-darrooyin ka jira maamulka maaliyadda dowladda, iyadoo kharash dhan $21.39 milyan aan loo helin dukumentiyo iyo caddeymo dhammaystiran. Warbixin uu soo saaray ayuu ku sheegay in $5.88 milyan oo ka mid ah lacagtaas lagu diiwaangeliyay nidaamka maaliyadda dowladda (PFMIS) isla markaana soo martay Bangiga Dowladda, balse aan lagu caddeyn cidda rasmiga ah ee qaadatay. $15.51 milyan oo kalena ayaa la sheegay inay ka maqnaayeen dukumentiyo muhiim ah, sida codsiyada lacag bixinta, saxiixyada iyo oggolaanshaha rasmiga ah.

Hanti-dhowrku wuxuu sidoo kale sheegay in diiwaangelinta deymaha dowladda aysan dhammaystirnayn. Inkastoo dowladda ay soo gudbisay deymo dhan $16.35 milyan, warbixintu waxay sheegtay in la helay deymo kale oo aan si rasmi ah loo diiwaangelin.

Warbixintu waxay sidoo kale tilmaantay daciifnimo ka jirta nidaamyada maaliyadda ee PFMIS iyo PUNTCAS, iyadoo sheegtay in xogta ku jirta nidaamyadaas aysan mararka qaar la jaanqaadin lacagaha dhabta ah ee ku jira khasnadda dowladda. Waxa kale oo lagu sheegay in lacag dhan $466.84 milyan oo la xiriirta miisaaniyadda dowladda aysan soo marin Khasnadda Dhexe.

Sidoo kale, Hanti-dhowrku wuxuu sheegay in heshiisyo wax iibsiga dowladda ah oo qiimahoodu gaarayo $7.10 milyan aan loo marin habraacyada sharcigu dhigayo, halka ay sidoo kale jireen cillado la xiriira canshuuraha laga jaro lacagaha la bixiyo iyo hoos u dhac ku yimid dakhliga gobollada Raas Casayr, Mudug iyo Nugaal.

Warbixintu waxay intaas ku dartay in lix ka mid ah siddeedii talo ee Hanti-dhowrku soo jeediyay sannadkii 2024 aan weli la hirgelin, halka laba kalena qayb ahaan la fuliyay.

Warbixintaan ayaa kusoo beegantay maalmo kaddib markii uu baarlamaanka Puntland meel mariyay xisaab xirka sanad maaliyadeedka 2025, iyadoo Puntland ay sheegtay in uu u soo xarooday 99% ku talagalka dakhliga gudaha, balse uu weli walaac ka taagan yahay bixinta  xaquuqda shaqaalaha iyo ciidamada Puntland.

Muqdisho 30ka Luulyo  2026 Maxkamadda Ciidamada Qalabka Sida iyo Dambiyada Culus ee Jubbaland ayaa xukun dil ah ku ridday Sadaaq Maxamed Siidow, oo lagu helay dambiyo la xiriira dil, dhaawac iyo ka mid ahaanshaha kooxda Al-Shabaab. Maxkamaddu waxay sheegtay in eedeysanaha lagu helay inuu degmada Afmadow ee gobolka Jubbada Hoose ku dilay laba askari oo ka tirsanaa ciidamada ammaanka, kuwaas oo kala ahaa Cabdiqaadir Adow Cabdullaahi iyo Cabdinasir Nuur Salaax Mursal, halka uu dhaawac culus u geystay qof shacab ah oo lagu magacaabo Yuusuf Cabdi Xuseen.

Sida ay maxkamaddu sheegtay, Sadaaq Maxamed Siidow ayaa falka geystay 19-kii Luulyo 2026, xilli uu weerar hubeysan ka fuliyay degmada Afmadow, isaga oo adeegsanayay qori AK-47 iyo rasaas kale.

Intii ay socotay dhageysiga dacwadda, eedeysanaha ayaa qirtay inuu ka tirsanaa Al-Shabaab, halka xafiiska xeer ilaalinta ciidamada Jubbaland uu soo bandhigay caddeymo ay ku jiraan hubkii lagu eedeeyay inuu ku fuliyay weerarka.

Xeer ilaalintu waxay maxkamadda ka hor sheegtay in eedeysanuhu uu ku biiray Al-Shabaab sanadkii 2023, islamarkaana uu tababar ku qaatay deegaano ka tirsan gobolka Jubbada Hoose, kadibna uu ka qeyb qaatay howlgallo ay kooxdaasi fulisay.

Guddoomiyaha Maxkamadda Ciidamada Qalabka Sida iyo Dambiyada Culus ee Jubbaland, Gaashaanle Sare Cabdullaahi Maxamuud Ibraahim, ayaa ku dhawaaqay xukunka, isagoo sheegay in maxkamaddu ku ridday dil toogasho ah (qisaas) sababo la xiriira dilka labada askari iyo dambiyada kale lagu helay.

Maxkamaddu waxay sidoo kale sheegtay in xukunka uu salka ku hayo caddeymaha la hor keenay, oo ay ka mid yihiin qiraalka eedeysanaha iyo hubkii lagu soo qabtay.

WARARKA MAANTA 28ka Luulyo  2026 WARARKA MAANTA 29ka Luulyo  2026 

Su’aalaha Maanta: Maxuu Madaxweynaha xilka ka dhammaaday Xassan “Dhuuso-Fooxiye” u rabaa in uu burburiyo #PuntlandState Iyo #JubbalandState? Maxay beesha caalamka u jartay dhaqaallihii?  Maxuu Madaxweyne hore Xassan Shiikh u rabaa in la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Ha wiqleyso! 

Soomaaliya Iyo Kenya 29ka Luulyo  2026 Soomaaliya iyo Kenya ayaa ku heshiiyey inay xoojiyaan wada-shaqeynta dhinacyada socdaalka, adeegyada qunsuliyadaha iyo isu-socodka xuduudaha, kadib kulan ay magaalada Addis Ababa ku yeesheen Wasiirka Arrimaha Dibadda Soomaaliya, Cabdisalaam Cabdi Cali, iyo Wasiirka Arrimaha Dibadda Kenya ahna Ra’iisul Wasaare Ku-xigeenka, Musalia Mudavadi. 

Kulanka, oo ka dhacay intii uu socday shirka 49-aad ee Golaha Fulinta Midowga Afrika, ayaa yimid xilli ay sare u kacday xiisadda diblomaasiyadeed ee u dhexeysa labada dal, kadib markii saraakiil sare oo ka tirsan dowladda Federaalka Soomaaliya lagu celiyey garoonka diyaaradaha ee Nairobi, loona diiday inay gudaha u galaan Kenya.

Wasiirka Arrimaha Dibadda Soomaaliya ayaa sheegay in wada-hadalladu diiradda saareen horumarinta xiriirka laba geesoodka ah, xal u helidda arrimaha socdaalka iyo xoojinta iskaashiga amniga gobolka.

“Waxaan la kulmay Musalia Mudavadi si aan uga wada hadalno horumarinta arrimaha socdaalka iyo sidii loo sii xoojin lahaa iskaashiga labada dal ee ku aaddan xasilloonida gobolka,” ayuu wasiirku ku sheegay qoraal uu soo saaray.

Inkasta oo labada dowladood aysan shaacin faahfaahinta heshiiska laga gaaray kulanka, haddana waxaa la sheegay in labada dhinac ay isla qaateen muhiimadda ay leedahay in la fududeeyo isu-socodka dadka iyo in la xoojiyo wada-shaqeynta qunsuliyadeed. Kulankan ayaa daba socda dhacdooyin dhowaan dhacay oo ay ka mid tahay in Wasiiru Dowlaha Madaxtooyada Soomaaliya, Abshir Bukhaari, loo diiday inuu galo Kenya kadib markii uu gaaray Garoonka Caalamiga ah ee Jomo Kenyatta, halkaas oo dib loogu celiyey Muqdisho.

Warar la baahiyey ayaa sheegay in saraakiisha socdaalka Kenya ay su’aalo ka keeneen baasaboorka Kenya ee uu watay Bukhaari, inkastoo dowladda Kenya aysan si rasmi ah u shaacin sababta loo celiyey.

Sidoo kale, toddobaadyadii la soo dhaafay waxaa soo baxay warar sheegayay in Ra’iisul Wasaare Ku-xigeenka Soomaaliya, Jibriil Cabdirashiid Xaaji, isna loo diiday inuu galo Kenya, iyadoo lagu sheegay in arrintaasi la xiriirtay dukumentiyada safarkiisa.

PuntlandState 29ka Luulyo  2026 Guutada Kumaandooska Danab ee Puntland ayaa soo saartay war-saxaafadeed ay kaga digayso in ay Puntland weerar ku qaaddo ciidanka PSF, iyadoo sheegtay in isku dhac dhex mara ciidamada uu halis gelin karo amniga iyo xasilloonida deegaannada Puntland.  War-saxaafadeedka Danab ayaa lagu sheegay in ay jiraan warar la xiriira suuragalnimada weerarro ka dhan ah PSF, kuwaas oo ay ku tilmaantay kuwo horseedi kara dagaal sokeeye iyo dhiig daata.

Danab waxay ugu baaqday dhinacyada ay khusayso in laga fogaado tallaabo kasta oo keeni karta iska horimaad hubeysan.

Guutada Danab ayaa sidoo kale eedeyn u jeedisay Madaxweynaha Puntland, Siciid Cabdullaahi Deni, iyadoo ku eedeeyay inuu hurinayo xiisad siyaasadeed iyo colaad gudaha ah. Waxay sheegeen in khilaafka jira uu yahay mid siyaasadeed oo aan loo beddelin iska horimaad ciidan.

War-saxaafadeedka ayaa lagu adkeeyay in ciidamadu ay ka soo horjeedaan in Puntland ay noqoto goob lagu xalliyo khilaafaadka siyaasadeed iyadoo la adeegsanayo awood ciidan, waxayna ugu baaqeen dhinacyada isku haya siyaasadda inay doortaan xal nabadeed.

Guutada Danab waxay sidoo kale ugu baaqday in la ilaaliyo nolosha askarta reer Puntland, isla markaana laga fogaado dagaal dhexmara ciidamada Puntland iyagoo xusay in PSF ay sannado badan door muhiim ah ka qaadatay la dagaallanka kooxaha  argigixisada iyo sugidda amniga Puntland. 

Muqdisho 29ka Luulyo  2026 Iyadoo ku dhawaad 70% dadkeeda ay da’doodu ka yar tahay 30 jir, Soomaaliya waxay ka mid tahay waddamada dadkooda u badan yihiin dhallinyarada. Ka faa’iidaysiga tamarta iyo fikradaha dhallinyaradeedu waxay muhiim u yihiin mustaqbalka dalka.

Guud ahaan Soomaaliya, dhallinyaradu waa kuwo wax baranaya, hal-abuur leh, oo taageeraya bulshooyinkooda—iyaga oo iskaa wax u qabso ku shaqeynaya kuna hubeysan hal-abuurnimo la xiriirta qaybaha kala duwan oo ay ka mid yihiin tignoolajiyada, waxbarashada, caafimaadka, farshaxanka, beeraha, hal-abuurka ganacsiga, iyo kuwo kale.

Muqdisho 29ka Luulyo  2026 BAYAAN SAXAAFADEED

Jamhuuriyadda Federaalka Soomaaliya oo Cambaareysay Xadgudubka Loo Geystay Masjidka Barakeysan ee Al-Aqsa.

Muqdisho, Soomaaliya | 29 Luulyo 2026,

Jamhuuriyadda Federaalka Soomaaliya waxay si kulul u cambaareynaysaa weerarka iyo gelitaanka Masjidka Barakeysan ee Al-Aqsa ee uu hoggaaminayay sarkaal Israa’iili ah, isagoo ay weheliyaan kooxo xagjir ah iyo ciidamada ammaanka Israa’iil.

Falkaani wuxuu ka dhigan yahay xadgudub weyn oo lagu sameeyay karaamada iyo xurmada mid ka mid ah goobaha ugu barakaysan Islaamka, isla markaana gef ku ah dareenka malaayiinta Muslimiinta ah ee dunida ku nool.

Iyadoo Soomaaliya ay xubin ka tahay Ururka Iskaashiga Islaamka (OIC), waxay mar kale adkaynaysaa mowqifkeeda ku aaddan taageeridda shacabka Falastiin iyo difaaca xaaladda taariikhiga ah iyo tan sharci ee goobaha barakaysan ee diimaha ku yaalla Qudus.

Dowladda Soomaaliya waxay ugu baaqaysaa beesha caalamka iyo Golaha Ammaanka ee Qaramada Midoobay inay ka hortagaan falalka noocan oo kale ah ee kicinta xambaarsan isla markaana la hubiyo isla xisaabtan ku aaddan cid kasta oo ku lug leh.

Soomaaliya waxay ugu baaqaysaa dhammaan dhinacyada inay muujiyaan is xakameyn isla markaana ay u istaagaan wadahadal miro dhal ah oo lagu gaari karo nabad caddaalad ku dhisan oo waarta, taas oo waafaqsan sharciga caalamiga ah iyo qaraarrada Qaramada Midoobay.

Jamhuuriyadda Federaalka Soomaaliya waxay garab taagan tahay shacabka Falastiin iyo xaqooda sharciyeed ee ay u leeyihiin inay helaan dowlad madax-bannaan.

Soomaaliya waxay taageersan tahay xalka labada dowladood, iyadoo u aragta jidka keliya ee lagu gaari karo nabad, amni iyo xasillooni waarta oo ka hirgasha Bariga Dhexe.

Dowladda Soomaaliya waxay sidoo kale sheegeysaa sida ay uga go’an tahay ilaalinta sharciga caalamiga ah, dhowrista madaxbannaanida iyo wadajirka dhuleed ee dalalka, iyo xallinta khilaafaadka si nabad ah.

DHAMMAAD

Wixii faahfaahin dheeraad ah kala xiriir:

https://www.youtube.com/watch?v=81L-e4VV0Go

Su’aalaha Maanta: Yaa noqon doona Raysal Wasaraha cusub ee #Somalia muddada sannadka ah ee xoogga loogu darsanaayo? Maxay Dowladda #Kenya u soo tarxiishay La-Taliyaha Madaxweynaha Jihaan Shiikh Xassan? Maxay beesha caalamka u jartay dhaqaallihii?  Maxuu Madaxweyne hore Xassan Shiikh u rabaa in la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Ha wiqleyso! 

Muqdisho 28ka Luulyo  2026 Jamhuuriyadda Federaalka Soomaaliya waxay si kulul u cambaareyneysaa weerarradii diyaaradaha aan duuliyaha lahayn (drones-ka) ee lagu beegsaday Boqortooyada Sacuudi Carabiya, oo ah dal walaal ah isla markaana ah saaxiib u dhaw Dowladda Soomaaliya.

Soomaaliya waxay muujineysaa walaaceeda ku aaddan badqabka dadka rayidka ah, waxayna mar kale xaqiijineysaa garab istaaggeeda buuxa ee Boqortooyada, iyadoo taageereysa dhammaan tallaabooyinka lagu ilaalinayo amniga, madaxbannaanida iyo wadajirka dhuleed ee Boqortooyada.

Amniga Boqortooyada Sacuudi Carabiya wuxuu laf dhabar u yahay xasilloonida gobolka iyo xorriyadda isu socodka maraakiibta ee Badda Cas.

Soomaaliya waxay taageereysaa dhammaan dadaallada diblomaasiyadeed ee lagu xallinayo khilaafaadka si nabad ah, waxayna ku baaqeysaa is xakameyn si looga hortago sii hurinta xiisadaha.

Sidoo kale, Dowladda Soomaaliya waxay sii wadi doontaa la shaqeynta iyo isku duwidda dadaallada ay la leedahay saaxiibbada gobolka iyo kuwa caalamiga ah si loo ilaaliyo nabadda iyo amniga gobolka.

DDSI 28ka Luulyo  2026 WAR CUSUB:

Qodobka 39-aad ee Dastuurka Itoobiya ayaa la soo jeediyay in wax laga beddelo laguna badalo ilaa midoobid.

Waxaa Shirweynaha Wadatashiga Qaran ee Itoobiya lagu soo bandhigay soo jeedin ku baaqaysa in Qodobka 39-aad ee Dastuurka,wax laga badalo, kaas oo dammaanad qaadaya xaqa qoomiyadaha ee “ilaa gooni isu taag”, lagana saaro weedhaas laguna beddelo “ilaa midoobid.”

Shirku wuxuu hadda marayaa heerka guddiyada waaweyn ee ka kooban 250 xubnood, waxaana laga soo gudbay heerarkii hore ee guddiyada 10-ka iyo 50-ka xubnood. Marka marxaladdan la soo gabagabeeyo, ajendayaasha ayaa loo gudbin doonaa wejiga xiga ee ka kooban 500 xubnood.

Qodobka 39-aad wuxuu ka mid yahay ajendayaasha looga hadlayo:

• Qaab-dhismeedka iyo nidaamka dowladda.

• Nidaamka siyaasadda.

• Habka matalaadda siyaasadeed iyo doorashooyinka.

• Xaqa aayo-ka-tashiga qoomiyadaha.

Inta badan kooxihii doodaha yeeshay waxay soo jeediyeen in Qodobka 39-aad uu sii jiro, balse laga saaro oo keliya weedha “ilaa gooni isu taag.” Koox kale ayaa iyaduna soo jeedisay in eraygaas lagu beddelo “ilaa midoobid.”

Illaa iyo hadda wax go’aan kama dambays ah lama gaarin. Arrimahan waa soo jeedinno iyo dooddo weli ka socda Shirweynaha Wadatashiga Qaran, waxaana la filayaa in ay maraan heerarka xiga ee wadatashiga ka hor inta aan go’aan rasmi ah laga gaarin.

Sidee u aragtaa?

Muqdisho 28ka Luulyo  2026 Ciidanka Xoogga Dalka ayaa saaka howlgal amni xaqiijin ah ka sameeyay deegaanka Sumadaale oo hoostaga degmada Cadale ee Gobolka Shabeellada Dhexe, kaas oo ay gabaad ka sameysteen kooxaha Khawaarijta ah.

Ciidanka ayaa Khawaarijta ka saaray godadkii ay ku jireen waxaana ay sii baacsanayaan firxadka horjoogeyaashii iyo maleyshiyaadkii goobta isaga cararay

Muqdisho 28ka Luulyo  2026 War-saxaafadeed.

Jamhuuriyadda Federaalka Soomaaliya Waxay Cambaareyneysaa Weerarradii Diyaaradaha Drones-ka ee Lagu Beegsaday Boqortooyada Sacuudi Carabiya.

Muqdisho, Soomaaliya | 28 Luulyo 2026,

Jamhuuriyadda Federaalka Soomaaliya waxay si kulul u cambaareyneysaa weerarradii diyaaradaha aan duuliyaha lahayn (drones-ka) ee lagu beegsaday Boqortooyada Sacuudi Carabiya, oo ah dal walaalo ah isla markaana ah saaxiib U dhaw Dowladda Soomaaliya.

Soomaaliya waxay muujineysaa walaaceeda ku aaddan badqabka dadka rayidka ah, waxayna mar kale xaqiijineysaa garab istaaggeeda buuxa ee Boqortooyada, iyadoo taageereysa dhammaan tallaabooyinka lagu ilaalinayo amniga, madaxbannaanida iyo wadajirka dhuleed ee Boqortooyada.

Amniga Boqortooyada Sacuudi Carabiya wuxuu laf dhabar u yahay xasilloonida gobolka iyo xorriyadda isu socodka maraakiibta ee Badda Cas.

Soomaaliya waxay taageereysaa dhammaan dadaallada diblomaasiyadeed ee lagu xallinayo khilaafaadka si nabad ah, waxayna ku baaqeysaa is xakameyn si looga hortago sii hurinta xiisadaha.

Sidoo kale, Dowladda Soomaaliya waxay sii wadi doontaa la shaqeynta iyo isku duwidda dadaallada ay la leedahay saaxiibbada gobolka iyo kuwa caalamiga ah si loo ilaaliyo nabadda iyo amniga gobolka.

DHAMMAAD

Wixii faahfaahin dheeraad ah kala xiriir:

Waqooyi Bari 28ka Luulyo  2026 Madaxweynaha Dowlad Goboleedka Waqooyi Bari Soomaaliya, Cabdiqaadir Axmed Cali Firdhiye, ayaa si kulul uga hadlay xildhibaanno ka tirsanaa baarlamaanka maamulkiisa, kuwaas oo dhawaan u goostay dhinaca Somaliland, isagoo ku tilmaamay tallaabadooda mid dhaawacaysa kalsoonida shacabka, isla markaana sheegay inay bannaysay fursad lagu soo xulo xubno uu sheegay inay si dhab ah ugu taagan yihiin qadiyadda maamulka. Madaxweynaha Waqooyi Bari ayaa sheegay inuu bishii March ee sanadkan uu u sheegay guddoonka baarlamaanka  in xubno ka mid ahi xildhibaaanda ay qorsheynayaan inay aadaan Hargeysa, balse wuxuu xusay in aan la qaadin tallaabooyin degdeg ah maaddaama arrinta xil ka qaadistu ay ahayd mid muran badan dhalin karta.

“Waxay qaateen go’aan ceeb ah, balse anaga sharaf ayay noo tahay inay naga baxaan dadka aan ku kalsoonayn mabda’a maamulka. Taasi waxay noo oggolaanaysaa in boosaskooda lagu beddelo dad u taagan danaha Waqooyi Bari,” ayuu yiri Firdhiye.

Madaxweyne Firdhiye ayaa sidoo kale dhaliilay xildhibaannada sheegay inay diiddan yihiin xukuumadda maamulkiisa, isaga oo sheegay in haddii ay tabasho siyaasadeed qabaan ay ahayd inay ku muujiyaan gudaha hay’adaha ay ka tirsan yihiin, halkii ay maamulka uga bixi lahaayeen kuna biiri lahaayeen dhinaca kale.

Firdhiye waxa uu qiray in maamulka weli wajahayo caqabado dhinaca horumarinta ah, isagoo sheegay in mashaariic badan oo horumarineed aysan weli si buuxda u soo gaarin Waqooyi Bari. Si kastaba ha ahaatee, wuxuu sheegay in arrintaasi aysan ka dhignayn in maamulka uu yahay mid aan sharciyad lahayn, balse ay qayb ka tahay marxalad ay soo mareen dowlad-goboleedyadii kale ee Soomaaliya.

Madaxweynaha Waqooyi Bari ayaa sidoo kale ku eedeeyay Somaliland inay waddo olole siyaasadeed iyo mid warbaahineed oo lagu wiiqayo maamulka Waqooyi Bari, isagoo sheegay in dadka ku biiray Somaliland aysan waxba ka beddeli doonin jiritaanka maamulka. Wuxuu uga digay Somaliland inay faragelin ku sii waddo deegaannada maamulka, isaga oo sheegay in wixii amni darro ah ee ka dhaca deegaannadaas ay mas’uuliyaddooda qaadi doonto Somaliland. 

Muqdisho 28ka Luulyo  2026 Ciidanka Xoogga Dalka ayaa saaka howlgal amni xaqiijin ah ka sameeyay deegaanka Sumadaale oo hoostaga degmada Cadale ee Gobolka Shabeellada Dhexe, kaas oo ay gabaad ka sameysteen kooxaha Khawaarijta ah.

Ciidanka ayaa Khawaarijta ka saaray godadkii ay ku jireen waxaana ay sii baacsanayaan

Puntland 26ka Luulyo  2026 “Dowladda Puntland waxay si dhow u la socotaa dhammaan dhaqdhaqaaqyada ciidan ee uu wado Madaxweynaha waqtigiisu dhammaaday” – WAR-SAXAAFADEEDWARARKA MAANTA 27ka Luulyo  2026 

Su’aalaha Maanta: Yaa noqonaaya Madaxweynaha cusub ee #Soomaaliya? Maxay Dowladda #Kenya u soo tarxiishay Wasiiru Dowle Abshir Bukhaari? Maxay beesha caalamka u jartay dhaqaallihii?  Maxuu Madaxweyne hore Xassan Shiikh u rabaa in la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Ha wiqleyso! 

DDSI 27ka Luulyo  2026 Kal-fadhiga 11aad ee golaha 6-aad ee Xildhibaanada DDS ayaa si rasmi ah uga furmay Madasha kulamada ee Xafiidka Golaha Xildhibanaada  ee Magaalada Jigjiga

Af-hayeenka golaha xildhibaanada DDS Marwo Ayaan Abdi Maxamed oo Kal-Fadhigan 11aad furtay ayaa kadib markii ay Xaqiijisay in Kooramka kal Fadhigi buuxo, iyadoo 273 Xilfhibaan ee Goluhu ka kooban yahay ay kasoo Qaybgaleen 215 Xildhibaan,

Sidookale Afhayeenka a soo jeedisay Ajendayaasha hor yaala kal fadhigan 11-aad ee golaha 6-aad ee xildhibaannada deegaanka oo kala ahaa sidan :-

​1.Ansixinta Hadal-qoraaleedkii Kal-fadhigii 10aad ee Golaha 6aad.

2.​Dhagaysiga iyo Ansixinta Warbixinta Waxqabadka Xukuumadda DDS ee S.M 2018 T.I.

3.​Dhagaysiga iyo Ansixinta Warbixinta Waxqabadka.Golaha Xildhibaanada DDS ee S.M 2018 T.I.

4.Soo jeedinta iyo dhagaysiga Warbixinta Waxqabadka Hay’adda Garsoorka ee S.M 2018 T.I.

5..​Soo jeedinta iyo dhagaysiga Warbixinta Waxqabadka Hanti-dhawrka Guud ee S.M 2018 T.I.

6.Soo jeedinta iyo dhagaysiga Warbixinta Waxqabadka Wakaaladda Warbaahinta DDS ee S.M 2018 T.I.

7.​Dhagaysiga iyo Ansixinta Warbixinta Waxqabadka koomishinka Baadhista Tacadiyadii ka dhacay Deegaanka Soomaalida.

​Meel-marinta Bayaanka Miisaaniyadda S.M 2019 T.I.

8.​Bayaanka Meelmarinta Miisaaniyadda Dheeraiga ah Wajiga labaad ee S.M 2018 T.I.

9.​Soo jeedinta iyo Ansixinta Xeer Nidaameedka Ujuurada Garsoorka ee Xafiiska Maxkamadda Guud DDS.

10.​Bayaanka Aqoonsiga iyo Ilaalinta Xabsiga Dhexe ee deegaanka ee loo yaqaan Jeel Ogaadeen si loogu asteeyo Goob xasuus u ah Tacadiyadii dhacay ee loo gaystay Bulshada Deegaanka.

​11.Bayaanka Wax-ka-badalka Bayaanka Canshuurta Dakhliga DDS.

12Dhaarinta Mas’uuliyiinta

Waqooyi Barri 27ka Luulyo  2026 Golaha Wakiillada Maamulka Waqooyi Bari Soomaaliya ayaa soo saaray qaraar ku baaqaya in maxkamad la horkeeno saraakiisha iyo xubnaha lagu qabtay dagaalkii ka dhacay Goojacadde, kuwaas oo lagu eedeeyay dambiyo ka dhan ah xaquuqda aadanaha. 

Qoraal kasoo baxay Golaha, oo ku taariikhaysan 26-ka Luulyo 2026, ayaa lagu sheegay in go’aanka lagu gaaray fadhi caadi ah oo ay yeesheen xildhibaannadu, iyadoo lagu saleynayo waajibaadka dastuuriga ah ee Golaha ee ilaalinta caddaaladda, sarreynta sharciga iyo dhowrista xuquuqda shacabka.

Goluhu wuxuu ugu baaqay xukuumadda inay si degdeg ah u horgeyso maxkamadaha awoodda u leh dhammaan dadka loo haysto dambiyada la xiriira dagaalkii Goojacadde, si dacwadahooda loogu qaado hannaan waafaqsan sharciga.

Inkasta oo bayaanku uusan si toos ah u magacaabin shaqsiyaadka la maxkamadeynayo, haddana wuxuu ku baaqayaa in la dedejiyo dacwadaha la xiriira dadka ku jira xabsiyada maamulka ee loo haysto dambiyada ka dhanka ah Waqooyi Bari Soomaaliya.

Golaha ayaa sidoo kale adkeeyay in dacwadaha loo fuliyo si hufan oo caddaalad ah, isla markaana la dhowro dhammaan xuquuqaha uu sharcigu siinayo eedeysanayaasha inta ay socoto hannaanka garsoorka.

Kenya  27ka Luulyo  2026 “Mas’uuliyiinta Kenya ayaa ugu baaqay shacabka degmada Garissa inay feejignaadaan isla markaana si degdeg ah ula wadaagaan hay’adaha ammaanka calaamad kasta oo muujin karta xagjirayn ama ku biirista kooxda Al shabaab. 

Baaqan ayaa lagu soo bandhigay aqoon-is-weydaarsi ay qabanqaabisay Xarunta Qaranka ee La-dagaallanka Argagixisada (NCTC), kaas oo lagu qabtay magaalada Garissa, iyadoo ay ka qeybgaleen mas’uuliyiin, odayaal, culimo iyo qeybaha kala duwan ee bulshada.

Wakiilka NCTC, Sangale Chorontoi, ayaa sheegay in gobolka Waqooyi Bari uu weli wajahayo halista qorista dhalinyarada iyo faafinta fikirka xagjirka ah, taas oo uu sheegay inay sii kordhisay baahida loo qabo iskaashi dhow oo dhex mara bulshada iyo laamaha ammaanka.

Mas’uulku wuxuu xusay in calaamadaha digniinta hore ay ka mid yihiin isbeddel lama filaan ah oo ku yimaada dhaqanka qofka, go’doominta qoyska iyo saaxiibbada, iyo sidoo kale maqnaansho aan la sharraxin oo guriga ama bulshada ah.

Ka qeybgalayaasha kulanka ayaa soo dhaweeyay barnaamijka, iyagoo sheegay inuu kor u qaaday wacyigooda ku aaddan sida loo aqoonsado loogana hortago xagjiraynta, halka waalidiinta lagu boorriyay inay si dhow ula socdaan carruurtooda iyo dadka ay la macaamilaan.

Garissa iyo guud ahaan gobolka Waqooyi Bari ayaa muddo dheer la daalaa dhacayay weerarro iyo ololeyaal qoris ah oo lala xiriiriyo kooxda Al-Shabaab, iyadoo u dhowaanshaha xadka Soomaaliya lagu tilmaamo mid ka mid ah sababaha ugu waaweyn ee kordhiya halista amni. 

Shabeele Hoose  27ka Luulyo  2026 “Ciidamada Dowladda Federaalka Soomaaliya ayaa sheegay inay fuliyeen howlgal lagu ciribtiray beero lagu beerayay maandooriyaha xashiishka, kuwaas oo ku yaallay dhul beereed u dhexeeya magaalada Marka iyo deegaanka Janaale ee gobolka Shabeellaha Hoose. 

Howlgalka waxaa si wadajir ah u fuliyay Ururrada 141-aad, 144-aad iyo 145-aad ee Guutada 14-ka Oktoobar ee Ciidanka Dhulka Xoogga Dalka Soomaaliyeed, iyadoo ay ka qeyb qaateen cutubyo ka tirsan Hay’adda Sirdoonka iyo Nabadsugidda Qaranka (NISA) ee ka howlgala aagga magaalada Marka.

Taliyaha Guutada 14-ka Oktoobar, Gaashaanle Cismaan Muuse Maxamed, ayaa sheegay in howlgalka uu daba socday amar hore oo mamnuucayay beerista xashiishka ee aagga Marka, isagoo xusay in ciidamada ay fuliyeen waajibaadkooda si loo adkeeyo fulinta amarkaasi.

Mas’uuliyiintu waxay sidoo kale sheegeen in muddooyinkii u dambeeyay ay soo noqnoqdeen muranno u dhexeeyay beeraley ku loollamayay dhul beereed u dhexeeya Janaale iyo Marka Caddey, kuwaas oo sababay xiisado amni.

Ciidanka ayaa sheegay inay hore ugu guuleysteen kala dhexgalka dhinacyada is haya si looga hortago isku dhac hubeysan oo ay kooxda Al-Shabaab ka faa’iideysan karto, iyagoo xusay in howlgalka cusub uu qayb ka yahay dadaallada lagu xoojinayo amniga iyo xasilloonida gobolka.

Dowladda Guinea-Bissau 27ka Luulyo  2026 ” Dowladda Guinea-Bissau ayaa si rasmi ah u beenisay warar lagu faafiyay baraha bulshada iyo madalaha kale ee dijitaalka ah oo sheegayay inay isu diyaarinayso aqoonsiga Somaliland.

War-saxaafadeed rasmi ah oo ay 26-kii July 2026 soo saartay Wasaaradda Arrimaha Dibadda, Iskaashiga Caalamiga ah iyo Jaaliyadaha ee Guinea-Bissau ayaa lagu sheegay in wararkaasi yihiin kuwo aan sal iyo raad toona lahayn, isla markaana aanay jirin wax go’aan ah ama hannaan rasmi ah oo dalku ku wado aqoonsiga Somaliland.

Wasaaraddu waxay xustay in siyaasadda arrimaha dibadda ee Guinea-Bissau lagu hago si waafaqsan shuruucda caalamiga ah, Axdiga Qaramada Midoobay, Axdiga Midowga Afrika iyo mabaadi’da ilaalinta madaxbannaanida iyo wadajirka dhuleed ee dalalka.

Sidoo kale, bayaanka ayaa lagu caddeeyay in go’aan kasta oo rasmi ah oo ku saabsan siyaasadda arrimaha dibadda lagu shaacin doono oo keliya kanaallada rasmiga ah ee dowladda, iyadoo shacabka looga digay inay rumaystaan wararka aan ka soo bixin hay’adaha dowladda.

Wararka ay dowladda Guinea-Bissau beenisay ayaa maalmihii u dambeeyay waxaa baahiyay warbaahino kala duwan iyo baraha bulshada, kuwaas oo sheegayay in dalkaasi uu ku jiro diyaar-garow lagu aqoonsanayo Somaliland. Si kastaba ha ahaatee, dowladda Guinea-Bissau ayaa war-saxaafadeedkeeda ku sheegtay in sheegashooyinkaasi ay yihiin kuwo aan wax sal ah lahayn, isla markaana aanay jirin wax qorshe ama geeddi-socod rasmi ah oo arrintaas la xidhiidha.

Muqdisho 27ka Luulyo  2026 Waxaa isa soo taraya walaaca ay qaar ka mid ah saaxiibbada caalamiga ah ka qabaan ismariwaaga siyaasadeed ee muddada dheer ka taagan Soomaaliya, iyadoo ilo diblomaasiyadeed ay sheegeen in dowladda federaalka loo gudbiyay farriin digniin ah oo ka timid mid kamid ah dalalka taageera Soomaaliya, taasoo loogu sheegayo madaxda Soomaalida inay gaaraan heshiis siyaasadeed oo loo dhan yahay ka hor dhammaadka bisha Agoosto. 

Sida ay ilo xog ogaal ah u sheegeen, farriinta ayaa lagu gaarsiiyay mas’uul sare oo ka tirsan Madaxtooyada Soomaaliya, ka hor inta aan loo gudbin Madaxweyne Xasan Sheekh Maxamuud. Ilo-wareedyadu waxay sheegeen in fariintu ay ka tarjumayso walaac sii kordhaya oo ay qabaan qaar ka mid ah dalalka taageera Soomaaliya, kuwaas oo aaminsan in khilaafka siyaasadeed uu halis gelin karo geeddi-socodka dowlad-dhiska iyo dib-u-habaynta hay’adaha dowladda.

Farriinta ayaa la sheegay inay ka digtay in taageerada horumarinta, maalgelinta mashaariicda iyo iskaashiga siyaasadeed dib loo qiimeyn karo haddii madaxda Soomaalida ay ku guuldareystaan inay toddobaadyada soo socda gaaraan heshiis siyaasadeed oo loo dhan yahay. Ilo diblomaasiyadeed ayaa sidoo kale sheegay in dib loo eegi karo heerka xiriirka diblomaasiyadeed haddii ismariwaagu sii socdo.

Wararkan ayaa kusoo beegmaya iyadoo Soomaaliya ay weli wajahdo muranno siyaasadeed oo la xiriira wax-ka-beddelka dastuurka, hannaanka doorashooyinka iyo xiriirka u dhexeeya dowladda federaalka iyo dowlad-goboleedyada. Khilaafaadkan ayaa dib u dhigay dadaallo lagu doonayay in la gaaro is-afgarad siyaasadeed oo saldhig u noqda geeddi-socodka doorashooyinka iyo dib-u-habaynta hay’adaha dowladda.

Saaxiibbada caalamiga ah ayaa muddooyinkii u dambeeyay ku celcelinayay baaqyada ay ugu jeedinayaan dhinacyada Soomaalida inay khilaafaadkooda ku xalliyaan wada-hadal, iyagoo ku doodaya in heshiis siyaasadeed oo loo dhan yahay uu muhiim u yahay sii socoshada taageerada caalamiga ah iyo xasilloonida dalka. Inkastoo warbixintu tilmaamayso in taageerada dibadda dib loo eegi karo, haddana ilaa hadda lama shaacin go’aan rasmi ah oo lagu hakinayo gargaarka ama lagu dhimayo iskaashiga Soomaaliya iyo deeq-bixiyeyaasheeda. 

https://www.youtube.com/watch?v=dwQgxVDq3A4

Garowe (Buqdharkeyn)- Dowladda Puntland ayaa si adag uga hadashay dagaallada iyo isku dhacyada ka dhacay deegaanno ka tirsan Galmudug, iyadoo ku baaqday in la joojiyo colaadda, lana ilaaliyo nabadda iyo xasilloonida shacabka.

War-saxaafadeed ay soo saartay Dowladda Puntland ayay ku sheegtay inay si dhow ula socoto xaaladda ka taagan deegaannada Galmudug, gaar ahaan colaadaha iyo burburinta nidaamka dowladnimada. Puntland waxay sidoo kale caddeysay inay taageersan tahay in la ilaaliyo amniga iyo midnimada dadka Soomaaliyeed.

“Dowladda Puntland waxay si dhow u la socotaa dhammaan dhaqdhaqaaqyada ciidan ee uu wado Madaxweynaha waqtigiisu dhammaaday, Xasan Sheekh Maxamuud, taas oo uu ujeedkeedu yahay hurin colaadeed iyo burburinta nidaamka Dowladnimada Puntland.

Dowladda Puntland waxay caddaynaysaa inaysan jirin ciidan la yiraahdo PSF oo si sharci ah uga tirsan ciidamada Difaaca Dowladda Puntland. Sidoo kale Dowladda waxay caddaynaysaa inaysan jirin ciidan ka diiwaangashan Dowladda Federaalka ah oo ka hawlgala deegaannada Dowladda Puntland.” Sidaa ayuu sheegay war-murtiyeedku.

Puntland waxay ugu baaqday Dowladda Federaalka Soomaaliya iyo maamulka Galmudug inay ka waantoobaan tallaabo kasta oo sii hurin karta colaadda, ayna mudnaanta siiyaan wadahadalka, nabadda iyo xal u helidda khilaafaadka.

“Dowladda Puntland waxay fariin gaar ah u diraysaa Dowlad Goboleedka deriska ah ee Galmudug iyo Beesha Caalamka, waxayna Puntland ugu baaqaysaa Galmudug inay ka waantoowdo in saanad ciidan iyo maleeshiyaadku soo maraan garoomada iyo dhulka ay maamusho Galmudug, kuwaas oo looga dan leeyahay in lagu dhibaateeyo shacabka reer Puntland, oo ay Galmudug ka dhexeyso deris wanaag, iskaashi amni, iyo nolol ku dheehan nabadgelyo oo muddo dheer soo jirtay”. Ayay tiri dowladda Puntland.

Ugu dambayn, Puntland waxay ugu baaqday dadka reer Puntland inay ilaashadaan deganaanshaha iyo dowladnimada, iyadoo ku boorrisay bulshada inay ka fogaadaan wax kasta oo keeni kara xiisad iyo kala qaybsanaan.

Muqdisjo 26ka Luulyo  2026 War Wasaaradda Beeraha iyo Waraabka ee Dowladda Federaalka Soomaaliya ayaa beenisay warar lagu baahiyay baraha bulshada oo sheegaya in Soomaaliya laga soo dejiyo xaddi badan oo moos ah oo ka yimaadda Kenya. Qoraal kooban oo ay wasaaraddu soo saartay ayaa lagu sheegay in wararkaasi aysan waxba ka jirin, iyadoo shacabka ugu baaqday inay xogta rasmiga ah ka helaan warbaahinta iyo baraha isgaarsiinta ee dowladda.

“Wasaaradda Beeraha iyo Waraabka ee Dowladda Federaalka Soomaaliya waxay beeninaysaa wararka ay dadka qaar faafinayaan ee sheegaya in Kenya ay Soomaaliya u dhoofiso xaddi badan oo moos ah,” ayaa lagu yiri bayaanka.

Wasaaraddu waxay sidoo kale shacabka ugu baaqday inay ka fogaadaan faafinta warar aan la hubin, isla markaana ay ku kalsoonaadaan ilaha rasmiga ah marka ay raadinayaan xogta la xiriirta beeraha iyo arrimaha kale ee dowladda.

Muqdisjo 26ka Luulyo  2026 War  Guddiga Madaxa-bannaan ee Doorashooyinka Qaranka iyo Soohdimaha (GMDQS) ayaa soo saaray jadwalka rasmiga ah ee hannaanka doorashada Golaha Deegaanka iyo Golaha Wakiillada Dowlad-goboleedka Hirshabeelle, iyadoo maalinta codbixinta si rasmi ah loogu asteeyay 20-ka Agoosto 2026.  Sida ku cad jadwalka, hannaanka doorashadu wuxuu ka bilaabanayaa 5-ta Agoosto diiwaangelinta iyo qaybinta go’aannada codbixiyeyaasha, waxaana xigi doona asteynta iyo shaacinta xarumaha codbixinta, soo gudbinta liisaska hordhaca ah ee codbixiyeyaasha, gudbinta wakiillada ururrada siyaasadda ee goobaha codbixinta, hubinta iyo xaqiijinta liisaska musharraxiinta, iyo ugu dambayn shaacinta liiska kama dambaysta ah ee musharraxiinta ururrada siyaasadda. 

Jadwalkan ayaa qeyb ka ah qorshaha Guddiga Doorashooyinka ee hirgelinta nidaamka doorashada qof iyo cod ee dowlad-goboleedyada dalka. 

Guddigu wuxuu ugu baaqay ururrada siyaasadda, musharraxiinta iyo dhammaan dhinacyada ay khusayso inay u hoggaansamaan jadwalka iyo habraacyada la dejiyay si loo xaqiijiyo doorasho hufan oo lagu kalsoonaan karo. 

Badda Cas 26ka Luulyo  2026Wa Weerarada isa soo taraya ee lagu beegsanayo maraakiibta ganacsiga ee maraya Badda Cas ayaa ku riixaya Mareykanka inuu dib u xoojiyo dadaalladiisa dhinaca Geeska Afrika, gaar ahaan Soomaaliya, maaddaama marinka Bab el-Mandeb uu noqday meel muhiim u ah amniga ganacsiga caalamiga ah iyo isku socodka shidaalka. Marinka Bab el-Mandeb, oo u dhexeeya Yemen iyo Jabuuti, ayaa ah albaabka galbeed ee isku xira Badweynta Hindiya iyo Kanaalka Suweys. Iyadoo sidoo kale ay jiraan walaacyo amni oo ka jira marin-biyoodka Hormuz, waxaa sare u kacay cabsi laga qabo in khalkhal ku yimaado labada marin ee ugu muhiimsan dhoofinta shidaalka Bariga Dhexe, taasoo sare u qaaday qiimaha saliidda cayriin.

Xaaladdan awgeed, maamulka madaxweyne Donald Trump ayaa si hoose u xoojiyay xiriirka uu la leeyahay dowladaha Geeska Afrika, oo ay ku jirto Soomaaliya, si looga wada hadlo xasilloonida Badda Cas iyo amniga gobolka.

Bishan, la-taliyaha sare ee Aqalka Cad u qaabilsan arrimaha Carabta iyo Afrika, Massad Boulos, ayaa magaalada Qaahira kula kulmay wasiirrada arrimaha dibadda ee Soomaaliya iyo Eritrea, iyadoo ay sidoo kale kulanka ka qeyb galeen mas’uuliyiin Masri ah. Wadahadallada ayaa diiradda lagu saaray xaaladda amniga Geeska Afrika iyo Badda Cas, xilli weerarada maraakiibta ay sii kordhayaan.

Khubarada amniga ayaa sheegaya in Mareykanku uu doonayo inuu ka hortago in waddamada Geeska Afrika ay noqdaan il cusub oo xasillooni-darro ka dhalata, maadaama gobolka uu door muhiim ah ku leeyahay ilaalinta marin-biyoodka ugu mashquulka badan ee ganacsiga caalamiga ah.

Muqdisjo 26ka Luulyo  2026 Xildhibaan Cabdiraxmaan Cabdishakuur Warsame ayaa dhaliilay hannaanka ay Dowladda Federaalka Soomaaliya u waddo doorashada, isaga oo sheegay in qaabka hadda la qorsheeyay uusan ka tarjumayn doorasho qof iyo cod ah oo xor iyo xalaal ah. Cabdiraxmaan ayaa sheegay in dhinacyada siyaasadda ay isku raacsan yihiin in Soomaaliya uga gudubto nidaamka awood-qaybsiga ee 4.5, si dalka loo gaarsiiyo doorasho qof walba uu wax dooran karo isla markaana isaguna la dooran karo. Hase yeeshee, wuxuu xusay in weli ay taagan tahay dood ku saabsan sida loo hirgelinayo hannaankaas.

Wuxuu tilmaamay in nidaamka awood-qaybsiga ee 4.5 uu weli saameyn ku leeyahay qaabka kuraasta loo qaybinayo, taas oo uu sheegay inay ka hor imanayso mabda’a doorashada qof iyo cod.

Cabdiraxmaan ayaa sidoo kale dhaliilay waxa uu ku tilmaamay in xisbiyada siyaasadda loo adeegsanayo hab lagu sii go’aamiyo cidda kuraasta helaysa, isaga oo sheegay in haddii liisaska musharraxiinta hore loo diyaariyo aysan jiri doonin tartan doorasho oo dhab ah.

WARARKA MAANTA 25ka Luulyo  2026 

Su’aalaha Maanta: Maxuu Madaxweyne hore Xassan u diiday dhismaha #Maqaamka #Muqdisho? Yaa boobay hantidii qaranka Madaxweyne Xassan “Dhuuso-Fooxiye”? Yaa ka takhalusay dastuurkii dalka? Maxuu Madaxweyne hore Xassan Shiikh u rabaa in la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Ha wiqleyso! 

DDSI 25ka Luulyo  2026War degdega:-Awaamiir ka soo baxday Xafiiska Ganacsiga iyo Gaadiidka Dawladda Deegaanka Soomaalida.

1. Xaddidaadda gaadiidka  nooca Foorsida, Bajaajta, iyo Tagaasida Code 1 waxaa si buuxda looga mamnuucayaa inay ka shaqeeyaan ama ka baxaan xuduudaha magaalooyinka.

2. Joojinta safarka habeenkii – Dhammaan gaadiidka  rakaabka qaada (gaaddidka dadweynaha iyo kuwa kale) waxa laga mamnuucayaa in ay baxaan safarro wixii  ka dambeeya 7:00 fiidnimo, marka laga reebo oggolaansho gaar ah.

3. dhamaan gaadiidka dadwaynaha waa inay kabaxaan Istaanada gaadiidka waxaana mamnuuc ah inay ka rakaabsadaan meel kabaxsan Istaanka.

4. Dhamaan gaadiidka waa in lagu rakibo xawaare xadide (Speed limit).

5. Waa in la hirgeliyo isticmaalka Kofiyada badbaadada (helmet) ee mootooyinka iyo Suunka badbaadada (seatbelt) ee baabuurta.

6. lama ogola in gaadiidka lagu sameeyo  iftiinka dheeriga ah (high beams) iyo sharaxaadaha   araga yareeya si looga hortago inay shil keenaan.

7.waa in la joojiyo  kuraasta dheeriga ah ee aan sharcigu oggolayn (kuwaas oo badiyaa dadka lagu raro si sharci darro ah).

8. Gaadiidka xamuulka (Sino Trucks iyo iska rogada) waa inay habeenkii ku xaroodaan goobo loo asteeyay islamarkaana la diwaangaliyo dhamaan mulkiilayaashagaadiidka leh.

9. Gaadiid kasta oo aan soo marin xarumaha farsama baadhista (MoT) islamarkaana aan qaadan boolada sanadka 2018 inuu shaqeeyo waa mamnuuc marka laga reebo gaadiidka ciidanka ee kala duwan.

10. Gaadiidka dadwaynha ee qaada rakaabka waa inay ku dhaganaato warqada qiime sheegta (noolka) markasta oo uu safar ubaxayana waa inuu wataa warqadda jidmarka (Mowjaa)

11. Tagaasida gaarka loo leeyahay ee code-3 iyo Damaas-yada waxay ku bixi karaan ruqsad (Warqad fasax ah) oo loo siiyo ogolaansho gaar ah.

African Union 25ka Luulyo  2026  Guddiga Midowga Afrika ayaa qoraal degdeg ah u diray Safaaradda Jamhuuriyadda Federaalka Soomaaliya ee magaalada Addis Ababa, kaas oo Dowladda Federaalka loogu gudbiyay farriin diblomaasiyadeed oo adag oo ku saabsan qorsheynta mustaqbalka joogitaanka Midowga Afrika ee Soomaaliya.  Qoraalka ayaa lagu casuumay Dowladda Federaalka Soomaaliya inay ka qaybgasho wada-tashiyo istiraatiiji ah oo ka bilaabanaya Addis Ababa 22-ka iyo 23-ka Luulyo 2026, waxaana xigi doona kulan heer khubaro ah oo 24-ka Luulyo dhici doona. Natiijooyinka kulamadan ayaa saldhig u noqon doona shirarka Taliyeyaasha Ciidamada, Wasiirrada Gaashaandhigga iyo Shir-madaxeedka aan caadiga ahayn ee waddamada ciidamada ku leh AUSSOM, kuwaas oo 29-ka illaa 31-ka Luulyo ka dhici doona magaalada Kampala ee dalka Uganda.

Guddiga Midowga Afrika ayaa Dowladda Federaalka si cad ugu adkeeyay inay sida ugu dhaqsaha badan u soo magacawdo ergada uga qaybgalaysa kulamada Addis Ababa iyo Kampala, si loo dhammaystiro diyaar-garowga dhinacyada maamulka, hab-maamuuska iyo amniga.

Sidoo kale, qoraalka ayaa si cad u sheegay in Dowladda Federaalka Soomaaliya ay qaadi doonto dhammaan kharashaadka la xiriira ka-qaybgalka wakiilladeeda kulamadaasi.

Muqdisho 25ka Luulyo  2026 Dowladda Federaalka Soomaaliya ayaa si rasmi ah u daah-furtay Barnaamijka Goboleedka La-dagaallanka Tahriibinta (RCSP), oo ah qorshe saddex sano soconaya laguna xoojinayo amniga xuduudaha, awoodda hay’adaha dowladda iyo iskaashiga gobolka ee la-dagaallanka tahriibinta dadka iyo dambiyada abaabulan ee ka gudba xuduudaha. Barnaamijka waxaa daah-furay Wasiirka Amniga Gudaha, Cabdullaahi Sheekh Ismaaciil (Fartaag), isagoo sheegay in sugidda amniga xuduudaha ay tahay mudnaan qaran oo laf-dhabar u ah ilaalinta amniga gudaha, fududeynta isu-socodka sharciga ah iyo la-dagaallanka dambiyada caalamiga ah.

Mashruuca waxaa hormuud u ah Hay’adda Socdaalka iyo Jinsiyadda Soomaaliya, iyadoo taageero ka helaysa Dowladda Boqortooyada Midowday (UK), halka Hay’adda Socdaalka Adduunka (IOM) ay fulinayso. Barnaamijkan ayaa Soomaaliya uga mid noqonaya dadaal ay si wadajir ah u fulinayaan Itoobiya, Kenya iyo Uganda.

Munaasabadda daah-furka waxaa ka qeyb galay mas’uuliyiin ka socday Dowladda Federaalka Soomaaliya, hay’adaha amniga, Hay’adda Socdaalka iyo Jinsiyadda, wakiillo ka socday Dowladda UK, IOM iyo bahwadaag kale oo taageera maamulka xuduudaha iyo xoojinta amniga.

Agaasimaha Guud ee Hay’adda Socdaalka iyo Jinsiyadda Soomaaliya, Xuseen Qaasim Yuusuf, ayaa sheegay in barnaamijkan uu wax ka qaban doono caqabadaha la xiriira tahriibinta dadka, socdaalka sharci-darrada ah, dukumentiyada safarka ee been-abuurka ah iyo dambiyada abaabulan ee ka gudba xuduudaha.

Muqdisho 25ka Luulyo  2026 Hay’adda Socdaalka iyo Jinsiyadda Mareykanka (USCIS) ayaa si ku meel gaar ah mar kale u kordhisay muddada ansaxnimada rukhsadaha shaqada (Employment Authorization Documents – EADs) ee la siiyo dadka ku jira barnaamijka Ilaalinta Ku Meel Gaarka ah (Temporary Protected Status – TPS), iyadoo tallaabadan ay khusayso muwaadiniinta Soomaaliya iyo Suuriya. 

Sida uu sheegay USCIS, rukhsadaha shaqada ee dadka Soomaaliyeed ayaa hadda sii ahaan doona kuwo ansax ah ilaa 29-ka Luulyo 2026, halka kuwa Suuriyana la kordhiyay ilaa 27-ka Luulyo 2026. Kordhintan ayaa timid maalin ay ku ekaan lahayd muddadii hore ee ansaxnimada.

Go’aanka cusub ayaa la xiriira dacwadaha sharci ee wali ka socda maxkamadaha Mareykanka, kaddib markii Maxkamadda Sare ee Mareykanka ay 25-kii Juun 2026 oggolaatay in maamulka Madaxweyne Donald Trump uu sii wado qorshihiisa lagu joojinayo TPS-ka dalalka Haiti iyo Suuriya.

USCIS ayaa sheegtay in go’aanka Maxkamadda Sare uu saameyn ku yeeshay dacwadaha kale ee la xiriira TPS, oo ay ku jirto kiiska Soomaaliya ee ka socda maxkamadda federaalka ee gobolka Massachusetts.

Hay’addu waxay sidoo kale xustay inay ku qasban tahay inay u hoggaansanto amar maxkamadeed oo soo baxay 21-kii Luulyo, kaas oo si ku meel gaar ah u sii dheereeyay ansaxnimada rukhsadaha shaqada ee qaar ka mid ah dadka codsaday cusboonaysiinta EAD-ga ka hor 30-kii Oktoobar 2025.

WARARKA MAANTA 23ka Luulyo  2026 

Su’aalaha Maanta: Yaa boobay hantidii qaranka Madaxweyne Xassan “Dhuuso-Fooxiye”? Yaa ka takhalusay dastuurkii dalka? Maxuu Madaxweyne hore Xassan Shiikh u rabaa in la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Ha wiqleyso! 

Muqdisho 23ka Luulyo  2026Golaha Wasiirrada Jamhuuriyadda Federaalka Soomaaliya, iyagoo ka duulaya soo jeedinta Wasaaradda Cadaaladda iyo Arrimaha Dastuurka, waxay si aqlabiyad ah ku ansixiyeen xubnaha magacaabista ku imaanaya ee Golaha Sare ee Garsoorka, sida uu dhigayo Qodobka 145aad ee Dastuurka Jamhuuriyadda Federaalka Soomaaliya 2026.

Golaha Wasiirradu oo uu shir guddoomiyanayay Ra’iisul Wasaare Ku Xigeenka Dalka Mudane Saalax Jaamac  ayaa  meelmariyay xubnaha soo socda oo kala ah laba (2) Qareen Sare iyo laba (2) Xeeldheere Sharci oo uu xilkooduna noqonayo shan (5) sano, ka dib marka ay dhammeystiranto habraaca ansixintooda:

1. Maxamed-deeq Macalllin Aadan

2. Maryan Sheekh Cismaan

3. Cabdirisaaq Maxamed Ismaaciil

4. Cabdiqaadir Cali Macallin

Xubnahan ayaa ah kuwa keliya ee magacaabis ku imaanaya, halka xubnaha kale ee Golaha Sare ee Garsoorka ay ku imaanayaan xilkooda (Hadba Mas’uulka xilkaas haya uu ka mid noqonayo golahan), waxayna xilalkan kala yihiin:

1. Guddoomiyaha Maxkamadda Sare

2. Guddoomiyaha Maxkamadda Dastuurka

3. Xeer Ilaaliyaha Guud ee Qaranka

4. Guddoomiyeyaasha Maxkamadaha Kore ee Dowlad goboleedyada iyo Maamulka Caasimadda Jamhuuriyadda

5. Guddoomiyaha Guddiga Madaxabannaan ee Xuquuqda Aadanaha.

Sidoo kale golaha ayaa xilkii ka qaaday guddoomiyihii Golaha Tacliinta Sare, waxayna xilkaas u magacaabeen Mudane Maxamuud Axmed Jimcaale.

Ugu dambayn Golaha Wasiirrada XFS,ayaa meel-mariyey Hindise-sharciyeedka Dhaqanka iyo Farxashanka iyo Heshiis u dhexeeya Dowladaha Soomaaliya iyo Cummaan, kaasi oo diirrada saaraya iskaashiga Gaadiidka Cirka, Axdiga Dhallinyarada Afrika kaas oo awoodda saaraya in dhallinyarada laga qayb galiyo go’aannada siyaasadda iyo doorka dowladaha ee horumarinta dhallinyarada Afrik

Muqdisho 23ka Luulyo  2026 Adeegyada xirfadeed ee maamulka xabsiyadu waa tiir muhiim u ah maaraynta xabsiyada oo ammaan ah, sugan isla markaana ku dhisan ixtiraamka xuquuqda aadanaha.

Beledweyne, khubaro ka tirsan waaxda asluubta ee UNTMIS  ayaa soo gabagabeeyay tababar socday saddex maalmood oo loo qabtay 25 sarkaal oo ka tirsan Ciidanka Asluubta Hirshabeelle, kuwaas oo ay ku jireen siddeed haween ah.

Tababarku wuxuu kor u qaaday aqoonta iyo xirfadaha ka qaybgalayaasha ee qiimeynta maxaabiista, kala soociddooda iyo ilaalinta xuquuqda aadanaha, taasoo gacan ka geysanaysa xoojinta amniga xabsiyada, horumarinta maarayn gaar ahaaneed oo maxaabiista ah, iyo adkaynta adeegyada xirfadeed ee asluubta guud ahaan Hirshabeelle.

Muqdisho 23ka Luulyo  2026 Wafdi culimo Soomaaliyeed ah oo uu hoggaaminayo Guddoomiyaha Hay’adda Culimada Soomaaliyeed, Sheekh Bashiir Axmed Salaad, ayaa ugu baaqay Somaliland iyo Waqooyi Bari inay dardargeliyaan wada hadallada nabadeed, si xal looga gaaro khilaafka u dhexeeya labada dhinac iyo arrinta maxaabiista ku xiran magaalooyinka Laascaanood iyo Hargeysa. 

War-saxaafadeed ay culimadu kasoo saareen magaalada Laascaanood ayay ku sheegeen inay kulamo la yeesheen Madaxweynaha Waqooyi Bari iyo masuuliyiin kale, kuwaas oo ay kala hadleen dadaallada dib-u-heshiisiinta iyo sidii loo abuuri lahaa jawi lagu xallin karo khilaafaadka jira.

Culimadu waxay sheegeen in Madaxweynaha Waqooyi Bari uu u caddeeyay inay diyaar u yihiin in nabad lala qaato dhinaca Somaliland, isla markaana ay soo dhoweynayaan dadaal kasta oo horseedi kara heshiis iyo wada hadal.

Wafdigu waxa uu sidoo kale booqday qaar ka mid ah maxaabiista kasoo jeeda Somaliland ee ku xiran Laascaanood, iyagoo sheegay inay la kulmeen saraakiil ka mid ah maxaabiista, islamarkaana ay ku dhiirrigeliyeen rajada laga qabo in xal laga gaaro xaaladdooda.

Culimadu waxay xuseen inay bilaabeen dadaallo lagu dhexdhexaadinayo is-weydaarsiga ama sii deynta maxaabiista labada dhinac ku kala xiran, iyagoo sheegay in khilaafka siyaasadeed uusan sabab u noqon karin in muwaadiniinta Soomaaliyeed ay muddo dheer xabsi ku sii jiraan.

Waxay sidoo kale shaaciyeen inay qorsheynayaan inay u safraan Hargeysa, halkaas oo ay kula kulmi doonaan madaxda Somaliland si ay u sii wadaan dadaallada nabadaynta iyo dib-u-heshiisiinta.

Ugu dambayn, culimadu waxay ugu baaqeen madaxda siyaasadda, isimada dhaqanka, culimada, ciidamada iyo guud ahaan shacabka Soomaaliyeed inay mudnaanta siiyaan wada hadalka, is-afgaradka iyo nabadda, iyagoo ku adkeeyay in xal waara lagu gaari karo oo keliya wada xaajood iyo isu tanaasul.

Muqdisho 23ka Luulyo  2026 Dowladda Federaalka Soomaaliya ayaa si adag u cambaareysay hanjabaadaha ay kooxda Xuutiyiinta ee Yemen u jeedisay Boqortooyada Sacuudi Carabiya, iyadoo sheegtay in tallaabooyinka noocaas ahi ay khatar ku yihiin amniga badda, xorriyadda isu-socodka maraakiibta iyo ganacsiga caalamiga ah. 

War-saxaafadeed ay Arbacadii maanta soo saartay Wasaaradda Arrimaha Dibadda iyo Iskaashiga Caalamiga ah ee Soomaaliya ayaa lagu sheegay in Muqdisho ay si adag u diiddan tahay hanjabaadaha Xuutiyiinta iyo fal kasta oo wiiqaya amniga marin-biyoodka caalamiga ah, xilli ay sii kordhayaan xiisadaha ka taagan Badda Cas.

Soomaaliya ayaa sidoo kale dib u xaqiijisay sida ay uga go’an tahay ilaalinta madaxbannaanida, amniga iyo wadajirka dhuleed ee dalalka, iyadoo ku baaqday in la ixtiraamo sharciga caalamiga ah.

Bayaankan ayaa imaanaya iyadoo Xuutiyiintu ay dhawaan ku dhawaaqeen cunaqabatayn dhinaca badda ah oo ay ku bartilmaameedsanayaan Sacuudi Carabiya.

Kooxda Xuutiyiinta ee Yemen, oo ay Iran taageerto, ayaa uga digtay shirkadaha maraakiibta in booyadahooda shidaalka la weerari karo haddii ay isticmaalaan dekedaha Sacuudi Carabiya. Digniintan ayaa timid maalin kadib markii kooxda ay ku dhawaaqday xayiraad dhinaca badda ah oo ay ku bartilmaameedsanayso boqortooyada.

Hanjabaadan ayaa keentay in maraakiib ganacsi qaarkood ay beddelaan marinno ay mari lahaayeen, arrintaas oo sare u qaaday walaaca laga qabo amniga Badda Cas iyo saameynta uu ku yeelan karo ganacsiga caalamiga ah.  

Addis Ababa 23ka Luulyo  2026 Maanta waxaa magaalada Addis Ababa lagu soo gebagebeeyay shirkii ugu horreeyay ee heer gobol ee Hindisaha Iskaashiga Istiraatiijiga ah ee Khaliijka iyo Afrika (Gulf–Africa Strategic Partnership Initiative – GASPI). Shirka ayaa ka qaybgalay masuuliyiin heer sare ah, siyaasad-dejiyeyaal, khubaro iyo wakiillo ka kala socday Afrika iyo dalalka Khaliijka si ay uga wada hadlaan xoojinta iskaashiga dhaqaale, ganacsiga iyo maalgashiga Maaliyadda cimilada.  Agaasimaha Fulinta ee Sanduuqa Qaranka ee Cimilada Soomaaliya, ahna Madaxa Xoghaynta Hindisaha Geeska Afrika, Liiban Cabsiiye, ayaa ka qaybgalay shirka, isagoo si firfircoon uga qayb qaatay doodaha ku saabsanaa sidii loo abuuri lahaa iskaashi miro dhal ah oo u dhexeeya Afrika iyo dalalka Khaliijka, kaas oo horseeda maalgashi waara, ganacsi kobca iyo iskaashi dhaqaale oo labada dhinacba faa’iido u leh.

Agaasimaha, ayaa Intii lagu guda jiray dooddii shirka, wuxuu carrabka ku adkeeyay in dowladaha Afrika ay lagama maarmaan tahay inay si cad u qeexaan himilooyinkooda iyo mudnaantooda horumarineed si ay u soo jiitaan maalgashiga iyo raasumaalka dalalka Khaliijka. Waxa kale oo uu xusay in maalgashigu uu noqdo mid wax ku biiriya horumarinta kaabeyaasha dhaqaalaha, adkeysiga bulshada iyo deegaanka, kobcinta tayada shaqaalaha iyo horumarinta awoodda aadanaha ee heer qaran, heer gobol iyo heer qaaradeed.

Sidoo kale, wuxuu tilmaamay in maalgashiga Afrika uu u baahan yahay iskaashi ku dhisan kalsooni, dulqaad iyo aragti fog, si loo xaqiijiyo natiijooyin waara oo ka faa’iideysta labada dhinac.

Dhanka Soomaaliya, isagoo ka wakiilka ah, Wasiirka Maaliyadda Soomaaliya, Biixi Imaan Cige, oo ah Guddoomiyaha Hindisaha Geeska Afrika, ayuu xaqiijiyay in Soomaaliya ay sii wadi doonto la shaqeynta dhammaan dalalka xubnaha ka ah hindisaha si loo xoojiyo isdhexgalka ganacsiga gobolka, kor loogu qaado fursadaha maalgashiga gaarka loo leeyahay, loona taageero hirgelinta mashaariicda horumarineed ee hadda socda iyo kuwa mustaqbalka iyadoo lala kaashanayo bah-wadaagta horumarinta.

Agaasimaha Fulinta ee Sanduuqa Qaran ee Isbeddelka Cimilada Soomaaliya, ayaa carrabka ku adkeeyay muhiimadda ay leedahay maalgelinta dadaallada lagaga hortagayo saamaynta isbeddelka cimilada. Wuxuu xusay in isbeddelka cimiladu uu dhibaatooyin ba’an ku hayo bulshada, nolosha iyo dhaqaalaha dalalka xubnaha ka ah Hindisaha Geeska Afrika (Horn of Africa Initiative), taas oo u baahan iskaashi iyo maalgelin waarta si loo xoojiyo adkeysiga bulshada loona yareeyo khataraha mustaqbalka.

Ugu dambeyn, wuxuu uga mahadceliyay hay’adaha ODI, Gravitas, iyo Machadka Arrimaha Dibadda ee Itoobiya (Institute of Foreign Affairs of Ethiopia) qabanqaabinta kulankan muhiimka ah ee dhiirrigelinaya iskaashi istiraatiiji ah oo u dhexeeya Afrika iyo dalalka Khaliijka.

Muqdisho 23ka Luulyo  2026 Boqolaal waalidiin, dhalinyaro iyo hoggaamiyeyaal ka tirsan bulshada Soomaalida ayaa ka qeyb galay kulan uu qabtay taliyaha booliiska degmada Ramsey, Bob Fletcher, kaas oo looga hadlayay kororka rabshadaha iyo dilalka la xiriira dhalinyarada Soomaalida ee gobolka Minnesota ee dalka Mareykanka. 

Kulanka oo ka dhacay xarunta ciidamada ammaanka ee degmada Ramsey ee magaalada Arden Hills ayaa yimid iyadoo walaac xooggan laga muujinayo dilal iyo weerarro hubeysan oo muddooyinkii dambe saameeyay qaar ka mid ah dhalinyarada Soomaalida. Qoysas badan oo dhibaatadan ay taabatay ayaa goobta ka sheegay in carruurtoodu ay ku nool yihiin cabsi joogto ah.

Mas’uuliyiinta degmada Ramsey ayaa sheegay inay jiraan in ka badan toban kooxood oo ay booliisku u aqoonsadeen burcad ama kooxo dhalinyaro ah oo ku lug leh falal rabshado wata, kuwaas oo ka howlgala Minneapolis iyo magaalooyin kale oo ku yaalla gobolka Minnesota. Saraakiisha ayaa xusay in baraha bulshada lagu arko dhalinyaro soo bandhigaya hub, calaamado kooxeed iyo muuqaallo la xiriira iska hor imaadyo.

Sheriff Fletcher ayaa sheegay in ujeeddada kulanka ay tahay in bulshada Soomaalida la fahamsiiyo heerka dhibaatada jirta si loo helo xalal lagu yareeyo rabshadaha. Wuxuu sheegay in waalidiinta iyo dadka waaweyn ay door muhiim ah ka qaadan karaan ka hortagga dhalinyarada ku biiraysa kooxaha rabshadaha ku lug leh.

Intii uu socday kulanka, waalidiin iyo xubno bulshada ka tirsan ayaa saraakiisha waydiiyay sababta falalkan loogu tilmaamayo hawlo kooxeed, halka ay dhalinyaradu ka helayaan hubka iyo sababta qaar ka mid ah dadka la qabto mararka qaarkood si degdeg ah dib loogu sii daayo.

Dhanka kale, qaar ka mid ah culimada iyo hoggaamiyeyaasha Soomaalida ayaa dhaliilay hadallo uu Sheriff Fletcher horay uga sheegay dhibaatadan, iyagoo ku dooday in rabshadaha dhalinyarada aysan ku koobnayn Soomaalida oo keliya balse ay tahay dhibaato guud oo ka jirta bulshada Mareykanka. Fletcher ayaa difaacay mowqifkiisa, isaga oo sheegay in ka hadalka dhibaatada uu horseeday dood iyo wacyigelin ballaaran.

Dhalinyaro iyo ganacsato Soomaaliyeed oo ka qeyb galay kulanka ayaa sheegay in loo baahan yahay tallaabooyin wax ku ool ah oo wax looga qabanayo rabshadaha, helitaanka hubka sharci darrada ah iyo arrimaha bulshada ee dhalinyarada ku riixaya kooxaha rabshadaha wata. Qaar ayaa sidoo kale ku baaqay in la adkeeyo tallaabooyinka sharciga ee ka dhanka ah dadka ku lug leh falalka dilalka iyo weerarrada hubeysan.

WARARKA MAANTA 22ka Luulyo  2026 

Su’aalaha Maanta: Yaa noqon doona madaxweynaha cusub ee #Soomaaliya? Maxuu ku fashilmay Raysal Wasaare hore Xamza “Cambaarle Dhaweeye”? Yaa ka takhalusay dastuurkii dalka? Maxuu Madaxweyne hore Xassan Shiikh u rabaa in la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Ha wiqleyso! 

Muqdisho 22ka Luulyo  2026 Dab xooggan ayaa maanta oo Talaado ah ka kacay Suuqa Bakaaraha ee magaalada Muqdisho, oo ah xarunta ganacsi ee ugu weyn Soomaaliya, iyadoo qiiq madow oo aad u weyn laga arkayay qaybo badan oo caasimadda ah. 

Kooxaha Dab-demiska iyo Gurmadka Degdegga ah ee Gobolka Banaadir ayaa si degdeg ah u gaaray goobta, iyagoo ku guuleystay inay damiyaan dabka kaddib howlgal socday muddo saacado ah, taasoo ka hortagtay inuu ku fido qeybaha kale ee suuqa.

Bakaaraha waxaa ku yaalla boqolaal xarumo ganacsi oo kala duwan, waxaana dabkan uu cabsi weyn ku abuuray ganacsatada iyo shacabka ku sugan deegaanka, si gaar dabkaan waxa uu sameeyay qeybaha Elektarooniga lagu iibiyo.

Warbaahinta dowladda ayaa sheegtay in mas’uuliyiintu bilaabeen baaritaan lagu ogaanayo sababta keentay dabka, iyadoo sidoo kale la qiimeynayo baaxadda khasaaraha ka dhashay.

Ilaa iyo hadda lama shaacin sababta rasmiga ah ee dabka dhalisay, mana jiraan warar rasmi ah oo ku saabsan khasaaraha nafeed.

Mid ka mid ah ganacsatada hantidooda ku waayay dabka ayaa sheegay in wixii uu soo uruurinayay muddo 16 sano ah ay hal mar ku basbeeleen dabkii saakay ka kacay Suuqa Bakaaraha.

Puntland 22ka Luulyo  2026 Puntland ayaa ku eedeysay Dowladda Federaalka Soomaaliya inay muddo laba sano ah wadday dadaallo lagu abaabulayay kooxo hubeysan oo ka howlgala gudaha Puntland, iyadoo sheegtay in qorshahaasi uu qeyb ka yahay isku day lagu wiiqayo amniga iyo xasilloonida maamulkeeda. 

Bayaan ay soo saartay Puntland ayaa lagu sheegay in Villa Soomaaliya, iyadoo kaashaneysa saddex dal oo magacyadooda aan la shaacin, ay isku dayday inay dhisto kooxo hubeysan si loo fuliyo dano istiraatiiji ah oo la xiriira marinada badda. Dowladda Federaalka ayaan illaa hadda si rasmi ah uga jawaabin eedeymahan.

Puntland waxay sheegtay inay qabatay gaadiid ciidan oo ay lahayd Ciidanka Amniga Puntland (PSF), kuwaas oo madaxda Dowladda Federaalka ay dhowaan sheegeen in lagu daray Guutada 17-aad ee cusub. Maamulka Puntland ayaa tallaabadaas ku tilmaamay mid aan la aqbali karin, isagoo sheegay inuusan aqoonsanayn go’aanka dowladda dhexe.

Sidoo kale, Puntland waxay xaqiijisay inay gacanta ku dhigtay gaadiidkaasi iyo askar la socotay kolonyada, oo uu ku jiro taliye ciidan, kuwaas oo hadda ku jira gacanta hay’adaha ammaanka Puntland. Faahfaahin dheeraad ah oo ku saabsan howlgalka lama shaacin.

Bayaanka ayaa sidoo kale lagu sheegay in wakiillo ka socday laba dal oo shisheeye ay toddobaadyadii u dambeeyay kulamo la yeesheen siyaasiyiin iyo shaqsiyaad kale oo ku sugan Puntland si loo dhiirrigeliyo weerarro isku dubbaridan oo laga fuliyo gobollada Sool, Nugaal, Mudug iyo Bari. 

Puntland waxay sheegtay in xogteeda sirdoonku muujineyso in mid ka mid ah dalalkaasi la filayo inuu toddobaadka soo socda si cad u dardargeliyo qorshihiisa, balse ay hore u qaadday tallaabooyin ay ku fashilineyso. 

Turkiga 22ka Luulyo  2026  Baarlamaanka Turkiga ayaa ansixiyay qaraar lagu kordhinayo muddada ay ciidamada qalabka sida ee Turkigu ka howlgalayaan Soomaaliya laba sano oo kale, laga bilaabo 27-ka Luulyo 2026, si ay u sii wadaan taageerada amniga iyo dadaallada lagula dagaallamayo argagixisada iyo khataraha kale. Qoraal uu saxiixay Madaxweynaha Turkiga, Recep Tayyip Erdoğan, oo loo gudbiyay baarlamaanka ayaa lagu sheegay in xasilloonida iyo amniga Soomaaliya ay muhiim u yihiin nabadda iyo amniga guud ee gobolka.

Qoraalka ayaa xusay in Turkigu tan iyo sannadkii 2011 uu Soomaaliya kala shaqeynayay dhinacyada siyaasadda, dhaqaalaha, bulshada iyo amniga, iyadoo iskaashigaasi lagu tilmaamay mid salka ku haya danaha labada dal iyo kalsoonida shacabka Soomaaliyeed ay u hayaan Turkiga.

Sidoo kale, waxaa lagu sheegay in tababarka, la-tashiga iyo taageerada farsamo ee lagu xoojinayo awoodda ciidamada amniga Soomaaliya ay sii socon doonaan, iyadoo lagu saleynayo heshiisyada iskaashiga militari iyo difaaca ee labada dal.

Dowladda Federaalka Soomaaliya ayaa, sida lagu sheegay qoraalka, Turkiga ka codsatay inuu sii wado taageerada uu ka geysto la dagaallanka argagixisada, burcad-badeedda, kalluumeysiga sharci darrada ah iyo falalka kale ee amniga khatar ku ah.

Turkiga ayaa sidoo kale tan iyo 2009 ka qeyb ka ahaa howlgalka caalamiga ah ee ciidamada badda ee la dagaallama burcad-badeedda xeebaha Soomaaliya iyo biyaha ku dhow, isagoo door muuqda ka qaatay dadaallada lagu xaqiijinayo amniga marin-biyoodka gobolka. 

Muqdisho 22ka Luulyo  2026 Guddiga Madaxa-bannaan ee Doorashooyinka Qaranka iyo Soohdimaha (GMDQS) ayaa ku dhawaaqay in dib loo dhigay doorashada goleyaasha deegaanka iyo wakiillada ee Dowlad-goboleedka Galmudug, iyagoo soo saaray jadwal cusub oo lagu qabanayo doorashada. 

War-saxaafadeed uu guddigu soo saaray ayaa lagu sheegay in go’aanka dib-u-dhigista la gaaray kaddib markii la qiimeeyay heerka diyaar-garowga howlaha doorashada, lana tixgeliyay codsiyo ay soo gudbiyeen ururrada siyaasadda si loogu helo waqti dheeraad ah oo ay ku dhammaystiraan diyaar-garowgooda.

Sida jadwalka cusub, qabashada codsiyada musharraxiinta ayaa la sii wadi doonaa illaa 25-ka Luulyo 2026, halka doorashada loo asteeyay inay qabsoonto 30-ka Luulyo 2026.

Guddigu wuxuu ugu baaqay dhammaan ururrada siyaasadda iyo dhinacyada ay khusayso geeddi-socodka doorashada inay ka faa’iidaystaan muddada dheeriga ah si loo xaqiijiyo doorasho ku dhacda si xor, xalaal ah oo waafaqsan sharciga.

Muqdisho 22ka Luulyo  2026 Dowladda Soomaaliya ayaa sheegtay inay wada-hadallo la furtay shirkadda Meta, kaddib markii ay walaac ka muujisay qorshaha WhatsApp ee u oggolaanaya isticmaalayaasha inay ku wada xiriiraan magacyo halkii ay ka isticmaali lahaayeen lambarro telefoon. Wasiiru Dowlaha Wasaaradda Isgaarsiinta iyo Tiknoolajiyadda Soomaaliya, Axmed Cismaan Diiriye, ayaa sheegay in dowladda ay rajaynayso in heshiis laga gaaro arrintan ka hor inta aan muuqaalka cusub si rasmi ah loogu soo bandhigin isticmaalayaasha WhatsApp. Wuxuu xusay in Soomaaliya ay leedahay duruufo amni iyo dhaqaale oo gaar ah, isla markaana dhaqaalaha dalka uu si weyn ugu tiirsan yahay adeegyada lacagaha moobilka lagu kala diro.

Wasiirku wuxuu sheegay in dowladda ay ka cabsi qabto in adeegsiga magacyo isticmaale oo aan si toos ah loola xiriirin karin lambarro telefoon uu adkeyn karo dabagalka dambiyada internet-ka, isla markaana uu kordhin karo halista khiyaanooyinka maaliyadeed iyo dadka isu ekaysiinaya dadka kale.

WARARKA MAANTA 20ka Luulyo  2026 WARARKA MAANTA 21ka Luulyo  2026 

Su’aalaha Maanta: Yaa xirtay Sacdiya Bajaaj Madaxweyne Xassan mise Jihaan? Yaa ka musuqmaasuq badan Taliye ku-xigeenka Booliska Cabdalla Cabdalla? Maxuu ku fashilmay Raysal Wasaare hore Xamza “Cambaarle Dhaweeye”? Yaa ka takhalusay dastuurkii dalka? Maxuu Madaxweyne hore Xassan Shiikh u rabaa in la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Ha wiqleyso! 

Muqdisho 21ka Luulyo  2026 Maxkamadda Ciidamada Qalabka Sida iyo Dambiyada Culus ee Dowladda Jubbaland ayaa maanta soo gabagabeysay dhageysiga dacwadda ka dhanka ah eedeysane Ibraahim Cismaan Laasow, oo loo haysto dilka Alle ha u naxariistee wariye Abshir Khaliif Shiide, oo ka mid ahaa wariyeyaashii ka howlgelayay magaalada Kismaayo.

Intii uu socday dhageysiga, Xafiiska Xeer Ilaalinta ayaa ku dooday in eedeysanuhu geystay dil ula kac ah, isla markaana uu maxkamadda ka codsaday in lagu qaado tallaabada sharcigu dhigayo.

Dhinaca kale, qareenka difaaca eedeysanaha ayaa sheegay in falkaasi uusan ahayn mid ula kac ah, balse uu si kama’ ah u dhacay xilli eedeysanuhu gudanayay waajibaadkiisa amni.

Guddoomiyaha Maxkamadda Ciidamada Qalabka Sida iyo Dambiyada Culus ee Dowladda Jubbaland, Gaashaan Sare Cabdullaahi Maxamuud Ibraahim, ayaa ku dhawaaqay in la soo gabagabeeyay dhageysiga dacwadda, isagoo xusay in Maxkamaddu ay xukunka kiiskan Ka soo saari doonto

PuntlandState 21ka Luulyo 2026 Dowladda Puntland ayaa soo bandhigay Gaadiid dagaal oo ay sheegen in laga qabtay ciidamo dowladda fadaarlku ka samaysteen Guudaha deeganadda Puntland.

Saawiraan iyo Qoraal lagu baahiyay dagalka Hawgka Ciribtirka Aragaxisada Puntland ayaa lagu sheegay in ay Dowladdu Soo afjaratay Maleeshiyaad ay soo abaabu shay dowladda fadaraalka iyo Madaxwayne Hassan Sheekh, sidoo kale waxaa bogaasi lagu sheegay in gacan lagu hayo Maxaabiis, Hub iyo Gaadiid dagaal oo laga qabtay Ciidamada Psf.

Sidoo kale waxaa goordheyd furmay isusocdokii Gaadiidka ee ku xayiraan Kantoorlada Bosaaso iyo deegaanka Kalabayr

Muqdisho 21ka Luulyo  2026 Agaasimaha Waaxda Waxbarashada Dadka Waaweyn, Mudane, Cabdinaasir Ismaaciil (Shacab), ayaa maanta si rasmi ah uga furay magaalada Muqdisho tababar soconaya shan (5) maalmood, kaas oo loo qabanayo 162 macallin oo isugu jira Macallimiinta Waxbarashada Dadka Waaweyn (NFE) iyo Macallimiinta Farsamada Gacanta iyo Xirfadaha (TVET) oo uu maalgelinayo Mashruuca Raja Kaaba ee Bankiga Adduunka.

Munaasabadda furitaanka, Agaasimuhu wuxuu carrabka ku adkeeyay muhiimadda ay leedahay tayeynta aqoonta iyo xirfadaha macallimiinta, isagoo xusay in horumarinta awoodda macallimiintu ay laf-dhabar u tahay kor u qaadidda tayada waxbarashada dadka waaweyn iyo tababarrada xirfadaha. Wuxuu sidoo kale ku dhiirrigeliyay ka qaybgalayaasha inay si buuxda uga faa’iidaystaan tababarka muddada shanta maalmood ah, isla markaana aqoonta iyo waayo-aragnimada ay ka kororsadaan ugu adeegaan bulshada si hufan oo waxtar leh.

Inta uu tababarku socdo, ka qaybgalayaashu waxay baran doonaan manhajyada Waxbarashada Dadka Waaweyn (NFE) iyo xirfadaha, hababka casriga ah ee waxbaridda, waxbarashada loo dhan yahay, ilaalinta carruurta iyo ka hortagga tacaddiyada, qiimaynta waxbarashada, iyo maaraynta fasalka. Tababarkan ayaa qayb ka ah dadaallada lagu xoojinayo tayada adeegyada waxbarasho iyo horumarinta xirfadaha bulshada ee Gobolka Banaadir.

Ugu dambayn, Agaasimuhu wuxuu uga mahadceliyay Hay’adda WARDI dadaalka ay gelisay diyaarinta tababarkan, isagoo ku bogaadiyay doorka muuqda ee ay ka qaadanayso horumarinta waxbarashada dadka waaweyn iyo kobcinta xirfadaha bulshada.z

Muqdisho 21ka Luulyo  2026 Wasaaradda Waxbarashada, Hiddaha iyo Tacliinta Sare ee JFS waxay tacsi tiiraanyo leh u direysaa Maamulka iyo shacabka Jubbaland, qoyska, ehelada, asxaabta iyo dhammaan bahda waxbarashada, geerida naxdinta laheyd ee ku timid Wasiir Ku-xigeenkii Wasaaradda Waxbarashada ee Dowlad Goboleedka Jubbaland, Marxuum Mukhtaar Kaamil, oo ku geeriyooday magaalada Nairobi ee dalka Kenya.

Wasaaraddu waxay Alle uga baryeysaa Marxuumka inuu naxariistiisa Janno ka waraabiyo, dembiyadiisana dhaafo, qabrigana u waasiciyo. Sidoo kale, waxaan Alle uga baryeynaa qoyskiisa, eheladiisa, bahda waxbarashada iyo guud ahaan ummadda Soomaaliyeed inuu ka siiyo samir iyo iimaan

PuntlandState 21ka Luulyo 2026 Wariye Shucayb Da’aad ayaa maantii labaad oo xiriir ah ku xiran magaalada Bosaaso, taasi oo aan wali lacadayn sababta loo xiray iyo waxa keenay xarigiisa. 

Muqdisho 21ka Luulyo  2026 Muqdisho, Soomaaliya – Wasiirka Wasaaradda Warfaafinta, Dhaqanka iyo Dalxiiska Xukuumadda Federaalka Soomaaliya, Mudane Cabdifataax Qaasim Maxamuud, ayaa magaalada Muqdisho caawa uga qayb galay munaasabad lagu taageerayay dardargelinta hirgelinta doorashooyinka qof iyo cod ee guud ahaan dalka gaar ahaan deegaannada Dowlad goboleedka Hirshabeelle oo laga soo doortay.

Kulankaa oo ay isugu yimaadeen qeybaha bulshada beelaha Jareerweyne ayaa waxaa ka soo qayb galay mas’uuliyiin ka tirsan dowladda, odayaal dhaqameed, waxgarad, haween, dhallinyaro iyo qeybaha kala duwan ee bulshada.

Ka qaybgalayaashu waxay si weyn u bogaadiyeen dadaallada Dowladda Federaalka Soomaaliya ee ku aaddan hirgelinta nidaamka doorashooyinka qof iyo codka ah, iyagoo muujiyay taageeradooda iyo garab istaaggooda geeddi-socodka dimuqraadiyeynta dalka, gaar ahaan u diyaar garowga doorashooyinka deegaannada Hirshabeelle.

Intii ay socotay munaasabaddu, waxaa lagu adkeeyay muhiimadda ay leedahay in muwaadiniinta Soomaaliyeed ay si toos ah u doortaan hoggaamiyeyaashooda, iyadoo la tilmaamay in doorashada qof iyo cod ay tahay tiirka lagu xoojinayo dimuqraadiyadda, dowladnimada, isla markaana kor loogu qaadayo ka qaybgalka shacabka ee go’aan ka gaarista cidda matalaysa.

Ka qaybgalayaashu waxay bulshada Soomaaliyeed ugu baaqeen inay ka faa’iidaystaan xuquuqdooda dastuuriga ah, isla markaana si nabad iyo mas’uuliyad leh uga qayb qaataan doorashooyinka, si loo helo hoggaan ku yimaada rabitaanka shacabka.

Wasiirka Wasaaradda Warfaafinta, Dhaqanka iyo Dalxiiska XFS, Mudane Cabdifataax Qaasim Maxamuud, oo munaasabadda ka hadlay ayaa sheegay in doorashada qof iyo cod ay tahay xaq dastuuri ah oo uu leeyahay muwaadin kasta oo Soomaaliyeed, isagoo ku boorriyay shacabka inay ka faa’iidaystaan fursaddan taariikhiga ah si ay codkooda ugu doortaan hoggaanka dalka guud ahaan gaar. ahaan deegannada Hirshabeelle oo dadka ay u diyaar garoobayaan in ay codkooda dhiibtaan.

https://www.youtube.com/watch?v=MKf3biRAKgA

Su’aalaha Maanta: Yaa Sacdiya Bajaaj Madaxweyne Xassan mise Jihaan? Maxuu ku fashilmay Raysal Wasaare hore Xamza “Cambaarle Dhaweeye”? Yaa ka takhalusay dastuurkii dalka? Maxuu Madaxweyne hore Xassan Shiikh u rabaa in la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Ha wiqleyso! 

Muqdisho 20ka Luulyo  2026 Ciidanka Sida Gaarka ah u Tababaran ee Kumaandooska Danab ee Xoogga Dalka Soomaaliyeed ayaa hawlgal qorshaysan ka fuliyey deegaanka Hantiwadaag ee gobolka Shabeellaha Hoose, kaas oo lagu beegsanayey xubno ka tirsan khawaarijta.

Intii uu socday hawlgalka, waxaa lagu dilay 9 xubnood oo isugu jiray maleeshiyaad iyo horjoogihii hoggaaminayey, kuwaas oo ku dhuumaalaysanayey deegaanka ay ciidamada ka sameeyeen howlgalka.

Taliska Ciidanka Kumaandooska Danab ayaa Warbaahinta Qaranka u xaqiijiyey in hawlgallada ka dhanka ah khawaarijta ay sii socon doonaan, isla markaana ciidamadu ay awood u leeyihiin inay gaaraan goob kasta oo ay isku dayaan inay ku dhuumaalaysato kooxdu

DDSI 20ka Luulyo  2026 Shirkii qiimaynta waxqabadka sannad-miisaaniyadeedka 2018 T.I. ee Waaxda Maareynta Hantida ee Xarunta Dhexe ee Xisbiga Barwaaqo, oo socday labadii maalmood ee la soo dhaafay, ayaa si habsami leh u soo dhammaaday. Intii uu shirku socday, waxaa abaal-marin iyo aqoonsi lagu guddoonsiiyay xafiisyadii dowlad-deegaannada ee muujiyay waxqabadka ugu wanaagsan.

Xafiisyada la abaalmariyay waxaa lagu qiimeeyay habka ay u fuliyeen qorshayaashooda, isla-xisaabtanka, hufnaanta, maaraynta wanaagsan ee hantida, dhaqanka shaqo ee hay’adda iyo guud ahaan natiijooyinka ay gaadheen

Spain  20ka Luulyo  2026  Xulka qaranka Spain ayaa ku guuleystay Koobka Adduunka ee FIFA 2026, kaddib markii uu 1-0 kaga adkaaday xulka Argentina ciyaartii kama dambaysta ahayd ee xalay lagu ciyaaray garoonka MetLife Stadium ee magaalada East Rutherford, gobolka New Jersey ee dalka Maraykanka. 

Goolka guusha waxaa u dhaliyay weeraryahanka Ferran Torres daqiiqaddii 106-aad ee waqtiga dheeriga ah, isagoo si dhow uga faa’iidaystay kubbad uu dib ugu celiyay Nico Williams. Goolkaas ayaa Spain u xaqiijiyay koobkeedii labaad ee Adduunka.

Spain ayaa ahayd kooxda ciyaarta inteeda badan maamulaysay, iyadoo abuurtay fursado badan oo goolal loo filan karay. Goolhayaha Argentina Emiliano Martínez ayaa dhowr jeer badbaadiyay shabaqiisa, isagoo joojiyay isku dayo ay sameeyeen Lamine Yamal, Dani Olmo, Mikel Oyarzabal iyo Ferran Torres.

Argentina ayaa wajahday dhibaato weyn dhammaadkii waqtigii caadiga ahaa, markii khadka dhexe ee Enzo Fernández uu qaatay kaadhkiisii labaad ee digniinta, taas oo sababtay in garoonka laga saaro. Intii lagu jiray 90-kii daqiiqo ee ciyaarta, Argentina may helin hal darbo oo sax ah, arrintaas oo noqotay dhacdo taariikhi ah oo aan hore uga dhicin finalka Koobka Adduunka.

Masar 20ka Luulyo  2026 Xukuumada Qaahira ayaa dib u xoojisay dadaalladeeda diblomaasiyadeed ee ku aaddan sii deynta badmaaxiinta Masaarida ee lagu afduubtay meel ka baxsan xeebaha Soomaaliya, iyadoo Wasiirka Arrimaha Dibadda Masar, Badr Abdel Aaty, uu dowladda Federaalka Soomaaliya ka codsaday inay sii laba jibaarto dadaallada lagu xaqiijinayo sii deyntooda. Codsigan ayaa qeyb ka ah dadaallo diblomaasiyadeed oo Masar ay muddooyinkii u dambeeyay waday, xilli ay weli mugdi ku jiro halka ay ku sugan yihiin badmaaxiinta la afduubtay, isla markaana ay sii kordhayaan baaqyada caalamiga ah ee lagu dalbanayo in la sii daayo.

Sida ay sheegeen ilo xog-ogaal ah, farriinta Masar waxay adkeyneysaa muhiimadda ay leedahay in si degdeg ah loo xaqiijiyo badqabka iyo dib ugu laabashada badmaaxiinta qoyskooda, iyadoo Qaahira ay sheegtay inay sii wadi doonto la shaqeynta Soomaaliya, dalalka gobolka iyo hay’adaha ku lugta leh gurmadka iyo dhexdhexaadinta.

Masar ayaa sidoo kale tilmaantay in tallaabadan ay qeyb ka tahay dadaalladeeda lagu ilaalinayo muwaadiniinteeda ka howlgala marin-biyoodka caalamiga ah, gaar ahaan goobaha ay weli ka jiraan khataraha burcad-badeedda iyo caqabadaha amniga badda.
Dhowr jeer oo hore ayaa waxaa fashilmay wada hadalo la doonayay in burcad badeeda laga heshiiyo lacagaha madax furashada ah ay horey u dalbadeen.

Maraykanka 20ka Luulyo  2026 Dowladda Mareykanka ayaa faahfaahin dheeraad ah ka bixisay kiiska Cabdikariim Cabdullaahi Ciidle, oo ka mid ah eedeysaneyaasha ugu waaweyn ee fadeexadda musuqmaasuqa ee Feeding Our Future, kadib markii 16-kii Luulyo si rasmi ah looga soo wareejiyay Soomaaliya loona geeyay gobolka Minnesota si uu u wajaho dacwadaha federaalka. 

Xafiiska Xeer Ilaaliyaha Federaalka ee Minnesota ayaa sheegay in Ciidle, oo 42 jir ah, uu wajahayo 31 dacwadood, kuwaas oo ay ku jiraan khiyaano dhanka isgaarsiinta ah (wire fraud), laaluush la xiriira barnaamijyo federaal ah iyo lacago la dhaqay. Wuxuu ka mid ahaa dadka lagu soo oogay dacwadaha sanadkii 2022, balse muddo ku dhow afar sano ayuu ka maqnaa Mareykanka ka hor inta aan bishii Juunyo 2026 laga helin Soomaaliya.

Mas’uuliyiinta Mareykanka ayaa sheegay in soo qabashadiisa iyo wareejintiisa ay ka dhalatay iskaashi dhex maray Hay’adda Baarista Federaalka ee FBI, Hay’adda Nabad-sugidda iyo Sirdoonka Qaranka Soomaaliya (NISA), Ciidanka Booliska Soomaaliyeed iyo Wasaaradda Cadaaladda Soomaaliya, iyadoo sidoo kale ay gacan ka geysatay Waaxda Caddaaladda Mareykanka.

Xeer Ilaaliyaha Mareykanka Daniel N. Rosen ayaa ku tilmaamay Cabdikariim Cabdullaahi Ciidle inuu yahay qofka labaad ee ugu muhiimsan ee lagu eedeeyay fadeexadda Feeding Our Future, isagoo sheegay in qabashadiisu ay muujinayso in dadka lagu eedeeyo dambiyada noocan ah aysan ka baxsan karin cadaaladda Mareykanka.

WARARKA MAANTA 19ka Luulyo  2026 

Su’aalaha Maanta: Yaa ka takhalusay dastuurkii dalka? Maxuu Madaxweyne hore Xassan Shiikh u rabaa in la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Ha wiqleyso! 

Muqdisho 19ka Luulyo  2026 Wasiirka Wasaaradda Warfaafinta, Dhaqanka iyo Dalxiiska Jamhuuriyadda Federaalka Soomaaliya, Mudane Cabdulfitaax Qaasim Maxamuud, Wasiir Ku-Xigeenka Wasaaradda, Mudane Cabdiraxmaan Yuusuf Cumar (Al-Cadaala), Agaasimaha Guud ee Wasaaradda, Mudane Cabdullaahi Xayir Ducaale, Agaasimeyaasha Waaxyaha iyo dhammaan hawlwadeennada Wasaaradda Warfaafinta, Dhaqanka iyo Dalxiiska Jamhuuriyadda Federaalka Soomaaliya waxay tacsi tiiraanyo leh u dirayaan qoyskii, ehelkii, qaraabadii iyo guud ahaan bahda warbaahinta Soomaaliyeed ee uu ka geeriyooday Alle ha u naxariistee Maxamuud Cabdi Cali Ducaale, oo ka mid ahaa rug-caddaayadii saxaafadda Soomaaliyeed.

Alle ha u naxariistee Maxamuud Cabdi Cali Ducaale wuxuu ka mid ahaa haldoorkii hormuudka u ahaa saxaafadda dalka, isagoo ka soo shaqeeyay Radio Muqdisho intii u dhaxaysay 1972 ilaa 1982. Muddadaas, wuxuu soo qabtay xilal kala duwan oo muhiim u ahaa horumarinta warbaahinta qaranka, isagoo sidoo kale ka qeyb qaatay kor u qaadidda wacyiga bulshada Soomaaliyeed iyo tayeynta mihnadda saxaafadda.

Muqdisho 19ka Luulyo  2026 Cornel Cali Axmed Xaashi (Cali Cagey), Taliyaha Qeybta 27-aad ee Ciidanka Xoogga Dalka Soomaaliyeed, ayaa digniin adag u diray dadka la shaqeeya ama u hoggaansama amarrada kooxda Khawaarijta ee ku sugan deegaannada xorta ah ee gobolka Hiiraan.

Taliyaha ayaa sheegay in aan la aqbali doonin cid kasta oo si toos ah ama si dadban ula shaqeysa kooxda Khawaarijta, isagoo xusay in bixinta xog, qaadashada amarro, ama fududeynta dhaqdhaqaaqyadooda ay tahay fal ka dhan ah amniga shacabka iyo dowladda.

Galmudug 19ka Luulyo  2026 Taliska Qaybta Baarista Dambiyada (CID) ee Ciidanka Booliska Soomaaliyeed, qaybta Galmudug, ayaa soo saaray amar ku waajahan dhammaan musharraxiinta ka qeybgalaya doorashooyinka Golaha Wakiillada Galmudug, kaas oo lagu farayo inay maraan baaritaan dhanka dambiyada ah ka hor inta aysan billaabin ololahooda doorashada. 

Warqadda ayaa lagu sheegay in baaritaannada lagu xaqiijinayo in musharraxiintu aysan xiriir ama ku lug lahayn falal argagixiso, gaar ahaan kuwa lala xiriiriyo Al-Shabaab iyo Daacish, isla markaana aysan lahayn dambiyo saameyn kara amniga.

“Waxaan ku war galineynaa dhaman xaafiisyada ay warqadani sida tooska ah ugu socoto in dhamaan musharaxiinta ka qeyb galaya doorashoyinka galmudug ay maraan habraaca baarista dambiyada galmudug lagana hubiyo diiwanka dambiyada si aysan ugu soo dhuuman kooxaha Argaxisada Al-shabab iyo Daacish iyo in aysan wax denbi ah ka gelin dadka iyo dowladda ayna qataan warqada shahaadada dambi la aanta C.I.D Galmudug sababo amni awgeed.” ayaa lagu yiri war saxaafadeedka.

Sidoo kale, CID-da Galmudug ayaa farriintan ku dartay musharraxiinta u taagan kuraasta Golaha Wakiillada, iyadoo ka codsatay inay tagaan xarunta CID-da ee magaalada Dhuusamareeb si loo dhammaystiro habraaca baaritaanka.

Amarkan ayaa imanaya xilli Galmudug ay isu diyaarinayso doorashada Golaha Wakiillada, iyadoo maamulka uu sheegay inuu doonayo in geeddi-socodka doorashada uu u dhaco si waafaqsan shuruudaha amniga iyo hannaanka sharciyeed.

Muqdisho 19ka Luulyo  2026 Wasaaradda Arrimaha Gudaha, Federaalka iyo Dib-u-heshiisiinta Soomaaliya ayaa walaac ka muujisay colaadaha iyo xiisadaha ka taagan deegaanno ka tirsan gobolka Shabeellaha Hoose, iyadoo ku baaqday in si degdeg ah loo joojiyo dagaallada iyo falalka hurinaya rabshadaha. 

War-saxaafadeed ay wasaaraddu soo saartay Sabtidii ayaa lagu sheegay in sii socoshada colaadaha ay khatar ku tahay amniga, wadajirka bulshada iyo dadaallada dib-u-heshiisiinta ee dalka.

Wasaaraddu waxay ugu baaqday shakhsiyaadka, kooxaha iyo cid kasta oo ku lug leh hurinta colaadaha, faafinta hadallada naceybka iyo abaabulka rabshadaha inay joojiyaan falalkaas, iyadoo sidoo kale ugu baaqday odayaasha dhaqanka, culimada iyo qeybaha kala duwan ee bulshada inay ka shaqeeyaan nabadda iyo xasilloonida.

Sidoo kale, wasaaraddu waxay sheegtay inay farayso hay’adaha amniga iyo kuwa fulinta sharciga inay qaadaan tallaabooyin waafaqsan sharciga oo ka dhan ah cid kasta oo lagu helo hurinta colaadaha ama falal khalkhal gelinaya amniga.

Muqdisho 19ka Luulyo  2026 Karaamada, ixtiraamka iyo dib-u-habayntu waa tiirarka udub-dhexaadka u ah Xeerarka Ugu Yar ee Heerarka Qaramada Midoobay ee Lagu Maareeyo Maxaabiista, kuwaas oo loo yaqaan ‘Xeerarka Nelson Mandela.’

Soomaaliya gudaheeda, Qaramada Midoobey waxay taageertaa dadaallada lagu xoojinayo adeegyada asluubta si waafaqsan heerarkan, iyada oo kor loo qaadayo helitaanka adeegyada caafimaadka, waxbarashada, tababarrada xirfadaha, booqashooyinka qoysaska iyo xaalado nololeed oo ammaan ah oo ka jira xarumaha asluubta.

Sawirkan waxaa ka muuqda maxaabiis ku sugan

WARARKA MAANTA 18ka Luulyo  2026 

Su’aalaha Maanta: Yaa noqon doona Raysal Wasaaraha cusub? Maxuu Madaxweyne hore Xassan Shiikh u rabaa in la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Ha wiqleyso! 

Puntland 18ka Luulyo  2026 Madaxweynaha Puntland Mudane Siciid Cabdullaahi Deni ayaa maanta daahfuray Shirweynaha Haweenka Puntland oo ay soo agaasintay Wasaaradda Horumarinta Haweenka iyo Arrimaha Qoyska. 

Jubbaland 18ka Luulyo  2026 Ciidanka Kumaandooska Danab ee Dowladda Federaalka Soomaaliya oo kaashanaya ciidamada Jubbaland ayaa sheegay inay howlgal qorsheysan ka fuliyeen deegaanno ka tirsan duleedka degmada Jilib ee gobolka Jubbada Dhexe. 

War ay siiyeen saraakiisha ciidamada warbaahinta Dowladda ayaa lagu sheegay in howlgalka lagu burburiyey toddobo fariisin oo ay kooxda Al-Shabaab ku lahayd deegaanka, isla markaana ciidamada ay gacanta ku dhigeen agab laga helay fariisimahaas.

Saraakiisha ayaa sheegay in deegaanka Gambaale uu ahaa mid ka mid ah saldhigyada waaweyn ee ay Al-Shabaab ku sugnaayeen, islamarkaana uu ka mid ahaa goobihii lagu beegsaday howlgalka.

Waqooyi Bari 18ka Luulyo  2026 Xeer Ilaalinta Guud ee Maamulka Waqooyi Bari Soomaaliya ayaa si rasmi ah uga codsatay Golaha Wakiillada in xasaanadda laga xayuubiyo xildhibaan Fahiima Yuusuf Quuje, si maxkamad loogu soo taago dacwad la xidhiidha hadalladii ay kaga dhawaaqday inay ka tanaasushay aragtidii Soomaaliweyn iyo Maamulka Waqooyi Bari. Warqad ku taariikhaysan 15-ka July 2026 oo uu saxeexay Xeer Ilaaliyaha Guud, Cabdullaahi Xirsi Cilmi, ayaa lagu sheegay in codsiga lagu saleeyay qodobbada 50-aad iyo 51-aad ee dastuurka maamulka, qodobbada 7-aad iyo 8-aad ee xeer-hoosaadka Golaha Wakiillada, iyo qodobbada 184, 218 iyo 222 ee Xeerka Ciqaabta Soomaaliyeed (XCS).

Xeer Ilaaliyaha Guud ayaa sidoo kale codsaday in Fahiima Quuje laga qaado xubinnimada Golaha Wakiillada, si marka hore loogu gudbiyo maxkamadda awoodda u leh qaadista dacwadda. Nuqullo ka mid ah warqadda ayaa loo diray Guddoomiyaha Maxkamadda Sare iyo Madaxweynaha Maamulka Waqooyi Bari Soomaaliya.

Dhanka kale, Fahiima Yuusuf Quuje ayaa xalay ku dhawaaqday inay iska casishay xubinnimadii Golaha Wakiillada ee Maamulka Waqooyi Bari Soomaaliya. Waxay sheegtay in ay ku hungawday aragtidii ay ku dhintay maamulka Waqooyi Bari iyo raadinta dowlad Soomaaliyeed.

Kiiska Fahiima Quuje ayaa noqday mid si weyn u soo jiitay dareenka bulshada iyo siyaasadda, iyadoo la sugayo go’aanka Golaha Wakiillada iyo tallaabooyinka sharci ee xiga ee la xidhiidha codsiga Xeer Ilaalinta.

Warar la isla dhexmarayo ayaa sheegaya in Fahiima Yuusuf Quuje ay hadda ku sugan tahay magaalada Addis Ababa ee dalka Itoobiya, isla markaana waxay sheegtay inay u sii socoto magaalada Hargeysa ee caasimadda Somaliland. 

Hadaba, warqada kasoo baxday Xeer Ilaalinta ayaa muujinaysa in Fahiima dacwada laga gudbiyay kahor intii anay ku dhawaaqin in ay ka noqotay aragtida Maamulka, waxaana loo badinaya in xilli hore la ogaaday aragtida cusub ee ay qaadatay.

Washington DC 18ka Luulyo  2026 Warbixin cusub oo ay soo saartay xarunta cilmi-baarista ee Defense Priorities oo fadhigeedu yahay Washington ayaa ku doodday in sababta Maraykanku u sii wado duqeymaha iyo howlgalka militari ee Soomaaliya aysan ku saleysneyn khatar muuqata oo ka dhan ah gudaha Mareykanka, iyadoo ku baaqday in si tartiib tartiib ah loo soo afjaro faragelintaas. 

Warbixinta ayaa sheegtay in Al-Shabaab iyo garabka Daacish ee Soomaaliya aysan muujin awood ama qorshe ay ku fuliyaan weerarro waaweyn oo khatar ku ah Mareykanka. Sida lagu sheegay, labada kooxood waxay inta badan xoogga saaraan dagaalka gudaha Soomaaliya, halka duqeymaha iyo taageerada militari ee Mareykanku aysan weli horseedin in si buuxda loo wiiqo awooddooda.

William Walldorf oo ah cilmi-baare sare oo ka tirsan Defense Priorities ayaa sheegay in Mareykanku uu dano amni iyo kuwo istaraatiiji ah oo kooban ku leeyahay Soomaaliya, isagoo ku dooday in howlgalka socda uusan la jaanqaadeyn danahaas.

Warbixintu waxay sidoo kale sheegtay in kooxaha hubeysan aysan halis toos ah ku ahayn gudaha Mareykanka, isla markaana ay suurtagal tahay in howlgalka militari ee joogtada ahi uu sii xoojiyay xaaladda colaadeed.

Qiimeyntan ayaa kusoo beegantay xilli uu sare u kacay tirada duqeymaha Mareykanka ee Soomaaliya. Sida ay sheegtay Taliska Ciidamada Mareykanka ee Afrika (AFRICOM), waxaa sanadkan la fuliyay ku dhowaad 80 duqeyn, kaddib ku dhowaad 125 weerar oo dhacay sannadkii hore. Kororkaasi wuxuu yimid kadib markii Wasiirka Difaaca Mareykanka Pete Hegseth uu sanadkii hore siiyay taliyeyaasha AFRICOM awood dheeraad ah oo ku saabsan go’aaminta weerarrada cirka.

Muqdisho 18ka Luulyo  2026 Ajendaha Dhallinyarada, Nabadda, iyo Ammaanka ee Soomaaliya, oo uu taageerayo Sanduuqa Dhismaha Nabadda ee Qaramada Midoobay, ayaa awood u siinaya haweenka iyo ragga da’da yar inay sii wadaan dadaallo nabadeed oo loo dhan yahay.

Waxay dhexdhexaadiyaan khilaafaadka, waxa ayna hormuud ka yihiin naadiyada nabadda, waxayna gacan ka geystaan dhisidda hannaanka bixiya digniinta hore.

Taageeridda dhallinyarada waxay fureysaa tamartooda iyo aragtidooda, iyadoo horseedeysa Soomaaliya oo nabad iyo barwaaqo ah.

WARARKA MAANTA 17ka Luulyo  2026 

Su’aalaha Maanta: Maxuu Madaxweyne hore Xassan Shiikh u rabaa n la burburiyo #Puntland Iyo #Jubbaland? Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Maxuu ku fashilmay shirkii Dowladda Iyo Mucaaradka? Maxay beesha caalamka ku qasabtay Madaxweyne hore Xassan “Dhuuso=Fooxiye”? `Yaa diiday inuu dhiso maqaamka #Muqdisho? Maxay beesha caalamka u diiday inay wax dhaqaallo ah siiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

Puntland 17ka Luulyo 2026Qaar ka mid ah isimada gobolka Bari ayaa soo saaray bayaan ay ku muujinayaan walaac xooggan oo ay ka qabaan khilaafka ka dhashay canshuuraha cusub ee laga hirgeliyey Dekedda Boosaaso, iyagoo ugu baaqay Puntland iyo shirkadda DP World inay si degdeg ah u joojiyaan tallaabooyinka sababay hakadka ganacsiga iyo adeegyada dekedda. 

Bayaanka ayaa lagu sheegay in hakadka ku yimid ganacsiga iyo howlaha dekedda uu saameyn ku yeeshay dhaqaalaha, adeegyada bulshada iyo nolosha shacabka Puntland. Isimadu waxay sheegeen in dekedda Boosaaso ay tahay hanti muhiim u ah Puntland, isla markaana loo baahan yahay in laga ilaaliyo wax kasta oo curyaamin kara shaqadeeda.

Waxay sidoo kale walaac ka muujiyeen kororka ay sheegeen inuu ku yimid khidmadaha dekedda, iyagoo tilmaamay in arrintaasi ay culays dhaqaale ku keentay ganacsatada iyo bulshada inteeda kale.

Isimadu waxay soo jeediyeen afar qodob oo kala ah:

In si degdeg ah loo joojiyo dhammaan canshuuraha iyo khidmadaha cusub ee dekedda.

In dib loo furo shaqadii dekedda si ganacsigu ugu soo laabto sidii caadiga ahayd.

In la dhiso guddi wada-hadal oo xal waara ka gaara khilaafka.

In dib-u-eegis lagu sameeyo heshiisyada iyo mashaariicda la xiriira Dekedda Boosaaso si loo ilaaliyo danta guud.

Bayaankan Isimada ayaa ku soo beegmaya iyadoo ganacsiga dekedda Boosaaso uu hakad ku jiro tan iyo bilowgii bishan, kadib muran ka dhashay canshuuraha cusub oo ay diideen ganacsatada.

Puntland 17ka Luulyo 2026 Gacan ku dhiiglihii loo haystay dilka Taliyihii saldhigga Booliiska degmada Jariiban ee gobolka Mudug, Guleed Kadleeye, ayaa saakay lagu fuliyay xukun qisaas ah, kaddib markii ay ku heshiiyeen qoyska marxuumka iyo qoyska eedeysanaha. 

Ninka la qisaasay oo lagu magacaabi jiray Ibraahim Kooshin, ayay ciidamada ammaanku soo qabteen saacado yar kaddib dilkii taliyaha, waxaana loo gudbiyay hay’adaha garsoorka oo ku riday xukun dil ah, kaas oo saakay laga fuliyay degmada.

Qoyska marxuumka oo warbaahinta la hadlay ayaa sheegay inay ku qanceen caddaaladda, iyagoo sheegay in loo baahan yahay in qof kaste oo dil bareer ah geysta si degdeg ah loogu fuliyo caddaaladda. Waxay u mahad celiyeen ciidamada ammaanka oo gacanta kusoo dhigay dambiilaha oo markii uu falka geystay baxsaday.

Fulinta xukunka qisaasta ayaa soo afjartay kiiska dilka taliyaha.

Sarkaalka loo qisaasay ahna taliyaha Jarriiban Guleed Kadleeye ayaa ka mid ahaa ciidamadii Gorgor ee tababarka ku soo qaatay Turkiga xilligii dowladdii Madaxweyne Maxamed Cabdullaahi Farmaajo, wuxuuna ka tirsanaa saraakiishii dhowaan loo kala diray degmooyinka Puntland si loo xoojiyo amniga.

Marxuumku wuxuu muddooyinkii u dambeeyay hormuud ka ahaa dadaallada lagu sugayay amniga degmada Jariiban, gaar ahaan la dagaallanka hubka sharci-darrada ah iyo xoojinta howlaha booliiska.

Degmada Jariiban ayaa sidoo kale saldhig u ah ciidamo dhowaan laga qoray Dowladda Federaalka Soomaaliya, waxaana mararka qaar laga soo sheegaa dhaqdhaqaaqyo la xiriira burcad-badeednimo.

Djibouti 17ka Luulyo 2026 Wasiirkii Gaashaandhigga Jabuuti, Xasan Cumar Maxamed Burhaan, ayaa geeriyooday, sida ay shaaciyeen mas’uuliyiinta Jabuuti, iyadoo Ra’iisul Wasaare Cabdilqaadir Maxamed Kaamil uu tacsi u diray qoyskiisa, ciidamada qalabka sida iyo shacabka Jabuuti.

Xasan Cumar waxa uu Wasiirka Gaashaandhigga Jabuuti ahaa tan iyo bishii May 2019, wuxuuna xilka sii hayay kaddib isku shaandhayntii golaha wasiirrada ee May 2026.

Maraykanka 17ka Luulyo 2026 BAARITAANKA: Sida uu daabacay wargeyska New York Times, madaxweynihii hore ee Iran Maxmuud Axmedinajad ayaa muddo sannado ah la shaqeynaayay sirdoonada Mareykanka iyo Israel, waxaana loo diyaarinaayay sidii uu talada dalka markale u qabsan lahaa.

Wargeyska ayaa sheegay in qorshihii uu fashilmay.

Axmedinajad, oo lagu yaqiinay inuu ahaa nin neceb Mareykanka iyo Israel intuu xukunka joogay, had iyo jeerna fagaarayaal ka weerari jiray reer galbeedka ayaa la sheegayaa inuu aad isu bedelay waayadii dambe.

Wuxuu bartay luuqadda English, wuxuu bedelay hab lebiska isaga oo jiiyay xirashada shaarka shiica lagu yaqaano ee dhuunta dhuuban, sidoo kalana barihiisa bulshada ku qori jiray hadallo uu ku weerarayo taliska Wadaadada Shiicada ee haysta Iran.

Wuxuu ku jiray xabsi guri ay ku soo rogeen taliska wadaada Iran.

Sannadkii 2024, wuxuu Axmedinajad tagay Budapest, Hungary halkaas oo uu kaga qeybgalay shirka isbeddelka cimillada.

Shirka waxaa lagu qabtay codsiga dowladda Hungary, wuxuuna jilaabasho Axmedinajad lagu soo xero gelinaayay oo ay gadaal ka wadeen sirdoonada CIA iyo Mossad.

Tan iyo wixii markaas ka danbeeyay Axmedinajad wuxuu toos ula shaqeynaayay Israel iyo USA. Qorshuhu wuxuu ahaa in marka xukunka laga tuuro wadaadada Shiicada ah, in isaga loo dhiibo.

Israel iyo Mareykanka waxay u arkeen nin la aamini karo oo saaxiib lala noqon karo.

Labada sirdoon ayaa diyaariyay qorshe ahaa in gantaal lagu dhufto ciidanka xabsi guriga ku haayay Axmedinajad, ka dibna sirdoonka Israel ay baabuur kaga soo qaadaan goobta uu joogay, lana geeyo meel ammaan ah oo ay diyaariyeen Israel iyo Mareykanka, ka dibna marka meesha laga saaro qoyska Aayatollahi, xukunkana lala wareego si rasmi ah madaxweyne looga dhigo Axmedinajad.

Warbaahinta ayaa sheegeysa in tan iyo markuu hawlgalkaas fashilmay aanan la arkin Axmedinajad.

Puntland State 17ka Luulyo 2026Taliyaha Ciidanka Danab, Jeneraal Jimcaale Jaamac Takar, ayaa caawa soo gaaray magaalada Garoowe, kadib wada-hadallo lagu sheegay in horumar laga sameeyay oo u dhexeeyay isaga iyo Madaxweynaha Puntland, Siciid Deni. Soo laabashada Jeneraal Jimcaale ayaa timid kaddib dadaallo dhexdhexaadin ah oo ay wadeen guddi ka soo jeeda gobolka Nugaal, kuwaas oo loo xil saaray xalinta khilaaf muddo ka dhex jiray labada dhinac.

Wararka laga helayo wada-hadallada ayaa sheegaya in xukuumadda Puntland iyo Jeneraal Jimcaale ay gaareen is-afgarad hordhac ah, inkasta oo aan wali la shaacin heshiis rasmi ah oo faahfaahsan.

Ilo ku dhow dhinacyada ayaa sheegay in qodobada lagu soo qaaday wada-hadallada ay ka mid yihiin in Jeneraal Jimcaale uu ka tanaasulo xiriirro iyo qorshayaal ciidan oo uu la lahaa dowladda Federaalka Soomaaliya, iyadoo ciidamadiisana la siinayo xuquuqdooda gudaha Puntland.

Sidoo kale, wararku waxay sheegayaan in Madaxweyne Siciid Cabdullaahi Deni uu ka shaqeynayo in Jeneraal Jimcaale loo aqoonsado darajada ciidan ee ugu sarreysa, iyadoo dhinacyadu isla garteen in amniga Puntland uu yahay masuuliyad wada saaran dhammaan shacabka reer Puntland.

Dhexdhexaadinta arrintan waxaa hormuud ka ahaa guddi uu garwadeen ka yahay Madaxweynihii hore ee Puntland, Senator Cabdiraxmaan Faroole, kaas oo isku dayayay inuu isu soo dhoweeyo labada dhinac.

Wadahadallada ayaa la filayaa inay sii socdaan illaa laga gaarayo heshiis kama dambeys ah, iyadoo ay jiraan qodobo wali u baahan in labada dhinac ay isku fahmaan.

Si kasta ha ahaatee, Gen. Jimcaale oo dhawaan la sheegay in loo magacaabay taliyaha taliska qeybta 54aad ee ciidanka xoogga dalka Soomaaliyeed, inkastoo aan si rasmi ah loo shaacin magacaabistiisa, ayaa Garowe ku haysta ciidamo ka mushaar qaata dowladda Federaalka Soomaaliya.

WARARKA MAANTA 16ka Luulyo  2026 

Su’aalaha Maanta:Maxaa ka cusub siyaasadda dalka? Maxuu ugu baaqay Raysal Wasaare hore Xamsa inuu iskaga baxo Madaxtooyadda Madaxweynaha xilka ka dhammaaday Mudane Xassan Shiikh? Yaase “Dhuuso-Fooxiye” u bixiyey Madaxweyne hore Xassan? Maxuu ku fashilmay shirkii Dowladda Iyo Mucaaradka? Maxay beesha caalamka ku qasabtay Madaxweyne hore Xassan “Dhuuso=Fooxiye”? `Yaa diiday inuu dhiso maqaamka #Muqdisho? Maxay beesha caalamka u diiday inay wax dhaqaallo ah siiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

Muqdisho 16ka Luulyo 2026 Agaasimaha guud ee waaxda qorsheynta iyo hoggaaminta hawlgallada milatari ee Midowga Yurub, Sarreeye Guud Michiel van der Laan, ayaa booqday Hawlgalka Midowga Yurub ee Tababarka Ciidamada Soomaaliya iyo Xarunta Tababarka General Dhagabadan, halkaas oo lagu tababaro ciidamada Soomaaliya. 

Camaan 16ka Luulyo 2026 Wasiirka Gaashaandhigga Soomaaliya, Axmed Macallin Fiqi, ayaa booqasho rasmi ah ku tagay magaalada Cammaan, halkaas oo uu kulan kula yeeshay Taliyaha Guud ee Ciidamada Qalabka Sida ee Urdun, Sarreeye Guud Yuusuf Al-Xunaydi, si ay uga wada hadlaan xoojinta iskaashiga milatari ee labada dal. 

War ka soo baxay ciidamada qalabka sida ee Urdun ayaa lagu sheegay in kulanka lagu falanqeeyay xaaladaha amni ee gobolka iyo caalamka, iyadoo labada dhinac ay isku raaceen in la ballaariyo iskaashiga dhinacyada tababarka, is-dhaafsiga khibradaha milatari iyo horumarinta awoodda ciidamada.

Taliyaha ciidamada Urdun ayaa sheegay in iskaashiga labada dal uu door muhiim ah ka qaadan karo kor u qaadidda amniga iyo xasilloonida gobolka, gaar ahaan xilli ay jiraan caqabado amni oo isa soo taraya

Muqdisho Iyo Riyaad 16ka Luulyo 2026Sacuudi Carabiya ayaa sare u qaaday taageeradeeda dhinaca milatariga ee Soomaaliya, iyadoo hirgelinaysa heshiis iskaashi oo dhanka difaaca ah oo ay labada dal kala saxiixdeen bishii Febraayo ee sanadkan. 

Heshiiskaas ayaa lagu sheegay inuu xoojinayo wada-shaqeynta difaaca iyo milatariga, inkastoo faahfaahinta badan ee ku saabsan fulintiisa aan si rasmi ah loo shaacin.

Warar soo baxay ayaa sheegaya in ku dhowaad 5,000 oo askari oo Soomaali ah lagu tababarayo laba saldhig oo ku yaalla waqooyiga gobolka Galmudug.

Tababarka ayaa lagu soo warramayaa inay bixinayaan tababarayaal ajaanib ah oo ka kala yimid Romania, Ukraine, Koonfur Afrika iyo Colombia, kuwaas oo lagu maalgelinayo barnaamijka Sacuudiga.

Sida wararku sheegayaan, saraakiil ka socotay ciidamada Sacuudiga ayaa dhowaan booqday xarumaha tababarka si ay u qiimeeyaan halka uu marayo barnaamijku.

Sacuudi Carabiya ayaa ku biiray dalalka Khaliijka ee sii kordhinaya saameyntooda amni iyo milatari ee Soomaaliya, halkaas oo Imaaraadka Carabta iyo Qatar ay muddo dheer ku lahaayeen door muuqda.

Shirkada Maariibta 16ka Luulyo 2026 Shirkadda weyn ee maraakiibta caalamiga ah ee Maersk ayaa ku dhawaaqday inay kordhinayso kharashaadka lagu raro badeecadaha ka yimaada Turkiga kuna wajahan Soomaaliya, iyadoo ku dartay lacag dheeraad ah oo loo yaqaan Peak Season Surcharge. Shirkadda ayaa sheegtay in lacagtan dheeraadka ah lagu dabaqi doono maraakiibta xamuulka qaada iyadoo lagu saleynayo cabbirka konteenarrada iyo kharashaadka la xiriira gaadiidka badda.

Sida ku cad bayaanka Maersk, konteenarka cabbirkiisu yahay 20-foot waxaa lagu kordhin doonaa lacag dhan 200 oo doolar, halka konteenarrada waaweyn ee 40-foot iyo 45-foot lagu dari doono lacag dhan 300 oo doolar.

Maersk ayaa sheegtay in kharashkan cusub uu dhaqan geli doono laga bilaabo 28-ka Luulyo 2026, isla markaana uu khuseyn doono dalabaadka cusub ee la sameeyo wixii ka dambeeya taariikhdaas. Shirkaddu waxay caddeysay in ballamihii hore ee xamuulka aanay saameyn ku yeelan doonin.

Lacagaha loo yaqaan Peak Season Surcharge ayaa inta badan lagu soo rogaa xilliyada ay kor u kacaan baahida gaadiidka badda iyo isticmaalka dekedaha, taas oo keenta in awoodda maraakiibta iyo adeegyada xamuulka ay yaraato.

Muqdisho 16ka Luulyo 2026 La-taliyihii hore ee Amniga Qaranka Soomaaliya, Xuseen Macallin, ayaa sheegay in mustaqbalka amniga dalka uu ku xirnaan karo awoodda dowladda Soomaaliyeed ay u leedahay inay si madax-bannaan u sugto amniga, isagoo ka digay in dowladnimadu aysan ku tiirsanaan karin cid ama ciidan shisheeye. Xuseen Macallin ayaa sheegay in ciidamada iyo taageerada dibadda ay muddo dheer door ku lahaayeen sugidda amniga Soomaaliya, balse ay tahay in dalka uu yeesho qorshe uu uga maarmi karo ku tiirsanaantaas.

“Dowladnimada ma dul saarnaan karto cid ama ajnabi ah. Waa nasiib-darro in shaqadii loo baahnaa inaan ka maaranno aanan sidii loo baahnaa u qaban,” ayuu yiri Xuseen Macallin.

Wuxuu sheegay in xaaladda hadda taagan aysan ahayn mid shacabka lagu eedeyn karo, balse ay masuuliyaddeedu saaran tahay dowladihii kala dambeeyay ee Soomaaliya, kuwaas oo laga sugayay inay dhisaan hay’ado amni oo awood leh.

La-taliyihii hore ee Amniga Qaranka ayaa xusay in dib u dhaca ku yimid dhismaha ciidamada iyo hay’adaha amniga uu sababay in Soomaaliya weli u baahato taageero dibadeed.

Puntland State16ka Luulyo 2026  Madaxweynaha Puntland, Siciid Cabdullaahi Deni, ayaa ka hadlay cabashada ganacsatada ee la xiriirta dekedda Boosaaso, isagoo sheegay in dowladda aysan wax canshuur cusub ku soo rogin ganacsatada, balse la cusboonaysiiyay khidmadaha laga qaado maraakiibta isticmaasha dekedda. 

Deni wuxuu sheegay in Puntland mudnaanta siisay horumarinta kaabeyaasha dhaqaalaha, sida dekedaha iyo waddooyinka, si loo kobciyo ganacsiga iyo wax-soo-saarka dalka. Wuxuu xusay in ballaarinta dekedda Boosaaso iyo hagaajinta jidadka ay qayb ka yihiin qorshaha lagu xoojinayo dhaqaalaha Puntland.

Madaxweynaha ayaa sheegay in wararka sheegaya in canshuurta dekedda la kordhiyay ay yihiin kuwo aan sax ahayn. Sida uu sheegay, waxa la beddelay waa khidmadaha adeegyada laga qaado maraakiibta shisheeye ee badeecadaha keena dekedda, iyadoo aan la taaban canshuuraha rasmiga ah ee dowladda. Wuxuu xusay in isbeddelkan uu muddo dib u dhacay sababo la xiriira duruufaha dhaqaale ee dalka iyo taageerada dowladda ee ganacsatada.

Deni ayaa sidoo kale beeniyay wararka sheegaya in dekedda Boosaaso ay xiran tahay, isagoo caddeeyay in howlaha dekeddu ay si caadi ah u socdaan, maraakiibtuna ay soo xirtaan, shidaalkuna uu soo dego, isla markaana dhoofinta iyo soo dejintuba ay socdaan. Wuxuu sheegay in albaabada ay xireen qaar ka mid ah ganacsatada aysan ka dhignayn in dekeddu shaqada joojisay.

WARARKA MAANTA 15ka Luulyo  2026 

Su’aalaha Maanta: Ma aragteen inaysan Madaxweyne, Raysal Wasaare Iyo Guddoomiya Barlamaank tagi karin Hargaysa, Garoowe Iyp Kismaanyo? Markhaati ma ka tihiin inay #Dowladda #Soomaaliya fashilantay? Yaase “Dhuuso-Fooxiye” u bixiyey Madaxweyne hore Xassan? Maxuu ku fashilmay shirkii Dowladda Iyo Mucaaradka? Maxay beesha caalamka ku qasabtay Madaxweyne hore Xassan “Dhuuso=Fooxiye”? `Yaa diiday inuu dhiso maqaamka #Muqdisho? Maxay beesha caalamka u diiday inay wax dhaqaallo ah siiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

Muqdisho 15ka Luulyo 2026 Ra’iisul Wasaare Ku-Xigeenka XFS oo furay Shirweynaha Saddexaad ee Madasha Horumarinta Soomaaliya

Muqdisho, 14 Luulyo 2026: Ra’iisul Wasaare Ku-Xigeenka Xukuumadda Federaalka Soomaaliya, Mudane Saalax Axmed Jaamac, ayaa furay Shirweynaha Saddexaad ee Madasha Horumarinta Soomaaliya (Somalia Development Forum), oo ay si wadajir ah u soo qabanqaabiyeen Machadka Heritage iyo Jaamacadda City.

Ra’iisul Wasaare Ku-Xigeenka oo madasha ka hadlay ayaa sheegay  in Soomaaliya ay ku tallaabsatay horumar muuqda oo dhinacyada dib-u-habaynta dowladnimada, dimuqraadiyadda, kobaca dhaqaalaha iyo maalgashiga horumarineed, inkastoo ay jiraan caqabado ay ka mid yihiin isbeddelka cimilada, hoos u dhaca taageerada caalamiga ah iyo saameynta xasillooni darrada gobolka.

Waxa uu xusay in dowladda ay ka go’an tahay dardargelinta hirgelinta Qorshaha Isbeddelka Qaranka (NTP 2025–2029), xoojinta adkeysiga dhaqaalaha iyo u diyaar-garowga khataraha soo socda.

Mudane Saalax Axmed Jaamac ayaa sidoo kale carrabka ku adkeeyay muhiimadda wada-hadalka, dowlad-dhiska loo dhan yahay iyo iskaashiga dowladda, bulshada rayidka ah, aqoonyahannada iyo bah-wadaagta horumarinta, si loo helo Soomaaliya nabad ah, dimuqraadi ah oo xasilloon.

Shirweynaha oo socon doona laba maalmood ayaa lagu falanqeyn doonaa arrimo muhiim u ah mustaqbalka dalka, oo ay ka mid yihiin dowlad-wanaagga, dib-u-heshiisiinta, amniga, dhaqaalaha, horumarinta iyo adkeysiga Soomaaliya ee caqabadaha gudaha iyo kuwa dibadda.

(ECOSOC) 15ka Luulyo 2026 Dowladda Federaalka Soomaaliya ayaa Golaha Dhaqaalaha iyo Arrimaha Bulshada ee Qaramada Midoobay (ECOSOC) ku soo bandhigtay horumarka ay sheegtay inay ka gaartay dhinacyada dhaqaalaha, dowlad-dhiska, amniga iyo horumarinta bulshada, iyadoo ugu baaqday beesha caalamka inay sii xoojiso iskaashiga iyo maalgelinta lagu taageerayo qorshayaasha horumarineed ee dalka. 

Wasiirka Qorsheynta, Maalgashiga iyo Horumarinta Dhaqaalaha, Maxamuud Cabdi Sheekh Faarax (Beenebeene), oo khudbad ka jeediyay shirka heer wasiir ee ECOSOC, ayaa sheegay in Soomaaliya ay sanadihii u dambeeyay gaartay guulo uu ku tilmaamay kuwo taariikhi ah, oo ay ka mid yihiin dhammaystirka Barnaamijka Deyn Cafinta (HIPC), qaadista cunaqabateyntii hubka ee Qaramada Midoobay, dib u soo celinta doorashooyinka qof iyo cod, doorashada Soomaaliya ee Golaha Ammaanka ee Qaramada Midoobay, iyo horumarka laga sameeyay dib u xoreynta deegaanno laga saaray Al-Shabaab.

Wasiirku wuxuu sheegay in Qorshaha Isbeddelka Qaranka (NTP 2025–2029) uu yahay tiirka hagaya qorshaha horumarinta dalka, isagoo xusay in dowladda ay hiigsanayso kobac dhaqaale oo waara, kor u qaadidda maalgashiga iyo yareynta ku tiirsanaanta gargaarka bani’aadannimo.

Muqdisho 15ka Luulyo 2026 KUSIMAHA MADAXWEYNAHA JAHMHUURIYADDA AHNA GUDDOOMIYAHA KMG AH EE GOLAHA SHACABKA OO XAFIISKEEDA KU QAABISHAY DUQA MAGAALADA ST. LOUIS PARK EE DALKA MAREYKANKA.

Muqdisho, Soomaaliya – 14 Luulyo, 2026: Kusimaha Madaxweynaha Jamhuuriyadda Ahna Guddoomiyaha Kmg ah ee Golaha Shacabka Baarlamaanka Jamhuuriyadda Federaalka Soomaaliya Marwo Sacdiya Yaasiin Xaaji samatar oo uu wahliyo Xoghayaha Guud ee Ee Galaha Shacabka ayaa maanta xafiiskeeda kulan kula qaadatay Duqa Magaalada St. Louis Park, Gobolka Minnesota ee dalka Maraykanka, Marwo Nadia Mohamed, oo booqasho rasmi ah ku joogta Caasimadda Dalka ee Muqdisho.

Ugu horreyn, Xoghayaha Guud ee Golaha Shacabka Mudane Cabdiraxmaan Maxamed Cabdulle (Jaabiri) ayaa Duqa Magaalada St. Louis Park, Marwo Nadia Mohamed warbixin guud ka siiyey howlaha Golaha shacabka, sharciyada muhiimka ah ee uu ansixiyey Golaha iyo sidoo kale tababarada Joogtada ah ee loo sameeyo howlwadeenada Golaha, waxayna dhankeeda uga mahadcelisay Guddoomiye Sacdiya soo dhaweynta iyo martigelinta ay u sameysay, iyadoo bogaadisay guud ahaan guulaha laga gaaray dowlad dhiska Soomaaliya.

Ugu dambeyn, Kusimaha Madaxweynaha Jamhuuriyadda ahna Guddoomiyaha Kmg ah ee Golaha Shacabka Baarlamaanka Jamhuuriyadda Federaalka Soomaaliya Marwo Sacdiya Yaasiin Xaaji samatar ayaa marwo Nadia Mohamed ku bogaadisay guusha taariikhiga ah ee ay gaartay, taas oo ka dhigtay haweeneydii ugu horreysay ee Soomaaliyeed ee loo doorto xilka Duqa Magaalada St. Louis Park, iyadoo sheegtay in guushaasi ay tahay mid dhiirregelin u ah dhammaan bulshada Soomaaliyeed, gaar ahaan haweenka ayna muujinayso kartida iyo kaalinta firforcoon ee ay Soomaalidu ku leeyihiin hoggaaminta, waxayna ugu dambeyn guddoonsiisay nuqulka Dastuurka jamhuuriyadda ee dib U eegista iyo dhameystirka lagu sameeyey ee uu dhawaan Ansixiyey Baarlamaanka labadiisa Aqal iyo sidoo kale hadiyado ka turjumaya hidaha iyo dhaqanka Soomaaliyeed.

Dooxa 15ka Luulyo 2026 Madaxweynaha Jamhuuriyadda Federaalka Soomaaliya, Xasan Sheekh Maxamuud, ayaa Talaadada maanta gaaray magaalada Doha ee dalka Qatar, halkaas oo uu uga qaybgalayo munaasabadda tacsi ee loo sameeyay geerida Amiirkii hore ee Qatar, Sheekh Xamad Bin Khaliifa Al-Thaani.

Madaxweynaha iyo wafdiga uu hoggaaminayo ayaa waxaa garoonka diyaaradaha caalamiga ah ee Xamad ku soo dhaweeyay Wasiirka Gaadiidka Qatar, Sheekh Maxamed Bin Cabdullaahi Bin Maxamed Al-Thaani, iyo Safiirka Soomaaliya u fadhiya Qatar, Maxamed Axmed Sheekh Cali.

Booqashada Madaxweynaha Soomaaliya ayaa ku soo beegmaysa xilli Qatar ay ka murugaysan tahay geerida Amiirkii hore ee dalkaasi, oo door weyn ku lahaa taariikhda siyaasadeed iyo horumarka Qatar.

Muqdisho 15ka Luulyo 2026 Dowladaha Soomaaliya iyo Shiinaha ayaa kala saxiixday heshiis u oggolaanaya in badeecadaha kalluumeysiga Soomaaliya loo dhoofiyo suuqyada Shiinaha iyadoo laga dhaafayo canshuuraha, sida ay sheegtay Wasaaradda Kalluumeysiga iyo Dhaqaalaha Buluugga ee Soomaaliya. Wasaaraddu waxay sheegtay in tani ay tahay markii ugu horreysay ee badeecadaha kalluunka Soomaaliyeed ay si rasmi ah u helaan fursad ay ku galaan suuqa Shiinaha iyagoo ka faa’iideysanaya canshuur-dhaaf, arrintaas oo la filayo inay kordhiso tartanka iyo fursadaha dhoofinta ee kalluumeysatada iyo ganacsatada Soomaaliyeed.

Wasiir Axmed Xasan Aadan ayaa sheegay in heshiisku uu xoojinayo xiriirka dhaqaale ee u dhexeeya Soomaaliya iyo Shiinaha, isla markaana uu abuuri doono fursado cusub oo maalgashi iyo iskaashi oo dhinaca kalluumeysiga ah.

WARARKA MAANTA 13ka Luulyo  2026 

Su’aalaha Maanta: Maxay fashileen Weriye Cabdikariim Iyo Weriye Cabdinuur? Yaase “Dhuuso-Fooxiye” u bixiyey Madaxweyne hore Xassan? Maxuu ku fashilmay shirkii Dowladda Iyo Mucaaradka? Maxay beesha caalamka ku qasabtay Madaxweyne hore Xassan “Dhuuso=Fooxiye”? `Yaa diiday inuu dhiso maqaamka #Muqdisho? Maxay beesha caalamka u diiday inay wax dhaqaallo ah siiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

Pakistan 13ka Luulyo  2026 Wasiirka Wasaaradda Qoyska iyo Horumarinta Xuquuqul Insaanka XFS oo kulan miro-dhal ah la qaadatay Guddoomiyaha Golaha Haweenka Qaranka Pakistan

Islamabad, Pakistan – Wasiirka Wasaaradda Qoyska iyo Horumarinta Xuquuqul Insaanka Dowladda Federaalka Soomaaliya, Amb. Khadiija Maxamed Al-Makhzoumi, ayaa magaalada Islamabad ee Jamhuuriyadda Islaamiga ah ee Pakistan kulan gaar ah kula qaadatay Guddoomiyaha Golaha Haweenka Qaranka Pakistan, Marwo Noureen Bano Lehri. Kulankan ayaa qeyb ka ah dadaallada lagu xoojinayo xiriirka saaxiibtinimo iyo iskaashiga u dhexeeya Soomaaliya iyo Pakistan, gaar ahaan arrimaha horumarinta haweenka iyo kor u qaadista xuquuqdooda.

Guddoomiyaha Golaha Haweenka Qaranka Pakistan ayaa Wasiirka la wadaagtay warbixin ku saabsan xaaladda haweenka dalka Pakistan, horumarka ay ka sameeyeen dhinacyada waxbarashada, awood-siinta dhaqaalaha, ka-qaybgalka hoggaaminta iyo sidii ay uga gudbeen caqabadihii hortaagnaa. Wasiirka ayaa bogaadisay dadaallada dowladda Pakistan ee lagu horumarinayo doorka haweenka iyo xaqiijinta ka-qaybgalkooda bulshada.

Labada mas’uul ayaa sidoo kale si qoto dheer uga wada hadlay xoojinta iskaashiga labada dal ee dhinacyada horumarinta haweenka, iyagoo isla gartay muhiimadda ay leedahay is-dhaafsiga khibradaha, aqoonta iyo hababka ugu wanaagsan ee lagu kobcin karo awoodda haweenka Soomaaliyeed iyo kuwa Pakistan. Waxa kale oo ay ka wada hadleen suuragalnimada mataaneynta hay’adaha iyo barnaamijyada taageera haweenka si loo xoojiyo wada-shaqeynta labada dhinac.

Wasiirka Wasaaradda Qoyska iyo Horumarinta Xuquuqul Insaanka XFS, Amb. Khadiija Maxamed Al-Makhzoumi, ayaa adkaysay sida Dowladda Federaalka Soomaaliya ay uga go’an tahay ballaarinta iskaashiga caalamiga ah ee ku saleysan horumarinta haweenka, ilaalinta xuquuqdooda iyo xoojinta kaalintooda hoggaamineed. Kulankan ayaa la filayaa inuu gogol xaaro iskaashi waara oo faa’iido u leh haweenka labada dal iyo horumarinta xiriirka Soomaaliya iyo Pakistan. Kulankan waxaa Wasiirka ku wehliyay Safiirka Soomaaliya ee Pakistan Danjire ShiikhNur Maxamed Xasan

Koomfur Galbeed 13ka Luulyo  2026 HOGAAMIYAHA DOWLADDA KOONFUR GALBEED MUDANE SHEKH AADAN MADOOBE AYAA DHAGAX DHIGAY DHISMAHA MASJID WEYN OO LAGA DHISAYO AQALKA MADAXTOOYADA.

Baydhabo – 13 Juun, 2026: Hoggaamiyaha Dowladda Koonfur Galbeed, Mudane Sheekh Aadan Maxamed Nuur (Madoobe) ayaa maanta si rasmi ah u dhagax dhigay dhismaha masjid weyn oo laga hirgelinayo Aqalka Madaxtooyada Dowladda Koonfur Galbeed ee Magaalada Baydhabo.

Masjidkan ayaa noqon doona goob muhiim u ah gudashada cibaadada waxaana loogu talagalay inay ka faa’iideystaan madaxda dowladda, shaqaalaha Madaxtooyada iyo dhammaan martida soo booqata xarunta Madaxtooyada.

Dhismaha masjidka ayaa qeyb ka ah dadaallada Dowladda Koonfur Galbeed ee lagu horumarinayo kaabeyaasha Aqalka Madaxtooyada, iyadoo mudnaan gaar ah la siinayo kobcinta adeegyada bulshada iyo xoojinta qiyamka diinta Islaamka.

Hogaamiyaha Dowladda Koonfur Gableed Mudane Sheekh Aadan Maxamed Nuur (Madoobe) ayaa tilmaamay in dhismaha masjidkan uu ka tarjumayo sida ay dowladdu uga go’an tahay dhiirrigelinta cibaadada, mideynta bulshada iyo dhismaha xarumo tayo leh oo u adeegaya shacabka.

Wasiirka magacaaban ee Wasaarada Warfaafinta ahna Wasiirkii Hore Wasaarada Diinta iyo Awqaafta Mudane Nuur Siidow Baaba iyo wasiirka cusub Wasaarada Diinta  Mudane Aadan Macalin Cabdiraxmaan ayaa soo dhaweeyey hirgelinta mashruucan muhiimka ah, iyagoona muujiyey rajada ay ka qabaan inuu noqdo goob lagu xoojiyo cibaadada, wacyigelinta iyo midnimada bulshada

                        DHAMAAD

DDSI 13ka Luulyo  2026 Madaxweynaha DDS Mudane Mustafe Muxumed Cumar ayaa furay kulanka Koomishinka Xuquuqul Insaanka Itoobiya.

‎Kulanka ayaa waxaa ka soo qayb galay Koomishineerka Koomishinka Xuquuqul Insaanka Itoobiya, Koomishineerka Koomishinka Xabsiyada Dalka, Koomishinka Xallinta Cabashooyinka Dalka, hay’adaha caddaaladda, afhayeennada deegaanada iyo koomishineerrada koomishinnada asluubta ee deegaanada dalka iyo marti sharaf kale.

‎Madaxweynaha DDS Mudane Mustafe Muxumed Cumar ayaa sheegay in loo baahan yahay in si wadajir ah loo ilaaliyo sarreynta sharciga iyo xuquuqul insaanka, isla markaana kulankan heer qaran uu door wanaagsan ka qaadan doono arrimahaas.‎

‎Madaxweynaha ayaa sidoo kale sheegay in ilaalinta xuquuqda aadamuhu ay kor u qaaddo nabadda, horumarka iyo caddaaladda.

Iran 13ka Luulyo  2026  Xiisadda u dhexeysa Mareykanka iyo Iran ayaa sii xoogeysatay, kaddib markii Iran ay sheegtay inay weerarro gantaallo ah ku qaaday saldhigyo ciidan oo Mareykanku ku leeyahay dalalka Baxreyn, Kuweyt, Cumaan iyo Urdun, iyadoo tallaabadaas ku tilmaantay jawaab ay ka bixisay duqeymihii ugu dambeeyay ee Mareykanku ka geystay koonfurta Iran. 

Wararka ayaa sheegaya in qaraxyo laga maqlay magaalooyinka dekedaha ah ee Bandar Abbas, Sirik iyo Jask, iyo sidoo kale Jasiiradda Qeshm, xilli xiisaddu ay weli ka taagan tahay marin-biyoodka istaraatiijiga ah ee Hormuz. Dowladda Iran ayaa sidoo kale sheegtay in ku dhowaad toban gantaal ay ku garaacday saldhigyada Maraykanka.

Mareykanka ayaa sheegay inuu maalin ka hor beegsaday ugu yaraan 140 badhtilmaameed oo ku yaalla gudaha Iran, halka Tehran ay sheegtay inay tallaabo aargoosi ah ka qaaday saldhigyo Mareykan ah oo ku yaalla dalal dhowr ah oo Khaliijka iyo Bariga Dhexe ah.

Kenys 13ka Luulyo  2026  Ciidamada la dagaallanka argagixisada ee Kenya ayaa sheegay inay dileen 11 xubnood oo ka tirsan Al-Shabaab, kadib howlgal sirdoon ku saleysnaa oo laga fuliyay xero ay kooxda ku lahayd meel u dhow xadka Soomaaliya iyo Kenya.Bayaan ay soo saareen saraakiisha amniga Kenya ayaa lagu sheegay in howlgalka, oo ay fuliyeen cutubyo gaar ah oo ay taageerayeen diyaarado, lagu bartilmaameedsaday ku dhowaad 30 dagaalyahan oo la sheegay inay qorsheynayeen weerar ka dhaca deegaanno ku yaalla gobolka Mandera.

Mas’uuliyiinta Kenya waxay sheegeen in weerarka lagu dilay 11 xubnood oo ka tirsan Al-Shabaab, halka toddobo kale ay dhaawacyo culus soo gaareen. 

Waxay sidoo kale sheegeen in ciidamadu ay gacanta ku dhigeen saddex qori oo nooca PKM ah iyo rasaas gaaraysa 409 xabbo.

War-saxaafadeedka ayaa intaas ku daray in dagaalyahannadii ka badbaaday howlgalka ay dib ugu gurteen dhinaca Soomaaliya.

Muqdisho 13ka Luulyo  2026 Muranka u dhexeeya Wasaaradda Dhallinyarada iyo Ciyaaraha Soomaaliya iyo Guddiga Olombikada Qaranka (SONOC) ayaa sii xoogeysanaya, kadib markii wasiirka wasaaraddu uu dalbaday in baaritaan dhamaystiran lagu sameeyo maamulka guddiga, si loo xoojiyo daahfurnaanta, isla xisaabtanka iyo kalsoonida lagu qabo hay’adaha maamula ciyaaraha dalka.   Wasiirka Dhallinyarada iyo Ciyaaraha Maxamed Cabdulqaadir Cali ayaa sheegay in dib-u-eegista lagu sameynayo guddiga ay lagama maarmaan u tahay ilaalinta hufnaanta maamulka, maareynta hantida dadweynaha iyo habsami u socodka hay’adaha ciyaaraha.

Hase yeeshee, Guddiga Olombikada Soomaaliya ayaa si adag u diiday tallaabada wasaaradda, isaga oo ku tilmaamay faragelin lagu hayo hay’ad madax-bannaan oo ku shaqaysa xeerarka dhaqdhaqaaqa Olombikada caalamiga ah. Guddigu wuxuu sheegay in muranku aanu ku koobnayn shaqsiyaad ama go’aanno maamul, balse uu salka ku hayo halka uu ku egyahay kormeerka dowladda iyo halka ay ka bilaabanayso madax-bannaanida guddiyada Olombikada ee uu aqoonsan yahay Guddiga Caalamiga ah ee Olombikada (IOC).

Codsiga cusub ee baaritaanka ayaa daba socda go’aan ay wasaaraddu qaaday bishii Nofeembar 2025, markaas oo ay shaqada ka joojisay guddoomiyaha SONOC Axmed Cabdi Xasan (Wataac) iyo xoghayaha guud Maxamed Cabdow Xaaji, iyadoo ku eedeysay inay ku xadgudbeen xeerarka ciyaaraha, maamulka iyo anshaxa shaqada. Wasaaraddu waxay sidoo kale sheegtay inay dacwad u gudbisay Xafiiska Xeer Ilaaliyaha Guud oo la xiriirta saraakiil kale oo guddiga ka tirsan.

Illaa iyo hadda lama shaacin natiijo rasmi ah oo baaritaan ama go’aan maxkamadeed oo caddeynaya eedeymahaas, waxaana weli loo arkaa eedeymo aan lagu caddayn hannaan sharciyeed.

Dhanka kale, hoggaanka SONOC ayaa ku dooday in wasaaraddu aysan sharci u lahayn inay xilka ka qaaddo madaxda guddiga, maadaama doorashadooda iyo waajibaadkoodu ay ku saleysan yihiin xeerarka Olombikada ee caalamiga ah. Guddigu wuxuu sidoo kale ku eedeeyay dowladda inay isku dayday inay faragelin ku sameyso xarumaha guddiga, xiriirka uu la leeyahay hay’adaha ciyaaraha caalamiga ah iyo maamulka xarumaha ciyaaraha.

Muranka ayaa sare u qaaday walaac ku saabsan mustaqbalka ciyaaraha Soomaaliya, iyadoo khubaradu ay sheegayaan in isku dhac kasta oo daba dheeraada uu si toos ah u saameyn karo ciyaartoyda, xiriirka ururrada caalamiga ah, helitaanka maalgelinta iyo ka qaybgalka tartamada dibadda.

Axdiga Guddiga Caalamiga ah ee Olombikada wuxuu oggol yahay in guddiyada Olombikada ay la shaqeeyaan dowladahooda, balse wuxuu sidoo kale farayaa inay ka madax-bannaanadaan faragelin siyaasadeed ama maamul oo saameyn karta shaqadooda. Sida ku cad diiwaanka IOC, illaa 13-kii Luulyo 2026, Axmed Cabdi Xasan iyo Maxamed Cabdow Xaaji ayaa weli ku qoran guddoomiyaha iyo xoghayaha guud ee Guddiga Olombikada Soomaaliya, inkastoo wasaaraddu ay hore u shaacisay hakintooda.

Illaa iyo hadda lama shaacin natiijo rasmi ah oo baaritaan ama go’aan maxkamadeed oo caddeynaya eedeymahaas, waxaana weli loo arkaa eedeymo aan lagu caddayn hannaan sharciyeed.

Dhanka kale, hoggaanka SONOC ayaa ku dooday in wasaaraddu aysan sharci u lahayn inay xilka ka qaaddo madaxda guddiga, maadaama doorashadooda iyo waajibaadkoodu ay ku saleysan yihiin xeerarka Olombikada ee caalamiga ah. Guddigu wuxuu sidoo kale ku eedeeyay dowladda inay isku dayday inay faragelin ku sameyso xarumaha guddiga, xiriirka uu la leeyahay hay’adaha ciyaaraha caalamiga ah iyo maamulka xarumaha ciyaaraha.

Muranka ayaa sare u qaaday walaac ku saabsan mustaqbalka ciyaaraha Soomaaliya, iyadoo khubaradu ay sheegayaan in isku dhac kasta oo daba dheeraada uu si toos ah u saameyn karo ciyaartoyda, xiriirka ururrada caalamiga ah, helitaanka maalgelinta iyo ka qaybgalka tartamada dibadda.

Axdiga Guddiga Caalamiga ah ee Olombikada wuxuu oggol yahay in guddiyada Olombikada ay la shaqeeyaan dowladahooda, balse wuxuu sidoo kale farayaa inay ka madax-bannaanadaan faragelin siyaasadeed ama maamul oo saameyn karta shaqadooda. Sida ku cad diiwaanka IOC, illaa 13-kii Luulyo 2026, Axmed Cabdi Xasan iyo Maxamed Cabdow Xaaji ayaa weli ku qoran guddoomiyaha iyo xoghayaha guud ee Guddiga Olombikada Soomaaliya, inkastoo wasaaraddu ay hore u shaacisay hakintooda.

WARARKA MAANTA 12ka Luulyo  2026 

Su’aalaha Maanta: Yaa “Dhuuso-Fooxiye” u bixiyey Madaxweyne hore Xassan? Maxuu ku fashilmay shirkii Dowladda Iyo Mucaaradka? Maxay beesha caalamka ku qasabtay Madaxweyne hore Xassan “Dhuuso=Fooxiye”? `Yaa diiday inuu dhiso maqaamka #Muqdisho? Maxay beesha caalamka u diiday inay wax dhaqaallo ah siiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

Pakistan 12ka Luulyo  2026 Waxaan ku soo laabtay Islamabad oo ay iigu dambeysay afar sano ka hor aniga oo ku imid booqasho rasmi ah. Waxaa farxad ii ah inaan dib u soo booqdo magaalo lix sano ahayd gurigayga anigoo ahaa Safiirka Soomaaliya ee Pakistan.

Islamabad waxay igu leedahay xusuuso badan oo qaali igu ah. Waxaan rajeynayaa inaan qeyb ka noqdo sii-xoojinta saaxiibtinnimo iyo iskaashi waara oo u dhaxeeya labadeenna dal ee Soomaaliya iyo Pakistan.

Muqdisho 12ka Luulyo  2026 Taliyaha Ciidanka Dhulka Turkiga, Jeneraal Metin Tokel, iyo Taliyaha Ciidanka Dhulka Xoogga Dalka Soomaaliyeed ayaa billad sharaf uu bixiyay Madaxweynaha Turkiga ku guddoonsiiyay Taliyaha Guutada 18-aad ee Kumaandooska Gorgor, Gaashaanle Dhexe Aadan Maxamed Faarax.

Billaddan sharafeed ayaa lagu maamuusay dadaalka, hoggaaminta iyo doorka muuqda ee Gaashaanle Dhexe Aadan Maxamed Faarax ka qaatay horumarinta iyo tayeynta Ciidanka Kumaandooska Gorgor, taas oo muujinaysa xoojinta xiriirka iskaashi ee u dhexeeya Soomaaliya iyo Turkiga ee dhinaca Difaaca iyo tababarka ciidamada.

Galmudug 12ka Luulyo  2026 Wasiir Ku-xigeenka Wasaaradda Warfaafinta, Dhaqanka iyo Dalxiiska ee Dawladda Federaalka Soomaaliya Mudane Cabdiraxmaan Yuusuf Al-Cadaala oo hoggaaminaya kooxda ololaha doorashada Musharaxa Hoggaamiyaha Galmudug ee Urur Siyaasadeedka JSP Mudane Liibaan Axmed Xasan ayaa kulan la qaatay Wasiirro iyo masuuliyiin kale oo ka tirsan Galmudug, saraakiil iyo hoggaanka dhalinyarada Galmudug.

Kulankaan oo ka dhacay magaalada Dhuusamareeb ayaa Wasiir Al-Cadaala wuxuu masuuliyiinta iyo dhalinyarada la wadaagay sidii ay qayb uga noqon lahaayeen dardar-galinta doorashada Galmudug, isagoo ka codsaday inay codkooda siiyaan Urur Siyaasadeedka JSP.

Wasiirka ayaa sidoo kale kulanka ka sheegay in Musharax Liibaan Axmed Xasan uu yahay xilligaan qofka ugu haboon ee Galmudug hoggaan u noqon kara, maadaama uu si wanaagsan u garanayo baahiyaha ka jira deegaanka, isla markaana aqoonstiisa iyo kartidiisa uu Urur Siyaasadeedku ku soo xushay.

Dhankooda, Masuuliyiinta reer Galmudug iyo dhallinyarada ka soo qeyb gashay kulankaas ayaa si diiran u soo dhaweeyay codsiga Wasiir Al-Cadaala, iyagoo balanqaaday in ay si buuxda uga qayb qaadan doonaan doorashada, isla markaana ay codkooda sii doonaan Urur Siyaasadeedka JSP.

Galmudug waxaa si weyn looga dareemayaa dhaqdhaqaaqyada doorashada qofka iyo codka ah, taas oo la filayo in ay dhamaadka bishaan ka qabsoonto deegaanada Galmudug.

Muqdisho 12ka Luulyo  2026 Hay’adda Adeegyada Jinsiyadda iyo Socdaalka ee Maraykanka (USCIS) ayaa cusboonaysiisay hagitaankeeda ku saabsan oggolaanshaha shaqada ee muwaadiniinta ka socda dalal leh xaaladda Temporary Protected Status (TPS), kuwaas oo weli dacwado sharci ay ka socdaan oo la xiriira qorshayaasha lagu joojinayo xaaladdooda. 

Hay’adda waxay dejisay taariikho ku meel gaar ah oo loo adeegsanayo oggolaanshaha shaqada, iyadoo Soomaaliya iyo lix dal oo kale loo asteeyay 17-ka Luulyo 2026, halka Haiti loo asteeyay 24-ka Luulyo 2026.

Dalalka ay arrintani khusayso waxaa ka mid ah Soomaaliya, Itoobiya, Suuriya, Myanmar (Burma), Koonfurta Suudaan, Yemen iyo Haiti.

USCIS ayaa caddeysay in taariikhahan aysan ahayn taariikhaha rasmiga ah ee lagu joojinayo xuquuqda shaqada, balse ay yihiin taariikho ku meel gaar ah (placeholder dates) oo loo isticmaali doono inta dacwadaha maxkamaduhu ka gaarayaan go’aannada kama dambaysta ah.

Hay’addu waxay sheegtay in loo-shaqeeyayaasha looga baahan yahay inay dib u cusboonaysiiyaan diiwaannada shaqaalaha ay khusayso kordhintan, iyagoo ku qoraya taariikhaha cusub qaybta xogta dheeraadka ah ee foomamka xaqiijinta shaqada.

Muqdisho 12ka Luulyo  2026 Wasiir Ku-xigeenka Wasaaradda Warfaafinta, Dhaqanka iyo Dalxiiska ee Dawladda Federaalka Soomaaliya Mudane Cabdiraxmaan Yuusuf Al-Cadaala oo hoggaaminaya kooxda ololaha doorashada Musharaxa Hoggaamiyaha Galmudug ee Urur Siyaasadeedka JSP Mudane Liibaan Axmed Xasan ayaa kulan la qaatay Wasiirro iyo masuuliyiin kale oo ka tirsan Galmudug, saraakiil iyo hoggaanka dhalinyarada Galmudug.

Kulankaan oo ka dhacay magaalada Dhuusamareeb ayaa Wasiir Al-Cadaala wuxuu masuuliyiinta iyo dhalinyarada la wadaagay sidii ay qayb uga noqon lahaayeen dardar-galinta doorashada Galmudug, isagoo ka codsaday inay codkooda siiyaan Urur Siyaasadeedka JSP.

Wasiirka ayaa sidoo kale kulanka ka sheegay in Musharax Liibaan Axmed Xasan uu yahay xilligaan qofka ugu haboon ee Galmudug hoggaan u noqon kara, maadaama uu si wanaagsan u garanayo baahiyaha ka jira deegaanka, isla markaana aqoonstiisa iyo kartidiisa uu Urur Siyaasadeedku ku soo xushay.

Dhankooda, Masuuliyiinta reer Galmudug iyo dhallinyarada ka soo qeyb gashay kulankaas ayaa si diiran u soo dhaweeyay codsiga Wasiir Al-Cadaala, iyagoo balanqaaday in ay si buuxda uga qayb qaadan doonaan doorashada, isla markaana ay codkooda sii doonaan Urur Siyaasadeedka JSP.

Galmudug waxaa si weyn looga dareemayaa dhaqdhaqaaqyada doorashada qofka iyo codka ah, taas oo la filayo in ay dhamaadka bishaan ka qabsoonto deegaanada Galmudug

WARARKA MAANTA 11ka Luulyo  2026 

Su’aalaha Maanta: Yaa ka oohisiiyey Madaxweynaha #Puntlandstate Saciid Deni “Boosaneero/Musuqul Xaar”? Maxuuse maanta Madaxweynaha Puntland Saciid Deni uga ooynaayaa Madaxweyneha xilka ka dhammaaday Xassan Shiikh “Dhuuso-Fooxiye”? Maxuu u rabaa Madaxweyne hore Xassan Shiikh inuu burburiyo #PuntlandState? Yaa “Dhuuso-Fooxiye” u bixiyey Madaxweyne hore Xassan? Maxuu ku fashilmay shirkii Dowladda Iyo Mucaaradka? Maxay beesha caalamka ku qasabtay Madaxweyne hore Xassan “Dhuuso=Fooxiye”? `Yaa diiday inuu dhiso maqaamka #Muqdisho? Maxay beesha caalamka u diiday inay wax dhaqaallo ah siiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

Puntland 11ka Luulyo  2026 #BOSAASO: Waxaa maalintii 11-aad oo xiriir ah xiran Dekedda magaalada Boosaaso, kaddib markii uu weli socdo khilaaf ka dhashay cashuur cusub oo ganacsatadu sheegeen in lagu soo rogay gaadiidka iyo badeecadaha ka soo dega dekedda.

Xirnaanshaha dekedda ayaa si weyn u saameeyay isu socodkii badeecadaha, ganacsiga, iyo dhaq-dhaqaaqii dhaqaale ee magaalada Boosaaso iyo guud ahaan deegaannada ku tiirsan dekedda magaalada Bosaaso.

Boosaaso oo ah dekedda ugu weyn ee ganacsiga Puntland, ayaa muhiim u ah soo dejinta raashinka, qalabka dhismaha, shidaalka, dawooyinka iyo badeecooyin kale oo daruuri ah, taasi oo uu hada taabay cashuurta dheeradka ah ee lagu soo rogay.

Inta uu hakadku yimid waxaa dekadda ku xayiran boqolaal gaadiid xamuul ah oo ku xaniban gudaha iyo bannaanka dekedda, halka maraakiibta qaarkood ay dib u dhac kala kulmayaan dejinta ama rarista shixnadahooda. Waxaa sidoo kale jira walaac laga qabo in haddii xaaladdu sii socoto ay keeni karto yaraanshaha badeecooyinka qaar iyo kororka sicirka suuqyada

Waxaa sidoo kale socda wada hadalo u dhexeeya ganacsatada iyo Dowlada oo xal looga gaarayo cabashada ay qabaan Gacasatadu.

Siciid Rakaawi

Muqdisho 11ka Luulyo  2026 Waxaan guud ahaan ummadda Soomaaliyeed, gaar ahaan qoyskiisa & qaraabada uga tacsiyeynayaa geerida naxdinta leh ee ku timid Cali Cabdille Fiixiye (Cali Shucaac).

Alle ha u naxariistee Marxuumku, wuxuu taariikh mug leh ku dhex-lahaa bulshada Soomaaliyeed isagoo inta badan wakhtigiisa ku bixiyay halgan ku dhisan waddaniyad iyo dal jacayl.

Waxaan mar kale dareenka geeridiisa murugada leh la wadaagayaa ummadda Soomaaliyeed gaar ahaan carruurtiisa, qoyskiisa iyo ehelka, waxaana Allah u waydiineynaa Marxuumka janatul fardowsa, innagana samir iyo iimaan Alle ha naga wada siiyo

Turkey 11ka Luulyo  2026 Wasiirka Arrimaha Dibadda Turkiga, Hakan Fidan oo waraysi gaar ah siiyay wargeyska dawladda Imaaraadka Carabta ee The National ayaa ka hadlay dhaqdhaqaaqyadii u dambeeyay iyo hadallada ka dhanka ah Turkiga ee ka soo baxaya Israa’iil.

Wuxuu yiri;

“Ma jiro wax sabab ah oo keeni kara dagaal toos ah oo u dhexeeya Turkiga iyo Israa’iil.

Waxaan rumeysanahay in gudaha Israa’iil ay weli jiraan dad leh aragti fog oo ka duwan tan Ra’iisul Wasaare Benjamin Netanyahu iyo kooxdiisa.

Netanyahu iyo qaar ka mid ah xulafadiisa waxay u baahan yihiin cadow cusub, maadaama doorashooyinku soo dhow yihiin.

Kadib dagaalladii ay la galeen Xamaas, Xisbullah iyo Iiraan, waxay hadda isku dayayaan inay Turkiga ka dhigaan cadowga xiga.”

Wuxuu intaa ku daray;

“Siyaasadaha dowladda Netanyahu dhib kuma aha Turkiga oo keliya. Waxay khatar ku yihiin Israa’iil lafteeda, dalalka gobolka, iyo xitaa amniga dunida.

Meel kasta oo aan tago waxaan ka dareemayaa in dad badan ay isku raacsan yihiin in siyaasadaha dowladda Netanyahu ay halis ku yihiin amniga iyo dhaqaalaha caalamka.Xitaa hoggaamiyeyaasha Yurub, inkastoo ay markii hore ka gaabinayeen arrintan, waxay hadda bilaabeen inay fahmaan khatarta jirta. Sidoo kale Donald Trump ayaa isna bilaabay inuu garwaaqsado.

Marka laga hadlayo Suuriya, haddii Israa’iil isku daydo inay xasillooni darrada ka abuurto halkaas, Turkigu wuxuu dib u eegis ku samayn doonaa qorshayaashiisa iyo sida uu xaaladda ula tacaalayo.

Waxaa kaloo uu yiri;

“ Sida ay Israa’iil ula dhaqmayso dalalka gobolka waxay muujinaysaa inaysan doonayn inay hareeraheeda ka jiraan dalal deggan oo xooggan.

Sidaas darteed waxaan la shaqaynaynaa Sacuudiga, Pakistan iyo Masar si loo dhiso nidaam cusub oo amni oo gobolka ah.

Nidaamkan cusub ma beddeli doono ururrada hadda jira sida Jaamacadda Carabta ama Golaha Iskaashiga Khaliijka, balse wuxuu ujeeddadiisu tahay in go’aannada muhiimka ah si degdeg ah loo gaaro.

Nidaamkan amni wuxuu ku salaysan yahay in la ixtiraamo madax-bannaanida dal kasta iyo in la dhowro dhulkiisa.”

Isagoo hadalkiisa wata wuxuu yiri;

“Israa’iil waxay ballaarinteeda ku sababaysay sugidda amnigeeda, halka Iiraan ay iyaduna ku eedaysan tahay inay faragelin ku samaysay dalal kale iyadoo adeegsanaysa kooxo ay taageerto.

Haddii la gaaro heshiis cusub oo dammaanad qaadaya madax-bannaanida dhammaan dalalka, markaas dal walba waa inuu ku ekaadaa xuduudihiisa oo uu ixtiraamaa kuwa deriskiisa.”

Ugu dambeyn, wuxuu sheegay;

“Annagu ma doonayno dagaal iyo colaad cusub, laakiin sidoo kale ma oggolaan doonno in gobolka loo beddelo goob lagu kala xalliyo dano siyaasadeed oo khatar gelinaya mustaqbalka shucuubta gobolka.”

Iman jama

Maraykanka 11ka Luulyo  2026 Xiisadii dhexeysay Maraykanka iyo Iiraan ayaa dagan Jimcaha maanta, kaddib laba maalmood oo ay labada dhinac is dhaafsanayeen weerarro culus, iyadoo dalalka dhexdhexaadinaya ay dadaal ugu jiraan in dib loo soo nooleeyo wada-hadallada diblomaasiyadeed.

Sarkaal ka tirsan dowladda Maraykanka ayaa u sheegay Al Jazeera in Washington ay weli ka go’an tahay in xal diblomaasiyadeed laga gaadho khilaafka kala dhexeeya Tehran, isla markaana ay weli socdaan wada-hadallo farsamo oo u dhexeeya labada dhinac.

Dhanka kale, maraakiibta ganacsiga ee mara marin-biyoodka Istiraatiijiga ah ee Hormuz ayaa si weyn hoos ugu dhacay intii uu socday dagaalkii u dambeeyay, arrintaas oo walaac cusub ku abuurtay suuqyada tamarta adduunka, kuwaas oo horeba u wajahayay carqaladdii ugu weyneyd ee dhinaca sahayda shidaalka.

Dagaalkii dhacay daraad iyo shalay ayaa sababay khasaare isugu jira dhimasho, dhaawac iyo burbur hantiyeed. Weerarrada gantaallada iyo duqeymaha cirka ayaa lagu beegsaday xarumo ciidan iyo kaabayaal muhiim ah oo ku yaalla Iiraan iyo dalalka Carabta.

Colaaddan ayaa sidoo kale si weyn u saameysay dhaqaalaha caalamka, gaar ahaan suuqyada tamarta iyo isu-socodka maraakiibta ee marin-biyoodka Hormuz, halkaas oo uu maro qayb weyn oo ka mid ah shidaalka dunida. Khubaradu waxay ka digayaan in haddii xiisaddu sii socoto ay sii kordhin karto qiimaha shidaalka, carqaladuna ay gaadhi karto ganacsiga iyo dhaqaalaha caalamiga ah. 

Muqdisho 11ka Luulyo  2026 Wasaaradda Gaashaandhigga Soomaaliya ayaa sheegtay inay xirtay shaqsiyaad ku labisnaa dareyska Ciidanka Xoogga Dalka Soomaaliyeed, kadib markii uu baraha bulshada ku faafay muuqaal muujinaya fal ay wasaaraddu ku tilmaamtay mid aan la aqbali karin oo la xiriira calanka Mareykanka. War-saxaafadeed ay wasaaraddu soo saartay ayaa lagu sheegay in falkaasi uusan ka tarjumayn qiyamka, anshaxa iyo xirfadda Ciidanka Xoogga Dalka, isla markaana uusan metelin mowqifka Wasaaradda Gaashaandhigga ama Dowladda Federaalka Soomaaliya.

Wasaaraddu waxay sheegtay in dadka ku lugta lahaa dhacdada la xiray, islamarkaana uu socdo baaritaan lagu ogaanayo sida ay wax u dhaceen iyo tallaabooyinka sharci iyo kuwo anshax ee laga qaadi doono.

Qoraalka ayaa sidoo kale lagu xusay in Soomaaliya ay muhiimad gaar ah siiso iskaashiga dhinaca amniga ee kala dhexeeya Mareykanka, iyadoo sheegtay in wada-shaqeynta labada dal ay door muhiim ah ka qaadatay la dagaallanka Al-Shabaab iyo Daacish, iyo xoojinta hay’adaha amniga dalka.

Wasaaradda Gaashaandhigga ayaa ugu dambayn ku celisay ixtiraamka ay u hayso shacabka iyo calanka Mareykanka, iyadoo caddeysay inay ka go’an tahay sii wadidda iskaashiga istaraatiijiga ah ee u dhexeeya labada dal.

Muqaalka ku faafay baraha Bulshada ayaa muujinaayay rag dhalinyaro oo xiran dareeska ciidanka oo kudul istaagaya calanka Dowladda Mareykanka. 

Baydhabo 11ka Luulyo  2026 Hoggaamiyaha Dowlad Goboleedka Koonfur Galbeed, Sheekh Aadan Maxamed Nuur (Aadan Madoobe), ayaa soo saaray wareegto uu ku magacaabay Golaha Wasiirrada cusub ee dowlad-goboleedka, isagoo sheegay in magacaabista ay salka ku hayso Dastuurka Koonfur Galbeed iyo baahida loo qabo dardargelinta howlaha dowladda sida laga sii daayay Telefishinka Koonfur Galbeed.  Golaha cusub waxaa loo magacaabay wasaaradaha kala duwan ee Koonfur Galbeed, iyadoo Isaaq Maxamed Isaaq loo magacaabay Wasiirka Amniga Gudaha, Xuseen Maxamed Xaaji Wasiirka Maaliyadda, Cabdulqaadir Cumar Cabdullaahi (Baasto) Wasiirka Qorsheynta, Maalgashiga iyo Horumarinta Dhaqaalaha, Maxamed Cusmaan Maxamed Wasiirka Kalluumeysiga iyo Dhaqaalaha Buluugga, halka Fahad Maxamed Xuseen loo magacaabay Wasiirka Boostada, Isgaarsiinta iyo Tiknoolajiyadda.

Sidoo kale, Nuur Siidow Baabaa ayaa loo magacaabay Wasiirka Warfaafinta iyo Wacyigelinta Bulshada, Cabdulqaadir Shariif Sheekhunaa maye Wasiirka Caafimaadka iyo Daryeelka Bulshada, Maxamed Cusmaan Xaaji Jiidoow Wasiirka Waxbarashada, Hiddaha iyo Tacliinta Sare, halka Sahra Cusmaan Axmed loo magacaabay Wasiirka Haweenka, Arrimaha Qoyska iyo Xuquuqda Aadanaha.

Wareegtada ayaa sidoo kale lagu magacaabay wasiiru-dawlayaal iyo wasiir-ku-xigeenno ka shaqeyn doona wasaaradaha kala duwan ee Dowlad Goboleedka Koonfur Galbeed.

WARARKA MAANTA 10ka Luulyo  2026 

Su’aalaha Maanta: Maxuu u rabaa Madaxweyne hore Xassan Shiikh inuu burburiyo #PuntlandState? Yaa “Dhuuso-Fooxiye” u bixiyey Madaxweyne hore Xassan? Maxuu ku fashilmay shirkii Dowladda Iyo Mucaaradka? Maxay beesha caalamka ku qasabtay Madaxweyne hore Xassan “Dhuuso=Fooxiye”? `Yaa diiday inuu dhiso maqaamka #Muqdisho? Maxay beesha caalamka u diiday inay wax dhaqaallo ah siiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

Muqdisho 10ka Luulyo  2026 Soomaaliya ayaa billowday mashruuc cusub oo ay si wadajir ah u hirgelinayaan Dowladda Soomaaliya, UNDP iyo Sanduuqa Deegaanka Adduunka (GEF), kaas oo lagu maalgelinayo US$12 milyan si loo xoojiyo adkaysiga magaalooyinka ee saameynta isbeddelka cimilada. Mashruuca ayaa socon doona illaa sanadka 2030.

Mashruuca ayaa diiradda saari doona xoojinta qorsheynta magaalooyinka, dhismaha kaabayaal u adkaysan kara isbeddelka cimilada, yaraynta khataraha fatahaadaha iyo abaaraha, ilaalinta deegaanka, maaraynta khayraadka dabiiciga ah, iyo kobcinta dhaqaalaha cagaaran si loo dhiso magaalooyin waara oo u adkaysta isbeddelka cimilada.

Mashruuca ayaa laga hirgelin doonaa 17 magaalo oo kala ah Muqdisho (Banaadir), Garoowe, Gaalkacyo, Boosaaso, Hargeysa, Burco, Berbera, Boorama, Dhuusamareeb, Hobyo, Koonfurta Gaalkacyo, Beledweyne, Jowhar, Baydhabo, Xudur, Kismaayo iyo Garbahaarey. Sida ku cad dukumentiga mashruuca, magaalooyinkan waxaa loo xushay heerka sare ee ay ugu nugul yihiin saameynta isbeddelka cimilada, Kuleylka,baahida bulshada ku nool iyo muhiimaddooda horumarineed.

Xigasho: UNDP Somalia, GEF iyo Dowladda Federaalka Soomaaliya

Muqdisho 10ka Luulyo  2026 Kulan maanta Muqdisho ka dhacay, UNTMIS oo ay weheliyaan xubno ka socday Midowga Yurub ee Soomaaliya, Safaaradda Boqortooyada Ingiriiska ee Soomaaliya, Safaaradda Mareykanka ee Soomaaliya, iyo Safaaradda Turkiga ee Soomaaliya, waxaa sharaf u ahayd inay goobjoog ka noqoto, isla markaana fududeeyso wadahadallo u dhexeeyey Dowladda Federaalka Soomaaliya iyo saamilayda mucaaradka.

Wadahadalladaas oo ku dhacay jawi saaxiibtinimo iyo mid wax-dhis ah, ayaa diiradda lagu saaray dhisidda isfaham guud oo ku saabsan doorashooyinka.

Muqdisho 10ka Luulyo  2026  Xisbiga Nabad iyo Nolol ee uu hogaamiyo madaxweynihii hore ee Soomaaliya Maxamed Cabdullaahi Farmaajo ayaa soo bandhigay nooca doorasho ee uu u arko in Soomaaliya ay kaga gudbi karto marxaladda siyaasadeed ee hadda lagu jiro, kaddib markii uu ka qayb galay wareegga labaad ee wada-hadallada doorashooyinka ee Muqdisho uga socday dowladda Federaalka Soomaaliya iyo mucaaradka. 

Shirka oo ay soo qabanqaabisay dowladda Turkiga ayaa waxaa ka qayb galay dowladda Federaalka Soomaaliya iyo Nabad iyo Nolol, iyadoo ay goob-joog ka ahaayeen dowladaha Turkiga, Maraykanka, Ingiriiska, Midowga Yurub iyo Qaramada Midoobay oo loo yaqaan “Quartet-ka”.

Guddiga Farsamo ee Nabad iyo Nolol ayaa sheegay in kulanka maanta diiradda lagu saarayay in dhinac kasta uu soo bandhigo nooca doorasho ee uu mudnaanta siinayo iyo sida looga gudbi karo xaaladda siyaasadeed ee taagan.

Xisbiga ayaa sheegay in nooca doorasho ee uu soo jeedinayo uu ku saleysan yahay toban tilmaamood oo ay ka mid yihiin:

1: Doorasho ay dadku si sahlan u fahmi karaan.

2: Doorasho la wada aamini karo, la wada arki karo, isla markaana adag tahay in lagu murmo.

3: Doorasho waqtiga lagu qabanayo uu kooban yahay.

4: Doorasho loo dhan yahay oo qof kasta oo Soomaali ah oo doonaya inuu codeeyo uu si xor ah u codeyn karo.

5: Doorasho diiwaangelinta iyo codeyntu ay ka dhacayaan hal goob isla markaana hal maalin ah.

6: Doorasho qof walba uu ugu codeynayo xisbiga uu dookhiisu yahay.

7: Doorasho kuraasta baarlamaanka lagu saleeyo sida xisbiyadu u kala helaan codadka shacabka.

8: Doorasho maamulka iyo amnigeeda ay ku qanacsan yihiin dowladda iyo mucaaradka.

9: Doorasho mideyneysa shacabka iyo dalka Soomaaliyeed, ilaalineysana xorriyadda iyo madax-bannaanida siyaasadeed.

zKenys 10ka Luulyo  2026 Itoobiya ayaa sii xoojinaysa saamigeeda suuqa qaadka Soomaaliya, taasoo sababtay hoos u dhac ku yimid dhoofinta iyo dakhliga qaadka miraa ee Kenya saddexdii bilood ee ugu horreeyay sanadkan, sida uu qoray wargeyska Daily Nation, oo soo xiganaya xogta Hay’adda Beeraha iyo Cuntada Kenya (AFA). 

Xogta AFA ayaa muujisay in dhoofinta miraaha Kenya ay hoos u dhacday 13%, iyadoo gaartay 692,000 kiiloogaraam intii u dhexeysay Janaayo iyo Maarso 2026, marka loo eego 795,668 kiiloogaraam isla muddadaas sannadkii hore. 

Dakhliga laga helay dhoofinta ayaa sidoo kale hoos ugu dhacay 3.09 bilyan oo shilin oo Kenya ah, halka uu sannadkii hore ahaa 3.56 bilyan, taasoo ka dhigan khasaare ku dhow 470 milyan oo shilin.

Warbixintu waxay sheegtay in hoos u dhacaas uu inta badan ka dhashay tartanka sii kordhaya ee Itoobiya, maaddaama ay juqraafi ahaan uga dhowdahay Soomaaliya, taasoo u sahlaysa inay suuqa gaarsiiso qaad cusub oo kharash gaadiidkiisu hooseeyo. 

Waxa kale oo ay xustay in go’aankii Soomaaliya ay sanadkii 2023 ku siisay dhoofiyeyaasha Itoobiya mudnaan ay si gaar ah suuqa u geli karaan 10 maalmood bishii uu sare u qaaday saamiga Itoobiya ee suuqa, arrintaas oo markaas dhalisay cabashooyin uga yimid beeraleyda Kenya.

Muqdisho 10ka Luulyo  2026 Iskaashi dhow oo u dhexeeya Turkiga, Soomaaliya iyo Boqortooyada Midowday (UK) ayaa xoojin kara xasilloonida Soomaaliya iyo guud ahaan Geeska Afrika, sida ay sheegeen mas’uuliyiin ka kala socday saddexda dal intii lagu guda jiray kulan ka dhacay Aqalka Baarlamaanka UK. 

Kulanka, oo looga hadlay doorka iskaashiga istaraatiijiga ah ee Soomaaliya, Turkiga iyo UK, ayaa lagu sheegay in xiriirka muddada dheer ee Ankara iyo Muqdisho uu noqon karo saldhig lagu ballaariyo wada-shaqeyn ay London qayb ka noqoto, si loo taageero amniga, horumarinta iyo koboca dhaqaalaha Soomaaliya.

Danjiraha Turkiga ee UK, Cismaan Koray Ertaş, ayaa sheegay in xiriirka dalkiisu la leeyahay Soomaaliya aanu ku koobnayn gargaar bini’aadantinimo, balse uu u kobcay iskaashi dhinacyada horumarinta, amniga iyo maalgashiga. 

Wuxuu sheegay in Turkigu tan iyo 2011 Soomaaliya ka hirgeliyay mashaariic horumarineed oo ka badan hal bilyan oo doollar, isla markaana uu tababar siiyay in ka badan 20,000 oo ka tirsan ciidamada ammaanka Soomaaliya.

Ertaş ayaa sheegay in Soomaaliya ay gaartay horumar muuqda inkastoo ay weli wajahdo caqabado. Wuxuu xusay in Turkigu uu soo dhoweynayo taageerada caalamiga ah, gaar ahaan tan UK, isagoo adkeeyay in Ankara ay doorbideyso iskaashi halkii uu ka jiri lahaa tartan, isla markaana xiriirka Soomaaliya uu ku dhisan yahay is-aaminaad iyo iskaashi soo jiray muddo dheer.

Maraykanka 10ka Luulyo  2026 Wasaaradda Caddaaladda ee Maraykanka ayaa Arbacadii ku dartay nin Soomaali ah liiska dadka ugu doon-doonista badan ee dambiyada khiyaanada maaliyadeed ee Hay’adda Baarista Federaalka ee FBI-da. Ninkan oo lagu magacaabo Fahad Mohamed Nur ayaa lagu eedeeyay inuu door ku lahaa qorshe lagu lunsaday lacagihii loogu talagalay Barnaamijka Nafaqeynta Carruurta ee dowladda federaalka xilligii safmarkii COVID-19.

Sida ay sheegtay FBI-du, Fahad Mohamed Nur ayaa lagu tuhunsan yahay inuu si sharci darro ah ku qaatay in ka badan 5 milyan oo doollar oo ka mid ahaa lacagihii loogu talagalay in lagu quudiyo carruurta gobolka Minnesota.

Hay’addu waxay sheegtay in Fahad uu yahay muwaadin Maraykan ah oo jinsiyadda qaatay, isla markaana uu xiriir la leeyahay Soomaaliya. FBI-du waxay intaas ku dartay in la rumeysan yahay inuu haatan ku sugan yahay Soomaaliya.

Ku darista magaciisa liiska dadka ugu doon-doonista badan ee dambiyada khiyaanada ayaa qayb ka ah dadaallada ay Maraykanku ku baadi-goobayaan dadka looga shakisan yahay inay ku lug leeyihiin musuqmaasuqa iyo lunsiga hantida dowladda.

Agaasimaha FBI-da, Kash Patel, ayaa sheegay in liiska cusub ee dadka loogu doon-doonista badan yahay ee dambiyada khiyaanada uu hore u muujiyay natiijooyin wax ku ool ah. 

WARARKA MAANTA 9ka Luulyo  2026 

Su’aalaha Maanta: Yaa “Dhuuso-Fooxiye” u bixiyey Madaxweyne hore Xassan? Maxuu ku fashilmay shirkii Dowladda Iyo Mucaaradka? Maxay beesha caalamka ku qasabtay Madaxweyne hore Xassan “Dhuuso=Fooxiye”? `Yaa diiday inuu dhiso maqaamka #Muqdisho? Maxay beesha caalamka u diiday inay wax dhaqaallo ah siiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

Muritaniya 9ka Luulyo  2026 Wasiir-Dowlaha Wasaaradda Arrimaha Dibadda JFS ayaa Madaxweynaha Dowladda Mauritaaniya Gaarsiiyay Farriin uu ka Siday Madaxweynaha Jamhuuriyadda Federaalka Soomaaliya.

Nouakchott, Mauritaaniya | 8 Luulyo 2026.

Wasiir-Dowlaha Wasaaradda Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya, Mudane Cali Cumar Cali (Cali Balcad), ayaa Madaxweynaha Jamhuuriyadda Islaamiga ah ee Mauritaaniya, Mudane Maxamed Ould Sheekh El Ghazouani, gaarsiiyay farriin qoraal ah oo uu ka siday Madaxweynaha Jamhuuriyadda Federaalka Soomaaliya, Mudane Dr. Xassan Shiikh 

Kulanka waxaa ka qeyb galay Wasiirka Wasaaradda Arrimaha Dibadda ee Mauritaaniya, Mudane Dr. Maxamed Saalim Ould Merzoug, Wasiirka ah Xoghayaha Guud ee Madaxtooyada, Mudane Moulaye Ould Mohamed Laghdaf  La-taliye Sare oo  dhanka Madaxweynaha ah, Agaasimaha Waxda Carabta Maxamed Xassan, iyo Danjiraha aan deggenayn ee  Dowladda Soomaaliya u fadhiya Dalka Mauritaaniya, Mudane Yuusuf Jeego.

Farriintaan oo aheyd mid  lagu adkeeynayay xiriirka walaaltinimo ee ka dhexeeya  Dowladdaha Soomaaliya iyo Mauritaaniya, iyadoo sidoo kale lagu muujiyay sida ay Dowladda Soomaaliya uga go’an tahay xoojinta iskaashiga labada dal ee dhinacyada shidaalka gaaska, dhaqaalaha buluugga, kalluumeysiga, amniga, iyo la dagaallanka argagixisada.

IGAD 9ka Luulyo  2026 GAD oo Dardargelinaysa Taageerada Ansixinta iyo Dhaqan-gelinta Heshiiska Xorriyadda Isu-socodka Dadka ee Soomaaliya

Urur-goboleedka Iskaashiga Horumarinta Bariga Afrika (IGAD) ayaa Arbacadii sii xoojiyey dadaallada uu ku taageerayo Soomaaliya sidii loo dardargelin lahaa ansixinta iyo dhaqan-gelinta Heshiiska IGAD ee Xorriyadda Isu-socodka Dadka, iyadoo wafdi ka socda ururku kulammo la yeeshay hoggaanka ururrada shaqaalaha iyo suxufiyiin Soomaaliyeed. Kulammadan ayaa qayb ka ah hawlaha IGAD ay ka waddo Soomaaliya ee lagu taageerayo hirgelinta heshiiskan.

Wafdiga IGAD ayaa booqday xarunta dhexe ee Xiriirka Ururrada Shaqaalaha Soomaaliyeed (FESTU), halkaas oo ay kulan kula yeesheen hoggaanka sare ee xiriirka. Kulanka ayaa diiradda lagu saaray sidii loo xoojin lahaa taageerada ansixinta iyo dhaqan-gelinta Heshiiska Xorriyadda Isu-socodka Dadka, xoojinta maamulka socdaalka shaqaalaha, dhiirrigelinta isu-socodka shaqaalaha ee ammaan ah, nidaamsan oo waafaqsan sharciga, iyo sidii heshiisku uga faa’iideyn lahaa shaqaalaha, loo-shaqeeyayaasha iyo bulshada guud ahaan.

Intii uu kulanku socday, FESTU ayaa muujiyey taageeradiisa buuxda ee ansixinta iyo dhaqan-gelinta Heshiiska Xorriyadda Isu-socodka Dadka ee IGAD, isaga oo ku tilmaamay heshiiska mid shacabka loogu talagalay oo dantooda u adeegaya, isla markaana fursado cusub u abuuri doona shaqaalaha, ganacsatada iyo dhallinyarada, korna u qaadi doona isdhexgalka dhaqaale ee gobolka iyo isu-socodka shaqaalaha ee waafaqsan sharciga.

Xoghayaha Guud ee FESTU, Cumar Faaruuq Cismaan, ayaa sheegay:

“Heshiiska Xorriyadda Isu-socodka Dadka ee IGAD waa heshiis shacabka loo sameeyey, shacabka ayaana ka faa’iidaysan doona. Wuxuu abuuri doonaa fursado badan oo shaqo, ganacsi iyo horumar dhaqaale, isaga oo xoojinaya isdhexgalka gobolka. Ururrada shaqaalaha Soomaaliyeed waxay si buuxda u taageersan yihiin ansixinta iyo dhaqan-gelinta heshiiskan, maadaama uu kor u qaadayo shaqo hufan, ilaalinta xuquuqda shaqaalaha muhaajiriinta ah, horumarinta hab-nololeedka bulshada iyo isu-socod shaqaale oo ammaan ah, nidaamsan isla markaana sharci ah. Waxaan diyaar u nahay inaan si dhow ula shaqayno Dowladda, loo-shaqeeyayaasha iyo IGAD si heshiiskani uga miro dhaliyo danaha shacabka Soomaaliyeed.”

Kadib kulankaas, wafdiga IGAD ayaa xarunta FESTU kulan is-weydaarsi ah kula yeeshay suxufiyiin Soomaaliyeed. Kulanka, oo uu martigeliyey Xiriirka Ururrada Shaqaalaha Soomaaliyeed, ayaa diiradda lagu saaray doorka muhiimka ah ee warbaahintu ku leedahay taageeridda ansixinta iyo dhaqan-gelinta heshiiska, kor u qaadidda wacyiga bulshada, gudbinta xog sax ah oo dheellitiran iyo sidii shacabka loogu iftiimin lahaa fursadaha ka dhalanaya xorriyadda isu-socodka, isdhexgalka gobolka iyo isu-socodka shaqaalaha.

Iyadoo la hadlaysay suxufiyiinta, Lucy Daxbacher, Isuduwaha Sare ee Barnaamijyada IGAD, ayaa tiri:

“Heshiiska Xorriyadda Isu-socodka Dadka wuxuu salka ku hayaa horumarinta nolosha dadka ku nool gobolka IGAD. Sidaa darteed, warbaahintu waa lammaane muhiim ah oo kaalin weyn ka qaadan kara hirgelinta heshiiskan. Warbaahin sax ah, dheellitiran oo mas’uuliyad leh waxay bulshada ka caawin kartaa inay fahmaan fursadaha uu heshiisku abuurayo, waxayna kor u qaadaysaa kalsoonida bulshada iyo fahamka ku saabsan isdhexgalka gobolka, isu-socodka shaqaalaha iyo horumarka dhaqaale ee gobolka.”

Kulammada maanta waxay barbar socdeen shir heer qaran ah oo soconaya muddo saddex maalmood ah, kaas oo IGAD ka furtay Muqdisho maalintii Talaadada. Shirka ayaa isu keenay wakiillo ka socda Dowladda Federaalka Soomaaliya, ururrada shaqaalaha, ururrada loo-shaqeeyayaasha iyo hay’adaha muhiimka ah ee dowladda si ay uga wada tashadaan tallaabooyinka wax ku oolka ah ee lagu dardargelinayo ansixinta iyo dhaqan-gelinta Heshiiska Xorriyadda Isu-socodka Dadka. Shirka, oo soo gebogeboobaya Khamiista, ayaa sidoo kale diiradda saaraya xoojinta maamulka socdaalka shaqaalaha, horumarinta wada-hadalka bulshada iyo adkaynta iskaashiga gobolka.

Soomaaliya waxay ka mid tahay dalalka xubnaha ka ah IGAD ee saxeexay Heshiiska Xorriyadda Isu-socodka Dadka. Dadaallada ay IGAD ka waddo Soomaaliya waxay muujinayaan sida ay uga go’an tahay inay dalka ka taageerto dhammaystirka geeddi-socodka ansixinta iyo dhaqan-gelinta heshiiska, si loo xoojiyo isdhexgalka gobolka, loo ballaariyo fursadaha dhaqaale loona fududeeyo isu-socodka muwaadiniinta guud ahaan Geeska Afrika

Maraykanka 9ka Luulyo  2026 Madaxweynaha Maraykanka, Donald Trump, ayaa sheegay in heshiiskii xabbad-joojinta ee u dhexeeyay Maraykanka iyo Iran uu “dhammaaday”, isaga oo ku tilmaamay wada-hadallada Tehran “waqti lumis”. Hadalkan ayaa yimid kaddib markii Maraykanku xaqiijiyay inuu qaaday weerarro uu ku tilmaamay kuwo “xooggan” oo lala beegsaday badhtilmaameedyo ku yaalla Iran, isagoo sheegay in tallaabadaasi ay jawaab u ahayd weerarro lagu qaaday saddex markab oo marayay marin-biyoodka Istiraatiijiga ah ee Hormuz, kuwaas oo ay ku jireen labo shidaal-side oo laga leeyahay Qatar iyo Sucuudiga.

Dhankeeda, Iran ayaa sheegtay inay ka aargoosatay weerarradaas, iyadoo ku dhawaaqday inay beegsatay 85 saldhig oo ciidan oo Maraykanku leeyahay, kuwaas oo ay sheegtay inay kaga jawaabayso duqaymihii lagu qaaday gobolka Hormozgan iyo magaalada dekedda leh ee Mahshahr. Isla markaana, seedhiga digniinta duqaymaha cirka ayaa laga maqlay dalalka Baxrayn iyo Kuweyt.

Sidoo kale, maamulka Trump ayaa laalay oggolaansho hore oo u saamaxayay Iran inay dhoofiso saliid iyadoo lagu salaynayo heshiis ku-meel-gaadh ah oo nabadeed oo Washington iyo Tehran kala saxeexdeen 17-kii Juun.

Dhanka kale, naxashka hoggaamiyihii sare ee Iran, Ayatollah Cali Khamenei, oo dhawaan la dilay, ayaa gaadhay magaalada Najaf ee dalka Ciraaq, halkaas oo ay ka bilaabmeen munaasabadaha aaskiisa.

Muqdisho 9ka Luulyo  2026 Guddiga Madaxa-bannaan ee Doorashooyinka Qaranka iyo Soohdimaha ayaa si rasmi ah u shaaciyay liiska 35 urur siyaasadeed oo loo oggolaaday inay ka qayb galaan doorashooyinka isku sidkan ee Dowlad-goboleedka Galmudug, taas oo qeyb ka ah hirgelinta nidaamka doorashada qof iyo cod ee Soomaaliya. Sida lagu sheegay warbixinta guddiga, ururradan siyaasadeed ayaa ku tartami doona kuraasta golayaasha deegaanka iyo heerarka kale ee doorashooyinka lagu qabanayo Galmudug, iyadoo geeddi-socodka uu daba socdo diiwaangelinta codbixiyeyaasha iyo diyaarinta goobaha codbixinta oo muddooyinkii u dambeeyay ka socday deegaannada maamulkaas.

Shaacinta liiskan ayaa imaanaysa xilli Guddiga Doorashooyinka uu dardargelinayo diyaarinta doorashooyinka ka dhacaya Galmudug iyo maamullada kale ee dalka, kuwaas oo dowladda federaalku ku tilmaamtay tallaabo muhiim u ah u gudubka doorasho qof iyo cod ah, inkasta oo geeddi-socodka uu weli wajahayo dood siyaasadeed iyo aragtiyo kala duwan oo ka imanaya qaar ka mid ah saamileyda siyaasadda Soomaaliya.

Guddiga Doorashooyinka ayaa ugu baaqay ururrada siyaasadda, musharraxiinta iyo shacabka Galmudug inay si dhow ula shaqeeyaan guddiga, isla markaana u hoggaansamaan shuruucda iyo habraacyada doorashada si loo xaqiijiyo doorasho hufan, nabdoon oo loo dhan yahay.

Liiska la shaaciyay waxaa ku jira 35 urur oo kala ah: Qaransoor, Waaberi, Barwaaqo, Qaran, Cadaaladda iyo Midnimada Tiir, Madalsan, Qaranka ee Dimuqraadiyadda Ah, Muwaadaniinta Soomaaliyeed, Dimuqraadiga Soomaaliyeed, Jiilka Cusub, Cadaaladda iyo Wadajirka, Dadka Soomaaliyeed, Nabadda iyo Cadaaladda, Midnimada Bulshada Soomaaliyeed, Iftiin Qaran, Karaama, SAAB, Qiimo Qaran, Dan-shacab, Cadaaladda iyo Badbaadada Muraad, Sincad, Hoggaan Qaran, Midnimada Shacabka, Socod, Dowlad Wanaagga Soomaaliyeed, Haldoor, Horyaal Qaran, Dhalinyarada Talo Qaran, Ramaas, Danguud, Hormar iyo Midnimo Qaran, Dib u Heshiisiinta iyo Hormarinta Towfiiq, Badbaado Bulsho, Dhaqaaqa Soomaaliyeed iyo Shaqaalaha Soomaaliyeed. 

Muqdisho 9ka Luulyo  2026 Dowladda Federaalka Soomaaliya iyo wakiillo ka socda mucaaradka ayaa ku heshiiyay in la sii wado wada-hadallada siyaasadeed ee u dhexeeya labada dhinac, sida lagu sheegay war-saxaafadeed ay Arbacada maanta soo saartay Wasaaradda Warfaafinta, Dhaqanka iyo Dalxiiska. 

War-saxaafadeedka ayaa lagu sheegay in kulanka, oo ka dhacay Muqdisho 7-dii Luulyo 2026, uu qabsoomay jawi saaxiibtinimo, isla markaana uu labada dhinac u suurtageliyay is-weydaarsi furan, daacadnimo ku dhisan iyo dood wax-ku-ool ah oo la xiriirta xaaladda siyaasadeed ee dalka.

Sida lagu xusay bayaanka, dowladda iyo mucaaradku waxay isla garteen in la sii ambaqaado geeddi-socodka wada-hadallada loo dhan yahay, iyadoo ujeeddadu tahay in la xoojiyo xasilloonida siyaasadeed, amniga iyo horumarka Soomaaliya.

War-saxaafadeedku ma uusan bixin faahfaahin dheeraad ah oo ku saabsan qodobbo gaar ah oo laga heshiiyay ama jadwalka kulamada xiga, hase yeeshee wuxuu caddeeyay in wada-hadalladu sii socon doonaan.

WARARKA MAANTA 8da Luulyo  2026 

Su’aalaha Maanta: Maxay beesha caalamka ku qasabtay Madaxweyne hore Xassan “Dhuuso=Fooxiye”? `Yaa diiday inuu dhiso maqaamka #Muqdisho? Maxay beesha caalamka u diiday inay wax dhaqaallo ah siiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

Muqdisho 8da Luulyo  2026 𝐆𝐔𝐃𝐃𝐎𝐎𝐌𝐈𝐘𝐀𝐇𝐀 𝐌𝐀𝐀𝐌𝐔𝐋𝐊𝐀 𝐆𝐎𝐁𝐎𝐋𝐊𝐀 𝐁𝐀𝐍𝐀𝐀𝐃𝐈𝐑 𝐀𝐇𝐍𝐀 𝐃𝐔𝐐𝐀 𝐌𝐔𝐐𝐃𝐈𝐒𝐇𝐎 𝐎𝐎 𝐃𝐇𝐀𝐆𝐀𝐗-𝐃𝐇𝐈𝐆𝐀𝐘 𝐃𝐔𝐆𝐒𝐈𝐆𝐀 𝐗𝐀𝐍𝐍𝐀𝐀𝐍𝐀𝐃𝐀 𝐂𝐀𝐑𝐑𝐔𝐔𝐑𝐓𝐀 𝐄𝐄 𝐌𝐀𝐗𝐀𝐌𝐔𝐔𝐃 𝐌𝐈𝐑𝐄

𝐌𝐮𝐪𝐝𝐢𝐬𝐡𝐨, 𝐋𝐮𝐮𝐥𝐲𝐨 𝟎𝟖, 𝟐𝟎𝟐𝟔: Guddoomiyaha Maamulka Gobolka Banaadir ahna Duqa Muqdisho, Dr. Xasan Maxamed Xuseen (Muungaab), ayaa Arbacada maanta si rasmi ah u dhagax-dhigay Dugsiga Xannaanada Carruurta ee Maxamuud Mire, oo laga hirgelinayo Degmada Waaberi.

Guddoomiyaha Maamulka Gobolka Banaadir ahna Duqa Muqdisho, Dr. Xasan Maxamed Xuseen (Muungaab), oo hadal kooban ka jeediyay munaasabadda ayaa sheegay in dhismaha dugsigan uu qayb ka yahay dadaallada joogtada ah ee Maamulka Gobolka Banaadir uu ku horumarinayo adeegyada waxbarashada, si carruurta Soomaaliyeed ay u helaan goobo waxbarasho oo tayo leh, ammaan ah, islamarkaana u diyaariya mustaqbalkooda.

Dr. Muungaab ayaa xusay in maalgelinta waxbarashada carruurta ay tahay tiirka ugu muhiimsan ee lagu dhisi karo bulsho aqoon leh iyo caasimad horumarsan, isagoo adkeeyay in maamulka uu sii wadi doono hirgelinta mashaariicda waxbarashada iyo adeegyada bulshada ee ka jawaabaya baahiyaha shacabka.

Munaasabadda dhagax-dhigga waxaa Guddoomiyaha ku weheliyay Agaasimaha Agaasinka Waxbarashada Dowladda Hoose ee Muqdisho, Agaasimayaal ka tirsan Maamulka Gobolka Banaadir, Guddoomiyaha Maamulka Degmada Waaberi iyo mas’uuliyiin kale.

—𝐃𝐇𝐀𝐌𝐌𝐀𝐀𝐃

Laascaanood 8da Luulyo  2026 Kulan ay maalmihii la soo dhaafay magaalada Garowe ku lahaayeen qaar ka mid ah waxgaradka gobolka Nugaal ayaa ku soo dhammaaday is-afgarad, iyadoo la isku raacay tallaabooyin lagu xoojinayo amniga iyo dadaallada lagu dejinayo xiisadda ka taagan magaalada. 

Sida laga soo xigtay ka qaybgalayaasha, wada-hadallada ayaa diiradda lagu saaray adkaynta amniga, ilaalinta midnimada Puntland iyo sidii mowqif mideysan looga yeelan lahaa xaaladda siyaasadeed ee cakiran ee Soomaaliya.

Xog hordhac ah oo laga helay kulan xalay ka dhacay Garowe, ayaa muujinaysa in dhinacyadu isku afgarteen in la dejiyo xiisadda ka jirta Garowe, isla markaana la kala qaado ciidamada isku horfadhiya qeybo kamid ah  Garowe.

Sidoo kale, is-afgaradka ayaa la sheegay inuu dhigayo in Taliye Jimcaale uu dib ugu soo laabto magaalada Garowe, iyadoo tallaabadaas loo arko qayb ka mid ah dadaallada lagu soo celinayo kalsoonida iyo xasilloonida.

Wararka hordhaca ah ayaa intaas ku daraya in la isku raacay in la bilaabo dadaallo dib-u-heshiisiin ah oo dhexmara Madaxweynaha Puntland Siciid Cabdullaahi Deni iyo Taliye Jimcaale Jaamac Takar, kuwaas oo khilaafkoodu qayb ka noqday xiisadda siyaasadeed ee magaalada.

Is-afgaradka ayaa sidoo kale lagu sheegay in la ballaariyo guddigii hore loogu xil saaray xalinta xiisadda Garowe, iyadoo lagu darayo xubno cusub oo ay ka mid yihiin madaxweynihii hore ee Puntland Cabdiraxmaan Maxamed Faroole iyo Siciid Xirsi Bulxan.

Ilaa hadda, maamulka Puntland si rasmi ah ugama uusan soo saarin war-murtiyeed faahfaahinaya qodobada lagu heshiiyey, mana jirto war rasmi ah oo ka soo baxay dhinacyada kale ee arrintan khusayso.

Shabeele Hoose 8da Luulyo  2026 Ciidanka Xoogga Dalka Soomaaliyeed ayaa howlgallo amni iyo sifeyn ah ka fuliyay deegaanno ka tirsan gobolka Shabeellaha Hoose, iyadoo saraakiishu sheegeen in lagu xaqiijinayay amniga isla markaana lagu burburiyay fariisimo ay isticmaalayeen dagaalyahannada Al-Shabaab sida ay baahisay Warbaahinta Ciidamada Qalabka Sida. 

Sida lagu sheegay war ka soo baxay ciidamada, Ururka 161-aad ee Guutada 16-aad Kumaandooska Danab ayaa hawlgal qorsheysan ka sameeyay deegaannada Leego, Warta Madax Maroodi, Iidow Jalaat iyo Saaxweyn, Hawlgalkan ayaa diiradda lagu saaray sugidda amniga, ka hortagga dhaq-dhaqaaqyada kooxda iyo baaritaanno laga sameeyay goobaha muhiimka ah iyo waddooyinka isku xira deegaannada.

Dhanka kale, Ururka 251-aad ee Guutada 25-aad ayaa howlgallo sifeyn iyo burburin ah ka fuliyay deegaannada Shabeeley, Bangaley, Fay Yuusuf iyo Cismaan Dure oo hoostaga deegaanka Toora-tooroow.

Taliyaha Ururka 251-aad, Maxamed Xasan Abuukar (Dhaga-dheere), ayaa sheegay in ciidamadu ay burburiyeen fariisimo ay kooxda ka sameysan jirtay deegaannadaasi, isagoo intaa ku daray in howlgalladu ay ka hortageen qorshayaal lagu beegsan lahaa dadka rayidka ah.

Ciidanka Xoogga Soomaaliyeed ayaa sheegay inay sii wadi doonaan howlgallada ka dhanka ah Al-Shabaab ee ka socda gobollo kala duwan, iyagoo shacabka ugu baaqay inay la shaqeeyaan hay’adaha amniga oo ay soo gudbiyaan xog kasta oo la xiriirta dhaq-dhaqaaqyo laga shakiyo.

Falastiin 8da Luulyo  2026 Dhaqdhaqaaqa Xamaas ayaa Isniintii ku dhawaaqay inuu kala diray maamulkiisii rayidka ahaa ee Marinka Qasa, isaga oo sheegay inuu awoodda ku wareejinayo guddi farsamo oo ay taageerayaan Qaramada Midoobay, taas oo qayb ka ah heshiiska xabbad-joojinta ee Maraykanku dhexdhexaadiyay. 

Masuul ka tirsan Xamaas ayaa sheegay in shaqaalaha farsamada iyo kuwa bixiya adeegyada dadweynaha ay sii wadi doonaan shaqadooda, balse ay ka hoos shaqayn doonaan Guddiga Qaranka ee Maamulka Qasa, kaas oo la filayo inuu si ku meel gaadh ah u maamulo arrimaha rayidka, sida ay qortay AP.

Xamaas ayaa ku tilmaantay tallaabadan mid muujinaysa sida ay uga go’an tahay dib u dhiska Qasa, hase yeeshee may caddeyn inay hubka dhigeyso ama ay maamulka amniga ku wareejin doonto ciidan caalami ah, arrintaas oo ah qodobka ugu weyn ee weli la isku mari la’yahay.

Hay’adda cusub ee loo yaqaan Guddida Nabada, oo uu hoggaamiyo Madaxweynaha Maraykanka Donald Trump isla markaana loo xilsaaray maamulka iyo dib u dhiska Qasa, ayaa sheegtay inay qiimeyn doonto tallaabada Xamaas iyadoo eegaysa ficillada dhabta ah, ee aysan ku salayn doonin ballanqaadyo. Waxay sidoo kale carrabka ku adkaysay in guddiga farsamada uu si buuxda gacanta ugu dhigo dhammaan hubka yaalla Qasa, sida ku cad heshiiska xabbad-joojinta.

Afhayeenka Xamaas, Haazim Qaasim, ayaa sheegay in kala dirista maamulka ay tahay “tallaabo wanaagsan” oo lagu hirgelinayo heshiiska xabbad-joojinta.

Dhanka kale, Wasiirka Arrimaha Dibadda Israa’iil, Gideon Saar, ayaa sheegay in tallaabada Xamaas ay tahay isku day ay uga fogaanayso hub ka dhigista, isaga oo sheegay in inta Xamaas hub haysato, maamul kasta oo rayid ahi uu ku shaqayn doono rabitaankeeda.

Muqdisho 8da Luulyo  2026 War-saxaafadeed ay soo saartay Hay’adda Isgaarsiinta Qaranka (NCA) ayaa lagu sheegay in adeegga cusub uu u oggolaanayo dadka isticmaala WhatsApp inay yeeshaan magac guud (username) oo ka madax-bannaan lambarkooda taleefanka, arrintaas oo, sida ay hay’addu sheegtay, ay ka faa’iideysan karaan dambiilayaasha internetka, kooxaha argagixisada iyo kuwa wax isdaba mariya si ay isu ekaysiiyaan dad kale ama u fuliyaan khiyaanooyin.

NCA ayaa Meta ugu baaqday inay hakiso hirgelinta adeegga gudaha Soomaaliya ilaa laga sameynayo wadatashi farsamo oo lala yeesho dowladda, isla markaana la hirgeliyo tallaabooyin adag oo lagu ilaalinayo xogta gaarka ah ee dadka isticmaala laguna xakameynayo ku-takrifalka adeegga.

Hay’addu waxay sheegtay in nidaamyada xaqiijinta aqoonsiga, farsamooyinka ka hortagga ku-takrifalka iyo hababka kormeerka ay muhiim u yihiin ilaalinta ammaanka isticmaalayaasha ka hor inta aan muuqaalka cusub la hirgelin.

Waxay sidoo kale ka digtay in adeeggan uu khatar gelin karo nidaamka lacagaha moobaylka ee Soomaaliya, oo laf-dhabar u ah dhaqaalaha dalka, iyadoo sheegtay in adeegsiga magacyo aan la xaqiijin karin uu kordhin karo khiyaanooyinka maaliyadeed iyo khasaaraha soo gaari kara dadka isticmaala adeegyada lacagaha elektaroonigga ah.

Meta ayaan weli si rasmi ah uga jawaabin codsiga dowladda Soomaaliya. Si kastaba ha ahaatee, Soomaaliya waxay ku biirtay dalal ay ka mid tahay Hindiya, oo hore ugu baaqay shirkadda inay dib u eegto hirgelinta adeeggan sababo la xiriira walaacyo dhinaca amniga, asturnaanta iyo khiyaanooyinka maaliyadeed. 

WARARKA MAANTA 7da Luulyo  2026 

Su’aalaha Maanta: Ma qofkii diiday inuu dhiso #Maqaamka #Muqdisho ayaa doorasho qof iyo cod qaban doonaa? Yaa diiday inuu dhiso maqaamka #Muqdisho? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta?  Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

Baydhabo, Soomaaliya – 07 Luulyo, 2026: Guddoomiyaha Kmg ah ahna Guddoomiye kuxigeenka koowaad ee Golaha Shacabka Baarlamaanka Jamhuuriyadda Federaalka Soomaaliya Marwo Sacdiya Yaasiin Xaaji Samatar ayaa magaalada Baydhabo uga qeyb gashay xaflad isugu jirtay casho sharaf iyo sagootin oo magaalada Baydhabo loogu sameeyey mas’uuliyiintii ka qeyb gashay xafladii caleema-saarka hogaamiyaha Dowlad Goboleedka Koonfur Galbeed Mudane Sheekh Aadan Maxamed Nuur (Madoobe) 

Muqdisho 7da Luulyo  2026 Wasiirka Gaashaandhigga, Mudane Axmed Macallin Fiqi, oo uu weheliyo Taliyaha Ciidanka Xoogga Dalka Soomaaliyeed, Sarreeye Guuto Ibraahim Maxamed Maxamuud, ayaa kormeer ugu tegay cutubyo ka tirsan Ciidanka Xoogga Dalka Soomaaliyeed iyo ciidamada deegaanka ee ku sugan deegaanka Wargaadhi ee gobolka Shabeellaha Dhexe.

Wasiirka ayaa ciidamada ku bogaadiyey naf-hurnimada, geesinimada iyo guulaha ay ka soo hooyeen hawlgallada ka dhanka ah kooxda Al-Shabaab, isaga oo ku adkeeyey inay sii laba jibbaaraan dadaalladooda si dalka looga ciribtiro argagixisada. Waxa uu carrabka ku adkeeyey in Dowladda Federaalka Soomaaliya ay ka go’an tahay xoojinta taageerada ciidamada iyo dardargelinta hawlgallada lagu xaqiijinayo amniga iyo xasilloonida dalka.

Dhankiisa, Taliyaha Ciidanka Xoogga Dalka Soomaaliyeed, Sarreeye Guuto Ibraahim Maxamed Maxamuud, ayaa ciidamada ku ammaanay heegankooda iyo diyaargarowgooda, isaga oo ku boorriyey inay sii xoojiyaan wada-shaqeynta, isku-duubnida iyo fulinta waajibaadkooda qaran si loo gaaro guulo waara. Taliyuhu waxa uu sheegay in hawlgalladu ay u socdaan si qorsheysan, isla markaana ay sii socon doonaan ilaa laga xoreynayo dhammaan deegaannada ay weli ku dhuumaaleysanayaan kooxda Al-Shabaab.

Kormeerkan ayaa qayb ka ah safar dhanka dhulka ah oo Wasiirka Gaashaandhigga iyo Taliyaha Ciidanka Xoogga Dalka ay maalmihii u dambeeyey ku marayeen gobollada Galgaduud iyo Shabeellaha Dhexe, kaas oo lagu dardargelinayo hawlgallada ka dhanka ah Al-Shabaab, laguna dhiirrigelinayo ciidamada ku sugan furimaha hore, isla markaana lagu xoojinayo isku-duwidda hawlgallada lagu ciribtirayo argagixisada.

Muqdisho 7da Luulyo  2026 Agaasimaha Guud ee Wasaaradda Arrimaha Gudaha, Federaalka Cabdiqaadir Cali oo ka hadlay aqoon isweydaarsiga Iswaafajinta Amniga, Xasilinta iyo Xalalka Waara ayaa carrabka ku adkeeyay in xasilintu aysan ku koobnayn hirgelinta mashaariic iyo dhismaha kaabeyaasha dhaqaalaha oo keliya balse ay salka ku hayso dib u soo celinta kalsoonida u dhexeysa dowladda iyo bulshada, xoojinta karaanka maamullada heer deegaan iyo taageeridda bulshada si ay uga gudubto duruufaha adag una gaarto soo kabasho iyo xalal waara.

Dhanka kale, Agaasime Cabdul ayaa adkeeyay muhiimadda ay leedahay xoojinta isku-duwidda, qorsheynta ku saleysan baahiyaha iyo duruufaha deegaan kasta iyo sidoo kale hirgelinta barnaamijyada ay hoggaaminayaan bulshada iyo hay’adaha maxalliga ah isagoo ugu dambeyn tilmaamay in dedaallada xasilintu ay miro-dhal noqon karaan oo keliya marka ay isla jaanqaadaan jihaynta heer qaran, isku-duwidda heer federaal, hoggaaminta Dowlad-goboleedyada iyo hirgelinta heer degmo si loo xaqiijiyo natiijooyin wax ku ool ah oo si toos ah u taabanaya nolosha bulshada Soomaaliyeed.

Baydhabo 7da Luulyo  2026 Madaxweynaha Soomaaliya, Xasan Sheekh Maxamuud, ayaa sheegay in dalka uu si tartiib ah uga guurayo nidaamkii ku salaysnaa siyaasadda shaqsiyaadka iyo awood-qaybsiga qabiilka, isla markaana uu u socdo hannaan cusub oo ku dhisan xisbiyo siyaasadeed iyo doorasho qof iyo cod ah. 

Madaxweynaha oo ka hadlayey munaasabadda caleemasaarka Hogaamiyaha Dowlad Goboleedka Koonfur Galbeed, Aadan Maxamed Nuur (Aadan Madoobe), ayaa sheegay in Soomaaliya “ay ka daashay siyaasadda ku saleysan shakhsiga,” ayna lagama maarmaan tahay in loo gudbo nidaam dowladeed oo hay’ado iyo xisbiyo adag ku dhisan.

Waxa uu xusay in inkastoo ay jiraan caqabado amni iyo duruufo sababay in doorashooyin aan laga qaban karin dhammaan deegaannada dalka, haddana horumarka la gaaray uusan ahayn mid la iska indho tiri karo, isla markaana dib u dhacyadu aysan ka dhignayn in geeddi-socodka siyaasadeed hakad galay.

“Dalku wuxuu bilaabay isbeddel siyaasadeed oo weyn, waxaana si tartiib ah looga gudbayaa doorashooyinkii dadban iyo nidaamkii ku salaysnaa awood-qaybsiga qabiilka,” ayuu yiri Madaxweyne Xasan Sheekh.

Muqdisho 7da Luulyo 2026 Gabaygu waa nooc muujin dareen oo qoto-dheer, kaas oo dhisa xiriirka isla markaana gacan ka geysta horumarka aadanaha.

Soomaaliya, gabaygu ma aha oo keliya farshaxan – waa hab muhiim ah oo ay bulshooyinku ku wada xiriiraan.

Faa’iidooyinkiisa waxaa ka mid ah: in uu dadka si qoto dheer isugu xiro, in uu sahlo madal ammaan ah oo lagula tacaalo dhaawacyada nafsadeed, lagu wadaago sheekooyin, taas oo horseedda cafis iyo isfaham.

WARARKA MAANTA 6da Luulyo  2026 

Su’aalaha Maanta:Maxay beesha caalamka ugu baaqday inuu Madaxweyne hore Xassan Shiikh banneeyo Madaxtooyada #Villa-Somalia? Maxay Maraykanka uga jareen/gooyeen dhaqaalihii ay siin jireen #Soomaaliya? Yaa diiday inuu dhiso maqaamka #Muqdisho? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta?  Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

Muqdisho 6da Luulyo  2026 Wasiirka Gaashaandhigga XFS, Mudane Axmed Macallin Fiqi, oo ay weheliyaan Taliyaha Ciidanka Xoogga Dalka Soomaaliyeed, Sarreeye Guuto Ibraahim Maxamed Maxamuud, iyo xildhibaanno ka tirsan Baarlamaanka Federaalka Soomaaliya, ayaa caawa kulan guud la qaatay bulshada degmada Ceeldheer ee gobolka Galgaduud.

Kulanka ayaa diiradda lagu saaray xaaladda amniga, horumarka degmada, dardargelinta howlgalada ka dhanka ah kooxaha argagixisada iyo muhiimadda ay leedahay ka-qaybqaadashada shacabka ee geeddi-socodka doorashooyinka.

Wasiirka Gaashaandhigga ayaa ku bogaadiyey shacabka degmada Ceeldheer taageerada ay u hayaan Ciidanka Xoogga Dalka Soomaaliyeed iyo kaalinta muuqata ee ay ka qaadanayaan sugidda amniga iyo xoreynta deegaannada ay ku dhuumaaleysanayaan kooxaha argagixisada.

Taliyaha Ciidanka Xoogga Dalka Soomaaliyeed, Sarreeye Guuto Ibraahim Maxamed Maxamuud, ayaa dhankiisa ku ammaanay shacabka degmada Ceeldheer garab istaagga ay u muujiyeen ciidamada, isaga oo ku boorriyey inay sii xoojiyaan wada shaqeynta ay la leeyihiin Ciidanka Xoogga Dalka Soomaaliyeed si loo dardargeliyo howlgalada lagu ciribtirayo kooxaha argagixisada loona xaqiijiyo amni waara

Muqdisho 6da Luulyo  2026 Raysalwasaare Xamse Cabdi Barre ayaa gaaray magaalada Baydhabo. Waxaa ooga horreeyay wasiiro iyo xildhibaano ka tirsan dawladda federaalka ah ee muddo xileedkeedu dhammaaday. Dhanka kale, waxaa Baydhabo tagay Madaxweynayaasha Waqooyi Bari iyo Hirshabeelle, iyo Duqa Gobolka Banaadir.

Maanta ayaa loo madlan yahay, caleemasaarka Hogaamiye Aadan Madoobe oo dhawaan lagu doortay doorashada lagu muransan yahay ee qof iyo cod

Puntland 6da Luulyo  2026 Guddi ka kooban siyaasiyiin iyo ganacsato ka soo jeeda gobolka Nugaal ayaa ku guuleystay inay qaboojiyaan xiisad maalmihii la soo dhaafay ka taagnayd magaalada Garowe, taasoo u dhaxaysay maamulka Puntland iyo ciidamo ka amar qaata dowladda federaalka oo ku sugan duleedka magaalada. 

Sida ay ilo xog ogaal ah u sheegeen, xubnaha guddiga ayaa kulan la yeeshay madaxweynaha Puntland, Siciid Cabdullaahi Deni, iyagoo ku qanciyay in aan la qaadin tallaabo ciidan oo ka dhan ah ciidamada ku sugan Garowe. Waxay sidoo kale ku boorriyeen in mudnaanta la siiyo dadaallada lagu xallinayo xiisadda si looga hortago inay isu beddesho isku dhac hubeysan.

Wararka la helayo ayaa sidoo kale sheegaya in guddigu ay la xiriireen Jimcaale Jaamac Takar, oo haatan ku sugan magaalada Laascaanood, isla markaana la sheegay in loo magacaabay taliyaha Qeybta 54-aad ee Ciidanka Xoogga Dalka Soomaaliyeed.

Sida xogaha lagu helayo, guddigu waxay Janaraalka ka codsadeen inuu dib u dhigo safar uu ku tagi lahaa Garowe, si looga fogaado tallaabo ciidan oo Puntland ay qaadi karto haddii uu magaalada soo galo.

Ilo wareedyo ayaa sheegay in guddigu ay gaarsiiyeen farriin ka timid Madaxweyne Deni oo ku saabsan inuusan xilligan soo gelin Garowe. Arrintan ayaa kusoo beegmaysa kadib go’aan ay dhowaan soo saareen Golaha Wasiirrada Puntland oo lagu mamnuucay dhaqdhaqaaqa saraakiisha iyo ciidamada ka tirsan dowladda federaalka gudaha deegaannada Puntland.

Xubno ka tirsan guddiga ayaa u sheegay HOL in Gen. Jimcaale uu aqbalay inuu hakiyo ama dib u dhigo qorshihii uu ku imaan lahaa Garowe, isagoo sugaya natiijada dadaallada ay wadaan siyaasiyiinta dhexdhexaadinta wada. Sida ay sheegeen, wuxuu caddeeyay in ciidamada uu hoggaaminayo aysan wadin wax dhaqdhaqaaq ah oo lid ku ah amniga iyo xasilloonida Puntland, isla markaana aysan qorsheynayn wax dhaqdhaqaaq ciidan ah oo ka dhaca gudaha Puntland.

Guddiga ayaa sheegay inay sii wadaan dadaallada lagu raadinayo xal nabadeed oo suuragelinaya in Gen. Jimcaale uu ugu soo laabto Garowe si aan xiisad loo abuurin. Waxaa sidoo kale la filayaa inay maalmaha soo socda mar kale la kulmaan Madaxweyne Deni, si ay ugu gudbiyaan talooyinka ay diyaariyeen ee la xiriira dejinta xaaladda.

WARARKA MAANTA 3ta Luulyo  2026 

Su’aalaha Maanta: Maxaa ka oohiyey Madaxweyne hore Xassan? Maxay Maraykanka uga jareen/gooyeen dhaqaalihii ay siin jireen #Soomaaliya? Yaa diiday inuu dhiso maqaamka #Muqdisho? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta?  Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

African union 5ta Luulyo  2026 Midowga Afrika (AU) ayaa ka digay in howlgalka Taageerada iyo Xasilinta Midowga Afrika ee Soomaaliya (AUSSOM) uu wajihi karo caqabado amni iyo saadka ah oo culus, kadib markii Mareykanku si rasmi ah u xaqiijiyay inuu joojinayo taageerada uu siiyo Xafiiska Taageerada Qaramada Midoobay ee Soomaaliya (UNSOS) laga bilaabo 31-ka Diseembar 2026.  

Warsaafadeed laga soo saaray kulan degdeg ah oo ay yeesheen La-taliyeyaasha Militari ee Golaha Nabadda iyo Ammaanka Midowga Afrika ayaa lagu sheegay in joojinta taageerada UNSOS ay halis gelin doonto awoodda howlgalka AUSSOM ee dhinacyada saadka, daad-gureynta dhaawacyada (MEDEVAC), shidaalka, biyaha, raashinka iyo gaadiidka cirka.

Warbixintu waxay muujisay in miisaaniyadda taageerada saadka ee UNSOS ay gaareyso $502 milyan, halka miisaaniyadda sannadlaha ah ee AUSSOM ay tahay $190 milyan, taasoo ka dhigaysa taageerada UNSOS laf-dhabarta howlgalka. 

Midowga Afrika ayaa sidoo kale ka digay in haddii aan la helin hannaan cusub oo lagu beddelo taageerada UNSOS, ay sii kordhi karto nuglaanta magaalooyinka istaraatiijiga ah, ay yaraan karto awoodda gurmadka caafimaadka, isla markaana ay kooxda Al-Shabaab ka faa’iideysan karto farqiga ka dhasha howlgalka. 

Intii uu socday kulanka, waxaa la soo bandhigay saddex waddo oo suurtagal ah oo lagu wajihi karo xaaladda, tan koowaad ayaa ah In AUSSOM lagu sii wado iyadoo taageero laba geesood ah laga raadinayo dalalka deeq-bixiyeyaasha, mida labaad In la dhiso howlgal goboleed oo ka yar kan hadda jira Ama in si tartiib tartiib ah ciidamada AUSSOM looga saaro Soomaaliya, iyadoo mas’uuliyadda amniga lagu wareejinayo ciidamada dowladda Soomaaliya.

Mas’uuliyiinta Midowga Afrika waxay xuseen inaan weli wax go’aan kama dambeys ah laga gaarin xulashooyinkan, iyadoo wada-tashiyo dheeraad ah la filayo maalmaha soo socda. 

Puntland 5ta Luulyo  2026Wasiiru Dowlaha Wasaaradda Warfaafinta Puntland, Najiib Barkhadle Warsame, ayaa ku eedeeyay dowladda federaalka Soomaaliya in qorshaha ay ku sheegayso qorista ciidamo cusub uusan ahayn mid lagu dhisayo ciidan qaran, balse uu yahay dadaal lagu wiiqayo amniga iyo xasilloonida Puntland. 

Najiib Barkhadle ayaa sheegay in mas’uuliyiinta dowladda federaalka ay ku dhawaaqeen qorshe lagu qorayo tobannaan kun oo askari, isagoo su’aal geliyay sababta ciidamo cusub looga qoranayo Puntland xilli uu sheegay in maamulkaasi uu muddo dheer safka hore kaga jiray dagaalka lagula jiro kooxaha argigixisada.

Wasiir Barkhadle ayaa sheegay in ciidamada hadda la qorsheynayo in laga qoro Puntland aan loogu talagelin dhismaha ciidan qaran ama xoojinta amniga dalka, balse uu rumeysan yahay in loo adeegsan doono abuurista qalalaase iyo carqaladeyn lagu sameeyo deegaannada xasilloon ee Puntland.

Wasiirka ayaa ku eedeeyay madaxda dowladda federaalka inay ka dambeyso qorshe lagu khalkhalgelinayo Puntland, isagoo sheegay in shacabka Puntland looga baahan yahay inay ilaashadaan maamulka, dowladnimada iyo xasilloonida deegaannadooda, isla markaana aysan ku kadsoomin, sida uu yiri, olole siyaasadeed oo ka dhan ah Puntland.

Muqdisho  5ta Luulyo  2026 Madaxweynaha Soomaaliya, Xasan Sheekh Maxamuud, ayaa Madaxtooyada Qaranka ku qaabilay Duqa Magaalada St. Louis Park ee Gobolka Minnesota, Marwo Naadiya Maxamed, oo booqasho ku timid Soomaaliya. 

Kulanka ayaa diiradda lagu saaray doorka qurba-joogta Soomaaliyeed ee horumarinta dalka iyo xoojinta xiriirka u dhexeeya Soomaaliya iyo Mareykanka.

Sida lagu sheegay war-saxaafadeedka Madaxtooyada, Madaxweyne Xasan Sheekh ayaa ku ammaanay Naadiya Maxamed guulaha ay ka gaartay hoggaaminta iyo ka qeybgalka siyaasadda Mareykanka, isagoo xusay in guulaheeda ay muujinayaan kartida iyo kaalinta ay Soomaalidu ku leeyihiin bulshada caalamka.

Madaxweynaha ayaa sidoo kale ku dhiirrigeliyay Duqa Magaalada St. Louis Park inay sii xoojiso dadaallada lagu kobcinayo xiriirka labada dal, isla markaana ay ka qeyb qaadato horumarinta maalgashiga, adeegyada bulshada iyo dib u dhiska Soomaaliya.

Muqdisho  5ta Luulyo  2026  Ciidanka Xoogga Dalka Soomaaliyeed, gaar ahaan Kumaandooska Danab, ayaa sheegay inay fuliyeen howlgal qorsheysan oo ka dhacay deegaanka Farsoleey, kaas oo lagu bartilmaameedsaday xubno ka tirsan Al-Shabaab.  Sida lagu sheegay war-saxaafadeedka ciidamada, howlgalka waxaa lagu dilay 15 xubnood oo ka tirsanaa Al-Shabaab, halka 20 kale lagu dhaawacay. 

Ciidanku waxay sheegeen in tiradan lagu xaqiijiyay warbixinno hordhac ah oo laga helay goobta howlgalka sida ku cad war saxaafadeedkoodi.

War-saxaafadeedka ayaa sidoo kale lagu sheegay in ciidamada ay burburiyeen xarumo iyo goobo ay kooxda u adeegsan jirtay abaabulka iyo qorsheynta falal amni-darro.

WARARKA MAANTA 3da Luulyo  2026 

Su’aalaha Maanta: Maxuu Madaxweyne xilka ka dhammaaday Mudane Xassan “Dhuuso-Fooxiye” u rabaa in la burburiyo #Puntland Iyo #Somaliland? Yaa dastuurkii dalka beddeshay Madaxweyne hore Xassan “Dhuuso-Fooxiye”? Yaa boobay qabuurihii Madaxweyne hore Xassan “Dhuuso-Fooxiye”? Yaa si sharci-darro ah ku jooga Madaxtooyadda “Dhuuso-Fooxiye” Madaxweyne Xassan? Yaa maanta xirxiraaya qofkii runta sheega?  Yaa diiday inuu dhiso maqaamka #Muqdisho? Maxay xukuummadda Kutaanta/Dhiqlaha” ee Raysal Wasaare Mudane Xamsa Cabdi Barre “OG-360 Dhaweeye” u amartay in muddo korarsi ah la sameeyo? Yaa noqday Madaxweyne iyo Raysal Wasaare ku fashilmay hogganka dalka maanta?  Maxay beesha caalamka u diiday inay wax dhaqaallo ah iiso Dowladda Soomaaliya? Maxuu ku fashilmay Raysal Wasaare Mudane Xamsa Cabdi Barre “OG-360 Dhaweeye” oo ay xukuummaddiisa ku fashilantay hogganka dalka iyo la shaqaynta beesha caalamka taasoo dhaqaallihii u diiday inay siiso xukuummadda “Dhiqlaha/Kuntaanta? Yaa Soomaali iyo beesha caalamka la wadashaqayn kara? Ha wiqleyso! 

Muqdisho  3da Luulyo  2026 Haweenka oo si mug leh uga qaybqaata waxa ay udub-dhexaad u tahay dhismaha hay’ado amni oo waxtar leh, la xisaabtan leh, dhammaan bulshadana u dhan tahay.

Dhawaan waxaa magaalada Muqdisho ku soo gaba-gaboobay tababar ku saabsan tababarka tababarayaasha oo loo qabtay 35 wakiil oo ka kala socday Xafiiska Amniga Qaranka, xafiisyada amniga ee Dowlad Goboleedyada, wasaaradaha iyo hay’adaha amniga dalka. Tababarkan ayaa diiradda lagu saaray sidii loo dhaqangelin lahaa ajandaha Haweenka, Nabadda iyo Amniga (WPS) ee qaybta amniga Soomaaliya.

Tababarkan oo ay iska kaashadeen Xafiiska Amniga Qaranka, si wadajir ahna ay u taageereen Xafiisyada UNTMIS_iyo UNDP Soomaaliya, ayaa ka-qaybgalayaasha siiyay xirfadihii ay ku bilaabi lahaayeen diyaarinta khariidado-hawleed heer Dowlad Goboleed ah. Tallaabadan ayaa qayb ka ah qorshe-hawleedyada mustaqbalka ee lagu xoojinayo doorka iyo hoggaaminta haweenka Soomaaliyeed ee ku aaddan arrimaha amniga.

Muqdisho 3da Luulyo  2026  Agaasimaha Guud ee Hay’adda Socdaalka iyo Jinsiyadda Soomaaliyeed, Xuseen Qaasim Yuusuf, ayaa sheegay in Soomaaliya ay bisha Oktoobar 2026 si rasmi ah u soo saari doonto baasaboor cusub oo casri ah, kaas oo leh astaamo amni oo la jaanqaadaya heerarka caalamiga ah. 

Xuseen ayaa sheegay in baasaboorka cusub uu yahay jiilka saddexaad (third generation), isla markaana lagu kordhiyay astaamo amni oo sare u qaadaya kalsoonida iyo aqoonsiga dukumentiga safarka ee Soomaaliya.

Sida uu sheegay Agaasimuhu, baasaboorka cusub waxaa lagu xiri doonaa Kaarka Aqoonsiga Qaranka, iyadoo xogta aqoonsiga muwaadinka lagu dari doono bogga xogta (data page) ee baasaboorka.

“Marka la gaaro bisha Oktoobar waxaan yeelan doonnaa baasaboor cusub oo casri ah, waxaana lagama maarmaan noqon doonta in Kaarka Aqoonsiga Qaranka uu qayb ka noqdo nidaamka bixinta baasaboorka,” ayuu yiri Xuseen.

Muqdisho  3da Luulyo  2026  Maraykanka ayaa sheegay in uusan taageeri doonin sii socoshada maalgelinta iyo taageerada saadka ee Qaramada Midoobay ay siiso Howlgalka Midowga Afrika ee Soomaaliya (AUSSOM) wixii ka dambeeya 31-ka Diseembar 2026, isagoo sabab uga dhigay in Soomaaliya ay ku guuldareysatay inay la wareegto mas’uuliyadda amnigeeda inkastoo ay heshay taageero caalami ah oo socotay muddo ka badan toban sano. 

Qoraal rasmi ah oo ay 1-da Luulyo 2026 Ergada Maraykanka u dirtay guddiga Midowga Afrika ayaa lagu sheegay in Washington aysan diidmo ka qabin in Golaha Ammaanka ee Qaramada Midoobay uu kordhiyo waajibaadka AUSSOM, balse aysan taageeri doonin wax cusboonaysiin ah oo ay ku jirto xafiiska Qaramada Midoobay ee UNSOS ama nooc kasta oo taageero saadka iyo hawlgalka ah oo Qaramada Midoobay bixiso.

Maraykanka ayaa xusay inuu tan iyo 2007 ku bixiyay ku dhowaad laba bilyan oo doollar taageerada UNSOS iyo hay’addii ka horreysay, $1.6 bilyan oo kale oo gargaar laba geesood ah oo la siiyay dalalka ciidamada ku leh howlgalka, iyo boqolaal milyan oo doollar oo lagu taageeray ciidamada ammaanka Soomaaliya, marka laga soo tago gargaar bani’aadannimo iyo mid horumarineed oo ballaaran.

Muqdisho  3da Luulyo  2026 Wasiiru-dowlaha Wasaaradda Arrimaha Dibadda Soomaaliya, Cali Balcad, ayaa si adag uga jawaabay warbixin ay soo saartay hay’adda International Crisis Group (ICG), taas oo ka digtay in Al-Shabaab ay 2025 sameysay horumarro milatari oo dib u celiyay guulihii ay dowladda Soomaaliya sheegatay labadii sano ee la soo dhaafay. 

Qoraal uu ku daabacay bartiisa X, ayuu Cali Balcad ku sheegay in ay “caado noqotay” in qaar ka mid ah goobaha siyaasadda lagu sawiro Soomaaliya sidii dal si joogto ah u fashilmay, isla markaana aan awood u lahayn inuu iskiis u maareeyo amnigiisa, dib u dhiso hay’adihiisa, ama si wax ku ool ah isu maamulo.

Wuxuu sheegay in sheekadaas ay tahay mid “aan dhammaystirnayn oo aan caddaalad ahayn,” isaga oo xusay in dowladda Federaalka ee uu hoggaamiyo Madaxweyne Xasan Sheekh Maxamuud ay ku hawlan tahay saddex arrimood oo uu ku tilmaamay kuwa ugu adag ee dowlad daciif ah wajihi karto: la-dagaallanka Al-Shabaab, dhismaha ciidamada amniga qaranka, iyo dib-u-eegista dastuurka oo uu ku sheegay aas-aaska doorashooyin sharci ah iyo dowlad dhisan.

“Ma jiro khabiir dhab ah oo ku takhasusay dib-u-dhiska dalalka colaadaha ka soo kabanaya oo odhan kara midkoodna hawlahan waa sahlan yahay,” ayuu yiri Cali Balcad, isagoo intaa ku daray in Soomaaliya ay isku mar u wajahday dhammaan caqabadahaas “iyadoo dagaal ku jirta isla markaana ay saameynayaan kheyraad yaraanta.”

Muqdisho  3da Luulyo  2026 Madaxweynaha Soomaaliya Xasan Sheekh Maxamuud ayaa sheegay in uusan jirin wax xiriir ama wada-shaqeyn ah oo u dhexeeya dowladda federaalka iyo maamulka Puntland, isaga oo eedeymaha sheegaya in dowladda dhexe ay ka abaabulayso qalalaase Puntland ku tilmaamay kuwo aan sal iyo raad lahayn. 

Khudbad ka uu jeediyay munaasabad ka dhacday Muqdisho,  ayuu madaxweyne Xasan Sheekh sheegay in wasaaradaha dowladda federaalka iyo kuwa Puntland aysan wada shaqeyn, isla markaana xiriirka labada dhinac uu gebi ahaanba hakad ku jiro.

“Waxba kama jiraan eedeymaha sheegaya in Muqdisho laga abaabulayo fitno laga hurinayo Puntland,” ayuu yiri madaxweynaha Soomaaliya.

Madaxweynaha ayaa sidoo kale beeniyay eedeymaha ah in dowladda federaalka ay ciidamo ama maleeshiyaad ka abaabulayso Muqdisho si ay uga hawlgalaan Puntland.

Wuxuu sheegay in askarta laga qoray deegaannada Puntland ay muddo bilo ah ka tirsanaayeen ciidamada dowladda, mushaharna ay si joogto ah u qaadanayeen, isaga oo xusay in aysan ku lug yeelan falal amni-darro ama qalalaase.

Xasan Sheekh ayaa ugu baaqay hoggaanka Puntland in khilaafaadka siyaasadeed lagu xalliyo wada-hadal, isaga oo sheegay in dowladda federaalka ay diyaar u tahay wadahadal kasta oo lagu xallinayo kala aragti duwanaanshaha jira.

Madaxweynaha ayaa sidoo kale ku eedeeyay maamulka Puntland inuu hor istaagay hirgelinta qaar ka mid ah barnaamijyada dowladda federaalka, oo ay ku jiraan qorshe lagu tababarayay laguna qorayay boqolaal macallin oo laga shaqaaleysiin lahaa dugsiyada gobolka, isaga oo sheegay in barnaamijyadaas laga hirgeliyay dowlad-goboleedyada kale balse Puntland ay diiday.

Hadallada Xasan Sheekh ayaa imaanaya iyadoo xiisadda siyaasadeed ee u dhaxaysa dowladda federaalka iyo Puntland ay sii xoogeysaneyso, kadib khudbad uu toddobaadkan jeediyay Madaxweynaha Puntland Saciid Cabdullaahi Deni, kaas oo ku eedeeyay dowladda federaalka faragelin iyo tallaabooyin uu sheegay inay wiiqayaan nidaamka federaalka.

Muqdisho  3da Luulyo  2026  Khudbadda 1da luulyo

Caawo waxaan xusaynaa maalinta Xorriyadda iyo midnimadda, gaar ahaan Kowda Luulyo, oo ah maalin weyn oo ku suntan dhalashada Jamhuuriyadda Soomaaliya.

Waa maalintii calanka Soomaaliyeed si xor ah looga taagey dhulka Jamhuuriyadda, lana dejiyey calankii iyo calaamadihii gumeystayaasha Talyaaniga, Ingiriiska iyo calankii UN-ta.

Waxaynuna kamid noqoqney dalalka dunida, inagoo noqoney qaran madax-banaan.

Caawa waxeynu halkaann u joognaa farxada iyo qiimaha weyn ee habeenkaani lee yahay, waxaan jeclahay in aan caawa dib isu xasuusino taariikhda iyo guusha aan u dabaaldegayno iyo qeybo kamid ah

dhacdooyinkii waaweynaa ee halgankii gumeysi-diidka Soomaaliyeed.

Gumeystaha ka hor.

– Bulshada Soomaaliyeed waxay aheyd bulsho kunool Geeska Afrika, lehna nidaamyo maamul, hogaamiyayaal dhaqan iyo kala danbeyn ka jirtey deegaanadda oo ku saleysan xeerar dhaqan iyo talo- wadaag

– Bulshada waxaa indheergarad u ahaa culimada, abwaannada, odayaasha dhaqanka, ganacsatada iyo hoggaamiyeyaasha bulshada.

Wakhtigii Gumeystuhu Soo Galey Dhulka Somalida.

1- Kadib Shirkii Berlin ee ka dhacey dalka Germany sanadkii 1884, quwadihii reer Yurub waxay bilaabeen inay si rasmi ah u qeybsadaan qaaradda Afrika.

2- Dhulka Soomaaliyeedna wuxuu qeyb ka ahaa dhulalkaas la qeybsadey si loo maamulo, ayna isku balaariyaan

3- Ingiriisku wuxuu gobollada waqooyi soo galey intii u dhexeysay 1884 ilaa 1887

4- Halka Talyaanigu uu soo galey dhulka Soomaaliyeed sanadkii 1889, maamulka Talyaaniguna wuxuu si weyn u xoogaystay wixii ka dambeeyay sanadkii 1905

Soo geliddii gumeystayaasha kadib, Soomaalidu gumeysiga si fudud kuma aqbalin, waxaa bilowday iska-caabbin, kacdoon iyo halgan dheer oo

lagaga soo horjeeday qabsashada shisheeye.

5.Halganka gumeyste-diidka Soomaalida wuxuu ka bilowday kacdoonno hubeysan 1890-meeyadii, wuxuuna ku fiday dhaqdhaqaaqyo siyaasadeed

oo horseeday xornimada Soomaaliya 1960.

Halgankaas xornimo wuxuu lahaa dhacdooyin iyo halyeeyo waaweyn.

Waxaana ka mid ahaa –

6- 1890-meeyadii ilaa 1908, waxaa deegaanadda Benadir iyo Shabeelooyinka ka dhacey kacdoono lagu diidan yahay gumeystihii Talyaaniga, Waxaana dhacey dagaalkii Lafoole 1896.

7- Sanadaddii 1899 – 1920 waxaa isna dhacey halgankii Sayid Maxamed Cabdulle Xasan iyo Daraawiishta, oo muddo dheer la dagaallamey gumeysiga. Sida Dagaalladii Afbakeeyle, Jidbaale, Dulmadoobe iyo goobo kale waxay noqdeen astaan muujinaysa in

gobannimada lagu gaaro naf-hurnimo, adkeysi iyo midnimo.

8- 1924 waxaa dhacey isna Kacdoonkii Sheekh Xasan Barsane, oo ka dhacey Shabeellaha Dhexe, wuxuuna ka dhan ahaa gumeysigii Talyaaniga.

9- Sanadihii 1925 ilaa 1927, waxaa jirey iska-caabbino iyo kacdoono ka dhacey deegaanadda iyo xeebaha bari ee dalka sida  Degmada Xaafuun, dagaaladaas oo lagu diidanaa farogelinta gumeystayaasha

9-1- 15 May 1943, waxaa Muqdisho lagu aas-aasay ururkii SYL.

Ururkaan dhaliyarada ahi wuxuu noqdey tiirkii ugu weynaa ee halgankii siyaasadeed ee xornimada.

10- 1948, banaanbaxyadii Muqdisho iyo dagaalkii Hanoolaato.

Waxaa halkaas ku shahiiday dad Soomaaliyeed oo ay ka mid ahayd Xaawo Taako, oo noqotay astaan geesinimo, waddaniyad iyo midnimo qaran.

11- 1949, dhacdadii Dhagaxtuur iyaduna waxay ka mid tahay dhacdooyinka muhiimka ah ee halganka Soomaaliyeed. Waxay muujisay sida shacabka, gaar ahaan dhallinyaradu, uga dhiidhiyeen

dulmiga gumeysiga, una muujiyeen rabitaankooda xornimo, Sharaf iyo qaranimo.

– Halgamadaas kala duwan waxaa sidoo kale qeyb weyn ka qaatay askar, dagaalyahanno iyo muwaadiniin Soomaaliyeed oo aan magacyadooda la diiwaangelin. Qaar badan waxay ku shahiideen goobaha dagaalka iyaga oo difaacaya dhulka, sharafta iyo xorriyadda shacabka Soomaaliyeed.

Xusuustooda waxaa manta astaan u ah Taalada Daljirka Daahsoon ee magaalada Muqdisho.

– Daljirka Daahsoon wuxuu matalaa askarigii aan la magacaabin, geesigii aan magaciisa la qorin iyo muwaadinkii Soomaaliyeed ee naftiisa u huray in dalkani xor ahaado, calankiisuna taagnaado.

– Calanka Soomaaliyeed wuxuu isna ahaa dhacdo kale, wuxuuna astaan u yahay dhammaan halganadaas. 12-kii Oktoobar 1954-kii, calanka buluugga ah ee xiddigta cad leh ayaa si rasmi ah loogu arkay fagaarayaasha, taasoo qalbiyada Soomaaliyeed ku beertay farxad, rajo iyo yididiilo.

12- Halganka Soomaalidu kuma ekaan 1960, waxaa la raadiyey dhulalkii maqnaa ee Soomaalida, walaalaheen Jabuuti waxay sii waday halganka ka dhanka ahaa Faransiiska ilaa ay xornimo ka qaadatey

27 Juun 1977.

Mudane Madaxweyne iyo Mudanayaal,

Dhacdooyinkaas taariikhiga ah waxay na barayaan in xornimadu aysan ku imaan si fudud. Waxay ku timid dhiig, halgan, midnimo iyo aragti qaran.

Sidaas darteed, maanta waxaa muhiim innoo ah in aynu ilaalinno calanka, midnimada, wadajirka iyo dowladnimada Soomaaliyeed, kana feejignaano damacyadda shisheeye ee guracan.

Ugu dambeyntii, Mudane Madaxweyne, mudanayaal iyo marwooyin

Waxaan u ducaynaynaa dhammaan halyeeyadii Soomaaliyeed ee u soo

halgamey gobannimada, kuwii magacyadooda la yaqaan iyo kuwii aan laqoonba.

Dhanka kale, waxaan mahadnaq iyo bogaadin u jeedinayaa guddiyadii qabanqaabada Todobaadka Xorriyadda iyo Midnimada iyo Maamulka Gobolka Banaadir doorkii muhiimka ahaa ee ay ka qaateen diyaarinta iyo bilicda munaasabadaha.

Waxaan sidoo kale u mahadcelinayaa ciidamada amniga, warbaahinta, fannaaniinta, dhallinyarada, haweenka iyo dhammaan cid kasta oo ka qeyb qaadatey qabsoomidda xuskan.

Hambalyo Kowda Luulyo.

Mahadsanidiin.